 |
|
|
|
 |
 |
 |
 |
 |
 |
 |
 |
02-07-2009, 06:58 AM
|
رقم المشاركه : 1 |
|
مهندس تطوير
|
سعودة المتسلقي تحتاج إلى سعودة
الموضوع يحتوي في طياته على البعض من الذبات لكنه القصه من الواقع وليست من الخيال  في عام من السنين الماضيه والعصور السحيقه مبطي حصلت احداث هذه القصه في العام 1991م حصل فيه التغير الفيسيولوجي للمتسلقي بلهفه  لكن سنرجع للوراء سنه فقط سأحكي لكم احداث يوم من الايام وهو روتين يومي يجسد لكم حياتي صحيت الساعة 6:45ص قمت امغط عيوني الي كنها مدخل بطاقة الصراف غسلت وجهي ورحت للوالده_الله يطول بعمره_ وجلست اتقهوى معه امي بشكلها المعهود الذي لم يتغير منذ اول يوم رأيتها لافه الغدفه على راسه لابسه قميص روز مره اخضر ومره ازرق و خاتم في اصبعه البنصر من يدها اليمنى وله فص اصفر فوق يحلفون انه قبة الصخرة موب فص من كبره  وانا امضغ احد التمرات المقدمه امامي الي من نوع سكري وأتابع مع امي السلام الملكي رغم اني لا انا ولا امي نود ان نتابع لكن اذا غيرنا القناة وين نروح قالت امي وين انشاءالله اليوم بتروح قلت لها وانا كلي احباط ياحوبيلتس بس ياأوميمتي وين بروح يعني اكيد بروح لسوق الخضرة ادور لي شحنة جح(بطيخ) او جرو(شمام) او أي شي يستسيغه الانسان وسعره رخيص اشتريه وابيعه عند اقرب تقاطع امي الله يرزقك الرزق الحلال ويبعد عنك عيال الشر والشرير>>>الشر معروف بس الشرير وشو؟  شغلت الددسن وهي موديل 88 ديكور كحلي بدون مكيف ومركب جواعد على المراتب  شاريه من عرق جبيني بسوق الخضره المغزى شغلت الموتر بعد التشغيل ارفع راسي الى المرأة العاكسه وارى وجهي فاقول اللهم لك الحمد اني حي عشان اشوف وجهي كل يوم....  هذبت شنبي المنتفش باصبعي الابهام والسبابه وادق الريوسوانا اسوق بالطريق امر بجوار محل السباكه الذي يمتلكه جارنا فاضرب لوه بوري فيرفع يده مرحبا ويقول بينه وبين نفسه الله يخلف على ابوك  اشب زقارة على الريق من نوع مالبورو احمر واضع البكت بين المثلث والديكور ليتكمن الاخرون من رؤيته الاشاره الاولى اقف فيها يوميا و يقف بجواري زوج عمتي ويهنئني يوميا على نشاطي  لان لوه ولد يحوم التسبد ينام اذا قامو الناس ويقوم اذا نامواالناس صاير كنه سحا (خفاش) بعد مااتجاوز الاشاره اشغل المسجل صوت عبدالله السالم يغرد في ارجاء الددسن المعموره اغنية عطني عهد وانا امتثل لك واصافيك ولا ترا مابيننا ماله اساس  اصل لسوق الخضره فابتسم لهذا واحيي ذاك واسوي حركه باصبعي موب زينه لدلال قد لعب علي  ادور بين اكوام الجح والجرو بحثا عن الطيب المتنبي...قصدي بحثا عن الطيب الرخيص اجد مبتغاي ثم احمله واذهب الى تقاطع يمر فيه من هب ودب والتقاطع ذا ملئ بالسيارات التي تغص بحمولتها من جح او فصفص (مكسرات) او ثياب مستعمله فاقف بينها واحيي جميع المتواجدون الا واحد له اكثر من ثلاث سنين يبسط معنا ولا مره فطرنا  انتضر زبائني كما ينتضرهم الاخرون... و ينتهي يومي بغياب شمسه وقد بعت اغلب الكوم فاخذ ماتبقى منه اهديه على جيراننا مع ان اغلب جيراننا عمومتي بس يالله اروح للبيت اغير ملابسي اجلس مع الوالد حيث انه له قهوة كل مغرب فاتقهوى معه واسأله عن اخبار المعدات<<الله اكبر عاد يالمعدات شيول وقلابي بس لاكن..... في يوم من الايام واثناء جلوسي مع ابوي دار الحوار التالي الا وهو -ابوي: متسلقي ورا ماتكمل دراستك وتاخذ شهاده وتتوضف مثل الناس  -انا:والله اذا على الوضيفه هذا شي خالصين منه انت تعرف اني اكره اني الزم روحي بدوام>>ظامن الوضيفه (((((الى الحين الوضع FREE))))) -ابوي: بتكمل دراستك غصب عليك انت الى الحين بعطله ؟ عطلنا بالصيف ورحت تشتغل بالجح والى هاليوم وانت معطل لك اكثر من ثلاث سنين -:انا يابوي خل موضوع الدراسه.... اذا الناس كلهم درسوا وتوضفوا من يبي يجيب لنا جح وبردقان وخضره لازم يصير ناس متوضفين وناس يكرفون كرف الحمير عشان راحة المتوضفين ابوي سوى حركه بيده ومعناها كش مالت عليك نزلت الطاقيه من راسي وجلست احك شوشتي والحك هذا مثل الهندل حق المكاين الاولات احك واحك واحك ثم يشتغل مخي طبعا ماتطلع الفكره على طول يبي لي نصف ساعة ساكت ويطلع مني اصوات مثل صوت المودم اذا شبكته دايل اب جت فكره براسي وهي من نوع "جينيوس" أي عبقري قلت افتح محل خضار وفواكه بحارتنا بما ان السوق لازم تروح له بالسياره اذا فتحت المحل يبي يتعيجزون الشيبان انهم يروحون للسوق فياخذون من عندي بعت الددسن العظيمه واشتريت ددسن قديمه جدا عشان اوفر فلوس للمحل بعد شهرين تم الافتتاح >>>موب كله من فلوس الددسن تسلفت ضعفهن اربع مرات اول يوم : يافتاح ياعليم يارزاق ياكريم ياريان احمر يارياااان ياريان احمر يارياااااااااااااان اول زبون شايب من نفس المقاطعه الي انا ساكن فيها بس موب نفس الحاره -انا يالله حيوه ياهلا والله  -هو: بكم الكوسه>>>وجهه بارد -انا: ب12 السطل الكبير -هو: الله اكبر وشو لوه الغلا عند ابوسليمان بالسوق ب11 السطل -انا: الريال ذا فرق المسافه عن السوق -هو: لا السوق توي جاي منه وشاري مقاضي البيت مير( لكن) قلت ابمر اشوف وشو هالمحل الجديد -انا: ايه تسذا اجل ياخال موترك يدحدر الحقه لا يصدم الجدار.... صدّقن الدبشه وراح يركض للموتر ولا رجعبعد مرور 3 ساعات انا حاطن يدي على خدي وانتظر زبون يدخل بالغلط يالله حيوه هلا والله امر ياخال -الشايب: بكم الطماط - انا: بخمس طعش -الشايب: اعوذ بالله نهابه تسرق الناس انت عند ابوصالح بالسوق باربع طعش ونص  - انا: ياخال شايف انت السوق وزحمة السوق والاشارات الي قبل السوق...و - الشايب : لاماهنا زحمه مير انت مبعد عن الناس تبي زود ريالين تسرقهن من الي مايعرفون - انا: ياخال الحق على كفر موترك ينسم رح للبنشر قبل يقضي همن تبلش ماحولك احد - الشايب:؟؟؟؟؟>>>>راح يركض الصتيمه -يدخل عمي يحمل الجمس -انا : الحساب ياعم -عمي: هو بين الاقارب حساب يضحك ويروح محمل باكثر من ميه وخمسين ريال هو ووجه وجه الحراثه يدخل خالي يحمل موتره انا بكل براءه : الحساب ياخال -خالي: خذ الحساب من ابوك لاني جايب له امس سطول تمر ولا حاسب عنهن بعد مرور شهر عرفت جميع شبوك الغنم الي حولنا لاني كل ليله اروح اعطيهم الخضره الي مابعته>>>ايقالي بايع شي ساءت سمعتي بين اقاربي وذوي وعشيرتي الاقربون وقد قيل عني كل ماهو مقزز قيل...انني طمااع قيل...انني احجر البزران بالمحل قيل...انني ابيع خضره فاسده مع العلم اني من يوم افتح المحل اخذ مكسب ريال او ريال ونص بالسطل مع العلم انه ماقد دخل علي ولا بزر...اصغر واحد دخل علي عمره يكتب حروف وارقام من كبره مع العلم ان الخضرة اجيبه طازجه يوميا والفواتير موجوده الى الحين عندي واغلق محل المتسلقي بلهفة للخضار والفواكه جلست بالبيت يومين محبط وعلي ديون الى راسي او ارفع من راسي بشوي اجار المحل و قيمه 80% من الخضره الي كنت اشتريها ولا ابيعها و فواتير كهرب و الفلوس الي تسلفته عشان افتح المحل التفت لليمين فأرى طفايه سجائر قد عثا عليها الغبار لاني لم اجلس بالبيت مرتاحا كي ادخن>>>يلعن اوم الدشره يدخن بالبيت اقرب الطفايه واشوف وراه ريموت التلفزيون جبت الطفايه والريموت واشغل القناة الاولى الساعه سبع المغرب اشغل القناة الاولى مسلسل بدوي جواهر والشيخ حمد الي بالبر معهم جموس جدد على وقتهن اتابع المسلسل وانا فكري موب مع المسلسل ابد من غير شعور فريت على القناة الثانيه واشوف برنامج في البر في البحر وعلى الماء>>>>ياقدمي لكن فيه شي شد انتباهي بشده الا وهي وحده مع المنظمين او الحكام طخمااا بمعنى الكلمه انا يوم شفته بدا قلبي يقربع كنه غساله ام عمود ومادري وش الي مسكت معي الا بروح اشوفه على الطبيعه وانتظر لين انتهى البرنامج ويجيبون المونتاج والاخراج ومادري ايش اهم شي سجلت أي كتابه بالانقليزي طلعت لي بالشاشه ثم نمت وانا اهوجس بها الحرمه واشرقت الشمس... -امي: قم ياوليدي لا تتاخر على السوق - انا: مانيب رايح سكرت المحل -امي: ايه اجل نم واذ صحيت اسألك وش السالفه>>> غريبه عجوز وتصبر عن السواليف قمت وقلت لامي عن كل شي -امي : طيب وش بتسوي - انا : والله شوفت عينتس عساني فداهاا ماباليد حيله غير اني اروح لاي ديره وابدا من جديد - امي : هقوك ان الامور تنضبط - انا: ايه وش دعوا الامور ماضبطت هنا عشان اخوتس الصرم وعمومتي الفاغرين جيدين بالتحميل و انسي انهم يطلعون ريال -امي : يجي ابوك وقل لوه كل السالفه اغديه(يمكن) يعاونك ولا يشوف له صرفه - انا : يصير خير ان شاء الله جا ابوي بيتقهوى قهوته المعهوده كل صبح قبل يروح للشغل انا منزل راسي والعب باصابعي بالفرشه ومركي وجهي الكبير علي يدي اليسرى وشاخص الانظار واسمع تجغم ابوي للقهوه كنه يشرب حبيبات موب قهوه على التجغم - ابوي: عسى ماشر ياوليدي - -انا : والله الشر بعينه وعلمه - ابوي : افا وش السالفه - انا: والله المحل و و و............... نظر الي ابي نظرة المحنك الذي اكل منه الزمان ورماه لانه يابس وقال : ياوليدي لو انت من مبطي طالع عن هالارض ثم لامنك تواسيت وزانت الامور تجي وتضرب اطنابك هنا  قلت في نفسي هذا الي ابيه قلت لابوي يالله هات دريهماتك واروح استرزق بعد جهد جهيد وعناد ومطاوعه اقرضني ابي مبلغ ثلاثين الف ريال كلهن مربوطات بسير مغاط وحاطهن بكيسه سودا مكتوب عليها " اهلا وسهلا" " نتشرف بزيارتكم" اخذت الفلوس وانا اكتم ضحكه خفيه قلت جايك يالطخماااا  اليوم بالجوازات بكره بالخطوط حاجز على فرنساا بعد يومين اجهز الشنطه وامي تدعيلي يالله ترزقه وتبعد عنه عيال الشر والشريرالتفت على امي واقول قولي وداعا للدجه فمع المتسلقي للخضار انتم الاغنى وانا اقول بنفسي ايه هين خضار ان ماسويت بلبله بفرنسااا عشان هالطخما ماكون المتسلقي الركاب المتجهون الى فرنسا على الرحله 4873 يتوجهون للبوابه رقم 4 وشكرا على المسافر المتسلقي بلهفه بن حمد التوجه الى مكتب الامن المطار زحمه ومكيفات وقزاز وانا ادربي دميجتي رايح لمكتب الامن دخلت المكتب وسألوني سبب السفر لحالي وان الامر مشككو فيه قلت لهم لا كل شي على مايرام واني بروح اجيب جح من فرنسااا حسوا ان الثوب مابه احد ومشوني في باريس شهييييييق .... زفييييييييييير شهيييييييييييييق ................. زفيييييييييير يازينتس يادار خلي وانا في صالة الوافدين انظر ذات اليمين والشمال بحاحثا عمن يمكنه مساعدتي فاذا بي المح من بعيد وجها عربي الملامح وقد بانت الابتسامه على محياه في هذا الوقت انا اقدم قدما وارجع الاخرى >>>يعني مفوحج مترددا محتارا بالخطوة التاليه..... وصل الي وقال السلام عليكم انا من الفرحه تعنقطت بوه ودار بيننا حوار وقد حذف للاختصار وعلم ماذا اريد ومالذي اتى بي الى هنا واكرمني بشقته المتواضعه في صباح اليوم التالي رحت اتمشى بالمدينه وبأسواقها واعرض على كل من رأيت الورقه التي كتبتها من البرنامج لعلي اجد من يدلني على بيت فاتنتي وللاختصار وعدم الاحراج بعد يومين من سؤال هذا وذاك اهتديت إلى الاستوديو الذي تعمل فيه فاتنتي وعلمت ان اسمها كاترين وحجزت موعد لمقابلتهاااا ولكني لم أرها بعد في الليل لم انم اتقلب يمينا وشمالا حتى تسحلت جنوبي من التقلب افكر بفاتنتي كاترين هل سأعجبهااا هل هي متزوجه هل هي ترغب بشريك في شقتهاا>>>طموح الولد ولم يقطع تفكيري الا الصباح بصخبه وازعاجه هممت الى المغسله وغسلت وجهي وحلقت دقني الي ماينبت منه الا الكنادر افطرت من ما لذ وطاب من التوست المحمص والجبن الفاخر في شقه زميل الغفله ها أنا ذا اهب من الكرسي مستعجل الخطى الى استوديو فاتنتي كاترين ادخل الى الاستوديو برفقتي مترجم قد سعى به زميل الغفله صحيح انه مترجم بس يبي له مترجم مايعرف وش اقول البهيمه طرقت الباب فاذا بصوتها من الداخل يقول كامييين والمترجم يقول تراها تقول ادخل. ناظرت المترجم بعين حارة مفادها وش قالو لك اني حمار ماعرف كاميين >>>ايه دخلت فاذا بي اجد عاملة النظافه تنظف المكتب وكانت كبيرة السن قد التوى مرفقيها مع مرور السنين فقلت لها اين كاترين.... قال لي المترجم هي كاترين - قلت لوه انا اقول اسألها منب اسألك انت - المترجم : ايه وهي جاوبت تقول انا كاترين - انا : ابي مقدمة البرنامج المترجم يرطن شوي - المترجم : تقول انها هي مقدمة البرنامج فأخرجت مجموعه صور قد اخذتها من اشرطة فيديو فقالت انا هي التي بالصور والصور هذي قبل اكثر من خمس طعش عام - انا : اوما عاد انتي كاثرين شوفي وجهتس يبيله كوي ولا الحبوب الي بالخشم صاير كنه عظم ضومنه المترجم يرطن معه ويقول تراه يذب عليك وانا اسودت الدنيا بوجهي واقول بنفسي الله لايحللك يالقناة الثانيه يامعذبة قلوب الحيارى ورجعت للسعوديه لقيت ابوي سدد الديون الي علي بعد ما اكلوا وجهه الديانه ومن يومه وهو ماسك عصا يحترين ادخل بس واكلت لي كم محطه بالعقال وصار في مؤخرتي شعار الاولومبياد وها انا ذا قد بدأت من الصفر حتى من قوة الصفر مامعي ولا حق الدخان وبديت انقل بالسوق بعربيه واحمل للسيارات و سددت ديوني و الان عندي راس مال يجيب لي ددسن88 بدون جواعد مايستفاد اكثر الاقارب مايحاسبك اذا جا لمحلك ويحسب انك مكتفي او من باب الميانه بنظر الناس السعودي ليس أهلا للعمل لانه يسرق ويغيب ويسوي كل شي بشع بينما البنقال يعثون بالارض فساد ومازال اغلب السعوديين يفضل العامل الاجنبي على السعودي عندما يبدأ السعودي من الصفر فلا يثنيه شي عن عزيمته>>>الا اذا شاف طخما فان العزيمه تروح ملح القناة الثانيه تجيب برامج قد مضى عليها من السنين ما مضى اشتغل حمال بالسوق واكون نفسي احسن من ان انتظر مصروفي اليومي من البابا الددسن ال88 احسن موتر واعذروني على كثرة الحوارات لكن القصه تستلزم تسذا
|
|
|
02-07-2009, 09:32 AM
|
رقم المشاركه : 2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
فيها عرق حبوش
|
غسلت وجهك غسلوك ذلحين انتا تقصد رحت للوالد الله يطول بعمره .. ولا للوالده الله يطول بعمرها وجلست تتقهوى معه .. ولا جلست تتقهوى معى امك .. العن ابليسك قول امين .. الا سوالي بكل صدق وامانه من درسك الجغرفيا.!؟ خذها مني لا كثر الله من امثاله حشى ولو ان اسلوبك يمشي مع الشعب الي زيك ولايهمك ولا تاكل هم
لااااااا باللااااه البطيخ تسمونه جح حنا نسميه فراوله والشمام تسمونه جرو حنا نسميه فرموزا ياخي مين الي علمك الفواكه علمني قولي بالله او ان مدارسكم غير مدارسنا اتذكر يوم كنت باحد الصفوف الاوليه للامانه مو متذكره اي مرحله وهذا ان دل يدل على الفشل الذريع الي عيشه المواطن فاذكر مدرسة الرسم كانت تقول ارسمو وانا عاد حتى الدايره مااعرف ارسمها من زود الدفاره الي فيني بجد احب الرسم بس مالله اعطاني القدره على ذالك فعاد الادميه تحاول تعلمني وتمسك بيدي لدرجه انها رسمت رسمه ذيك الي شي ازرق يعني من تشوفه تفهم انه بحر بس عاد من يومي يخونني التعبير فتقولي ها ويش ذا قلت : اه اه ام ام امممممم ذا ذاك الي نروح نتمشى فيه قالت ايه ايه ويش هوا قلت بحرنا.. قالت يعني بحر قلت ايه قالت كويس شوي راحت لمكان فاضي في الكراسه ورسمت شي زي القلب وبعدين حطت له زي العصا وعليه تطلع ورقه شجر قالت ويش ذا اممم امممم امممم مره عجزت اعرفه !؟ قالت شي يوكل؟ قلت ايش هو؟ قالت تفاحه قالت ايه ومن بعدها عرفت انه تفاحه واروح عند امي واوريها قالت ذي برتقاله قلت لا تفاحه قالت من علمك قالت الابله قالت لا ذي برتقاله ومن بعدها صرت مادري اصدق الابله ولا امي وعشت في ضياع حتى تاريخ ذا الوقت الي اقرا فيه واقرا وانتم تسمون البطيخ جح ولا كله كوم والشمام ايش تسمونه جرو جردك الله من المعاصي والذنوب قول امين لابالله تلخبطت معلوماتي فالي اعرفه انه الجرو حيوان بس احترم المكان فماراح اعلمك من هو
المستلقي المستلقي لا تحتار فالشرير هو الشيطان
يعني تبغى تعلمنا انك شاب طموح قم بس قم انتى حدك الشله والله لايحرمها من الطموحييييين الي مثلك ومثل الناس الي تستاهل كتاباتهم احد يقرى لها ولا حتى لو ما تستاهل (بتحوقها  )لاكن مو خساره الوقت الي يضيع في قرايتها لانها من الاوقات الي هيا ممتعه وتروح عن النفس كما روحت عن نفسي وانا اقرا هذا يا هاذا
الحمدلله يارب انك متى ولد عمتي
صدقت يالمستلقي لله وبارك الله فيك
وهذا سبب تدهو الشعب عن بقية شعوب العالم في النهايه استهدفت عددة حوارات وجات ما يستفاد جئت بها اكمال لما ذكرته سابقن فلو استشرتني قبل ان تقبل محلك او تعرضه للتقفيل لاكنت اعرضته لهندي لكان رجع لك خسايرك وبقي معك زي الحلاوه ولاكن تسرعك فهذا شاهد لما سبقت ذكره حينما قلت عندما يبدأ السعودي من الصفر فلا يثنيه شي عن عزيمته عزيمه ولا حفله هههااااي المستلقي كم انتى ممتع بذباتك و بماطرحته فاعدنا بالمزيد بالقادم والقادم احلى بمشئيه الله .. . |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
02-07-2009, 10:27 AM
|
رقم المشاركه : 3 |
|
وَهج مُتناغم
|
8 8 الحين ابي اعرف هذااا رد والا خطاااااب فيه مشاكل الشعب اليمني ومعاناة اطفالهم في لبس الورزة !!! بعدين الشخص اللي فوووق قصدي صاحب الموضوع اسمه المتسلقي موب المستلقي يابنت لاصرتي ماتعرفين اللهجات اهجدي مكانتس ولا تعلقين عشان محد يضحك عليتس  المتسلقي بلهفة .. لبى امك وش اخباره .. وش علومه ؟ صراحة انت طاااقتك شكلهااا تكان ان تنفجر في العيااارة وللامانة فرحت انك نزلت موضوع جديد .. بس بنفس الوقت ماحبيتها منك <<== افااا اي صدز لانك نزلت موضوعك سريع سريع والموضوع الأول مابعد فك تثبيته حتى  لكن تراااااي راجعة لك انت وموضوعك وماسبق غيرتن على عيااارتك اخاااف تخلص فهمتااا والا مافهمتااا   << لحين عودة << جود السماء تدق رقبة
|
|
|
|
02-07-2009, 10:54 AM
|
رقم المشاركه : 4 | ||||||||||||||||||||||||||||||||||||||||||||||||||||||||||||||||||||||||||||||||||||||||||||
|
حقنه ومتنّح
|
. . هههههههههههههههههههههههههههههههههههههههههههههههههه هههههههههههههههههه هههههههههههههههههههههههههههههههههههههههههههههههههه ههههههههههههههههههه هلا والله بالمتسلقي اجل داقن الشماغ الاحمر الي من حماره تقول ناقعه من يوم هنري الثامن وذاك الثوب الاصفر المشصب من الوصخ وزبيريات بنيه ميبسه وراقين فوق الددسن وتصيح : جح جح جح انت وذالددسن الي كنه تحميله فيه احد يسرق من ابوه فلوس عشان يسافر باريس ! ترا ياخوك ماهنا فرق بينها وبين ابها اللهم هذيك اسمها باريس وذي اسمها ابها .. رح ابها والعب بالدبابات واقشع لك بزر بزرين عشان تحس بروح المغامره ( الله يلعن روح المغامره الي تعرفها ) .. وانواع الفله .. مهوب تروح باريس وتسوي فيها برستيج ويااي وتاكل بشوكه وملعقه لا هنا شمر عن ساعديك ودق فالكبسه مايحتاج شوكه وملعقه وشغل ياي .. عاد اخوكم المستلقى مسوي فيها ذوق وفاهم الاتيكيت .. جابو له ذاك اليوم لحم وهو فالفندق صار يقطع اللحمه بالشوك والسكين ويالقطها بيده .. وش استفدت باللهي ( قايل لك ابها احسن ) .. حتى ذاك اليوم يوم دخل حمام ومالقا ماء تحكحك فالجدار ومشى ( الله يقرفك ) .. لا ويوم شاف لفه المناديل مرزوزه فالحمام خذها وحطها في جيبه يحسبها هديه .. ياوصخ تمسح فيها طيب الجدار صار بني يا ابن اللذينا لا ومسوي مشبك مضيفه الطياره كل شوي مناديها .. لو سمحتي كاس مويه .. لو سمحتي شاهي .. لو سمحتي فطور .. يوم حس ان الوضع كذا مهوب زين قدام الناس .. قام وراح عند الكابتن و دخل عليه ماشفت كاترينا (المضيفه ) .. رفس الكابتن الباب وكمل سواقه .. وراح عاد هو يدورها ولقاها فالمطبخ حق الطياره تسولف مع رفيقاتها .. قام نطل الرقم وعفسته ورمته .. مهوب ماتبي تغازله او شي زي كذا .. لالا .. اخوكم فالله المتسلقي كان يدور قلم حبر مالقا .. قال مابدهاش دخل اصبعه في خشمه وفرك وفرك لين طلع الدم وقام يغط ويكتب الرقم عشان كذا رمته .. اجل عمركم شفتوا واحد قبل مايدخل الطياره فصخ زبيرياته ومتحضنهن كنه داخل الحرم الله يهديه ياخوي ترا راس مالها زبيريات امهات خمسه وعليها تخفيضات بعد .. نروح للاقتباسات . .
ههههههههههههههههههههه يابعض الناس فيهم بجاحه .. طيب ياخي قلي عطني اياها ببلاش والله لا اعطيك اياها مهوب تجيني انت وتقول هو بين الاقارب حساب .. بالله ترضى كذا يروح تعبك وثوب الي خامر عرق .. حتى شعر ابطك حت من قوووة الحر ! والله مايروح لا اوقفه واقوله كل لي تعبت وكافحت واخليه يطلع الفلوس ريال يبطح ريال
هههههههههه والله ماظنيت مغااط .. انت وجهك وجه مغاط انت وبوك ( سب الولد ) .. انتم حدكم شراب عائله تربطون فيه الفلوس ويدسهن تحت مرتبه السرير وحاطها في كيس ريحته حلتيته وقرفه
هههههههههههههههههههههههههه لا ماشاء الله عليك مقطططع اووم الانجليزي انت يقولون جامعه اكسفورد طالبينك تدرس عندهم عشانك داهيه فالانجليزي ( بلا سماجه خلاص عاد ).
ههههههههههههههههههههههههههههههههههه اجل سوا في مؤخرتك شعار الالومبياد .. انتبه بس خطر مايعلقونها في الالومبياد الجاي كمشهد حي للشعار ( فصخ الميانه ) .. . . يعطيك الف الف عافيه اخوي المتسلقي .. واله موضوعك تووب  ماقصرت يالغلا وسعت صدورنا وصدور الي قرو .. تسلم يمناك ولا عدمناك على هالرد الي مثل ضرس بشير المسوس .. واعذرني عالميانه الزايده صعيدي الحاره .. ارسطو !
آخر تعديل ,, متقهوي ديزل ,,
في 03:54 AM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
02-07-2009, 05:02 PM
|
رقم المشاركه : 5 | ||||||||||||||||||||||||||||||||||||||||||||||||||||||||||||||||||||||||||||
|
مهندس تطوير
|
لاتيه
الي درسن الجغرافيا شايب من معهد المعلمين وبعدين كلمة " معه " عندنا تستخدم للمؤنث والمذكر لكن انتم تحبون الزياده وتقولون " معها " للمؤنث فينبغي على كل بالغ عاقل ذكر او انثى انه يصير رجل ولا يزيد بالحروف شي ماله داعي
موب القصد اني اتبيجح وانزل شرح لكن مثل مانتي خابره الانترنت ذو نطاق عالمي ويمكن يدخل على الموضوع من اشقاءنا العرب همن يبلش ببعض الكلام لان مره من المرات قعدنا نشرح لمصري وشو الجح اخر شي زعل وراح يححسبنا نسبه
شكرا يا هذه فأنا ارفع القبعه احتراما لشخصكم الكريم <<<<غير هالهرج
براااااا يالله واخيرا يالاتيه اشكرك على نقدك البناء الي من قوة انه بناء جاي معه كيس اسمنت والله لايحرمكم مني
آخر تعديل المتسلقي بلهفة
في 05:05 PM.
|
||||||||||||||||||||||||||||||||||||||||||||||||||||||||||||||||||||||||||||
|
|
|
02-07-2009, 05:12 PM
|
رقم المشاركه : 6 | |||||||||||||||||||||||||||||||||||||||||||||||||||||||||
|
مهندس تطوير
|
طايرة بالعجه
ياهلا والله بريحة الوالده انتي وبرقعتس<<<<قاهرن
تصدقين اني مانتبهت !
والله انا ماكان ودي لاكن هذي قصة واحد من الشباب الي اقابلهم شبه يومي والله العظيم انه يتكلم شوي ويصيح من القهر بس سالفة باريس ذي من عندي
في انتضارك يالمنتفخه |
|||||||||||||||||||||||||||||||||||||||||||||||||||||||||
|
|
|
02-07-2009, 05:16 PM
|
رقم المشاركه : 7 |
|
مهندس تطوير
|
ARSTO ياهلا والله بريحة الداعسين على اليهود ارسطو قسم بالله منور ابو ابو موضوعي بردك التوووحفه لكن اذا ماطيحت الميانه من ورا الكي بورد متى تطيح؟  تصدق انه ودي اقتبس المقطع الاول من ردك كامل بس اخاف يجمعون ردي ويرمونه بوجهي ولا يهون الباقي يعجبونن الي مثلك يشرشح على عماا هههههههههههههههه <<< انت اعجبتن تصير صقيقي الصقوق
آخر تعديل المتسلقي بلهفة
في 05:45 AM.
|
|
|
|
02-07-2009, 08:53 PM
|
رقم المشاركه : 8 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
توه ساكن
|
الظاهرماقطع رزقك الازوج عمتك اكيد حاسدك ع هالنشاط الصباحي لاهو بس عنده ولدن خفاش يعبدالنوم بس موضوعك خااااااااااااااااالص
خله ع راحته بين اكوام الجح والجرو..الا تعال الجرو هذا منين جايبه من القناه الثانيه
*لا حجتك قوووووووويه وتعرف تصرف ..اكيد ابوك اقتنع صح*
*لا لا انت بصراحه مواطن مخلص وينه غازي القصيبي عنك اكيد بيستانس على هالسالفه هذي انسان يسعى لراحه المواطنين ويعطي فرصه العمل لغيره مخلص ياعين امك
*ههههههههههههههههههه والله البهم اولى وفيهن بعد اجر اجل عمك الفاغر وخالك الصرم فيهم صدقه*
لا لا يهمونك والله مايردهم شي 
تدري ليش الخساير تكالبت عليك من كل حدبن وصوب والناس مايشترون منك ومايثقون بخضرتك ياخي اسم محلك مايشجع ابدن مير كان ماسميته (لميس للخضار)وتحط اعلان للمحل اشتر جرون واحصل ع صوره لميس مجانا والله تلقى الشياب مسنترين عند فم الباب وينتظرونك متى تفتح عاد العوده اذا انهبلو ا .انهبلوا
هههههههههههههههههههههههههههههههههههههههههههههههههه يامال الجنه لهالبرامج..ماشاءالله ع ذاكرتك لوتسأل التلفزيون السعودي عن هالبرنامج يقولون لك شو عم بتحكي يازلمه والله مابنتذكر ان بثينا مثل هيك برامج <<قلب سوري التلفزون ..عاد انت معك اثبات تراني قلت ماشاءالله ماشاءالله اخاف بكره تفقدالذاكره وتبلشني
كل شي كل شي حتى عن الطخماء*
*قرض الله راسك ياغلام على نيتك القشراء كول هذا التقردن بسبب الطخماء *
اجل مصيت حليل ابوك كله ياعزتي له عزتاه خاش فليساته بكيس لااهلن وسهلن بعد اهب والله الذاكره هذي والقصه احداثها في عام 1991هههههههههههههههه ماني بقايله ماشاء ماصارت عاد يارجال
ههههههههههههههههههههههههههههه انا داريه القناه الثانيه ماوراها شين زين اصلن التلفزون السعودي لويطلعون وحده مزيونه وطخمه ع قولتك يقطعون اللقطه والا يحطون اسود وابيض ع وجهها عشان ماينفتن الشعب ,,يعني درء للمفاسد وهذا لون اللي يطالع بالقناه الثانيه وينفتن بالطخم(لون بمعنى مصير..لغير الناطقين باللغه العربيه مايستفاد ياخي انت مانك بصاحي موضوعك مجنون<< لعنبو اللي علمتس الاسلوب بس موضوعك مقلع وزاحف واطخم وفيه شطحات بس انت تذكرني بطفاقتي اول مادخلت الحاره اول يوم قلت رحبو فيني وثاني نزلت موضوع وعقب ماثبت بعد كم يوم نزلت واحد ثاني الظاهر مانعطي وجه بس شف انواع التحطيم اللي يقول اركدي واللي يقول لاتكتبين الابعد عشره سنين بين كل موضوع ,, والثاني يقول عندتس موهبه بس لاتستعجلين الوكاد تراهم منحسدين منا مايبونا نطلع احسن منهم طيب وش ذنبا ان الله معطينا مواهب ياخي الرازق فالسماء والحاسدبالارض بس انا تبت ماعادني بكاتبه والله مايشمون شي <<قم بس قم والله ودي اقتبس اكثر بس اخاف اشوه جمال موضوع وماعطيك حقك تسلم يامستلقي ..ونتظرجديدك الا بعد عشره سنين وما اقول الا.. (الله يرزقك الرزق الحلال ويبعدك عن عيال الشر والشرير)
آخر تعديل كوندليزا بنت صنهات
في 08:03 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
02-07-2009, 10:52 PM
|
رقم المشاركه : 9 |
|
محاور مميز
|
المتسلقي بلهفة .. كيف حالك أنت .. من خلال خبرتي بمحلات الخضره وقيس عليها مانكب عفشك غير البحث عن طخما تدش المحل وتشتري منك وتصير بعدين زبونه مستديمه وتروح تسوي عاد أنت فيها خدمة عملاء وتوصيل طلبات وتنكفش عند باب بيتهم تسوي حركات مريبه ويودونك لمركز الهيئه ويجي الوالد يكفلك وتروح في ستين داهيه .. أقول أحمد ربك أنك سكرت المحل من بدري .. وسافرت لباريس مافيه مراكز هئيه هناك ... المتسلقي بلهفه .. << تلاحظ مكرره .. الحين يومك سافرت لباريس مافكرت تفتح محلات عطورات يقولون الاقبال فيها اكثر من الطخم سلالالالام عليكم / |
|
|
|
03-07-2009, 05:35 AM
|
رقم المشاركه : 10 | ||||||||||||||||||||||||||||||||||||||
|
مهندس تطوير
|
ياهلا بهالوجه الصبوحي وحي وحي حي حي ي ي
تهقين؟ تصدقين انتس ولعتي لمبه براسي ! الظاهر بروح اغسل العبس عقبوه واتروش بغسالهن<<<<يلعن اوم الدناءه
من ديره اسمه شري على طريق حايل القديم لعمي مزرعه هنا به مصري اكبر مابه رجليه يوم يولد قالوا لابوه مبروك جاك رجلين . بعيد ميلادوه يغنون : كان يوم حافي يابو رجلين انا في الاحترااء وادق رقبه |
||||||||||||||||||||||||||||||||||||||
|
|
|
03-07-2009, 05:42 AM
|
رقم المشاركه : 11 | |||||||||||||||||||
|
مهندس تطوير
|
اهلا ومرحباا
عندنا مثل بالقصيم يقول : اجلب ملح للشقه اجلب معناه: تجيب بضاعه تبيعها بالسوق والاصل منه الجلب والشقه اسم الارض الي يطلعون منها ملح القصيم كله عاد انا اروح ابيع عطورات بفرنسا يعني ابيع عليهم الهم ينتجون ما أفشل من الخضره الا عطورات بفرنسااا هههههههههههههه الله يقطع شيطانك بس منور يا البي
آخر تعديل المتسلقي بلهفة
في 05:47 AM.
|
|||||||||||||||||||
|
|
|
03-07-2009, 10:28 AM
|
رقم المشاركه : 12 |
|
مهندسة تطوير الشلّه
|
وسلام سلّم يامعلم ....................................... ماشرشحت لان فيك رجاء ويطلع منك وعندك سالفه اما لو انت من جنبها كان تكفل فيك الكنج مخاوي  وصدقني الشرشحه مش من صالحك خصوصا انك جديد وعندك موهبه لاباس بهابحلنا فيكم اللي يبي الشرشحه مايتشرشح واللي يبي يسلمووو ومشكووووووووور يعض الارض من الشرشحه صج لاقالو ارضاء الناس كنز لايفنى وننتظر جديدك وخل عنك الهواجيس وانتبه7 7 7
آخر تعديل الأخت مطنوخه
في 10:53 AM.
|
|
|
|
03-07-2009, 10:39 AM
|
رقم المشاركه : 13 |
|
مهندس تطوير
|
انا نزلت الموضوع بعد ماخذت السالفه من واحد حصلت لوه صدق بس بدون فرنسا بعدين وش هالرد ذا لي ماشرشحتي ولا هزأتي ولا شي ردك ذا على العين والراس بس ابي شرشحه ابي تمحيط على اصول ياعين جدي انتي اتشرف بملاحضاتك بس لو يكون فيه شوي شرشحه |
|
|
|
03-07-2009, 11:15 PM
|
رقم المشاركه : 14 |
|
توه ساكن
|
ومؤلمه الله يرزك وخل عنك وكمل دراستك احسلك ليلي |
|
|
|
05-07-2009, 03:37 AM
|
رقم المشاركه : 15 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
وَهج مُتناغم
|
. بااااك يالبى امك << ماسكه معه تبي تحتسي قصيمي ولووو ان رجعتي متأخرة بس مشاغل الدنيااا الله يفنيها بعد صلاحنااا
أفاااااااا وراك نبهتنااا انها من الواقع .. ياخي ابي لما اذب اذب بذمة وضمير .. موب اخجل عشانه صايرن بالجد .. ياي والله انك بايخ
يووووووووووووه يعني على وقت طلعة كرسيدا بوكس .. يوم انها في عزها واللي يشريها تسنه شارين له بنتلي ..
سبحاااان الله القادر على كل شي حافظ امك حتى من عوامل التعرية الجلديّة .. ياخي افهق مناااك اكيد امك موب متغيرتن عليك جعل الشر بعيد عنها
ههههههههههههههه امك جعله العافية وراك تحش به .. ترا الله مايرضى << لاتهمك تبي تحتسي بس انت سلك لها  ... بس ترااا قمصان الروز فلة .. حدني الله يومن من الايااام باستراحه طبوو يسبحون وانا ماجبت لي غيار الا وافنقس معهم اعوم تقل تسني سلحفاة معوقة طافحة وبس ومهنااا تجديف .. يوم طلعت الا واتوهق ماعندي غيار ..مير وتجي ماما سارا وتقول عندي قميص بشنطتي شامرن علي لبسته وصايرن علي يقوم مقاام البرموداا بس ساااق واحد وهفهفت الدنيااا حسيت اني لابسه قميص كشف موب روز .. لعنبوو من صنعه .. خفيييييييف ماكنك لابسن شي
الشر مفروغن منه ومعروف بس الشرير اللي هو نفسك الأمرة بالسوء .. يعني هي ماتدري يمكن ابليس يخزك وتغش شايبن يبي يذوق عياله جحة .. والا جروتن تعطيه اياهاا وهي مخمجة .. عشان كذا قالت الله يبعد عنك الشرير واللي هي نفسك << تكفى مخمّس عبد حااااااقد
هنا مدري ليه لا ارادي لمست شنبي << شاكه في جنسها الاخت  .. لا والله بس اتبعت الوصف .. وطبقت الحركة عشان ارعف كيف الا مير ذا الموتر كم يسوى لو اشتريه الحين
يععع الله يقرفك ع الريق ومالبور احمر .. لهنبوك هذا حق الشيبااان اللي منتهين في التدخين موب انت اللي رئتك من شافها حلف انهاا لسااان موب رئة من صغرها همن لعنبووو النقص اللي تحسّة على بالك لاشافوو البكت بتصير رزّة تراهم يحقرونك يالدلخ واللي يريش بك هذا نذل يبيك تصير زيّة مايبيك احسن منه
افااااااااا ليت امك شافتك كان تفلت على راسك ... وقالت لاااابو يومن جبتك فيه
ومنتهي ابو الشباب .. يسمي الجرو والجح وظيفة ههههههه لعنبوو الطموح
الحين يقالك بتوازن المعادلة .. ابوك ذااا شكله عايشن مع عجيزات يوم انه صغير
وراااااااه كنت بشريه منك لمأراب اخرى في نفسي .. يعني مثلا ابي اطعس به كود ادخل موسوعة جينس .. ويعلنون عني بال CNN ويكتبون في الجرايد بالبنط العريض .. طايرتن بالعجّة تعتلي التلال الرملية في الثمامة بددسن مدردع .. عادهم مايعرفون كلمة تطعس بيقولون تغوص بالرمال وتطلع مثل الشعرة من العجين .. يجي هالمثل صح
ههههههههههههههههههههههههههههههه والله اللي قطع حيلك من اولها ذا الشايب .. ومسوي يسأل وتسنة بيشري له كوسة .. الا هو شارين له المقاضي كلها بس يبي يتقصى ذا الملقوف
هههههههههههههههههههههههههههههه وانت لاقين لك هالطجم تصرفهم لا ماجازت لهم اسعارك .. بس تدري والله انك تزدي فيهم .. ذا الشيبان على قلبهم مثل العسل لاشرو من شايب في سنهم .. بس يلقون شاب يبدون بالعذاريب في خضرته والا باسعاره .. لعنبوو عظامهم اقل شي يشجعون موب يحطمون << نيابة عن المتسلقي تمت الحلطمة
ههههههههههههههههههههههههههههههههههههههه لاااالاااا لا هذا هو الشايب المفضل عندي هههههههههههههههوالله اللي مارجع لك حتى .. عطاك اياها في الوجه .. بس هو صاااادز هو بين الاقارب حساب
القمها من الثاني ههههههههههههه
الأولة والثانية ماظنتي ولاهوب من عادتك .. بس الثانية اشك فيك بصراحة .. هو من عقب الحركة اللي فوق وانا غاسلتن يدي منك <<< امزح والله
هههههههههههههههههههههههههههههههههههههههههههههه موب اسمها ام عمود الله يفشلك .. لاحد يسمعك والله ان يشك انك موب سعودي ههههههههههههههههههههههه اسمها غسالة بابطين .. بعدين ياقلبك ان تسانه يرقع مثلها .. ماصار قلب .. ذا مضخة تبارك الله
اكيد ذا الكيس كان شارين شي من الوشم والا ريمان وحطوه له فيها << محومين تسبدها ذا السوقين مدري وشوله ماهدموه لهالحين
لاحظ كررتها وقالت الشر والشرير والشرير هنا وشووو ؟؟ نفسك صح والا ؟ يعني مثل ما أولت لك قبل .. عاد ماله داعي اشرح لك وشو بتأمرك به نفسك لارحت هناك .. اقول بس يالبى امك تراه فاهمتن الطبخة وتسلك لك لان مامنك فود
يالووووووووومك 
ههههههههههههههههههههههههه امداها تصير دار خلك .. تخلخلت نيبان العدوو
والله اللي ماطقت لي خبر الله يرحم نفيستك بس على ذا الذوق .. تاركن بنيات ديرتك ورايحن تطارد ورااا هالسلقة الممعوطة
ياااااااخذ ذووقك ياشيخ على هالوهقة اللي وهقت عمرك بهاااا .. لعنبوووك ماتشوف تاريخ انتاج البرنامج ..؟ ماتوحي لنوع عرض الكاميرااا ؟ ماتنتبه لملابسهااا اللي هي فاتنتك .. بس على طول اشتغلت البابطين في قلبك وانتهينااا .. والثلاثين طارت في الهوا
ههههههههههه يالوووومه اجل لو يدري عن سالفة كاترين والثلاثين الف
يااااااااكثرهم ذا النمونة .. وياصبر الارض بس
حلاااااااياااا كاترين هااااااه
انا اشهد والدليل بغيت اشريه منك عشان اشتهر بس انت بعته الله يهديك همن عودت عليه تشريه من اللي بعته عليه عشان ترجع من الصفر يعني لاطبنا ولا غدا عنا الشر والشرير ههههههههههه المتسلقي .. الله يسلم قلبك ويطيب فالك على سعة الصدر اللي هناااا .. والله انك عياااارن طلدز ولاتهمك الكمخة مطنوخة تراها غايرتن منك
.. ابد لاتاخذ بكلامها اسفطها هي ونصايحها على جنب كود تطيح على راسك وتنزل لنا موضوع ماصل مثل خوينااا اللي انتقل الى رحمة المولى مطفشهم .. بعد مادقيناااااااه ملح وهريس في ذا الشلة يوم قام يترزز لنا بخويته .. وخويتي وخويتي .. عاد انا اقولك لاطحت ترااا محد مسمي عليك .. وبستلمك بالشرشحة دامك تبيها وتدورها دوره .. الجد وانا اختك اني حبيت امك .. الله يخليها لك .. ومثل ماقلت لك بالاول موضوعك روووووووووعة وختلف عن بافي اللي قريته هنااا .. صحيح يبي لك شوي عليه بس والله العظيم انه رووووعة وخيال ويمكن لو انك تمحصته اكثر ماطلع بنفس روعته الحين .. يعني قصدي ممكن يغلب عليه المبالغة اللي تنفر القارئ .. وانا عن نفسي اقولها بعض المواضيع اصد عنها لأني احس انه متكلف بالعيارة فيها .. وتحس ان الكاتب حالفن على لسانة الا ينطل له كلمتن فيها ذبة والا مزحة .. بس انت هناااا التلقاااائية خيالية .. استمر عليها وانا اختك .. ولا تستعجل .. تراي احب اقراا لك |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
desighned by : example4d.com |
||
 |
 |
 |
