شيف الطوآرئ [ 3 ] - الصفحة 7

29-06-2009, 04:51 PM

.
.

وش حليبه ..؟!

طيب شيله من الفريز وحطه بالثلاجه احسن .. وخله 4 ساعات على رواقه ..!

..

29-06-2009, 05:07 PM

تسلمين ياذوق
امممممم بصراحه انا مليت من لازانيا ومكرونه بشاميل ومادري وشو ابي صنيه لذيذه كيف ماتكون حتى لوخضار وسلطة ابي تكون فلتته زمانهاا لاني فكرت اعمل روق عنب وبف كاري وكبه التست وميني شاورما ووش بعد عطيني افكار الحلا فكرت بتشيز او بعمل اسكريم واحد توفي وواحد بالاوريو وحلى القهوه بعمل كيكه سنكرز وبسبوسه طلبيه من جارتي لاهانت وانتظر افكارك يااعسل

29-06-2009, 05:24 PM

.
.

سوي ميني برجر ..

والحلا ..

شوفي موضوع مدور .. في اشياء روعه ..

انا ناويه اسوي اليوم وحده منم .. عاد لا سويتها عطيتك رايي ..

ومن غير ما اسويها انا عارفه انها روعه ..

وهنا الرابط

http://msa6el.com/vb/tt60313.html
.
.

بالنسبه لصينية خضار ..

انا قد سويت وحده مع دجاج ..

طعمها غريب شوي عشان فيها خردل ..

عاد مدري يعجبك او لا ..

وممكن تسوين صينية خضار من غير دجاج ..

اممم

مثلا ..

تقطعين البطاطس والباذنجان والكوسا شرايح دائريه وتقلينهم ..

والجزر قطعيه شرايح دائريه .. اذا حابة تقلينه اقليه واذا حابة تسلقينه اسلقيه مع ماجي وفطر مقطع شرايح او كامل .. بكيفك ..

وبعدها كلهم حطيهم بصينيه ورشي عليهم فلفل اسود وشوية ملح ..

وسوي هالصوص ..

في الخلاط :

علبة قشطه ..

شوية ملح وفلفل اسود

4 ملاعق كبيره جبن سائل ..

حطي في بالك .. لو حطيتي جبن كرافت سائل لاتكثرين ملح .. لأنه مالح ..

وملعقتين كبيره مايونيز ..

وبعد ماتخلطينهم صبيهم ع الخضار ودخليهم الفرن لمدة ثلث ساعه تقريبا ..

وبالعافيه ..

.
.

وانا عن نفسي ..

انصحك بهالشي ..

اقتباس:

اول شي جيبي مكرونه اللي شكلها يجيك مثل القواقع الكبيره ..

هذي صورتها من النت ..

اسليقها .. حبه حبه .. يعني حطيهم وحده وحده ولاتكبينها كب مره وحده ..

وبعد ماتستوي صفيها وخليها ..

.
.

نجي الحين للحشوه ..

حطي بصله كبيره مقطعه مكعبات ع النار مع زيت ونص فص ثوم مفروم ..

وحطي عليه لحم مفروم ..

بيطلع موية .. خليها لما تنشف ..

وبعدين حطي البهارات المشكله .. بالاضافه الى شوية كركم " قليل مره " .. وفلفل اسود ..

وشوية كزبره مجففه .. وشوية كمون " قليل مره " .. وملح ..

.
.

اخلطي بالخلاط :

طماطتين مقشره .. ونص حبة فليفله .. وشوية كزبره ..

بعد ماتخلطينهم حطيهم ع اللحم .. وحطي عليه 4 ملاعق كبيره صلصة طماط ..

وممكن تحطين مكعب واحد ماجي " مثل ماقلت .. العلبه فيها 2 "

وحطي بعد شوية كزبره مقطعه صغار ..

ووقلبيهم مع بعض وخليها لما تتسبك ..

واحشي المكرونه فيهم ..

.
.

بعدها جهزي الصوص اللي فوق ..

مقاديره ..

طماطه وحده مقشره

نص فليفله

فلفل اسود

3 ملاعق كبيره صلصة طماطم ..

بصله صغيره مقطعه مكعبات صغيره

شوية ثوم مفروم " اقل من نص فص " ..

شوية كزبره ..

ملح ..

.
.

الطريقه ,,

ع النار نحط شوية زيت ونضيف له البصل والثوم لما يذبل ..

وبعدها نخلط بالخلاط .. الطماط والكزبره والفليفله ..

ونضيفها ع البصل ونضيف عليهم فلفل اسود والملح والصلصه ..

ونحط عليهم نص كاس ماء .. ونحركم لما ينخلطون مع بعض ونخليهم لمدة من 5 الى 10 دقايق

ونرفعها عن النار ..

.
.

بعد ماحشيتي المكرونه ..

صفيها بصينيه للفرن ..

وصبي فوقها الصوص ..

وحطي ع الوجه جبن موزاريلا مبشور ..

وغطيها بقصدير ..

ودخليها الفرن لمدة نص ساعه ..

اقتباس:

وقدميها ..

وبالعافيه ..

.
.

وش ودك بعد ..؟

سلطات ..

مقبلات وخفايف ..؟

امري

.
.

29-06-2009, 06:00 PM

اقتباس:

المشاركة الأصلية كتبت بواسطة كأنه مو عاجبك

.
.

وش حليبه ..؟!

طيب شيله من الفريز وحطه بالثلاجه احسن .. وخله 4 ساعات على رواقه ..!

..

يعني خلاص نكبّه بالزبالة, ما يصلح الحليب؟
تري قسم يمكن ثلاث ملاعق بس لو تحسبينهن

29-06-2009, 06:02 PM

.
.

لا وش تكبه ..

بس كان سألتني قبل الله يهجيك كنت بقول حط قشطه ..

ماعليه .. خيرها بغيرها ..

وماياثر مره ,,

بس بسألك ..

وش نوع القشطه اللي مستخدمها ..؟

التاج والا قيمر ..؟

.
.

29-06-2009, 06:49 PM

حطّيت ثنين قشطَة, يعني قصدك أزوّد ثالثَة؟
استخدمت قشطَة التّاج .. إنتي كاتبتن التاج بالمقادير

29-06-2009, 06:53 PM

.
.

ايه التاج ..

حسبتك شاري قيمر لأنها اثقل ..!

طيب ..

التويكس كسرته قبل تحطه والا حطيته بكبره ..

وكم حطيت ..؟

4 اصابع .. والا اربع من ابو اثنين يعني يصيرون 8 ..؟

وشسمه ..

لا ذقته قول لي اذا زين والا لا ..

.
.

29-06-2009, 07:15 PM

لا حطّيت أربَع أصابِع ..
تخيّلي حاطّن ثمان .. :P

أكيد بقولّك إذا زين ولاّ لأ ..
بس أحس إنّه زين ..

29-06-2009, 07:17 PM

.
.

طيب

بالعافيه عليكم ..

وكانك تبي ترسل لي منه عادي ..

.
.

29-06-2009, 07:20 PM

الله يعافيك ..
وبنرسِل لك بالفيدكس ..

> الحين تجيك القدوَة الحسنَة, وتتهمنا بالشتشتة .

29-06-2009, 09:07 PM

يسلموووو ياعسل فديتك يامتعاونه
حلووه فكرة المكرونه بس ماعمري شفت هون هالمكرونه الكبيره بس برضو بنزل بكره ادرها
اما الميني برقر برضو ماشفت الا خبز برقر كبر قرررريح
بخاطري سلطة جرير بس لايتوفر هون جرجير والله حاله شكلها سيزر ويخب عليهم

ياليت لو عندك سلطة تواجه ومايمر عليك احد

29-06-2009, 09:37 PM

.
.

فري على مواضيعي انا منزله كم سلطه ..

وشيف الطوارئ 2 اول الصفحات فيه ..

وقبل كم صفحه انا منزله طريقة سلطات ..

بالنسبه للميني برجر ..

انتي سوي اي عجينه ..

وكوريها بالحجم اللي تبينه ..

30-06-2009, 01:09 PM

من السناافيه الشقرديه رااعية الفزعه اللي تعلمني وشلون الدجااج التندوري

ايوه ودي اقول ان ذاا الموضووع اطلق شي وبيض الله وجه راعي الفكره
عزالله انها بتنحسب لحسابه

<< مغترب عن اهلي بقلعة وادرين يعني توقعوني هنياا كول ماشتهيت ااطبخ

30-06-2009, 01:15 PM

.
.

حياك كل ما اشتهيت تطبخ ..

ودي اصير سنافيه شقرديه راعية فزعه بس والله ماقد سويته ..

لقيت لك كم طريقة بالنت ..

تبيها ..؟

بس ترى ماجربتها ..!

انتظر باقي البنات يمكن يعرفون ..

ماتبي برياني .. ?

30-06-2009, 01:37 PM

وه بس يا هالحلا
كأنّه مو عاجبَك, شكرًا جزيلاً, قسم بالله إنّه حلا فلتَة ..
ثاني أفلَت حلا بعد حلا الباسكن ..
لدرجَة إنّ أبوي وهو أبوي جازله ..

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق