 |
 |
 |
 |
 |
 |
 |
 |
 |
|
||||||
| سوالف حريم كل مايختص بالمرأة (تمنع المشاركات الرجاليّة) |
 |
|
|
أدوات الموضوع |
07-05-2009, 10:06 PM
|
|
||||
|
الأم الروحية للأسرة
|
* * داوَت برقّتها الجروح ! * *
حيّ بنات الحارة
 اليوم راح ادردرش معكم شوي عن الموضوع اللي اخترته الا وهو " الترطيب والكريمات "  ياملح اللي من حينهن يحوسون بالكريمات  بشرة الجسم مهمة مثل بشرة الوجه بالضبط يعني لو تهتمين ببشرة الوجه ليل نهار وتهملين بشرة جسمك ما كأنك سويتي شي  خصوصا ان بشرة الجسم حساسه وتتأثر بتقلبات الجو بالضبط مثل الوجه  كذا مره شفت سيدات على سنقة 10 واذا ناظرتي يدينها او اكواعها لقيتيها مشهبه الا شوي  ليه طيب ؟ .. جسمك له حق مثل ما لوجهك حق عليك بالعناية والإهتمام واليدين ايضاً نفس الحالة  الجو أيضاً له دور كبييييير " ياحظنا يابنات الشرقية مرتاحين "الاحظ اني لا رحت الرياض لازم امشي بعلبة الكريم الجفاف عندهم شديد وهذا الشي يؤثر سلباً على البشرة .. يعني الترطيب يومي وكذا مره باليوم لازم يكون في مثل هالمناطق الجافه  اللي ابيكم تعرفونه ان الترطيب شي يومي أساسي ولا هوب ثانوي وتعالوا اقولكم وش افضل الكريمات عندي عن تجربة تبون نبدى بالثقيل او الخفيف ؟ اوكي نخووش ع التقيل أوّل عشان ابي اتطرق لسالفة اللوشن كثير منكم يحسبون انهم اذا حطوا لوشن ع الجسم انهم رطبوا جسمهم بشكل كافي .. هذا الشيء جداً خاطىء .. اللوشن ماله تأثير قوي .. هو مساعد فقط الزبدة+الزيوت هي الأهم قبل اللوشن  زبدة الكاكاو من The body shop صدقوني مافيه مثلها ترطيب من الدرجه الأولى تحسين لا حطيتيه ان بشرتك شبعت كريم  زبدة الشيا .. تقدرون تقولون من أفضل طرق الترطيب في العالم واهمها والنعومه تحسينها مب سطحيه وبس .. ترطيب بعمق وشي جوناان وبالمناسبة هالزبدة تساعد على منع ظهور التشققات في الجسم من آثار الولادة وغيره ..  يزلق زلق ع الجسم وبرضو ترطيب رائع اذا ماتوفروا اللي فوق تلاقونه موجود بأي مكان وينصح باستخدامه للحوامل برضو جداً رهيب قد شفت برنامج بريطاني يمدحونه ويقولون انه افضل علاج للتشققات وافضل مرطب للجسم . يعني سووا دراسة وتراه تفوّق ع المرطبات الباهضة الثمن برضو  نجي للوشنات .. مجموعة فازلين اللي على شكل لوشن رووعه  اذا تبين شي سريع عقب الشور مالك الا هي .. وحلو لليدين برضو  برضو من نفس اللاين تبع فازلين .. لكن هذا بزبدة الكاكاو ما استخدمت منه الا اللوشن وكان روعه وريحته برضو رايقه  نجي لحبيب الألب مازولا .. الجليسوليد .. مافيه بيت او شنطة خدامة ماتخلو منه شي راائع خصوصا للأطراف يعني اليدين والرجلين .. وهو زي ماتعرفون ثقيل يعني تحطينه وتلبسين شراب .. او تحطينه قبل النوم يعني مب ترطيب تحطينه وتطلعين لأي عزيمه ابد لااا  دووف برضو حلو ك لوشن يومي او كل مازهقتي حطي على يدينك منه ترطيب حلو مع ان ريحته مب لهناك  نجي لشي رائع الحين ومن الاساسيات عندي هو مب كريم بس شي ضروري عقب الشاور الجسم كله يترطب بزيت الزيتون وبعدها تبدأين تحطين كريماتك ولا يهون زيت اللوز مع انه اقوى ع البشرة  البيبي اويل من اروق انواع الترطيب (رائحة زكية + تدوم وقت طويل ) اذا ما امداك او استثقلتي تحطين زيت الزيتون عليك بالبيبي اويل وراح تحسين بشرتك فعلاً بشرة بيبي   خلاص قضينا ابشرّكم بس احتريكم تعلموني عن طقوسكم في الترطيب؟ + وش كريمات الترطيب اللي تفضلونها ؟ ملاحظه : كل اللي انذكر بالموضوع تمّت التوصية عليه عن تجربة شخصيه واقصد بالتجربة الشخصيه يعني اكثر من 5 شهور  + هالموضوع غير داخل بتصويت الفعالية مجرّد مشاركة معنوية
آخر تعديل *المستبده*
في 10:11 PM.
|
||||
|
|
07-05-2009, 10:10 PM
|
|
||||
|
مرشدة سياحيّة
|
آخر تعديل Moment
في 09:32 AM.
|
||||
|
|
|
07-05-2009, 10:30 PM
|
|
||||
|
راعي محل
|
 بقرآ الموضوع وبرجع  ------ باتس البشرة حنا آجوء الصحآري لازم تمشين وتمرخين عمرتس من الكريمات  هذآ آستخدمه جدا رآئع وناويه آشتري اللي بزبدة الكاكاو مررة شكله شي  انا خلي آقولتس وش آحط للعنايه برجولي << عادي صح هي من ضمن البشره انا للعنايه من التشققات آحط بالليل قبل لانام شوي فكس ؛ وشوي جلسوسليد ؛ وفازلين والبسي شرآب وتطلع رجولتس  جسمي آحد اذآ خذت شور احط هالخلطه على جسمي متكونه من زبده الكاكاو زيت الجل من جونسن زيت جلسرين علبه كامله زيت اللوز الحلو من وداي النحل زيت زيتون وامرخي عمرتس منه وبيطلع جسمتس رطب ويفتح النفس  المتسبدة موضوعتس جآز لي وقلت لازم نوقع عليه ونرد يعطيتس الف عآفيه
آخر تعديل بئآ تسذآ
في 10:58 PM.
|
||||
|
|
|
07-05-2009, 11:06 PM
|
|
||||||||||||||||||||||||||||||||||||||
|
رئيسة الأقسام الأسرية والاجتماعية
|
وش ذا الموضوع الخونفشاري ...؟!زبدة الكاكاو في الترطيب مافي مثلها صحيح.. لكن مو أي بشره تناسبها غير عن كذا في بنات كثير شوهت بشرتهم "وأنا منهم "كونت لنا "لطع" ألونها غير عن ألوان البشرة... جلست فتره طويلها أعالجها.. بس ربّ ضارةٍ نافعة..بسببها كنت أتّبع برنامج تقشير خاص عن طريق مركز طبي.,بس يوم شافوني مطوّله عندهم وبسببهم أفلست قدموا لي عرض توب لإزالة شعر الوجه بالليزر جداً مُخفّض ياغرامي ياغرامووو ياإني أقدر البتاع ذا تقدير بكل مكان يخاويني موب أواطنه أبد ياهو لِبد على البشرة بشكل غير عن كذا أحسّه حااااار مره ..ماينعشك.. ناهيك عن ريحته الكريهة طبعاً
كانت عندي قارورة إسبري عمليه جداً.. حالياً بعد ماخلّص محتواها ملّيتها زيت اللوز الحلو عقب كل شاور أبخّه علي الله الله ياشيخه على النتايج
كريم الجليسوليد + زيت اللوز مختصره علي سوالف وخلطات كثيره ومقدر أبد أستغني عنهم بعد أستخدم كريمات من مٌنتجات البيزيلين خصوصاً الكريم النهاري منه.. مغنيني عن وآقي ضد أشعة الشمس مسمس سلمتي وسلمت أصابعك على الموضوع إلك / .,
آخر تعديل شموخ المعالي
في 11:09 PM.
|
||||||||||||||||||||||||||||||||||||||
|
|
|
08-05-2009, 12:25 AM
|
|
||||
|
Anime Queen
|
انا اذا شفت كريمات ودهون للجسم مااافكر اشتريها ابد ابد اذا بطلع مكان وتوني تروشت استعمل من زيت او لوشن جونسون فيها ترطيب وريحه حلوووووووه وخفيفه يعني ماهيب من النوع الي تكتم اما كريمات اليد والوجه هذي ضروريه امي العجووووز من يوم وعيت على الدنيا وهي تستعمل جلايسوليد ودايم تقول يابنتي استعمليه بس والله كنه زبده من قوته محد يقدر يستحمله ابد ابد بس عرضك للكريمات والله يشهي ان الوحده تشتري منها عرضك مغري بقوووووووووووووووووووه يعطيك الف عافيه يامستبده |
||||
|
|
|
08-05-2009, 12:58 AM
|
|
||||
|
صديقة جين أوستن
|
موضوع و لا أحلى  ..!زبدة الكاكاو مافي أحلا منها .. ترطيب غير طبيعي و شي خرافي ..! مستحيل أستغني عنها أبد .. و لا يهون الفازلين .. قبل النّوم أستعمله و الصبح نتايجه واااو .. الجليسوليد .. عالم آخر .. بس عيبه انّه ثقيل يعني على قولتك ما ينفع الا بالبيت ..!^^ يا حبني لهالشي بس .. دوف / ريحته تسبب لي صداع بس ما أستغني عنه أبد ! . . مس مس .. موضوع خفيف و حلو .. لوك مشاركه كان قلت فالك الأول .. 
|
||||
|
|
|
08-05-2009, 02:26 AM
|
|
||||
|
راعي محل
|
مافي شك باهمية الترطيب للبشره ,, مره سمعت دكتور يقول لا تقعدين تتعبين تعالجين بشرتك من تشققات وغيرها اهم شي الترطيب ثم الترطيب ثم الترطيب الكريمات اللي استخدمها كريم جونسون الوردي بزبدة الشيا وفازلين الشوكولا ودووف اللي علبته لونها كحلي واستخدم جونسون زيت جل بالزهور بعد الشاور على طول كلها رووعه الله يعطيتس العافيه
|
||||
|
|
|
08-05-2009, 04:16 AM
|
|
||||
|
قل دبرة
|
الكريمات صرااحه عشقتها في هالفتره انا اوول تقل ضب لدرجه يوم كنت صغيره امي تدهني انا واخوي واحنا نايمين نقووم ونمسح الكرريم < - - فينا شر والله اول كنت اكرهه شي اسمه كرريم واحس بس اللي يدهنون الشغالات بس اشوى كبررت وعقلت وصررت كيووت واتدهن حتى امي كل مادخلت علي ليني اتدهن واحط في اليدين والرجلين وكل شي وتقول يابنيتي معد تسقمين مير من هالكريمات  الحين بعد كل تروش لازم ادهن نفسي كله بأي كريم اللي موجود احططه نيفيا جلسيوليد دوف .. واذا بغيت ترطيب اكثر احط معها بيبي اويل بعد وفيه بعد كريم AQ صرااحه مرره خطير وطبي بعد ولا فيه عطورات ولا شي ويررطب مررره .وللرجلين طبعا مافيه غيره حبيب الشعب فاازلين احطه والبس شرااب وانووم اقووم لين رجليني تجيب العاافيه ..ولليدين كرريم شاريته من ماركس وسبنسر بالفراووله يجننننننن ودي اني اكله تطلع ريحه يدي حلووه بس الله حق موب يرطب ولا هوب يم الترطيب احطه قبل ماروح ولين وصلت للجامعه لين كني مااحطيت شي بس يكفي ريحته وللوجه < - - ياليل .. استخدم كريم سيتافيل صرااحه ذا خطير وغالي واتحسف به على جسمي احطه بس في خشتي .. بس انه يرطب ترطيب خياااللوشنات بودي شوب احسسها تطيير مرره ما ترطب قووه شكلي بجررب زبده الكاكاو خصوصا ان كثير مدحووها لي ومثل ماقالت A & S الترطيب ثم التررطيب والله انه يزيل التشققات اصلا التشققات وهالخربطه ماتطلع الا من جفاف البشرره ولين تربطت خفت بكثيييييييير وهذا انا ملاحظته على نفسي عوافي
آخر تعديل ام جبهه
في 08:26 AM.
|
||||
|
|
|
08-05-2009, 04:53 AM
|
|
||||
|
من شيوخ الحارة
|
شوفي مااكذب عليك لو اقولك اني جربت كل الي ادرجتيهم وزياده بس مافيه نتيجه مقنعه !! والي فاقع مرارتي اني بالدمام اكبر مرطب العالم وياليتني استفدت ولي كم يوم احس ببقعه متقشره ورا رقبتي ومارحت للحين للمستشفى عشان مايقوون اكزيما يعطيك العافيه . |
||||
|
|
|
08-05-2009, 04:55 AM
|
|
||||
|
برامجها ماعليها كلام
|
وشلونتس يابنيتي المستبده عساتس بخير والله ياموضوعتس انه اطلدز موضوع وخصوصاًُ لبنات الرياض الي يقلبون تقولين ضبان من قو الجفاف بالنسبه لبعد الشور وانصح فيه كل الصبايا زيت الزيتون والي تقول ريحته قويه اقولها ماله ريحه ماغير وسواس ياهو زين بالحيل وخصوصاً اني استعمله من الحج ليومكم هذا والي عرفته انه الحين جاينا الصيف والحر والقرف فقالت لي اخصائيه بشره ابتعدي عن وضع الكريمات والبودرة المعطرة على البشرة لانها تقلبها سوداء وتزيد مادة الميلامين وخصوصاً للي بشرتهم من وسط الى اسمر ( والي تقولتس زيت الزيتون يسود والا يكثر الشعر قولي لها لايكثر وماجاكم بوجهي )وكيفية استخدامه عقب الشور على طول ماهو عقب ساعه لا لازم يكون في الجسم رطوبه عشان يتشرب به الجسم ,, وعقبه استخدمي المسك السائل الاصلي من عبدالصمد وماكتبت هالرد الا بحكم التجربه واكتشاف اشياء مذهله والي تبي شي مفصل تراسلني خاص وتبشر المستبده ننتظر اضافات ثانيه وخصوصاً لبشرة الوجه موضوع جووووووووونان قواك الله ياالمعزبه
|
||||
|
|
|
08-05-2009, 09:54 AM
|
|
|||||||||||||||||||
|
الأم الروحية للأسرة
|
..توأم روحي مومو صح عليك يابطله لوشن 21 بطل بطل بطل بعكس الكريم العادي تبعه يلزّق ويجيب الهم بئآ تسذآ حياك الله واشري اللي بالكاكاو وانتي مغمضه شموخ المعالي غريبه والله اللي صار لتس اللي اعرفه انه اذا مالها نفع مابيكون لها ضرر ابد يمكن انتي فيك حساسية او العلبه اللي شريتيها كان فيها شي ! ودوف صحيح ان ريحته مب لهناك بس انا اثق بمنتجات دوف سمندوس حياك الله شيختهم يالله حيها بالنسبة للفازلين بيننا عداوة بصراحه بس لوشناته خطيره A & S حياك الله وفعلاً الترطيب من اهم طرق العناية طفلة الورد انا قريت عن وحده تمدح الزيت زيتون + الشيا للسترتش ماركس وتقول لها نتايج والاهم انها تمنعها مستقبلا زنقل هانم انتي الخطيرة والله ام جبهه
انا ما اشتري منهم لوشنات ماغير زبدة الكاكاو + الشيا وعلى ضمانتي بترضين بالنتيجة ماهمني شوفي ياحلوه ترا العناية الخارجيه مب كل شي الأهم هو شرب الماء بكثرة .. صدقيني يأثر ع الجسم وكله وعلى البشرة حياك وضحى بنت صعفق حيّها والله واكيد الكريمات مع الصيف ماتجي في حالة انك تحطين وتطلعين بالشمس ! هذي قمة الغباء لكن لو جالسه بالبيت او بالليل مافيه مانع من استخدامها نوررتي |
|||||||||||||||||||
|
|
|
08-05-2009, 12:52 PM
|
|
||||||||||||||||||||||||||||||||||||||
|
من شيوخ الحارة
|
معلومه قد قدريتها تفيد ان جميع كريمات الترطيب تمنع التشققات .. خاصه اذا كانت الوحده متينه بعدين نحفت ومداومه على كريمات الترطيب مايظهر لها تشققات .. والله يا اني اشوف بنات اصغر مني بال 17 و ال 18 لا دنقت الوحده فيهم ظهرها كله تشققات وهي صغيره ! اكتشفت ان المشكله من جفاف البشره وتقلب الوزن يعني البشره راحت في امها تمطيط ... .
كريم body silk الجديد من دوف شين ومايندهن بسهوله  ... . بالنسبه لي استخدم كريمات جونسون ، بودي شوب ، وكريمات ماركه لوكسيتان مفيده بشكل .. . . . مس مس موضوع رآيق .. يعطيك العافيه .. |
||||||||||||||||||||||||||||||||||||||
|
|
|
08-05-2009, 05:03 PM
|
|
|||||||||||||||||||||||||||||||||||||||||||||||||||||||||
|
رسَّامة
|
هذا يجنن استخدمته
اجل انا مع الخدامات استخدمه
وهذا حلو بعد وهذا احطه اذا تسبحت ريحته حلوه
زيت الزيتون احنا نحطه ع الفول بس ان شاء الله اجربه يعطيك العافيه المستبده |
|||||||||||||||||||||||||||||||||||||||||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
