 |
 |
 |
 |
 |
 |
 |
 |
27-06-2009, 07:15 PM
|
|
||||
|
من شيوخ الحارة
|
Let's go to shopping Girls
 اهلين وهلين وبوستين عالخدين   شخباركم بنات ومبروك العطله يآحلوات مبروك النجاح للي نجحوا زي ماانتم عارفين البنات عموماً يحبون السوق ونادر مانلقى بنت ماتحب السوقno way  المفروض يحطون زي الجسور تربط الاسواق ببعضها بعد حنا موب كل يوم نروح وان رحنا كل سوق يبعد عن الثاني بحور وقارات والشوارع زحمه وحر وقرف فلو يحطون جسور تربط بينهم وتكون معلقه بالهواء وتكون مغلقه ومكيفه اهم شي وبعد يصير فيها ذاك السير اللي بالمطارات اللي يمشي ويكون سريع منب فاضين يمكن مانلحق عالمحل فحطوا هالشي احتياطي ايه هذا وجهي ان ماامتلى <شهار يحتريك محدثتكم is Crazy shopping ومن قراده حظي ولاسوق جمب بيتنا كلها في قلعه وادرين  صديقتي تخيلوا بيتها جمب حياه مول وصحارى تقول ابد رميه حصاه قلت ولمي غرفتي بسكن عندكم  ترى هالايام موسم تخفيض بس لسه مارحت توني معطله من الامتحانات بس على كلام البنات انه يجيب المرض عاد ان رحت ان شاء الله بقولكم رائي يعني ..طيب بنات فيه امور لازم مانغفل عنها بالسوق ووبعد مانطلع منه وحتى قبل مانطلع من البيت بكبره ايه نعم اقولكم كيف <تربعت اول شي فيه اشياء تتجنبينها وهي انك تطلعين من البيت وانتي جوعانه اشييين شي وخاصه لين كنتي ناايمه وداخله جو بالحلم ويجون يقومونك يالله السوق ..! طيب منب راحيه وخروا بكمل حلمي .gif) قوموني بالغصب امي قالت منب مخليتك بالبيت لحالك يعني وشو بياكلني الذيب يعني  ! كنت نص نايمه وخلوا الشغاله تلسبني شوزي وانتم بكرامه وعباتي وخذوني وينطلوني في الشنطه واكمل نوم فيها تخيلوا والشغاله مسكينه رجولها صارت مخده والله ياهي مسكينه جعل ماجاها تكفير ونوصل وانا اللي توني اقوم والشياطين مابعد حولت وراسي يعورني وصعب اجلس بالسياره لان السواق بيرجع وحنا مطولين بالسوق اووف يوم نجهز بنت خالتي ياجعل ماجانا تكفير من العصر لين الساعه 11 وحنا في السوق وكل يوم لأن كان الوقت مره قصير فيوم دخلت السوق قلت لامي ابي قهوه قالت روحي خذيلك قلت لاابي قهوه صاحيه موب من مقهى قالت ماتبين تمر بعد وانا اللي انتفخ زياده انا وحده مدمنه قهوه يعني لو اعيش على قهوه وتمر سوووكري ماعندي أي مشكله وكل مادخلنا محل تقول امي عمن روحي اشربي كبتشينه ابد نفس القهوه قلت اقول اقول اخلصوا عشان نرجع <اخلااق  ندخل المحل هالمحل واللي بعده واللي بعده وانا ماكله تبن لين جاء المغرب وخلاص انفجرت قلت انا بروح المطعم وانتم بالطقاق وامشي شوي واركض خايفه اني ماالحق عالمطاعم ان ماحصلت لي قهوه يحصل لي اكل عالاقل ورحت وطلبت حتى بغيت اتطاق مع الفلبينو بس ربي ستر ورحت وجلست واكلت . توني حاطه اللقمه في فمي تغير المزاج 180 درجه ..دقت امي علي وارد وانا اضحك ومرووووقه قالت وش فيك وجع قلت مافيني شي هاه وينكم بجيكم وقمت وامشي بنشاط واحس مره بروقان وماطلعنا من السوق ذاك اليوم الا 11 وانا اللي كنت ابي اطلع المغرب فجسمك لازم يكون شبعان او عالأقل فيه طاقه تخليه يتحمل هالمشي والدوران وبعد النفسيه تتغير بعد الاكل فتخليك تستانسين وتستمتعين بالتسوق  وبعد قبل ماتطلعين رضي الله عنك وارضاك انك ماتتكحلين ماترويحن تلبسين عدشات والخ التجميل عموماً بتقولين انا البس نقاب والله يبين واسالوني انا " فيس ينتفض " مره كنا رايحين مشوار لبنت خالتي وقالت بروح ارجع من السوق تعالي معي قلت طيب طبعا كنت حاطه كحل ذاك اليوم يعني زي أي مكياج بسيط كحل روج بلشر ماعلينا انا البس نقاب اوك ..فيوم دخلنا المحل تفرقنا قلت انا بروح اشوف الجزم وهي راحت تبدل وانا امشي لاحظت واحد كل مارحت لقرنه لينه وراي وجشش !!عباتي مافيها شي ولاني مطلعه جوالي ولاريحه عطر طالعه مني يعني ابد الحمدلله مافيني شي يخلي هالتبن يلاحقني وش تبي ؟! مشبهه يابوو !!واااذكر اني حاطه كحل تخيلوا مجرد كحل وانزل الطرحه زياده غطيت عيوني كل ابوها وبعد هالموقف تووووووووبه مااشيك على عيوني قبل الطلعه لأن صعبه اغطيها بالمره مرات احط طرحه وتكفي بس ان كنتي بتشوفين وكذا لازم ترفعين واثاري هالتسلب شاف عيوني لاوبعد كان يكلم يعني شوفيني اسعد الله والجنه اني خارقه راسك بكعب ياحكير وبعد من النقاظ المهمه عزيزتي ماتنسين عمرك ان كنتي حاطه مناكير لأنه يعتبر من التجمل وخاصه لاصارت اليد بيضاء والبنت حاطه روح احمر يآآسلآلآم !! زي وحده من صديقاتي ماشاء الله بييييضاء كأنها سوريه ويدها تزنن دبدوبه وبيضاء وحاطه مناكير احمر يختشي بسس !! راحت لمحل مكياج وكانت تجرب على يدها وتقول الاحظ الرجال مقبب عيونه شوي وتطلع وتشوف المناكير وهي اللي تنصرع وذبت المكياج وطلعت تقول حسيت نفسي وقحححححححححه وتووبه اني اطلع بمناكير وحتى لو كانت يدك تلق من السواد عزيزتي لاتحطين ياما شفت من وحده تحط صح يجيب المرض بس انه يلفت غصب تلفتين الرجال لك فإستغني عنه احسن ولازم بشناطكم يابنات من العده مزيل مناكير لآزم لآزم  تأكدي من جوالك انه مليان شحن ولاتصيرين زي محدثتك طلعت من البيت فيه شرطتين قلت منب مكلمه ميب قاضيه وصلت للسوق وانتظر خالتي تجي اتصلت علي عاد هي فضيعه اقولها روحي يمين تروح يسار ابد ابد ماتدل آخرتها وهي تمشي ومضيعه صقعت فيني ههههههههههه <ماكنك طلعتي من الموضوع المهم ناظرت الجوال لينه شرطه ووك ! وبعدها كلمت علي وحده من صديقاتي من زمااان مره عنها وجلست اسولف معها وكذا وتعرفون حنا بنات ننسىىآ نفسنا مع السوالف لين انقطع وانا اللي اجلس فيها وحتى خالتي الدبشه انقطع جوالها وامي تدق وتدق ومقفله جوالآلآتنا طبعاً مالعب فيها ابليس ذاك الوقت ويوم ركبنا السياره قال السواق ان امي داقه عليه وتسأله عنا ياعمري ياماما ..اتصلت عليها من جوال السواق طبعاً هزأتني اكلتني تبن على مستوى بعدها لآزم اشحن الجوال قبل الطلعه وبعد اني مااكلم بالسوق لأني عارفه نفسي ان كلمت بمسكها لين بكره وبعد ممكن تضحكين وماسكه خط بالسوالف وآخرتها فيه رجال وراك حليها عاد ! الفلووس حبيبيه الكل وه بس ..ايه صح ذكروني اسحب مكافئتي لي شهرين ماسحبتها طيب حددي الميزانيه تبعك ..ان كنتي راح تشترين مثلآ اغراض للجامعه من تنانير وتي شرتات جزمه وشنطه وماإلى ذلك حطي ببالك تطلعين عالأقل ب1000 ريال وان كنتي راح تشترين اغراض زواج من فستان او مجوهرات او ساعه اشياء غاليه لاتطلعين بأقل من 5000 واكيد بطاقه الصراف لاتنسينها بكل الحالات وان كان مجرد طلعه بتشترين شوز على بلوزه على اكسسويرز 500 اعتقد تكفي ..ولاتقولين معي بطاقه الصرافه تكفي نو نو قبل ماتدخلين السوق عند اقرب صرافه واسحبي تدرون ليه ؟ انا اقولكم مره كنت بسنتر بوينت ومعي اغراضي وكان زحمه فضيييييييييييييييعه عالكاشير شي موب طبيعي والاغلبيه كانوا يسحبون وتعطلت المكينه تخيلوا وبعدها نادا واحد من الكاشير قال هنا كاش واطييير له يمكن انا و5 حريم بس ويوم جيت احاسب قال كاش ؟ بغيت اصطره شرايك يعني :@ قلت ايه واحاسب واطلع شفتوا كيف ! وبعد تأكدي الف مره من محفظتك الصور اللي فيها وحده من صديقاتي كانت تحاسب وفاتحه المحفظه وتنتظر الكاشير يخلص وكل شوي يناظر بمحفظتها تقول استغربت خير ! يوم شافت محفظتها لين بطاقه الجامعه باينه وفيها صورتها تخييلوا عاد شكلها بالبطاقه سريلانكيه جاي مره غبي تخيلوا لو طاحت يآآسلام !! فتأكدي انها ماتبين وماهي بالوجه الشفاف ودخليها مع جيوب البطاقات احسن ولو ماتحطين صورتك بالمحفظه ابرك لأن ممكن تضيع وتبلشين فيها انا حاطه صورتي وانا صغيره بس خفت ان محفظتي تضيع ثمن ياخذون صورتي ويسحروني <بسم الله عليتس بس وبعد حطي فئات العشرات على فئه والمئات الحالها لاتحطينها كلها مع بعض :@ او تحطين خمسه ريال في ماكن البطاقات او مع الفواتير تجلسين ساعه وانتي تدورين وخاصه لو كنتي تبين ريال ايه الريال هالنتفه لاتحقرونه يجيب خبز تراه كنت بحاسب على تنوره ب150 وكنت مره مطفره كل محفظتي عشرات وخمسات كلها افراد جمعتها وطلعت 149 بالظببببط وابي ريال ابي مناآ منآ مالقيت والمحل مافيه امل تكاسرين او كذا والتنور ابيها مستحيل اتخلى عنها قلت لامي معك فلوس قالت مامعي روحي اسحبي كانك تبين والصراف مررره بعيد والكاشير ماعندهم الا كاش :@ قالت امي خليها مالك نصيب قلت مستحيييييييييييييييييييييييييييييل ريال يحول بيني وبينها معصي تخيلوا وش سويت  ؟ دقيت على سواقنا قلت معك ريآل قال ايه معي وجاء وعطاني الريال واشتري التنوره وامي تتحمد علي ويوم ركبت السياره واحوس ببوكي والقى ريال متوزي ابن الاياثاريني كنت شاريه مويه وبقى ريال من الحساب وادعسها مع البطاقات فنظمي بووكك وخليه مرتب عشان ماتنحاسين وماتحددين على ابو هنود   الجزمه الله يحفظك حآولي ماتلبسين كعب لسببين الاول انه فتنه بسبب الصوت ولأنه يجمل القدم والثاني انتي وراك مشوار وراك دوجه بالسوق لين يفر راسك تلبيسن كعب ليه ؟!ترجعين من السوق لين ظهرك يشكتي وبعد رجولك مورمه وشوله القلق وحده من صديقاتي ربي يهديها تقول البسه لأنه رزه يرز الوحده ويخليها كذا كشخه طيب الوحده ان جت رزه تلفتنا حنا يامعشر النساء قبل الرجال صح !! حاولي ماتكون جزمتك كاشفه لرجلك وان ماكان عندك جزمه غيرها البسي شراب والحمدلله بالنسبه لي مخصصه شوز خاص للسوق كوتش وشكله ناعم وانيق ومره مرييح باللبس كأن ماعليك شي ويريح القدم بالمره لأن ادري وراي دوجه بس الاهم مايكون من هالكوتشات حقت الكوره سلآلآمات يمي !! وش بقيتي للعيال !! ابد ماحبها اتخيل شكلي كوتش رياضي مع عبايه !! بعد لو حصلت تلبسين ساعه يكون احسن يعتبر من الضروريات عندي لأن لازم اشوف الوقت ومنب فاضيه اطلع الجوال ساعه باليد وخلاص  نجي للشنطه بالنسبه للمقاس يكون وسط لاكبير ولاصغير واللون لايكون فسفوري معليش يعني ! المحتويات زي العاده المحفظه +الجوال+نوته وقلم + علتس+ مرايه + كلينكس+ عطر+ ولو تستغنين عن مقلمه المكياج ان كانت مليانه ومسبسبه قلق بالشنطه <ابد ميب مقلمتي طلعي روج وكحل مفضلين عندك وخليها بالشنطه وخلاص بتقولون ليه هالكحل والروج ؟ انا اقولكم بالسوق دقت خالتك هلا فلانه ترى البنات عندي اليوم ان طلعتي من السوق مرينا وش بتسوين وقتها ! وانتي ماحطيتي لاكحل ولاروج اقل شي من الميك اب !ولازم العطر بس ماتبخينه بالسوق اذبحك ترى لنفس سبب الروج والكحل بتقولون طيب واللبس ؟نجي للبس حبذا نستغني عن الجينز والبنطلون عموماً بالسوق صح انه مريح بالمشي ويوسع الصدر بس انه يبان من تحت خاصه لاصرتي دفشه وانتي تمشين وتركضين بتلحقين عالمحل حدث ولاحرج الافضل تنوره سودا وقميص نص كم والتنوره تكون وسيعه تقريباً موديل كلوش وقماشها حلو مايذبحك بالحر عشان وانتي تمشين تاخذين راحتك وكمان احسن تلبسين قميص خفيف وبارد نص كم ان كنت من النوع اللي يقيس بالسوق اسرع واريح بالتغيير وان كنتي ماتبدلين البسي تي شرت واياكي ياعزيزتي لبس الجينز وخاصه السكيني وبعد الشورت والبرمودا معلش يعني ايضاً قمصان البيت الله يرضى عليك كل هالانثنين يبانون من تحت تجيك البنت تتمخطر بالكعب والعبايه مفتوحه وهالجينز باين يعني بتعلمينا انك لابسه جنز ! ولآ تجيك الوحده بحسن نيه ياعمري عليها تلقط عباتها وعليها قميص البيت المشجر وتلقط لها كوتش رياضي يآروحي بس لآتعليق عالاشكال الاول حلو لو كان بمملكه المرأه يعني ماراح تروحين للرجال او أي مكان للنساء زي البازارات اما بالاماكن والاسواق العامه نو آند نوو دونت دو ثات بليز والقمصان يابعد حيي ابد مش كويسه خاصه لين طلعتي من السوق وجانا عج والعبايه طارت بالهواء ياسلام !!ان جيتي تركبين او تنزلين السياره ترفقي يرضىآلي عليك لاتنطين عشان تبين هالسيقان ولا الجينز ! ونجي لأهم شي ..العبايه والغطا ماراح ادخل لا بتحريم ولابتحليل لأني لست اهلً لذلك ولالي علم بالافتاء والشرع وأتركه لأهله لكن فيه اشياء لازم تتأكدين منها ,عبايتك عموماً بالطلعات والروحات وللسوق خاصه يجب انها تكون ساتره وخاليه من الزينه وماتكون ضيقه وزي ماتعلمنا بالمدرسه عن الحجاب , الحريم الحين اشكال وانواع بالعبايات فيه راس وفيه كتف وكل وحده طلعوا منها انواع والوان وجهه نظر *بعض عبايات الراس اصبحت زينه بدل من ان تكون ستر كما هو معروف عنها تجي العبايه فرنسيه ومخصره عالجسم والستراس مالي الاكمام فقط مجرد انها عالراس ! ونفس الشي بالكتف تكون وآآآآسعه ومافيها ولا حبه ستراس وطرحه طويله وساتره فقط مجرد اسمها عالتكف ! عموماً العبايه سواء راس او كتف انا مااقدر احكم حلال ام حرام مع اني مقتنعه بالكتف البشت + طرحه طويله بس ماش ماقدرت ورجعت للخيمه تبتعتي اهم شي عباتك تكون واسعه عليك ويكون كمها زي عبايه البشت مايكون فيه تخصير ولا تضييق ولايكون فيه ستراس وزينه وحبذا انك تلبسين نقاب مايكون واسع زي اللي طايحين فيه هالايام وياليت تبعدين عن البراقع لأنها واسعه وبزيااااده فيه برقع او نقاب مدري وش يسمونه بس انه جازلي ودي اني ساأله امي عنه زي النقاب بس فيه خط البرقع جازلي بالمره واللثمه وكشف الوجه ابعدي عنها نهاااااااااااااائي عموماً نقاب يكون مناسب لاهو اللي ضاغط على عيونك ولاهو الواسع ولو تغطين عيونك يكون احسن لأني سمعت ان النقاب حرام ماادري صح او لا ! فحطي الطرحه على عيونك وان بغيتي تشوفين شي ارفعيها وكذلك حذاري فحذاري فحذاري انك ماتلبسين طرحه  اعرف انه فيه انواع من النقابات ماتحتاج طرحه لان فيه زي الطرقين لها عرفتوها صح ..! حتى لو كان هذا نقابك لآزم طرحه ليه ؟ لأنك ان جيتي تصلين طبيعي راح تفتشين تخيلوا الشكل عاد ترفعين النقاب فوق العبايه :@@@@ ولا ان كنتي بتتقهوين او بتاكلين نفس الشي ارفعي النقاب فوق العبايه :@@@@@@@@@@@معليش يعني ! هالشي موب حلو خاصه للبنات حرام تشوهين شكلك كذا خير ؟!!!!! ونقطه مهمه بالمره الاحظ كثير من الناس عباياتهم من تحت وصخه غبار وتراب ومرات يكون منكب عليها شي وان قلتي ليه كذا ؟ تقول للسوق وشوله اكشخ ! هااااااااااااه !!طيب انتي ماتصلين فيها ؟ ومن شروط الصلاه النظافه كيف تصلين والعبايه وصخه ؟ الا اذا كنتي تجيبين جلال هذا شي ثاني ..وحتى لو ماكنتي بتصلين عموماً مظهرك ابداً موب لائق ولاشي وتكونين قلبتي العبايه من حجاب الى كيس زباله الله يكرمكم لآزم عباتك تكون نظيفه عالأقل لانك بتصلين فيها .وبعد لازم ولازم ولازم انك تتوضين للصلاه وبعد لو كنتي تبين دوره المياه روحي قبل الطلعه اكره شي عندي دورات مياه الاسواق وعموماً اي دوره مياه برى بيتنا مستحيييييل اني استخدمها مهما كان السوق فخم وفيه عامله تنظيف وتنظف وتجلس ساعه تفرك لا يعني لا  ..مدري سمعتوا عن سالفه الخدامه اللي جاها الايدز بسبب دوره مياه بالسوق  الله يحفظنا وياكم يآرب تقريباً كل الاشياء اللي لازم نسويها ونتأكد منها قبل الطلعه خلصت طيب من بيودينا يآحلوات ..  ؟ ان كان السواق حذآري تكونين الحالك حذآري مهما كان المشوار مهم انطقي في البيت اول شي يعتبر خلوه مع السواق + الدنيا مالها امان تأمنين السواق ؟ بتقولين والله له 20 سنه عندنا لا يآروحي ابو 20 سنه ان عطوه اللي مايخافون ربهم 10 الآف عشان يوديك لاستراحه ومن هالسوالف ساعتها قولي ابو 20 سنه وهي قصه حقيقيه وصارت لوحده من قريباتي كانت بالسياره تنتظر بنتها و شافت 3 شباب واقفين مع سواق وعطوه ظرف وبعدها راحوا لسيارتهم بعدها طلعت بنت داقه ابو الزين وركبت السياره وبعدها راحت الحرمه للسياره وركبت معها وقالت ماتمشي السياره ودقي على اهلك طبعاً البنت قالت وش تبين ؟ وقالت عطيني اكلم ابوك ولااخوك ودقت عليهم وقالت لهم السالفه وفعلا جاء اخوها وقالت له الحرمه وسأل السواق وانكر ! قالت فتشه يوم فتشه لقى الظرف وفيه مبلغ محترم مااذكر بالضبط بس بالآلآف ويوم سأله قال انهم عطوني الفلوس عشان اودي اختك للإستراحه وهو عندهم من 20 سنه تخيلوا !الشيطان مامات يابنات مالقيتي احد يروح معك انطقي موب لازم يختي اما لو كان ابوك او اخوك ربي يخليهم فمن الافضل ومن باب الذوق انك تحطين خبر عندهم عالأقل قبل الطلعه بيوم لأن ممكن يكون مشغول او موب رايق وراح يضيق خاطر ابوك عليك انه ماقدر يوديك واكيد بتتطاقين مع اخوك فحطي خبر احسن لك نادر ماتلقين الرجال فاضين لك يآزين السواق بس وحددي أي سوق بتروحين قبل ماتطلعين وخاصه مع اخوك مره طلعت كنت ابي الفيصليه قال اخوي اكيد قلت اعتمد ابد ..يوم وصلنا نص الطريق ابد بنلف عالفيصليه قلت هاه ؟! شسمه ابي المملكه محلاتها اكثر ياهو بغى يثور فيني قال مافيه انزلي يالله تحسبوني سكت قمت احوس معه بالفيصليه وقلت له المحل موب فيه امش المملكه ورحنا للمملكه لأن كان ضروري عندي عزيمه بكره بس جد حسيت نفسي دبشه  لازم نعرف أي سوق نبي ونعرف المحلات وين وبعد وش نبي من السوق زي انتي طالعه تبين مثلآ جزمه روحي على طول للجزم ولاتجلسين تقولين بدخل هالمحل بشوف هالبلوزه لالا خلصي شغلك بالأول وبعدها دوجي <برآآآآ وبالصيف هالايام هذي مافيه مثل العصر صلي العصر وانطلقي مره الوقت طووووووويييييل ممكن تقولين يآربيه خلآص مليت بطلع <ماظنتي حاولي ماتطلعين الليل هالايام لأن مابوه ليل كل شي تأكدتي منه بسم الله اركبي السياره ولاتنسين هالدعاء  اهم شي الفوشيىآآ ههههههههه <شرهتك عاللي بيعيشك الجوو وه خلصت & تعبت ان شاء الله يعجبكم واكمل الجزء الثاني لين وصلنا السوق ان شاء الله وان شفت تفاعل واذا فيه زياده على كلامي ليتكم تزيدون ياحبيباتي ونشوف وش ارآآئكم عن الshopping · الموضوع حصري عالمساطيل وحبيت استفتح فيه بالمنتدى تراني بقراطيسي
· كان ودي الموضوع مدعم بصور خاصه بس كآمي الدردعه · ادي نكي غبي شوي بس عاجبن ..نادوني خرطوشه * الموضوع كنت منسقته وطالع احلى حلآوه بس مدري ليه علق ويطير الموضوع بكبره مرتين ونسقته عالاخير اي كلآم
آخر تعديل رَؤود ,
في 06:53 PM.
|
||||
|
|
27-06-2009, 07:53 PM
|
|
||||
|
رئيسة الأقسام الأسرية والاجتماعية
|
 ..!!هوا إيه داه..!!إيه القمال داه..!! ياصلاة النبي <-=مسّكت خط يابت..!! وش ذا الإبداع..!! موضوع تُحفة بحق وحقيقي.. لا بعد هذا على كلامك يعتبر مقدمة لسّى مادخلنا في العميق "الفرّفره في السوق "الموضوع مثبّت +نسخة للمتحف بعد إكتماله وإكتمال الردود هذا رد أولي.., لي باك مفصّفص.. *ليتك بس تغيّري في الألوان عشان لاينظلم موضوعك ودّي لك ياقميل /
 |
||||
|
|
|
27-06-2009, 08:14 PM
|
|
|||||||||||||||||||
|
راعي محل
|
** هلا وغلا لك شو هالروقان مرّه موضوعك رايق وتطرّقتي لنقاط مهمه يمكن البعض يغفل عنها بالنسبه لي لما اجي اسوي شوبينغ عندي اساسيات أهم شي عندي آخذ القطع اللي احتاج اكملها معاي للمول اولا عشان ما انسى وارجع للبيت واقول يؤ ! نسيت اشتري كذا ثاني شي عندي أكتب الاغراض اللي محتاجتها بنوت او اكتبها بجوالي أول بأول من المبرد والبنس الكريمات اي شي ناقصني او كنت استعمله وخلّص ! واخذ النوت معاي للمول واحاول اجيب كل النواقص عندي حاجه غريبه ! انّي ماعرف اتسوّق مع مجموعه بنات لازم اكون لوحدي احس امخمخ واركز على القطع ههههههههه حتى أقارن بين الاغراض اللي شريتها لوحدي والاغراض اللي شريتها مع بنات خالتي اوصديقاتي احس فيه فرق يمكن لاني اكون مستعجله لما اكون معاهم واحاول استعجل عشان نجلس بكوفي او شي لكن لما اكون لوحدي يصير ماوراي شي وكذا واحس اتسوق بشكل افضل نفس الشي اتفق معاك بحاجه انو نروح للمول وحنا رايقين لان كذا بتحسين الناس اللي بالمول كلهم على راسك واخلاقك ضيقه وكذا ولو حصل وانغصبتي على روحه انطلقي لأقرب كوفي واشربي لك حاجه وكلي لك قطعة تشوكليت عشان كذا نروح مبسوطين ومروقين عشان نشتري اشيائات واويّه وبس .. هذا اللي عندي ·
ياهلا وغلا فيك انتي وقراطيسك واستفتاحيه موفقه سمّي{ }
آخر تعديل $DrOP
في 08:49 PM.
