 |
 |
 |
 |
 |
 |
 |
 |
 |
05-06-2009, 11:51 PM
|
|
||||
|
ريّس الشله
|
بهجت .. مارادونا حيّ البديعه (( على بلاطه )) ..!
^ ^ ^ هذا الكلام اعلاه كانت تحدثني فيه نفسي وتنصحني وهي صادقه وجلست افكر في كلامها وتحمّست جداً لكلامها ومن قو الحماس قمت طلعت من الملحق بسرعه فتحت باب الشارع وولعت زقاره وجلست افكر بسرعه شلون اصير تاجر واطلع غني .. بالأخير عرفت ان ماعندي سالفه رجعت للملحق وتربعت وكملت شرب على صدى صوت ام كلثوم لما خلصت الاغنيه وسمعت صوت تصفيق الجماهير وقمت اصفق معهم من قو السكره كني حاضر الحفله ..! صحيت من بكره العصر واحس تسبدي توجعني كني ماكل قطو ميّت له خمس سنوات .. وفوق هذا راسي مصدّع كأن بوسط راسي مكاين مرسدس وست سماعات شغاله .. ولكن لازالت الفكره براسي الا وهي كيف اصير غني وتاجر من تجّار حي البديعه واطلع بالأخبار ويكتبون عني بالجرايد .. وحصلت الفكره الذهبيه ولكن يبي لها راس مال .. طلعت من الملحق وجلست عند باب بيتنا وولعت زقاره وجلست اتفرّج على الوراعين اللي يلعبون كوره في الشارع وانا افكر كيف اجيب راس المال وقمت ادخن وافكر واتخيّل كالعاده ولكن مهيب بالعاده يمر قدامي رجال يناضرني لما خش مع اللفه .. طمرت ورحت للمرايه بشوف وجهي مكتوب عليه تخفيضات ولا وش مكتوب ليه الرجال يناضر بإستغرااب ..؟ رجعت مره ثانيه عند الباب وجلست افكر من وين اجيب راس المال .. وهالمرّه مر قدامي هندي قام يناضرني مثل الاول وصرخت في وجهه وقلت : مضيّع مفاتيح سيارتك في وجهي يوم تناضرني .. الهندي مشى ولا طق لي خبر .. وجلست عند الباب افكر ليه الناس تمر وتناضرني اكيد اني صرت غني مشهور وطلعت بالاخبار بس ماشفت نفسي .. فجئه وفي هذه اللحضه توقفت سيارة ونزل منها شخص ملتحي وقال بصوت جهوري : على كم تبيعه يالطيّب ..؟ كان هذا المطوّع يسئلني عن ثوبي اللي من الفقر والحرمان والبحث عن راس مال قررت ابيعه على اقرب واحد يمر عند باب بيتنا .. قلت له هذا الثوب كان لابسه صلاح الدين يوم يفتح القدس .. يعني هالثوب حق فتوحات اسلاميه لاتفوّته وراح ابيعه لك بخمس مية ريال ولا اقولك خذه بأربع ميه ريال بطيّح لك ميه عشانك تشبه خالتي ام برجس ولاتحرجني هذا سعر الجمرك بسرعه اشتره امي تناديني وجدي مات الله يرحمه في حادث دموي ..! المطوّع انهبل يوم شافني اصيح وطلع فوق راسه علامة استفهام يوم لحسة مخه بكلامي .. وشراه بأربع مية ريال ونطله بأقرب زباله لإن الثوب وصخ ومن الوصاخه ناشف طالع كنّه كيس فلافل .. هذا الثوب لو افصخه مشى من نفسه على اقرب مغسله وسدح نفسه على الطاوله وهو يقول للكوّاي : ارجوك انقذني واغسلني .. ماعلينا من المطوع نطل الثوب ولا لبسه الاهم اني بعت الثوب وحصلت فلوس وجبت راس المال ..! بعد ما اخذت فلوس المطوّع اتجهت لأقرب محل رياضه وشريت كنادر رياضيّه واتجهت لصديق قديم لي ساكن بالبطحاء له باع طويل بالسحر والشعوذه .. كان هذا الساحر إسمه طرباخ وجهه اسود قاطعين عنه الكهرب .. وجهه كله شعر حتى ضروسه فيها شعر وكان شكله مرعب جداً وواضح عليه انه ساحر فنان .. تعلم السحر على يد شغالتهم ثم اختبر اختبار شامل في صلاله بعمان ونجح وفتح له عيادة سحر في البطحاء .. اتجهت له وانا معي الكنادر ولقيت عنده امة محمد .. اغلبهم حريم .. اللي ماخذه شعرتين من ابط زوجها تبي تسحره عشان يكتب البيت والسياره بإسمها حتى ثوبه يكتبه بإسمها .. والثانيه معها صروال زوجها ناويه تسوي فيه عمل تخليه يطلق الثانيه بعد مايعذبها عذاب يخليها تتمنى انها تزوجت مدير سجن ابو غريب ولاتزوجت هالرجال .. كنت عنده وماسك سرى وبحكم معرفتي فيه يعني واسطه قدّمني وخلاني ادخل الأول وشرحت له الوضع .. وقلت له ياطرباخ هذي كنادر رياضه ابيك تسحرها او تسحرني تخليني فنان كوره .. اطلق لاعب بالسعوديه .. ابي اصير اسطوره مثل ماردونا .. ابي رؤساء الانديه تجي تطق باب بيتنا ويقولون تكفى وقع معنا .. ابي منصور البلوي يجي بطيارته الخاصه مايوقع الا بحوش بيتنا ومعه اوراق ويحاول فيني اني اوقع والعب للإتحاد .. ابي منصور البلوي من كثر مايروح ويجي ويطلب التوقيع معي ابيه ينحف من الهم ويطلع كنه الممثل الكويتي عبدالناصر درويش .. جلس الساحر طرباخ يتأمل ملامح وجهي وهو يتمتم ثم غمّض عيونه وميّل راسه ناحية الشمال قليلاً كأنه يتسمع لشي وهو فعلاً جالس يتسمع لزعيم الجن .. انا وسوست وانخرشت لدرجة ان عضلات وجهي ارتخت وطلع وجهي كنه كرشة نور الشريف وهو لابس علاقي ضيّق .. تكلم الساحر طرباخ وقال : زعيم الجن يقول بنحاول نعمل السحر ونخليك فنان مع ان شكلك مهوب شكل واحد لعيب كوره شكلك شكل حارس مقبره او بيّاع سمك لكن ياليت تعذرنا عن سالفة البلوي وانه ينحف لان هذي من جد صعبه وهذي يبي لها قدره الهيه .. قلت مهيب مشكله اهم شي اصير فنان .. واتفقنا انا وطرباخ وسوينا السحر وحط طلاسم وكم شعره من جلد ثور بوسط الكنادر وقال البسها والعب شف وش بتسوي .. ياشيخ ان تسحب بدفاع الخصم كله حتى إحتياطي الدكه بتسحب بهم .. البسها وبعد ست شهور تعال وراجعني عشان اسوي للكنادر تغير طلاسم وشعر جلد الثور .. قلت من باب المداعبه : وش دعوه تغير زيت سيارة جمس .. عصب طرباخ وطلعت عيوونه بيضاء كنها فنجال مقلوب وانا من الروعه مسكت الكنادر وحطيت رجلي مادريت الا وانا في بيتنا جالس بالملحق وقاعد اتنفس بسرعه كني قاطع الربع الخالي كعابي وجنبي الكنادر ..! كان لي صديق رياضي يلقبونه بالبديعه " أسير التسلل " .. كان يموت بشي إسمه كوره .. وكان يلعب بفريق إسمه " النجوم " بملاعب الفريان .. اتصلت على " اسير التسلل " وقلت له ابي اسجل في كشوفات الفريق .. قالي " اسير التسلل " ياصديق الطفوله يابهجت لاتحرجني مع رئيس الفريق إنت مالك ومال الكوره .. إنت حدك جركل سنير وتقربع منه لما تنقلب عيونك علامه دولار " $ " وتسمع صوت بمخك مثل صوت الكاشير " ترررررنق " يعني خلاص وقف شرب .. بالعربي يابهجت مالك بالكوره ووجهك مايساعد وجهك وجه كداد على خط المطار .. نشبت لأسير التسلل وجلست احلف له اني فنان واني موهبه ولازم يكلم رئيس النادي ويسوي لي اختبار ويشوف .. واتفقنا انا واسير التسلل وحددنا موعد .. واسير التسلل كلم رئيس النادي وجيت للموعد وكنت لابس الكنادر وجلست اداعب الكره قدامهم واطلع مهاراتي كلها .. واسير التسلل فمه مفتوح واصل للأرض وجالس يسعبل كنه كنديشن بعزبة هنود انواع المقوطر من السعابيل على مهاراتي ولمساتي .. ورئيس الفريق تفصخ وفك معي اربعه بوصه وسجلني بالفريق وطلبت الكبتنيه وقال : موافق موافق ..! انطلقت نجوميتي وبدأت تنتشر بملاعب الفريان .. كنت العب لعب مهوب صاحي .. اسحب بفريق الخصم كله مع جماهيره .. كنت اسجل اهداف بالجمله .. حتى بين الشوطين من قو السحر اسجل هدف .. وبدو يكتبون عني بالجرايد ويتكلمون عن موهبتي اللي تفجّرت بالبديعه .. اصبحت حديث الناس حتى فوزيه الدريع تكلمت عني ببرنامجها .. وذيك العجوز اللبنانيه مريم نور اللي كل شي عندها يسبب سرطان تكلمت عني وتنبئت للمنتخب السعودي بأخذ كاس العالم عن طريقي وشطحت الله يهديها وقالت كثرة متابعت لمسات بهجت للكره تسبب سرطان الثدي .. ماعلينا من مريم نور الخبله اللي علينا منه إن منصور البلوي صار يراقبني عبر الاقمار الصناعيه وانا العب بملاعب الفريان ونادي الهلال لما درى ان منصور حاط عينه علي بدو بمفاوضتي .. وخليت صديقي الصدوق " الضب " مدير اعمالي وقلت له : خل نغمة الصدى بجوالك اغنية " يحلمون " عشان لما يتصل عليك رئيس النصر يفهمها ويبطل مفاوضات .. وصارت مشكله بين نادي الاتحاد والهلال بسبتي الكل يبيني العب في صفوف فريقه .. وانا صرّحت للجرايد وقلت اللي يدفع اكثر اروح له .. بالأخير وقعت مع الهلال سنه كامله بمليونين ريال وبعدها بأوقع خمس سنوات بخمسه وثلاثين مليون .. وتغيّرت حياتي وانقلب الجحيم إلى نعيم وتحقق حلمي وشريت من كنتاكي ..! سجلت بكشوفات نادي الهلال وارتديت رقم 10 .. وصرت املك مليونين .. ودلعت نفسي اخر دلع .. صرت اكل على طاوله بدل ماكنت اكل على قراطيس جريدة الرياضي و امش خشمي بالخمس ميه بدل مناديل كلينكس .. حتى اهلي دلعتهم وثلاجهتم هالفاضيه اللي لافتحتها حصلت جرذي ميّت مليتها لهم من انواع الفواكه الشاميه والخضروات حتى ان امي لافتحت الثلاجه توسوس اننا انتقلنا من الدنيا ورحنا للاخره ودخلنا الجنه من شي تشوفه بالثلاجه من الثمار والخيرات اللتي لاتخطر على قلب احد من افراد العائله .. صار ابوي يحترمني وماعاد يجلدني واخواني المصارعين الثلاثه بدل مايجلدوني صارو يسلمون علي ويحبون كتفي وإذا جيت وهم فيه وقفو وسلمو علي واقولهم استريحو اجلسو ويجلسون .. ولاقلت ابي شاهي ولا ماء كلهم طمرو يراكضون كنهم هادي صوعان في اولمبياد سيدني .. الكل منهم يبي يخدمني عشان ارش عليه من هالفلوس ..! اصبحت مجنون شي إسمه كوره ومسحور بشي إسمه كوره .. لدرجة اني اروح لعزايم الجماعه وانا لابس بدلة الهلال " سلكي لاسلكي " ادخل على الرجاجيل اسلم عليهم واحد واحد وانا ادقدق بالكوره كني يوسف الثنيان وهم يصفقون لي بالمجلس كأني جايب هدف اخر الدقايق وهم نصابين يبوني اشرّهم بالفلوس واتوسط لعيالهم وادور لهم وضايف بحكم معرفتي وعلاقاتي اللتي توصلت الى اصحاب السمو الملكي ..! ابتدأ الدوري وابتدأ المشوار .. وبديت ابدع مع الهلال وسحبت البساط من ياسر القحطاني ونسيت الجمهور سامي الجابر .. صرت اسحب بدفاع الخصم واسجل هدف والجماهير تصايح بإسمي وتهتف باعلى صوت .. ولعبنا مع الإتحاد وعذبت حمد المنتشري وجلست اسحب فيه لما صار معوّق وبطّل يلعب مع الإتحاد وقدم على عضويه شرفيّه في نادي ذوي الإحتياجات الخاصه .. ولعبنا مع النصر وعذبت حارسهم خالد راضي لما مصّعته وخليته يزود بالطول ثلاثه متر خليت يدينه كنها " ليّ جراك " من شي شافه مني من فاولات وشوتات من خارج منطقة الجزاء .. سطع نجمي بسماء المملكه واخذت الجرايد تلقبني بلقب " ماردونا البديعه " .. وكل يوم والثاني يزداد فني ولعبي بالكره حتى جاء يوم من الأيام حسيت فيه اني ماقدر امسك الكوره طلعت كني شايب من شيبان نجد اللي لعب فيهم السكر والضغط مافيني حيل ولا قوّه .. وتعذّرت للنادي بداعي الإصابه وطلبت راحه وكنت عارف ان الكنادر يبي لها تغيير زيت اقصد تغيير شعر جلد ثور وطلاسم ..! انطلقت للبطحاء وبحكم اني مشهور كنت رايح له وانا متلطم ومتنكر بزي باكستاني .. مهوب مثل اول مارحت له محد يعرفني رايح له وانا طاق إبتسامه خمسه بعشره اللي يشوفني يقول هذا مبشّر بالجنّه .. دخلت على صديقي طرباخ ومعي الكنادر وقلت له بسرعه سو السحر والعمل وخذ بدل الخمس مية ريال عشرين الف .. طرباخ لما شاف الفلوس قدامه لاشعورياُ قال تقبلني زوجة لك على سنة الشيطان .. قلت يرجال اتزوج الطقاقه موضي الشمراني ولا اتزوجك ياوجه عداد كهرب محترق .. عجل علينا بسرعه وسو السحر .. وفيما كان طرباخ يسوي السحر والشعوذه ويتمتم بالكلام طبّت علينا الهيئه ومسكوني مع طرباخ وكتبو عني بالجرايد " الهيئه تقبض على لاعب مشهور بحيازته سحر وسي دي افلام اباحيّه " .. والله ماكان معي سي دي بس الجرايد يحبون يزيدون بالكلام .. انتشرت فضيحتي في البديعه ثم الرياض ثم المملكه ثم الخليج ثم العرب ثم العالم كله .. الكل سمع عني وعرف فضيحتي حتى قناة الcnn تكلمت عني .. حتى الشغالات اللي متجمعات بمطبخ في يوم عزيمه جلسو يتكلمون عني .. الكل عرف فضيحتي وتدخلت الواسطات وطلعت من القضيه وبديت انفضح واني ما اعرف شي بالكوره الا انها مدوّرة الشكل .. طبطبت الإداره الهلاليه على فضيحتي وقالت انه مسافر للعلاج بالخارج وهم نصابين لإني في بيتنا جالس يجلدني ابوي واخواني المصارعين الثلاثه وكانو يجلدوني جلد من كثر الجلد تعلمو اساليب القتال والدفاع عن النفس على حسابي .. ابوي بعد هالجلد منحهم وسام الشجاعه + حزام كاراتيه اسود ..! بعد هالفضيحه لعبت بالهلال مع نادي الوحده وكنت فاشل جداً وجماهير الوحده تردد " وبهجت وينه .. عند المشعوذ " .. وانا تعبت نفسياً اكثر واكثر وصرت ماعرف اثبّت الكوره .. تصدقون طارق التايب مرر لي تمريرره من ذهب جيت بثبّت الكوره التوت سيقاني على بعض وطلعت كني علامة صيدلية السقاف ذيك الثعبان اللي ملتفه على مغسله .. بعد ماشافني المدرب كذا طلعني وطبب الصويلح بدالي وانتهت المباراة وكلمت رئيس الهلال وقلت اني بأعتزل ياليت تكلم برشلونه ولا ريال مدريد عشان يلعبون معي مباراة اعتزال .. سكت رئيس النادي واتصل بجواله على البواب وقال تعال مكتبي بسرعه وجاء البواب وقال سم .. قال الرئيس ولا عليك امر يالبواب اتفل بوجه بهجت .. ولا صدق خبر البواب التفت علي وهو متحمّس وتفل بوجهي تفله مسح ثلاث ارباع ملامح وجهي لو دخلت على اهلي بوجهي بعد التفله شرط ان يتصلون على الشرطه يقولون في بيتنا حرامي .. ماراح يعرفوني والسبب ملامحي امسحت من تفلة البواب .. قال الرئيس لاتفكر نجيب لك برشلونه ولا فريق عالمي عشان نسوي لك حفل اعتزال انت حدك نجيب لك خمسه بنقاليه سادسهم كلبهم عشان يلعبون معك .. هذا إذا وافقو ماقالو اسفين عندنا كم كيبل نبي نسرقه .. يلا انقلع وضف وجهك على صفحة ستين واطلع برى النادي .. وطلعت وانا اجر اذيال الهزيمه والخيبه متجه لبيتنا وتعبت نفسيتي اكثر واكثر وجلست افكر اني احفر حفره وادفن نفسي او انتحر وكانت نفسي تحدثني وتقول : تعوّذ من الشيطان يابهجت انت جرّبت حياة جديده صعبه .. خلك على البساطه وبساط الفقر وطز بالشعب العربي كله .. خلك على مثل ما انت تدخل قسم الشرطه وتطلع محد درى فيك .. يمكن مايدري الا ابوك واخوك الكبير الي كافلك وباقي اهلك مايدرون .. خلك على البساطه ترى وش زينها .. صب لك كاس كلونيا واشرب وانسى همومك مع ام كلثوم .. وترى اثبتت الدراسات الحديثه والعلميّه ان ام كلثوم مع السكر تصفي المخ من الوسوسه وتزيل الهموم .. وفعلاً شغلت ام كلثوم وصبيت لي كاس كلونيا وجلست اتسمع لأم كلثوم بصمت مؤلم وكنت ساكت ومتربع بالملحق كني صنم من اصنام الجاهليه ولما انتهت الأغنيه وقامو يصفقون الجماهير ماصفقت معهم لإن مالي نفس ..! إنتهى القصه من كتاب " كفاحي وافقر " باب ماجاء في [ الدجل والشعوذه ] ..! |
||||
|
05-06-2009, 11:52 PM
|
|
||||
|
من شيوخ الحارة
|
مقدممممممتك يالحبيب  جاي تدشرنا انت ولا تنصحنا خخخخخخخخي الله يستر شكلك تحسبها بلاطه حشيش يابو مردونا خخخخخخخخخخي محجوز  راااجع راجع--------------------------------------------------------------------- الله ياخذك يا بهجت فؤادي يا معذب سحراء الخرج يا مخلي سعر الكولونيا من 10 ريال ل 100 ريال يا طاهر الحسائي بدون عود  وش ذا الابداع بالطرح وش ذا الفن بالاسلوب تصدق من زود مانت حابك القصه عجزت اعرف وش تبي خخخخخخخخخخخخخخي يعني مدري انت تبينا نصفق لام كلثوم لا خلصت مغنيه ولا تبي نصفقك على القصه البايخه اللي ماتبها انت ووجهك بالله عليك اجل جاك مطوع عند الباب وشرى ثوبك بخمسميه ؟ ليه جنابتك زئبق احمر وحنا ماندري ؟ ولا تطريشك يشغل مفاعلات نوويه خخخخخخخخخخخخي علمنا ياخوي نفتح مصنع انتاج طراش لك ونقلب الشرقيه اكبر مصنع نووي بالعالم ( يععععع احس الكهرب اللي بيطلع من ورى النووي ينخم على اللمبات خخخخخخخخخي .. ) بهجتي لا والله انك حابكها يا وصخ واسلوبك خلاني اتمززززززع ضحك ولو انك قهرتني بيحلمون لكن هذانا نحلم ونحقق احلامنا وجبنا السهلاوي يا تراب بقيمتك انت واهلك عشيرتك وامي واحمد نجاد معكم يا خالي خخخخخخخخخخخخخخخخخخي ..بهجت والله مهب عشاني احبك لالا ولا عشانك صديقي لالا ولا عشانك خفيف دم لالا بس والله الموضوع اعجبني مررره وحسيت اني ودي اقراه مره ثانيه من شد ماهو حلووو مرره وصدقني منيب قاريه مره ثانيه << ياخوي وش تبي انت الززززززبده اشكررررررررررك على هالموضوع البططططل وبيض الله وجهك خير من يمثل ابناء الشله يا بهجت وفالك الثور اللي ينطحك ويخليك ميسي البديعه  بهجت
|
||||
|
05-06-2009, 11:53 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
. . T . R
|
برب .! -------------------------------------------------------- باك .. بهجت  هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه بهجت يالمريض .. وش ذا الموضوع جطيته .. عليه الطلاق ماخلوك ريس الشله من عبث .. موضوع قمه في الروعه .. ياني تمزعت ضحك على العياره الي بالموضوع .. حسيت اني اتابع عليان يوم يقول لبوه الي هو عبد السدحان يوم ياخذ السلسله ويقلفها بلهوىا ويقول لبوه تعرف تسوي كذا .. يمين بالله انك منتب صاحي .. انا امس شفت الموضوع وكان فيني نوم وربي اني اقرب من عند الشاشه ابي اطلع في كلمه مافهمتها من كثر النوم الي براسي غيوني من قو النوم راح كنها عيون صيني توه طالع من حمام جاكوزي مع بنات وجيت اليوم اقرا موضوعك كلت خلني اقراه بعد الغدا .. عشان اكون مروق صح وافهم وش مكتوب .. لان مواضيعك انت يبيلها واحد زحلاوي وواحد بسكوت ابو ولد عشان يوم تشرب الزحلاوي وتاكل ابو ولد تدخل جو ملعون والدين وتفهم السالفه .. لانك واحد معروف انك حق حشيش لازم تصك لك بزقاره عشان تفهم .. يعني يسير الكلام من حشاش لحشاش .. على طول تفهم ..اووه يابهجت الطفره ذي ياشينها .. يوم انك تشوف الشباب يشترون سيديات دي في دي وانت مامعك ريالين تشتري بها مامعك الا الشغاله تطالع فيها هي ووجها الي كنه عبد الناصر درويش يوم يدلع وتروح اخر شيء تخربها بالحمام غلابه وانا اخوك والله غلابه .. لاقلت تبي تتزوج قال مالك الا بنت عمك .. بنت عمي مين الله يرحم والديك .. هي يمين بالله لو تطالع في المراه بخشمها ذاك المرايه تنشعط .. ياشيخ ذي ماقد تروشت تدرون السبب .. يقلك المويه يوم تجي تصب وتشوف وجهها تتبخر من كثر الشين الي فيه .. يعني خلك في شغالتكم اصرف لك واللهيخلي صابون اللكس كله بريال لاخلاء ولا عدم .. تصدق يابهجت .. ان الي معي تزوجوا واا باقي .. كله من الشايب الله يهديه هو وشنبه ذاك الي لو تفتش فيه تلقى القمل مسوي له حضيره في الشنب حتى مره من طول شنبه كنا نتغدا معكرونه المهم وانا داخل جو مع الاكل تعرف المكرونه تاكلها كل 3 شهور مره .. اشوف ابوي يوم ياكل من خشونة الشنب المكرونه نشبت في الشنب ولا عنده سنتين بالنص الي يششوفها يقول موب سنون نقطة تفتيش .. مره من المراة كنت اشرب عصير الربيع .. وجات ببالي فكره اني احاول اسير لاعب كوره .. والله جد .. المهم اروح والبس جزمه لها سنتين من يوم لبستها .. ورب النعمه انت لو تشوف شكل الجزمه تقول ذا غراب موب جزمه ..ياشيخ غبرة وبالفوه دخلت وسط رجلي الي كانها كيبورد بس لونها ابيض ولله الحمد .. المهم وروح العب مع اخواني البزوره وسحب فيهم ودخل اهداف على بالي صرت فنان اعب مع واحد رابع ابتدائي وواحد سادس ابتدائي .. المهم ياويل العمر وروح ملعب يقاله المزيونه ادري ان اسمه اسم عبيد لاكن مشيء حالك وبقوه بعد .. والله ويحطوني في فريق اول مالعبت لعبت دفاع قعد اناقز وقول مابي مابي ابي اسر هجوم مابي مابي وبعد محاولات شاقه خلوني هجوم .. تدرون ليش .. لانهم حسبوني زي حليمه بولند مدلعه لاني قلت مابي مابي بعدها بثلاث دقايق جاتني كوره وصكت في ضرسي وكسرته وكرهت ابو الكوره ورجعت اكمل عصير الربيع ههههه ..! بهجت يابعدي حيي ... ترا ليلك طويل لاني متوعد برد اخليك تشرب مرق بدال الكولنا من طوله .. وادري اني لو اكتب الى الليل ماوفيتك حقك .. لانك انت كاتب ويشهد لك بذالك وانا والله العظيم اني استمتع جدا بقراة قصصك الممتعه والشيقه .. تقرا ماتمل ماودك الموضوع يغلق .. لديك كم هائل من العياره والتنسيم والزحف <- يبي يعلمكم انه يصلح يسير مشرف او مهندس تطوير وعلى فكره ترا انت مواضيعكناجحه ويشاد لها بالبيان ( فيس يحك راسهويقولالله يستر لايجي بهجت ويقول وش دخلكمواضيعي حلوه ولا شينه ) وترا الاعضاء لازم يستفيدون منك ياطويل العمر لانك كاتب متميز <- محاوله اخرا لاغراء بهجت بأني اسير مهندس او مشرف فانت ويعلم الله انك ازحف مخلوق على وجه الارض .. وانا اتوقع ان عيارتك ذي ماخذها من خشم دعلج <-جاب العيد خلاص راح الاشراف والهندسه بسم الله نبدا بالاقتباسات ..
ههههههههههههههههههههههههههههههههههههههههههههه ههههههههههههههههههههههههههههههههههههههههههههه مرض ويمين بالله هاالادمي مريض .. اجل اقتنعت بكلام نفسك .. يارجال هي نفسك من حالها تلقاها تحشش وتسوي الي مايتسوى .. تلقاك انت من السطله يوم تشرف الكلونيا تدخله من خشمك .. على باله بيوصل لنفسك وتسير رايح فيها نت وهي .. وخذلك انواع السلطله كل واحد يقول اقتراح والثاني يرد عليه .. يارجال هونها وتهون وماعليك من ام كلثوم .. انت حمار بالله من يسمع ام كلثوم ومعه كلونيا .. ام كلثوم ذي يبيها بايسن مع بندول عشان تدخل جو .. ولا انت اصلا وجهك وجهك لونيا ومقاس صغير بعد .. ومامعك ريالين توفر حقت البايسن والبندول .. الكلونيا حقها مزعل فرحان ولا فتى نجران ,, يمين بالله تدخل جو موب صاحي ,,وخاصة لاجاء فتى نجران وقال كلام ماتدري وش يقول .. فهنا قول على الدنيا السلام هو وشنبه ذاك الي كأنه شعر ابط محمد نور <- لابارك الله فيمن علمك الذب ياملعون الجدف ..
ههههههههههههههههههههههههههههههههههههههههههههه ههههههههههههههههههههههههههههههههههههههههههههه يوهه يابهجت .. اجل ذا ثوب ذا ..الله ياخذك .. عليه الحرام لو انه لحاف سرير هندي ياشيخ موب ثوب يارجال حتى الهندي ماخلاك في حالك .. يطالع فيك من التنتيف الي فيك .. ويقول في نفسه .. غريبه وجاب شرشف سرير كومار فوق الزلابه ذا .؟ تلقاه ماعاد تهنا فيالاكل الي ياكله .. والسبه انت .. رأف لحالك وصار همه الشاغل انت .. حتى ايدامهم الحار ذاك ابو العيش الي مدري كيف جاي صاروا اخويائه غرونه فيه ويقولون خذلك قطعه لايفوتك وهو مازال يفكر فيك ومافكر فيهم .. اجل نزل عليك مطوع ها ..هههههههههه الله يقلعك .. تلقى يسارته كرسيدا 88 ومافيها طاسات والكفر فيه تنسيم وماعنده مكيف عايش على مروحة البنقاليه حقين الدبابات تشم ريحة السياره كلها عود ابو ريالين .. وتلقاه يبي يشتري ثوبك عشان حطه عضه وعبره للي يفحطون .. تلقاه من كثر ماصار لونه اصفر تقول ذا حمام موب ثوب
ههههههههههههههههههههههههههههههههههههههههههه ههههههههههههههههههههههههههههههههههههههههههه هههههههههههههههههههههههههههههههههههههههههههه الله يقلعك في ذي الذبات ياشيخ .. لابارك الله في الكلنيا الي تخلي حالك كذا .. ياشيخ صدقني الكلنيا الي شاربها قبل ماتكتب الموضوع تلقا واحد من اخواك تلخم وتفل وصط القاروره .. وتعرف انت تفال اخوانك لله لايبلانا كانه برد نازل من السما ال وحد ماخذه من شعر ابط زوجها ,, الله يقلك .. اخاف ماخذه من مكان ثاني بس مصرفه الموضوع وقالت ابط .. ترا كيدهن عظيم .. وتوقع يسوون اي شيء .. ولا ذي المدهره بصراول زوجها .. الله لايبلانا هي لو تطالع في ال وراها تلقاهم دايخين من ريحة السروال تلقا لونه اصفر ..وتحت عند الرجل اخر السروال فيه بقع من الملخيه واعلى السروال تلقى اثار فازلين .. خفايا واا اخوك .. والله ياطرباخ ذا موب عاقل .. اجل سحر وحركات .. والله مالومه يوم يقلك اماا البلوي يبيله قدره الاهيه .. يارجال ذاك لو توريه 100 ريال وتوريه فخذت دجاجه ياخذ الفخذه .. ياكل الحي والميت .. مافي امل انه ينحف .. تلقاه ذا لاعطش مره يشفط لك نص البحر هناك .. شوف ياطويل العمر (( لو لك احد ضايع شيء منا ولا منا دور له في كرشة البلوي صدقني بتلقاه داخلها )) يارجال الدب ذا يلقط ماهب ود على وجهه الارض .. الله يخارجنا بس ..
هههههههههههههههههههههههههههههههههههههههههه هههههههههههههههههههههههههههههههههههههههههه هههههههههههههههههههههههههههههههههههههههههه هههههههههههههههههههههههههههههههههههههههههه خلاص خلاص خلاص .. يمين بالله النصراويه ملهم وجه بعد الذبه التاريخيه ذي .. الله يقلعكم حتى بهجت المنتف الي مامعه ريال يذب عليكم .. الله ياخذك يابهجت اجل اغنية يحلمون .. والله ذبه تاريخيه .. ولا مدير اعمالك الضب . لو يحلفون ان مامعه جوال شغال على البجر .. يارجال انت تعرف الجوال .. لاتحسبه سندوتش تراه اله خطيره .. يارجال الضب ذا تلقاه من قدمه معلق ف اذنه بيجر .. ال ايش قال جوال .. انت حقك كبينه وتخب .. وحتى بعد الكبينه تنصب على البنقالي .. يبي منك ثلاثه وتعطيه ريال تقول هاذا عن ثلاثه .. اجل مسو فيها الاتحاد والهلال .. انت الي تبي توصله انك تقلنا انك زي ياسر القحطاني .. اول ماطلع تضارب عليه الاتي واللال .. لاكن مافي امل تسير زيه في اللعب لاكن الدشره انت تتفوق عليه وهذا شيء اكيد ومانختلف عليه هههههههههههههههههه تاكل من كنتاكي ها.. يمين احس الكنتاكي حقك حبة موزه جوة صامولي .. قال ايش قال كنتاكي .. اجلوش كنت تاكل قبلها .؟ الله يالطفره ذي قلة حيا ورب النعمه ..
. ههههههههههههههههههههههههههههههههههههههههههه هههههههههههههههههههههههههههههههههههههههههه هههههههههههههههههههههههههههههههههههههههههه سريع سريع هات الجوال .. ذا يبيله حجز درجه اولى على مستشفى الامل للحالات النفسيه .. الله يقلعك يابهجت .. ياخي انا ابي اعرف انت من وين تجيب الكلام ذا مادري من وين .. تغير زيت ها ههههههههههههه الله يقلعك .. يارجال ادهنها بفازلين زي ياسر وتسير فنان بلا تغير زيت بلا هم .. والله مالومك يوم انك تروح بزي باكستاني .. يارجال ماتغطيت الا من ريحتك وجايتصرفها تقلي مشهور .. مشهور ولاعلي <- بدا بدا في المصاله الله يخاجنا تقلي العبد يبي يتزوجك .. يرجال حتى لو تزوجك انا ظامن انه ماراح يسوي لك شيء .. انت اصلا ال يدخل معك غرفه لحاله يشك منك .. الي يشوفك يككول ذا حشاش ويمكن يسوي فيك اي حاجه تلقا علبة النيفيا تحت المخده .. اجل طبت علكم الهئه وسيديات اباحيه .. ههههههههههههههههههههههه الله يقلعك ذي من جد صادق فيها ..يكبرون الموضوع وهو صغير .. لو يقفطونك في اي مكان لازم يقول شيء ثاني .. لو يلقونك فيمكدونالدز يقولون كان معه معصوب ياكله بدال الهمبرقر <- اتعب انا على التشبيه اجل انتشرت فضيحتك يارجال لو يحلفون ان شغالتكم ماتعرف اسمك .. وجاي تطامر هنيا وتقول انفضحت الخلا بس
ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه خلاص خلاص مابوه جيب الجول ياولد مستشفى الامل مافيها كلام .. ولامستشفى شهار بالطايف ..يقلع ام الذبه على البنقاليه اجل كيبل هههههههههههههههههههههههههههههههه تلعب بالوحده ها تحمد ربك سرت تلعب وماقشوك .. على الاقل تبيض الوجه .. انا لو اني مكانك كان اخذ غطوت امي واجل بالملحقواشرب كلونيا بدون مايشوفني الكلونيا .. عشان مايقول انت بهجت الي انفضحت عند الهيئه .. حتى الكلنا عرفتك .. تبي برشلونه ها .. يارجال انت لو العب انا وخر ومخاوي وطايره وابو وفىى ومطنوخه كان سوينا فيك معروف .. على الاقل نعطيك وجه شوي .. مع ان وخر داري ان ماله في الكوره وخله في الكبده هو وخويه وخط الساحل تهريب وانا اخوك اجل تب برشلونه ولا ريال مدريد . اخاف ميسي يشوف وجهك يرجع له مرضه حق العظام مره ثانيه .. يارجال انت وجهك يتشائمون بوه اهلك .. انت لو يحطون وجهك قدام التلفزيون التلفزيون يشوف .. لو تحطه قدام الدش يرجع التلفزيون ابيض وسود .. الله يخارجنا .. وما اوصيك العب مع النقاليه احسلك ولا العب معانا .. خلنا نعطيك وجه ونسوي حفل اعتزل ؟؟ بهجت يابعدي ..  والله العظيم ان ردي ذا قليل في حقك .. وانا عارف ان ردي مايجمل لحيتك الغانمه .. لاني انا اتشرف اني ارد على واحد عيار مثلك .. انت اسمك يضرب في سماء العياره والتنسيم .. تصدق ابروح عند ساحر وبقوله تكفا ابي اسير عيار زي بهجت والشباب .. بس اخاف يقول جب سرواله .. واخاف شغل النيفيا يشتغل ولا يقلي جب شعره من الخلفه .. هبه بالله حلها .. انت سروالك بالقوه نستحمله وشلون بينا نجيب شعر .. بهجت يابعدي من قام وبعد <- ولازال هنالك امل في انه يعطيني مهندس تطوير للشله انت انشان مبدع .. انت انسان عند اسلوب عياري بكم هائل جدا .. والله ان ردي ذا مايجمل لاكن في واضيع ثانيه لكل ابشر بالردود الزينه زينه ولا مريم <- تجمل وانا اخوك احبس المصاله شوي تكفىا على العموم يعطيك مليون عافيه ياريس شله المحترم <- وش قلت على مهندس تطوير ( فيس يقول الله يالزمن مابقي الا بهجت المنتف نتشحته ونرد عليه .. حتى الكلنيا ماصار يبي بهجت حنا نتنصح له )) بهجت يعطيك مليون الف عافيه موضوع رائع جدا جدا ,, اجمل التحايا يالله سي يو
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
05-06-2009, 11:53 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
حضور سخي
|
. بثر يااااااااااااااكرهي  مهوب اوحدي " اولي "  سأرجعووو بالتعكيد عُدنااااا .. حيّ خشتي وحيّ عنوني .. وحيّ جبتهي .. يالبيييييييييه يا أنا بس  بهقت يابهقت .. ايييش داا الحتسي .. وايش دااا الخوراط .. واللهي واللهي انك رجاااااالن منتهي ( فيس وجنات الرهبيني ) .. ياااخي حرام عليك مانزلت هبالك الا يوم صرت بشعاااانه وشبهانه .. توي متعشية مفطح محمى عقب امس .. بس عاد اللحم كومته على جنب .. بضيّف القطااوة ذا الليل كود الله يكتب لي رزقن اعمر في السويدي فيلا ثلاث ادوار  واحط به اصنصير .. وبحاااول ابعد عن الملاعب عشان الزخمة وقت المغربية ماتلفح علي من الدرااايش   .. هذا غير الناس الهمج اللي يصارخون مدري وش عليه والتفحيط وقت هبال الهلالييييين الملاحيس قوووم ال 19 ونااازل .. المهم ماعلينااا مابي اطلع عن موضوعك اللي لحس راااسي انا.. واشواا انه ماخلصه ... تعال معي تحت ابي اقولك سرّ .. << سر والا بطن هوووهوووهووو  المقدمة بصراحة مدري وش تبي فيها .. احسك تكتبها وانت منسدح على بطنك .. وفي قلبك حسرة على كل فلس طار من جيبك .... يااااااااخي لاتشقّه عشان مايطيحن دريهماتك ... ولا جيت بالشارع خل السباااكة على جنب وقليبك خله حيّ .. ترا النشالين واجد .. حتى لو هو ولد عز السرقة تمشي في دمه نسبتن ووراثتن عن جده العاااشرطعش ... اييي يابوي عشان كذا اقولك انتبه .. مع تحيات جدتك ام عويّش 
ياااااااااااااااخي اتشنج .. ياااخي اروووح قوطي تحت كفر شيول .. يااااااااخي اصير بيالة زنجبيل وترجمني زيديه على ولدها لين افقع جبهته وابقر جلده ( موب الزنجبيل حار ) .. بس افهم واعرف واحس وشووو مزاجكم لما تزقرون وانتووو تاكين على عتبة الباب  .. ابي اجرب يارجاااااال .. لاتناقرت انا واي احد ابي اطلع بس مو ادخن بسلي نفسي بحلاوة مصاص غندور والا سنكولا افغّصة لين يعنتر  .. همن لافضت العلبة دخلت وصمخت بالباب ودخلت جوا بدون ما اسلم .. وبرطمي اعثر فيه من زود الشرههة .. بس ارجع واقول لاهنت اوصف شعورك بعد الزقارة عشان ما اتهور واطلع لما اعصب
ياوخيي ترااا بيوجعك ظهرك والا تنكسر رقبتك لاتطالع فوووق ومد غترتك على قد سيقااانك
يمكن فوووق راسك بومة مثلاً ويوم قمت تشوف في المراية طااارت ... والا جني يستهبل جالس على راسك ومتهيء على شكل اذاااني ارنب <<< عجبتها النكتة ذا الكلبة
يالووووووووووف قلبك ... ابو طخطيخ وجاني منه صمرقع << شكل لها سوابق نجي لطربااخ من اسمه تدري انه طافي الكهرب عنه منذووو ان كان نطفه فعلقة في رحم اوومهيي اللي طافين عنها الكهرب منذووو ان كانت في بطن اوميهااا التي طافين عنها <<<< بببااااس خلاص
هههههههههههههههههههههههههههههههههههههههه ماسكة معك سالفة الصراويل انت ... ياخي انا لو من اهلك لاجاا رمضان حطيت على فتافيت ولا عاد غيرت .. عشان ماتشوف طاش ماطاش ابد .. اللي مثلك يازودهم من التأثير ..
هو ماعرف يرد عليك كان قال لك حب كوعك يبوي همن تعال اطلب اللي تبي ..
ههههههههههههههههههههههههههههه بهجت حرااام عليك ترااا عندك مخفاااات .. اشوااا ان عيالنا ( لاعيبة الاندية ) مايقرون موضوعك والا كان تلاقي بريدك مليان رجاوي يبون رقم طرباخ ... بس الكم شعرة ثووورهذي اللي حطها تراا لها مفعول قوي على ابهااام الرجل .. يااااهي بتخليك تشوووت اي احد يصير تحت رجلك حتى لو هو جدك والا جدتك .. والا انك لاشفت غطيان التفتيشاات ( المجاري ) شتها لين يطير اظفرك ( حركات الاصابات المنزلية ) ومايطيب لين تعطب تمرة كنيز معها شوي فقس  همن تليص بها اصبعك وتعقطها ( تلفها ) بقطعة قماش مغطسة بزيت زيتون ويستحسن انها تكون من شيله عجوز منخل عشان يتنفس اصبعك <<< كيف بس ماتحس اني صايرة طبيبة بيطرية على هالطب القديم 
يالبيه يالفريااان قلبي صاااار ينبض خبيتي وشوي يقلب شكشكة وشوي سامري .. ابي ابوي ابي امي ابي اخوووي لاااا مستحيل ... الا هذا يابهجت اسير التسلل اكيد هذا ولد الفووز " الفايز " اللي امه تسوي بيزه " جمع بيز " .. والا ولد العواد اللي امه تدرس بالامية والا من عيال الرمييييييح اللي خواته نقلوو من المدرسة خلوني بلحااااااالي ياشيييييييخ وخر لاتصير الحين انت بكبرك واحد منهم >>> ترااا النت يروع يقرب البعيد 
ههههههههههههههههههههههههههههههههههههههههههه مايعووووق السحر معك .. ومهاراتك تراااه من معنوياتك عشانك بالفرياان بس .. الحين انت ماتشوف نص اللعيبة لاخلصوو تمارين الدايري الغربي يصير زحمة بسببهم عشان يبون يكملون في ملاعب الفريااان ويتفرجون بالمرة على الناااس اللي مسوية مسجد العيد معلم من معالم الرياااضة الجديدة ...
ههههههههههههههههههههههههههههههههههههههه ياربي ذا الرجال ماخلى احد بحاااااالة ... اصبر .. وتراااك نسيت زين الاتات طلع كبسولات باسمك للي يبي يتمرن طول اليوم بدون تعب.. و مرهم للسيقااان عشان تشد وتصير ضد الكسر .. وجلّ للإبهاام مضااد لقشعة الاظافر ههههههههههههههههههههههههههههههههههه وربي بس اتخيل ..
مسكيييييييييييين يا ستيوشكوف ..  ..
ههههههههههههههههههههههههههههههههههههههههههههه ياحياااااااااااااتي .. صارت الحوسة ذي كلها عشان كنتاكي !!! .. لاتقولي بعد انك شاري تويستر .. عشااان افقع ابهامك موب اقشع ظفرك بس ... ياخي يومك مشتهي اكل من برااا بالمرة روح لاماكن تستحق السعبلة .. ومقوطر البلاعيييييم .. موب كونتااااااكي
اهم شي رقم 10 ... تصدق حبيت هالرقم لانك اخترته بعقلانية وتدبر .. اما لو انك مختار 20 كان غسلت شراااعك وعلقت سيرتك الذاااتية وانك خوي طرباااخ الساحر المشعوذ .. على جدار المسجد حق العيد عشان يكرهونك ربعك .. وإمام المسجد حق الفريااان يخطب بالجمعة فيك وعن مغااازي نواياك التخريبة  .... بس ماقلت لي .. من البطل ؟ لاتقول بعد انه انت >> ماخبصت السالفة بس انت تقول لافتحت الثلاجة من اول لقيت جرذي ميت !! .. مدري حسيت انه فلم رزدنت ايفل بس توه بااادي << يامصلي .. اما اميمتك يالبيه .. وماعليها لووووم عقب الجراااذية تلاقي خيرااااتوون حسان
( فيس كبر رااااس عبدالله الجمعان ... يقول اسمع له وقفي عنه )
ههههههههههههههههههههههههههههه اختصر وقل اخطبوط معوق ماخلقه ربي الا بطرفين ( مدري وش يسموون ايدينه عااد) ... اما عليك خيال بعد .. ليّ جراك يالبيييييه ياخالد راضي
ههههههههههههههههههههههههه يالووومة الرجال رغللت عييناته من العشرين الف .. يوم تجيه من اول وانت تلهث تبي نص ريال تشري به علك ابو مدري وشووو .. والا حلاو نظارات .. والحين جااااي تبدل الخمس مية بعشرين الف ... توكل على الله بس واعقد .. عشان تستفيد وهو يستفيد
  8 8 8 8 بس عشانك هلالي <<< مريييييضة
ياااااااخي يوم خويناااا انت ماشفت وش صار فيه .. انتووو الى متى وانتوو كذا الله بس يهديكم .. لاااازم تدورون على الغثااا والمغثة وينهي فيه ولو هي تحت الارض نخشتوووها وطلعتوها .. اتركوو عنكم حركااات الفسق يالمشاهير والتهووو في مجالاتكم واشغالكم .....( موب بهجت مشهور .. قصدي كان مشهور )
هههههههههههههههههههههههههههههههههههههه علامة الصيدلية وبرنامج سلاااامتك من اول ...
ليه يبوي وحنااا قلنا لك رح لطرباااخ خله يلعب عليك بشعر الثور ؟ حنا قلنا لك البس رقم 10 حنا قلنا لك لا تلعب بالملاحق والحوووشة ... والله لو انك لاعبن بحوشكم كان طلعت المواااهب واولها بيفصّلون غطااا جديد لتفتيشتكم .. عشانك يوم تحمست تبي تشوت الكورة شت الغطااا وطار عاد تخبر العمار القديم مافيه اصلب منه يوم صقع الغطااا بالجدار الا وينقسم نصين ... << احد قال طز فيتس يومتس تنطين تفلفسين
ههههههههههههههههههههههههههههههههههههههه والا عادي عندك بتصفق لو لك نفس ... ياخي حرام عليك تفكر في الغنى والشهرة دام ام كلثوم حاااااااايسة ابوو جوك
عز الله انها قصتن مونتازة.. وفيها مواعظ وحكم .. .. فكرة خيالية ومميزة .. واروع شي قالب الفكاهة اللي صبيت مضامينها في داخل القصة ..حقيقة عاااجزة عن وصف الروعة هنااا .. ولوو مايكفيني الا اسم الفرياااان اللي جلجل بموضوعك مدري ليه احس انك اخووووي وانت تحتسي اي والله وانت اخوي واعز  وخرررر بس بروح اجيب بيرتي احدّر المفطح المحمى ولاهنت يابهجت على هالموضوع |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
06-06-2009, 12:52 AM
|
|
||||
|
ريّس الشله
|
هههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه هههههههههههههههههههههههههههههههههههههههههههههههههه مردونا مرة وحدة يا بهجت والله ودي اصدق بس قوية خصوصا وانت حول عينك اليسرى مخيسه كانها مخاطة بشمس ،،،، ياليتك قلت لساحر يعدل عينك بدال مايخليك لاعب دولي حول ،،، تجيب هدفين وتحسب نفسك جايب اربعه اهداف ،،، وانا اقول منهو هذا اللاعب الى يلعب جنب صفووق التمياط اثارية انت يا بهجت ،،، من يوم شفت وجهك الى كنه بيز دلة مرقع وانا اقول وين قد شفت ها الوجة فيه موضوع ماقدر اقول فيه شي لائن العين ماتعلا على الحاجب ،،، والطالب مايقدر يقيم موضوع استاذه كل الى اقدر اقولة بس الموضوع مثبت والله لايهينه المتحف ياخذ تاكسي ويجي ياخذ الموضوع ،،، الموضوع هذا مايروح للمتحف المتحف يجي له ،،،، مبدع كما كنت ولا تزال يا بهجت لي رجعة قريبة جدا للموضوع |
||||
|
06-06-2009, 12:57 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
حده بسابيس بلدي
|
هههههههههههههههههههههههههههههههههههههههههه هههههههههههههههههههههههههههههههههههههههههه مدري وش اقولك ياستاذ بهجت ولا راعي الكلونيا
اما التشبيه شي خرافي والله ان محد يجيبه
ازين ماسويت انك قمت ودخلت الملحق ماعندك ماعند جدتي اجل كلونيا هل الكثر وبعدين تبي تصير آدمي
والله حدك تقدح على هنود مسوي بطل عليه
هههههههههههههههههههههههههههههههههههههه والله حسافه كان نصبت عليه قوله الزبيريه مقطوعه داخل والشماغ كان متلطم به وبيع له طقم كامل
ههههههههههههههههههههههههههههههههههههه اما كيس فلافل ام التشبيه الاليم
اجل جالس تصفق لام كلثوم تحسب انك في الحلفه
ابو الطموح ناس تتطمح توصل القمر وانت تشتري من كنتاكي
سقها بس < ياحبني لك تعرف انا صار لي 3 اسابيع شغال على موضوعي ويوم شفت موضوعك قلت بروح احذفه مالت عليه بهجت ارفع الطاقيه لك لاهنت |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
06-06-2009, 01:23 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
وجه الفقر يستحي من وجه الغناه .. ووجهك وجه فقر وينك ووين تصير تاجر نعنبوا بليسك فقير ملحط منتف تبي تصير ماردونا اصلا شلون مخك يفكر المفروض اللي مثل مخك لاجا يفكر كذا يطلع عذرا لقد تم التعطيل .. يرحم والديك انت كداد تشيل عبريه من الرياض للخرج ويخب وتحب يدك وتصلي ركعتين وانت راجع بالطريق لانه يخب عليك .. ماردونا شطحه قويه يابو اباصيري لاعاد فقر ودمامة وجه وشراب بالله انت لو تنتحر اصرف لك اجل ماردونا مره وحده مشره يابو براطم على قولتهم ..
هههههههههههههههههههههههههه لين تقوم ناقة صالح
هههههههههههههههههههههههههه ياخي اشك ان عندك احساس عشان تحس بتسبدك بس الاعراض تقول انك حامل مبروك
ارسل عنوانه ع الخاص محتاجته ضروري هالايام باخذ كي بورد ابو وفى واسوي به عمل عشان افوز بفعالية على بلاطة << كلن طموحه على قده هههههههههه
هههههههههههههههههههههههههههههههههههههههههههههههههه ههههه يرحم امك قل غيرها اجل لو انك سارق بشت حدا هالشيوخ تسان توليت الحكم من غير مبايعه يارجال سقها بس حدك تطرد هالكوره ماسطين العبيد امها لين تفلت العافيه
جنيت على طرباخ له 35 سنه بذا الشغله نعنبو وجهك يالبومه هذا والله وجه الشؤوم الحين يقولك من الاشياء اللي تتشائم منها رقم 13 والغراب والبومه ووجه بهجت .. يعني انت الحين تشاؤوم زيك زي البومه .. والسيدي الاباحي سيدي عدنان ولينه بس شافو معك سيدي قالوا اباحي مايدرون ان حدك عدنان ولينه ويخب
ههههههههههههههههههههههه ياخي انت من قايل لك تفلسف الحين يعني يقالك ترقع لعمرك وقفتها على ام كلثوم تبي تسوي تسويق لام كلثوم اجل ترا فريد الاطرش يصفي الجو ويزيل العرق
ههههههههههههههههههههه اجل الباب الثاني وشو باب ماجاء في[الرقيه الشرعيه]..! بهجت يرحم امك انا ابي اعرف تشبيهاتك من وين تجيبها مستورد ولا محلي يخرب بيتك اقرأ التشبيه 130 مره واقول العن شكله ذا باين انه محثلها وهو يكتب بهجت شهادتي فيك تقطر دماً اقرا لك ردودك فما بالك موضوع بقيادتك الا بقراه وبمخمخ عليه الله يعطيك العافيه على هيج حكي ودمت للمنتدى عربيدا ً وعربجيا مغورا ً بهجت (ورده) قطها بالحوش وكل يوم اسقيها ميه عشان تكبر وتصير نخله |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
06-06-2009, 01:31 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
معزبة المجلس
|
باك...
ووع كلونيا كلونيا ماغيره حق العزايم احد يسكر بكلونيا انت ووجهك .. انا اخبر الناس بشسمه ذاك والعياذ بالله نبيذ ولا مارتيني << فيس يناظر زهور و هيله صديقات السوء
انت لو الله يفكك من ذا الزقاير كان تصير اغنى واحد ما تحتاج لطرباخ ولا ماي باخ < يامصلتس وبعدين اموت واعرف اللحين ليش الرجال مايعرفون يفكرون الا لا ولعوا زقاره !! احد قايلكم ان فيه كيبل بين الزقاره والمخ ؟؟؟
اها بس
هههههههههههههههههههههههههههههههههههه يخرب بيته ذا الطرباخ واسطاته قويه مع الجن بالله علمني وينه فيه .. كود انه يزوجني وافتك ولا اقولك بما ان مافيه وظايف اسحب ع الدراسه و اسويلي فرقه طقاقات واكسب ذهب << طموح عبدات
وع هذا طموحك رح انتحر من اقرب عماره بالبديعه
ههههههههههههههههه يلعن ابو الجحده ياشيخ صدق لا قالوا الرجاجيل مالهم امان اللحين هذا اللي انتشلك من الضياع والفقر وخلاك بني ادم بعد ما كنت انت والجرذي واحد و حتى الجرذي له فايده انت حتى وجهك الصرف الصحي يتعذر انه يفتح فرع فيه بعد كل اللي سواه لك طرباخ تقارنه بموضي صدق ماعندك سالفه عطني طرباخ ابي اعرس عليه
اها بس يالبراءه تقوطر منك اشك انك تعرف معنى سي دي تحسبه مرهم للظهر انزلع بس حدك القناه الاولى وبرنامج مكسرات و يخب بعد بهجت الله يرجك ما يحتاج اقول شى الموضوع 0 من 10 ع مقياس ريختر موضوع عياري درجه اولى و زين اننا ضحكنا عقب سماجه بعض الناس << ماتقصد لسني ملقوفا ومواضيعه الماصله ابد خذ ذي ابلعها
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
06-06-2009, 11:07 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
وشهو الغفر ؟
|
هههههههههههههههههههههههههههههههههههههههههههههههههه هههههههههههههه هههههههههههههههههههههههههههههههههههههههههههههههههه هههههههههههههه عدت كما انت ومازلت كما كنت يابودويحس .. موضوع به من الحشيش والممنوعات مالله به عليم .. صدقني يابودويحس انت اذ1 جيت اقرى مواضيعك لازم أتأكد ان ماحولي احد .. ولازم ألبس قناع يخفي ملامح الوجه علشان محد يعرفني وانا اقرى موضوعك .. لاني في أي لحظه اتوقع ان جيب المكافحه يطب علي بهالموضوع .. فعلا إبداع مايختلف عليه اثنين .. يمكن ثلاثه اربعه صح لكن اثنين ما اتوقع ابد .. انت حاله ميئوس منها يابهجت هههههه .. لله درك يالمنحرف على هالموضوع .. صدق اللي بيدخل جو مع مواضيعك لازم يزبن عمره بقارورة عرق ولايدف نفسه بحبتين علشان يهيء نفسه لموضوعك .. ويكون مخه مبرمج على استوعاب الممنوعات والتحشيشات والذبات اللي مدسوسه بموضوعك .. جد والله هالحين اللي بيفقد مثلا مايحتاج يششرب خمر ولا يلف له زقاره .. لا مايحتاج كل هذ1 ماعليه إلا انه يقرى موضوعك هههه .. اللي بصراحه نقدر نصنفه من ضمن "" مايذهب العقل "" .. دخلتنا جو مع القصه يبو دويحس لدرجة اني مسسكت علم وقمت اششجعك .. وبعد لما جبت الاهداف قمت اصفقلك واششجعك واهلي كل من مر بجنبي حب يده وقال الحمدلله على العقل .. بالفعل انك خطير وعليك مهارات ولمسسات ياشيخ ولا خميس العويران ..< مالت .. ومن اليوم وانا اصايح واقول أوووه يابهجت .. اوووه يابههجت .. بس ماكنك مغرور شوي ؟ يعني الهجمه الاخيره اللي بمبارتك ضد النصر لو انك مناولها لرادوي كان احسن ..< هذ1 اللي دخل جو صدق .. بس والله خطير يعني بالله من يقدر سجل دبل كيك وهم شايلينه على النقاله إلا انت يبودويحس .. حتى انهم يقولون انك اللاعب الوحيد اللي يششوت البلنتي وهو مغمض ومع ذالك يسسجله هدف .. والله حتى ماردونا ماياكل معك عيش يابهجت .. لكن ماقول إلا الحمدلله اللي فكك من هالساحر واششوا انه ماسحرك وخلاك تروح تزوج ثم تطلق زوجتك ...< حمدلله بس ..
الى متى ؟ .. إلا الأبد طبعا .. يعني بالله واحد مثلك وتبيه يغتني يابهجت ؟! .. صدق والله تخيل بالله انت على وجهك ذ1 الي كنه اثار شبت نار صايرن غني وعندك ششركه مسميها شركة ابودويحس القابضه لصناعة الكبتاجون .. يعني وقتها اكيد راح تقابل كبار الشخصيات بالعالم من وزراء وامرء ورجال اعمال وامراء افواج ..< ايه لاتستغرب بيجونك امراء الافواج بيقولون لك خذ كل البنادق والارقام مير عطنا وجه .. وعقب ذ1 كله بتقابل رؤساء دول .. تخيل تقابل كل هذولي وهذ1 وجهك !!! .. والله مستحيل هالشي ضد الطبيعه يبودويحس .. والله هذ1 زين وجهك مصورن جنب باريس هيلتون وحاطن يدك على كتفها .. اللي بيشوفك اول مره ولايعرفك بيقول وش هالفار اللي مصورن بجنب بنت هيلتون .. لان شكلك مايساعد انك تصير رجل اعمال .. يمكن مالك إلا انك تهاجر كولمبيا ولابوليفيا وتنضم لاحد عصابات المافيا ويتبنونك بحكم انك خبره بمجالهم اللي هو الحشيش .. وهناك صدقني بتطلع على الدنيا ويمكن تصير اغنى من الوليد بن طلال وتقدر تشتري كاكا بالراحه .. هذ1 اذ1 ماشتريت إيس ميلان بكبره ..
هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه صراحه نفسك زاحفه وداشره بنفس الوقت .. علي احرام لو نفسي تقولي كذ1 لالعن خامسسها اللي جابها .. اجل كلونيا ؟ .. بتشربي كلونيا ؟ .. بتششربي كلونيا لمين ؟ .. بتتكنيلي لمين ؟ < طراه الكولنيا وسعيد صالح بمدرسة المشاغبين .. جد يابهجت تشرب كلونيا .. طيب مانت خايف على صحتك !! .. فرضا شربت كلونيا وقمت الصبح لقيت نفسك ميت بالله وش تستفيد ؟ علمني وش بتقول لاهلك لامت وانت تشرب كلونيا ؟ .. كيف بتقدر تحط عينك بعين ابوك مره ثانيه وانت ميت وانت تشرب كلونيا ؟ .. ياخي وش فيه البلاك ؟ على الاقل نسسبة النيكوتين فيه اقل من الكلونيا ..< كل تبن بسسسس .. ولا مايمنع انك تششفط باتكسس علششان نفسسك ثاني مره ماتمسسك عليك ششي وتعايرك اني قديم وتششرب كلونيا .. ووهي صادزه حمدلله كلونيا مره وحده .. كان ششربت دهن عود بالمره علشان تكمل هههه ..
تتششرب كلونيا وتسمع ام كلثوم ؟!! .. وشش هالمزاج ؟ !! .. طيب على الاقل اسسمع فتى رحيمه ولا عبدالله السسالم علشان يكون فيه تناسق بين الكلونيا وبين الفنان .. لان اذ1 بتسمع ام كلثوم اششرب وسسكي علشان يطلع جوك جو مصاريه وجو بششوات .. لكن اذ1 تششرب كلونيا لاتسمع ام كلثوم على الاقل اسمع كسسرات ظافرالشهري ولا مزعل فرحان علششان تخشش جو العرابجه والجحلط .. عاد تخيل وانت تقبع من هالكلونيا وعبدالله السالم يقول : حان الوداع وقرب البعد يازين // حل الفراق وسامحي ياحياتي .. صدقني وقتها بتمسك اقرب قدر ولا علبة كليجا بجنبك وتقعد تروسس مععه من قوووه السسكره ومن قو منت خاششش جو .. هذ1 ان كانك ماقلت وعاششو الحاظرررين واللي موجودين معنا بالجلسسه الليله .. هنا السسكره يابودويحسس مهي على انغام ام كلثوووم ههههه ..
ههههههههههههههههههههههههههههههههههههههههههههههه هههههههههههههههههههههههههههههههههههههههههههههههه والله مالومه لاششاف وجهك ورقى دوار مهو خش باللفه بسس .. يابهجت انت الوسسامه قايلتك برب من يوم ربي خلقك .. والله على هالوجه يابو دويحسس لوتسسلفه لمملكة المرأه او تأجره عليهم يخلونه ممشى للحريم السسمان ولا الحوامل من طوله بتكسسب صدقني .. وجهك هذ1 اللي كنه بقايا فطور عميان هو سبب التعاسسه والحظ الردي اللي انت فيه يابهجت .. يعني ياليتك يوم انك رحت للساحر كان خليته بالمره يششوف لك حل بمششكلة وجهك الي كروكي لمجمع سكني .. بدال مانت الله يهديك قايله يروح يسيلك سحر علششان تصير لاعب مششهور .. طيب وبعدين وش الفايده تصير لاعب وخششمك انت بالاساس طالعن تسسل .. كذ1 ماراح تستفيد شي تلعب وتلعب ولوانك بنص الملعب واستلمت تمريره بيحسسبها الحكم تسلل لان خششمك الله يصلحه مندفع للأمام بقووه ومتعدي حدوده .. يالله ماهي مششكله هذي خلقة ربك يابهجت حنا مالنا ششغل ومانقول إلا الله لايبلانا ..<-<.. وشو عقبه يالوصخ ..
وشش عنده زيدان ؟ .. اجل ب35 ملييون يابهجت ؟!! قال وشش دراك انها نصبه قال من كبرها قال وش كبرها قال ياخوي وانا وش يدريني .. منااك بس قال 35 مليون وانت لواوديك لاقرب بنك واصرفك كان اخذوك وعطوني بدالك هلل من على ايام الملك سسعود .. هذي حتى بالسسحر ماتجي انهم يعطوونك 35 مليون وانت الخمسسه منك بريال .. لواجيب اطلق سساحر بالدنيا واقوله خل بهجت لاعب وسسعره 35 مليون كان تفل بوجهي وتطوع وصار بالهيئه ..
ههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه كان قلت انك تبي نجوم العالم احسسن .. انت احمد ربك ان كانهم جابولك الفتح ولا العروبه حتى الناشئين مهم الكبار ويخبون عليك بعد ياروماريو ههههه .. بهجت يابهجت يامعذبني بهواك ومسسهرني تالي الليل والناس كلن على فراششه وانا ماغير افكر واهوجسسبك وسسرداد مررداد على البقاله لين خلصت الدنهل اللي عندهم كل ابووه .. وكل هذ1 بسببك يابودويحسس .. وبالنسسبه لموضوعك يابهجت ماني مادحه ولاششي وبالعكسس حنا نتعلم منك وششهادتي باللي مثلك مجرروحه .. والله مايقنددد راسي ولايطربني من المواضيع إلا مواضييعك يالمنحرف .. لكن كفووووو وتسسلم يمناك من كيبوردي الى كيبوردك على هالموضوع .. واللي تكلمت فيه عن قضيه مهمه جدا ومنتششره بالوقت الحالي مثل انتشار النار بالحطبب .. لكن مانقول إلا الله يسستر علينا وعلى المسلميين اجمعيين .. ولاخلا ولاعدم يابوديحسسس هالمواضيع اللي تببررد التسسسبد ..واعذرنا على الرد اللي مايوفي الموضوع حقوووه ..سسسلالالام ياعين ابووووووووي ..
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
06-06-2009, 12:06 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
نزف القلم
|
هلاا هلاا ببهجت عكاشه < على وزن اسامه انور عكاشه ، ابداااع يابهجت ابداااع اجل كناادرك قلبت حياتك ؟ هههههههههههههههههههه لانخفيك سراً ، اني وبعض من الاعضاء كاننا ننتظر هاليوم ، و نراهن عليك مثل جمهورك يوم كنت ابو عشره ، بهجت من كثر انفعالي مع تفاصيل سرد قصتك اقول اخخخ ياليتني وقتها فالمعلب واحذفك بهالجحه الي بيدي < هههههههههه الحماس مشكله
هههههههههههههههههههههههههههههه ااكيد كنت متعشي شورما الله يديم النعمه
هههههههههههههههههههههههههههههههههههههههههههههههههه هه الله يلعن ذالدجال الي بلش بك الخلق اجل تلعب بالكوره في وسط المجلس طيب لما تتعشى شلون ماقلت لنا ؟ شكلك تاكل باليمين وتفررر الكوره على اصبع يدك اليسار هههههههههههههه لحوول ياذاالكوره ، الحمدلله اني ماني من ربعك ولا قسسم لامسكهاا وافششها قدامك وادخلها براسك عشان تخلص يامرادونا هههههههههههههههههههههههه
نسيت يابهجت اجل لاتقولهم عن قولك الشهيررر اللي حضرته لك فالنصرر ( اجل لعيبة النصر يقولون اول مره نشوف لاعب يمشي عكسي ويدخل القول عكس وهوو معطي ضهره للقول والحارس ؟ ( قوويه ) حتى بأنفسهم وريسهم وقفوا صفقولك و سعابيلهم تقوطر و يجونك تختم على فنايلهم بركبتك الكحليه ؟ ( اول مره اشوف واحد ركبته تصير ختم له ) ، بهجت كان عصررر ذهبي لك ماحد ينسى دعاية تقويم الاسنان اللي سويتها ؟ في ضروسك مجاني عشان تسوي لهم بس دعايه ، ولادعاية شامبو ضدالقمل ..!؟ وانت لابس الفانيله الزرقاء اييييييييييييييه / اذكر قريت مقابله مع حارس النصر يقول : ان بسسس لاشفت بهجت مقبل بعيونه الحول الي كل واحده تناظر الثانيه تقول خير وش تبين ؟ وقال الصحن الدواااااااااااااااااااااااااار وهو بيضرب الكوره احسس بدوخه ، ورعششششه ورجولي تصافق ، اقول اهب هذا وهوو حول اجل لو يشوف زينا وش بيسوي ؟ /جننت العالم اذكر حتى مراهقات متوسطتنا كان البنات يشخبطون اسمك عالجدران بهجتونا احبك للابد ، بهجت ومن الحب ماكتل < كانت معجبه عراقيه اسمها ساجده طلفاح في ثاني ب نفسيه ابوها توفى في قصف عشوائي فالفلوجه ، تيجها حالات صرع وتنادي بهجت احبيج هههههههههههههههههههه ، اذكر لما تمر ابلة التدبير سيده الدبيه وتقرأ الكلام تقول لابلة الكيمياء العصلى فاتن : اه بحئ انتي شوفتي الواد القامد ده بهقت الاباصيري في ماتش امبارح تقول فتونه الحساويه وهي تاكل الفصفص : اييي يووووبااا هذاااا قااااالوب الدنيااا قلاااوب ( يعني قالب الدنيا قلاب ) حتى الريالات فالمقصف ماسلمت منك يابهجت لما يرجعون لنا الباقي انلاقي فيها بهجتونا المرعب احبج ، بهجت فليت الصراصير < مادري وش قصدهم عاد
بهجت تراك فسقت سويت مثل ناس نعرفهم قسم بالله ماحلفتني ( كانوا يتامى/ ابوهم الله يرحمه كان سواق شيووخ على قد الحال المهم ضحكت لهم هالدنيا وناسبوا شيخ ودخلوا لعبة الاسهم والاختلاسات ، الام اول كانت شوشتها طايره وبرقعها اشهب ميالي على جنب لما تقهوى عندها تحس شوي وتتفل بوجهك وتقولك الخلا وتلطك باقي فنجالك بوجهك من شكلها المبهذل وحواجبها الي طالعه من البرقع ( شكلها يقولك خير فيه شي يالحبيب ) والعيال انضف واحد فيهم ثوبه تركوازي لافصخه من الوصخ تلاقيه جلسسس 5 دقايق مكانه واقف يرقص مكارينا مكارينا اوووو ماكرينا ،ولامريت عالحمام وهوو يهيئ للغساله والكلور تسمعه يغني عودوني عودني ،، بنتهم بنفسها لو ددخلتها الغساله وصبيت فوقها كيلوو كلوور طلع الماءءء بتروووول من الوصخ ههههههههه لدرجة منظمه في تل ابيب بقيادة مزراحي بغت تخطفها 3 مرات ويراقبون بيتهم والسبب يقولون : اكتشفوا ان البتروول ينتج من حاجتين 1- بقايا الكائنات المتحلله تحت الارض و2- من بنت ابوودحيّيم فوق الارض < قوويه الحين بعد الفلووس مر جنب بيتهم ماتشم الا العود الكمبودي حطاينه في بيت الشعر يهفهف عند الباب ؟؟ الولد والله مايمشي الاا ببشت ووراه عبد والام قطت برقعها وماتلبسس الا فستاين لهاا ذيوووول ) تسحب متر وراها ليش مادري ؟ وبنتهم الي كنا نسميها الحيزبونه من طول خشمها رمضان قبل اللي فات كل يوم تباركلي بالشهر لحدما خلص الحين لاشافتني فالمناسبات تطق باصبعها تقول انتي ؟؟ انتي ؟؟ شسمك فكريني وتعقد حواجبهاا وتحذف القصه على جنب اكمني حلوواا ودلوعاا : ( مسويه ناسيتني ..يا نعنبوا الفسقه الي تعرفونها نعنبو خبري يووم اقووم والقى359 مكالمه لم يرد عليها و487239292 رساله وارده كلها جزء من النص مفقود من طولها وغيرت اسمها من مطيره ، ل :في ) < ههههههههههههه اُ لله ابوه شعب الملحوس فاهم الشيخه غلط ..!؟
 هههههههههههههههههه هاذي الي نزلتها صحافة البربراتزي ، اللي كانوا يلاحقونك وبغيت تقلب 9 مرات فالبطحاء ملقوطه من عدسة الصحفي : شوماخر بن محماس ، باعهاا لجريدة الاندبندنت بكم مليووون ، ماودي بالفضايح لكن شروها مني المساطيل ب3972 يورور ،،:: وختامها : وانا بهقت الاباصيري ،، وفاسكندريه مافيش غيري وقبطااااااااان مستني سفينه ،، مامشيش عالميه الهينه < سلامات ابدااااااااااااااااااااااااع ابداااااااااااااااااااااااااع ابدااااااااااااااااااااع يابهجت ماودي اطول عليك وعلى اخواننا ، الفكره ثابته موحده تسلسل ايجاز واختصار اراهن على هالموضوع .. ولا اله الا الله عيني عليك بارده تحياتي لك ( ) |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
06-06-2009, 12:06 PM
|
|
|||||||||||||||||||
|
من شيوخ الحاره
|
اوما سالفة الكولونيا وأسمع أم كلثوم كثرّ لي منها , يالبييه ياعبدالله السالم بس يصلح لك دام تقربع دايماً
هههههههههههههههههههههههههههههههه هههههههههه / الله لايضرك على هالكتابات يامبدع , وشكل المركز الأول راح علينا ياطف الليت ولاّ
|
|||||||||||||||||||
|
06-06-2009, 01:58 PM
|
|
|||||||||||||||||||||||||||||||||||||||||||||||||||||||||
|
من شيوخ الحارة
|
توني متغدية .. وبغيت استفرغ من طعم الاكل بفمي ..يييععع من جد والله تخيلت الطعم..
هههههههههههههههههههههههههههههههههه ياحياتي يالحريم .. طموحاتهم على قدهم .. ماتتعدى ابو الشباب اللي عندها.. اللي تبغاه يحبها ,, واللي لا يتزوج عليها .. واللي تبغى تفتك من امه.. ياحياة الشقى بس..
فيه نسخة الكترونية منه؟؟ مع اني عارفة انه موب احسن لي.. وبتلعب بي الوساوس.. بس ولو شئ من ابداعك يا مرسي الزناتي يستحق القراءة >>صدقت انك مؤلف |
|||||||||||||||||||||||||||||||||||||||||||||||||||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
