 |
 |
 |
 |
 |
 |
 |
 |
 |
30-06-2009, 01:27 PM
|
|
||||
|
توه ساكن
|
وضحى في بآريس
 كيفكم ؟ ان شاء الله بخير دوم ياارب المهم طبعا ماعرف احط مقدمات عشان تسذا ببدا على طول خخخخ الشخصيآت : : وضحى <= وهي آنآ بس عاد لاتصدقوون ماهوب اسمي وماهيب مواصفاتي خخخخ بس بخرف : فتآة جميله شعرهآ خشن وشعرهآ دآيم منفوش وكل من شآفهآ قال الحمدآلله على آلعآفيه !: عمشه .<= مطلقه طبعآآ وجآلسه عند اهلها خخخ : فتآة رآئعه دآئمآ تلبس البرقع لكي لآيطلع وجههآ الحقيقي ويهجون آلعآلم .. آلموووهيم يوم جلسنآ وكآد آن يفجرنآ الطفش الممل قآلت وضحى وهي آنآآ : عمشه ليش مآنطس لبآريس ؟؟ عمشه : اسمعي يابنت الاجوآد ترى مآلي خلق آضحك وضحى : وانا وش قلت يآكآفي يالله عاد عموش بلا استهبال لاتوطى ببطنتس وش رآيتس تذلف فيذآك ؟؟ عمشه : يلا افتحي البآب وضحى قآمت تفتح عيونهآ تبي تبين آنهآ معصبه : اقول عمشه ياتبن بلا استهبال انا احاتسيتس صدز هآه نطس ؟؟ عمشه : انتي من جدتس الحين ؟ حدنآ منفوحه ويخب وتبينآ نطس بآريس ؟؟ من جدتس ؟ وضحى : لا من عمي وانا وش احتسي من اليوووم عمشه : وتهقين آهلنآ يوآفقون ؟؟ وضحى : والله يآبعد تسبدي مآهقيت يوآفقون عمشه : اجل وش لون تبينآ نروح علييك مخ وضحى : اقول هاه عااد عن الغلط لاسطررتس نروح بدون مآيدرروون عمشه : لا انتي اكيد انهبلتي وش بدون مآيدرون وش شآيفتنا وضحى : همآهم طآسين للشرقيه وش بيعرفهم ؟؟ عمشه : ايه وانتي الصآدزه اجل بنجلس اسبووع فيذآك؟؟ وضحى : آييه وانا اختتس يالله قومي جهزي شنطتتس وعبآتتس وهااه لاتنسين برقعتس ترآه آهم شي عمشه : وانتي لاتنسين مشطتش لاتنفك كشتس علينا ونتورط بتس وضحى : اقول اها بس يالله ضفي خشتس عمشه : اقول وضحى يالخبله وضحى : نعم ياذكيه عمشه : من وين نجيب الفلوس والتذآكر ؟ هههه وضحى : افاا عليييتس فيه صندووق فيه فلوووس وذهب بناخذ الذهب ونبيعه ونشتري به تذاكر والتذاكر بتصل على صديقتي اخوها يشتغل بالمطار نخليه يحجز لناا عمشه : اووخص مدبره كل شي وضحى : افااا عليييتس يالله بس مشيييينااا نجهز شنآطنآآ ورآحت كلن منهما يرتبن ويجهزن شنآطهن <= يمديكم على التعبير !! وضحى : عمشووووووووه عمشه : هاااه وضحى : وجع يوجعتس هذا وانا بوديتس معي لباريس تخاويني عمشه : اقول اخلصي بس وش تبين وضحى : يالله مشينآ عمشه : مع مين بنروح وضحى : آلله يخلي التآكسي عمشه : هااو بدون محرم ؟؟ وضحى : عاد وش تبينآ نسوي هااااه تبيناا نروح على رجلينآ عمشه : ايه وش فيهآ وتجي وضحى وترفع كمومهآ وتجهز النعله الله يكرمكم ، شوفي ان ماطلعتي الحين قسم لآتوطى ببطنتس واخليتس تعرفين ان الله حق ولبسوآ عبآيآتهم وركبوآ آلتآكسي وكآن آلتآكسي هندي وضحى : السسلام عليكم .. الهندي : لآرد بس يهز رآسه وضحى : هااو ياكافي ورآه ذآ مآيرد السلام تهقين آنه آطررم مآغير يهز هالرآس اللي كبر جدي عمشه : آقول وش رآيتس تركبين موب آحسن لتس وضحى : ان شاء الله على هالخشم اوآمر ثآنيه عمتي ؟؟ وركبت وضحى وقآموآ يسولفون ويخططون وش يسوون ببآريس ويوم وصلوآ المطآر وضحى : هذا مطآر ولا قصر عمشه : تهقيين ان حنآ مضيعين نحسبه مطآر وجآيين لقصر ؟؟ وضحى : هآو وآلله مدري وانا اختتس وكآن يسمعهم وآحد وفآطس ضحك كآنه يقول وش هالقرآوى ؟؟ ويوم ركبوآ الطيآره طبعآ الولد ذآك آسمه منآحي وكآن بنفس الطيآره معهم .. وهم يركبون الطيآره وضحى : عمشه وانا اختتس انتبهي تطيحين وينفك برقعتس الا تعالي وشوله لابستن هالكعب رآيحتن لعرس آنتي ؟؟ عمشه : اقول آنتي وش دخلتس فيني ترآني عطيتتس وجه امشي بس وآنتي مآسكه لسآنتس وضحى : لا بس حبيت آقولتس وانا اختتس عمشه : هاهاهاها ويوم كل وحده جلست بالكرسي كآنت عمشه جنب الشبآك ووضحى جنبهآ وورآهم منآحي يوم جآت المضيفه . المضيفه : عآيزين حآقه <= يقطع ابو اللهجه ! وضحى : هااااو عمشه شوفي ذي ياكافي فآتششه اللي مآتستحي وش تحس به ؟! عمشه التفتت : اي والله وانتي الصادزه انتي يامره ورآتس فآتحتن هالشعر هااه عيب عليتس منآحي : يابنت انتي وياها هذي المضيفه اللي تدور وتشوف وش تبوون <= يمديكم على الششرح اللي مثل خشته !! عمشه : وانا احتسي اقول ذي مو غريبه علي <= وين شآيفتهآ ؟؟ وضحى : ايه وانا اختتس لاترقعين بسس باين عليتس انتس قرويه اركدي بس عمشه : وش تبين من حيآتي ؟؟ وضحى : اقول اكرمينآ بسكوتتس بسس ، المهم يآمره نبي قهووه وشربوآ قهوه ونآموآ وكل وحده رآسهآ فوق آلثآنيه .. ويوم قآموآ الا ووهم يشآهقوون عمشه : وش بتس ؟؟ وضحى : الله يفشلتس قولي اميين شوفي خشمتس طالع غطيه لاجلدتس من زينه الحين عمشه : اقول اسكتي بس شوفي شعرتس الطالع اللي كانه ليفة موآعين بعدين تعآلي حآتسيني ويسمعون ضحكه ورآهم وضحى : خير يالاخو وش يضحكك ؟؟ منآحي : ههههههههههه عمشه : اسفهيه الله يشفيه يآرب منآحي : هههههههههه وضحى ترفع يدهآ وتقول : الله لايبلانا الله يشفي هالولد يآرب منآحي : هههههههه ويوم نزلوآ من الطيآآره وشآفوا بآريس وضحى : وآآه يآتسبديه بسسس شوفي بآريس موب منفووحه وآه بسس يآتسبدي تسبدآه عمشه : اسكتي فضحتينا وش بيقولون عننآ النآس وضحى : آقول ضفي خشتتس بس ابي اعبر عن مشآعري عمشه : طيب ياام المشآعر امشي نروح للفندق رجيلآتي تكسرت وضحى : الله يصبر الارض بسس وبينمآآ هم يمشوون آذ وضحى شآفت الاشقر المزيوون وشوي وبغت تطيييح وضحى : عمشوووه عمشوووه عمشه : تراني جنبتس مانيب بالسودان قصري صوتتس فضحتيناا وضحى : ياويل تسبدي شووفي هالمزيووون موب زي منفووحه كلهم شعوورهم مليانه زيت وذا يلمع وه بس عمشه عطت وضحى كوووع وقآلت : سلامااااات وينآ فيه تتغزلين فيه قدآمي استحي على وجهتس يابنت وضحى : برووح له عمشه فتحت عيونها على الاخير : هيييه صاحيه انتي وين وين وش تروحيييين يابقررره ووضحى سفهتها ورآحت له وضحى : لو سمحت اسكيووزمي <= خخخخ دجه بالعنقليززي لاحد يتششره الاشقر يلتفت ويبتسسم ذيك الابتساامه اللي خلت وضحى تشااهق من الفرررحه الاشقر : وآت ؟ <= خخخخخخخ وضحى : ممكن نتعرف؟ <= آمحق خخخخخخخخ الاشقر وعلامة الاستفهامات فووق رااسه وضحى بنفسهآ والله اني بقره وش لون يفهم حتسيي وضحى : وآتز يور نييم ؟؟ الاشقر بأبتسامه تشق الحلق : جوووزيف <= خخخخخخخخخ وضحى : ياويييييلتس ياوضحى حتى اسمه يخقق الاشقر : آند يوو .؟؟ وضحى وهي ترمش بعيونهآآ : وضحى !! وجات عمششها وسحبتها مع برقعها وقالت : ووجع ياحماره عجزت وانا ادورتس تكسرت رجولي فشلتيناا الله يفشلتس وضحى : خير ليش تنافخييين ابي ارررجع له بشووف كم عمره خخخخخ عمششه : والله محد بينكبنا بهالسفره غيرتس وبعدين تعالي احنا جايين نغير جو ولا نتعرف ؟؟ وضحى : خلاص خلاص لاتصيحين عليناا يالله مشينا نتمشى عمشه بأبتسآمة نصصر : يالله ووقفوا عند محل كوووفي عمشه : لووو سمحت لووو سمحت عمشه : وضحى شووفيه مايرد هالثور وضحى مآهيب لمهآ ماغير تهووجس بجوووزيف عمشه هنآ طلعت نخله براسهااا ماتعرف شي بالانقليزي ووتتحلطم وتقول : ياااربيه الحين انا مافلحت بالعربي افلح بالانقليزي ياربيه شسوي كله منتس ياوضحى مسويه تتفلسف وجايبتنا فيذا وشآفهآ وآحد سعوودي وقآل : تبين شي ؟؟ عمشه شهقت : انت انت منآحي ب ضحكه : هههه ايه اناا عمشه : انت انت الدلخ اللي كان معنا بالطياره ابو شوشه منآحي مسوي معصب : دلخ بعينك وهذا جزاتي جاي اساعدتس اشوف وش تبين عمشه : اسال ذا ابو راس وقله يجيب كابتشينوو لي انا ووضحى عجزت احاتسيه من اليوم وسافهني التسلب منآحي : ههههههههه طيب طيب وقآم وطلب لهم وشكرته عمششه منآحي : عمشه وضحى ممكن سؤال وضحى : هااه منآحي : ووشوووله جاين باريس وانتوا ماتدبرون شي حتى انقليزي ماتعرفوون وضحى : وووش عنده الفيلسووف عمشه : هذي مو فكرتي وضحى قالت خل نجي وجيت منآحي : وآنتي مع الخيل ياشقرااء وضحى : الححين انت وش دخلك نجي ولا مانجي لايكون اخونا واحنا ماندري منآحي : وجع ااكلتيني بلسانتس وضحى بصرررخه : ياويييييييييييييلي عمشه ومنآحي التفتوا وهم خآيفين : بسم الله عليتس وش فيتس وضحى : جوزززززيف يابعد درايش قلبي فديته هوو وشعره الاصففففففر منآحي : اختتس انجنت ؟؟ عمشه : تهقى .؟ منآحي : آقول هجديهآآ لآيجتمعووون الناس خذت عمشه وضحى وراحوا للبيت وانوااع الطقاق هنآآآك ووضحى كل يووم والحب ينموو في قلبها ههههه عمشه : آقوول وضحى وضحى : هاااه عمشه : انتي من جدتس تحبين هالاشقر ؟؟ وضحى : تصدقين عاد مدري عمشه : اقول لاتتعلقين فيه وبلا استهبال وضحى : آدرري خلآص بحآول آني آكرهه خخخخخ عمشه ترمي عليها الوساده : يالله بس نااامي بكره بنروح السووق × يووم جآء آلصبح × قآمت كل وحده منهم ولبست عبآيتهآآ وطلعوآ وفجااااه صوت صرآآآآآآآآآآآآآآآآآخ عمشه : يمااا وش تبووون خلونا بحااااالنا وضحى : الله ياخذكم من انتم ووش تبون منننا وآحد منهم : اقوول لايكثر وعطيناا اللي معععك الذهب اللي بيدك جيبيه وجيبي شنطتس وبوكتس وضحى : اقوول لايكثر وش تحس به انت عمشه مآغير ترررجف : وضحى عطيه عطيه اللي يبي ترا معه مسدس عطييه لايذبحناااا توني ب عز شبابي مآبي آموووت وضحى شوي وتصيح : خلااص خذ اللي تبي بس اتركنااا بحالناااا وخذوا كل ماعندهم وتركووهم وصاروا يطرطرون بشوارع باريس خخخخ وهذي نهآية كل بنت تروح وماتعلم اهلها  الفوآئد من القصه : انتس يابنت الحلال تركدين وتقضبين ارضتس وماتروحين لمكآن بدون شوور اهلتس |
||||
|
30-06-2009, 02:21 PM
|
|
||||
|
حقنه ومتنّح
|
هههههههههههههههههههههههههههههههههههههههههههههههههه ه اجل مسافرين بدون ماتعلمون اهلكم الحين يالبدويات انتي وياها يالطعوس ماقدرتوا تجلدون هذاك الي زرف شناطكم .. اخبر البدويه ماتخاف من شي .. واللهمسخرراكبين مع تكسي مااشاء الله ودعسينالمطارك طقت في راسكم ومشيا يابنات الوليد انتي وياها  هههههههههههههههههههههههههههههههههه ... المضيفه فاتشه وانتم فاكين خششكم جعلها الفكه .. عالعموم تقبلي مرري السريع ولي رجعه ان ماقرشعوه ..
|
||||
|
30-06-2009, 11:43 PM
|
|
||||
|
من شيوخ الحاره
|
المهم وانا اختس اذا تبين الصدز انت تحبين العيارة وهذا واضح في ذا القصة المستلقية في الاعلى,, بس انتس مااش يعني يبيلتس لفة على المواضيع المثبتة عشان تعرفين العيارة شلون تكون في الشلة.. قصتس ذي مهيب شينة بس ما مخمختي عليها, المفروض انتس شاربة وفاقدة يومنتس تكتبينها عشان تطلع صح,,وتطلع العيارة بها واضحة,, المهم تحملي يتقرشع ذا الموضوع ,, بس تحملي انتي لتس مستقبل,, |
||||
|
01-07-2009, 12:02 AM
|
|
||||
|
حضور سخي
|
. . حيّ الله وضحووووووه التقلووودة موب الحقيقية <<== فيس يدور على بنت صعفق  .. الحين وضييييح وعميش وش نططهم لباريس ؟! يعني كل ذي طفاقة .. طيب اهلهم بالشرقيّة ولمدة اسبوع بس !! اسبووووووووع !! .. ماجا في بالهم غير باااغيس .. والبلااا موب بالفكرة بس.. البلااا حتى بأساميهن خخخخخخخخخخ والله مايلوق عليهم الدشرة فيذاك  همن يومهم بالطيّارة وراا السنتهن طايلة والا قومهم من قوم بنات هالوقت  والله ماعندها بأطلق شنب تسولف وتضحك وتاكل بشراهة بعد وكل هالامور بعد مانطلت العباية وسط الشنطة .. لعنبووو وجيههن هم واهلهم .. اللي من عوائل معروفة .. ظنتي انهم من قوم وضيييح بالقصة وعمشوه .. بس يفرق بينهم وبين السملّق اللي اعنيهم انهم محافظات على براقعهن وبيّهن ...، الا تعالي صدز .. جوزيف وش صار عليه <<-- على وشك تخق معه لو تزيدين وصفه اكثر .. ومناحي ماحبته وضحى دام عمشه تقرقع قلبها على جوزيف ؟ .. اخبر القصص كلها ياتنتهي بالحب والزواج والا بالموت .. ووضيح ماماتت ولا تزوجت <<== ناوية ع آخرة البنت ..الله مير يرجووكي رجن موبرحااا  غرور .... لاحظت فيك شي حلووو ... عندك مصطلحات جديدة .. واسلوب حواري ساخر حلوو نوعاً ما .. القصة ككل حلوة لو جبيتها بشكل ثاني يعني لو تعمقتي فيها أكثر .. واعتمدتي على السرد اكثر من جانب الحوار .. كان طلع موضوعك جنااااااان يا درايش قلبي <<== ماتت من الضحك على هالمصطلح .. غرور ... بجد انتظر لك موضوع جديد بس اتمنى ماتتهورين وتنزلينه هاليومين حتى لو بعد شهر لاتنزلينه الا بعد ماتقرين اكثر من موضوع هناااا عشان تعرفين الاسلوب المطلوب واللي اقصده انا ( السرد ) ... وتدرين انه احلى شي لما تركزين على الردود .. كل ماقريتي شي وراااق لك ردي عليه بنفس الاسلوب الساخر اللي احسك رااح تضبطينه .. وهذا اللي اتضح لي من موضعك هذااا .. حتى موضوعك اللي تقرشع .. جيّد .. بس كان مطلوب منك اكثر غرور ..
 <<== لقلبك 
آخر تعديل طايرتن بالعجّة ..!
في 12:05 AM.
|
||||
|
01-07-2009, 12:13 AM
|
|
|||||||||||||||||||
|
ريّس الشله
|
ياسلام عليك ايوة نبي الردود عليها مثل كذا ،،،،، ردود تشجيعيه وحماسيه واخر شي نصح وارشاد ،،،، مهما كان هذي زميلتكم وتوها جديده ومدرعمه ويبلها من ينصحها ويعلمها تسحب الشفاط شوية وتهدي من المواضيع العصلا ،،، والي كلها حوراات وتضيح الي يقراء ،،،، عمشه محماس محماس عمشه تلخبطان وضيعنا نمسك الموضوع ،،،، لازم تعلومنها وشلون تسوي حوار وسيناريو وجرافتك وكراكات بلموضوع ،،، مواضيعها لازم الواحد يصير مثل الخفاش ويقراها من تحت لفوق عشان يفهم الموضوع بس لا تنسون النصح والارشاد في الموضوع تراها تستاهل |
|||||||||||||||||||
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
بس انهاجنان
نص ونص مو مرة
