 |
 |
 |
 |
 |
 |
 |
 |
04-06-2009, 07:27 PM
|
|
||||
|
العدوان الغاشم
|
 قسم بالله مالي دخل ابد بكلمة سطل وترى موب كلش انا اسويه واي بنر يركب تحطونها فيني وعلى فكره ترى ما عرفت اطفي جهازي من قائمة إبدأ الا قبل سنه ونص والا قبلها والله اني أمصع الفيش من الجدار دايركت وقلتها كم مره واللي موب مصدق بكيفه أبغى أصحح مفهوم او معلومه لله ثم للتاريخ .. ترى الموقع اللي يملكونه أربعة مراقبين جحلّط .. والموقع زيه زي الموتر .. تقدر انت واياه تسجّل موتر بإسم ثلاثة رجاجيل ؟! لا الاستماره ما ينكتب فيها الا اسم واحد بس .. الموقع هذا و بحكم اني انا المتطوّر فيهم والمثقف والرائع واللي واضح اني شخص متزن وراقي من بينهم اكيد بيكون عندي بطاقة إئتمان ماستر كارد لذلك عشان هالشي كان الدومين بإسمي فقط لا اكثر تدرون ان دعلج حتى ما عنده ولا بطاقة صرّاف ؟! للحين يستلم راتبه كاش من دوامه و رابطينه بمغاطه بعد وعمر ابو راس هذا حدّث ولا حرج ما ادري من وين ابدا وانتهي معه بس كفايه علينا انه للحين يتعامل بالروبيه الهنديه وش اللي بطاقة ائتمان يعني باقي له عليها كم سنه زياده يعني قاعدين نتكلم عن واحد آخر مره شاف مية ريال سعودي قبل خمس سنين اما مخترش الجحور شقراوي من أصل حضرمي لو استلم الموقع بيقلب اسمه من حارة المساطيل الى الاسم الجديد ( حارة با مساطيل ) وبيبيع كلش فيه وبيستثمر مهبول استثمار ذا الولد موب عاقل مخترش البلطان يعني تراني منب المالك الوحيد للموقع ولا يخسى الا انا بس اللهم اني بثر وكثير وردودي طويله يعني موب كل ما حامت كبودكم من شي تحطونها فيني لا آبو من جمعكم اصلاً اول ما فتح الموقع ايام السطول مدري ايش ( طالع منها ) كنت بالمستوى الأخير بالجامعه ولا كنت أشارك الا على خفيف لين تخرجت وفضيت يعني انا بريئ من اقتراح السطول براءة الذئب من دم ابن يعقوب الله يآخذك يا عمر انت ودعلج وش اللي سطول المشكله انها تاريخ والتاريخ لا يُنسى ههههههههههههههه  لا بعد سجلوا عندكم اقتراح لدعلج .. هذا كوم والمساطيل كوم ثاني .. اقتراح من كوكب آخر .. اول ما فتحنا الموقع عندنا اصرار عجيب اننا نتميّز بشي ونبتكر حاجه مهيب موجوده بالمواقع الثانيه .. ونبيها شي محسوس موب إجراء شكلي او تقني وبس .. جينا على سالفة الديمقراطيه والحريه وكسر الروتين والرسميات .. جانا بإقتراح قسم بالله اتذكره زين كنا جالسين في كوفي شوب على الثلاثين .. قال اقتراحه يوم خلص منه صارت ربكه في الجلسه وتحركت الكراسي وقمنا نتلفت ونناظره بعين وهو استحى وغاص في الكرسي حقه وطمّن رآسه قليل الحيا الله يآخذه قولوا آمين والله من عقب ذاك الاقتراح وانا لي يومين اهوجس واقول ( بالله ذا واحد تعتبره خويك وتطلع معه ؟! ) يقول خلونا نتميّز بفكره جديده محد سبقنا عليها ( متحمس هو وخشمه ) قلنا وش هي .. قال : كل الاعضاء اللي يسجلون يصير لونهم احمر ومراقبين دايركت يدخلون الكنترول وحنا نصير اربعه بس لوننا ازرق وكذا ديمقراطيه صح وخل الاعضاء يشطّبون بعض ومن سبق لبق الله يرجك يا دعلج او الله يآخذك ( الأقرب منهن ) بالله ذا كلام تقوله ؟! من عقبها والله اني معد أوثق فيه مره وهو اصلاً حسّ فيها لأننا بغينا نكرشه والله اذكرها زين حامت كبود العيال منه بس يبقى دعلج شخص رائع ورهيب ولا يهمونك يا دعلج انت اكبر منهم <-- وشو عقبه يالوصخ صحيح فيه غياب وتراجع بالحضور بشكل أكبر من سابق ولكنه غير مؤثر إطلاقاً على سير الموقع وترى ما وصلت لإنعدام الحضور ولكن المسأله تبقى نسبه وتناسب .. لما تقول الموقع له سنه ونص صحيح بيكون الغياب غير مقبول إطلاقاً .. ولكنها أكثر من ست سنوات كانت عامره بالمواقف والأحداث اللي تظهر معادن الرجال وبنات الرجاجيل .. بداية الموقع ولفترة ثلاث سنوات كانت مرحلة تأسيس .. كانت طويله نوعاً ما على مسمى ( منتدى ) ولكن كانت في محلها وتؤتي ثمارها الحين .. أضمن لكم اول ثلاث سنوات كان الدخول يومي والمتابعه على مدار الساعه .. تراها كانت مُنهكه بشكل كبير خصوصاً لما تكون تأسس لبعدين .. الآن ينتشر المشرفين ورؤساء الأقسام والمراقبين في كافة أرجاء الموقع وكلن مسؤول عن قسم او فكره او حدث معين .. الآن تتعدد الأقسام والتخصصات وكل قسم له متابعينه سواءً اعضاء او زوّار .. إتسعت رقعة الموقع وزاد عدد الاعضاء بشكل مضاعف عن السابق .. ولا نسعى للكم ابداً .. لو سعينا لأرقام كان عدد الاعضاء الآن يفوق 200 ألف بكل بساطه ولكن هذا مجرد رقم ما راح يكون مؤشر واضح لتميّز موقع شعبي مثل المساطيل .. العمل بالمساطيل وفق تخصص وتوجّه معين .. نبحث عن الكيف ولا نهتم للكم .. اذا كان الإسلوب شعبي وطريقة التعامل فيها بساطه وتلقائيه لازم تهتم بالجوده والإتقان وبس .. الحصيلة كانت عدة مميزات لو ما جانا منها الا شي واحد ترى كفايه .. وهو ان جميع المواضع المكتوبه من صميم إبداع العضو ومن فكره الخاص .. لا نسمح بالنقل والمواضيع المكرره .. والسياسه هذي صارمه لا تقبل النقاش مُطلقاً في الأقسام المتخصصه .. وهذي ميزة المساطيل انه ما يسجل فيه ويتواجد ويشارك في اقسامه الا الشخص القادر على التميّز والكتابه بدون الإستعانه بأفكار الآخرين او نقلها كامله ..  برضو نقطه ثانيه .. فيه تلميحات ان المراقبين غايبين .. ما ابغى أنكرها ولا اثبتها ولكن للي يعرف مسيرة المساطيل بيتأكد من شي واحد ان الغياب يخفي وراه نجاحات .. بإذن اللي ما تنام عينه فيه ضربات ساحقه قادمه بالطريق والآن استراحة مُحارب والهدوء الذي يسبق العاصفة  الإدارة بالمساطيل تحاول قدّ ما تقدّر انها تقلل من الكلام وتصرف جلّ الإهتمام والجهد للواقع العملي فقط .. بعد كذا المُنجزات هي اللي راح تكفينا عناء الحديث .. موضوع يشدّ اي شخص سجّل وشارك بالمساطيل .. عشان يعرف تاريخ الآباء والأجداد ههههههههههه امحق اجداد والله قد شفتوا أجداد دشير ؟! وألف شكر لمبه وألفين شكر يا وهم .. مشكورين على هيك موضوع ..متابع للردود .. |
||||
|
|
04-06-2009, 07:31 PM
|
|
|||||||||||||||||||||||||||||||||||||||||||||||||||||||||
|
ملح المطبخ
|
مفتت ! الله يذكره بالخير  منقطع عن الموقع مدري النت كله بعد ,
هههههههههههههههههههههههههههههههههههههه سبحان مغير الاحوال  والله وطلعت كنتوش يانائف نقد  ,
من زين خشم دعلج علشان تشوفونه ؟ <<-- سحبت على وجهه  الذين يشاهدون محتوى الموضوع الآن : 4 ( الأعضاء 3 والزوار 1) حلم ~, سنفوره مشاكسه, نكهة الديزل هاي نكهه
آخر تعديل حلـم ~
في 07:42 PM.
|
|||||||||||||||||||||||||||||||||||||||||||||||||||||||||
|
|
|
04-06-2009, 07:35 PM
|
|
||||
|
من شيوخ الحارة
|
آخر تعديل مــوعــود
في 07:35 PM.
|
||||
|
|
|
04-06-2009, 07:37 PM
|
|
|||||||||||||||||||
|
ملح المطبخ
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه قل انك تمزح تكففففففففففففى مابيه يطيح من عيني 
|
|||||||||||||||||||
|
|
|
04-06-2009, 07:47 PM
|
|
||||
|
العدوان الغاشم
|
الي اقترح الرتبه " مخترش الجحور " .. ولو فتحنا له المجال بتنعفط صفحة المواضيع من طول الرتب حقته .. يقول اي واحد يتكلبش نعطيه رتبة " اذا تبغى تعرف ليه تكلبشت راسل الاداره " .. من هالأحداث لازم نعرف ان الموقع في بدايات تأسيسه مرّت عليه هزّات وبلاوي واقتراحات مهيب يمّ سنع لكن كنّا نحل مشاكلنا ونتفاهم داخل البيت المساطيلي واتذكر رد للجوكر .. جايب بنر لشعب المساطيل .. للتصحيح اللي صممه مشرفنا السابق الشقردي " ما يهاب " الله يذكره بالخير ..
|
||||
|
|
|
04-06-2009, 11:46 PM
|
|
||||
|
قضبناه الباب
|
المهم الي يبي مقابلة اوربت مع دعلج يجيني اول ماسجلت دورتها لين ازريت وعقب رفعت الموضوع وجاني نكهه قال مهبول الموضوع قديم قلت عطني الفديو حق المقابله قالي عند العنود اعتقد العنود او عضوه ثانيه اعتقد نسيت المهم دورته عندها مالقيته ولا ارسلت لدعلج نسيت الموضوع وتركته !!
آخر تعديل Abu GoD
في 11:50 PM.
|
||||
|
|
|
05-06-2009, 12:11 AM
|
|
||||
|
من رموز الدكه
|
كأني اذكر سطول وكنت ناقد عليكم واليوم نهبلت مثلكم الله يدفع البلاء نكهه نصيحه من مُحب المنتدي يضمحل الردود لم تعد كسابق التفاعل كذالك يجب ان يبحث في الاسباب عشتم وعاشت امتكم المسطوله المجيدة متابع سابق مسطول حالي فهد , الكويت |
||||
|
|
|
05-06-2009, 12:23 AM
|
|
||||
|
قافطهم
|
سبحان الله قبل ايام كنت افكر في الستايل حق المساطيل اول ماسجلت.. طبعا اقصد قبل الاقسام الجديده.. بس والله شكله الحين احلى من الوان اول.. حبيت المساطيل واللي جذبني فيه وخلاني اسجل فيه .. ..اغاني ماني. ياجعله ان شاء الله عامر ذا المنتدى والله لايغير علينا وعليكم.. |
||||
|
|
|
05-06-2009, 12:35 AM
|
|
||||
|
العدوان الغاشم
|
^ فهد 2008 .. احترم رأيك ولكن ما اتفق معه .. وهذا ما يقلل من قيمة ردك نهائياً .. لكن لا تكون جزء من المشكله .. خلك جزء من الحل والمساطيل يُدار بالرؤيه المؤسسيه مو بالرأي الشخصي و ما يقوم على شخص واحد ويا ليت لو تشخّص المشكله " ومنكم نستفيد " لأنك تشوف المشكله من زاويه ممكن حنا غافلين عنها او ما نتصوّرها زي ما تتصوّرها انت .. بس يا ليت نحط في الاعتبار الفارق الكبير بين فتره كان العدد فيها 5000 عضو والآن لما تعدّينا حاجز المائة ألف .. كمثال للفرق : أيام اول يومياً نفعّل عشرين يوزر الآن اذا فعّلنا باليوم 120 يوزر ترى شوي .. ايام اول نستقبل 5 طلبات للأعضاء في يوم واحد الآن تتكلم عن شي ما يقل بأي حال من الأحوال عن 30 طلب للأعضاء مختلفه ما بين تغيير يوزر , تفعيل , باسوورد ضايع , قضيه بالديوان أو استفسار منا والا منا هذا غير رسائل الزوار او طلبات الاعلان ناهيك عن متابعة السيرفر مع الشركه المستضيفه .. رأيك عالعين والرآس وبتطرح رأيك ومحد بيلومك او يعاتبك ومن كامل حق الإدارة انها تؤكد وتدافع وتبرر بشكل مشروع ومنطقي حسب وجهة نظرها .. المساطيل ما يضمحل ولا اعرف كيف يضمحل وهو يكبر وتكثر أقسامه وفيه اعضاء تخصصوا بمواضيع الطبخ بشكل إبداعي يفوق الوصف وما راح يضمحل وفيه شعراء وكتّاب خواطر بشكل رهيب بعكس اول اللي كل شهر تنزل خاطره وحده بقسم خيمة الشعر .. الآن قسم مستقل وعسانا نلحّق على تكريم الأعضاء بالشكل اللي يليق بحضورهم اما انا نلحّق على مواضيعهم وإبداعهم بدري علينا .. وخذ لك نظره عالملعب المحلي بتلقى لك كتّاب رياضيين على مستوى عالي .. المهم ان المساطيل ما يضمحل بالعكس يتصاعد فكرياً شئنا أم أبينا .. وهذا شي يسعد النفس ويردّ الروح ويبرد الخاطر .. لا هنت يا فهد .. وألف شكر على كلامك
آخر تعديل نكهة الديزل
في 12:37 AM.
|
||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
<-أبد بيسمعون كلامك وبيسجلون دخول ولاعدهوم طالعين لداوماتهم 
