صبحكم الله الله بالخير تسانكم داخلين موضوعي صبح ومسلخير تسانكم داخلينه بتالي الليول ..
السلام عليكم شلونكم ياربع الآسرة عساكم بخيرين ..




اليوم نحتسي انا وامي عن هالحريم اللي كنهم ماتعبو على عيالهم ولا حملوهم تسع شهور وولدوهم بالحسره يوم انهم يدعون عليهم دعاوي شينه من كثر ماهيب شينه يمغصتس قلبتس .. وحده زوجت ولدها وويوم اعرس وتسذا مااش ماهضمت مره ولدها على ان مره ولدها حبيبه بس مابغتها هالعجوز المهم انها قبلها تدعي عليهم لدرجه ان مره ذا الولد تقول مره كنا متولمين بنسافر بالسياره تقول يوم جينا نسلم على خالتي ام رجلي ونقول لها مع السلامه يمي قالت قولوا آمين جعلهم يجيبونكم لي بكراتين ميتين .. تقول الحرمه انا انهبلت قلت ميد رجلي خلاص هونت منيب مسافره خاف تستجاب دعوه امك .. قال يابنت الحلال موب جاينا الا اللي ربي كاتبه وحب راس امه وركب السياره ومشى ووصلوا ورجعوا بالسلامه الحمد لله ربي رحمهم ..

المشكله ان ذا الحريم لين صالت على ولدها بدال ماتقول الله يصلحك الله يهديك تقوم تدعي عليه وحده من اقرب الناس لي راعيه دعاوي الله يهديها بس ياتجيني ضحكه لا دعت على عيالها عليها دعاوي تفطس من الضحك .. مره دعت على ولدها وقالت جعلك العنقز اللي ينقز بك تنقيز وصدز مامر شهر الا وهو جايه العنقز ومن قوه ماهو يحرر والله انه يرقى وينزل من حر مايونس تقول اخته ماهقيييييت به يرجع لنا صاحي توقعت عقله يروح من الخذرفه اللي جته .. اييييه الله يحلل دعاوي ذي عند بعض الناس واحد يقول ان ولدي قاعد عند التلفزيون يتفرج واقول له قم ياوليدي جب لي مويه قال طيب شوي قال قم جعلك الوجع صادفت باب مفتوح واستجابت الدعوه جااه شي في بطنه بغى يموت منه وجع متواصل ..

جعلك النقاز جعلك الطاعون جعل امرالله يمحط بك روحه بلى رده
--> ذذا الدعاوي مسسسسستحيل تجي من قلب ام الا الا وهي معصبببببه مره ميب في وعيها صدقوني لو هي في ووعيها مادعت على شعره قليبها ..
اقرب مثال عبد الله بانعمه اللي انشل شلل كامل من دعوه ابوه يوم يقول له الله يكسر رقبتك وفعلا انكسرت رقبته وانشل بس صارت خيره له هالدعوه صار داعيه معروف .. وينصح الناس ويعلمهم مايسلكون الطريق اللي سلكه وخلى ابوه يدعي عليه ..
ام محمد تقول انا كنت ادعي لعيالي دايم ان ربي يصلحهم ويهديهم ويحفظهم ويرزقهم برزقن ماتحروا به تقول سبحان الله كبروا واستجابت دعواتي كلهم ربي مصلحهم .. بس مشكلتهم ولا واحد فيهم يرفع علي السماعه ويقول شلونتس يمه ولا حتى يحب راسي ولا يجيبني ولا يودني قال لها الشيخ انتي تدعين لهم بس ماتدعين ان ربي يرزقتس برهم ادعي لهم مااقول لاتدعين لهم بس قولي جعلهم يبرون فيني ..

اشياء بسيطه ماتوقعون انهم بتصير مثل جعلك الوجع مااتخيلين انها بتصير بس محد يفكر الواحد لاعصب تنعمي عيونه وقلبه يقوم يدعي ولين مات ولدك والا صار له شي لاقدر الله تحسفت وضاق صديرك ولمت نفسك وشو عقبه عااااد ماينفع الندم ..

عاد بذا الاجازه تكثر الدعاوي .. من شقلبه النوم نهاركم ليل وليلكم نهار ولا صلاه ولاعباده ..
ذكرت ام وحده من البنات قبلها تدعي على الاب توب تقول جعله يكسر قولي امين ووهي تقول يمه تكفين استغفري هههههههههههههههه .. ترى ان انكسر بخليكم تشترون لي واحد جديد اسحبي دعوتس جعلتس بالجنه قالت خلاص سحبتها جعلهم يسحبونتس في قدر ذبيحه ويجدعونتس فيه لين تستوين ..
ترى ذا الموضوع دويتو بيني وبين اميمتي والله ماقول الا الله يصبرتس علي .. !
والله لايحرمني منتس يابئد هالدنيا .. بنتس التكرونيه صقيع عبدوو ..

لكم حريه النقاش ..
من كل العواير قصدي النواحي ..

مصقوعة بغضاره انتي شكل امك داعيه عليك تموتين الناس من الضحك
الحمد الله ان هذي الدعاوي صارت من عادات القديمين
وعندنا الحمد الله ماعاد تطلع إلاّ إذا اشتد الغضب
أمّا زمان كانو الناس يدعون على الطالع والنازل زعلان او راضي

مثلاً زي ما قلتي لما يطلبون من الولد شي ويقول طيب شوي .. يعصب الأب او الأم
وتقول قوم قمّه تقمك << إلى الان مادري وش معناها ولاّ يقولون كسر يكسرك
ولاّ إذا دخلتي على احد وانتي تمشين عادي بس ماحسو فيك وخوفتيهم صاحو
فيك افتلجو عقلك ولاّ خذو عقلك << طبعا من اللي افتلجه او خذه الجن
وعاد تجي باقي المصطلحات على حسب الحادثه ( شلّوك كسروك ) << طبعا وكلها دعاوي الجن يعني حرام .. بس كانو الناس جهّال ايامها

مصقووووعه تفزلي