بالله حلا سماط ( يعني مع العشا ) حلو وسهل ويواجِه ..
عندي رجال الليلة ..

وين نزّلتيه؟
شوفِي تريهم ما يبخصَون بالحلا زين ولاّ لأ !
يعني كلّهم على بعضهم مش حالك, وما يعرفون إلاّ الرز .. بس لزوم نكشَخ عندهم ونبيّن إنّنا عيال نعمَة ..
> أجل عيال نعمَة .. :P

المهم .. أنا بروح أخمد ( طبعًا أكيد نوم العافية لي ) ويا ليت يعنِي تقدرون ظروفِي وتنزلون لِي شي أقدر أسوّيه وقت العصر, يعني ما يحتاج 18 ساعة بالفريز زي حلا الباسكن ..
ولو يكون فيه خيارات يكون أحسن.
علشان بعَد أنزّل الموضوع الي ما حصل أنزلَه .. يبيلي أرهِق نفسِي اليوم علشان أجي أخربِط عليكم > برّا
ويا ليت يكون فيه شي جديد, مهو من ضمن المواضيع, علشان ما يدمَج موضوعي مع التطبيقات .. > تخيلوا أنزل موضوع ويدمجونه مع التطبيقات .. قسم أتحطّم..

شكرًا لسعة ..

الله يعطيكن العافية كلّكن ..
نجي لحلاك يا أحاسيس عندِي كمّن سؤال, ولا تضحكين ..
1 / نغمس البسكوت بحليب المراعي؟ ولاّ بحليب أبو قوس ووادي فاطمَة وزي كذا؟
2 / بالطبقَة الرابعة تقولين ( ثلاث ملاعق سكّر بودرَه / نص كاس حليب ) وهذا يخلّيني أسأل سؤالين عن هالنقطة :
أ- ملاعق كبيرَة ولاّ صغيرة؟
ب- وشلون سكر بودرة؟ والله يا أنا عجزت أفهمها !!
ج- نص كاس حليب مراعِي ولاّ أبو قوس؟ وَ وِش كبر الكاس؟

3 / بالنسبَة لسالفة الذوبان, ما ينفع المايكرويف بهاللحظات؟

4 / ينفَع أبشِر عليك فلِيك؟ علشانَه مبشور وقاضِي؟

طبعًا تو يوم طلعت من الصلاة شريت الي ناقِص والله, ولو تجاوبينن الحين بديت به
بس بما إنّك بتتأخرين, وعندنا عزيمَة الحين, فشكلو العصر سوفَ نرتكب هذا الحلا ..

؛

نجي لبئآ تسذا, أوّل شي يعطيك العافية .. الظاهر العشَا كلّه حلا
عافية عليكم ..
بحثت بالنت سريعًا عن جبن فيلادليفيا > صعب اسمه المهم ومن تمرير سريع للذاكرة .. ما أتوقّع ألقاه عندنا بالبقالة, وبندَه مشوار أوِي وبعيدَه
المهم إنّي بمرّ البقّالة الي عندنا عقب العصر وبشوفَه
وأزين ما بالحلا طريقته سهلة مرّة .. وكيوت

خصوصًا والحلا هذا, تحس إنّه كلّه شوكلاته في شوكلاته .. يعني بتطلع مع أذانك ..

شكرًا لكنّ .. ()

طيّب ليه ما تقولون سكّر مطحون وتريحون بالكم
والله ما عندنا بقّالة فهد ولا حمدِي شكل ما حنّا من نفس الديرَة ..
محسوبك من بريطانيا .
> احلق عيني

تحمّست للحلا يا كأنه ... الخ
لو ما سوّيته اليوم بسوّيه يوم ثاني, سهل وبطَل ..
تدرين وش المشكلَة؟ ما أبي أنذَخ وأسوّي حركات وحلا ..
بعدين تصير الجمعَة قلّة أدب ويجيك الواحِد فاتحن بطنه
يعني يمكن إنت تقدر تحط, بس غيرَك لأ ..
وقاعدَة عندنا بهالجلسَة ما نبي كلفَة, والي يتكلّف بنجلدَه وما نآكل عشاه
علشان يتوب يعنو ..

شكرًا للحلاَ الحلو ..