 |
 |
 |
 |
 |
 |
 |
 |
 |
|
||||||
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
18-06-2009, 04:42 AM
|
|
||||
|
قاضي الحارة
|
 << كأنها مو ديارهم المهم يا الحضار << تصغير حضر ذي اسمها مقلع طمية حفرة عميقة في الأرض بفعل نيزك طيرها وقلعها للشمال ، طمية جبل في حرة كشب تقول الأساطير انه برق البرق فرأت ( طمية ) جبل ( قطن ) في حائل فأغرمت به فطارت فغضب عكّاش وهو جبل يجاورها فرأى الخيانة بأم عينه فسل سيفه فضربها به وتقطعت منها أجزاء على دربها من كشب لحايل !! يقول الشاعر الهوى من قبلنا قلفع طمية ** شالها من كشب لضلعان حايل
|
||||
|
|
23-06-2009, 03:18 AM
|
|
||||
|
مسـيّر
|
نكهة الديزل و اسبرانزا في رحلة لاستكشاف ربوع السعودية الجزء الثالث الشخص اللي غير متعود على الحركة بكثرة و وفجئة يتحرك بشكل مكثف و يصعد جبل و بعدين ينزل منه بيعرف الشعور و الآلام اللي عانيت منها بعد رجوعنا من الحصن التركي ، صحيح إن حركتنا في منطقة الحصن التركي كانت قليلة ولكن اليوم اللي سبقه في الحفرة تحركت إنا و نكهة الديزل بكثرة. لذلك و مع وصولنا للمخيم كل واحد مننا ما صدق على الله و على طول تمدد في اقرب مكان في بيت الشعر ، إنا رجليني و ركبي كانت توجعني و نكهة الديزل كان نفس الشي و بزود ظهره (من اثر كبر الكرشة). لذلك نادا نكهة الديزل على احد صبيانه و طلب منه يهمز له رجلينة ، إنا عن نفسي عييت اخل رجال يهمزني حتى لو كنت ما اقدر امشي. اثنا ما إنا أتألم و نكهة الديزل قاعد يتهمز ، قلت و بصوت مرتفع "يا حلالات من يربص نفسه في ماء حار زي حقين دولة التشيك". نكهة الديزل سمعني أقول الجملة الأخيرة و دار بيني وبينة الحوار التالي: نكهة الديزل: اجل ودك تربص في ما حار ،،، ما طلبت شي صعب يا حبيب ألبي اسبرانزا ،،، أنت اطلب و إنا إلبي طلبك. اسبرانزا: يا بعد قلبي يا نكهة الديزل،،، اجل بتسفرني على حسابك لجمهورية التشيك عشان اسبح في ينابيعهم الحارة. نكهة الديزل: إنا اوديك لجمهورية التشيك وانا في الأصل ضد السياحة الخارجية،،، لا إنا بوديك لم نبع حار في ديرتي السعودية. اسبرانزا: في السعودية!!! و نبع حار بعد ،،، شكلك من جد يا نكهة الديزل عندك سخونة. نكهة الديزل: نشوف من عنده سخونه بكره إذا وديتك لم نبع الماء الحار. إنا ما علقت زود على كلام نكهة الديزل و بعدها كل واحد مننا راح لفراشة و امرح ليلته. في الصبح انا قمت من النوم حدود الساعة 7 و لقيت نكهة الديزل فاك بيت الشعر و محمل العفش كله مع صبيانة ولا كان باقي إلا الخيمة اللي إنا كنت نائم فيها. إنا توجهت لم نكهة الديزل و سألته وش السالفة فقال لي "إحنا محركين الحين لم منطقة النبع الحار عشان تسبح فيه و يخف الآلام عنك" ، إنا استغربت كلام نكهة الديزل لأني كنت اعتقد انه يمزح في الليلة السابقة بس قلت يا ولد إنا وش وراي وخلني أروح وشوف وش السالفة. ركبت مع نكهة الديزل في احد الجيوب و انطلقنا في طريقنا ، و بدا الصبي اللي معنا يطبخ الفطور في المرتبة الخلفية للجيب. بعد ما طلعنا على الخط المزفلت و بدينا نتجه غرب نحو الطائف ، سألت نكهة الديزل إحنا وين رايحين فقال لي ما يلي: قبل ما أقول لك إحنا وين رايحين شغل الماجلان ودخل الإحداثيات التالية: 20 درجة و 19 دقائق شمال 40 درجة و 27 دقائق شرق واصل نكهة الديزل كلامه و قال: إحنا ألان متوجهين لم وادي الليث لان فيه في الوادي نبع ما حار تطلع منه المويه على مدار السنة ، النبع هذا عند المكان اللي تطلع منه المويه توصل درجة حرارته إلي ما يقارب 70 درجة مئوية و بعد ما تتحرك الموية تنخفض درجة الحرارة إلي حدود مقبولة للسباحة في حدود 35 درجة مئوية ، و مويه النبع معروفه بقدرتها على شفاء الام الجسم و العضام و الرومتزيم. النبع حول قرية صغيرة في وادي الليث اسمها (غميقة) و ممكن نوصل للقرية عن طريق الخط الساحلي من جدة ولكن لان الطريق طويل فحنا بنطلع على الطائف و منها على منطقة بني سعد و منها بنعبر الوديان الين نطلع لم محل النبع.  