نكهة الديزل و اسبرانزا في رحلة لاستكشاف ربوع السعودية - الصفحة 2

11-06-2009, 04:33 AM

مستحيل ان هالمكان موجود بالسعوديه<<يعني ايش تكذبين الرجال يعني

والله شي جوناااااااااااان صراحه
شكل الملح غرررررريب مره

ننتظر البارت الثاني وياليت يكون باقرب وقت

دمت بخير

11-06-2009, 04:49 AM

أسبرينزا ياخي علمهم اني انا اللي قايلك نزل الموضوع > - - - يمون

متابعين لك

11-06-2009, 03:49 PM

مآ شآء آلله ..

آلصور مرآآآ روع‘ه وآلتصويير آروع‘ ..

بس متآكد هذآآ بالسعوديه <-- قول والله

تقبل تحيآتي ..

11-06-2009, 04:06 PM

كشب او حرة كشب منطقة شاسعة ومناظرها خلابه عساها للسيل

اسم الموقع الوعبه أو مقلع طميّة تبعد عن حفر كشب 10 كيلو بالضبط على طريق

الحفر -- مهد الذهب .

لاهنت والله على الموضوع الرائع

11-06-2009, 04:14 PM

اوووبس ..!
و الله شي ما دريت ان عندنا زي كذا
لاهنت أخوي و بإنتظار التّكملة ..

11-06-2009, 04:17 PM

تقرير رهيب واول مرة ادري انه هذي المنطقة عندنا في السعودية...

شكرا لك ونتظر الاجزاء الباقية...

11-06-2009, 07:23 PM

اقتباس:

المشاركة الأصلية كتبت بواسطة نواف نايف

كشب او حرة كشب منطقة شاسعة ومناظرها خلابه عساها للسيل

اسم الموقع الوعبه أو مقلع طميّة تبعد عن حفر كشب 10 كيلو بالضبط على طريق

حفر كشب -- مهد الذهب .

لاهنت والله على الموضوع الرائع

نعم نعم ابو نايف صادز .. واللي وده يروح لها يمرني بس ترى انا محفول مكفول

المنطقه حاره جدا ولا انصح بالذهاب لها في فصل الصيف .. واللي معزم يروح في الشتااااء الجو جميييييييل جدا ومثل ماقال نواف فيها مناظر خلابه .. اشجار الطلح والسمر والسرح ومنظر اللابه الرائع والمثير ... وشكرا لي .

اسبرانزا ونكهه .. لو علمتوني لحقتكم بالطلي يامال السهال

موضووووع جمييييييييل وصوّر تهيّض

.

12-06-2009, 03:37 PM

السلام عليكم ورحمة الله

لكل الاخوان و الاخوات اللي شرفو الموضوع بمشاركاتهم الكريمة كل الشكر و التقدير مني.

الموضوع بدون مشاركاتكم ومداخلاتكم يعتبر ناقص

انتم المحرك الدافع للكاتب لكي يواصل كتابته

لكم مني اطيب تحية

12-06-2009, 03:40 PM

نكهة الديزل و اسبرانزا في رحلة لاستكشاف ربوع السعودية

الجزء الثاني

بعد ما انهيت انا و نكهة الديزل جولتنا المطوله في الحفرة و بعد معاناة مطوله مع العودة إلي مكان المخيم حقنا و بعد ما اضطررت اكلم على أربعه من صبيان نكهة الديزل في نصف الطريق و إحنا نصعد من قاع الحفرة لأعلاها عشان يشيلونه لان رجليه جبصت مع كثر المشي أخيرا وصلنا لم بيت الشعر مع غروب الشمس و بعد قضاء ما يقارب 6 ساعات من وقت انطلاقنا للحفرة.

أول ما وصلنا لم بيت الشعر و تنظفنا من الغبار اللي غطانا بالكامل من اثأر التسلق ، توجهنا لم سفرة الأكل و لقينا الصبي اللبناني حق نكهة الديزل مجهز لنا كل ما لذ وطاب من المشويان و المأكولات اللبنانية.

صدقوني إن الواحد يكون عنده شهية بعير بعد مشي و تسلق لمدة ست ساعات متواصلة.

لذلك و بعد ما يقارب ساعة كاملة من الأكل إنا و نكهة الديزل ما قدرنا نتحرك من على السفرة.

المهم و بعد عراك و معاناة في الوقوف و التحرك من على السفرة توجهت إنا و نكهة الديزل و تمددنا تحت احد مكيفات السبلت الموجودة في بيت الشعر و كل واحد مننا استلم لي (هوز) شيشته ، إنا على المعسل و نكهة الديزل على الجراك.

اثنا ما كنت إنا و نكهة الديزل قاعدين نهضم و نعدل روسنا بالشيش دار بيني و بينة الحوار التالي:

نكهة الديزل : انشاءالله يا اسبرانزا بكرة الصبح نبي نحرك و نروح لم مشوار قريب في قرية المويه القديم.
اسبرانزا: المويه القديم؟ وشي ذي.
نكهة الديزل : المويه هي قرية صغيره تبعد حدود 50 كم جنوب شرق المكان اللي إحنا فيه ألان ، وكانت قبل ما يقارب 300 سنة مركز و حصن رئيسي للأتراك اللي احتلو المنطقة هذي لما يقارب 400 سنة قبل ما تتحرر المنطقة أيام الحرب العالمية الأولي ، طبعاً أهمية القرية تكمن في وجود حصن للجيش العثماني كبير يصل حجمه إلي حدود 2 كم مربع ، الحصن هذا كانت تتجمع فيه الجيوش العثمانية بالآلاف و تستخدمه كنقطة انطلاق لغزو منطقة نجد ، و الحصن ورغم إن عمره ألان وصل إلي ما يقارب 300 سنة إلا انه ما يزال قائم بجدرانه و ابراجة و أسواره ولا يوجد فيه إلا بعض التلفيات البسيطة ، طبعاً بقاءه للسنين الطويلة هذي هو بفضل وبعد الله يعود إلي استخدام الأحجار البركانية السوداء في تشييده و هذا هو احد الأسباب الرئيسية لبقائه طول السنين هذي رغم تهدم و اندثار كل البيوت الطينية المحيطة به.
اسبرانزا: اثر هالاتراك مهمب بسيطين و يعرفون وش يستخدمون في البنى.
نكهة الديزل : الحقيقة الأتراك ما جابو شي من عندهم ، هم فقط عرفو قيمة الأحجار البركانية وصلابتها و الدليل كان الكعبة المشرفة اللي كان لها أكثر من 1000 سنة قائمة قبل ما يجون للمنطقة.
المهم إن احني انشاءالله و من بكره الصبح و قبل ما يحتر الجو نبي ننطلق للقرية و نستكشفها.

و بالفعل و من فجر اليوم التالي ركبت إنا و نكهة الديزل احد الجيوب و تبعنا جيبين ثانية لم قرية (المويه القديم).
أول ما ركبنا الجيب طلب مني نكهة الديزل اشغل جهاز المجلان و ادخل الإحداثيات التالية لموقع الحصن التركي:

22 درجة و 44 دقائق شمال
41 درجة و 35 دقائق شرق

هذي صوره فضائية توضح موقع الحفرة اللي كنا مخيمين جنبها. الدائرة الحمراء.

و هذي صورة توضح موقع المخيم جنب الحفرة و موقع قرية المويه.

وهذي صورة فضائية توضح الحصن التركي ، ولو تقارنونه بالبيوت اللي حوله تبون تعرفون كبر حجمه و كونه ما يزال قائم بالمقارنة بما حوله.

بعد ما يقارب ساعة من المطامر في منطقة صخرية كلها أحجار بركانية وصلنا لم أول مبنى يمت للقرية وهو برج مراقبة كانوا الأتراك يستخدمونه في مراقبة المنطقة.

هذي صورة للبرج.

هذي صور للقرية و الحصن أول ما اقبلنا عليها.

أول ما توسطنا القرية و كانت كل بيوتها طينية و كانت في الغالب مهدومه و كانت خالية بالكامل ما عدا بيت جديد مصنوع من البلك على إطرافها ، بس البيت كان الظاهر مهجور لأننا ما شفنا حوله احد.

بدينا إنا و نكهة الديزل ندور بين بيوت الطين و دخلنا بعضها اللي كان ما يزال جزء منه قائم ، وفي اللحظة هذي بدا شريط حياتي يوم إني بزر يمر قدامي و بديت أتذكر بيت الطين اللي انولدت فيه في امصده (احد إحياء الرياض القديمة بالقرب من المرقب) و في ذيك اللحظة طقتني العبرة و التفت لم نكهة الديزل عشان أشوف وش يسوي و لقيت هو بعد طاقته العبرة و قاعد يمسح دموعه بشماغة ، إنا سألت نكهة الديزل وش فيه و وش سالفة الدموع فبداء يقص على أيام طفولته في الجزء القديم من المجمعة و البيت الطين اللي هو كان ساكن فيه و السيارة الشفر موديل 1963 اللي شراءها له أبوه .

هذي بعض البيوت الطين المهدمة.

بعد ما خلصنا من الدوران بين البيوت توجهنا لم بوابة الحصن التركي و تجولنا فيه ، و الحق يقال إن طريقة بناءه من المتوقع انه يعيش ميات السنين القادمة.

هذي صور من الحصن.

إثناء جولتنا في الحصن بدا نكهة الديزل يتكلم عن الحصن و القرية، فقال ما يلي:

الحصن و بعد ما توحدت الدولة السعودية على يد الملك عبدالعزيز أصبح الحصن قصره الخاص و إلي كان يسكن فيه كل ما طلع للمنطقة للصيد ، لان المنطقة في السابق كانت غنية بالحيوانات البرية و بالذات الوعل و المهاء العربية.
قرية المويه كانت الين تعبيد خط الرياض جدة حية و مليانة ناس ، ولكن بعد ما تم تعبيد الخط و كان بعيد عن القرية بدا أهلها يهجرونها و انتقلو حول طريق الرياض جدة و أسسوا ما يعرف ألان بقرية (المويه الجديد) و القرية هذي مشهورة بسوق الإبل الكبير الموجود فيها.

اثنا ما كنت إنا و نكهة الديزل نتجول في الحصن و بعد ما طلعنا منه شفنا ذاك الجيب الشاص (جيب صندوق) اللي مقبل من بعيد ، وقف عندنا الجيب و نزل منه ذاك الرجال من أهل البادية و كان معه شوزن بين يديه.

إنا ما أخفيكم خفت من الموضوع و سألت نكهة الديزل إذا معه سلاح ، فقال لي انه تركه في المخيم.

قرب مننا الرجال اللي معه الشوزن و دار بيننا و بينه الحديث التالي:

الرجال اللي معه الشوزن: السلام علاكم يا جماعة الربع.
نكهة الديزل : و علاكم السلام يالاخو.
الرجال اللي معه الشوزن: انتم وش جابكم هنيا ، لا تكونون ناوين تسرقون بيتي اللي هناك.
نكهة الديزل : لا يا الغالي إحنا جايين من الرياض و مخيمنا عند حفرة وهبا ، و مرينا عشان نشوف القصر هذا.
الرجال اللي معه الشوزن: ييييييو انتم من الرياض ، ياهلا والله ومرحبابكم، ترى الغداء عندي و إنا ابو صعفق.
نكهة الديزل : مشكور يابو صعفق لكن إحنا راجعين ألان للمخيم.
الرجال اللي معه الشوزن: افا الحين أعزمكم تغدون عندي و تردوني ، والله ثم والله لو ما تغدون عندي إني لطخ الخواجة اللي بجنبك ذا.

و مع قولته لأخر جملة وجه الرجال اثم (فوهة) شوزنه لمي فعرفت انه يقصدني بكلمة الخواجة.
إنا و عند الموقف هذا نغزت نكهة الديزل و قلت له "تراني والله جوعان يا نكهة الديزل وترى مهوب زين نرد عزيمة الرجال".

طاوعني نكهة الديزل في كلامي و مشينا مع الرجال لم بيته و في الطريق للبيت وقفنا عند بير على طرف القرية و طلب مني الرجال اللي معه الشوزن إني اخذ له صوره.

هذي صورة ابو صعفق

دخلنا بيت الرجال و قعدنا نسولف معه و قال لنا إن المنطقة في العادة ما يجيها سعوديين و إن اغلب اللي يجون للمنطقة هم خواجة ، لذلك كان يضن إني واحد منهم لأني كنت لابس بنطلون و قميص.

بعد ما قعدنا عند الرجال و تغدينا و شربنا من حليب الانياق اللي عنده ودعناه مع غروب الشمس ورجعنا للمخيم حقنا.

وهذي صوره مع مغيب الشمس.

و انشاءالله التقيكم في الجزء القادم مع منطقة أخرا من ربوع السعودية

(يتبع)

12-06-2009, 04:16 PM

والله اني مستغربه ان فيه احد في السعودية مايعرف مقلع طميه
صحيح حاره في الصيف لكن مناظرها راااااااائعه والصور ظلمتها
وياليتك يااسبيرانزا صورت المظلات اللي حول الوعبه من جهة الحفر اللي بانينها عشان السياح الاجانب
وياليتك صورت حفر كشب من مكانكم بعد
اووما المويه اول مره اشوفها واول مره ادري ان فيه مويه قديمه وجديدة
يبيلها زيارة اكيد ان شاءالله
بما انا محرومين من السياحة الخارجية نعوضها في ربوع بلادي
وشكررا لك يالخواجه
بانتظار الاجزاء الثانية

14-06-2009, 02:06 AM

سبحان الله مناظر غريبه وروعه ,,

توني ادري ان عندنا منطقه كذا

تسلم على هالتقرير البطل وننتظر التكمله

14-06-2009, 04:27 AM

سبحان الله
مجموعة رائعة من الصور والمكان تحفة سبحان الله
وأول مرة أعرف أنه كان فيه حصن للعثمانين بالسعودية

14-06-2009, 06:20 AM

بصراحه اول مره ادري عن هالشي

شي راائع بصراحه

والمشكله مليان اجاااانب بسم الله وش دراهم خخخخخخخخخخخخخخ

ربي يعطيك العافيه ياااسبرانزا

15-06-2009, 01:05 AM

الله يعطيك الف عاااافيه ياااسبرانزا
صراحه تقرير ولا احلى
عرفتنا على اماكن ما كنت اتوقع انها موجوده هنا وكنت من اصحاب المبدأ اللي يقول(سياحة الخارج اصرف من سياحة جده وابها)
لكن بعد هالصور تغيرت نظرتي وان شاء الله ما تحرمنا من الجديد اللي يعرفنا على بلادنا اللي ما ندري عنها

مشكووووووور والله يعطيك الف الف عافيه

15-06-2009, 01:28 AM

بصرااااااااحه صور ولا اروع ,, يعطيك العافيه
ياحلالوه اجيب بهم ابوي وبعارينه يسرحن ويرعن << كلن وتفكيره

11-06-2009, 04:49 AM	رقم المشاركه : 17
أبوحميد من شيوخ الحارة الملف الشخصي	أسبرينزا ياخي علمهم اني انا اللي قايلك نزل الموضوع > - - - يمون متابعين لك توقيع أبوحميد ليه احس أني وأنا اشوفك حزين قلبي الليله بهمي ممتلي كانها الفرقا طلبتك حاجتين لاتعلمني ولاتكذب علي اسألني

11-06-2009, 03:49 PM	رقم المشاركه : 18
Η « توه ساكن الملف الشخصي	مآ شآء آلله .. آلصور مرآآآ روع‘ه وآلتصويير آروع‘ .. بس متآكد هذآآ بالسعوديه <-- قول والله تقبل تحيآتي .. توقيع Η « : -‌ ‌ ‌ ‌ ‌ ‌ ‌ تعَبتْ مِن غيَابكْ ، وَ وَ آنتْ مَا حَسيتْ ! : :

11-06-2009, 04:06 PM	رقم المشاركه : 19
نواف نايف من بدون الحارة الملف الشخصي	كشب او حرة كشب منطقة شاسعة ومناظرها خلابه عساها للسيل اسم الموقع الوعبه أو مقلع طميّة تبعد عن حفر كشب 10 كيلو بالضبط على طريق الحفر -- مهد الذهب . لاهنت والله على الموضوع الرائع توقيع نواف نايف

11-06-2009, 04:14 PM	رقم المشاركه : 20
شيختهم من رُوّاد المكتبة الملف الشخصي	اوووبس ..! و الله شي ما دريت ان عندنا زي كذا لاهنت أخوي و بإنتظار التّكملة .. توقيع شيختهم . يآا رب ، و انْ جاتِكْ الدّعواتْ مكسُورَة افْرِد جنَاح الرّضا و اجْبُر خواطِرنَا \|\|.. http://www.formspring.me/Hdoooo2

11-06-2009, 04:17 PM	رقم المشاركه : 21
BeNt-TaibaH من رُوّاد المكتبة الملف الشخصي	تقرير رهيب واول مرة ادري انه هذي المنطقة عندنا في السعودية... شكرا لك ونتظر الاجزاء الباقية... توقيع BeNt-TaibaH المكتبة,,, عاشقة مفرحات سابقا,,,

11-06-2009, 04:33 AM	رقم المشاركه : 16
D. شاطحه ™ مكلبش الين يركد الملف الشخصي	مستحيل ان هالمكان موجود بالسعوديه<<يعني ايش تكذبين الرجال يعني والله شي جوناااااااااااان صراحه شكل الملح غرررررريب مره ننتظر البارت الثاني وياليت يكون باقرب وقت دمت بخير

12-06-2009, 03:37 PM	رقم المشاركه : 23
Esperanza مسـيّر الملف الشخصي	السلام عليكم ورحمة الله لكل الاخوان و الاخوات اللي شرفو الموضوع بمشاركاتهم الكريمة كل الشكر و التقدير مني. الموضوع بدون مشاركاتكم ومداخلاتكم يعتبر ناقص انتم المحرك الدافع للكاتب لكي يواصل كتابته لكم مني اطيب تحية توقيع Esperanza

12-06-2009, 03:40 PM	رقم المشاركه : 24
Esperanza مسـيّر الملف الشخصي	نكهة الديزل و اسبرانزا في رحلة لاستكشاف ربوع السعودية الجزء الثاني بعد ما انهيت انا و نكهة الديزل جولتنا المطوله في الحفرة و بعد معاناة مطوله مع العودة إلي مكان المخيم حقنا و بعد ما اضطررت اكلم على أربعه من صبيان نكهة الديزل في نصف الطريق و إحنا نصعد من قاع الحفرة لأعلاها عشان يشيلونه لان رجليه جبصت مع كثر المشي أخيرا وصلنا لم بيت الشعر مع غروب الشمس و بعد قضاء ما يقارب 6 ساعات من وقت انطلاقنا للحفرة. أول ما وصلنا لم بيت الشعر و تنظفنا من الغبار اللي غطانا بالكامل من اثأر التسلق ، توجهنا لم سفرة الأكل و لقينا الصبي اللبناني حق نكهة الديزل مجهز لنا كل ما لذ وطاب من المشويان و المأكولات اللبنانية. صدقوني إن الواحد يكون عنده شهية بعير بعد مشي و تسلق لمدة ست ساعات متواصلة. لذلك و بعد ما يقارب ساعة كاملة من الأكل إنا و نكهة الديزل ما قدرنا نتحرك من على السفرة. المهم و بعد عراك و معاناة في الوقوف و التحرك من على السفرة توجهت إنا و نكهة الديزل و تمددنا تحت احد مكيفات السبلت الموجودة في بيت الشعر و كل واحد مننا استلم لي (هوز) شيشته ، إنا على المعسل و نكهة الديزل على الجراك. اثنا ما كنت إنا و نكهة الديزل قاعدين نهضم و نعدل روسنا بالشيش دار بيني و بينة الحوار التالي: نكهة الديزل : انشاءالله يا اسبرانزا بكرة الصبح نبي نحرك و نروح لم مشوار قريب في قرية المويه القديم. اسبرانزا: المويه القديم؟ وشي ذي. نكهة الديزل : المويه هي قرية صغيره تبعد حدود 50 كم جنوب شرق المكان اللي إحنا فيه ألان ، وكانت قبل ما يقارب 300 سنة مركز و حصن رئيسي للأتراك اللي احتلو المنطقة هذي لما يقارب 400 سنة قبل ما تتحرر المنطقة أيام الحرب العالمية الأولي ، طبعاً أهمية القرية تكمن في وجود حصن للجيش العثماني كبير يصل حجمه إلي حدود 2 كم مربع ، الحصن هذا كانت تتجمع فيه الجيوش العثمانية بالآلاف و تستخدمه كنقطة انطلاق لغزو منطقة نجد ، و الحصن ورغم إن عمره ألان وصل إلي ما يقارب 300 سنة إلا انه ما يزال قائم بجدرانه و ابراجة و أسواره ولا يوجد فيه إلا بعض التلفيات البسيطة ، طبعاً بقاءه للسنين الطويلة هذي هو بفضل وبعد الله يعود إلي استخدام الأحجار البركانية السوداء في تشييده و هذا هو احد الأسباب الرئيسية لبقائه طول السنين هذي رغم تهدم و اندثار كل البيوت الطينية المحيطة به. اسبرانزا: اثر هالاتراك مهمب بسيطين و يعرفون وش يستخدمون في البنى. نكهة الديزل : الحقيقة الأتراك ما جابو شي من عندهم ، هم فقط عرفو قيمة الأحجار البركانية وصلابتها و الدليل كان الكعبة المشرفة اللي كان لها أكثر من 1000 سنة قائمة قبل ما يجون للمنطقة. المهم إن احني انشاءالله و من بكره الصبح و قبل ما يحتر الجو نبي ننطلق للقرية و نستكشفها. و بالفعل و من فجر اليوم التالي ركبت إنا و نكهة الديزل احد الجيوب و تبعنا جيبين ثانية لم قرية (المويه القديم). أول ما ركبنا الجيب طلب مني نكهة الديزل اشغل جهاز المجلان و ادخل الإحداثيات التالية لموقع الحصن التركي: 22 درجة و 44 دقائق شمال 41 درجة و 35 دقائق شرق هذي صوره فضائية توضح موقع الحفرة اللي كنا مخيمين جنبها. الدائرة الحمراء. و هذي صورة توضح موقع المخيم جنب الحفرة و موقع قرية المويه. وهذي صورة فضائية توضح الحصن التركي ، ولو تقارنونه بالبيوت اللي حوله تبون تعرفون كبر حجمه و كونه ما يزال قائم بالمقارنة بما حوله. بعد ما يقارب ساعة من المطامر في منطقة صخرية كلها أحجار بركانية وصلنا لم أول مبنى يمت للقرية وهو برج مراقبة كانوا الأتراك يستخدمونه في مراقبة المنطقة. هذي صورة للبرج. هذي صور للقرية و الحصن أول ما اقبلنا عليها. أول ما توسطنا القرية و كانت كل بيوتها طينية و كانت في الغالب مهدومه و كانت خالية بالكامل ما عدا بيت جديد مصنوع من البلك على إطرافها ، بس البيت كان الظاهر مهجور لأننا ما شفنا حوله احد. بدينا إنا و نكهة الديزل ندور بين بيوت الطين و دخلنا بعضها اللي كان ما يزال جزء منه قائم ، وفي اللحظة هذي بدا شريط حياتي يوم إني بزر يمر قدامي و بديت أتذكر بيت الطين اللي انولدت فيه في امصده (احد إحياء الرياض القديمة بالقرب من المرقب) و في ذيك اللحظة طقتني العبرة و التفت لم نكهة الديزل عشان أشوف وش يسوي و لقيت هو بعد طاقته العبرة و قاعد يمسح دموعه بشماغة ، إنا سألت نكهة الديزل وش فيه و وش سالفة الدموع فبداء يقص على أيام طفولته في الجزء القديم من المجمعة و البيت الطين اللي هو كان ساكن فيه و السيارة الشفر موديل 1963 اللي شراءها له أبوه . هذي بعض البيوت الطين المهدمة. بعد ما خلصنا من الدوران بين البيوت توجهنا لم بوابة الحصن التركي و تجولنا فيه ، و الحق يقال إن طريقة بناءه من المتوقع انه يعيش ميات السنين القادمة. هذي صور من الحصن. إثناء جولتنا في الحصن بدا نكهة الديزل يتكلم عن الحصن و القرية، فقال ما يلي: الحصن و بعد ما توحدت الدولة السعودية على يد الملك عبدالعزيز أصبح الحصن قصره الخاص و إلي كان يسكن فيه كل ما طلع للمنطقة للصيد ، لان المنطقة في السابق كانت غنية بالحيوانات البرية و بالذات الوعل و المهاء العربية. قرية المويه كانت الين تعبيد خط الرياض جدة حية و مليانة ناس ، ولكن بعد ما تم تعبيد الخط و كان بعيد عن القرية بدا أهلها يهجرونها و انتقلو حول طريق الرياض جدة و أسسوا ما يعرف ألان بقرية (المويه الجديد) و القرية هذي مشهورة بسوق الإبل الكبير الموجود فيها. اثنا ما كنت إنا و نكهة الديزل نتجول في الحصن و بعد ما طلعنا منه شفنا ذاك الجيب الشاص (جيب صندوق) اللي مقبل من بعيد ، وقف عندنا الجيب و نزل منه ذاك الرجال من أهل البادية و كان معه شوزن بين يديه. إنا ما أخفيكم خفت من الموضوع و سألت نكهة الديزل إذا معه سلاح ، فقال لي انه تركه في المخيم. قرب مننا الرجال اللي معه الشوزن و دار بيننا و بينه الحديث التالي: الرجال اللي معه الشوزن: السلام علاكم يا جماعة الربع. نكهة الديزل : و علاكم السلام يالاخو. الرجال اللي معه الشوزن: انتم وش جابكم هنيا ، لا تكونون ناوين تسرقون بيتي اللي هناك. نكهة الديزل : لا يا الغالي إحنا جايين من الرياض و مخيمنا عند حفرة وهبا ، و مرينا عشان نشوف القصر هذا. الرجال اللي معه الشوزن: ييييييو انتم من الرياض ، ياهلا والله ومرحبابكم، ترى الغداء عندي و إنا ابو صعفق. نكهة الديزل : مشكور يابو صعفق لكن إحنا راجعين ألان للمخيم. الرجال اللي معه الشوزن: افا الحين أعزمكم تغدون عندي و تردوني ، والله ثم والله لو ما تغدون عندي إني لطخ الخواجة اللي بجنبك ذا. و مع قولته لأخر جملة وجه الرجال اثم (فوهة) شوزنه لمي فعرفت انه يقصدني بكلمة الخواجة. إنا و عند الموقف هذا نغزت نكهة الديزل و قلت له "تراني والله جوعان يا نكهة الديزل وترى مهوب زين نرد عزيمة الرجال". طاوعني نكهة الديزل في كلامي و مشينا مع الرجال لم بيته و في الطريق للبيت وقفنا عند بير على طرف القرية و طلب مني الرجال اللي معه الشوزن إني اخذ له صوره. هذي صورة ابو صعفق دخلنا بيت الرجال و قعدنا نسولف معه و قال لنا إن المنطقة في العادة ما يجيها سعوديين و إن اغلب اللي يجون للمنطقة هم خواجة ، لذلك كان يضن إني واحد منهم لأني كنت لابس بنطلون و قميص. بعد ما قعدنا عند الرجال و تغدينا و شربنا من حليب الانياق اللي عنده ودعناه مع غروب الشمس ورجعنا للمخيم حقنا. وهذي صوره مع مغيب الشمس. و انشاءالله التقيكم في الجزء القادم مع منطقة أخرا من ربوع السعودية (يتبع)

12-06-2009, 04:16 PM	رقم المشاركه : 25
مُخمَليـة دآفورة مسنجريآت الملف الشخصي	والله اني مستغربه ان فيه احد في السعودية مايعرف مقلع طميه صحيح حاره في الصيف لكن مناظرها راااااااائعه والصور ظلمتها وياليتك يااسبيرانزا صورت المظلات اللي حول الوعبه من جهة الحفر اللي بانينها عشان السياح الاجانب وياليتك صورت حفر كشب من مكانكم بعد اووما المويه اول مره اشوفها واول مره ادري ان فيه مويه قديمه وجديدة يبيلها زيارة اكيد ان شاءالله بما انا محرومين من السياحة الخارجية نعوضها في ربوع بلادي وشكررا لك يالخواجه بانتظار الاجزاء الثانية توقيع مُخمَليـة αѕк мē <3 آخر تعديل مُخمَليـة في 04:42 PM.

14-06-2009, 02:06 AM	رقم المشاركه : 26
احســآس من ربع المطبخ الملف الشخصي	سبحان الله مناظر غريبه وروعه ,, توني ادري ان عندنا منطقه كذا تسلم على هالتقرير البطل وننتظر التكمله توقيع احســآس لا طروا " إسمك " تأكَد ،، كل خيرٍ آتمنى ..! يكفي إني لا ذكرتك .. هزَني ( مليووون ) طاري ..!

14-06-2009, 04:27 AM	رقم المشاركه : 27
كويني~ روائية مؤثرة الملف الشخصي	سبحان الله مجموعة رائعة من الصور والمكان تحفة سبحان الله وأول مرة أعرف أنه كان فيه حصن للعثمانين بالسعودية توقيع كويني~

14-06-2009, 06:20 AM	رقم المشاركه : 28
حصيصة ام قصيصة قصصه عبره الملف الشخصي	بصراحه اول مره ادري عن هالشي شي راائع بصراحه والمشكله مليان اجاااانب بسم الله وش دراهم خخخخخخخخخخخخخخ ربي يعطيك العافيه ياااسبرانزا توقيع حصيصة ام قصيصة الشهر مبارك على الجميع والله يجعلنا من صوامه وقوامه يارب

15-06-2009, 01:05 AM	رقم المشاركه : 29
D. شاطحه ™ مكلبش الين يركد الملف الشخصي	الله يعطيك الف عاااافيه ياااسبرانزا صراحه تقرير ولا احلى عرفتنا على اماكن ما كنت اتوقع انها موجوده هنا وكنت من اصحاب المبدأ اللي يقول(سياحة الخارج اصرف من سياحة جده وابها) لكن بعد هالصور تغيرت نظرتي وان شاء الله ما تحرمنا من الجديد اللي يعرفنا على بلادنا اللي ما ندري عنها مشكووووووور والله يعطيك الف الف عافيه

15-06-2009, 01:28 AM	رقم المشاركه : 30
كوندليزا بنت صنهات توه ساكن الملف الشخصي	بصرااااااااحه صور ولا اروع ,, يعطيك العافيه ياحلالوه اجيب بهم ابوي وبعارينه يسرحن ويرعن << كلن وتفكيره آخر تعديل كوندليزا بنت صنهات في 01:31 AM.

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق