|| عندك بحريه ياريّس ..!!

17-06-2009, 10:54 PM

.
.

مسا الخير ..

.
.

احب اقول من الحين ..

اللي بيسوي فيها لاعية كبده من شكل القباقب وبيقعد يتهزا لايكمل ..

طبعا موضوعي مافيه بس قباقب ..

فيه اشياء ثانيه ..

واللي موعاجبته القباقب لايعطيها وجه ويسحب عليها ويشوف الباقي ..

ماعلينا ..

ندخل بالموضوع ونشوف المنيو ..

.
.

[ بيتزا ] ..

.
.

.
.

[ قباقب بالجبن ] لعيون جوكره ..

طبعا لاتحسبون حبا في جوكره ..

بس هي تهددني من وراكم بالكلبشه اذا ماسويت اللي تبيه

( بالله جوكره ما ينفع تكون رتبتي خليفة مسيلمة الكذاب ) ..؟

.
.

[ French fish ]

مدري ليه كذا طلع شكله ..

.
.

.
.

[ دجاج صيني ] <- ان شاء الله .. الخياله كيف الحال ..؟!

.
.

.
.

[ باستا بالشبت ]

.
.

.
.

[ Ice-cream cake ] ..

.
.

.
.

[ مولتن الشوكولاته ] ..

.
.

.
.

BrB .. لحد يرد ..

17-06-2009, 11:43 PM

.

.

[ بيتزا ] ..

.
.

.
.

المقادير :

مقادير العجينه ,,

كاسين ونص طحين ..

كاس ماء دافي " مو مغلي "

ملعقه كبيره خميره فوريه

3 ملاعق كبيره سكر

بيضه

بيلة زيت ..

ملعقه صغيره بيكنج باودر

4 ملاعق كبيره حليب بودره

مقادير الحشوه ,,

طماطه وحده مقشره

نص فليفله

اوريغانو

فلفل اسود

3 ملاعق كبيره صلصة طماطم ..

بصله صغيره مقطعه مكعبات صغيره

شوية ثوم مفروم " اقل من نص فص " ..

شوية كزبره ..

ملعقتين كبيره كاتشب ..

ربع مكعب ماجي ..

ملح ..

.
.

المقادير الباقيه ..

جبن شدر مبشور ..

زيتون مقطع شرايح ..

فطر مقطع شرايح ..

.
.

الطريقه ..

طريقة العجينه ..

نخلط الماء مع الخميره والسكر ونخليهم مدة 3 دقايق بعدها نضيف باقي المقادير ونعجنها ..

ونغطيها ونخليها تتخمر مده تتراوح من ساعه الى ساعه ونص ..

.

.

نجهز الحشوه ..

ع النار نحط شوية زيت ونضيف له البصل والثوم لما يذبل ..

وبعدها نخلط بالخلاط .. الطماط والكزبره والفليفله ..

ونضيفها ع البصل ونضيف عليهم فلفل اسود والماجي والملح والاوريغانو والكاتشب والصلصه ..

ونحركهم لما تتسبك ..

ونرفعها عن النار ..

.
.

بعد ما تتخمر العجينه نكورها ونفردها ع صينية فرن مدهونه بزيت ..

ونضيف عليها الحشوه وبعدها الزيتون والفطر ..

مثل كذا ..

وبعدها نضيف الجبن ..

وندخلها الفرن ..

وبعد ماتستوي .. نقدمها ..

.
.

وبالعافيه ..

.
.

[ قباقب بالجبن ] لعيون جوكره ..

.
.

.
.

المقادير ..

قباقب

ليمون اسود

كركم ..

ملح ..

مقادير الصوص ..

جبن بارميزان مبشور ..

ملعقة كبيره جبن سائل ..

علبة قشطه ..

شوية بقدونس وكزبره مفرومه ( مقطعه صغار )

ملعقة صغيره خردل ..

فلفل اسود ..

شوية ملح ..

.
.

الطريقه ..

نسلق القباقب مع الليمون الاسود وشوية كركم لمدة عشر دقايق تقريبا ..

وبعدها نخلط مقادير الصوص مع بعض ( نخلطهم بالملعقه مو بالخلاط ) ..

ونشيل قشره القبقب ( جهة راسه ) ونحط شوي من الحشوه ..

ونحطها بصينية فرن ونغطيها بقصدير وندخلها الفرن لمدة تتراوح من ربع الى ثلث ساعه ..

ونقدمها ..

.
.

وبالعافيه ..

.
.

[ French fish ]

الاسم ماله علاقه بالطريقه .. بس كذا اخترت الاسم .. !!

.
.

.
.

المقادير ..

سمك " فيليه " ..

شوية ثوم مفروم ..

فلفل اسود ..

عصير ليمونه ..

ملح ..

فلفل ابيض ..

زبده ..

الصوص اللي فوق .. نفس اللي بالقباقب ..

.
.

الطريقه ..

نحط الليمون والثوم ع السمك وشسمه .. ندعك مدري نفرك الفلفل الاسود والابيض والملح فيه من الجهتين .. ونخليه يتبّل لمدة ساعه ع الاقل ..

وبعدها ندهن السمك بالزبده من الجهتين وونغطيه بقصدير وندخله الفرن لما يقرب يستوي نطلعه ونحط الصوص عليه من فوق وندخله الفرن مره ثانيه ..

وبعدها نحمره ونطلعه ونقدمه ..

وبالعافيه ..

" غلطتي هنا اني حطيت عليه الصوص قبل لايستوي ودخلته الفرن وشوفو كيف صار .. "

.
.

[ دجاج صيني ]

.
.

.
.

المقادير ..

صدور دجاج مقطعه مكعبات ..

بصل مقطع شرايح طويله ..

فليفله مقطعه شرايح طويله ..

جزر مقطع شرايح طويله ..

فطر مقطع شرايح ..

شوية زنجبيل مفروم ..

2 فلفل حار مقطع حلقات ..

4 ملاعق كبيره صلصه ..

ملعقتين كبيره شطة سومطره ..

ملعقه كبيره صوص صويا حلوه ..

ربع كاس ماء ..

مكعب ماجي ..

ملح ..

فلفل اسود ..

شوية بهارات مشكله ..

كزبره مفرومه ..

.
.

الطريقه ..

نسلق الدجاج مع ورق غار لمدة عشر دقايق بس عشان تروح زفرته ..

وبعدها نحط البصل والزنجبيل ع النار مع شوية زيت ..

وبعدها نضيف الدجاج مع الجزروالفلفل الحار .. ونضيف البهارات والفلفل الاسود والملح ..

ونقلبهم لمدة 5 دقايق ونضيف الفليفله والفطر ونقلبهم لمدة 5 دقايق بعد ..

وبعدها نذوب الماجي في المء ونضيفه ونضيف بعد عليهم شطة سومطره وصوص الصويا وصلصلة الطماطم ..

ونقلب لما تتسبك ..

وبعدها نضيف الكزبره ونقلبها لمدة دقيقتين ..

ونشيلها من النار .. ونقدمها ..

وبالعافيه ..

.
.

وهذي صوره لهم ..

.
.

.
.

BrB .. لحد يرد ..

18-06-2009, 12:00 AM

.
.

[ باستا بالشبت ]

.
.

.
.

المقادير ..

مكرونه ..

نص علبة جبنة فيلادلفيا " حجم صغير " ..

كريمة خفق " حجم صغير "

بصل مقطع شرايح طويله ..

مكعب ماجي ..

نص كاس حليب سايل ..

جبن بارميزان مبشور ..

شبت مقطع ..

فطر مقطع شرايح ..

فلفل اسود ..

ملح ..

.
.

الطريقه ..

نسلق المكرونه مع ماء وملح وفلفل اشود وشوسة زيت عشان ماتلصق ..

لما تستوي نصفيها ونخليها على جنب ..

.
.

ع النار .. نحط البصل مع شوية زيت .. لما يذبل وبعدها نضيف مكعب ماجي وفطر وفلفل اسود وملح .. ونضيف بعدها جبنة فيلادلفيا لما تذوب ..

وبعدها نضيف المكرونه .. وكريمة الخفق والحليب .. ونحركهم ..

وبعدها نضيف الشبت وجبن البارميزان .. ونحركهم لمدة 5 دقايق ..

ونقدمها ..

وبالعافيه ..

.
.

[ Ice-cream cake ] ..

.
.

.
.

المقادير ..

كيك شوكولاته " اللي نسويه بالبيت احسن " ..

5 علب ايس كريم فانيلا ..

نص علبة كبيره حليب نستله محلى ..

علبة جبن فيلادلفيا " حجم صغير " ..

ظرف دريم ويب ..

.
.

الطريقه ..

نفتت الكيك .. نرصه بصينية التشيز كيك " اللي تنفتح من الجوانب " ..

وبعدها لو حابه اسقيه بجليب سايل عشان يتماسك ..

.
.

نخفق الدريم ويب مع علبة ايس كريم لما يتكون عندنا كريمه ..

وبعدها نضيف باقي المقادير ..

لما ينخلطون نضيفهم ع الكيك ..

وندخلهم الفريز لمدة 3 ساعات ..

وبعدها نطلعها ..

ونزينها بالهيرشي ..

على شكل حلقات .. وبعدها نجيب السكين ونسوي خط مستقيم من النص الى الخارج ..

ويطلع معنا هالشكل ..

وبعدها نضيف حبات الجالكسي ..

ونقدمها ..

وبالعافيه ..

.
.

[ مولتن الشوكولاته ] ..

.
.

جزء من الكيك اللي سويته حطيته بكوب ودخلته الفرن لمدة بين 10 دقايق الى ربع ساعه ..

ونطلعه ونزينه بسكر بودره ..

وبالعافيه ..

.
.

اتمنى يعجبكم موضوعي ..

لكم ..

.
.

18-06-2009, 12:07 AM

هذا الشي يوم قريته قمت اعاطس يالعنبوا ابليستس حاااااااااار يتسوي التسبد

اما الحلويات شي خطير والله يا عسى ما نعدم هالخشه

ايوه كملي السالفه <- تحسبها في فضفضة الطلاب

18-06-2009, 12:22 AM

اقتباس:

هذا الشي يوم قريته قمت اعاطس يالعنبوا ابليستس حاااااااااار يتسوي التسبد

الاشياء هذي اذا كلتها لازم الحقها بحبه للقولون مدري وش الي حادني

ماشاء الله عليك سنع و ترتيب ونظافه لا يعلى عليها.,
عافاك الله

18-06-2009, 01:33 AM

.
.

ام علك

اقتباس:

هذا الشي يوم قريته قمت اعاطس يالعنبوا ابليستس حاااااااااار يتسوي التسبد

اجل اخليه بارد .. حلاته حار ..

اقتباس:

اما الحلويات شي خطير والله يا عسى ما نعدم هالخشه

تسلمين ..

اقتباس:

ايوه كملي السالفه <- تحسبها في فضفضة الطلاب

اكمل لك هناك ..

تسلمين ع المرور ..

نورتي ..

لك ..

.
.

18-06-2009, 01:35 AM

.
.
طايحه ..

اقتباس:

الاشياء هذي اذا كلتها لازم الحقها بحبه للقولون مدري وش الي حادني

الله يعينك ..

خلاص لاتاكلينها ..

اقتباس:

ماشاء الله عليك سنع و ترتيب ونظافه لا يعلى عليها.,
عافاك الله

الله يعافيك ..

وكلك ذوق ..

لك ..

.
.

18-06-2009, 01:52 AM

الله يعافيتس ماشالله وتبارك الله

وش ذا الزين خيتي ...

اهم شي الحلى وه عليه بس .....

لكٍ جوريتي...

18-06-2009, 02:49 AM

.
.

[ مولتن الشوكولاته ] ..

.
.

جزء من الكيك اللي سويته حطيته بكوب ودخلته الفرن لمدة بين 10 دقايق الى ربع ساعه ..

ونطلعه ونزينه بسكر بودره ..

وبالعافيه ..

.
.

اتمنى يعجبكم موضوعي ..

لكم ..

.
.[/quote]
سنعه بس توي متعشيه وابي احلي شغلك كلاسك مرتب مره

18-06-2009, 05:38 AM

ماشاء الله تبارك الرحمن

اطباق مميزه منوعه رايقه

البيتزا يمممممي تخقق
اشتهيت اسوي بتزا بهاللحضه بس عجزانه

القباقب والله كبرتي بعيني لاني احسه صعب ومو اي احد يسويه

المكرونه شكلها حلوه برضو

الحلى قد سويت مثله طعمه لا يعلى عليه

اخر شي مدري وش اسمه وعجزانه اروح اشوف اسمه
بذن الله مسويته بس خلني اخلص اختبارات

موفقه يا بعد حيي

18-06-2009, 09:32 AM

^
^

احيييييه يالصيني عذاااابي

مره اخذت طريقته من منتدى ثاني بس غير عن حقتك هذيك فيها نشا وكاسين مويه ولبد ببعض وحالته يارب لك الحمد
بث اشتهيت حقك

الايس كريم

يفتح النفس ماشاءالله
بوووقته مع ذا الحر اللي يلوع التسبد استغفر الله

كأنه

نظافه وشغل وذرابه لبى قلبتس

18-06-2009, 11:14 AM

ماشاء الله تبارك الله

شغل تمام .. تصويرو طبخات لذيذة ,,

واصلي ..كأنه مو عاجبك ..ونحن من ورائك ..نطبق..

18-06-2009, 11:55 AM

^^
ياسلام لو تجيني قبل أذان المغرب

ماشاء الله تبارك الله

أحسك تطبخين في مستشفى من زود النظافه ..

مثبت

لي رجعه ..

18-06-2009, 11:56 AM

.
.

غتره فوشيه ..

هذا من ذوقك ..

تسلمين ع المرور ..

لك ..

.
.

عمشه ..

تسلمين والله ..

هذا من ذوقك ..

نورتي ..

لك ..

.
.

18-06-2009, 12:02 PM

.
.

حلم ..

تيت ..

.
.

دفا ..

اقتباس:

احيييييه يالصيني عذاااابي

نفس حالتي ..

اقتباس:

مره اخذت طريقته من منتدى ثاني بس غير عن حقتك هذيك فيها نشا وكاسين مويه ولبد ببعض وحالته يارب لك الحمد
بث اشتهيت حقك

عرفت الطريقة اللي تقصدينها ...

قد جربتها اكثر من مره .. لبد شوي .. بس مو مره ..!!

وترى اي طبخه تقرينها لي .. اعرفي انها مو الاصليه ..

ترى انا احط اشياء من مخي وما اعتمد على المقادير الاصليه ..

واشوف الطعم وش يشبه ... واسميه بالطبخه اللي تشبهه ..

اقتباس:

كأنه

نظافه وشغل وذرابه لبى قلبتس

تسلمين والله ..

دفا ..

نورتي ..

ولاتقاطعين المطبخ ...

لك ..

.
.

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق