 |
 |
 |
 |
 |
 |
 |
 |
 |
|
||||||
| أسرة الحارة صوت الأسرة والمجتمع |
 |
|
|
أدوات الموضوع |
19-04-2009, 03:01 AM
|
|
||||
|
فوتوغرافية إحترافية
|
يا يمه روحي خطبيلي قمر صبحني في ليلي / يا ويلي اذا ردوج يا ويلي .~
 السلام عليكم ورحمة الله وبركآته من أول أبي أنزل موضوع فيذا  بس ابد ماعندي فكره معينه  ولا لي بالبربره قلت يابنت سمي بالله ونزلي هالموضوع يالقرشعه او القرشعه  فآصل قصير يا يمه روحي خطبيلي قمر صبحني في ليلي  يا ويلي اذا ردوج يا ويلي يا ويلي لو طلع مخطوب شسوي بقلبي المسلوب انا قلبي غيره ما يبي محبوب & & & & اذا شفتي امه يا يمه امانه قولي هالكلمة يا حرمه ترى ولدي نشف دمه يا يمه روحي خطبيلي قمر صبحني في ليلي يا ويلي اذا ردوج يا ويلي & & & & انا من شفته حبيته شهقت لما لاقيته حبيته ذبحني يخرب بيته يا يمه روحي خطبيلي قمر صبحني في ليلي يا ويلي اذا ردوج يا ويلي & & & & يا يمه روحي خطبيلي خلج حديد مدري الهوى شناويلي صايدني صيد يا يمه روحي خطبيلي خلج حديد انهد هدد هدد حيلي مابي اعيد يمه يمه يمه يمه يمه يمه .. بسم الله هالاياام شبابنااا هاابين بالزواج من لصغيرونااات  وش السر في ذالك ؟؟؟ من جد عجزت افهمممم يقالكم قبل اسبوع متصله وحده تقرب لنا / لجدتي  ام فلان : الو جدتي :ياهلاا والله الله حيهااا ام فلان : الله يسلمك ومن بعد التحايا اللي وصلت فوق الربع ساعه بدون مجامله دخلت الحرمه دوغرري بالموضوع ام فلان : والله عمتي بغيناا وحده من البنات لولدي ...... وولدي .... جدتي : والله ماطلبتي البنات حلالك ام فلان : الله يسلمك والله بغيت بنت ولدك فلانه و فلانه جدتي : والوجهه انقلب 180 درجه وبلعت العافيه وتلعثمت بالحكي ====== للمعلومه بالوقت هذا كل العائله كانت مجتمعه كعادة كل يوم ربوع وكان الجوال ماايك والكل يسمع المحادثه --- اشتغلت اللقافه جدتي : بعد صمت 3 ثواني والله ماطلبتي والبنات بناتك بس اسمحيلييي هالبنتين صغيررات ولاجاا الوقت اللي يناسبهم للعرس ام فلان : والله عارفه انهم صغاار وانا ابي اخطبهم هالحين والزواج بعد سنه او سنتين ليما يخلصون دراسه جدتي : لا والله حتى خطوبه مانبي لهم هالفتره البنات متفوقات بدراستهم ومانبيهم ينشغلون بأمور الزواج هالحين ام فلان : واهي تجر اذيال الخيبه طيب وحده من البنات بس لودلي ...... جدتي: والله لو بيدي عطيتك الثنتين بس ولدي ( اللي اهو ابوهم ) يقول من كم شهر بس ان لو يجون عرسان لبناتي ماازوجهم بعدهم صغار واحس مابعد ربيتهم مابعد عطيتهم اللي يبون مابعد ابيهم يطلعون من البيت الخ ............. ام فلان : سلمي ع لعيال اها على خير جدتي : الله يسلمك .................................................. ............... وانتهت المحادثه وبدأ كذا شخص بالعائله يتكلمون عن هالموضوع وطبعن الكل كان معارض  وحده من الحظور : والله مايستحون الحين ماشافت عيالها قبل تطلب لهم هالبنات ؟  صغيرونات ومابعد انهو دراستهمولا ناسيه انهم متفوقات والاوائل على مدارس منطقتهم ؟ وعيالها اللي ماااكملوو حتى المتوسطه وحده اخرى من الحظور : والله مشكله هالحين البنت ...... لو ماتعطينها تشاكلت بكت مثل لصغار جايين يخطبونها عالم مريضه وحده اخرى : اللي يدبل الكبد مايبون الا صغار طيب عندهم البنات لكبار المناسبيين لااعمار عيالها ولو ع الجمال البنات بنفس جمالهم كلهم عيال عم و و و و و و طبعن انا انسانه لايعه كبدي من القصه كلها من جد كرهت الحرمه كرهه ماهو بطبيعي عيالهاا معروفين بالعيله صحيح شباب محترمين هالشيء ماشي  بس يعني اعمارهم واحد 27 والثاني 25 ويبون بنات بعمر 15 و 16 طيب عندكم في العيله من عمر 19 و 20 و 23 احسهم مناسبين لهم وغير كذا البنات اللي طالبينهم لزواج بنات دفورات بشكل عندهم الدراسه اهم شيء بالحياه الله يحفظهم ولايغير عليهم وفكرة الزواج ماهي ببالهم ابد وغير كذا لو بس امزح مع وحده منهم جلست تتبكبك يعني مسؤؤلية الزواج مو لعمرهم وشخصيتهم والحرمه تشوفهم بالعائله نعتبرهم صغيرات العايله وندلعهم وندللهم ومافيهم اي شيء يدل على انهم كبيرات ويتحملون مسؤؤلية الزواج وغير كذا والله والله يشهد علي مااعيب على خلقتهم بس هالنقطه ببالي لعيال سمران والبنات من البشره البيضااء طيب تبون تعدلون النسل اختار بنت تكون أجمل منك بشوي طيب بشويات ماهوب تختار الجمال الفائق والبياض الخيالي طيب انت عينك سود اختار بنت عيونهااا بني مو تقفز لراعيات العيون الخضر ؟ والله مشكله هالعالم ادري تكلمت كثيررر بس شسوي من قهري  نجي للأسئله : * الشاب اول مايقول يبي يتزوج ليه مايختار عمر زوجته مناسب لعمره ؟ وليه مايختار بنت تناسبه بالجمال يعني يكون جمالها مناسب له ماهوب ينقز لبنت اجمل منه بمليون * ليه الحرمه قبل ماتخطب تشوف القاسم المشترك بين ولدها والبنت اللي بتخطبها مثل لفلانه اللي قد ذكرت عيالها ماكملوو المتوسطه ويبون بنات يعشقون الدراسه ؟ واعمارهم كبيره بعتبار البنات اللي مختارينهم ؟ * تقبل / ي تتزوج بنتك ,او اختك , على شخص اكبر منها بالعمر ولا لازم العمر يكون مناسب ؟ * الولد لو امك اختارتلك بنت بال 16 وانت عمرك 25 ؟ تقبل بالبنت وليه ؟  * البنت لو جاك ولد وعمره 25 وانتي 16 تقبلي بالزواج او لا ؟ وليه ؟  * رايكم بمحادثة جدتي وام فلان ؟ومن فيهم غلط  وبس هنا انا انتهيت
المآيك لكم  اتمنى موضوعي خفيف لطيف وليس مزعج على سموو حظرتكم تشآ تشآ  محدثتكم لسعه هانم  |
||||
|
|
19-04-2009, 03:10 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عدسة واعده
|
اول شي اول شي.. نبعد عن التعميم لأن مو كل واحد يخطب وحده صغيره صغيره ثاني شي حتى لو شكل الرجل شين طبيعي يبي زوجته حلوه وهالشي نفسي.. ولو بندقق بالتفاصيل هذي اللي اعتبرها شبه تافهه ماكان احد اعرس.. كثيرنشوف بنات حلوات و ازواجهم شيون وعايشين ومبسوطين.. الشكل ماهو مقياس ابد.. ولاهو اساس الزواج اما العمر معتس حق المفروض يختار وحده قريبه لعمره عشان يقدرون يتفاهمون مع بعض..
كلامتس صحيح.. بس معقول اروح ادور على بنت بالوقت هذا مامعها الا شهادة ابتدائي او متوسط عشان تناسب الولد بمستواه التعليمي.. غير الاخلاق والدين والطبايع والاصل والنسب اللي هي اساس الزواج اصلا.. لو كذا يالسعه محد بيعرس بنفس الوقت البنت المتعلمه ماتبي شخص اقل منها بالتعليم.. تحب يكون زوجها جامعي.. وهالشي يفرق بين الناس.. في بنات يرضون وفي بنات لا
لازم يكون مناسب..
اكيد لا لأنه بالنسبه لي شايب
عجبتني جدتس  موضوع بطل يالسعتي
آخر تعديل طفلة الورد
في 03:37 AM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
19-04-2009, 03:27 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
خيال شعري متميّز
|
عمر الزواج للبنت من ال 18 لل 25 , وهذا العمر المناسب للرجل مهما كان عمره ( وهذا واقع أنا ضده << خاف هههههه ) ولايزعلون مني الي طافهم القطار .
دائما الواحد يبحث عن الجمال يعني مو معقوله واحد تحصل له ملكة جمال ويدور جمال اقل منه .
لانها تشوف عيالها احسن ناس وتبيلهم أحسن شي ( والقرد في عين امه غزال )
والله ماعندي ردود عجزت ارقع للعجوز الي ماتترقع , بس اكيد العيال مزعجين امهم يبون فطافيط يعوضونهم عن ما راح من عمرهم .
طبعا لازم يكون العمر مناسب واهم شي انه مايتعدى الفرق الي بينهم الخمس سنوات .
أقبل وبشده وبأصرار ....  بس مو16 ابتلش فيها ولكن تكون ماتعدت العشرين << يعني مبعد الحين
أكيد ام فلان على غلط ولاسباب أولا لان العجوز جدتك ثانيا لان ام فلان مانعرفها ولالها صله بالمنتدى ثالثا ان كلام جدتك عين العقل وهذا المهم شكرا ع الموضوع ولا عاد تكتب فواصل
آخر تعديل عبدالله العبيوي
في 03:36 AM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
19-04-2009, 03:53 AM
|
|
||||
|
نبضُ المكتبة
|
الزواج عندنا " أكشط وأربح أو أخسر " ما أتوقع أنهُ يخرج من هذه القاعده لأنك تأخذ أنسانة لا تعرفها ولا تعرّف من هي سوى أنك تعرف أن أباها شخص ممتاز ويقيم صلاته في المسجد مع الجماعة , وأخاها مؤدب من البيت للمسجد ويجلس مع بعض الأصدقاء لقولون بعض الأحكام وبعض آثار أجدادهم في القديم وبعض المحادثات , وآخر الأسبوع يتجه نحو بلاد ما ورّى البحرين ! لأنه لدّيه حق شرعي أكمل الواحد والعشرون سنة , والبنت لا تعلم مالذي تدّورة في هذه الدوامة ! لا أحد يدّعي أني أُريد أن أتعرف على البنت لكي تكون صديقتي وزميلتي وبعد معرفتي بها هل من الإمكان أن أرتبط بها أو لا ؟ أبدا ً حشى لله ِ أن أكون هكذا لدّي قيم وإلى الآن آنتمي إلى التيار الوهابي وأهل السنة والجماعة ومذهب أحمد بن حنبل رضي الله عنهم جميعا ً ولكن لماذا يكون علينا التحتم بأختيار شريكة حياتنا بهذه الطريقة التقليدية البيروقراطية , لماذا لا تتغير إيدلوجياتنا ؟ وتكون مناسبة للإسلام والمسلمين نُريد أن نتحرر بالأسلام وتحت ضلّة , حتى لا ندخل النار لأن النار تحرق أصابعيكم ! . ربي أرحمني وأبعد عن أمرأة لا يهما إلا ذا وذاك . |
||||
|
|
|
19-04-2009, 04:02 AM
|
|
||||
|
من شيوخ الحاره
|
. . * الشاب اول مايقول يبي يتزوج ليه مايختار عمر زوجته مناسب لعمره ؟ وحده من ناس نعرفهم بنتهم ب اول ثانوي و مزوجينها واحد عمره 27 ولله العظيم ., و بعد شهر من الزواج البيت ببيت اهلها و زعلانه الين يومك وتبي تتطلق !المشكله البنت لو عقلها كبير و تحسينها ممكن تتقبل انها تكون زوجه و مسؤوله نقول تنبلع شوي ., بس البنت بززززررره ., حراام ولله ., الله يارب يعوضها خير ., احسها مره كرهت الزواج *وليه مايختار بنت تناسبه بالجمال يعني يكون جمالها مناسب له ماهوب ينقز لبنت اجمل منه بمليون ماله دخل هالشي ابد ., الدعوه نصيب و كل انسان يحب الجمال ., اذا انتي شينه و خطبك واحد جميل واجمل منك ب مراااحل ماراح تقولين ليه نقز لوحده اقل منه جمال  ., الا بتنبسطين و يمكن تموتين من الفرحه قبل العرس ., الدنيا نصيب و ياما جميلات ماخذين ناس اقل منهم و مبسوطييييين على الاخير و سعيدات بحياتهم ويحبونهم من كل قلبهم !* ليه الحرمه قبل ماتخطب تشوف القاسم المشترك بين ولدها والبنت اللي بتخطبها الام بنظرها ولدها افضل انسان ويستاهل احسن بنت ., ماراح تدور قواسم مشتركه ., ممكن اذا هو ملتزم وتزوجه وحده ميب ملتزمه هاذي ماعندها نظر .,بس هي لها الظاهر ., نفس العادات و نفس الاذواق و تفكيرهم اثنينهم جيّد و نظرتهم مستقبليه كويسه خلاص ! هاذا الي بتقدر تشوفه هي .,*مثل لفلانه اللي قد ذكرت عيالها ماكملوو المتوسطه ويبون بنات يعشقون الدراسه ؟ ام و تبي لولدها الزين ., *واعمارهم كبيره بعتبار البنات اللي مختارينهم ؟ اكره هاذا الشي * تقبل / ي تتزوج بنتك ,او اختك , على شخص اكبر منها بالعمر ولا لازم العمر يكون مناسب ؟ شوفي ., الدعوه ارجع أقول نصيب ., بس فيه شي معقول و شي مهب معقول ., الشي المعقول انك تكون بنتك او اختك عمرها 22 و تتزوج واحد عمره 26 او 27 او 28 مش معقول ان عمرها اقل من كذا و تتزوج واحد بنفس الاعمار الي فوق !انا كانت امنيتي اتزوج واحد عمره 30 ., و كنت بموووت لو ماخذ واحد عمره كذا ! والحين زوجي المستقبلي بيني وبينه سنه و ثمان شهور .,شفتي كيف الدعوه نصيب ؟* البنت لو جاك ولد وعمره 25 وانتي 16 تقبلي بالزواج او لا ؟ وليه ؟ طبعا لا < وش تبين بالنسبه لي اختي عمرها 16 سنه ومستحيل تتزوج قبل ال 20 اذا هي تبي  !لان بناتنا الحين غير عن عقليات بنات أول وهاذا شي مايفهمونه الامهات ., أول على ايام امي كانت متزوجه و عمرها 16 سنه ! بس كانت عقلها كبير و فاهمه المسؤوليه صح و كانت الدنيا غير !الحين بنت بهالعمر تتزوج ولله من ثاني يوم ببيت اهلها ., حرام لا هي الي عاشت طفولتها زين ولا هي الي بتمسك بيت و زوج و ممكن عيال بعد !--- موضوع حلو ولله ., وانا انسانه اررررررررفض و بعنف زواج البنت قبل سن العشرين ., لاني شايفه تجارب قدامي كثيره و فاشله ! الله يهديهم . .
آخر تعديل روح تٌحلّق بـ تفاؤل
في 04:04 AM.
|
||||
|
|
|
19-04-2009, 04:09 AM
|
|
|||||||||||||||||||||||||||||||||||||||||||||||||||||||||
|
فوتوغرافية إحترافية
|
اول شي اول شي.. نبعد عن التعميم لأن مو كل واحد يخطب وحده صغيره صغيره
اهااا ايه انا ماعممت بس يعنو هذه ظاهره منتشره هالسنه والسنه اللي طافتها ماقلتلك ماحيكونوا مبسوطين واقرب مثال الحرمه اللي دقت على جدتي ولدها الكبير ماخذ بنت ملكة جمال ومبسوطيييييين الله لايغير عليهم بس انا اقول ان الشاب البسيط بشكله ليه يختار بنت جميله جدن ويترك البنات البسيطات طيب اذا كل واحد بيختار بنت جميله البنات البسيطين بالجمال من لهم :
انا اشوف ايه ياخذ بنت بنفس مستوااه لان انسان مايحب التعليم شيء اكيد بيرجع على البنت اللي بياخذها , لان حيتزوجهااا ويوقفها عن الدراسه وتجلسس تجيب في العيال وتنظيف البيت والتربيه ومن بيت لبيت وكل السنوات اللي درستها راحت ع الفاضي فهمتي قصدي يعني لازم ياخذ بنت بنفس مستوى تفكيره :
حظورك البطل اسعدني مرورك
|
|||||||||||||||||||||||||||||||||||||||||||||||||||||||||
|
|
|
19-04-2009, 04:18 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
فوتوغرافية إحترافية
|
شيء اكيد بس في اولويات
رحت فيهااا بس ليه الانانيه يعني عمرك 30 تاخذ بنت 18 ولاتاخذ بنت 27 . ماتحس هالشيء ظلم بحق البنت اللي بتاخذهااا ؟ :
هذا اللي اقوله طيب البنات اللي مختارهم جمال فوق العادي وفيه بنات من العائله بنفس جمالهم واعمارهم 19 و 20 ليه مختارت الام من هالعمرررر ليه الاصغر ؟ :
ماظنتي هالشيء منهم هذا من امهم لان كل ام قادره تغير قرارات ولدهاااا وتعلمه الصح والواجب ؟:
شكلك منهم طيب 19 و 20 و 21 مناسب :
يالبىىآ قلب جدتي اسعدني حظورك بس ليه تكلمني بالمذكر ؟ ولايهمك ماعاد احط فاصل
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
19-04-2009, 06:05 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عيـّار
|
موضوع رااائع بصراحة
ترى طبيعي الرجل يكون أكبر من البنت وأنا أشوف الى حد خمس سنوات معقول وإذا على كلامك الشاب عمرة 27 والبنت 15 لا مهب لهالدرجة عاد اشوفها صعبة !!!
بس حلوة ينقز حسيّت اللّي رايح يخطب كنغر مهب آدمي لسعة الدعوة مهب نقز يابنت الحلال الآدمي طبيعي يبي بنت حلوة من أبسط حقوقة !! وش رأيك يعني تبينة يقول لأمة يمّة بالله شوفيلي وحدة شينة أكيد بيدّورالحلووة لو وجهة تقل بزبوز برّادة ومايأهل بس هذي طبيعة البشر والزين مرغوب والشين منبوذ وارّب ياولد أرّب الزين عندنا والشين حوالينا
هههههههههههههههههههههههه وش قاسم مشتركوه يالسعة الله يهديك هي رايحة تخطب وإلاّ بتشوف الفواق السبعة لا جد لسعة معليش.. بس الأمهات لبى قلوبهم تبي البنت الحلوة السنعة بالبيت وبس ..سالفة قاسم مشترك وعوض مهب مشترك هذي آخر شئ تفكر فية الام ولو بيقول الولد لأمة يمّة شوفي القواسم المشتركة بيني وبين البنت كان حطت الام يدها على جبهة ولدها وهي تقول ياوليدي مصخّن أنت مالك إلاّ بنت تقرأ إنثبر وتلايط ولا يكثر
أكيد لازم يكون العمر مناسب وماكثرت حالات هالطلاق والمشاكل إلاّ من هالحركة ذي تتزوج البنت وعمرها 15 أو 16 أو 17 لواحد أكبر منها بكثير التفكير والتناسق مهب موجود بينهم فطبيعي بيكون الفشل
لا ماأقبل هههههههههههههههههههههه اقول لأمي شوفي لي وحدة عمرها 45 لسعة من جدّك سأئلة هالسؤال !! أنا أتحدّى أحد من الشباب يجاوب ويقول لا ماأقبل المشكلة سؤالك ذا جاء بعد سؤال كنت مجاوب بالرفض <<< لسعة عدّيها بالله تكفين هالمرة لا جد عشان أوضحّ لك ولا أكون بموقف متناقض إقرئ اللّي بالخط الاحمر تحت ومع ذلك أرجع وأقول البنت دامها تحت العشرين مو مفروض تتزوج غالبا طبعا .لإن ترى فية بنات تزوجوا اقل من عشرين ومتوفقين بحياتهم مو شرط ترى
والله كلهم ماعندهم سالفة وفاضين لا جدّ لسعة تراي أمزح والله انا اشوف جدتك ماغلطت بالعكس تجاوبت بكل أريحية مع ام فلان بس ام فلان الله يصلحها فاهمة الزواج غلط الظاهر أجل جاية تخطب لولدها بنت عمرها 16 سنة !! سلامات
موضوعك يالسعة رااائع ويعطيك العافية ماشاءالله عليك والله ماكذب اللّي سماّك شعلة المنتدى شكرا لك |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
19-04-2009, 06:48 AM
|
|
||||
|
مسطول يمون
|
في كثير اعرفهم في الوقت الحالي مابينهم شي سنه او سنتين بس هذا كله راجع للشاب اما ام 16 ماضنتي موجود اللحين ولا اتوقع ان البنت بهذا العمر بتوافق  والله مدري يوم قلت لبنتي اللي بخامس نبي نزوجك اذا خلصتي المتوسط قالت يوووه ودراستي قلت عادي نشرط عليه قالت ايه اذا كذا عادي قلت والله انك ماتستحين قالت احول الواحد ما يشوف مستقبله عنكم وليه مايختار بنت تناسبه بالجمال يعني يكون جمالها مناسب له ماهوب ينقز لبنت اجمل منه بمليون اما الجمال والدراسه فسبحان الله كل هذا قسمه ونصيب ليه الحرمه قبل ماتخطب تشوف القاسم المشترك بين ولدها والبنت اللي بتخطبها وش قاسمه مشترك والله لوإنا في رياضيات لسعه تراي احبك للحين اخذت زوجي وهو منظم حيل لأبعد الحدود وانا فوضويه وسبحان الله مشت الدنيا صرنا القدر كلنا تقبل / ي تتزوج بنتك ,او اختك , على شخص اكبر منها بالعمر ولا لازم العمر يكون مناسب لا طبعا الى خمس سنين حلو اكثر لالا البنت لو جاك ولد وعمره 25 وانتي 16 تقبلي بالزواج او لا ؟ وليه طبعا لا قبل العشرين مو حلو رايكم بمحادثة جدتي وام فلان ؟ومن فيهم غلط ماشاء الله على جدتك فاهمه وواعيه واحسنت الحديث لسعه |
||||
|
|
|
19-04-2009, 09:45 AM
|
|
||||
|
حظها يكسر الصخر
|
يسعدلي صباحك لسعة
* الشاب اول مايقول يبي يتزوج ليه مايختار عمر زوجته مناسب لعمره ؟ أكيد إن الشاب لما يطلب الزواج بيطلب يكون عمرها أقل منه على الأقل بسنتين // فرق العمر مهم بحياتهم ممكن يساعدهم يفهمون بعض أكثر و مستوى النضج و العقلانية يكون بهالحالة متقارب لكن نرجع نقول إن لكل قاعدة شواذ و ياما كان الزوج و الزوجة متقاربين بالعمر والدراسة و حتى المجتمع والثقافة مثل اللي تاخذ ولد عمها حتى تربيتهم تلاقينها وحده مع كذا فيه احتمال إنهم يختلفون و ما يستمر زواجهم . *وليه مايختار بنت تناسبه بالجمال يعني يكون جمالها مناسب له ماهوب ينقز لبنت اجمل منه بمليون عشان نكون أكثر واقعية خلينا نترك الشاب على جنب و نسأل البنت // لو جا خطبك رجال جميل و أجمل منك بمراحل هل بترفضينه لأن نسبة الجمال بينكم تختلف .؟  محد يقول للزين لا و محد يحصلة الجمال و يرفضه و حتى لو شاب شين بالعكس اعتقد من حقه يطالب بزوجة جميلة .يعني وش هالتعاسة هو شين و ياخذ شينة يا ويلي على هالعيشة و نرجع نقول جمال الأخلاق و الروح هو اللي يطغى على الحياة الزوجية وهو كفيل بنجاحها * ليه الحرمه قبل ماتخطب تشوف القاسم المشترك بين ولدها والبنت اللي بتخطبها أتوقع أني ما فهمت السؤال هذا زين بس بجرب حظي إذا تقصدين إنها تدور لولدها أفضل منه // بالعكس هذا شوي كويس و أظن هذا المفروض يعني إذا كان ولدها مثلا ينقصه تعليم حلو إنها تخطبله بنت متعلمة تسد الخلل بالأخير هم يكملون بعض بحياتهم ,, إذا هو مو متعلم وهي كذلك فالأكيد إن عيالهم بيكونون نفس الشي لأن مافي اهتمام للتعليم في العايلة لا من أب و لا من أم " و التعليم مجرد مثال " فمن باب أولى إنها تكمل النقص الموجود بولده من خلال اختيارها لزوجته .* تقبل / ي تتزوج بنتك ,او اختك , على شخص اكبر منها بالعمر ولا لازم العمر يكون مناسب ؟ أنا بنظري 6 سنين هو فرق مثالي بين عمر الزوج و الزوجة بس مو 6 سنين يعني هي 14 و هو 20 مثلا يعني هي 20 و هو 26 هذا أفضل عمر للزواج لها و له و أعتقد لا هي كثيره تقولين فرق تفكير وغيره ولا هي قليله تقولين البنت جاهلة وما تتحمل مسؤلية // و نرجع نقول مثل ما قالوا اللي قبلي الزواج نصيب ما يحدده عمر او جمال أو تعليم أو غيره . البنت لو جاك ولد وعمره 25 وانتي 16 تقبلي بالزواج او لا ؟ وليه ؟ ما أقبل لأن ال 16 راحت علي لا جد // أكيد ما أقبل لأن عن نفسي ما أتوقع إني أقدر على حمل مسؤلية بهذا العمر الصغير ,, 16 عمر الدراسة عمر البنت تكبر فيه و تتعلم و توعى ,, و الأفضل للبنت إنها ما تفكر حتى بالزواج إلا بعد ما تتخرج من الثانوي على الأقل . و لسبب آخر بس لا احد يناظر بنص عين بالنسبة لي ودي أعيش أكثر عزابيه << مدري إذا لها كلمة ثانية بس جد لأن البنت من تتزوج أشياء كثير خلاص لازم تنساها ,, فأفضل أني أبقى مرتاحة و اهتم بدراستي و بحياتي و أعيش من غير مسؤلية لكم سنه زيادة و بعدها يصير خير لسعة // عسى ما طولت عليك يا بعدي ؟ موضوعك حلو ,, و طلتك على الأسرة احلى الله يرزقك العريس الصالح و بنات المسلمين جميع لكِ |
||||
|
|
|
19-04-2009, 10:56 AM
|
|
||||
|
من شيوخ الحارة
|
* الشاب اول مايقول يبي يتزوج ليه مايختار عمر زوجته مناسب لعمره ؟ وليه مايختار بنت تناسبه بالجمال يعني يكون جمالها مناسب له ماهوب ينقز لبنت اجمل منه بمليون طيب انتي قولي لي ليه لا صار الولد فلقة قمر .. تكون العروس (شينه ) ولا أقل من عاديه الجمال والشكل ماله اي علاقه في الزواج !! مافيه قانون ولا تشريع ان الحلوين للحلوات والشيون للشينات !! واللي تفكر بجمال ومظهر زوجها ( مع احترامي هذي انسانه تافهه .. ولا هي مستعده انها فعلا تبدى حياه ! ) لان الجمال مؤقت .. بيجي يوم يروح فيه .. وش بتسوي وقتها؟! أما السن .. فهذي ما اشوفها في مجتمعنا ابد ..! بالعكس .. الكل يتزوج بسن مناسب .. * ليه الحرمه قبل ماتخطب تشوف القاسم المشترك بين ولدها والبنت اللي بتخطبها مثل لفلانه اللي قد ذكرت عيالها ماكملوو المتوسطه ويبون بنات يعشقون الدراسه واعمارهم كبيره بعتبار البنات اللي مختارينهم ؟؟ بغض النظر عن العمر .. اعتقد ان التوافق بين الزوجين أمر مهم ! توافق فكري - اجتماعي - مادي - حتى اكاديمي !! بس مين يقنع الحريم الكبار؟... يرجع الأمر للبنت نفسها .. هي بيدها توافق او ترفض ! * تقبل / ي تتزوج بنتك ,او اختك , على شخص اكبر منها بالعمر ولا لازم العمر يكون مناسب ؟ والله الأمر يعود لها ! هي صاحبة القرار .. * البنت لو جاك ولد وعمره 25 وانتي 16 تقبلي بالزواج او لا ؟ وليه ؟ اما 16 سنه ! انا تخرجت من الكليه ام 23 سنه واحس اني طفله بريئه منب يم هالسوالف <-- * رايكم بمحادثة جدتي وام فلان ؟ومن فيهم غلط ام فلان يمكنها من نمونة ماما ثاني الله يرحمها اللي تقول ان البنت اللي ميب - بيضاء - ميب بنت !! الجمال عندها البياض وبس لو هي شييينه وكبر الجدار .. تعتبرها جميله !! الله يرحمك ويغفرلك يا ماما ثاني سببتي لنا عقد نفسيه مزمنه |
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
