 |
 |
 |
 |
 |
 |
 |
 |
02-07-2009, 02:03 PM
|
|
||||
|
رئيسة الأقسام الأسرية والاجتماعية
|
111
سلام عليكم ورحمة الله وبركاته
أسعد الله مسائكم.. / ..صباحكم وجعلها عامره بالطاعة., والأفراح بما إننا بموسم حفلات"زواج., تخرّج., سوابع"., وبما إننا نعيش بمجتمع لو البزر إنقلع سنّه جاتك أمه تركض وتبيع إللي فوقها وتحتها تبي تحتفل فيه ..,وهات ياحجز في القاعات والطقاقات وأنواع البذخ في الأكلات _ على طاريهم.., الحين وش سالفة المدارس من تالي..!! إللي حتى في التمهيدي لهم حفل تخرّج....!!_ <-=باين إن كليتهم جحدتهم ..؟! : ( الموضوع ذا.., بإذن الله بيكون مخصص لأفكاركم إقتراحاتكم وإستفساراتكم فيما يختصّ بالحفلات بجميع أنواعها بالإضافة لأفكاركم في كيفية تقديم الهدايا ومحتواياتها _إييه يازمن .. من كم سنة وش كانت الهدية..!! موجب بظرف وصلى الله وبارك_ مايحتاج نقول/ 1_الشات مُحرّمة شرعاً في السوالف 2_و.., فكّونا من حفلات النصّ كم وإللي فيها مسّ للشريعة "أعياد ميلاد., أعياد زواج., عيد النخلة وأختها الشجرة  "3_أيضاً في حالة الروابط إللي تحتوي على زفات ياليت تكون من دون موسيقى فيما عدا ذالك.. أهلاً وسهلاً بكم ..,  |
||||
|
|
02-07-2009, 02:04 PM
|
|
||||
|
رئيسة الأقسام الأسرية والاجتماعية
|
 بما إنّ مالي علاقة بالزواج وتوابعه "عانس"  وكل همّي حالياً حفل تخرجي وكذا مناسبة إن شاء الله لكذا بخطم على طول بالحفلات ..,’سؤال / وشهي حفلاتنا اي كان نوعها في الوقت الحالي..!! الجواب بكل بساطة/ قمة المصخره..!!  مبالغ مهولة تندفع., وإسلوب رتيب جداً وناس كاشّه من بعضها وماغير قوة خزخزه وحشّ وكل مين يجي عشان يستعرض بنفسه., لبسه., شعره.. وأهل المناسبة كل همهم تقديم كل شيء بالدنيا فاخر وغالي.. انواع الزحمة.. يتقدم عصير قهوة من برنيز أيسكريم بوقت واحد.., حتى لو كان على حساب دفع كل إللي يملكوه..., وبعد كل هذا..!! يعتبر ولا شيء.. ومحد عجبه شيء.,والناس تخرج تذمّ وتسب بأهل المناسبة يا إنهم قصّروا ولا إنهم بذخوا خطمة "2" =من سنة تقريباً.., والله يجازي فاعلها بكل خير., إنتشرت عندنا فكرة مغايره عن الحفلات التقليدية جداً مغايره.., شرط صرنا نطق Gossip Girl إصبع., الحفلات ذي مو بس تتميز انها تغير لا تتميز بروح البساطه بالإستمتاع فيها لأخر لحظة بقشع وبتر مسألة التحزز من جذورها وفوق عن هذا ممكن مبلغ بسيط جداً إقامة حفل فاخر ., نبدأها مع (1)  Costume party  حفل إستعراضي للأزياء الشعبية "وهات ياتكّيه على الروشان" إسلوبها تعتمدة على الإستعراض_وتقولي حفلة بسيطة ...!!_ .., والجرأة في إنك تجربي شغله مغايره وبعضها يكون مجنون وقدام الكل.. وأحيان المنظر ذا يكون بسيط جداً جداً ولايكلفك حتى <-=مشكلة الحريم   الأزياء أبد تسلفي ساري شغالتكم إللي جاتكم فيه بنجابي السواق كوفيرا مغربيه حولكم روحي ترزّزي عندها خلها تسلفك لبس بلدها بإختصار هي حفلة تعتمد على عرض الأزياء "الشعبيه القديمة " سواء كانت أزياء تختص بالمناطق السعودية "منطقة عسير ., الحجاز., نجد., الشمال" ولا على نطاق عالمي "شمال أفريقيا وجنوبها., الهند., الصين.,الشام " المتعة في الموضوع انك تظهري بمظهر محد يتوقعه منك..!!