 |
 |
 |
 |
 |
 |
 |
 |
20-05-2009, 10:09 PM
|
|
||||
|
مراقــب عــام
|
( صيفنا علّه ) .. الصيفيّه على بلاطه
بسمك اللهم الشافي المعافي <- تقرى على سكارى أنت ( رئيس التحرير فجأة يدبج الكاتب ويقوله من متى السكارى يقرى عليهم ؟ الي يقرى عليهم راعين الحشيش بس
 )روي عن الكاتب الكبير نيل إلماندر ماركوني أنه رأى ذات ليلة أربعة شباب يلعبون البلوت في أحد شوارع باريس فسألهم عمّا دعاهم لفعل هذا الأمر فأجابه أحدهم بأن إجازة الصيف طويلة ووقت الفراغ أطول فلابد من التسليّة بأي شيء مفيد .. فتعجّب من أمرهم وفر هاربا <- ؟ ( هذا وهم يلعبون بلوت انحاش أجل لو انهم يلعبون هند وش بيسوي ؟ ) بعد ذلك بعدة أيام ذهب ماركوني فوجد عائلة يتناولون العشاء في أحد المطاعم الفارهه في باريس فسألهم عن سبب تناولهم العشاء فأجاب رب الأسرة أن أولاده في إجازة الصيف وأضطر لأخذ اجازة معهم والاستمتاع بأوقات الفراغ بالذهاب الى تناول الأكل في المطعم .. فتعجب ماركوني من أمر هذه العائله وفر هاربا ايضا ؟ أثناء فراره وصل الى صالة أفراح في باريس ( واضح ان الكاتب مستهطف القراء )  فوجد زفافا فتوجه مباشرة إلى والد العريس فسأله عما يفعلون فأجابه بأن الوقت وقت إجازة الصيف والفراغ أكبر من ان يقضى فرأو أن يقيمو حفل زفاف لقتل الفراغ في إجازة الصيف فلم يفر ماركوني هذه المرّه لأنه جلس في حفل الزفاف للإستمتاع بالمحاورة التي اقيمت بعد وجبة العشاء في الصاله .. ؟عاد ماركوني إلى بيته وفتح باب مكتبه وجلس ينهل من معين الكتب ويزيد من مخزونه الثقافي .. تارة نجده يقرأ كتاب المطالعه للصف الأول الإبتدائي وتارة عندما يتعب من القراءه يأخذ له نفسا عميقا مع مجلة باسم وفجأه ............. ! سقط كتاب صغير من احد رفوف المكتبه فتعجب منه ماركوني وأدرك أن الكتاب لم يقع بدون سبب ثم صرخ صرخة عظيمه مرددا ( وجدتها .. وجدتها .. وجدتها ) ومن تلك اللحظة أكتشف الإختراع العظيم .. الإجازة الصيفيّه على يد هذا المفكر الكبير وبعد هذا الإكتشاف فر ماركوني هاربا ؟؟؟ الصيفيّه هي فترة زمنيّة معيّنه تبدا من فترة زمنيّة معينه وتنتهي بفترة زمنيّة معينه ( رئيس التحرير يناظر في الكاتب بنص عين ويقوله ما ودك تآكل كبر راسك بس يا سيبويه العتيبي ؟ عارفين انها مرحله زمنيّة نبي نعرف الساعه كم بالضبط ) الصيفيّه عند العرب موجوده في كل مكان في المملكه مثلا تسمى ( الصيفيه ) وفي العراق ( فترة الصيف ) وفي المغرب ( مزيان الصيف ) وفي الاردن ( اجازة الصيف ) وفي مصر ( أقازة الصيف ) وفي تونس ( برشا الصيف ) وفي الكويت ( عطلة الصيف ) اذا نستشف من كل هذه المصطلحات ان الصيفيه موجوده ما وجد العرب على اقل تقدير ( واضح ان الكاتب مازال مستهطف القراء الاعزاء ) الصيفيه بعيون سعوديّه ( عوائل .. عزاب ) الصيف أصدق أنباء من الكتب ..\.. في حرّه الحر وقت الجد واللعبيقول الشاعر المخضرم قالت بصيِّف بين لندن وباريس وأنت حبيبي وين ودّك تصيّف ؟ قلت أتركيني للحزن والتناهيد الله يخلي غرفتي والمكيف ! لو سألنا أي شخص ليش تروح تصيف برّى بيقول لك رد من اثنين 1) أغيّر جو 2) اشوف لي اشكال جديده نجي لسالفة تغيير الجو للأسف وضعنا مع الصيفيه دمار في كل الحالتين ولو إن لي يد في وزارة التربيه كان خليت الاجازه وقت الشتاء وخلوني أشوف عائله تصرف وتقول ذبحنا الحر في السعوديه ونبي نروح نتمشى ؟ أول مره اشوف ناس ينحاشون من الحر هنا ويروحون لدولة لإمارات والا يروحون لدولة دبي ( رجع رئيس التحرير من جديد وقعد يأشر للكاتب من بعيد اختصر اختصر وقل دول الخليج مره وحده لا تقعد تعددها كلها ) يعني الحر عندنا هنا سامج والحر عندهم له طعم ؟ على الاقل الحر الي تعرفه ازين من الحر الي ما تعرفه وراس مالها مكيّف والا لا منه ما نفع مره الوضع طق لك ترويشه منها نظافه ومنها براد ... اذكر يوم كنت بزر لا بغيت أغير جو وانام بدون مكيف في الصيف كنت اخذ لي شرشف واغسله واخليك ياخذ فره سريعه في النشافه وأرجع أتلحفه ولا هفّني الهوا تقول منسدحن في الأسكا ؟ صحيح ان المتعه ما تاخذ معك ربع ساعه لا نشف الشرشف لكن على الاقل بتستمتع لكن نصيحه لوجه الله الي يبي يجرب هالحركه لا يحاول يشم الشرشف الصبح لانه بيلقاه معفّن ؟ وش السبب الله أعلم لكن خلوني أسأل ماركوني وأرد لكم خبر نروح لسالفة أشوف أشكال جديده يعني ما يطري عليك يا طويل العمر تشوف أشكال جديده الا في الصيف ؟ بسيطه دام هذا عذرك اصبر الى شهر 12 ورح لمكّه ان بغيتها حج .. حج لوجه الله وان بغيتها كداده كد لدنياك وبتشوف هالاشكال الجديده يعني بدال ما تروح لماليزيا بس وتشوف الفنس والا تروح لاوروبا وتشوف الحمران والا تروح لمصر وتشوف الأهراميين ( رجع رئيس التحرير من جديد للكاتب يقوله وش الاهراميين الله يفشلك اسمهم التوانسه يا دلخ ) رح للحج طال عمرك وبتلقى عينات من كل هذولي هذا اذا ما لقيتهم كلهم سوا بعد بعدين من زين هالحلايا يوم تشوف اشكال جديده ؟ وش هالانانيّه انت تشوف اشكال جديده وتوسع صدرك والأشكال الجديده ذي تشوفك وتجيب لها الهم ؟  بالله ناظروا ذا الصوره زين ؟ قسم بالله كنك تشوف اثنين كل واحد من كوكب وش ذنب بريطانيا يوم تكرف وتحط هالحدائق وآخرتها يجي ذا الجراده يخرب كل شي  ( سحابة صيف ) حلالاه ليتني وزير سياحه في السودان والله لاخلي للسودان هيبه سياحيه في المملكه مالها مثيل ... أحط لي مندوب في كل حي من الاحياء في كل المدن واعين لي عائله معينه اخليهم يجون يتمشون بلاش لمدة عشره ايام تبدا من يوم يطلعون الورعان من مدارسهم آخر يوم .. وقتها كل الجيران بيدرون ان هالعائله راحت تتمشى في السودان ولاهم بأحسن منا يوم يروحون هناك وحنا مانروح مثل ماراحو عشر ايام حنا لازم نروح اسبوعين وعلى هالحال صدقوني ليجي يوم القى فيه السودان في الصيفيّه مالها من السواد الا إسمها وان تلقون جيان فاتحين فرع هناك من كثر السعوديين والخليجيين الي رايحين يصيفون هناك وعقب كم سنه لتلقون أسامي المدن في السودان ( الحوطه طوم ... أم سديرمان .. دوادمي فور ) عاد تخيلو معي من كثر تأثير سياحتنا على السودان سوداني يقول ( عليك الله فيذا يا زول ) قسم إن ينشلخ برطمه وتطلع لهجه جديده مايفك رموزها شامبليون ولا حتى نيل ماركوني الذي فر بعد هذا المقطع هاربا ( ذكريات مصيّف ) أذكر مره وانا في الثانوي مسكت دفتر اخوي الصغير حق التعبير ولقيت عليه اول درس تعبير بعد الإجازه ( ماذا فعلت في إجازة الصيف ) المسيكين مسك دفتره وكع بالسالفه كلها للمدرس ما بقى شي ما قاله الا اسم امي وأذكر مما كان كاتبه بإملاءه الي والله ان شغالتنا وهي ما تقرى وتكتب يمكن تكتب إملاء ازين منه ( ذهبنا الى حده ( مدينه اصبحت لاحقا جده ) وتمشينا ولعبنا ولهونا مع أهلي وذهبت مع اخي الكبير وامي واخواتي للبحر الجميل وتمسينا ثم ذهبنا لنئكل الغدا عند اخوي محمد وعزمنا اخوي ابوعزيز للعشا ثم رحنا تعشينا عنده وذهبنا في اليوم الي وراه للبحر وكان البحر أزرق ( أحد قالك انه اليوم الي قبله كان فسفوري هههههههههه ) وذهبنا الى حده على سيارة ونمشي بسرعة 170 كلو متر فالسعه ) شعب ما يعرف يتخيّل تبونه يعرف وشلون يطبّق على أرض الواقع ؟ حنا ناس ما نعرف نصيّف لان الصيفيّه عندنا تروح كلها عزايم ولازم تجدول نفسك في الصيف ان بعد العشا يوميا صل العشا وشف القاعه الي انت معزوم فيها اليوم .. لدرجة اني الصيفيه الي راحت كنت حاطن ملابسي كلها في السياره احتياطا لا تطلع لي عزيمه من هنا والا من هنا ؟ يوم في جده ويوم في الرياض ويوم في الدمام .. الخ لو اني مستثمر هالدوجه وشاري تكسي اروح به لذا المناسبات والعروس في الصيفيات وأكد على طريقي يمدي حسابي مابينه وبين حساب الوليد فرق الا 500 ريال .. ولا يختارون الا هالصيفيّه يعرسون فيها تقول باذرن لك طماط ماله الا وقت معين عشان ينتج ؟ الظاهر انهم يحسبون الي يعرس في الشتاء يجون عياله باردين والي يعرس في الربيع يجون رومنسيين ولازم يعرس في الصيف عشان يجون رياجيل وجلوف ؟  وشوله نصيف دامنا بنسوي ببزارينا كذا ؟ وتلومون الصيادين يوم يشتكون من قل السمك ؟ بلا والله هالأشكال تطافش ؟ وفي نفس السياق اكتشف العالم الكبير نيل ماركوني أن سبب وفرة البترول في الخليج ان فيهم وصاخه مهيب في باقي دول العالم .. يروحون هالشعوب يطافشون فالبحر ثمن تنفق الأسماك وتتحلل وتروح في التربه لين تتخمر مع الشمس ثم يطلع البترول ثم فر هاربا <- إمحق عالم ( الشباب والصيف ) قبل فتره طلعت لكورنيش الخبر لقيت إثنين توهم صافطين خيمتهم في مزاين الهيلا وجايين يتمشون في الشرقيه .. لقيتهم يطردون ورى ثنتين متلثمات وواحد يصيح للثاني ( حدها .. جاتك .. امسكها ) تقول يطاردون لهم حاشي ؟ قلت له خير يابو وش بلاك عليهم ؟ قال حنا ما جينا للشرقيه الا نبي نفلها ؟ تخيلو معي المنظر .. في السعوديه .. ماراحو بعيد .. ويبون يفلونها .. أجل في الخارج وش بيسوون ؟ اذا كان هذا مفهوم سعة الصدر في مجتمعهم أجل في الخارج وش بيسوون ؟ الظاهر لو يلقون وحده برى لابسه جينز بدون عبايه بيرمونها بسلاح منيب مسوي فيها سعود الفيصل وقايل الي يطلع برى المملكه يعكس صورة المواطن الله ياخذ هالمواطن هو وصورته .. لكن على الاقل اعكس صوره حسنه عنك أنت بنفسك .. حاسب نفسك برى قبل تنتظر حساب غيرك ( رئيس التحرير يغمز للكاتب ويقوله ياليت تحدد في أي بنك .. ! واشر له الكاتب بصبعه ( اشاره معناها تمهل يا صديقي <- ايه هين ) وكمل كتابه) للأسف ان اغلب الشباب فاهم ان الصيفيه برى ترويح عن النفس والترويح ذا ما يجي الا بالدشره والدشره ما تجي الا بشراب ومراقص ؟ منيب قايل لا تشربون بعد اشربو وخذو راحتكم ( عز الله اني نصحت وناقشت القضيه زين ) لكن انك تحوقها مع نفسك وتطلع تحوقها هذي الي مالها سنع ؟ أشوى اني قد لقيت لي شباب سعوديين في بلد ما سكارى وماسكين لهم شايب يراودونه عن نفسه ومختلفين معه لانه ما يبي يرقص لهم يبيهم يقضون لزومهم ويمشي ههههههههههههه شايب شايب نعنبو بليسكم أجل لو انكم محششين عقب هاالشراب وش بتسوون به .. الظاهر بتخلونه يغسل المواعين بعد <- لاعاد تتحمس وتتخيل الله يرحم أمك  الزبده ان شبابنا يبون برى يدشرون بكل ما اوتو من قوّه لدرجة اني لقيت اثنين يلعبون كوره على فلوس ؟ يسمعون بالقمار وانه تحدي على فلوس لكن كيف ما يدرون ولا طلع معهم الا هالحركه ؟ ولو كملت لفتي على ذاك الكورنيش كان لقيت اثنين يلعبون قمار بضومنه ختاما الي سبق ذكره لا يعني ان وجهتي نظري ضد التصييف وسعة الصدر لكن اعتقد فيه أمور كثيره في صيفنا يبيلها اعادة نظر .. ذكرت بعضها وبعضها ما بعد اكتشفه ماركوني كل الشكر ل مضيع بيتهم وأموون الي سحبو علي واعذرونا على القصور مبطين عن الشله والوقت قصير ما ساعد لا امدانا  ( قفله )  يا زين الثوب زيناه ويا كثر ما انتي ساترتن بلاوي يا عباه  |
||||
|
|
20-05-2009, 10:18 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
معزبة المجلس
|
والله ياذاماركوني ما فر هاربا من فراغ ..الا من عمايل هالناس بذا الاجازه اولا شف وانا اختك هالحين السعوديين بالاجازه ينقسمون ثلاث اقسام 1- ناس تسافر برا .. وذولي نوعين بعد ناس عندها فلوس و مانقولهم شىء .. بس البلا باللي ماعندهم قروش بس يبون يسافرون باللي هو به !! يعني يتسلفون وياخذون قروض وزحمه عشان يسافرون لاجل الترزز والكشخه قدام الناس  ؟؟2- النوع الثاني ناس تسافر لكن حدها ربوع بلادي يعني القصيم - تبوك.. وان كثرت يعني وتكشخوا راحوا أبها  3- النوعيه الثالثه مايعرف من الاجازه الا نووم+ سهر+ تلفزيون .. يعني عاضين ع شحم ومنثبرين في بيوتهم و ان كشخوا جابوا زوليه و ترمس شاهي وحب و كشتوا بالسطح , , يقول الشاعر يامنيف جتنا مقبله عطلة الصيف ؛ ؛ والبوك فاضي مامعي كود فكه والناس شدت عفشها والمصاريف ؛ ؛ تبغى تغير جوّها والمضكه ناسٍ تبا باريس ناسٍ تبا جنيف ؛ ؛ والصنف الاخر جالسٍ فوق دكه ناسٍ تذوق البيف من طبخة الشيف؛ ؛ وناس يدك كبودها الرز دكه وانته وانا يامنيف من غير تكليف؛ ؛عفنا من الظهران حاره وسكه نبغى نغير جوّنا بالمصاييف ؛ ؛ مير الدراهم صابت القلب وعكه . .
شف يابو عزوز هالحين مسائله تغيير الجو موب القصد فيها بس جونا الحار .. لا .. تغيير الجو حتى نفسيا من ذا الدوامات والدراسه والكرف .. يعني يسافرون برا الجو الزين والخضار والطبيعه هاذي كلها تدخل في الترفيه الحلال انشالله في بعد نقطه مهمه للاسف اغلب المسافرين يتجاهلونها .. يقول الله سبحانه ( وَجَعَلْنَاكُمْ شُعُوبًا وَقَبَائِلَ لِتَعَارَفُوا ) .. يعني وشفيها لاسافرت برا رحت لك متحف ولا مكان اثري وشفت لك شى واستفدت منه.. استغرب والله ربعنا لاسافروا برا ماغير متسدحين الصبح في القهاوي و الاسواق يقزون الرايح والجاي .. وفي الليل بارات وبلاوي متلتله  للاسف تفكير ربعنا سفره برا = دشره !!
اهاا جيت ع دبي .. شف بصراحه هو انا معك ان المبدأ غلط يعني يقولون نبي ننحاش من جونا ويروحون لدبي اللي اخس مننا .. لكن اذا جيت للحقيقه ترا حر عن حر يفرق هالحين دبي تقارنها بجده مثلا ولا الرياض؟ .. لا طبعا دبي ماشالله مدينه مواكبه التطور وكل شهر عندهم مشروع جديد ومدينه مرتبه وتفتح النفس حتى زحمتهم تحسها بترتيب موب لا رحت جده في الصيف تكره الساعه اللي صرت فيها سعودي وفكرت تصيف !! يعني بالعربي دبي مدينه تسابق التطور والتعصر << لاعاد تحتسين فصحى انتي ووجهتس موب ربعنا هنا لابغوا يبنون عماره خمس ادوار يقعدون سنه يخططون وسنتين يتفقون مع المقاول وثلاث سنين اساس وعظام ومدري وشو وافلقني بس ان خلص المشروع الا والمقاول متوفي بجلطه شمسيه و العمال شيبوا
هههههههههههههههههههههههههههههههههههههههههههههههههه ههه . . وفي موقف تقوله خالتي يوم راحت مصر يوم كانت بالفندق الساعه 7 الصباح تسمع صوت صراخ و صياح قامت مرتاعه .. المهم تقول فتحت الباب شافت في سيب الفندق واحد سعودي كبير بالسن سكران و ماعليه الا سروال سنه !! و قاعد يصراخ و اللي معه يبغون يدخلونه الغرفه وهو يصيح يبي يقعد برا بالله دامكم موب قد السفر ليش تسافرون وتفلشونا برا ؟ .. وتكسبون ذنوب فوقها ؟
ايه والله صدقت انا ودي اعرف السر في هالزواجات اللي يحطونها بالصيف ؟؟ وليش اللي يحطونها بتوقيت ثاني مايفهمون ومساكين ومحد يحضر عروسهم ؟؟
اعنبوا الفله اللي تعرفونها ياشيخ ؟ وربي في ناس مدري شلون تفكر ؟ الفله عندهم يعني دشره وقله ادب !! سلامات مره طلعنا كورنيش الخبر بالصيف وياكثر اهل الرياض عندنا ... تهاوشنا مع بنات كانوا يقطون الزبايل ( تكرمون ) تسذا بالبحر عيني عينك ويضحكون !! .. ويوم قلنالهم وراكم تقطون الزبايل ترا فيه شىء اسمه برميل زباله ؟؟ قالت بكل وقاحه : وش فيها صيف ونبي نوسع صدورنا !!!!سلاماااات فاهمه الوناسه غلط الاخت ! انتي تبين تفلينها بقريح .. وش ذنب البحر والطبيعه تخربينها ؟<< اخس يالطبيعه , , ابو عزوز ماقصرت ع هالموضوع الممتاز وفالك البيرق بس ماظنتي والله دام بثر راعي المسابقه حده يجيبلكم عسكريم ابو هديه وتخب عليه
آخر تعديل Rєємα
في 04:30 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
20-05-2009, 10:38 PM
|
|
|||||||||||||||||||
|
ريّس الشله
|
. هههههههههههههههههههههههههههههههههههههههههههههههههه ههههههههههههههههه هههههههههههههههههههههههههههههههههههههههههههههههههه ههههههههههههههههه يالله ان تحيي تريله .. تو مانورت الشله بالغالين يقولك " من لقي احبابه نسي اصحابه ياكلب " وينك يارجل لو مب بثر نشب لك إنك تشارك بهالفعاليه ماشفناك .. لكن ماعلينا نقدر نقول ولكم باك .. نرجع لموضوعنا ولا ودي اريش بك واجد بتشوف نفسك علينا بعدها يالطعس .. اقسم بالله تلخيص سلس للحاصل بالمجتمع السعودي .. ماتكمل الصيفيه عند الشباب الا بالسفر ومايحلى السهر عند " الاغلب " إلا بالعربده .. بعدين لاتشره عليهم ياولد عالم ماشافوا الخير حدهم " اللثمه - وعباه ع الكتف " .. يروحون هناك ويشوفون اشكال توصف واشكال لاتوصف .. ماوك الواحد ينلحس خخخخخخ لكن يبيلها إعادة نظر .. احسبها وانت واقف " تشدد - تقفيل - هيئه " هناك " دشره - عربده - مافيه هيئه " <== وش سالفت اهلك انت .؟ وتبي الواحد يلزم الجاده .؟ ماودي اعم لكن اقول الاغلب وخصوصاً إلي توه يسافر .. يعتبر السفر تحلل من القيود إلي هو عايشها .. فعلشان تسذا تشوف انواع الدشره هناك .. يعني واحد من الربع " مطوع " وباين عليه الصلاح .. راح سوريا .. المهم انه استأجر له فيلا ويوم خلاص اتفقوا على السعر قاله راعي البيت تكفى يخوي مانبي بنات يدخلون البيت .. رد عليه خوينا ويقول يخوي استحي وش اجيب بنات ماتشوف انت " يأشر ع الدقن " .. قاله السوري لاتأآخذنا لكن والله حصلت لي واجرت نفس الإستايل ذا وجابوا بنات <== يلعن جووهم خخخخخخخخ .. .. وشلة شباب لهم حول العشر سنين وهم ماسكين خط دمشق .. يعني لو ماخلق بذي الدنيا إلا هالديره .. بنفس الوقت لو تسألهم عن الاماكن بسوريا مايعرفون شي .! نوم بالنهار - عربده بالليل <== " والله ما اقصدكم يافلان " خخخخخخخخخ " يمدحون الباحه بذا الحر " . .
بذي معك حق .. كل ليلة بالصيفيه تزيد ثلاث كيلو من هالدسم .. خذ لك لفه ع الصالات ولا الاستراحات بعد صلاة العشا .. ماتسمع إلا " حياكم الله - اقلطوا " قوة زواجات وعزايم .. وهالضيف المسكين ماغير يدخل ويدردش لين الساعه 12 ثمن يدبك من نعمة الله ويقضب الباب .. وبعدين .؟! . . ابو عزوز بيض الله وجهك .. اقسم بالله تبسيط ابن كلب للي جالس يصير بالصيفيه .. على العموم اعذرني على هالرد لأن والله ياإن اللياقه عندي صفررر لاعدمناك
آخر تعديل جربوع هاوي
في 11:11 PM.
|
|||||||||||||||||||
|
|
|
20-05-2009, 10:40 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
اللللللللللله يرجك يا تريله اقسم بالله جالس اقرى واكل عشاي واشاهق من الضحك ابدعتوااااا والله بدايه قوية جداً وسعتوا صدورنا يا تريله ومضيع وامون الله يوسع صدوركم بالعافيه... وهلموا نفر هاربين نعلق على الموضوع << يقول وش زودك ماركيزي
يالبى عيوننا اقسم بالله انك ظلمتنا شوي يا تريله ياخي حنا شعب جايين بمكان غلط اقسم بالله اليوم اني شفت نفسي بالمرايه وانا قايم من النوم لابس سروال سنه وفنيله وجالس اتمغط قلت والله حرام مابيننا وبين الباكستانيين الا نخيط سروال السنه بالفنيله وخلاص ياخي بعذر هالاجانب وجيههم به ملح بلا جوهم يساعد على نمو البشره موب حنا لا سطرت الواحد كف طلع غبار من وجهه اما بسوريا لا سطرت واحد يطلع لك زيت زيتون وتبوله وكيلو مشاوي المقصود ياجدي والله حنا ماننلام نبي ننحاش من هالوجيه اللي هنا ياشييييخ لو تصبح وتمسي على الوجيه اللي اشوفه بروتيني اليومي يمكن ترتكب جريمه عشان تنسجن وتضمن انك ماعاد تشوفهم مره ثانيه فمن ابسط حقوقنا اننا نطلع ونغير جو وخصوصاً العوايل اللي يروحون لماليزيا ذولا احترمهم انا تحس انهم يبون الطايف بس نظيفه ( واحد يذب من تحت لتحت )
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه يااااااااااااااااااااااااااااااااخي بالمقصصصص اقسم بالله جااامده
هههههههههههههههههههههههههههههههههههههههههههههههههه هههههههههههه عليك تفكير مجرررررم سلاااااااااام عليك اقسم بالله انك ماقصرت فيهم وكشفتهم كشفن مبينن .. والله ان اغلبهم يسافرون بس عشااان الكلام .. اذكر مره انا وامي بالسوق بمحل شناط الظاهر داخلته امي بالغلط لانه غالي مرره المهم جت وحده الظاهر شغلتها تروح لذاك المحل عشان تقول للي يدخلونه تراني شاريه شنطه منه هههههههههههههههههههههههههههه المهم جت هالحرمه لنا وقالت بصوت ثخين " ياختي نصيحه لو شريتي من هالمحل البسي الشنطه وين ماتروحين عشان يصدقون انها ماركه ههههههههههههههههههههههه اقسم بالله حبيت يدي وجه وقفى قلت سبحان هاللي مشغل مخك بهالشي المهم
هههههههههههههههههههههههههههههههههههههههههههههههههه ههه ياشيخ يحلفون ان البترول بالسعوديه فيه ريحه اباط سعودي ههههههههههههههه والله مابديرتنا ملح غير مكه والمدينه وباقي المدن والمحنس اللي ساكنينها انها نقص وزود مناطق على قل سنع .. وكل واحد فرحن لي بديرتوه على وشو مدري ؟ ياشيخ امش بس ننحاش ونعيش ببريطانيا صدقني ملامحنا ملامح بريطانيين
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه ترى ماجبت طاري المقرفون تريله الله يهديه باثرنا فيه هههههههههههههههههههههه اما سالفه المحنس حدها حدها هههههههههههههههههههههههههههههههههههههههههههههههههه ههه شبابنا يا تريله مالهم حل الا اننا نجمع البدو منهم بفعاليه مزايين .. والمخكره باحد الاسواق العامه .. ونسوي عليها تجارب نوويه اقلها نستفيد منهم لو مره وحده بالحياه اجل يجيك وجه الكندره ويقول مابي اشتغل زي الهندي والبنقالي يبي يصير مدير على طول ووجهه اصلن مايركب على مكتب ولا بالصيف لا جو يسافرون شبابنا اقسم بالله تقول يأجوج ومأجوج فكوا عنهم السور .. تلقاهم منفجرييين برى مايخلون بنت مايستهبلون عليه ولا يخلون هندي مايحسرون فيه ويتهاوشون معه ياخي حنا فاشلين اقسم بالله ههههههههههههههههه انا خايف نتكاثر اكثر من كذا ونتحول ل مبيدات للطبيعه هههههههههه ياخي شف بكل حاره فيه حديقه بس محد قد طبها قالبينها مكب زبايل اقول ترتر تخيلتها قمار بضومنه يلعن ام الجوووو واللي يلعبون يدخنون ابو بس ياشيخ روووووووووح الله ينصرك على هالموضوع بيض الله وجهك ووسع الله صدرك بالعافيه اشكررررررررك من اعماق قلبي الوردي  
آخر تعديل بثر
في 12:09 AM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
20-05-2009, 10:42 PM
|
|
||||
|
توه ساكن
|
ده موضوع هاااااايل ..  واللهي اشتئت لمصر ام الدنيا وسكندريه والربع والشله .. هو صح فيه ناس ماتختشيش ابدن بس تشوف نفسها طالعه برى خلاااااص بتعمل حاقات مش ممكن ..؟  وانا شوفت حاقات كتيره أأأوي خصوصا بسوريا مره شوفت خويتي بالكليه ماشيه سبووور الاخت ماخذه راحتها علاخر .. واللهي عوزه اتكلم وافضفض بس مستعقله >> بررررررررى عندي بس تنبيه بسيط  ياليت من الي يسافرون الشباب يختارون بدل حلوه وقمصان كده كويسه ولابقه عليهم مو يطلعي الاخ مهرررررج واأرقووز  .....بلييييييييييييز يعني ..بلااحراج وفشيله!!ومررررررسي أأوي يا تريله >> ياخي اسمك يشهي للسفرخخخخ  اااخ بس امتى نسافر عوزين نهجووول هجوله على مستوى خخخخ
آخر تعديل نبويه بنت طليحان
في 10:44 PM.
|
||||
|
|
|
20-05-2009, 11:33 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
رفيدز اوباما
|
عز الله إنك جبتها يا تريلة بس ما سويت فيني خير أبد  موضوعي بعد موضوعك و مهما سويت خلاص موضوعك سحب البساط و المراكي بعد على طاري الصيفية السنة الجاية ناوي أسافر في الشتاء ... أجل قبل أمس أبحجز للشغالة و السواق لأندونيسيا في الإجازة بعد شهرين و لا لقيت لهم حجز مباشر و يوم لقيت حجز على طيران الاتحاد طلعت التذكرة بحول 4000 ريال للواحد .... حشا امريكا ذي مهيب أندونيسا أما في الشتاء تسافر أوربا بتذكرة ب 1500 بس  بس صح تذكرت نبي نغير جو في الصيف
صح لسانه ... ذكرني بقول الشاعر :
يا قرب لندن وواشنطن و باريس *** حذفة عصا للي رصيدة ملايين و يا عز حالي للرجال المفاليس *** اللي تضايقهم وجيه الديايين
ياخي يعجبونك الخواجات ... تصدق يخططون للويكند قبل بعدة أشهر ... و السفر يخططون له قبل بسنة الظاهر ، مهوب مثلنا تصدق إني شفت شباب في مكاتب طيران يدورون حجز يقول له : شف لي حجز على القاهرة ... طيب ما فيه ... شف كازا ... ما فيه ... أجل شف بيروت يبي يسافر و بس و إذا رجع و سئلته وشف شفت في هاك الديرة ما عرف يقول شي ... لأنه ما شاف الشمس أصلاً
أها أجل هذا هو سر البترول ... عز الله إنه مهوب خالص أجل ... الله يديمها نعمة
صدقت صدقت ... ياما شفنا مناظر و اللي جسمه زين يطلع أصلع بس الشماغ ساتره الله يعطيك العافية على هالموضوع الرائع ... خير افتتاح للفعالية و فالكم طيب |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
21-05-2009, 12:09 AM
|
|
||||
|
ريّس الشله
|
iههههههههههههههههههههههههههههههههههههههههههههههههه هههههههههههه
هههههههههههههههههههههههههههههههههههههههههههههههههه ههههه هههههههههههههههههههههههههههههههههههههههههههههههههه هههههه لقد اتعبت الكتاب الي بيجون بعدك ،،، الله من واحد كاتب موضوعة ورجع يعدل ويضبط فيه ،،، احسنت يابو عبد العزيز واحسنت يابثر في اختيار العضو الى ينزل موضوعة الاول  ،،، نموذج حي لمن اراد الكتابة والمشاركة بها الفعالية ،،، حنا مانبيكم تكتبون بنفس العيارة والاسلوب ،، نبيكم تكتبون مواضيعكم بنفس التسلسل والتنقل في الحوار ،،، اسلوب يجذب وغير ممل ويشدك تقراء الموضوع من اولة لاخرة ،،،هبت رياح الصيف وتغير الجو ،،، وانا وليفي مايداني سمومة المفروض يا تريلة تكتب موضوعك هذا في موقع اعضائه مقطعين باريس وماربيا ولندن وماليزيا ،،، مو تكتبة في موقع اعضائة حقين كشتات في مخططات ومنتزهات البلدية ،،، واكشخ عضو بلمساطيل واحد ولد خالتة يدرس صيدله باستراليا ،،، المشكلة حاطين قسم لشاليهات وكل المواضيع عن كشتات البر وصور عزائم ،، ولا فيه ولا موضوع لاحد الاعضاء مسافر خارج المملكة ،،، المفروض يسمونه قسم القرصان والمرقوق مو قسم الشاليهات ،،، لقد اسمعت من ناديت لسياحة يا تريلة ،،،، ولا كن لاحياة لمن تنادي ،،، بلله عليك يا تريله قد خبرت موقع على الشبكة العنكبوتية اكثر تواجد فيه للاعضاء يكون بلاجازة الصيفيه ،،، المساطيل الموقع الوحيد الي يدهر ويكثر التواجد فيه بصيف ،،، يعني مافية احد يسافر يصيف برا او جوا المملكة ،،، من جد موضوعك هذا بعد اكتمال الردود بنقلة لموقع المسافرون العرب ،، او موقع اجازتي او موقع المنقطين بلمراقص العرب ،،، يا حبيبي تريلة ذولاء الاعضاء حدهم بصيفية يرحون يشفون مسرحية بطولة يوسف الجراح وبشير غنيم ،،، في مسرح مركز الامير سلمان للمسنين وتخب عليهم ،،، اما السفر بصيفية يبطون عظم ،،، انت يا تريلة مراقب عام وتقدر تحرر الموضوع وتقشعه ثم تروح تنقله لائي منتدى ،،، ثم تخش وتكتب موضوع عن اخر الصيحات في عالم مبيدات قتل القمل والحشرات والزواحف ،،، ومعطرات ومزيلات رائحة الاباط ،،، او موضوع السباحة بخزنات البيوت الارضيه بصيف وخطرها على الارواح والممتلكات او موضع عن كيفيه الرقص بلعروس بدون دق رقبة وكهربة هذي المواضيع الي تنفع لاعضاء عضوات المساطيل ،،، اما موضوع عن السفر بصيفية مثل الى ينفخ في قربة مشقوقه ،،،منور الشلة بيتك ومطرحك يا تريلة ولي باااااااااك قريب |
||||
|
|
|
21-05-2009, 12:24 AM
|
|
||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
يغير جو ويفلها
هههههههههههههههههههههههههههههههههههههههههههههههههه هههههههههههههههههه والله نزلت دموعي من الضحك يعني بزير وشلون تبيه يعبر؟ اذكر مره مدري بأي صف كان اختبار نهائي عالتعبير وماعرفت وش اعبر رحت كتبت قصة فلم تايتنك عشان التعبير يصير طويل واخذ امتياز { والله كل ماتذكرت تعبيري كرهت نفسي }
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه رهيبه
ليه الفله وسعة الصدر مربوطه بقلة الأدب دايم؟ موضوع بطل ياتريله وانا مو مره مع الشله بالردود وردي مثل وجهي ادري.. بس تعودت اقرا بالشله وما ارد.. بس قلت لازم ارد عليك لأنك مغبر عن الشله نقدر نقول ولكم باك
|
||||||||||||||||||||||||||||||||||||||||||||||||||||||||||||||||||||||||||||
|
|
|
21-05-2009, 12:26 AM
|
|
||||||||||||||||||||||||||||||||||||||
|
من شيوخ الحاره
|
مبرووكين عليكم الفعالية ,, اطلدز فعالية,, براعية بثر اللي اتوقع الحين منسدحن على ظهرة وحاطن على جبهته خرقة باردة تنزل حرارته,,ومقابل الشلة ليا يجينا واحدن من اصحاب اليوزرات الانتحارية ويخرب علينا الفعالية ,, صيفنا غير<< ايه هين الصيف ترى حنا مخدوعين فيه,, ابد مانعرف نصيف,, حدنا استراحة وتخب بعد,, لا ونفرح لا صار فيها برتسة نبربس بها عشان نحس يعني بالصيف,, ياتريلة اخبر وحدة كانت تسولف وتقول انهم يستاجرون استراحة في اجازة الصيف ويرقدون بها اسبوع والبرتسة يبربسون بها اسبوع تغدي خضرا وكلها شعر وقبل ما يطلعون من الاستراحة ويسلمون المفتاح الا البرتسة غاديتن صفرا الله لا يبلانا ,, عاد قلت لها تعالوا صيفوا بالدمام فيها بحر<< حدنا ونفرح به المهم الضيف اللي بعده جو للشرقية وراحو للبحر ووصفتلهم مكانه لانهم مايدلون تخبر حدهم استراحات.. المهم راحوا للبحر الابو والام طبوا وتركوا عيالهم يبربسون على الشاطئ وتعال شف عاد وش خلوا  قسم اللي يشوفهم يحلف ان الزبالة ماطبت ديرتنا ,,مدري وش الله حادهم يجمعون زبالتهم ويقطونها.. المهم مسكت السماعة ودقيت على السمرمدية وقلت لابوتس لابو من علمتس على البحر يالتكرونية<< على بالي محد يعرف البحر خليتس حدتس برتسة صفرا لاعاد تطبون الشرقية ,, صدق اهل الرياض يوسخون بحرنا بس ترى حتى حنا ماندل وين الزبالة,, اجل اروح الكورنيش القى الزبالة فاضية وبجنبها جميع زبايل خلق الله طيب والله حالة ,, اكاد اجزم ان عندنا شعب حول ولا يعرف يحط وساخته في مكانها.. يعني صيفنا غير اننا صيف داخل فرن فحنا نصيف وسط وساخة
هههههههههههههههههههههههههههه هههههههههههههههههههههههههههههههههههههه اي والله هذي لو جو ناس مايعرفون يتفشخرون ابد .. يجونك بالدوام فرحانين انهم مسافرين ومصيفين برى وتاركين الحر عندنا ثمن لا سالتهم وين قالوا والله رحنا صيفنا في الامارات والا الكويت ههههههههههههههههههههههههههههههههههههه ياحلوين الحال من بعضة صيفهم نسخة صيفنا والا الظاهر ينزل به برد وامطار وانا مدري؟؟؟ هههههههههههههههههههههههههههههههههههههههه قسم بالله اطلق صورة.. وش ذا اللي شاخطن داخل البحر تقل عاضه شي والا حارقة شي ههههههههههههههههههههههههههههههه مدري هو يبي يهج من صيفنا والا انه في غاية الاستمتاع بالصيف والبحر هههههههههههههههههههههه
؟ ههههههههههههههههههههههههههههههه ههههههههههههههههههههههههههههههههه والله الحاشي ماطاردوه تسذا.. اجل حاطين خيمتهم في الكورنيش وش بلاهم مضيعين.. لاتشره عليهم خيمة في الكورنيش اللهم لك الحمد بس,,هالاشكال لو تطلع لهم جنية طاردونها يعطيك العافية على الموضوع,, متااابعة.. |
||||||||||||||||||||||||||||||||||||||
|
|
|
21-05-2009, 02:37 AM
|
|
||||
|
راعي محل
|
يالله حي امون (الهلال فاز)<<تبي تقهرهاوتريله ومضيع بيتهم ..وش هالموضوع الزين المتكامل وبالصور بعد خصوصا الصوره حقت الشاطي تحكي اولا انا والله اني كتبت رد واقتباس كل سطر بعدين كرهت ردي ومسحت وقلت ارد عليك بالمشرمحي من غير ما اقتبس ولا شي بقول اللي في خاطري شوف احنا اذا جاء الصيف ياننام وناكل اللين نصير كأننا ابواب متحركه  او الحل الثاني نقلبها عزايم وشرهات مثل ماقلت واحيانا الناس تسافر عشان العزايم يعني صيفنا مع ربعنا احلى ..طيب وليش الدوله حطت صيف واماكن سياحيه مثل وجهها عشان نروح بيت فلان وبيت علان  ؟؟..وخلنا نكون واقعيين اكثريعني لو قلنا الاماكن السياحيه عندنا كوب القهوه يوصل 20 ريال مو كل الناس تقدر تروح تسيح في هالاماكن ..يعني لو رحنا ابها بنقعد نطامر في هالجبال مثل القرده ..طيب وان رحنا الشرقيه نتمشى من نصبح اللين نمسي واحنا عالبحر ومتغطين ولافين علينا الرواق من كل الجهات الاربع حتى بحر مانشوف ومعنا قدر الضغط وهاتك يامكابيس <<هذا حال المجتمع السعودي في اي مكان في العالم لو يروحون لبريطانيا خذوا دلة القهوه وقدر الضغط بينما شوف بلاد برى لو يطلعون عالبحر وش ياخذون معاهم كيس زباله قبل كل شي عشان يضفون زبالتهم فيه +كيسان ورق للشاهي+توست مسويته الماما حقتهم+شوكلاتة نيوتلا+فواكه من الحديقه حقتهم +الكلب حقهم ماخذينه يتونس معاهم <<يستبدل عندنا الكلب بذاك التيس اللي يهبل يذبحون ويصلخون عالبحر ولا في الجبال ولا قلعة وادرين وين مارحوا هالسعوديين خذوا معهم تيسين ثلاثه موب اقل ..بالاضافه الى ان اي سعودي الا من رحم ربي اذا راح يصيف نكب الديره اللي يروح لها بحيث انه اذا راح يتمشى بمكان يوصخونه هو وعياله ولاينظفون بعدهم ماتشوف الا اللي يشرب الببسي ويحطه بعيد شوي ويقعدون يرمونه بحصى واللي يصيب له مية ريال <<لعبة اي سعودي مطلع بزارينه للبر ..ونجي للنقطه مهمه اذا جاء الشعب السعودي بيسوي نفسه هاي كلاس وبيسافر برى تعال شوف الاشكال اذكر مره كنت بالمطار وننتظر موعد طيارتنا الا تجي هذيك البنت الكاشخه يقالها بتسافر برى ولازم تبهر الجمهور الخارجي ومعاها دبدوب <<دميه طبعا ..كبرها والله كبيررررررر وماخذته معاها وين ماراحت طيب في الطياره شلون يعني ماخذه له مقعد؟ وش هالناس اللي تفهم التطور غلط بالاضافه الى نقطه مهمه مره للصيف والمصيفين والعرسان اللي بيتمشون في بلادنا يعني الواحد يبي يسوي نفسه قدام زوجته انه ابوكاب على غفله ويسرع ومايضرب حساب لاشي ولا للحرمه اللي جنبه .. عشان كذا صيفنا في بلادنا مخيس واحنا السبب واللي مايعرف للصقر يشويه لذلك اللي مايعرف يصيف زي الناس يقعد في بيتهم تراه احسن وماهو بشرط انه يسافر ياحلو بيوتنا على الاقل ضافتنا احنا وقدورنا ودلالانا ...وفي الختام قبل الوادع بلحظات<<اذاعه مدرسيه اشكر تريله واشكر بثر على هالفعاليه وللمعلوميه ان الموضوع اللي انا كنت كاتبته ومجهزته للفاعليه نفس هياط الاخ تريله ولذلك قررت يابثر المقرفون اغير مقرفوني واحط موضوع جديد يتناسب مع قدراتي العقليه وكل العتبان كلهم لافرق الله شملهم وش بعد وش بعد <<خلاص انطمي  وهذي ورده
آخر تعديل مساء انثى عاطله
في 03:58 AM.
|
||||
|
|
|
21-05-2009, 03:22 AM
|
|
||||
|
مسـيّر
|
هههههههههههههههههههههههههههههههههههههههههههههههههه هههههههههههههههه يالله حيه ... واكسر لحيه << من بدايتها تموون والله ان ماضوعك خوطير ... ويهبل انا اشهد انه ماضوع عليه القيمه وانك صادز بكل كلمه خطتها يداك .. والله اني بغيت اقتبس بس عيوني تقولي اسمحيلي يالغرام انا فيني نوم وحاولت بكل الوسائل والطرق ان اقنعها لكن وللاسف كل محاولاتي باءت بالفشل والخسران وهي تقول لي رفعت الجلسه ههههههههههه << لا تشهره علي تراني مواصله بس ماعلاك منها انا بوكرا بجيك بإذن الواحد الاحد وانا بكل قواي العقليه والحيويه واقتبس وادهر في ماضوعك ... فلذلك لي بااااااااااااااااااااتس ايه شسمه ... يؤؤه نسيت ... خلاص باتسر اقولك فمان الكريم تقبل مروري اختك المستجده / عاصبه راسها
|
||||
|
|
|
21-05-2009, 03:42 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
هههههههههههههههههههههههههههههههههههههههههههههههههه ههههههههههههههههههههههه
يحرء حريشك ياتريلة ذكرتني باللي يقووول: ناسً تمشى وسط لندن وباريس --- وناسً في وسط الشبك ترضع بهمها << مثلي هلله الله ..بالله انت وش قاهرك من الناس اللي تسافر دعهم يسربتون ويسرحون ويمرحون هماهم بكورنيش الخبر المعفن خل سمنهم بدقيقهم وشوله البعزئه والهبال والسكر وقلة الحيا بمصر وسوريا اللي حتى المطاوعه بعضهم لاراح اهناك خرب ام امها ودعثها وماتشوووفه الا يترنح تقل صرصور داخله الحق .. ماعندنا مشكله يبي يسوون اللي يسووونه بديرتهم بقريح بس يروحون برا واللي رابط ربطه ويرقص تسنه حكيم ..واللي يغني تسنه شعبان عبد الرحيم ليه وش حادنا على المعاير من الدول الثانيه كل ماطق عودً عود قالوا السعوديين يفشلون ولو ترفع لك مشايه لقيت سعودي فاق خشته تحتها ياليتها على ذي وتهون .. اجل انت مصدق اللي يروح يسافر له غرض من السفره غير الدشره .. لان الناس اللي فاهمه السياحه والتمشي وسعة الصدر ينعدون على الاصابع ماحوولك احد.. هذا طبعا ً غير اللي تجيهم اعلوم المراجل بالمراقص ويقوم فزاع كل ماشاف له واحد يساوم له مُزه .. اخص يالمُزه .. .. ودك السعوديين يصيفون لام رقيبه وهناك عندك البل والنياق والبعرنات << كولي تبن .. ابرك لهم وابرك لنا ولا السعوده وش عرفهم بهالسوالف تصييف وماتصييف حدهم سباق الهجن وماهنا ازين منه لتطليع الطاقات .. يابوي الثمامه بنت حلال احمدو ربكم عليها ..يوم كنّا ورعان لاجا الصيف اشتروا لنا اهلنا مونوبولي ولاريسك ..ونمسطها لعب لين تخلص العطله ولا قالوا لنا وين رحتو بالصيفيه قلنا لهم رحنا لبكاديللي ولامايفرولا استراليا وابن امه يتسذبنا .. ياشيخ بلا صيفيه بلا عنب احمر بلا بطيخ ملون<< تلايطي ..
الله يشفينا وياك بكم تبيع العزيمه تاخذ فلوس على القرايه ياشيخ تريله بالله سقها
اخص ياغابرييل غارسيا امانه وش تحس فيه يوم تقولها؟!.. وشباب باريس مايلعبون بلوت اصلا ماجبنا هالبلوت الا من اعيال باريس <<اقطعي واخسي
هو في احد فالها غيركم يالشباب الله يرحم حالنا كل سنة بديره وماهو بعاجبكم بعد
هههههههههههههههههههههههههههه وشو حدها جاتك لقى له فريسه .. هه شفت بالله تخيل هالمناظر برا
انشهد انه ساتر له بلاوي والشماغ بعد ساتر له صلعات واجد .. لاتركوا الثوب يغدون مثل الغراب اللي ضيع مشيته تريله وربي ابدااااع مامثله ابداع ياشيخ شكلي بنسحب من الفعاليه اجل اقدر انافس ذا الحتسي اللي فوق وربي انك بطل بطل ... ابطل من غرانديزر ..عرف يختار بثر البثر من يحط بالافتتاحيه ..مع انه فاهي ولا يدري هي حادره ولا مسنده بس هالمره جابها يامال العافيه ومافي شي اقدر اقوله اتسثر يامبدع
آخر تعديل الأخت مطنوخه
في 03:48 AM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
21-05-2009, 04:23 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مساهمه في شهار
|
استاثمت فيني ياتريله وربي ذبحني الضحك .. قسم انقهرت انك خلصت الموضوع لو طولته شوي وربي ماحسيت الا انا في النهايه ..
هذا بالنسبه للي يسافرون برا .. البلا في اللي ما طبّوا المطارات ولا شافوها .. لابدت الصيفيه بدا موالنا لأهلي نبي نسافر نبي نتمشى نبي نغير جو .. عاد السفر يقالنا ابعدنا بالحيييل وهو يا ابها يا الطايف يعنني تبردنا شوي .. والا يسكتونا يقولون نروح للمدينه ونصلي في الحرم اجر مضاعف .. ناخذ لنا ثلاث ايام خلاص تكفي يابخت من زار وخفف .. بالله هذا سفر؟؟ هذا تمشايه ألحين .. ماقلنا شي المدينه تكفي الراحه النفسيه اللي فيها بس نبي نطوووووول نحس اننا ابعدنا عن البيت اما طاري السفر برا المملكه هذا امر مفروغ منه ولا احد يتجرأ يفتح سيرته .. مره قلت لأمي نبي نسافر برا قالت برا وين قلت برا يعني برا المملكه قالت اهاااا وشوله طيب قلت نشوف اشياء جديده وجو غير وكل شي يختلف عن هنا .. قالت يا بنتي من طلع من داره قل ّ مقداره .. يعني مافيهم طب ابددددد ..
هههههههههههههههههههههههههههههههههههههههههههههههههه ههههههههههههههه عشان اخوياه يشوفون الصوره ويصدقونه .. اتوقع الاحمر ذا ماعاد طلع من بيته بعد الصوره عاااااااار في جبهته متصور مع هيكل عظمي اسود .. لاشكل ولاجسم ولا روح فيه شي واقف يضحك ماتدري وشهو
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه والله كأنه جالس يسولف في الصاله مع اهله .. لابغيت تضحك خذ لك دفتر بزر وشوف وش كاتب .. اذكر اخوي يوم يكتب جمل مفيده كلها عن الحبحب وعن الغنم والشعير .. شطحه .. مره كان يذاكر في العلوم جيت اسأله عن الجزيئات قال (( لاحطينا السكر في الماء جزيئات السكر تلّبق في جزيئات الماء بعدين تختلط معها )) ههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههه صدقت والله كل الناس يحترون الصيفيه تقول بسم الله وتبدا عروسهم .. كأنه جريمه لو خلوها وقت غير الصيفيه . لو تشوف الرجال عندنا يجمعون كروت الزواجات ومرتبين التواريخ اليوم زواج فلان وصادف زواج فلان معه تعبانيييييين و مسوين جداول .. زواجات يروحون لها ويمشون بسرعه يلحقون على المحاوره في الزواج الثاني وعلى هالحال .. من غير الميزانيه الخاصه للزواجات .. وتنتهي الصيفيه وحنا ما استفدنا منها بسبب الزواجات وعلتها .. < احد قال فضفضي . والبدوي لا صيّف تلقاه طول الوقت وهو يهاوش بزرانه يافلان امش يافلان انتبه لاخوك .. خسرتونا بالبلاوي اللي تشترونها وتاكلونها مامنها فايده يقصد الايسكريم والشوكلاته وياليته يوم ينصحهم ما احد يسمعه العالم كلهم يوقفون يتفرجون .. والا لا راح ولده وابعد عنهم يروح يجيبه يتله برقبته ويصفقه كفوف وتنكد الام والبنات بسببهم ويرجعون للشقه .. << عايشه الوضع
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه مشكلة شبابنا انهم على جريف ولو لقوا اي فرصه يجربون كل شي ويفلونها على قولتهم ماراح يقصرون ابدد .. فلوها واضحكوا واستانسوا بدون خراب وبلاوي .. والله لو يروحون للمريخ تلقاهم مسوين مصايب هناك ويمكن المريخ يتكلم وينطق ويشتكي منهم وينطلهم على عطارد يبي الفكه منهم الله يهديهم فشلونا في كل ديره هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه بطنييييييييييييييييييييييي وربي ذبحني الضحك على هالصوره عيوني دمعت خبوووووووووووووووووووووووووووووول اللي يطق اصبع راااااااااااايح فيها بقوووووووه << فاطسه تريله .. يعطيك العافيه على هالموضوع ولو انك طولته شوي كان احسن .. موضوع بطلللل من كاتب تشهد له العياره والمعذره على الرد اللي مدري وش يبي .. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
21-05-2009, 04:28 AM
|
|
|||||||||||||||||||||||||||||||||||||||||||||||||||||||||
|
عـرّاب المحـلي
|
 ههههههههههههههههههههههههههه الله على أختيآر الموضووع الله ع السلآسه الله ع الأسلووب العيآري الرآآيق والله يآتريله مآلوم مضيع يوم ينشب لك ويقط نفسه معك غصب >> طآلعه منهآ
معليش يآتريله كله من نآيف صديقك هو السبب !لي فتره طويييله مآتكلبشت مآلقى يكلبشني أنآ ومضيع ألآ ألحيين فشلتنآ عند تريله يآنآيف الله يسآمحك بس
زعيم ممكن تفحز شوي على جنب صح لسآن شآعرنآ تريله
ريآجيل ؟ >> آحم ترى ذآ نوع من آنوآع الرجآجيل (يعني رجآل بس على أنعم شوي) لآتحسبون تريله مآيعرف يكتب زي آخووه رآعي حده لآ لآ آنتبهوآ تريلة غير /// اذا كآنت فكرة الموضووع أبدآآع وأنصآغ بشكل رآقي وعيآري بحت وبأسلووب متمكن وسلس فأعلم أن كآتبه تريله شوق >> ترى كل ذآ عشآن تفووز ونتقآسم الهديه شكرآ لك يآتريلة وشكرآ لرئيس التحرير اللي لو يسكت أزين له يقآله يعدّل هو ووجهه وهو جآيب العيد
|
|||||||||||||||||||||||||||||||||||||||||||||||||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