|
|||||||||||||||||||
|
|
|
27-06-2009, 09:49 PM
|
|
||||
|
قل دبرة
|
الشوبنق صرااحه ممتع والاحلى اذا صاار السووق يفتح النفس ودك تمشين وتقشين كل المعاليق بس ما باليد حيله طبعا انا لي طقووسي في روحه السوق لازم البس شوز عشان ما اتعب والله ذيك المره شفت وحده في محل لابسه شبشب كعبه مترين وانا اللي يوجعني قلبي وامسك راسي قالت امي وجع وش فيتس قلت شووفي كعبها ولازم اربط شعري ذيك المره مدري وش فيني انهبلت هههههههههههه رحت للسوق وانا فاكه شعري مدري وش احس به وانهبل تخيلي يعني شعر مفكوك وعليه طرحه ونقاب وعباايه بغيت انصررع طبعا امي القت علي وابل من التهزيئات واللبس اول انا مهبووله كنت ارووح بلبس البيت وقلت لصديقتي بغت تذبحني ههههه قالت يالقرويه لين تسنعت وصرت البس تنوره سوداء او تنوره الجامعه وتيشيرت قطن من القديمات وصلى الله وبارك ولا عاد تخيلي اتكحل وانا راايحه للسوق عساني اتكحل في العزاايم بس والله يافيه بنات يمطوون هالكحول اعوذ بالله قسم بالله يوجعني قلبي والنقاب يوثل نص الخد وعلى سالفه الجوال مره نسيت جوالي وضعت عن امي طبعا زي كل مرره وانخبص مامعي جوال ولا شي وادور من محل لمحل معد ابقي الا اصاايح لها واشوف حرمه ومعها مبزرتها وشكلها حليوه واقول ممكن اكلم من جوالك اني ناسيه جوالي وابي اكلم وتنشب لي من بتكلمين وليه وماليه قلت بس بكلم امي وتقعد قبالي وتسمعني وانا اكلم وكنها تطمنت اما الفلوس صراحه انا ماانعطى فلوس لانها تضيع مني فصارت فلوسي معي وانا معي فكات طبعا هالحركه حلوه اسحب فلووسي وفلووس امي هههههههههههه ولين قالت شي قلت فلوسي تقول انا دافعتن لتس دبل طبعا الشنطه لازم يكون فيها مناديل < - - اختصاص سحب مناديل .. وعلبه مويه صغيره والبوك واهم شي ماتكون ملفته هذيك المره انحرمت من السوق بسبب شنطتي الصفرااء < - - عبده كنا عند خوالي وبيروحون خالاتي للسوق فقلت بروح معكم فعيت امي قالت منتيب طابته وهالشنطه تشقح اشوا ان اغرااضي ميب مهمه ولا كان مشكله طبعا العباايه الحمد لله مسكره وعلى الراس والنقاب مربووط بقوه خطر تطلع العيوون ومشكووره على هالموضوع البططططل طبعا خذت رااحتي فيه لاني احب الشووبنق والتنسيق بطل عوااافي
|
||||
|
|
|
27-06-2009, 10:59 PM
|
|
||||||||||||||||||||||||||||||||||||||||||||||||||||||||||||||||||||||||||||
|
Face / Of Winner
|
والله يبارك في عمرك وعقبالك والله يعين ع الاجازة بخير
ماشالله وش ها الفكرة الخوراااافية  اي والله ياليت كل اسواق المملكة من شرقها لغربها وشمالها وجنوبها يكون فيه جسر معلق با الهوا وفيه تكييف وخدمات خمس نجوم <-----متى بس ؟ اول نقطة قلتيها اتفق معك واهم شي عندي لما ادخل السوق افر شوي بعدين اجلس في الكوفي اتقهوى واعدل مزاجي وبعدين يبدا السباق الماراثوني واقوم افتر با السوق مثل الجني وبعدها لا تعبت وجتني الدوخة اكون خلصت من الاشياء اللي بشتريها ويجي وقت تعبئته الكرش ياسلام عليك من جد اهم نقطة الحين البنات الله يصلحهم السوق با النسبة لهم استعراض في العبايات والميك اب كنها رايحة لحفلة او زواج ؟؟ واللي يقهر اللي يبيعون في المحلات ماتطلع الوحدة من المحل الا وهو قد شبع وشاف كل شي امممم ماادري الجوال با النسبة لي موضروري با السوق من اول ماانزل اتفق نتواعد با المحل الفلاني وخلاص
انا لي اربع شهور ....صرافتي عطلانه
والله مشواااااار اسوي ها الحركة ومن الاساس انا مااشيل معي فلوس البطاقة تريح كثيييير واذا على قولتك صار عطل با الماكينة مو مشكلة اروح لاقرب صراف وانتهى الموضوع لكن صعبه اشيل معي مبالغ كبيرة
فعلا لازم تكون مريحة عشان افر با السوق على راحتي والساعه مهي ضروريه عشان مااتقيد بوقت معين متى ماخلصت دقيت ع السواق وخلاص راجعه |
||||||||||||||||||||||||||||||||||||||||||||||||||||||||||||||||||||||||||||
|
|
|
27-06-2009, 11:52 PM
|
|
||||
|
راعي محل
|
 تدرين ذكرتيني بالسوووق كثر ماكنت احبوه كثر ماااطفشت ذا الفتره منوه.. اختي بتعرس وتطففففففففش تجيها تناحه ماهيب طبيعيه ابلشتن بالحييييييييل  مدري وش الدبره معاها..>>وش رايك تكملين المشوار معاها بدالي نرجع للموضوع.. انا انساااانه اذا صحيت من النوم على طووووووول وسحبوني للسوق غصبن علي ماياخذون نص ساعه ولا انا دايخه عليهم >>صارو يحترمون انفسهم ويكون اكلي مركبينه بالسياره قبلي  ..انا وحده موسوسه وعندي خوووووف يعني مستحيل ادربي راسي بالسوق لحالي الا اذا جوالي معاي >>قال ايش قال تحس بالاطمئنان وجوالها معاها.. يعني اذا قالو بنروح السوق وجوالي مافيه رصيد ولا شحن اسبب ازمه اقتصاديه واجتماعيه واسريه>>عشان يتأدبون مره ثانيه الييييييييييين مايتنازل احد عن جواله وبكذا ارتاااااح واظمن نفسي لو ضعت>>ياكثر ماضاعت ..انا فيني طبع مدري هو زين ولا شين بس من ربي خلقني وانا كذا  ..اذا دخلو خواتي محل وانا مالي حاجتن فيه تلاقوني واقفه عند الباب اللي يشوفني يقول شكلها من هالبوابين ولا حارسه مدري احد طاردها بس وش اسوي ؟؟  انا مستحيييييييييل احط قيمه معينه لي يعني اقول اليوم بصرف 1000 ريال.. طيب افرضي لقيت اشياء بتكلفني اكثر من 1000 ريال وعاجبتني ليش أأجلها.. يعني انا ضد هالنظام هذا>>>اصرف ماااافي الجيب يأتيك مافي الغيب..  وماااقصرتي عالموضوع المنتاااااز>>> مستااااااااااااانسه عالالواااان
|
||||
|
|
|
27-06-2009, 11:59 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
ههههههههههههههههههههههه ذكرتيني مره كل العايله توها صاحيه من النوم ورايحين السوق واول ماطبينا السوق رحنا ناكل تقولين مجاعه الناس يناظرونا منفجعين
هذي الحركه لو تصير معي بالكليه انهبل دايم ماطلع للبيت من الكليه الا والجوال فل بطاريه بس موب رصيد خخخخ اما بالسوق مايهمني دايم امي معي عاد لافضى جوالها متعودين على الشحده
بما انا صرنا صديقات وش رايتس تسلفينياها
مدري ليش يختي احس فيني حركه دايم لارحت السوق لازم يزود معي فلوس واغراضي ماتنقص -->يعني لاتسلفيني
ذكرتيني لاجينا نحاسب ياكثر الاشياء اللي نرجعها ههههههههههههههههههههههههههههههه
هذي انا
لاتعبتي ياعسسسل موضوعك جناااان ياخرتوشة دلبي وكملي الجزء الثاني بعد 5 ايام لانك لو تأخرتي عن 5 ايام يطيرون ذا -->طيري بس
آخر تعديل ,, العيطموس ,,
في 11:26 AM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
28-06-2009, 12:08 AM
|
|
||||
|
راعي محل
|
لي عودة إن شاء الله موضوعك عاجبني -------- بأتس انا بعد زواجي جلست حوالي نص سنه ما احب أسمع طاري السوق مع أني كنت آطلع مع زوجي اذا وقفنا بأي سوق وانزل معه ومااقول لا ،، بس كذا عشان أفرض شخصيتي ويدري اني آحب ادوج بالسوقه واني أطلع الاسواق حتى لو توي عروسه <<خبلا وبعد الزواج بسنه صار دخلتي للسوق الزامية لتقضيه حاجاتي واحيانا الترفيه عن النفس وحتى أغير جو دايماً محكورة بالبيت  فصرت آروح وانا من الناس اللي الحمدلله ماروح الا معي محرم من قبل لاتزوج بس زوجي ما غير يتذمر من السوقه ويتضايق من اللي يشوفه واكبر دليل تونا البارح رايحين لصحارى وكل شوي يقولي والله البنات ماعاد يستحن يكشفن يمشن تسذا من دون غطى واانا عاد تسسذا< وشوله تناظرهن غض البصر قال يازوجتي العزيزه هن يمشن قدامي وس اسوي اغمض وانا امشي واذا على كل الكلام اللي قلتيه من ناحيه العباه والجزم الحمدلله انا كذا طبعي من ربي خلقني ما احب امشي بالسوقة بكعب وحنافي السوق ، فيه وحدة من صديقاتي الله يهديها تقول مااقدر امشي بالسوق من دون كعب اقول يختي الكعب مرض تقول انا اذا مشيت جنب زوجي آصير صفر لاني قصيرة وهو الواحد وبعض البنات الله يهديهن تحط لتس ها الشدو اللي تقولين بتحفل بعرس مب طالعتن للسوق يعني والله المفروض نشوف امهاتنا ماشاء الله على أحتشامهن باللبس والستر المفروض هن قدوتنا والميزانيه والله انا مانيب من الناس اللي تحط لها ميزانيه معينه اذا طلعت السوق يمكن اقش اشياء اكثر من المبلغ اللي معي وبعدين اذا بتشرين قطعه معينه تشآورين رجلتس أبد لانه مايعرف للموضة وعشان يفك عمرة ويخلص من دخلته للسوق معتس بيقولتس يهبل وهو مخيس <<انصحي نفستس بالأول موضوعتس كثير ومتشعب واحس أني طولت بهذرتي اللي عساها على سنع وحياتس الله في منتداتس
آخر تعديل بئآ تسذآ
في 01:35 AM.
|
||||
|
|
|
28-06-2009, 05:59 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مذنب هالي
|
ماشاء الله وش ذا الموضوع الزين موضوع من تشوفه من بعيد تحس انه متكتك ومرتب ومزبرق باسلوب حلوو يوسع الصدر .. لبى قلبتس ياويخيتي ان شاء الله ماتصير ذي اخر زيارة لتس لسوالف حريم .. نجي لموضوعتس وتنبيشه من اوله ل اخره .. بخير جعلتس بخير شلونتس انتي يابئدي .. اول شي من ناحيه السوقه وحب الحريم لها اخ بس لاتقطعين قليبي ياشيخه الود ودنا يالحريم نسكن بالسوق بس مااش محد معطينا وجه مايودونتس الا ايام العيد وبدون نفس بعد ويجيتس اخوتس قابن خشته خطر نصقع باقرب عايره على ذا الخنفره كله عشان سوق --> لو بتلت ميب ساكته عبد قريح ..
ماقد رحت السوق الا وانا جايعه هالكه من الجوع عشان اشتري من المطعم عاد قد مره تسذا رحت السوق وانا جويعه على اساس اني بتعشى فيذاك المهم اني كل شوي اقول ميد اختي صقعه يالله خن ندحدر عشان نشتري عشا انا وياتس ومير تسفهني وتكمل دوران ليييين دق اخوي وقال يالله والله لو ماتطلعون ان اخليكم بالسوق ومير امي تجرني بعبايتي وتركبني السياره وانا عاضه على شحمه ..
صادزه والله يجونتس هالبنات متزبرقات وضاربين عمرهم بالشيطان الرجيم ويقولون ليش يطردون وراانا اشوى اني شينه محد يبيني .. خاصه الرجال عينهم قوية والله لو ان طرف قميصتس طالع وحالتس حاله ويريحتسس صنه والله بعضهم فيهم خفه يلحقون بس اسم عبايه تمشي لحقوها جعل امر الله يقصهم ..
على طاري السياره ذكرت موقف مره كنا في السياره وخالتي كانت معنا المهم ان امي فتحت شنطتها وقالت هااو وين جوالي اكيد ناسيته في بيت اهلي انزلي يالعبده جيبيه بسرعه ومير انزل وادوره ماش مالقيته ورجعت السياره وندور ندور وندق ماله حسسس يوم قالت خالتي تسذا كنها بتنزل نطق الجوال صارت قاعده تحته انكتم الضعيف ههههههههههههههه ..
هههههههههههههههههههههههههههههه بوك مليان ولا فاضي وانا اختسسسسس .. ياشين لين رحتي السوق وعلى اساس ان معتس قروش وتفاجئين انه مصفر مافيه ولا ريال واخوتس حطكم وراح واختس لو تناقزين ماعطتس .. تطير عيونتس في الناس وفي البلايز والاكل خاصه --> همها بطنها ..
كنها موجهه طق طق طاقوق يطق راسها مير توجع الراس غير انها حرام تخلي هالرجاجيل يتلفتون عليها .. زنوبة وتخب للسوق ههههههههههههههههههه .. احيانا لاصرت مستعجله اقرب نعله حمام الله يكرمتس ماتحصل روحه السوق دايم اقرب نعله البسها وامشي ولا تلطع رجولي الشمس .. --> يقالتس رقيقه ..
ذكرت وحده ايام الشتا شفتها بالسوق لابسه العبايه وفوقها جكيت مدري وش تحس فيه ذي .. الحمد لله والشكر بس ..
من جد هالعبايات على قولتس اشكال والوان واكثرها المزبرقه نادرا ماتشوفين حرمه متستره الله يهديهم هالبنات مير شوي وبيرمون العبايه ..
ايه انا ماروح السوق الا بالقوايل الليل زحمه وصجه ويتاطقون على البلايز ..  على طاري الطقاق على البلايز مره رحت برمضان بالليل كنت مضطره مابقى شي على العيد شفت حرمتين يتطاقون على بلوزه كل وحده تقول انا اللي جايه قبلتس ههههههههه.. وجزاتس الله خير على ذا النصايح .. عافاتس الله ياخراطيشوو .. نبي الجزء الثاني ماعلينا منتس --> اهجدي لا افقع وجهتس ..
آخر تعديل حلة العبيد
في 06:07 AM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
28-06-2009, 11:09 AM
|
|
||||
|
من شيوخ الحارة
|
أنتي تعديت مرحله التشييك مادريت الا وانا في اخر السطر :| اسلوبك قميل ويشد ومعك في كل كلمه قلتيها أنتظر الجزء الثاني وان ماشفتي ردي فيه .. تراني مادريت عن موضوعك علميني بالخاص
|
||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
