 |
 |
 |
 |
 |
 |
 |
 |
 |
|
||||||
| متحف الحارة منتدى المواضيع المميزة |
|
|
أدوات الموضوع |
22-04-2009, 10:07 PM
|
|
||||
|
مصور محترف
|
Dxb + Ad على النوايف مسكنك دوم عالي // الجزء الاخير ص5
  على النوايف مسكنك دووووم عالي ارحبووو ارحبوووو يالله حي من لفى وحي ذا الشوووووووف مرحبا السااااااااع مبطيه عن المواضيع واااجد وهالموضوع مفروض نازل من شهرين  بس عاد العجازه ماخلتني وغيرها ظروف وعجئة اختبارات  قلنا نبي نختبر قبل هالاجازه ونتهنى بها مادرينا ان الاختبارات باتله الى بعد الاجازه قاموا يردفونها ورا بعض الى الفاينل ماعلينا بس اعتبروها شوي فضفضه من وحده منغبنه ولا هي متهنيه بأجازتها أبد أبد << كتابها منبطح وحاط رجل على رجل ويأشر يقول ياللههذا ياطويلين العمر والسلامه ,, في شهر مارس/ربيع اول على اواخر الشتاء بس مهب قبل اللي فات وبعد نهاية اجازة النصف عام نقزنا لدانة الخليج طبعا هذا هو وقت دبي واصلح شي لزيارتها من نوفمبر + ديسمبر + يناير + فبراير + مارس ( وش رايكم فيني وانا صامتن الشهور الميلاديه ترى قسم ماغشيتهم )المهم بذا الوقت وبين هالشهور هو افضل شي عشانه يوافق جو وفعاليات وكرسمس برضو ,, بس على وقتنا رحنا اخر شهر مارس كلش صار منتهي مابقى لنا الا الجو وبالنسبه لي ذا اهم شي لأننا نجينا من العاصفة اللي جت بالرياض وحاستكم حوس  ومهب لازم نلحق على فعاليات ولا اعياد  الا ياربي كان فيه مهرجان الشعر واول يوم وصلنا فيه كانت امسية فزاع+عزام ماعلينا منهم بتكلم شوي عن دبي هالسنه دبي ابد ماهي دبي من اول مادخلنا المطار ! اول مره اشوف مطار دبي فاظي كذا ؟مع العلم اننا دايم نزورها بمثل هالوقت ومافيه اجازه! وغير كذا وصولنا العشا يعني مفروض فيه حياة فيه ناس بس ماحولك احد مطار هاجد ميت تفاجئت مره بذا المنظر بس مادريت اني مابعد شفت شي للحين بعدها دخلنا على دبي الا الديره فاظيه صدق ! شوارع خفيفه مرره !! وش السالفه ؟ قلنا يمكن ليل! والليل ماله عيون بعد الوصول ريحنا شوي ونقزنا لأقرب سوق كان برجمان وأكيد مافوتنا قهوة PAUL يالبيييه بس متى نشوفها عندنا صح نسيت اقول ترى المساطيل شالوا الحجب عنه في الامارات المهم خلينا اليوم الثاني كله لأبوظبي اول مره اروح لها واصلا ماكان احد موافق يروح لها بس مهب على كيفهم ابوظبي يعني ابوظبي  <<< قويه صح ؟تقريبا اخذنا فيها يوم واحد بس ورجعنا بالليل لدبي ,, واعتقد هاليوم سدٌ لأن ابوظبي كلها فرتين وتخلصها واماكنها واضحه وماتاخذ وقت ابوظبي كلها في : الكورنيش + القريه التراثيه + قصر الأمارات + مارينا مول + قهوه نسيت اسمها قدام مارينا بس جلستها شي على خور + مسجد الشيخ زايد المسجد ماكان في بالنا ابد وناسيته بالمرره بس عاد ذكرنا فيه السواق وياليته ماذكرنا نبدا بالصور احسن  كن الهذره زادت مرره ولا  من حدود [ نجد ] جيناهم العرب اللي نودهم [ بوظبي ] دارهم وسكناهم بالفرح والخير نلفيهم مسفر ٍ بالنور مضواهم لابتن يازين ملقاهم الكرم والجود كاسيهم * * وهذه البنايه اعجبني شكلها ودي اعرف بس وش بتصير ! بنايتها عجيييييه  هذا السوق تبع مجموعة شاطيء الراحه اول ماصادفني على طول صورته وسكرت الكام بعدها مرينا بسرعه على فندق شاطي الراحه وبعده جا مسرح شاعر المليون ولا امداني ابد ابد ابد افتح الكام واصوووور تحسفت شوي  * * اول وقفه لنا كانت على الكورنيش يازينه من كورنيش سعة صدر وجو فله          ناس ٍ حشام اللي جيناهم , , الاصاله كلها فيهم واللطافه في محياهم والتواضع اللي محليٌهم اطلب المعبود يحماهم يا عسى تسعد لياليهم ,, الشعر والقول ينصاهم وباقه من الورد بهديهم * * بعد مادوٌجنا شوي بالكورنيش نقزنا على القريه التراثيه بس كان وقتنا يمكن تأخر شوي ! والقريه راحوا اهلها بس مفتوحه للزياره مالقينا بها شي وكل الدكاكين فيها مسكره بس الشاطي وجنبه محل قهوه ياهو يضبط البلاك كوفي شكلهم يحطون بها سحر وسحرتني   * * ماطولنا كثير فيها ,, بعدها طلعنا منها وسيده لقصر الامارات - كان اكثر شي متحمسه له في ابوظبي مره مره - وحماسي ماراح بالهوا ابد هو فندق فخم اتعب وانا اقول فخم فخم فخم .. اي شخصيه مهمه تجي عندهم على طووول يسكن فيه من اول الفندق مايدخله اي احد الا اذا كان من السكان بس هالمره غيروا نظامهم وصار مفتوح للكل والسواح لان الناس منكبه عليه يبون يشوفون براعة التصميم والفخامه اللي به  برا القصر فيه نوافير انا اول ماشفتها قلت وشذي ؟ منفجره بياراتهم ولا وش السالفه بس طلعت نوافير ارضيه ووناسه تتمشون داخلها وتناقزون شوي    هذه صالة اللوبي وكانت في قمة الفخامه وانت واقف وسطها تشوف الادوار فوق واحلى من هذا كله القبه الموجوده خيااااااااااال  وشكلها بالليل يختلف عن النهارمدري وشلون صمموها بس كل وقت لها شكل وانعكاسات مدري وش اقول بعد بس قمة الفخامه    هذه القبه  ومن هنا مدري وين رحنا؟ بس جلسنا ندور ندور والظاهر ضعنا بعد نمشي الخشه كلها سعابيل من الخقه  وش ذا بس ؟؟  وهنا قسم فيه بار وكوفي ومطعم وكان قدامهم هالشله الونيسه يغنون ويدقون شرقي - حتى عزفهم حلو عجزت لا القى شي بايخ عندهم - وهنا بعد مدري وين طلعنا بس كنه ساحه بوسط القصر ! ماعجبني شكلها  * * بعدين طلعنا من القصر وتقريبا مافيه شي ثاني نروح له ! فصارت الوجهه على مارينا مول تغدينا واخذنا كم لفه هناك - سوق مره عادي - ثم طلعنا وكان مقابله قهوه مطله على خور مينا قوارب وتكينا فيها شوي والهوا ما احلى منه وبارد بس ماخربها الا دخنة الشيشه بعدها طلعنا ومفروض نروح على دبي بس قال السواق غريبه ماطلبتوا مسجد الشيخ زايد ؟ انا كنت مطفيييه مره مره وابي المخده بس تحمسوا اهلي للمسجد ورحناعاد صار فيه موقف عجيب ههههههههههه المسجد مدري وشلون ماله مواقف مضبطه ؟ واذا تدخل عليه لازم تطب وسط تراب بعدين تدخل ؟ مافهمته عاد السواق يبي يوقفنا موقف استراتيجي قدام المسجد وطب بالتراب مادرينا الا السياره غرزت مهب وقته ابد ؟ والمكان اصلا مايستاهل تغريز نزلنا والسواق شكله متوهق مررره وكمخه بذا الامور يدربي راسه وضاق صدره هههههه قلنا له ضبط وضعك بندخل ونطلع ان شالله نلقاك خلصت رحنا خليناه وهو على حالته ذي وكان عنده مبادرة محاوله حلوه يطلع السياره خخخخ بس شفناه يحاول قلنا زييييين فيه خير اجل تطمنا الا شوي مدري هو بيطلع السياره ولا بيتطاق معها - احسن من قاله يشور علينا بالمسجد  -  * دخلنا المسجد الا نشوف كل ابوالعالم كاشخه ومشالح ودنيا على اخر كشخه !! وش السالفه مدري !! قلت يمكن صلاة ؟ وكاشخين عشانه مسجد الشيخ زايد مثلا ؟ <<< تحليل وحده فيها نوم الظاهر مافينا صبر وسأل ابوي واحد من اهل المشالح قال وش صايرلكم؟ فيه شي ولا عندكم شي ؟ قال الرجال : شوو يابوياا ماتدري اليوم المولد النبوي ؟اها طيب المولد النبوي ياهلا والله دخلنا مع ذا العالم وبصراحه كان المسجد قمة الفخامه والروعه بالتصميم وكل كل كل ابوكلششششش الصور تتكلم     ومع الدعا اللي نسمعه لقطنا كم كلمه كانوا يقولون : اللهم ارحم من هو بجوارنا في قبره المتواضع <<< قالوا قبر قبر الشيخ الزايد ؟عاد جت نقاشات هل القبر حولنا ولا وينه ؟ طيب ماشفنا شي كنه قبر هنا لايكون بس التراب اللي غرزنا به تو ؟ سألنا عمال نظافه قالوا ايه شوفوا القبر قدامكم معقوله مانتبهتوا ؟بصراحه اول مادخلنا المسجد شفنا على يسارنا مبنى صغير وفخم توقعنا مثلا مسجد صغير مدري وش توقعوا اهلي بس انا دايخه فيني نوم مانتهبت ولاتوقعت حتى رجعنا للمبنى هذا وصار فيه القبر طبعا مسكر بس الجدران مشخله وفيها فتحات نشوف منها وجنب القبر غرفه ب3 قبب وفيها شيخ يقرا قران اللي عرفنا القران ابد مايسكت عند القبر يعني قراءه متواصله ,, وحاطين جنب القبر بخور بصراحه مافي احلى من ريحته قبر الشيخ زايد من برا وشكل مبنى القبر مع الغرفه اللي يقرون داخلها  وهذا القبر طبعا من الفتحات مصورته  المهم مشينا من عنده وقلنا اكيد خوينا طلع سيارته ويحترينا بس للاسف لقينا كلش محله وخوينا متكي جنب الموتر وكشخته خربت - كان لابس بدله - انهبلنا ماسويت شي؟ ماجاك احد  ؟ قال لا لا لا وجلس ابوي يساعده بس ماااش ماضبط شي ولا طلعت السياره وبعدها جا جيب اسود لندكروزر - وووه بس - كان فيه 2 شباب اماراتيين ما انقذ الموقف الا جيبهم من ثم هم والله في دقيقه طلعوا السياره يازين النشاط بس* * خلصنا من التغريز وماقصروا حمد ومايد <<< سمعتهم ترى ينادون بعض يوم يطلعون السياره <<< هماه فيتس النوم ؟ الله من ذبة الاذن اجل مشينا على دبي ووصلنا متأخرين مررره يمكن 2 الليل بس الحمدلله وصلنا بالسلامه والسواق خربت اخلاقه قلنا شكله مهب راد علينا بكره وبيزلبعاد اهم شي بكره ماله داعي يسحب فيه شي مرررررررررره مهم متحمسه له بتعرفونه في الجزء الثاني في دبي طبعا ووش سالفة الركوود في دبي وليه الحياه ميته !!* * الجزء الثاني http://msa6el.com/vb/1760347-post26.html الجزء الثالث http://msa6el.com/vb/1792275-post47.html الجزء الرابع http://msa6el.com/vb/1813480-post56.html الجزء الخامس - الاخير- http://msa6el.com/vb/1823307-post61.html |
||||
|
23-04-2009, 01:55 AM
|
|
||||
|
من شيوخ الحارة
|
ماشاء الله وبارك انتم كل إجازه بديره ماودكم تتبنوني وأصير بنتكم و اروح معكم ترى اهلي ماعندهم مشكله بيذبوني مع اول رنة تلفون الله يحفظكم ويبارك لكم ويزيدكم من خيره يارب وش هالزين بس إهبببببب ذولي كم تطلع فواتيرهم الكهرب << ياليل القراوىأنا اتوقع لو شفت مكان إضاءته زي كذا صدقيني إما ان عيوني مابتتحمل وبأنعمي فجأه أو بيغمى عليّ من شدة الضوء ماعندهم سالفه وش هالقبر اللي كنه قصر الحين ناس عايشين و ساكنين بقبور وهم موتاهم دافنينهم بقصور دنيا يادافع البلى بنت الحاره تسلمين على كل شي رايق وتحملينا عاد الظاهر اول مره ترد عليك وحده قرويه ماعمرها شافت خير دوك وننتظر الجزء الثاني  << لا مشكوره فارقي بس
|
||||
|
23-04-2009, 02:57 AM
|
|
||||||||||||||||||||||||||||||||||||||
|
رئيس أقسام الجرافكس والتصوير
|
*********************************************** باك يا هلا والله ببنت الحاره منوره الشاااليه
اهم شي انه نزل الموضوع يا الله على دبي هم وابراجهم من جد ناس يفكرون صح
هههههههههههههههههههههههههههههههههههههههههههههههههه هههههههههههههههههههههههههههههههههه وش قالو لتس شوارع جده على غفله ودتس الواحد اذا دخل هنا معد يطلع ابد برضوه لاتعليق هههههههههههههههههههههههههههههههههههههههههههههههههه هههههههههههههههههههههههههههههههههههههه اتعب انا على رجل المهمات الصعبه ابدعتبنا والله بالتقرير والصور الأكثر من راااااائعه ننتظر الجزء الثاني تحيااااتي مثبت |
||||||||||||||||||||||||||||||||||||||
|
23-04-2009, 04:01 AM
|
|
||||
|
حظها يكسر الصخر
|
أتعب و أنا أقول مبدعة صور راااائعة عيشتنا الجو مره زمااااااااان عنك يا بحر لا حول ولا قوة إلا بالله وصل فيهم الجهل لهالمرحلة لقطات المسجد تهبل الله لا يضرك ولا يهونون الباقيات ممتعة أنتي بكل طرح ,, و مبدعة في كل لقطة جعلها تسلم يمناك // و أكيد بإنتظار باقي الرحلة  لكِ
|
||||
|
24-04-2009, 03:41 AM
|
|
||||
|
من كبار الشعراء
|
عيشي بلادي عاش اتحاد إماراتنا ،، عشت لشعب دينه الإسلام هديه القرآن تصوير احترافي غير مستغرب خصوصا ان الصور في ابو ظبي مع احترافيتك التصوير بس يزيد زينها زين دامها لابوظبي ابوظبي لازم تاخذين معلومه عنها قبل لاتروحين لها لان في اماكن طوفوتها فيها غير عن دبي اللي اعتقد ان كل اماكنها سياحية مع اني افضل ابو ظبي على دبي وحبيت استأذنك بلطش هالصورة واضافتها في موضوع .. سيح السديرة .. اشرايك باللي يستأذن من بعد اللطشه ؟ ولا هنتي وناطرين موضوع دبي
|
||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