أو من أول نظره محد يعرفك "كسر للروتين ولسالفة الترزّز" غير عن كذا محلات الأزياء خصوصاً الشعبيه فيه منها من يبيعها لك بسعر رخيص جداً وفيه من يبيعها لك بسعر باهض..فالخيارات مفتوحه لك وعلى سبيل المثال:-  **  ** لبا تشاد بس وجيرانها  التقديم:- غالبيتها تعتمد على تقديم كل ماهو شعبي السليق والكشري والترمس والمطازيز الجريش الكسكسيه"أكلة مغربيه" والتعتيمة وكل التوابع الشعبيه "شعبي عربي"..,"شعبي عالمي"كل مين وفّنه عاد مرّه /فجاءة كذا قالوا يالله بمناسبة قومة فلانه بالسلامة وبنحتفل شرط يكون حفل شعبي.., يومها كل مين وحنّ لأصله .. بذكر لكم من الحضور بس ثلاث شخصيات كانوا فعلاً إقلاع إيرانية / مشتريها عبايتها من عند الحرم.. كانت جد إيرانيه ., نفس مسكت العباه "تمسكها بأسنانها " نفس طريقة المشية "الشنطة تحت العباة"حتى الحواجب الله يكافيها مدري كيف صايره مثلهم..!! وهي مالمستها بشيء حرام واللههندية/ الله يلعن بليسها جاية وشعرها فيه إملا ولاتهون نجمة الحفلة "النيجرية"/ من قوة الهياط إللي فيها متمردغة بفازلين ثم فحم أي نعم مافرقت في لون البشرة "ياويلها ياويلها " بس كانت حركة جريئة منها (2) Masquerade  بوووووه <-=أطردوها برّا تكفوون: ( الحفلات التنكرية .., بس والله ياإننا نسمع فيها يوم يقولوا نبي حفل تنكري الناس تجي على سنّقة عشرا.. وإن مرّه مرّه بيعيشوا جوها رسموا على الخد شمس قمر وإنتهت السالفة..!! لعنبو عدوكم الحفلة له زي خاص., ميك أب خاص., "دلاخه خاصه " الأن فيه معارض متخصصة "وبعض محلات الألعاب من ضمنها" توفر الأزياء الخاصة للحفلات التنكرية ., لأ مو بس الأزياء التقديم الكامل للحفل التنكري من اساسيات وديكورات والأقنعة و و و بأسعار نوعاً ما مُناسبة ..!! وإللي مرّه مرّه مفلسة تطبع عن طريق النت صور لأقنعة وتركبها بمطاط وتلبسها وصلّى الله وبارك أشهر الأزياء التنكرية /المحاكاه للرسوم المتحركة أو الأفلام القديمة مثل /  **  ** و الخنبّقة إللي تحت لابد منها.., أصلاً وشهي الحفل من دونها..!!  أدوات خاصة للرسم على الوجه 1&5/ ألوان طبية خاصة للرسم 2/ فرشة وإسنفج لتوزيع الألوان 3/ أساس لتوحيد لون الوجه أولاً ثم لتثبيت الألوان 4/رسوم جاهزة فقط إكشط ثم لوّن بالعادة العدة ذي تجي مع بعض., البديل لها في حالة وشسمه "مفلسين " التاتو الجاهز.., عند محلات أبو ريالين أشكال وألوانوالبديل الأكثر ترشيح علبة مكياجك الخاص لأن وبكل بساطة مهما إشترينا مُستحيل نوصل للمستوى ذا <-=إنتي داخله تكتبي موضوع ولاتحطمي..؟! 7 7 7  ** لايفوتكم بس إللي مرسوم على رقبته فمّ وحش ..!!والله ياإني تنّحت قدامه في البداية ماعرفت راسه من ساسه .. وبعدين إستوعبت وشلون يرسمون زي كذا بس..!! أخيراً  حفل خاص للأطفال العام طنّقرت مع الوالدة الله يخليها ويطول بعمرها إلا تسوي حفل نجاح لأحفادها هي تبي حفل نجاح يعني انا أكرف لين أعضّ الأرض : ( هي تبي حفل نجاح يعني بنثبر يومين بالمطبخ وهات ياطبخ كل الأكل بيكون من سوات أهل البيت مافيه شيء من برا هي تبي حفل نجاح يعني اليوم المحددته هي ..,مشواري انا وصديقاتي راح يتنكسل وأختي بتاكل هوا طيب وشّ الدبره..!! جلسنا فترّه نقنعها إن الحفل بس يكون خاص لعيال عيالها .., يعني عيالها برا على برا لأن ماعليش هم مرّه زحمة .., قبيله بحد ذاتها <-=ياحقيره تراهم أخوانك من باب إنه أحسن وكذا ياخذوا راحتهم أكثر وبنسوي لهم وبنفعل لهم وبنخلي لهم و و و لين ماالحمد لله وافقت وكانت العزيمة "لو سمحتوا بس عيالكم يشرفونا غيره مانبي "_"طيب انا" لا ماعليش ماينفع..! وش كان الحفل..!! كل شيء محرمينه أهلهم عليهم جبناه لهم أول شيء البيبسي وبعده البايسن .., ثم الليز ..محرمينه عليهم ليه ما أدري..!! ووجبات سريعة من ماك وكل البلونات وتوابيع التزين ., وبوسترات ملصقة بعشوائية بكل مكان .., وأكبر شاشة تلفزيون وهات يا أفلام فديو كرتونز ., والسوني كانت مهجده لنا المراهقين منهم والشغالة تراقب عليهم وإنتهت السالفة هم إنبسطوا واستمتعوا... خصوصاً انهم إنغمسوا في المحرمات أنا خرجت ودجيت ., أختي إفتكت من سالفة الطبخ والأهم الوالدة تحقق طلبها وسوت لأحفادها حفل نجاح قال وشو قال إنتبهو لهم ولاتغفى عينكم عنهم إيه طيب الله يخلي " بس  الحين أقرب بقالة فيها توابع الحفلات إللي ممكن تستخدميها بإحياء "صحّ ياإحياء" حفلات بسيطة صغيرة للأطفال تعجبهم وتبسطهم وش ماكانت ..,بعيدة عن نقّورة الأهل وتسخطهم وفيها هه تنال على إعجابهم ولا لاولا من نص الحفلة تطلع لك وحده "لاااااا عيالي مو متعودين ياكلوا كذا ولا كذا شيلي عنهم " <-=تعاني وبقوه أيضاً متواجدة وبكثرة التطقيمات إللي على هالنمونة   تفكّ أزمة ., وحلوة وبأسعار متفاوتة وبتحسّس الموسوسين "البزران" إنهم عايشين معهم .., غير عنّ كذا تحفظ لك مواعين المطبخ عن الكسر وأعصابك عن التوتر _الناس الرآيقة مرّة مرّة والأبتكار يلعب بهم لعب يدعموا الحفل بألعاب ومسابقات ومسرحيات مثل البتاع ذا  **  قالت أختي خلّنا نسوي كذا .., رديت عليها / والله انهم مايستاهلوا هذا واحد غير عنّ كذا مالها داعي تلقيطت الوجه لاني عارفة من أول السالفة بيسحبوا علينا جيل التكنلوجيا خلني عند صديقاتي بس "وه بس مابغيت أخلّص" موضوع مثل ذا المفروض ينزل منذومُبطي _شخباري ياااه _والمفروض ينزل أشمل من كذا.., لكن عرف يلعبها صح السيد فتو مدري وش فيه مهنّق وكل الأعمال إللي لسّى ماقضيت منها عطبها عموماً فيكم الخير والبركة والموضوع منكم وإليكم و .. <-=برا قبل لاتكملينها
آخر تعديل شموخ المعالي
في 04:33 PM.
|
||||
|
|
|
02-07-2009, 02:17 PM
|
|
||||
|
مرشدة سياحيّة
|
وش هالإجرام ؟ , وش هالتقدييييييم ؟انسجمت مره كنّي اتفرج على كتالوج ..
آخر تعديل Moment
في 03:23 PM.
|
||||
|
|
|
02-07-2009, 02:35 PM
|
|
|||||||||||||||||||
|
Fluido de la lengua
|
واسعد الله وقتكِ بالسعادة والرضا والسرور
يابعدي جاء الموضوع في وقته  انا من قبل كم يوم افكر اسوي حفلة صغيرونة لخواتي وكذلك بنات عمي بما انهم خلصوا اختبارات،فقلت بسويها أن ربي اراد بعد ماتطلع نتايجهم مرة وحدة ومنها تكوني اختي اللي بثالث ثانوي اختبرت القدرات وتنبسط معنا..بس ماادري وش اسوي هل اخلي الحفلة العصر وتكون بسيطة مرة أو اني اسويها عشاء ونسهر مع بعض ونفلها  .فأبي أقتراحاتكم لاعدمت هالخشش
|
|||||||||||||||||||
|
|
|
02-07-2009, 03:11 PM
|
|
||||
|
الأم الروحية للأسرة
|
.. الله لا يضرتس ع هالشغل المرتب ولا تعبتي ..بما ان الموضوع تفاعلي ف راح نبسط هنا ولا راح اتكلم عن كل شي مره وحده بس بهالرد حبيت اتكلم عن شي صار من اساسيات الحفلات الفترة الاخيره .. ال cupcake طبعا من زمان الكب كيك معروف لكن بالفترة الاخير بدأو العالم يبدعون فيه ويتخصصون فيه  وخلوني اعرض لكم بعض ابداعات البنات حفلات التخرج    حفلات للحوامل  هههههههههههههههههههههههههه كيوت بقوه   حفلات الزواج والخطوبة   حفلات الأطفال         من يب ياكلهم ذولا يروعون حفلات مدري وشو     |
||||
|
|
|
03-07-2009, 01:05 AM
|
|
||||
|
من شيوخ الحارة
|
 ..~وش ذا كتبت الرد مرتين ويطير ليييييييييه !!!  ماشاء الله ابداع وموضوع بوقته على اني معزومه بكذا زواج بس مزاجي ابد ماله خلق زواجات  وبعد مافيه حفلات تخرج زي الناس كلها انواع الرسميه  انا مشتهيه جمعه بنات ..طلعه بنات بس بنات مابي لاكبار ولامبزره توني جايه من فن تايم بيتزا ومسوين حفله لولد خالتي والله ياراسي صدع بزران وحوسه بس حضرت لخاطر خالتي تبينا نحظر وكان وناسه للمبزره بس انا كل شوي ابلع بندول واناظر ساعتي متى بس نطلع ماخذين ساعتين بس جد كان توب يعني فيه مهرجين وكذا اشياء للمبزره حنا كنا جالسين وخالتي كل شوي تعتب عليهم ..هي افضل من البيت بس انها اغلآ واكلف بس قسم تريح الواحد من حوسه المبزره والصجه بالبيت بالنسبه للبارتي وجمعاتنا حنا يالبنات نادر مانجتمع بالبيوت عاده ان طلعوا اهلنا بإسترحاه وكذا ويالله نفل امها ....طق ورقص واستهبال  ..عاد مره فلينها +خربناها اتفنا 4 بنات نلبس ثياب ونتلطم بالشماغ و4 بعبياتهم وكل وحده مع خويتها وجلسنا نستهبل عند الحريم جد كان هباااااااااااااااال والله اني قلبت ولد ذاك اليوم بس خربوا علينا الشباب طبوا قالوا وجع من هاللي عندكم ؟! حنا يالعيال يااننا تصرقعنا انا من الخرشه فصخت الشماغ لاتسأليني ليه ..