هذي صوره توضح موقع النبع اللي حوله الدائرة الزرقاء ، و مدينة الليث و قرية غميقة اللي حولها الدائرة الحمراء.  هذي صورة أوضح لمنطقة النبع.  و هذي خريطة توضح موقع النبع. (اضغطو على الخريطة لمشاهدتها بحجم كبير) إنا ما علقت على كلام نكهة الديزل من ناحية الطريق اللي بنسلكه عشان نوصل لنبع الماء الحار لأني و بكل بساطه ما اعرف المنطقة ، صحيح إني عشت في الطائف 3 سنوات قبل حدود 20 سنة ، بس ما عمري طلعت ابعد من منطقة الهدا. مشى موكبنا في طريقة و كان موكب ماهو بسيط إذا فكرتو في سالفة 6 جيوب و وايتين و تريلة. تعدينا الطائف و مسكنا طريق الجنوب الين وصلنا منطقة بني سعد ، و خذو الكلام مني اللي ما عمره راح للمنطقه بيندهش من جمالها الطبيعي الأخاذ اللي في نفس الوقت كان يخوف إذا الواحد وقف على طرف احد الوديان و بدا يطالع إلي أسفل الوادي و ياله يشوف القاع. المهم وصلنا في مشوارنا لم منطقة ينتهي فيها الخط المزفلت و كانت في اعلي ما يشبه قمة جبل ، الطريق كان يستمر ولكن كان طريق ترابي ، وقف نكهة الديزل الجيب و نزلت إنا وياه و مشينا لم طرف الضلع و بدينا نتفرج على الوديان اللي في الأسفل . أسفل الوادي كان اغلبه مزارع من كل نوع و شكل.  هذي صوره من المكان اللي كنا واقفين فيه و نطالع في الوادي. بعد كم دقيقة من مشاهدة الوادي و الجبال المحيطة به قال لي نكهة الديزل "يله اركب الجيب يا اسبرانزا نبي ننزل إلي أسفل الوادي" ، إنا الحقيقة طيرت عيوني في نكهة الديزل و في نفس الوقت خفت من سالفة نزولنا لأسفل الوادي مع طرق رملية متعرجة.      هذي صور من طريقنا لأسفل الوادي . نزلنا الحمد لله إلي أسفل الوادي و واصلنا طريقنا متجهين نحو الغرب الجنوبي ، الخط و الحق يقال رغم انه مقطعة ولا تشوف احد في الطريق إلا انه كان سلس بالنسبة لجيب ولا عاق معنا في اغلبه. بعد ما يقارب 4 ساعات من السير عبر طرق رملية و من صعود جبل و نزول وادي بشكل متكرر بديت أحس برطوبة البحر ، كان من الواضح إن إحنا اقتربنا من البحر الأحمر. و بالفعل بعد 30 دقيقة أخرا و بعد نزولنا من احد الجبال كنت قادر إني أشوف البحر الأحمر في الأفق البعيد و في نفس الوقت كنت أشوف مناطق خضرا واسعة بشكل كبير. استمرينا في مشينا و بعدين شفت اللي ما عمري توقعت اشوفه في أي مكان بالسعودية ، شفت نهر يمشي من منطقة قدامنا و ينزل في اتجاه البحر. قربنا أكثر من النهر ، و وصلنا إلي منبع الماء و ناظرت نكهة الديزل وكلي اندهاش ، لقيت بالفعل منبع ماء يطلع من قلب الأرض ، و ما حول النبع كانت الأبخرة تتصاعد بسبب درجة حرارة الماء.  هذا هو مجرى نبع الماء الحار. كملنا مشينا مع نهر الماء الجاري و كانت درجة حرارة الماء تنخفض كل ما ابتعدنا عن النبع ، وفي منطقة من مجرى النهر بديت أشوف اسماك و ضفادع تمشي مع مجرى النبع.  هذي صوره لبعض الأسماك و الضفادع و مع ابتعادنا عن المكان اللي تطلع منه المويه كانت الأرض أكثر رمل و اعتقد أكثر خصوبة لان المنطقة كانت مليانة أشجار و إعشاب من كل نوع. و الأغرب من هذا كله انه كان في مجموعات كبيرة من البط و الوز اللي حاطه فوق تجمعات المويه و تطير فوقها ، و الأغرب أيضا من هذا اني شفت وللمرة الثانية في سفرتي هذا مجموعات من الأجانب اللي كان متجمعين حول الموية و يسبحون فيها و حاطين شواياتهم عندها و قاعدين يشوون.      و هذي مجموعة من الصور للبحيرة الناتجة عن تدفق مياه النبع و الطيور و الأجانب. بعد ما خلصت انا و نكهة الديزل من التجول حول البحيرات المائية و بين الأشجار ، نزلنا عفشنا من السيارات و طقينا بيت الشعر حقنا و قررت إني من ثاني يوم الصباح أروح و أسبح في مياه النبع و أشوف إذا كان بالفعل يشفي العضام و الجسم ولا لا.  هذي صوره لغروب الشمس من منطقة مخيمنا. في نهائية هذا الجزء لازم أوضح إني ما عمري توقعت شي مثل النبع هذا في السعودية ولا توقعت أشوف ما يشبه النهر الجاري في برانا ، صحيح إن الوديان عندنا تسيل مع الإمطار لكن النبع هذا كان يسيل طول الوقت و في أي فترة من السنة ، إما من ناحية مياه النبع ففيها شي غريب لان الواحد يحس بنشاط غريب بعد ما يسبح فيها و يحس إن إلام جسمه خفت بشكل كبير ، و اعتقد إن الشي هذا يعود إلي المعادن الموجودة في المويه اللي كانت تطلع من بطن الأرض وهي حارة. التقيكم في الجزء القادم مع مغامرة جديدة في ربوع السعودية (يتبع) |
||||
|
|
|
04-07-2009, 09:48 PM
|
|
|||||||||||||||||||
|
توه ساكن
|
 ياحليلكم اثاريكم زايرنا بديارنا يالله تحي حارة المساطيل واعضائها  خخخخخ هذي ديارنا  >>>لا ياشيخه بس احنا من النازيحين عنها ههههه>>>متعوب عليها النازيحين  بعدين وشفيكم جاين من اصعب الطرق وتاركين الخط المزفلت من اي جه جيتوا للمويه الحاره ماشكلكم جيتوا من الليث لها والا كان بنص ساعه وصلتوا المنطقه روعه ما انزل لليث الا نروح لها والمويه صحيح به شفاء لبعض الامراض الجلديه والم المفاصل خل ادور الصور اللي عندي وازودكم بها  موضوعكم ورحلتكم شيقه ومناظر روعه ومناطق جميله تسلمون |
|||||||||||||||||||
|
|
|
10-07-2009, 09:03 AM
|
|
|||||||||||||||||||
|
مخرج تلفزيوني
|
محد مستفيد غير ذا الاجانب  حنا نحلم نسافر لديرهم نبي نشوف الخضره والانهار والدنيا وماندري ان عندنا مثلهم وهم متبطحين فيها 
آخر تعديل مُخمَليـة
في 09:27 AM.
|
|||||||||||||||||||
|
|
|
11-07-2009, 12:40 PM
|
|
||||
|
مسطول يمون
|
 موضوعك رائع و يستاهل خمس نجمات لكن عتبي عليك يوم قلت الاحتلال التركي  هذا مهوب احتلال لكن كانت هناك خلافة اسلامية تجمع المسلمين هي الدولة العثمانية ، و لها ولاة في المشرق الاسلامي و لها نفوذ في الجزيرة العربية ، و سنة 1924م ألغيت الخلافة ، وبعد هالسنة نقول تركيا و أتراك و غيره .رحلتك هذي روعه لكن ما ظنيت أنها تنفع عوائل لذا الشعب اللي عندنا في البيت  لأن أنا المنثبريات و هم اللي يطلعون و يستانسون ، ولو بغيت مكان لازم حجز موعد و التنفيذ يالله بعد كم سنه تقول دائرة حكوميه  (أقول أنت تقصين قصّة حياتك ما تخشي في الموضوع دغري)طيب طيب و بالنسبة لقولتك عن المياه الحارة تصدق في ديرتنا ماء حار(مياه كبريتية) ينبع من الأرض ما يبعد عن بيتنا غير عشر دقايق و مع كذا ما شفته ألاّ بالجوال  و على كلام أخوي المكان اللي حول الماء مهوب نظيف من قل نظافة هالزوار اللي يجونه  لكن النبع حار و في الشتاء شكله خيالي و خرافي و المكان يبيله عناية و الشرهة على راعي المجلس البلدي اللي و جوده مثل عدمه و ديرتنا هذي فيها آثار لكن مثل ما قلت سابقاً. |
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
