السلآم عليكم ..


اول شي : الشله طافي حيلها هاليومين قلت اوعيها بموضوع خفيف وماصل كودالناس تتحرك




في قاعه الامتحان .. تركت لمصبعي العنان ليآخذ لفه في خشمي عالسريع عشان محد يلاحظ وانا افكر واقول الحين ابو لهب من يومه صغير وهو فاسق ؟! وعبله هل كانت تدلع عنتر عنتوري ؟! هل للنمله اظافر ؟؟ هكذا بدأ مفعول الحشيش .. طلعت من الامتحان وعلى اقرب فوال .. وطبعا ما اترك الصحن الا وانا مالطه ملط الي يشوفنه يقول ماقد شاف خير طلعت وانا فالطريق .. طاقها رجليه طبعاً .. بدا مفعول الفول يشتغل معي واحس بطني يغاغي اتلفت يمين يسار .. مافيه احد قلللل بها وصلت البيت وانسدحت عالسرير ورفعت رجول وحده عاليمين والثانيه عاليسار الي يشوفني يقول فيه بواسير ذا قعدت اسرح واقول لو فيه شي يرجعني للزمن الاول وش ابي اسوي .. ما امداني افكر اعوذ بالله الا والوالده جايه .. قم جبلنا خبز يالله .. طيب .. واقوم والبس ثوبي ... جبت الخبز وانا راجع فالطريق .. سقطت سهوا في حفريه اعووذ بالله ماهيب حفريه خندق ذي لايخفى عليكم اعزائي القرّاء ان ظهري راح فخرايطها .. والتفت ابي اشوف وش الي طحت عليه وخرع ظهري !! والقا صندوق مغبر مكتوب عليه "" صندوق الاماني "" << محل عبايات ذا المهم قلت خلني اخذه واشوف وش سالفته فالبيت .. خذته ووصلت البيت يوم انفردت بالصندوق .. فتحته بشوييييش .. لقيته مثل نظام الكمبيوتر .. كتب لي هل انت ارسطو .. نعم .. اذا اردت الذهاب للعصر الاولي ارعص موافق واذا كنت ماتبي ارعص على ظف وجهك << عصبي .. رعصت على موافق .. فجاه كذا طلعت لي دوااامه كبيره .. مكتوب فوقها لوحه " ادخل يابعدي " .. دخلت وياليتني مادخلت .. ناظرت ملابسي لقيت نفسي لابس وزره ومنتف وحالتي حاله وخشمي مليص من المخاط الي فيه قعدت اتمشى حول القريه ذي .. جاني واحد وجهه كنه فرشه اسنان من كثر الشعر الي فيه قالي انت معي ام مع ابو لهب ؟! قلت : لا ابدا معك معك قال : اذا امضي في دربك .. قلت في نفسي عارف والا بعد .. يعني تبونه يسمعني علشان يعلقني بسري .. المهم مشيت مشيت لين ماتكسرت ضلوعي .. وقفت عند مكان مكتوب عليه "" حآنه القريه "" قلت ايييه مالي الا هنا اشرب وارقد واعوّد بيتنا ( ضامن انه بيرجع ) .. المهم دخلت للمكان والقا واحد يقاله ابو جهل هو الزاحف والنتيف حقهم .. وواحد اسمه ابو مغوار .. والثالث مدري من هو .. والرابع قهوجي الخمر حقهم تكيت في طاوله بعيداً عنهم .. وشربت مويه وحطيت راسي ..!


.
.



حسيت ان في واحد يهزني برجله .. فتحت عيوني بشويش والقا ابوجهل .. صار يهزني بمصبعه وانا على بالي انه يهزني برجله قال : ماللذي تفعله هنا يا ابن ال....... (سب امي ) قلت : تسب امي يالخنزير يالفيك ومافيك .. مادريت الا 4 انفار مكتفيني .. قلت اييييه رحن ملوخيه بالارانب .. قال ابو جهل تعال علمني قصتك .. واطلق صراحك .. قلت : اوكي ماطلبت شي .. جلسنا على طاوله ابو لهب .. وقال اشرب .. قلت : لا والله ما اشرب .. ونشب لي الاتشرب .. قلت امرنا لله هات .. واجغم واجغم لين حسيت اني ما اشوف الدرب قال ابو جهل .. يا ارسطو من اين اتيت هل انت من الباديه ؟! .. رديت وهرمون المصاله بدا بلافراز : باديه ولا صحن ههههههههههههههههه .. قال لي وهو ماسكن فيلتي ورافعني فوق : هل تمزح مع ياملعون الوالدين .. قلت : لا والله بس احاول انت وذالوجه الي كنه فخذ افغاني ( عشاني سكران ولا ادري وش السالفه ) .. واقعد اتلاقط انا وياه وبما اني معروف فالبديعه بالجفاسه .. ومايسموني الا الصعيدي .. طرحته ارضا نعم نعم لقد شوته وهو منبطح وقعدت اتفل عليه واشوته خذ هذه ياملعون الوالدين ومن السكره قلت اعطونا قدحاً من النبيذ ياشباااب والناس حوولي تقول : هيييييييييييييييييه عاش ارسطو عاش عاش .. وشربنا لين تاغرنا .. ورقدنا فالحانه .. قمت الصبح وقالو لي الناس انه وصل خبرك للوالي .. وانه يبيك ضروري .. قل ابشر طال عمرك والبس الفنيله العلاق واروح له .. دخلت عليه : هاه وش بغيت .. قال : اجلس هنا شوي .. قلت : قعدنا ( الاخلاق زفت ) .. قال نبيك تكون رئيس الجيش حق القريه وابيك تدرب السكان وتلعن والدين ابو جهل الي بدا الان يعد جيوشه بعد مامسحت به الحانه .. قلت ابشر وين الجيوش قال : شفهم ورا السور ( سياكل ذي مهيب جيوش ) .. وانزل لهم وآخذذهم واطلع بهم للقريه ونقعد نلف عالقريه وحنا نصارخ : عشاق ارسطو يجون .. بنقآآتل هالمجنون ( ملحنينها طبعاً ) .. وتجمعوا ناس واجدين .. وقعد ادربهم ومافيه الا كرف .. المهم وانا راجع في طريقي لبيتي الي صرفه لي الوالي واقابل ابو جهل .. واناظره عيني في عيني ولا نزلتها .. لين كسر عيني ودمعت عيوني قال : ساريك يا ارسطو يا ايها الصعيدي .. قلت : نشوف الوعد جبل احد ( تاكي فحارتهم ابو الشباب ) .. قال : نشوف انت وذالخشم الي كنه كولا قزاز ( نتفني الوصخ ) .. وانصرفنا من المكان ورقدت وكان ينتظرني نهار عصيب جدا ... لدرجه انك ماتقدر تحك راسك من المشاغل والبلاوي الي تصير .. حطيت راسي ونمت !


.
.



قمت على صوت الخيول وصراخ الناس واقول والبس واطلع بسيفي .. والقى ابو جهل مولم جيشه ويقول بأعد لين خمسه ان ماطلع ارسطو بأدخل ( لاحظتوا كيف الفقشه ) .. قلت انا هنا ( وطلعت السيف من غمده ) والي ابن امه يقرب لهالديره قسم بالله لا اقص راسه .. سكتوا كلهم وسكت ابو لهب والعالم .. والوالي يطل من الدريشه ابوجهل قال انا بأنصرف الحين من القريه لاكن يجيلك يوم يا ارسطو .. ونزل مسجل من الخيل وشغله وحط اغنيه جواد العلي : يجيلك يوم تندم على ماسوي .. واقول منك لله يكفي انا مليت وراح من القريه الاهالي قاموا ينططون فرحانين بالي صار .. وقفت انا قلت ميد هاشم ( واحد من المساعدين ) .. قلت له هاتوا المنبر فيذا واجمعوا اهالي القريه كلها .. بعد 6 دقايق اهالي الققريه كلهم مجتمعين وصافين ومنتبهين .. صعدت فوق المنبر .. وقلت : مايصير هالكلام ياناس .. ابو جهل قاعد يهددنا ومسوي نفسه عنتر وحنا ساكتين وراكم فاكين خششكم .. اسمعوا زييين .. خلونا نتغدى عليه قبل مايتعشى علينا .. من بكره ابي الجيش وااالم وكل الاهالي يستبسلون فالقتال بنطب على ابو جهل وبنرجع حلال والينا وبنته .. جهزوا الجيش وبدينا بالتدريب والكرف كرف مهوب طبيعي ابدا .. يوم جا الليل دخلناهم في قصر الوالي .. عاد تعال شفهم في قصر الوالي لحووووج وقسم بالله لحوج ماقد شافوا خير اعوذ بالله الي راح للمطبخ يزرف له اكل والي يدخل عالوالي يبي يزرف خواتم .. والي مسك الحمام ما عاد طلع اتعب وانا اقول لحووج .. الفجججججر ! الساعه الرابعه .. جهزنا الجيش وسخنا ( كوره ) .. وصفينا .. وسرنا لقريه ابو جهل ومن معه من سرابيت الجاهليه وحنا فالطريق وقفنا عند بير ووقفنا نتغدا .. ونترس بطوننا .. بععد الغدا وهقنا واحد من العيال الله يصلحه وجاه مغص اييييه تأخرنا على المعركه وذا تاكي ورا الشجره ويمسك خط .. لين ماخلص مشينا عنه يوم شافنا مشينا عنه لبس صرواله بسرعه وهو يركض ورانا ( بعد لبسه كله ) يوم وصل لمنا قلت له نظفت الخارج من السبيلين ؟! قال : مهوب لازم بس اركب ومشينا وهو مخيسنا الله يقرفه .. وصلنا لحووود قريه ابو جهل .. ومن معه .. بدينا بالتخطيط ووضع توقيت الهجوم وتوزيع الفرق ..!


.
.



خطتنا اننا ندخل الى مركز العااصمه .. وفرقه مكونه من 4 فرسن تدخل على ابوجهل وتجره لي جر الكلب واالي دخول لمركز لقريه ينتشرون شمال جنوب شرق غرب وحددت كل ناس في جهه .. وناس عالحدود عشان ماحد يطلع .. واول مانطب للسور وندخل كلنا ننسكر السور ( باب كهرب ذا ماعاد هو بسور ) .. و8 فرسان متنكرين بزي قرويين ليجرون لي ابو لهب اذا ماجروه ذوليك وان كانوا جروه ذوليك يجيبون لي واحد من كبار الشخصيات فالقريه ( اعجبكم ) .. والتوقيت " عندما تتعامد الشمس حدر الرمح فالنص الشمالي .. دقت ساااعه الصفر.. بدالتنفيذ واشوف الحمااس عليهم كلهم .. واقتحمنا اسوار القريه .. وفرشنا كل المواطنين .. ومسكنا ابوجهل .. ورجعنا بنت الوالي .. وخذنا ابو جهل معنا اسير .. والمواطنين الباقين خيرناهم بين الحرب او الدخول معنا .. فاختاروا الدخول معنا تحت شعار " ارسطو الفحل .. سآدح ابو جهل " .. ورجعنا وحنا رافعين راسنا فوووق .. مبيضين الوجيه وفرح بنا الحاكم وفرح ببنته .. قال : ابي احطك مستشاري وقائد الجيوش الجراره في دولتنا قلت : لا والله انا بأرجع الرياض وراي عطله يوم شلت اسفاري واروح لم المكان الي فيه الصندوق وافتحه والناس تصيح ويقلون : نحبك يا ارسطو .. يافحل الديره .. فتحت الصندوق وقال مافيه رجعه قلت باللهي رجعني .. قال امزح معك ياشيخ ( يامصلك يالبثر ) .. ورجعت للرياض نفس ماكنت ومبلابسي الي كنت فيها قبل ما اروح ونفس كل شي .. الوضع طبيعي جدا جدا .. وعشت ايامي عاديه .. وبعد اسبوع وصلني ايميل يقول انا والي ذيك القريه الي جعلتها تنتصر .. حبينا نشكرك شكر جزيلاًً ً ً ونقووول نحبك يالفحل وابشرك ترانا ركبنا دي اس ال فالقريه وشف المرفق .. فتحت المرفق والقى الاهالي وهم يرسلون قبلات وكيذا .. ولا عاد جالهم طاري بعدها ..

مايستفاد /

- ارسطو قوي جدا حتى مكتوب على جبهته "" ممنوع الاقتراب ""

- فكر زين وخطط قب اي معركه سواءً في حياتك او في اي شيء ..

- الموضوع ناتج عن مصاله فيني لذلك الي بقول ماصل لا يتعب نفسه لاني عارف من زمان ..!

- الموضوع كاتبه عالسريع والوالده فوق راسي طبعا الحوارات ما امداني الونها .. والاخطاء الاملائيه واجده .. لكن العذر والسموحه .. وماراجعته بعد << الله من زين الطبايع

الصعيدي ارسطو

.
.