مدري ببين لهم اني بنت ماادري ماادري بس نطت علنا مره خالي وقالت هذا تشبهه ومن هالكلام ورحنا وفصخناه بس وقسم وناسه تكونين ولد .. وبعد مره بالاستراحه كل حرمه تقط 100 والبنت 50 وجبنا ملعب صابوني وتقسمنا كلنا يامعشر الحريم ل4 قروبات وكل قروب وله لون ونلبس تي شرتات خاصه بالقروب زي القروب الازرق ..الاخضر فهمتي ..وبعدها نسوي قرعه كل قروبين يلعبون ضد بعض نلعب كوره بالملعب الصابوني تخيلي خلينا حد القيم هدف ..القروب اللي يسجل هدف هو الفايز مافينا نلعب اكثر تكسرنا من الطياح ..وبعدها تاهل فريقين وخلينا حد القيم 3 اهداف نزيد الحماس شوي  ..والقروب الفايز وش جائزته .. ؟انهم مايدفعون من القطه متخيليه !!..يعني انواع الحماس باللعب كل وحده ماتبي تدفع بس والله ياهو تكسسر .gif) ..انا اول مادخلت قلت لحد يلسمني ولحد يقرب مني ولحد شوتني ولايكسرني  وتوني بلس نظارات سباحه عشان مايدخل بيعوني صابون الا وهم ساحبيني ودافيني لنهايه الملعب بس وناسه تزحلق موب طبيعي ولا نكون 5 بنات متمسكين مع بعض وهات ركض واخرتها تزحلق ولا اللي تتكرفس قبل ماتوصل هذا غير الحريم اللي طبت بجلابيتها ولا اللي خذت لبس بنتها شي شي ..!وبعدها خلينا الشغالات يعبون بلونات صغيره بالمويه وهات ترجيييم انا مير لزخوني بظهري بغيت اطير من الوجع وكمان فيه نطاط جلسنا ننط فيه وبعد جايبين مكينه فشار +مكينه آيسكريم + مكينه شعر البناتيعني ملآلآلآلآهي هذا غير كل وحده جايبه طبق حلآ فطاير الخخخطيب مرات حنا يالبنات اهلنا معزومين لزواج بنت خاله جده ام عمه الخخخ يعني زواج بعيد وماعزموا الا الامهات والبنات معطينهم ركبه والبيت مافيه الا حنا بنات والطفش ذابحنا لانقدر نطلع ولا شي وش سويينا  ؟!رحنا نادينا الشغالا وشغلنا المسجل وقلنا لهم يالله ارقصوا ! ورقصوا تنكسوا علينا وحنا بعد رقصنا معهم والله ياجنوبي تمزعت من الضحك يعني تحسين فيهم جوع رقص ..بس والله كان وناسه بجد ماغير ضحك ورقص وكانوا يمكن 10 شغالات الاندنوسيه والحبشيه والفلبينيه وحنا معهم جنسيات متعدده !انواع الضحك والهستره بذاك اليوم بعد لو كنتوا نايمين عند بيت جدتك ..وجاء الفجر يبدأ التحشيش نطلع للحوش نهجول شوي نلعب حبشه نتسابق ونروح للمطبخ نسوي قهوه ..قهوه الساعه 2 الفجر مستوعبه ! وندق على واحد من العيال نبي من البقاله شوكلت وآيسكريمات وماالى ذلك لزوم السهره ..الصباح فيه بعضنا ينوم والباقي لآ وانا منهم ننزل تحت ونسوي فطور نواشف ونجلس نفطر مع جدتي الله لايخلينا وتجلش تقول وجع مانمتوا  !! ان كانت جدتك بتروح تسير على ام صالح ام محمد روحي معها ..ولاخذي جدتك وروحوا سعسعوا هالصبح !مري الفوال الخباز روحي معها السوق الصبح ابو ريالين ابو خمسه منا ولامنا وبثث هذا مافي شعبتي وان ذكرت شي اكيد راجعه اضيف اذا ردي مخالف احذفيه احسه سواليف وهذره ~..
آخر تعديل رَؤود ,
في 06:07 PM.
|
||||
|
|
|
03-07-2009, 09:08 AM
|
|
||||
|
توه ساكن
|
أنا ما عندي وقت ........  عندي هذره زايدة ولو ما أقول الحين يطير في راسي برج .. تسمع بالتهديد ....... انا با تكلم عن ليلة الحنا ....... من ما يعرف الحنا والتجمل به أما العروس فهي طبعا بتكون الأحلى في عرسهاعشان حناها الغاوي ...بس خلونا نسيرونشوف الحنا وقصته ...الحناء من أهم معالم الزواج في المجتمعات الخليجية والعربية كافه فالحناء من أساسيات زينة العروس ولذا فقد اكتسبت ليلة الحناء وهي الليلة اللي تسبق يوم الزفاف أهمية كبيرة إلي المرأه الخليجية فقد كانت هذه الليلة في السابق تتم باجتماع أهل العروس وأقرب النساء إلي العريس كوالدتة أو أخته فقط تقوم العروس بارتداء ملابس ليلة الحناء.... ليلة الحنا على العذراء سعود****نورها مثل البدر والعين سود نورها مثل البدروسط السما**** معوّدة بالله ومحمد رسول السما ليلة الحنا على العذراء إبهنا****** نالت العز والسعادة والهنا ربي يحفظها عن عين الحسود*****عينها مثل النجم بنت الدلال طبعا اكيد المميز في هذي الليلة هو الحنا ء وهذي صور له   وبالنسبة للأزياء فالساري الهندي هو أكثر زي ملائم لأجواء الاحتفال بها        طبعا أختي لما سوت الغمرة ( ليلة الحنا) انزفت على أغنية هندية وطلعت حاجة جناااااااااااان الكل صاير كذا  ... بالنسبة للتوزيعات .......         وبس هذا اللي قدرت اجمعه .......
آخر تعديل شموخ المعالي
في 11:15 AM.
|
||||
|
|
|
03-07-2009, 04:19 PM
|
|
||||
|
توه ساكن
|
من اكثر الحفلات اللي لفتت نظري كانت حفلة تخرج لصديقة لي وكان الثيم فيها حفلة تنكرية ..مو بس باللبس ..لازم الشخصية أو التنكر اللي انتي لابساه تتقمصينه لنهاية الحفلة من ناحية اسلوب كلامك ..المشية ..تعابير الوجه ..وكلو حتى طريقتك بالاكل ..ولك تتخيّلي المرح اللي بيصير لما اللي متقمصة شخصية طفل برضّاعة تقعد تزحف ما تمشي ..واللي لابسة بدوي لازم تاكل بيدينها ..واللي مسويه رجال تغلّظ صوتها والله الحفلة كانت ولا اروع ..يكفي العيارة وعدم التكلف اللي كان موجود بكل شي ..اهم شي نستانس  طبعا لي باك عواافي شموخ
|
||||
|
|
|
04-07-2009, 04:53 PM
|
|
||||
|
Fluido de la lengua
|
^ أكيد أني بسويها مفاجأة واعزمهم  أنا فكرت اسوي العشاء بالبيت وكذلك الكيكة كبيرة مثل اللي بالمحلات على معجنات ومشروبات والخ بس اللي انا متحيرة فيه وش الإهداءات اللي بقدمها،لأني أبيها ماتكون رسمية الحفلة؟؟! وتسلمي يالمستبدة على الرد
آخر تعديل عزّ القصيد
في 04:56 PM.
|
||||
|
|
|
05-07-2009, 05:01 PM
|
|
||||
|
رئيسة الأقسام الأسرية والاجتماعية
|
يسعد هالمساء / بخطم بكم سالفة دغري كذا ..,’ بعدين بقلبها مبكا من تالي / لا والله مو من تالي السالفة ذي قديمة مرّه بس قليل اللي يسوها المهم إنّ البنت من زود الفسقة إللي فيها تنزفّ مرتين "في حالة الزواج" المرّه الأولى / تلبس لبس العرايس زمان او عرايس الدول المجاورة"صح يالمجاورة"., وتنزفّ على 12 او 11 المهم بدري تجلس مع صديقاتها تنبسط ترقص وتطيّح إللي براسها بعدين / تخرج وترجع تلبس فستان فرحها الخاص وتنزف على 3 او4 .., طبعاً الكلام ذا منتشر وبكثره في الحجاز بحكم إنّ الفرح يضلّ إلى خمس الفجر مثل/ (1)  "المديني " لبس عرايس المدينة من ايام أول بعدين تطوروا وصارت العروسة تلبسه في ليلة الحنّا بس والفرح تلبس فستان ابيض أو ملون أقمشة المعروض / ذا غبية جداً ساتان  إنّ ماخاب ضنّي ..,الأساسي / يكون من الحرير الأصلي أو الشفون المطعّم بالحرير الرآس / يتلبس عقود فُلّ وعلى الرقبة عقود الورد المديني & الفُل الزفّة /على المجسّ المديني بوجود/ صندوقين حجمها كبير نوعاً ما.., تمشي على واحد ويتقدم الثاني قدامها إلى ان توصل للمنصة او الكوشة .., وبالعادة /تكون متبرقعة أو متلثمه بقطعة قماش "ياهمي عشان لاحد يشوفها قبل العريس "للحين فيه بنات تنزف بالطريقة ذي كزفّة اولى في الأفراح او كزفّة رئيسية في الغمّرة و لليلة الحنّا او سوابع الزواج (2)  "الزَبُوُن" برضه لبس عرايس المدينة من أيام أول زفّته /جداً شعبية يعني تدخل العروس وبدخلتها للحضور يدخل معها بنات صغار مرّه لابسين مثلها بس مُصغّر أو لبس مشابه له بس لونه أبيض يقدموا للحضور شعبيات سواء كان أكل شعبي أو مشروبات أوحلا شعبي أو حنّا أو / يدخلوا معها بنتين صغار لابسين مثلها يشيلوا لها الذيل لأن ذيله طويل مرّه مرّه زيّ حيل رايق وله بهجته والله (3)  " الزّي المُغربي "    حلاته / لو كانت الزفّة فعلاً مُغربية "تنشال العروس على حامل "وعلى ميوزك مغربي هو جداً هياط .., هياط هياط .., وينفع للناس إللي معهم فوبيا المجتمع لأن الحريم وبكل بساطة نظرهم بيتشتت مابين العروسه ومابين حاملينها ..وكل مين وهياطه عاد بس خلاص / المبكا /
ياجماعة ابي هدية رجالية مُحترمة جداً عندي إثنين من عيال أخوي واحد متخرّج من الجامعة والثاني من الثانوية وش تنصحوني أهديهم..؟! لأحد يجيب لي طاري التكنلوجيا تكفون خبركم الشباب لو يطقّ خيط بخيط في الأجهزة أشتروه |
||||
|
|
|
07-07-2009, 02:58 PM
|
|
|||||||||||||||||||
|
راعي محل
|
العيال هداياهم مشكله داايم مايمدييك تجيبين شي غريب مافيه الا نظارات شمسيه ولابوك ولاقلم ..الخ ان لقيتي شي غير ذولي علميني |
|||||||||||||||||||
|
|
 |
| الذين يشاهدون محتوى الموضوع الآن : 5 ( الأعضاء 0 والزوار 5) | |
| أدوات الموضوع | |
|
|
|
|
.
في بعض الاعراس يوزعون ع ناس وناس لا مدري ليه هالحركه الحقيره
