 |
 |
 |
 |
 |
 |
 |
 |
 |
12-06-2009, 12:26 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
 المفروض يكتبون على موضوعك من برا ( خطر سريع الإشتعال )  أنا والله لي تعليق على كم نقطه ليس من باب العياره لكنها من باب فشة خلق أو زي مايقولون
هذا سلمك الله لأن مُجتمعنا مُحافِظ يفرِض على المرأه التستُر و الإنزواء بعيداً عن التقاطع مع الرجُل أياً كان المُسبب لهذا التقاطُع .. حتى أقلها بالمُستشفيات مع إنها ضرورة إلا إنك قد تؤجلين موعد أو تُلغينه نهائياً لأن الدكتور ( رجُل ) .. ماعلينا هذي النقطه اللي ذكرتها بعيده كل البُعد عن فحوى موضوعِك <- أجل وشوله كاتبتها ياخاله ؟؟ ، لكِن هي كمدخل لتوضيح ليش مُجتمعنا ذكوري .. لأن المرأه عندنا تحت سيادة الرجُل سواءً أب أو زوج وملزومه بالطاعه لكلا الرجلين في غير معصية اللة من باب طاعة الله و تنفيذ أوامِره ومن هُنا كان مُجتمعنا مُجتمع ذكوري لأن السياده فيه للذكور ..
صادقه هذا شئ مُلاحظ مع إنها تُرهات ماأنزل الله بها من سُلطان .. إلا إنها مُتجذره بالمجتمع بشكل يعمي على أبصارنا أحياناً و قد نتوقع إنها من صميم ديننا و عقيدتنا وهي ترى رسوبيات من عصور الجهل و الظلام اللي مرت على أجدادنا من أول إلى قبل تجديد الدعوه .. بس ماننكِر إن بعض العادات والتقاليد يؤيدها الإسلام و يحض عليها ..
هذا يعود للبنت نفسها .. إذا هي عادي عندها و تتوقع إنه يبي يعقل عقب العرس براحتها هي ومستقبلها .. أو يمكن إنها تبي تعرس باللي هي به لكِن أنا أتكلم عن نفسي منب ملزومه أرتبط بشخص كان له سوابق وأعرف عنه تصرُفات طائشه لو يبرر ما يبرر ولو يقولون الناس اللي يقولون ماعليّ منهم .. إلا عاد إذا كنت ماأعرف عنه شي فهذا من حظه وتوفيق الله له بس لاحظي شي حنا أنفسنا كنساء نُساعِد على تهميشنا !! شلون ؟ أنتِ بنفسِك تقولين [فهالشي مايعتبر في نظرهم مبرر انها ترفضه لانه من باب طيش الشباب ] منهم اللي لهُم نظر بالموضوع ؟ إذا قررت البنت المفروض تُصِر على قرارها وتكون عند كلمتها ولاتصير إمعه حتى بحياتها و مستقبلها كلن له رأي !! والله لو إنه أبوي على سن ورمح الله يطول بعمره ويعافيه مايمشّي كلامه وأنا منب مُقتنعه بهالآدمي !! <- مُتمرده
إيوووووووووه هذي النقطه اللي ابي أعقب عليها واللي أشوفها أهم شي بالموضوع والله ياعندنا حريم يجيبون المرض للصاحي اللي ماعنده أمراض من تصرفاتهن الغبيه !! أنا بس ابي أعرف زوجه تكتشف إن زوجها له علاقات دنيئه مثل وجهه وش اللي يخليها تسكت و تصبِر ؟؟؟ ( لاأحد يقول لي عيال وما عيال !! لابوهم عيال بيعيشوني ماكله جمر مع واحد مايخاف ربه  ) وش اللي يخليها تشوف هالشي نزوه وتعدي ؟ والله لاهوب مُراهِق عشان نقول مايتحكم بتصرفاته وعقله ولاهوب أعزب عشان نقول الشيطان حريص و لا هالخطأ عادي عشان تشوفه هالزوجه الغبيه عادي !!!! ليش بعض الحريم بيجلطوني بيوم من الأيام من ردات فعلهُم الساذجه تجاه هالحركات !! لا وتجيك هالزوجه الساذجه المغلوبه على أمرها بِكُل ما أُوتيت من قوة وجه وتقول : وش أسوي طيب ؟ <-  وش اللي وش تسوين إعنبو الشين والذي رفع السماء بلاعمد و مد الأرض و مهد لو إني متزوجه شخص ( الله لايقوله  ) و لمحته بس يناظر يسار بالسياره وانا يمينه ياهاك اليوم إن يشهدون جنازته أهل الرياض كلهم المسلم منهم والكافر !!! وش عاد لو حسيت بس إنه يلعب بذيله ويستغفلني ؟؟؟هذي التصرُفات من بعض الحريم هي اللي تخلي مُجتمعنا ذكوري بحت لأنهن يهمشون أنفسهُن بأنفسهُن ويعتقدون بهالإعتقاد الزائف إن الرجُل مايعيبه شي !! مع إنه داخل أي بيت لا إنصك باب البيت على أهله قعد اللي ورى الباب للكلاب ومادرو العالم وش يصير بالبيت والمفروض ما تمشي قوانين المجتمع الأحمق المُنافيه للعقل داخل البيت !! <- دعوه للنساء على تعلُم ألعاب الدفاع عن النفس المهم إني ياوحدتن ماتجوز لي تصرفات بنات جنسي مع أزواجهن المرضانين وأحملهن كامل المسئوليه عن كل شي يصير لهن ويترتب على ردة فعلهن الساذجه ..
الزواج بالذات قسمه ونصيب لو يعترضون ذرية آدم كلهم ويحطون كل عيوب الدنيا بهالزواج ماراح يردون شي كتبه ربي لذلك وسعي صدرك من هالناحيه وترى أنا أفكر بهالموضوع من جد وجايزتن لي هالسالفه <-
أنا أقولك شي المرأه ناقصة عقل و دين كثار من الجهلاء يستدلون بها بكل مكان وهذا دليل جهل ولو بحث وراء الموضوع لقاه بعيد كل البعد عن ظاهره .. وهذا الحديث تماماً مثل الآيه ( الرجال قوامون على النساء ) تلاحظين كل الرجال يستدلون بها وموجوده هالآيه بكل المحافل لا جاك الرجل يبي يسوي شي براسه و وقفت له زوجته ولا اخته قال هالآيه و لو كثرت سربتته بالشارع و نبهته زوجته على هالشي قال هالآيه و لو وصلت أحيان إنه يمد يده ويصفقّها قال هالآيه لكن الغريب إن هالآيه مانشوفها ولا نسمعها في خدمة المرأه وأهل بيته وتلبية إحتياجاتهم المنوطه بالرجل !! مانسمع هالآيه لاصارت الأخت / الزوجه تبي السوق مثلاً <- ياذا السوق ولا المستشفى ولا طاقها الطفش وتبي تطلع توسع صدرها بأي حته !! غريبٌ أمر هؤلاء الناس 
هذا يُفسِره قول النبي صلى الله عليه وسلم في الحديث الصحيح : ( ما رأيت من ناقصات عقل ودين أسلب للب الرجل الحازم منكن ) وكفى أُم السباحين سلمتي ياغاليه على هالموضوع اللي من جد طالعن فشة خلق جعلك و والديك بالجنه وفالك البلاطه 
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
13-06-2009, 10:17 AM
|
|
||||
|
من شيوخ الحارة
|
لا بارك الله بعدوينتس يا العجيز السفله اجل هذي علومتس نبي مساواة مع الرجال وينتس ووين الرجال انتي  خخخخخخخخخخخخي ثاني مره اقرى موضوعتس وانا اقراه اتمززع ضحك وكني اول مره اقراه الله يرجتس يام السباحين موضوع بطراااان يهز الارض صلختينا فيه صلخ خليتي الواحد لا طلع من بيتهم يطق لطمه من عقب موضوعتس مالوه وجه يسألوه احد ,, اااممما يوم حنا شينين وراكم ناشبين لنا بكل محل ههههههههههههههههههههههههههههههههههههههه حسيت انك وانتي تسألين دموعتس اربع اربع ولو قدامتس رجال كان ذبحتيه حسيتك من الاضطهاد تحولتي الى مصاصه دماء مستعده تلبسين حزام ناسف وتوقفين بالاحوال المدنيه وتنسفين اكبر قدر ممكن من العيالين حسيت انك ودك تقضبين ارضتس وتدرين ان هرجتس من جمبه ولا عندتس ماعند جدتي يالعجوز الهبلا من جدتس انتي تبين مقارنه ؟؟ << ذا حمام قلابي شوي معتس شوي عليتس ..بس والله الحق انتس حابكتن الموضوع بسلاسه وعارفتن اللي تبين تقولينه ولو ان فيه اختلاف بوجهات الانظار بيننا بس بيض الله وجهتس ولا قصرتي والله يعطيتس العافيه يام السحابين وفالتس المقرفون الذهبي
|
||||
|
14-06-2009, 10:55 AM
|
|
||||
|
راعي محل
|
 من طلع ع الدنيا وحنا عارفين مكانه الرجل في مجتمعنا  حتى ان الاخوان مهما صغروا وهم ذكور تكون كلمتهم اقوى من كلمه اختهم لو كانت اكبر منهم مهما قلنا ليه حنا مجتمع ذكوري بترجعين تحتاجين اخوك ابوك بكل وقت ،، المرأه ما تقدر بدون رجل الحياه صعبه ونحتاج لقلب قوي والانثى اضعف من انها تواجها وحدها يعني ممكن تسوين شي بوجود اخوك ابوك زوجك بجنبك لكن لوحدك ماا تقدرين تسوين هالشي لان انتي من طلعتي ع الدنيا وبجنبك هالسندالله لا يخلينا منهم يارب بالنسبة لحكايه الغلط من يقول خطا الرجل يغتفر! الغلط غلط سواء رجل او امرأه عمر الخطا ما تحورف وصار صح عشان الرجل الي اخطا !لكن المشكله فينا حنا النساء تقبلك للخطا من الرجل اقل حده من تقبل الرجل للخطأ لان طبيعه المرأه حنونه وطيبه اكثر من الرجل والخطا لو تبرر لها ممكن تنساه بعكس الرجل مثل دارج دايم نقوله: (الرجال ماا يعيبه الا جيبة) والمرأه كلها عيب لان انتي اغلى من انك تطيحن بأغلاط وحواق ينزل من قدرك !! صح احيان الوحده تمل من هالوضع بس هالشي وقتي ولو خيروك فيهم او بدونهم مارح تقدرين تختارين انك تعشين بدونهم وش احلى من انك تحسين انك اغلى شي عندهم ؟والله يعز اسلامنا صانا وكرمنا وعفنا والكثير من الاجانب يحسدونا ع وضعنا وان المرأه المسلمه مرفه معززه مكرمه وفيه من يأمن لها عيشه كريمه وهي في بيتها وتأدي وظيفتها الاولى ومثلك عارف وش الاجانب يقولون عن حياتهم وبقتبس لك امنيات 3 لثلاث نساء اجنبيات غير مسلمات .. المرأة الأولى: بريطانية وكتبت أمنيتها قبل مائة عام! قالت الكاتبة الشهيرة آتي رود - في مقالة نُشِرت عام 1901م " لأن يشتغل بناتنا في البيوت خوادم أو كالخوادم، خير وأخفّ بلاءً من اشتغالهن في المعامل حيث تُصبح البنت ملوثة بأدرانٍ تذهب برونق حياتها إلى الأبد.ألا ليت بلادنا كبلاد المسلمين، فيها الحِشمة والعفاف والطهارة... نعم إنه لَعَارٌ على بلاد الإنجليز أن تجعل بناتَها مثَلاً للرذائل بكثرة مخالطة الرجال، فما بالنا لا نسعى وراء ما يجعل البنت تعمل بما يُوافق فطرتها الطبيعية من القيام في البيت وترك أعمال الرجال للرجال سلامةً لِشَرَفِه والمرأة الثانيه: إيطالية قالت وهي تُخاطب الدكتور مصطفى السباعي - رحمه الله -: إنني أغبط المرأة المسلمة، وأتمنى أن لو كنت مولودة في بلادكما." والمرأة الثالثة: فرنسية وتحدث بأمنيتها طبيب مسلم يقيم في فرنسا، في شهر رمضان من العام الماضي 1421ه. حيث سأَلَتْه زميلته في العمل - وهي طبيبة فرنسية نصرانية - سألته عن وضع زوجته المسلمة المحجّبة! وكيف تقضي يومها في البيت؟ وما هو برنامجها اليومي؟ فأجاب: عندما تستيقظ في الصباح يتم ترتيب ما يحتاجه الأولاد للمدارس، ثم تنام حتى التاسعة أو العاشرة، ثم تنهض لاستكمال ما يحتاجه البيت من ترتيب وتنظيف، ثم تُعنى بشؤون البيت المطبخ وتجهيز الطعام. فَسَألَتْهُ: ومَن يُنفق عليها، وهي لا تعمل؟! قال الطبيب: أنا. قالت: ومَن يشتري لها حاجيّاتها؟ قال: أنا أشتري لها كلّ ما تُريد. فَسَأَلَتْ بدهشة واستغراب: تشتري لزوجتك كل شيء؟ قال: نعم.قالت: حتى الذّهَب؟!!! يعني تشتريه لزوجتك. قال: نعم. قالت: إن زوجتك مَلِكة!!وأَقْسَمَ ذلك الطبيب بالله أنها عَرَضَتْ عليه أن تُطلِّق زوجها!! وتنفصل عنه، بشرط أن يتزوّجها، وتترك مهنة الطّب!! وتجلس في بيتها كما تجلس المرأة المسلمة! وليس ذلك فحسب، بل ترضى أن تكون الزوجة الثانية لرجل مسلم بشرط أن تقرّ في البيت ختامآ اعلم انك غير معترضه من الناحيه الدينه ولكن هذا شي اوجبة الدين اولا والعادات والتقاليد ثانيا عذرا ع الاطاله دمتي بخير
|
||||
|
19-06-2009, 03:18 PM
|
|
||||||||||||||||||||||||||||||||||||||
|
راعي محل
|
ههههههههههههههههههههههه
هههههههههههههههههههههههههه ههههههههههههههههههههههههههه هههههههههههههههههههههههههه ههههههههههههههههههههههههههه والله من الحقد على الرياجيل / الله خلق وفرق والرجال رجال والمره مره
لاوالله إن الرجال اذا كآن كذا يصير منقود من ربعة وعزوته
وبعدين حتى ولو  الرجال مايعيبة شيء !!  بس البنت كيف ترضى على نفسهآ ؟على العموم أبدعتي خخخخخخ موضوع زي الحلآوه  |
||||||||||||||||||||||||||||||||||||||
|
20-06-2009, 06:31 AM
|
|
||||
|
توه ساكن
|
نعم نعم نعم كلام صحيح ...لماذا نحن الفتيات ...مضروووبه روووسنا ...قصدي ماهو ماخوذ بخاطرنا ...مكبوت على أمرنا ...خطانا كبيييير وخطاهم لو هو كبر الجبل ...حطووه ويحاولون أنهم مايصير كبييير ...........ومن ثم تأتي وتفكر بعمق اخر ...وهي منسدحه ..عشان تخيل ..لو حنا منفرطيييين مثل الأخريااات ....تقصد الغرب ....هل حقنا ناخذه على أكمل وجه ....ومن ثم تفكر وتقول ...أشوى على الأقل حنا مكرميييييين ...رفع شأننا الأسلام ...كرمنا بالحجاب والأباء والاخوان ...الذين يقومون بصيانتنا ...عكس الغرب ...ومن ثم تفكر ....وتقول الحمد لله على كل حااال ...... يأم السبااحين ....والله كلنا منقهرييين ...بس والله ثم والله لو فكرتي بعمق مثلي ....أمحق تفكير ...راح تشوفين أن كلامي منطقي ....مادح نفسه تسذوووووووب ...... الله يخليتس لعين تحبتس وترجيتس ...على الطرح |
||||
|
21-06-2009, 01:20 AM
|
|
||||
|
مسـيّر
|
ترا ذا حديث من الرسول عليه الف الصلاة والسلام بس هم مسكووووها علينا وصارت الحرمه لو بتحك راسها قالولها اصبري شاوري اخوتس ولا ابوتس انتي مره والمره ناقصة عقل ودين وه بس وش ذا  وترا بينوا وش القصد من ناقصة عقل ودين بس ماودي اتفلسف اكثر اخاف اخورها اصلا في كل شي البنات لا والعيال ايه وسم وابشر قسم بالله يضيق صدري .. ذيك المره اشوف بنت في الصيدليه متستره ماشاءالله عليها وتمشي جمب الجدار وابوها مدري من إلي معها يبصبص في الحريم لييييييييييييييييييييه ليه ليه ليه<<انواع التراجيديا |
||||
|
22-06-2009, 12:22 PM
|
|
||||
|
مسـيّر
|
وش هالابداع وش هالتوحفه الخياليه هل تعلمين انني سجلت كرمال عيونتس وكرمال عيون هالموضوع الجميل و رقم مشاركتي يشهد حاكيتي مشاعراتي واحساساتي الي جوا وعيّت تطلع <-- صار شعر ذا مهوب موضوعبس ياليتك قدحتي زود في هالمجتمع تسان مدري وش سويت يمكن هكرت المنتدى من الشوشه يسلم بؤتس يسلم رويستس يسلم مسفعتس ودراعتس.. ياربيه لو اني اعرف ارتب حتسياتي تسان كتبت بك شعر لكن عسى ان يصل لقلبتس هالحكي الي اقوله ..ودمتي تقولين الحق ولا شي غير الحق
آخر تعديل عليميه
في 12:25 PM.
|
||||
|
22-06-2009, 01:48 PM
|
|
|||||||||||||||||||||||||||||||||||||||||||||||||||||||||
|
مشرف دكة الحوار
|
ماقلنا شي بهالكلام المشكله تدرين وين انك حابه تعالجين المشكله وانتي اساساً مانتي عارفه وين تقطن المشكله << تقطن بالحي الشمالي .. المشكله انه لازم يصير فرق بين الولد والبنت ولا صدقيني البنت بغير كذا ماراح تكون بنت في معناها الجوهري الصحيح .. يعني تخيلي معاي ان البنت اخذه راحتها ولها مثل مايدعي العلمانيون وانا بأذن الله انزهك عنكم .. وان لازم تعطى حريتها صدقيني تسمج البنت وتصير مالهه ولا فيها من الحلى ولا شي .. حلاوة البنت بالبيت وفي الاماكن النسائيه كقاعات الافراح والنوادي الصحيه الرياضيه النسائيه المغلقه على الاقل بيكونون رشيقات << مالها داعي هالجمله ..
المشكله الثانيه عندكم هنا .. شوفوا بالله الكلام اللي يقطر ذهب ادراج الرياح .. وليش نطامر وراكم الحين البنت هي المسبب الرئيسي لأمراض الغزل والمشاكسات يا عمتي تجي حاطه كيلو مكياج على خشتها لو هي من افريقيا طلعت نبيله عبيد << فلم ابيض واسود والشباب وانا لست منهم مساكين عايشين في الاراضي الحاره والقاحله من كل معالم الزهور والورود مايمدي تعرض قدامه بنت بس ويشوف منها ريق حلو والا اشتغل مساح وراها وهذا عادي يصير بكل الحواري المصابه بوباء البنات المعاكسات لاشارات المرور ,,
اقول زين وقفتي ولا دعمتي كل معايير العقل السليم في الجسم السليم هالكلام يقودني للسؤال الشهير واللي يقول .. بالله عليك هل تعانين من مشاكل في حياتك يومك سردتي هالكلام اللي احسه صادر من معاناة فتاة تفكر تتزوج من هندي تأثراً بفلم " هزا بنت ماعندك أحد " .. ومع ذلك اعيد النظر وترا عندنا بالمملكه العربيه السعوديه كل العادات الجميله والسليمه واصابع يدك ماهي سوى يا بنت الاجواد << ذكرني بمسلسل ايام شاميه / |
|||||||||||||||||||||||||||||||||||||||||||||||||||||||||
|
04-07-2009, 02:30 PM
|
|
||||
|
مسـيّر
|
اللي بحرف السين ^ ^ ^ ^ هالعجيّز ساحبه على موعدها بالمستشفى تحليل سكر وضغط وجالسه تكتب موضوع عشان تشوف ردود حلوه .. ردود كنها ابر انسولين خافضه للسكر .. وإنت جاي بردك هذا تطلب منها تغير اللهجه ومالك الا مشاركه وحده .. ياعزيزي ردود مثل هالنوعيه مانبيها بالشله .. المره الاولى سماح المره الثانيه كلبشه على طووول .. عندك رد زي الناس خذ راحتك خش ورد وقل اللي تبي .. اما تبي ترد مثل هالرد الخايس اللي كنه وجهك المبنشر فهالشي مانبيه بالشله وياليت تحط ردك الخايس بكيس وتتوسده وترقد ..!
آخر تعديل بهجت الأباصيري
في 04:14 AM.
|
||||
|
05-07-2009, 11:07 PM
|
|
||||
|
فكر راقي
|
مممممممممممادري شتحسين فيه وانتي كاتبه هالموضوع ؟! ليييييييييه ؟!لييييييييييييه ؟! ليه بس لييييييييييييييييه؟! ليه عايشة ؟! ليه؟! روحي موتي !! ابي اعرف سبب واحد يخليتس تعيشين ؟! روحي موتي اندفني انقبري تحنطي المهم سوي شي ! <----كلي موت انتي !!شوفي وانا امتس احنا ترانا سعوديات حلوات وكيوت  ومتسدحات على نهر النيل والجو ابوهاهجوله !!طيب انتي ودتس بلمون ونعنع ولا ودتس بكمون ودارسين ؟! !!تعالي لسه ماقلتي لي شتحسييين فيه ؟!! ابي افهم عجزت افهم ! ؟؟!!وبعدين وراتس قاطتن ضريساتس ع الاراضي ؟! يعني انتي لهالدرجة ماتحسين ؟!ماتحسين ان مابوه حاجز يسد زعابيلتس مدري سعابيلتس ؟! اللي تقوطر ع الموضوع؟؟!القفيهم وانطليهم بحلقتس جعل المكينة تحلق راستس المعوجز المدني !!تدرين عاد انا مدري اش احس فيه ؟!!!الزبدة موضوعتس طلدز وحلو وكلش كلش كلتن حلوات لاتقاطعين هاه خليتس دايم حتى لو تنطلين ضروستس بالمنتدى المهم خليتس وشطرا شوقرا الا قبل ماتروحين قولي لي اش تحسين فيه ؟َ!! <---ماودتس تنتحرين
|
||||
|
06-07-2009, 02:45 PM
|
|
||||
|
مسـيّر
|
وشلونكم طيبين
هذا اول رد لي بعد 4 سنوات غياب تقلبت المواجع يوم دخلت كني أشوفتس زي ذا يا أم السباحين  وهذا أنابس بقول أن المره وبالذات عندنا هي أساس المجتمع وأذا صلحت صلحنا كل ابونا وشوفي كيف كنا وألحين وين وصلنا (الديره صارت فساد بعد ما دجت المره طريقها ودينها وبدلتهن بأمورن توجع القلب) وترى موضوعتس مهوب شين انتي ووجهتس  فصله الأم مدرسةً إذا أعددتها أعددت شعباً طيب الأعراق |
||||
|
07-07-2009, 09:26 PM
|
|
||||
|
مسـيّر
|
عايفه الشباب بشكل ..  حبيبتي .. تشوفين وحده بالسوق .. وتشوف هالمتكشخات ولثمه وحركتات مال امها داعي وتقول لزوجها مالوم الرجاجيل اذا رقموهم .. يروح الرجال يصدق نفسه و ينطل اراقم على بنات خلق الله و يقرق معاهن الليل و النهار ولابعد لاشفتيه يطالع و عويناته تبطبط شوي و يطلعن من محاجرهن ... تقولين له ياهووووووه ياولد غض البصر قااال بكل بجاحة هي اللي فاتشة .. هنا ودس تلفخينة بمقلاة على دميجته ... عذر اقبح من ذنب جيبووووووووووولي حديث واحد يدل على انو الحرمه اذا تكشخت الرجال عاادي يتمقل فيها " وقل للمؤمنين ان يغضو من ابصارهم " .. حط الرجاجيل بالمرتبه الاولى ياوخيتي ذا الشباب مادري مع وين يفكرون والنسا ناقصات دين وعقل .. معنا غير عن الي في بالس شوفي باقي الحديث .. حديث رسول الله صلى الله عليه وسلم ، من إكمال بقيته حيث قال : ((ما رأيت من ناقصات عقل ودين أغلب للب الرجل الحازم من إحداكن، فقيل يا رسول الله ما نقصان عقلها؟ قال: أليست شهادة المرأتين بشهادة رجل ؟ قيل يا رسول الله ما نقصان دينها ؟ قال : أليست إذا حاضت لم تصل ولم تصم ؟!))  اكرمكم الله |
||||
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
