 |
 |
 |
 |
 |
 |
 |
 |
 |
20-05-2009, 11:31 AM
|
|
||||
|
مشرفة الأسرة
|
/ \ / تأخرت ..!  بلا كثرة حكي فاضي ندخل بالباقي ع طول  << باين اني مستعجله ..! آخر جزء .. أبشركم ماعادكم شايفين خشتي وهذرتي  ..آخر شي وقفنا عند الثلج ..جلسنا يومين بذيك المنطقه وطلعنا .. طبعا المخطط كان ع أساس بنطلع من bursa وبنروح ع istanbul ..بطريق الرجعه نزلنا عند البحر نريح شوي من هالسياره ونشم جو يفتح النفس ومنظر يرد الروح .. ماطولنا بس تمشيه ع السريع مع آيس كريم ع البحر في هالبرد  .. يممممي .. دق أبوي ع المكتب السياحي اللي مضبط اموره معه يتأكد من ان كل شي جاهز في اسطنبول ..بس للأسف إن الفنادق وقتها كانت كلها فل  .. لأن كان فيه مؤتمرات وزحمه ..تكنسلت روحة اسطنبول ذاك اليوم .. بس الحمدلله ماضاع وقتنا بدون فايده  ..من الحظ الحلو رحنا منطقه ثانيه لين يفضى الفندق في اسطنبول ويتأكد الحجز .. بس كانت هالمنطقه روووعه .. جوها آخر روقااااااان .. شي يفتح النفس  .. اخليكم مع الصور ..  مدخل الفندق ..  منظر من بلكونة اللوبي .. وهذي بلكونة غرفتنا .. وهذي بيوت تميلك .. اللي يبيها يشتريها .. تراها تسوى ع هالمنظر وهالمكان << تسوي دعايه .. وهذا بيتنا اللي شارينه وساكنين فيه << عاد شلون كنت اطل عليه من بلكونة غرفتنا مدري ..:: تمشياتنا بهالمنطقه كانت محدوده .. اولا لان ماطولنا فيها .. ولان اصلا الطلعه برى الفندق والمشي رجليه لحاله يعتبر تمشيه وشي روعه ..ثانياً لانها كانت بعيده شوي فنتعيجز نطلع كثير ..اللي اذكره يوم رحنا حديقه ..  وكان الشي المميز فيها يقولون فيها مياه معدنيه وبخار مدري كبريت مدري وش هالخنبقه ..  مثل هالشي اللي يروع ويطلع منه بخار  .. يقولون انه زين للوجه مره ويفتح المسامات وينظف الوجه ..عاد ياهو عليه ريييييحه  .. طقاق انا وابوي يقول جربيه يزين وجهتس بدل روحات هالصالون اللي مالها فايده وخساير .. شوفي هذا طبيعي وينظف الوجه والمسامات .. قسم يوم قربت بس شوي ويغمى علي من الريحه ..وش بيارات ..! وش قرف ..! وش حومة كبد ..! عاد ابوي يقول انه ريحة الكبريت << ايه لاقيني ..! حاطين لي كم حصى على بياره وتقول كبريت :: اليوم اللي بعده طلعنا السوق وتمشينا شوي ..    الجو وقتها كان يجننن ..:: بعدها تأكد الحجز في اسطنبول ومشينا من الصباح ع ال fairy boat ..   كلن يهوجس مع هالمنظر ويشكي همومه للبحر << تحسب الناس ملاحيس مثلها !! تصدق يابحر اني توقعتك تشيل هموم ، ولكن انصدمت انك غرقت بدمعه من عيني  اذكر وقتها بالباخره وانا اناظر البحر اسأل خواتي وش ذا البحر وش اسمه ..! << الله بالخير بالجغرافيا طبعاً ولا وحده تجرأت تجاوب لانهم اردى مني بعد دقيقة صمت تجي وحده مدرعمه مليووون من خواتي يقالها هي الذيبه اللي دخلت ادبي وكلنا علمي  وبكل ثقه تقول .. الخليج العربي  << ياكبرها عند الله ..!المشكله بعد ماقالت احتريها تضحك يعني تراي انكت ..! واختنا في الله ولا حتى ابتسمت يعني انها جابتها ..! طيب ياختي يومتس مسويه تتذيكين علينا اكذبي بعدد السكان .. اكذبي بالمساحه .. بكل قواة عين تقول الخليج العربي ..!  وصلنا اسطنبول .. الحمدلله ع سلامتنا ..نزلنا و كانت السياره تحترينا .. على طول ع الفندق .. طبعاً الجو كان يذبح .. باااارد مع رشات مطر ترد الروح .. و الناس في عز البرد يجرو يستخبو ,,, و أنا كنت بجري و اخبي نفسي أوام في قلبو نزلنا عفشنا بالفندق وانا ماقدرت اصبر بدلت وطلعت ع طول اتمشى بهالجو الخقق ..  ابد كنهم شوارعنا وحاراتنا نفس الشي ..لاحظت كثيييير خليجيين بهالمنطقه .. لان كلها فنادق و مقاهي و محلات ع امتداد الشوارع ..وه بس الواحد ماوده يدخل ..:: بعد ماعيَنا من الله خير .. وبعد مافرفرت المنطقه واستقصيت ع الاوضاع برى ..تغدينا وطلعنا العصر ع السووووق .. اللي ماشفناه الا كم مره بكل الايام اللي راحت ..وطبعا سفرة حريم من غير سوق ماتكمل .. مجمع جواهر .. اتعب وانا اقول روعه هالمجمع .. 6 ادوار يخلص اليوم وهو لسه ماخلص .. مجمع ثاني .. رايق وهادي و كشخه .. << تقول كش ع الراشد ملحجه مجمعه :: وفي الليل حلاة الواحد يطلع يتمشى برى ع المقاهي والجو الخقق ويتمقل بالرايح والجاي ..طبعاً الصور ذي بايخه لانها من كاميرة اختي .. كاميرتي طفت للأسف  فندقنا  من زاويه ثانيه  الناس عايشه برى لين آخر الليل والشوارع تدهر والجو أمان من كثر اللي فيه لو اطلع الفجر ماخفت :: آخر يوم اسميه انا يوم الاكشن وبتعرفون ليه رحلتنا كانت الساعه 2 الظهر .. قمت من الصباح ابي استغل الوقت ..بدلت و شحنت الكاميرا واخذت الآي بود وطلعت اتمشى .. رحت ستاربكس ومع هوت موكا في هالبرد والصباح الرايق .. مترت المنطقه كلها ..  جيت ابطلع ع الشارع العام بس شفته مسكر ..!  وتطقني اللقافه واقرب اكثر ..! شفت الشرطه مسكرينه واتحمس وادق ع اختي اقولها لا يفوتس تعالي فيه جريمة قتل << ياشين البزران لا تابعوا افلام اجنبيه كثير   قربت اكثر وشفت الشرطه بالجهه الثانيه كثر النمل ..! ويطق معي عرق اللقافه ابموت ان ماعرفت وش صاير ..!   واروح لم الشرطي اللي واقف عند المدخل .. ولا اشوف هالمماليح صافين ..عاد مشكلة الاتراك لا يفهمون لا انقليزي ولا عربي .. تكلم تركي ولا مافيه ..!  واروح لمه وانا اتبوسم قلت له وش صاير ياطويل العمر ..! قال تعرفين 1 may ! قلت لا والله ماحصل لي الشرف ..! قام يضحك متوهق موب عارف شلون يشرح لي << 1 may هذا اللي الله قدره عليه .! واقوم اقوله ممكن اطلع << قمة البجاحه كل هالشرطه وهالحواجر ماملوا عينها ..! ويجلس يصارخ ويزاعق يبي يعلمني انه شي يخوف وممنوع قلت له بليييييييز واسوي نفسي اكسر الخاطر واشر له ع الكاميرا اني بس ابصور وادخل << لغة الاشاره لاعبه لعبتها وانا هناك قال ماعاش من يردتس طال عمرتس وعاد طلعني يوم جيت اصور سمعت هواش قمطت ودخلت ع طول .. حاولت ازوم الكاميرا قد ما اقدر بس ماش مابانت الصوره .. اللي شفته " ميدان تقسيم " وهذا مكان معروف في اسطنبول .. و فيه شرطه ماينعدون ع الاصابع من كثرهم ..! واختي مرتاعه تقول تكفين تعالي نرجع الفندق لا يخطفونا ..! قلت والله هالوقح اللي بيتجرأ يخطفني وحولي مليون شرطي ..! صجتني قامت تحن ع راسي لين رجعت الفندق وع طووول طيران لم امي .. قلت يمه مسكرين الشوارع مايمدينا نرجع اليوم ..! << مبسوطه ..! وكله شرطه برى ومافيه ناس يتمشون ممنوع واميمتي عاد من النوع اللي ترتاع ..! قالت وش صاير عسى مهوب ارهاب << ياحبي لتس يمه ..! ويجي ابوي مختبص مسيكين لازم نروح المطار والشوارع مسكره والسياره بعيده .. لازم نروح لها مشي ولا بتفوت علينا الطياره ..! ولازم ندخل بوسط الزحمه وبوسط المظاهرات ..! << هنا انا استلجيت احلى شي الاكشن . ورحت اتأكد لا تطفى علي الكاميرا طبعاً ضبطونا الفندق وقالوا نب نطلع معكم بدي قاردز في حال حصل شي لا سمح الله وناس يشيلون عفشكم لين مكان السياره .. طبعاً عرفت ان 1 مايو عيد العمال .. و وقتها تصير فيه مظاهرات واعمال شغب وطق وطقيق   مشينا لين قربنا .. شرطه وزحمة ناس واعلام حمرا واطلع الكاميرا وابتدي اصور من قلب الحدث << اركدي يالصحفيه  لاحظوا انهم يناظرون مستنكرين وش تبي ذا السبهه تصور موب وقتها ابد << حلاة من طلع رشاشه وطختس انتي وكاميرتس ع ذا الرواقه  دخلنا بالزحمه والمظاهرات وكان شعور حلو الشوارع فاضيه عازلين الناس وممنوع احد يمشي وحنا نتمشى ع كيف كيفنا وابن امه يجي يقول لنا لا ..!  الشرطه وهم مستعدين للهجوم ..! <<الشرهه ع اللي معطينتس وجه ومطاوعين يقرون لتس ..! لاحظوا العالم لسه تتفرج ومستنكره الوضع اللي صاير  ياكثر شرطتهم كثراااااه ..!!  هذا واحد ماسكينه الشرطه يهددهم وبعدين رفع يدينه يقول خلاص استسلم << لاقيتهم ..! وطبعاً طول الطريق وامي تتشهد وتمسكنا وحده وحده وتدعي اننا نوصل السياره بالسلامه وتتحلطم علي وانا اصور تقول لا يصير فيتس شي امشي قدامي ياجعلي ما ابكيتس بس  كالعاده .. مع ختام الموضوع واجواء الموضوع لازم شي دافي يروق المزاج الحمدلله ع سلامتنا رجعنا بعد هالرحله اللي توسع الصدر الله يوسع صدرونا بالعافيه .. بس بالله ما أصلح اصير صحفيه ..! اللي اعرفه اني بعد مانزلت من الطياره ووصلت البحرين بالسلامه انواع الرسايل جتني " هاه رجعتي من تركيا ! / وشلونتس وكيف الاجواء عندكم / بسبوسه انتي بخير ؟ " وانا اللي استنكر وش هالحب وهالرسايل اثاري العالم شايفه الاخبار و مرتاعين ياحبي لهم جعلي ما اعدم هاللي يسألون ويخافون :: يعطيكم العافيه جميع واتمنى اني ماثقلت عليكم بهالموضوع ..و تراها اول مره و يمكن تكون آخر مره .. /
\ / |
||||
|
20-05-2009, 11:19 PM
|
|
|||||||||||||||||||
|
مملوحة الطلّه
|
خلصتي ؟!!! طيب هالحين اخر يوم وش صار فيه << على وجهها وماسكة خط بسواليفتس كود اعرف السالفة
المنطقة هذي ببورصة نفسها او مكان ثاني ؟!! بسبوسة تقرير ولااروع الله يوسع صدرتس بالعافية يارب ويكثر سفراتس وسفراتي
|
|||||||||||||||||||
|
21-05-2009, 01:21 AM
|
|
||||
|
من شيوخ الحارة
|
عاش من شافك يابسبوسه هانم .. بشري اعرستي ولا باقي عانسه ماكذب عليك ياست هانم من اول ماشفت الرحله لتركيا غسلت يدي وكنت ناوي اسكر الصفحه وبيني وبينك ماخلاني ادخل الشاليهات الا عنوان الموضوع قلت يمكن رحله عن جبال الاب لكن انصدمت بعد ماشفت اسطنبول سؤال ياخت بس بس <-- وش يبي هالدلع وش حببكم في تركيا ( وانتم بكرامه ) اذا بتقولين اجواء تركيا بقول لك فيه اطلق منها بكثير واذا بتقولين لي الاماكن السياحيه ..الخ بقول لك برشلونه اطلق منها <-- يبي يهيض منسدح بجد يعني مسكت على نور و لميس وابو شنب يحي ولا الثاني وشسمه ابو شعر اشقر <-- والله ماعرف اسمه ( والحمد لله اني ماعرفه ولا اتشرف بمعرفته ) <-- زودها صح بذا الموضوع ماعجبتني الا صوره وحده لو تحطين هالصوره بموضوع بدون ذكر الدوله اضمن لك ان الموضوع يثبت و للمتحف بعد مايرد عليه دعلج خصوصاً ان الصوره تطل على البلكونه بس بس طلبتك لا تروحين مره ثانيه وان شاء الله اذا الله احيانا اشوف موضوع لك بدوله اطلق من تركيا .. مع السلامه |
||||
|
21-05-2009, 07:03 AM
|
|
||||
|
نزف القلم
|
غطيتي على حلقات مسلسلاتهم ، بصراحه كل الصور كووم وهالمنظر كوووم استثنائي ،، وش ذا شكل شعبهم كله يشتغل فالشرطه ؟ :: بسبوسه صور لايعلى عليها ومناظر ، بصراحه انبسطنا حسينا وكأنا معاتس فالسفره < تحمست ثلاث دول اخاف منها ماتخيل نفسي أسير بشوارعها < وشعندها ندى المنهالي ايران ، تركيا ،الجزائر :اخاف منهم احسهم عصابات، ياكلونا وحنا نمشي فالشارع بس انشالله سفرتنا الجايه الله لايعووق بشر لتركيا يعني لتركيا ، فتحتي نفسي لها ( )مع إن ترى مناظرها الطبيعيه معتاده نفس الدير اللي وراهاا ، بس مادري ليشش مسكت معاي عليها ، نجرب شي ماشفناه ( )عوافي يائمرر ، |
||||
|
21-05-2009, 09:58 AM
|
|
||||
|
من شيوخ الحارة
|
تقرير بطللللللللللل من وحده مهيب بطله للأسف صور البلكونة شي ثاااااااااااااااني و الحديقه بعد روعه أووما لو أشوف ثلج مثل كذا .. و جايه من جو مثل جونا يقلب التسبد و دوام يجيب الحموضه يا شيخه بفصخ جزمتي - كرمتوا - من قوة الوناسة و أدحدر من الجبل بشراباتي عساني أبرد و أتراجف نو بروبلم و لا علي من أحد هماها مره بالعمر <- الله من صح السيقان استغفر الله بس ( مس بغيت اموت ضحك ع موقفتس ههههههههههههههههههههههههههههههههه )ع طاري يوم العمال ليتهم سحبوتس و مردغوتس لين عضيتي الأرض و نشوف واحد من هاللي مجتمعين مصورتس و منزل عنتس تقرير بمنتدى تركي و حاطين صورتس ببنر هههههههههه بعدين وين الهديه ماشوف وصلني منتس شي و لا لمحتي عسى ما شر ؟ ترا لي عندتس هديتين احتريهم و تعرفينهم زيييين عموما الثالثه ثابته و أتمنى تراجعين نفستس زين حتى ما اضطر اشوف اخرتها معتس آي لوف يو يا العنز
|
||||
|
22-05-2009, 04:48 AM
|
|
|||||||||||||||||||
|
مصور محترف
|
وقتكم ماااا احلى منه ابد لان الصيف الجو غالب على حر يازين وقتكم احسن ما أخترتوا والله مدري وش اقتبس من الصور لكن والله كلها عذاااااااااااااااب والواحد ماوده الا ينقز فيها - الله ياليت يصلح - بس انا سمعت ان اهلها تعاملهم جفس وشين مع السياح خصوصا مع العرب ؟ هل هذا صدق ولا لا ؟؟؟؟ لأن اهل المغرب معروفين بالنجاسه مع السياح العرب وقالوا الاتراك مهب بعيدين عن المغاربه نفس التعامل ! عطينا العلم يابسبس يازين من ركض بذا الشارع ومايرده الا اخر جداار قسم بالله جو يعطي انتعاش وطاقه كنك شارب 5 علب ريد بول واااااو على هالبيت وهالموقع البطل كم قلتي سعره ؟! بشتريه عشان استجم فيه بعد كل اختبار وانسى الهم الاسود
ياخبله تشوفين المويه الكبريتيه وتفوتينها هذه مفيييده مررره للجسم وانا لي تجربه معها يووم كنت في سوريا كنا رايحين ملاهي ومدري وش ركبت لعبه وطق بها ظهري لين معاد قدرت امشي ولا اجلس ولا اسوي شي وضعي صعب مررره ألم في ألم ومن بكره رحنا للمياه الكبريتيه وقالوا مفيده وانا اللي اطب فيها واشرب بعد ادور العافيه قسم بالله ماطلعت منها الا وظهري مثل اول امس طاب الحمدلله يوم يدرون بذا الحوسه والبربسه والمشاكسات بتصير وشوله يحطون يوم عمال؟ اصلا انا اكتشفت من المسلسلات التركيه ان شرطتهم فاظيه وصحافتهم افضى واسعافاتهم على الريحه لو ينكسر ظفرك نقزوا عليك بسبوسه حمدلله على سلامتك ياقمر امتعتينا بالتقرير الحلوووووو سلام |
|||||||||||||||||||
|
23-05-2009, 06:22 AM
|
|
|||||||||||||||||||
|
مذنب هالي
|
كان بيجرتيني يوم نزلتي الصور مادريت عنها .. هههههههههههه لو اني منتس قعدت قدامه لو ان ريحته خياس عادي اهم شي اغدي بيضا --> ماخذه على ريحه الخياس العبده .. 
هههههههههههههههههههههههههه كنها امي دايم تصول علي لين قعدت اصور وليتني اصور شي صاحي ومستنكر مثلتس .. تقول امي كن الناس ماقد شافو الرياض يوم انتس تصورينها قلت الا معنا ناس من الهند بالمنتدى ودهم يشوفون خناز الرياض .. امتعتينا بذا الصور لاخلا ولاعدم منتس ..
|
|||||||||||||||||||
|
25-05-2009, 11:25 PM
|
|
||||||||||||||||||||||||||||||||||||||||||||||||||||||||||||||||||||||||||||
|
مشرفة الأسرة
|
/
\ / Gladiator حياك ..:: طفلة الورد ياختي كليه عليتس بالعافيه عادي محسوبتس كلت منه لين انتفخ بطنها << دايم بخاطري اذوقه تسلمين ع الطله ياعسل ..:: المليحة ايه مره مافيه مثل السعودية انا اشهد ..هو فيه مثل الحر والعج والرطوبه ..! بس ع ماقلتي تبقى الديره غاليه ..ياحبي لتس يا ذا البنت مع اني ما اعرفتس بس تدخلين القلب << مطوله الفضفضه ..! حياتس يابعدي ..:: ملح(ن) يقوطر ياحبي لتس قسم ترفعين المعنويات اثبتي انتس متابعه بإخلاص ..والمنطقه ميب في بورصه .. في " yalova / termal " الروعه مرورتس ياعسل ..:: LS3T SHQAWH ~ ليه الصياح طيب ..! قولي يالله الجنه هذا عشمنا ..! يعافيتس ياقلبي ع الرد ..:: ღمخمليهღ ههههههههههههه .. ودتس تصيرين اختي حياتس بس ترى ماراح تتحملين الله يسلمتس ع الإطراء << صح يا أنا رفعتي بي وانا منب كفو كل ذا حياتس ..:: ندى الشوق هههههههه وهذا وانا مختصره << !!عاد تصدقين مع ان الكل يقول ينخاف من المشي فيها .. بس هناك انا كنت ماخذه راحتي مره بالتمشي ..لاه وابشرتس بعد مره ضعت من حلاة الوجه وجلست نص ساعه ضايعه و بسوق كان ع الشارع ماله اول ولا آخر من طوله يعني اللي يبي يخطفني مهيب عايقه معه ابد يعافيتس ربي يابعدي ..:: المهوية هلااااا وغلاااااا وانا اقول وش هالنور اثاريتس هنا ..! << ترد عليتس وهي مغمضه عاد انتي اعرفي ليه
هههههههههههههههههههههه مرررره ودتس انتي تشوفين هالصوره ..! واحستس من يومها وانتي تحوسين بهالمنتديات التركيه ولا يهون اليو تيوب تدوريني ..عاد تب تعرفيني ع طول من الزمه اللي تميز الإبتسامه الجذابه .. وتراني اشوفتس ياحيوانه تضحكين الحين ..وترى الهديه اللي قلت ابشتريها لتس ولي .. شريت لي ابشرتس ..بس مهوب معناته ماراح اجيب لتس .. اصبري افهمتس ..! << الخوف مليح ..ابجربه اول يمكنه مهوب زين ان كان الاستعمال زين جبته لتس شفتي شلون ماودي اشتري لتس شي تتوهقين فيه آي لوف يو موووور :: بنت الحاره يابعدي انتي الزين ردتس والله من ناحية التعامل فيه منهم الشين وفيه الزين .. انا اغلب شي لاحظت شوفة النفس الخايسه في اسطنبول ..! ماودتس تناظرين فيهم اعوذ بالله ..! بس باقي المناطق لا والله نادر ..! بالعكس حليلين بالتعامل مره ..لكن اكذب عليتس ان قلت لتس مايخلون من الجفاسه  ..تبين نقط في البيت ونشتريه سوا ..! ترى داخل مزاجي ومن يومها وانا اتخيله بيتي وكل ماضاقت بي الدنيا اتخليني فيه ..!
صدق عاد ..! مفيده ..! وانا مكذبه ابوي ..! حسفتيني تصدقين ..! عاد انا ادور شي لهالبشره الشهبا يزينها بس ماش ..يالله خيره .. المره الجايه ان كاني رحت ابطب فيه كلي موب بس وجهي .. والحمدلله ع سلامتس ..انبسطت كثيييير بردودتس هنا ..حياتس ..:: مصقوعه بغضارة هلا هلا عاد قسم يوم نزلت الجزء الاخير كنت ادورتس احتري رجعتس ..ياحبي لتس وسيعة صدر وتدخلين القلب دووغري << لاه اليوم ماسكه معها فضفضة مشاعر واعترافات ..!
هههههههههه بلاتس ماشميتي هاللي تقولين خياس ..! انتي بس شميه وتتفلين العافيه وتهونين عن هالبياض ..
ههههههههههههههههههههههههههههههه خبله وانتي امتعتيني بذا الردود وهالطله الخفيفه ..حياتس ../ \ / |
||||||||||||||||||||||||||||||||||||||||||||||||||||||||||||||||||||||||||||
|
26-05-2009, 01:49 AM
|
|
||||
|
مصر كوكبة العصر
|
بسبوسه
أستنبول جوزيل جوزيل تشوووووووووووك جوزيل واللى يجينا منها لا حول ولا قوة إلا بالله على هذه البلد سبحان الخلاق على المناظر تجنن شمس وهواء وثلج وميه الصور كلها تجنن بسبوسه تسلم يدك كل صورة أروع من اللى قبلها لا تحرمينا من رحلاتك وكثرى على تركيا بس لا تنسى تروحى أنطاكية بسبوسه / تشوك تشكراديرم تركيا عقبالى ما أطلعها قريباً قولى قولى بسبوسه |
||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
