 |
 |
 |
 |
 |
 |
 |
 |
 |
04-06-2009, 01:34 PM
|
|
||||
|
تميّز أسلوب الكاتب
|
خارج التغطية
اول سطر ماهو مثل اخر سطر الاول ابدى لكن الاخر نتاج علوش ** سمعت الخبر وماصدقت اتصلت عليها كان صوتها طبيعي سألتها كيفك قالت الحمدالله احترقت عيوني وحسيت بغصه قلت لها احلفي قالت والله وقفلنا . بعد ثلاث ايام اتصلت وظلت ساكته .. قلت لها اجيك قالت لا ماقدر .. بس ابيك تفهّميني ماني زعلانه ولا معترضه سكتت وقت طويل .. كنت اسمعها تخنق بكاها قالت بس ابي افهم ليه ؟! ** اعرفها زين , كبرت معها اعرف كل تفاصيل حياتها , علاقتنا قويه من كنا صغار كانت فاتنه , ملفته للنظر , واثقه جدا , لايمكن تمر عليك ببساطه , من النوع الي تشوفه مره ولاتنساه متحدثه من الطراز الاول , مستمعه رائعه , متفهمه وطيبه استحاله تطلبها شي تقدره وتقول لا تزوجت وابتعدنا شوي لكن تمينا على اتصال . .. زوجها من عائله ومتعلم ووظيفته ممتازه .. ماعمري سمعت عنها ولا مشكله كان تقريبا كل شي كامل فجاه بدون مقدمات كلمتني وحده من المجموعه قالت لي الخبر . ** تقولي : حاولت وحاولت كل شي اعرفه سويته , من دخلت بيته وانا احاول ماقصرت بشي بشهادته هو حطيت اهله على راسي .. كل طبخه فالدنيا تعلمتها عمره ماقال زينه ولا قال شينه , اساله نفسك بشي يقول عادي , قلت يمكن ماعاد يمهمه الاكل رغم اني اعرف انه انتقائي وياكل بمزاج دخلت مكتبته .. وبحثت عن اهماماته وقريت نوعية كتبه وجرايده وكتّابه حتى المواقع الي يزورها بالنت كنت دخلتها ادور بيننا عامل مشترك ابتسم له ولا يرد لي الابتسامه الا بعد نظره طويله بعدها يرد لشبح ابتسامتي المنطفيه شبه ابتسامه ويكمل طريقه رده على اغلب كلامي مو اكثر من هزة راس وردود مقتضبه ونظره عجزت افهمها بس كانت تخترق روحي وتهدمني من داخل حاولت اتابع معه واحيان اغيّرالقناه واصرّ لو من باب افتح نقاش على شي لكنه حتى هالمدخل قفله , كان يقول اتركه لك واقوم ولا شلون !! جربت كل انواع اللبس وغيرت شكلي كم مره وسمعت راي كل من حولي حتى شغالة اهله وماسمعت منه الا مافيه شي زين تتغير نفسيته ويجلس معي لاصاروا خواته فيه .. صرت اعزمهم دايم واجيب كل الي يبون واسوي الحلا الي يحبونه المهم يجلسون ويخلونه يحكي .. المهم اسمع صوته يتكلم ويسولف ويضحك بدون التحفظ الي مادري وش معناه حاوت اساله قال انا ماشكيت ولا ناقصني شي وانتي منتي مقصره واذا ناقصك شي قولي وابشري بالي تبين اقوله ابيك معي .. يقول هذي جلسه ماني طالع اليوم ويجلس وياخذ الريموت ياكل الي اجيبه ويشرب بدون مايكون معي فعلا اشوف من عيونه يوم احكي انه فاهمني بس مايبي يتجاوب مدري وين المشكله ماعدت واثقه بنفسي .. حسيت انه هدمني وهد حيلي .. مع ذلك ماعصيته ولا طلعت من بيته ولا عمري اشتكيته عمري ماطلعت وهو بالبيت ولا عمري دخلت البيت بعده , اغراضه