 |
 |
 |
 |
 |
 |
 |
 |
 |
|
||||||
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
10-06-2009, 05:08 PM
|
|
||||
|
مسـيّر
|
نكهة الديزل و اسبرانزا في رحلة لاستكشاف ربوع السعودية
نكهة الديزل و اسبرانزا في رحلة لاستكشاف ربوع السعودية الجزء الأول قبل ما يقارب شهر من اليوم قررت وبعد تفكير مطول إني اللبي طلب خالي نكهة الديزل لزيارته في مدينة المجمعة ، طبعاً قرار تلبية الدعوة كان غصب على لان نكهة الديزل و من كثر ما طنشت دعواته لي هدد انه يجيني في الرياض مع عيال عمة و يخطفني و يوديني للمجمعة غصب. لذلك و خوف من تهور نكهة الديزل المعتاد قررت إني أروح للمجمعة طواعية وبغير أكراه ، لذلك انطلقت على موتري صباح يوم خميس بعد ما بلغت نكهة الديزل في اليوم السابق و أخذت منه وصف مكان مزرعته على طريق الرياض القصيم. المشوار كله ما اخذ الا حدود ساعة ونصف كان خلالها نكهة الديزل يدق على كل كم 5 دقائق على الجوال و يسألني انا وين فيه (يخاف على أنخطف)  وصلت لمدخل المزرعة و توكلت على الله ودخلتها بعد ما قريت ما يلزم من المعوذات.ما أمداني امشي بسيارتي كم متر داخل المزرعة إلا وطلع لي ذاك الرجال البترة الضخم اللي من طوله كان رأسه يضرب في عسبان النخل و الأرض تهتز من تحته إذا مشي ، ولونه كان اسمر مائل إلي السواد وكأنه من حقين الشاطئ الشرقي لإفريقيا ، وكان معه حدود 30 رجال كلهم على نفس الشكل و الكبر إلا إن الشخص هذا كان أكبرهم و كان هو اللي يقودهم ، إنا ما أخفيكم قلبي طاح في بطني و تهضم يوم شفتهم و بالذات القائد حقهم البترة ، بس الغريب إني ما شفت نكهة الديزل ، صحيح إني ما عمري شفت نكهة الديزل شخصياً لكني اعرف شكله لأنه أرسل لي صورته عن طريق المسنجر قبل مده ، إنا استغربت أكثر وشلون نكهة الديزل ذاك الشاب الوسيم الحليوه صاحب العيون العسلية و الشعر الناعم الطويل المائل للبنى الخفيف ، صاحب البنية الرياضية الممتازة يكون عندها في مزرعته هالاشكال. تفكيري فيما حولي ما طال لأني تفاجئت بالبترة يفتح باب موتري ويجرني من كتفي الأيسر بقوه و يرميني على الأرض ، إنا من هول اللي صار معي ما قدرت أتحرك و من الخوف غمضت عيوني و بديت أتشهد ، فجئة سمعت صوت نكهة الديزل وهو يقول "وأخيران تنزلت يا اسبرانزا و تكرمت تسير علينا في المجمعة " صحيح إن الكلام اللي قاله نكهة الديزل تقل فيه نبرت تهديد ، بس ما تصدقون كثرت فرحتي يوم سمعت صوته لأنه على الأقل بينقذني من البترة اللي طارحنى على الأرض و حاط رجلة في بطني ،،، فتحت عيوني وانأ مطروح على الأرض و بديت اللفلف عيوني يمين و يسار وانأ أدور نكهة الديزل ، بس ما شفت نكهة الديزل ، فقلت لنفسي أكيد انه وري جدار هالبتر اللي أمتجمعين حولي ،،، و فجاه و للمرة الثانية سمعت صوت نكهة الديزل و بدا يطق قلبي بسرعة من الفرح ،،، بس أيضا للمرة الثانية ما شفت نكهة الديزل ،،، ركزت نظري على البترة اللي واقف فوقي ورجلة في وسط بطني و بدت براطمه اللي تقل براطم بعير من كبرها تحرك و فجاءه طلع صوت نكهة الديزل من تحت براطمه ،،، انا تهولت من اللبراطم و تهولت أكثر من صوت نكهة الديزل اللي يطلع إذا تحركت براطم البترة. إنا هنا ايقنت بأن المحضور قد وقع ، و ايقنت بأنه ما فيه احد بينقذني من اللي إنا فيه إلا ربي ، ،، لذلك جمعت كل ماعندي من قوه و قدرت ارفع رجل البتره من على بطني و نقزت ذيك النقزه و تعنقطت في رقبة البتره و بديت اصارخ عليه و اقول " طلع نكهة الديزل من كرشتك يا المجرم ، خاف ربك وشلون تبلعه قطعه وحده وهو رجال أبو عيال". إنا كررت الجملة السابقة حدود 3 مرات و كل مره أقولها اسمع صوت نكهة الديزل وهو يضحك ،،، إنا انبسطت يوم سمعت صوت نكهة الديزل وهو يضحك و عرفت انه لين الحين بخير ولو انه في كرشة البترة ،،، فبديت أصارخ و أقول "تصبر يا نكهة الديزل أبطلعك من كرشة البترة ، أبشق بطنه و أطلعك" ،،، إنا ومع قولتي للجملة الأخيرة تفاجئت بالبترة يطيح من بين يديني و يتمدد على ظهره و يمسك بطنه و يضحك ذاك الضحك الغريب و بصوت نكهة الديزل . إنا ما عرفت وش السالفة وتسمرت في مكاني الين وقف البترة ضحك و بعدين وقف على رجلينة وقرب مني و قال لي "انا نكهة الديزل يا اسبرانزا ، إنا هو وتراني ما بلعت احد ولا شي". ياللهول ، ياللمفاجئة ،،، نكهة الديزل ذاك الشاب الوسيم الحليوه طلع هالبتره اللي ما ينوصف ،،، وش الحل وش المخرج من هالورطه ،،، نكهة الديزل ما خلاني اكمل تفكيري و قطع حبل افكاري وجرني من يدي و دخلني بيت شعر مركوز في وسط المزرعة ، بيت شعر من كبره تقل ملعب كوره ، وعلى كبر بيت الشعر الواحد ما يلقى فيه مغز ابره من كثر العالم اللي جالسين فيه. اخذني نكهة الديزل وجلسني في صدر المجلس و بعدين اخذ مكرفون و قال للجالسين "ابشروا ياالربع ابشروا الله جاب لنا اسبرانزا حق فانكوفر" انا استغربت من اللي قاله نكهة الديزل للحاضرين بس ما علقت ولا قلت شي ،،، المهم اخذنا لنا حدود ساعة و مغير قهوه رايحة و قهوه جائية و صحون القدوع (التمر) تروح و تجى بعد. بعدها وقف نكهة الديزل وماشاءالله من طوله اضطر يدنق لا يضرب رأسه في سقف بيت الشعر ، و اخذ المكرفون و قال " تفضلوا يالربع تفضلوا حياكم الله الغداء والم". بعدها سحبني نكهة الديزل من يدي و طلع بي لم بيت شعر ثاني كان كبر الاول او اكبر ،، و في داخل بيت الشعر كان فيه 10 تباسي (صحون) من كبرها لو طب في الواحد منها 20 رجال كان أخذهم كلهم ، و في داخل كل تبسي كان فيه قعود كامل (بعير). قعدنا و تغدينا وعينا من الله خير ، و عقبها رجعنا لم بيت الشعر الأول و بدوا القهوجية يدورون بصحون مليانة بيالات شاهي و نعناع. بعدين نادي نكهة الديزل على واحد من الصبيان حقينه و قال له يجيب الربابه. جاب الصبي الربابة و قرب المكرفون لنكهة الديزل و بعدين بدا نكهة الديزل يعزف عليها قصيده (البارحه يوم الخلايق نيام) ، و كان طريقة أداه الحقيقة جميله و بالذات مع نضام السماعت الموجودة في بيت الشعر (سراون ساوند) استمر نكهة الديزل في العزف على الربابة شوي و سولف معي و مع الرجال الموجودين في بيت الشعر شوي الين إذن العصر و بدو الناس يتفرقون الين معاد بقى في بيت الشعر إلا إنا و نكهة الديزل و عيال عمانه و عيال اخواله و عياله الاربعطعش و بعض الصبيان حقينة و بعض القهوجية. استمريت في السواليف مع نكهة الديزل لمدة طويلة و الحقيقة لقيت إن خلف الشخص الضخم البنية ، كبير الكرشة ، اسمر ألبشره هذا شخص خفيف الدم مزوح يحب الضحك و يحب نكت الحواطى. مع صلاة العشاء طلب نكهة الديزل من الصبيان يشبون الضو في قلب المزرعة و يجهزونها لأني إنا وياه بنروح و نكمل ألسهره حولها. و بالفعل توجهت إنا ونكهة الديزل لم النار اللي ماشاءالله من كبرها يشوفونها اللي على القمر ، وكانوا الصبيان مادين شويات على النار فوقها 6 تيوس صغيرات قاعدين يجهزونهن للعشاء. المهم و إثناء ما إنا و نكهة الديزل قاعدين حول النار ولا حولنا احد يسمعنى التفت على نكهة الديزل بنظرة غريبة و قال لي "اسبرانزا أنت خائن لبلدك و أهلها" ، انا الحقيقة استغربت من كلامه و دار بيني و بينه الحوار التالي: اسبرانزا: افااا يا نكهة الديزل ،،،، وش هالكلام "خائن و ما خائن". نكهة الديزل : ايه يا اسبرانزا انت خائن ونصف لهلك و بلدك ، انت شخص قاعد تشجع الناس على السفر و السياحة الخارجية ولا عمرك جبت طاري لديرتك ولهلها. اسبرانزا: الله يهداك يا نكهة الديزل ، وش سياحة داخلية وخرابيطه ، هو في السعودية سياحة داخلية ، ،، لياك تحسب أبهاء وجبالها و أجاراتها اللي اغلي من سويسرا سياحة داخلية ،،، لياك تضن مهرجان جده و الباحة سياحة،،، ترى السعودية ما فيها إلا بران وحر. نكهة الديزل : لا يا اسبرانزا ،،، السعودية فيها أماكن سياحية من الدرجة الأولي ،،، السعودية فيها أماكن اغلب أهلها ما يعرفونها ولا يدرون عنها. اسبرانزا: طيب هذا أنت تقول فيه أماكن محد يدري عنها ،،، إذا الكلام هذا صحيح وشلون توقع إني إنا اعرفها وانا قليل ما اطلع من الرياض و البر هذا ما اعرفه. نكهة الديزل : ايه هنا يجي دوري ،،، إنا ونت نبي نروح للاماكن هذي و أبيك أنت تكتب عنها ،،، أبي الكل يعرف الأماكن هذي و يروح لها و يتمتع بجمالها. اسبرانزا: بس يا نكهة اللي أنت تكلم عنه يبي له مشورة و دوران ،،، يبي له تقطيع بران و نوم في البراري وانا الحقيقة منيب راعي الأمور هذي. نكهة الديزل : لا تشيل هم هالموضوع ،،، انا حاط الشي هذا في بالي ،،، و عندي بدال الجيب عشرة و عندي وايت البنزين بناخذه معنا عشان كل ما احتجنا بنزين نعبي منه ،،، و عندي بيت الشعر بناخذه وين ما نروح ،،، وبأخذ الصبيان حقيني كلهم عشان يخدمونا. اسبرانزا: والله يا نكهة الديزل مدري ،،، أخاف ما تجوز لي المشورة هذي ،،، أخاف تتعبنا على غير سنع لاني ما هقيت إن في السعودية شي يسوأ من يروح له و يزوره. نكهة الديزل : انت بس قل تم يا اسبرانزا و انشاءالله بتروح مغامرة و تستكشف أشياء ما عمرك شفتها من قبل. اسبرانزا: شورك و هداية الله يا نكهة الديزل ،،، تم نكهة الديزل : زين اجل اليوم خل ننام بدري عشان من بكره نحرك لأول مكان نبي نزوره. اسبرانزا: "أول مكان نزوره؟؟ ،،، أشوفك جاهز يا نكهة الديزل للرحلة قبل حتى ما إنا أوافق ،،، بعدين تعال وين أول مكان هذا اللي نبي نروح له. نكهة الديزل: إنا مجهز الأمور و مخطط للرحلة وحتى مختار الأماكن اللي نبي نروح لها ،،، إنا بكل بساطة كنت واثق انك تبي توافق لأنك راعى مغامرة ،،، ورحلتنا هذا بتكون احد أهم مغامراتك ،،، إما المكان اللي نبي نروح له فنشاءالله بكره أول ما نحرك أقول لك وين نبي نروح. كانت الساعة حدود 9 بالليل يوم تمددت جمب النار المشبوبة لأنه و الغريب في الأمر كان الجو شوي برد مع إن النهار حر يصلخ ، بس هذا دائم حال المناطق المفتوحة و المزارع. و من الصبح و عند حدود الساعة 6 ، حزمت عفشي و انطلقت مع نكهة الديزللأول موقع في رحلتنا لاستكشاف ربوع السعودية ، لقيت الموكب حقنا يضم 5 جيوب في اكس ار و تريله محمل عليها بيت الشعر و بعض الإغراض الاخرا و وايت ماء كبير و وايت بنزين صغير ، يعني باختصار نكهة الديزل ما ترك شي الا و جابه معنا. ركبت إنا و نكهة الديزل في أول الجيوب و انطلقنا ، الجيب كان فيه إنا و نكهة الديزل و واحد من صبيانة اللي كان يجهز القهوة و ألشاهي و الفطور في منطقة المراتب الخلفية ، يعني الواحد ما يمديه يقول أبي بيالة شاهي بالنعناع الا و يمدها له الصبي علطول وهي طازجة من البريق اللي فوق القز الكهرب. أول ما طلعنا من مدينة الرياض ، وكنا ماشين على طريق جده قام نكهة الديزل و شغل جهاز الماجلان حقه و دخل الإحداثيات التالية: 22 درجة و 54 دقائق شمال 41 درجة و 08 دقائق شرق انا عن نفسي ما ادري وشو جهاز ماجلان ولا وشلون تشتغل الإحداثيات هذي ، فسلت نكهة الديزل عن المكان اللي بنروح له بالضبط فقال: إحنا ألان متوجهين إلي جبل بركاني اسمه (حفر كشب) أو زى ما يسميه البعض (حفر وهبا) . (اضغطوا على الخريطة لمشاهدتها بحجم اكبر)  لو تركز معي يا اسبرانزا في الخريطة هذي بتحصل مدينة الطائف هي اللي تحت على اليسار و الخط الأحمر اللي واصل لها هو خط الرياض ، قبل ما نؤصل للطائف بحدود 150 كم بيجينا مفرق قرية (ام الدوم) على اليمين ، بنطلع مع المفرق هذا و نمشي مع خط معبد حدود 100 كم الين الين يجينا الجبل (الدائرة الحمراء) إنا بعد ما كمل نكهة الديزل كلامه مديت يدي و حطيتها على جبهته قلت يمكن الرجال مصخن ولا شي ، يوم لقيت حرارته عاديه دار بيني و بينه الكلام التالي: اسبرانزا: جبال و براكين !!! والله يا نكهة الديزل شكل لحم التيس اللي كلناه امس مآثر على عقلك. نكهة الديزل: لا اثر فيني لحم التيس ولاش ،،، وكلامي صحيح مئه بالمئه و أنت بتشوف بعينك أول ما نأصل الجبل ،،، لا و أزيدك فيه حدود 50 جبل بركاني صغير حول الجبل اللي إحنا رايحين له لأكن الأهم هو اللي اسمه حفر كشب ،،، و للمعلومة هو ما أطلق عليه اسم حفر كشب إلا لأنه حفره كبيره في وسط الأرض يبلغ عمقها حدود 300 متر و عرضها أكثر من 3 كم ،،، و كانوا الناس في السابق يعتقدون أنها ناتجة عن نيزك طاح في المكان هذا ، لكن البحوث الجيلوجية اثبتت انه بركان فعلي و اثبت انه ثار قبل ميات السنين و هذا هو سبب وجود حمم و أغبره بركانية بكثرة في المنطقة. الحقيقة كلام نكهة الديزلكان منطقي و معقول ، لذلك سكت ولا عاد علقت على الموضوع. و بالفعل و بعد ما قطعنا حدود 500 كم من الرياض جانا مفرق على اليمين عنده لوحة تقول (ام الدوم) ، لفينا يمين من عند اللوحة و تعدين كم قرية على الطريق و بعدين بدت تظهر لنا جبال صغيره و الأرض صارت تقل صبخة ولكنها في الحقيقة بقايا حمم بركانية و كانت المنطقة مليانة شجر و زرع بشكل ملحوظ.  هذي صوره لحد الجبال الصغيرة ، ولاحظوا الأرض و الشجر. كملنا مشينا على الخط الزفلت الين وصانا عند منطقة زي الهوية و كان فيه مواصير محطوطة عندها عشان ما تطب السيارات معها. نزلنا من الجيب ، و مشينا إلي طرف الهوية ، وهالني المنظر ، الحقيقة منظر ولا في الخيال منظر لازم الواحد يشوفه عشان يصدقه. كنا واقفين عند طرف حفره كبيره ياله الواحد يشوف طرفها الثاني و في قاع الحفرة كانت الأرض بيضا من الملح وعلى بعض إطرافها كان فيه نخل نابت بكثافة و كان الواحد يشوف مزرعة كلها نخل.    هذي صور من طرف الحفرة. قررنا ننزل و نلف بسياراتنا حوا الحفرة و ندور أحسن مكان نطق فيه بيت شعرنا بحيث يكون حول الحفرة و يكون عند احد إطرافها الصغيرة لأننا نوينا نطب في وسط الحفرة و نستكشفها. نزلنا عفشنا من عند الطرف الشمالي للحفرة و طقينا بيت الشعر و بعدين انطلقت إنا و نكهة الديزل و بدينا نتسلق طرف الحفرة.  هذي صوره لبعض النخل و احني نتسلق طرف الحفرة. صعود طرف الحفرة ما كان بالشي الصعب لأنه ما كان رفيع بشكل كبير ، و يوم وصلنا للقمة و طلينا في وسط الحفرة من الطرف اللي تسلقناه اكتشفنا انه مو احني بس اللي في المنطقة ، لقينا إعداد كبيرة من الأجانب قاعدين ينزلون لوسط الحفرة من عدة اتجاهات.   هذي صور لوسط الحفرة من الجهة اللي تسلقناها.    و هذي صور للأجانب اللي شفناهم في المنطقة ، ولو تشوفون حجم الواحد منهم قدرتو تقدرون حجم الحفرة. بعد كذا بديت إنا و نكهة الديزل في طريق النزول لأرض الحفرة ، وصدقوني إن النزول مهوب دائم سهل ، والله من مره مسطت إنا و نكهة الديزل على وجيهنا ، النزول بالحالة اخذ مننا ما يقارب ساعتين من ضمنها فترات استراحة.  هذول زود أجانب ما شفناهم الا يوم قربنا من قاع الحفرة.   و هذي صور من قاع الحفرة. أول ما وصلنا لم قاع الحفرة انطلقت انا و نكهة الديزل لم وسطها و لم الملح و الموية الموجود في وسطها  هذي صوره للملح و واحد خواجة قاعد يتمشي.  وهذا الملح. الغريب ان الملح و مع مشينا عليه كان تقل ثلج و تسمع صوته يتكسر تحت رجليك ، و الأغرب هو نبع الموية اللي قاعد يفيض في وسط الحفرة بشكل مستمر ولكن كميات قليلة. المكان و بصفة عامه إنا ما عمري توقعت انه موجود في السعودية ، وللأسف إني إنا و نكهة الديزل كنا السعوديين الوحيدين بين جموع كبيرة من الأجانب ، يعني طلعو الأجانب يعرفون ديرتنا أحسن مننا. لا يفوتكم تروحون للحفرة لأنها من جد مغامرة رهيبة. انشاءالله التقيكم في الجزء القادم مع مغامرة جديدة لي إنا و نكهة الديزل في منطقة أخرا من ربوع السعودية (يتبع)
آخر تعديل holiday
في 12:30 AM.
|
||||
|
|
10-06-2009, 05:46 PM
|
|
||||
|
مصر كوكبة العصر
|
مااشاء الله
 رووووووووووووووووعة رووووووووووووعة رووووووووووووووعة ايش هذا يالغالى والله صور ما يختلف عليها اثنين من جمالها والرحلة مرررررررة رائعة حبيبى والعزف رائع يانكهة بس ياريت ما تطلع بالنهاية انك انت الى كنت بتغنى لان صوتة رائع مررررررررررررررة ********************* اخوى العزيز تقريرك مررررررررة رائع سيرفر عادى وابوفاس عندك فوق 132 الف ماشاء الله وينك يابلشه الله يرحم ايامك كان لاعب مرررة مخضرم بترافيان  وتقبل مرورى يالغالى 
آخر تعديل Ahmed Said
في 05:52 PM.
|
||||
|
|
|
10-06-2009, 06:14 PM
|
|
||||
|
راعي محل
|
 طيب مامريتوا بالمويّه  اما طلعت كشخه ذا المناطق ياليتني ازورها طيب مريتوا بشي اسمه البادريه تكفى جاوب لاتسحب علي ودي ازور المويّه من زمان بس ماحصلشي ان شاء الله لارحنا مكه  يعطيك العافيه يااسبرانز نبي عفيف والحنابج ونحتريك بلهفه 
آخر تعديل جربوعه
في 06:47 PM.
|
||||
|
|
|
10-06-2009, 06:50 PM
|
|
||||
|
كنق الكتيبة
|
 والله ماتوقعت انه كذا من فوق  هذا اللي يقولون ان طميه راحت للضلع الابيض اللي على جنب وبعدين عرقبلها الضلع الثاني وقعدت طميه في محلها حتى يقولون ان التربه اللي في طميه نفس تربة مقلع طميه لاكن كلها خرافات وانا اخوك
آخر تعديل LOVER
في 06:55 PM.
|
||||
|
|
|
10-06-2009, 07:58 PM
|
|
||||
|
أنُس اللِـقاء
|
كلها ملح ونخيل يابسه  بس قصتك فتاكه مفروض انك منزلها بالشلة والأجانب يبون هالاماكن ويقدسونها بلاها مهيب عندهم في دولهم وزي ماتخق لو تشوف جبل جليدي وودك تتزلج عليه هم بعد يخقون على الطعس وودهم يتدربون عليه فما بالك اذا كان غريب وفيه هوية مدري حفرة وملح ... بانتظار الجزء الثاني
آخر تعديل سريــلاك
في 08:04 PM.
|
||||
|
|
|
11-06-2009, 12:31 AM
|
|
|||||||||||||||||||
|
رئيس أقسام الجرافكس والتصوير
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه يلعن ام الذبه القويه  مشكله الطول الزايد سبحان الله متابعين لك يابعدي مثبت
آخر تعديل holiday
في 02:37 AM.
|
|||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