دايما جاهزه وبيتي دايم نظيف ويفتح النفس لاقلت ليه مانطلع قال البسي وياخذني وين مابي كانه يأدي واجب مع ذلك ظل عندي امل انه يجي يوم ويكلمني عن اي شي بدون ماتوسله يلتفت لي او يشوفني فعلاً بعدين .. مدري متى .. ماعاد الموضوع يجيب همّه .. انتهى كل شي .. مدري ليه ! اهله يتصلون يتعذّرون لكن انا ماني عاتبه على احد ماني زعلانه على احد ولا حتى على الحظ الي حلف مايصفا معي بس ابي افهم ليه ,, وين كان الخلل ,, وش الي كان ناقص ,, كان عندي كل شي وبنفس الوقت ولا شي !! الصدق مالقيت ولا شي اقوله لها . ** بعد شهر او اكثر شوي شفتها كان باقي طيف من الي اذكره منها توظفت ورجعت للمجموعه من جديد .. رجع لونها وصفا فكرها ورجعت نسبه معقوله من الي كانته فيوم والوضع فتحسن نقول انشاءالله . ***..*** لانها تعنيني يمكن نظرتي فقدت شوي من الحياديه فالبدايه ,, تمنيت تكون حيرته اكبر والمه اقوى ,, هذا كان وقتها . حاليا .. اعتقد ان المساله بكاملها كانت خلل فالتواصل أو نقول الإتصال. بتحليل بسيط : الاتصال يستلزم طرفين .. مرسل ومستقبل لكل طرف ظروفه , نوعية جهازه (تفكيره) , قوة الشبكه عنده ( ذكاءه) , الشركه الي يتعامل معها ( بيئته ومجمتعه) .. بنظره للمرسل .. أخطاء البدايات لاتغتفر .. كلمات البدايات لاتنسى .. التأسيس هو الأساس ومن منطق التحليل المجازي المعتمد اعلاه : اختيار نوع الشركه مهم جدا , مع ذلك نضطر احيانا لبعض الشركات كونها الموزع الوحيد في المنطقه أو كونها المناسب الوحيد للإمكانيات الماديه يجوز ويجوز ! نتجاوز عن الشبكه كونها شي لايصنف كنوع اختياري لانه خارج عن الإراده .. يرزون البرج ونقبل به اضطراريا (لايمكن التحكم بالذكاء والغباء ) كملت المعطيات : احسن استعمالها لازم تختار الرقم الصحيح , التوقيت الصحيح و حاول يكون محتوى الرساله مناسب اذا واجهت عطل في الشبكه , خطأ في الاتصال .. طول بالك شوي , قفل الرساله , حاول وقت ثاني الإصرار بيعطل الأزرار بدون فايده ويمكن تكون نتائجه عكسيه . .. وبالتفاته على المُسْتقبِل .. لازم تكون عندك فكره ان رغم التطور التكنولوجي الهائل الا ان بعض الاجهزه مازالت مزوده بخدمه يدويه ( مخ متنك , عقليه رجعيه ,.. الخ ) هالنوعيه من الاجهزه تحتاج احيانا خبر من المرسل للمستقبل انه بيرسل له , بالمقابل ينتظر المستقبل الوقت المناسب حتى يضغط " قبول " بعد نوعية الجهاز , والتحفظ المشترك بين الطرفين على الشبكه , والحاله المشابهه بالنسبه لإختيار الشركه . حالة المستقبل نفسه لها تأثيرها على العمليه .. خارج التغطيه , خارج الخدمه أو اكثر : تغيير الرقم غير النحس والمزاجيه .. انتظار , مشغول , صامت , الأسوء : رفض لذلك دام الاستقبال معطل .. ماتفرق حجم الرسائل المرسله ولا عددها ** اخيرا .. * حاول تختار الجهاز برويه قبل تقتنيه , حاول يكون الرقم اذا مو مميز على الاقل سهل * اذا حصلت جهاز حافظ عليه قد ماتقدر ماتدري يمكن ماتقدر تحصل على غيره لو تعطل او فقد * اذا قدم الجهاز , وماعاد مناسب للعصر , ولا عاد فيه من الكماليات أو الرفاهيات شي يذكر , اكتفي بالضروري منه والعوض بالأحلام يمكن تسمع الشركه عن اخلاصك وتعوضك بجهاز ينسيك معاناتك معه ( يعني العوض بعيالك  )* كلنا نحتاج الأجهزه , كلنا مانقدر نعيش بدون اتصال , محد يقدر يعيش لحاله اذا حصلناها نعمه تحتاج الحمد " بالشكر تدوم النعم " واذا ماحصلناها ابتلاء يحتاج الصبر والدعاء بكل الحالات قول يارب تعدّل الشبكات وتزين الأجهزه ! ** . |
||||
|
05-06-2009, 02:27 AM
|
|
||||
|
مُحاورة مرنة
|
وربي كلام عذب .. وسلس بشكل .. صديقتك هذي مبين انها ماطولت مع ابو الهول .. لكن قريبه وصديقه .. لها الآن 13 سنه وزوجها هو هو من أول الزواج ماتغير فيه شي .. تتمنى انها كانت قوية مثل صاحبتك .. لكن توها الآن تفهم الدنيا صح .. وان التضحيات والتخلي عن نفسي ورضاها من أجل زوج أناني قمة الغباء .. حزينه على كل يوم مرّ من عمرها معه .. حزينه على أحلى سنين شبابها " تزوجت وهي ماكملت 17 سنه .. انطفت فيها كل معاني البهجه والسعاده .. صارت بكل بساطه كئيبه مثله .. الحين فات الوقت على مجرد التفكير في الإنفصال .. بسبب الأطفال !! أنا لو ماأعرفها كان أقول يمكن مقصره يمكن ماتحترمه يمكن وربما ... لكنها وباختصار ضحت بكل مشاعرها وحتى أموالها علشانه ولابيوم قدّر هالشي ! لازالت تحاول .. مره بالكلمات والعتاب الرقيق ,, ومره بالرسايل .. ومره بالبعد .. والتغلّي .. بس عمركم شفتو تمثال ابو الهول ينطق والا يحس ويتأُثر !! ؟؟ والمصيبه ان أهله هم سبب أكثر المشاكل اللي تعرض لها بحياته .. ورغم ذلك يتحول معهم لإنسان آآآآخر ,, شخص مرح وضحوك وخفيف دم ووووو ,, هل ممكن أن بعض الرجال .. يحب المرأة اللي ماتحترمه ولاتفكر إلا بنفسها ؟؟ خواته مايحترمونه ولالكلمته وزن وقيمه .. ورغم كذا لو يطلبون لبن العصفور جابه لهم .. وهي اللي كانت من التقدير ماترفع راسها إذا كان زعلان ولا عاتبها على شي .. ولازالت المعاناة مستمره .. الله يجعل صبرها يجيب نتيجة ولو مانفعها ينفعونها عيالها بإذن الله .. والله يعوض صاحبتك بخير منه .. وقرارها صااائب 100 % .. لأن اللي هذا أوله ينعاف تاليه ,, ومثل مايقولون حدّر جبل ولاتحدّر طبع .. لايمكن بيوم يتغير .. |
||||
|
05-06-2009, 02:47 AM
|
|
||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
ان تفاقمت المشكله من البدايه دون حلول ايجابيه بلاشك سيصعب حلها اللهم في هذه الساعه وفي الثلث الاخير من الليل انظر لها بعين الرحمه ياكريم
ماكل ماهو مييز يجيد صنعة الحياه وماكل ماهو سهل يصلح معه الاقتران 
اذا كان وجوده مثل عدمه لا اظن انه سيفقد على الاطلاق
اذا فشل المره الاولى والثانيه سيقدر العيش بمفرده
واذا لم يجد هما يتسطيع ان كييف نفسه على القناعه اذا وجد ان الحياة تسير على مايرام الانسان هو من يستطيع ان يصنع حياته بمحض اردته اذا كان العقل اولاً طرح راق لي وكأنني أمارس دورة مهارات الاتصال شكر لهكذا  |
||||||||||||||||||||||||||||||||||||||||||||||||||||||||||||||||||||||||||||
|
05-06-2009, 11:31 PM
|
|
||||
|
مَوطِنُ الُلغة
|
وهناك شبكات إتصال - موجود /ا إكسترا - ذلك الموجود فقط حين يريد ونحن نعلم أنه موجود ولكنه يقر اللاوجود معنا ومتى أراد عاد مرة آخرى و تبقى جهة الإتصال تترقب .. متى /ا أين ؟ وهناك من لا يملك رصيد لإجراء المكالمات .. من يفتقد القدرة على سداد بطاقات الكلام من لا يملك الإمكانية كي يشترك في الباقات التسعيرية أيضاً لأنه لا يملك مصدر الرزق الحقيقي لذلك . وعند خط البداية يا شعثره ... ]]  هناك من يترقب الإنطلاق بسرعة وقوة دون أن يستعد حقيقة ل الجري وفي أول الطريق ينقطع نفسه .. ولا يصل أو أنه يتطلع بعيداً إلى الوصول ولا يلحظ ذلك الحجر الصغير أمامه فلا يشعر إلا وهو على الأرض وكسر العظم/االعضل لا يجبر في يوم . وعلى جهات الإتصال يجب أن نخلط بين خط مفتوح / مشغول / مغلق .... وخط مقطوع الرجاء ] شعثرة ..]]
وإنثنيت أستقي الضلع هنا ..! من علمك أن الرواء الأكبر هو زمزم حرفك ؟ أشربه تضلعاً وأغتسل به إستشفاء .. وأمسح به بركة على ندبة صغيرة تحت الذقن و أغرس معانيك في أوريدة الجسد لتزهر في عمقها بتلات من الياسمين تصافح قدرك |
||||
|
06-06-2009, 12:14 AM
|
|
||||
|
من شيوخ الحارة
|
. ياسلام عليك ياشعثرة دايماً مواضيعك لها طابع خاص " مُميّز " بالضبط مثلك عندي صديقة أقل مايُقال عنها " أختي " تعامل زوجها مقارب لزوج صديقتك المذكورة .. بس يختلف إنه لما يكون أهله موجودين يجحدها !! وحتى لما يناديها مايقول إسمها لكن يقولها " هيي إنتي " !!! كأنها عبدة عنده مو زوجته .. مسكينة لسى عمرها 21 ومالها سنتين متزوجة وبصراحة على قد ماهي تبغى أطفال على قد ماتقول الحمدلله إن ربي مارزقني للآن .. بصراحة وشهادتي فيها مجروحة إلا إنها ماتقصر لامعاه ولا مع أهله بأي شيء وهو ترك وظيفته وفوقها تزوجته مخدوعة وطلع مريض بالكبد ! غير التعامل السيء قدام أهله !! وتقول هذا نصيبي وراضية بقضاء الله وقدره وصابرة وهو ولامهتم !! اتعجب له ولأشكاله ولكن مانقول إلا الله يهديهم يارب شعثرة حروف الشُكر تعجز أمام حرفك . . |
||||
|
06-06-2009, 01:10 AM
|
|
||||
|
رائدة المقهى الأولى
|
لله يعينها..فعلا هالنوع يجيب الاكتئاب النفسي والقهر .. لما تحسين انك تتعاملين مع جماد ..مافيه أي ردة فعل للي تسوينه . .فضلا على اننا اصلا نحتاج بعض الاوقات للي يبادر لنا بالحسنى والكلمة الحلوة .. .. ..اتفق معك في تحليلك لخلل الاتصال..لكن اعتقد تخصه هو مو بينهم.. هي أدت الي عليها ..لكن هالانسان عنده مشكلة في التواصل مع الاخر ..تلقينه مع اصحابه اخوانه الي تعود عليهم عادي ..بس مع زوجته ينقلب ابو الهول .. يمكن ما يكون بسوء نية ..وفي حالات لا فاهمين الرجولة غلط وانه لازم يتعامل مع زوجته بهالصورة .. الله يعينها وزين سوت بهالقرار .. منورة ياشعثرة دايما
|
||||
|
07-06-2009, 09:09 AM
|
|
||||||||||||||||||||||||||||||||||||||
|
تميّز أسلوب الكاتب
|
حرم العمده .. حيها
مو بالضروره ان التضحيه او التحمل غباء مطلق الصبر والإنبات في ارض صلده يعتبر انجاز حتى لو كان مجرد برعم صغير ومثلك يعرف ان مثل هالامور لايمكن تكون مثل الاحلام ولا حتى تشبه لها والندم على الهرب دائما اضعاف الندم على التجربه
ماهو شرط يكون صائب 100% لانه احتمال تكون تصوراتها واحلامها قبل الزواج من الامور الي صعبت عليها التحمل , الزوج لايمكن يجي مفصل على الرغبه فالاستعداد والقبول لتصرفات متوقعه طبيعيه نوعا ما مثل الجفاف وسوء الطباع النسبي والمشاكل وانواع النكد المختلفه بين وقت والثاني امور لازم تكون مهيئه لها وعندها خلفيه ولو بسيطه عن كيفية التعامل معها . شكرا لوجودك . |
||||||||||||||||||||||||||||||||||||||
|
07-06-2009, 09:11 AM
|
|
||||||||||||||||||||||||||||||||||||||
|
تميّز أسلوب الكاتب
|
ساجد لله
ماذا يفيد العقل اذا كنت تستخدمينه مع نفسك فقط , الحياه الاجتماعيه مطلب ضروري واحتمال المصاعب من اساسياتها وطبيعي لايمكن تكون الامور سهله دائما , العقل في القدره على تسهيلها وليس إالغائها . شاكره لك .. مسمس
وارد جدا .. يعافيك يارب . |
||||||||||||||||||||||||||||||||||||||
|
07-06-2009, 09:18 AM
|
|
|||||||||||||||||||||||||||||||||||||||||||||||||||||||||
|
تميّز أسلوب الكاتب
|
عبق من لاش
بالضبط
بعض العقبات احيانا اكبر من اي استعداد وبعض السقوط مهلك , ومع سوء الشبكات اصبحت اكثر الخطوط مقطوعة الرجاء .. لولا الأمل في المعجزات
كعادة مرورك له عبق مثري ممتنة ياغاليه . |
|||||||||||||||||||||||||||||||||||||||||||||||||||||||||
|
07-06-2009, 09:24 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
تميّز أسلوب الكاتب
|
زنقل هانم
على الاقل يمكن محصله شي فغيابهم
امين يارب و اكيد اجر الصبر عظيم .. الله لايحرمها الاجر وجود دائما يسعدني .. Forgotten idea
غالبا تكون النسبه بين الي تحتاجينه والي تحصلينه لاتذكر
اكيد انها اولا واخيرا عقليات
نورك ذا يابعدهم .. شاكره جدا .. ؛؛ حَيَاه ؛؛
لايمكن استثناءه ولا يمكن اعتماده وحده يجوز ويجوز ! شكرا لك . |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
09-06-2009, 06:15 AM
|
|
||||
|
مرشدة سياحيّة
|
|
||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
