 |
 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
02-07-2009, 06:11 PM
|
|
||||
|
الجنتل
|
من سلسلة [ خثاريق على فكة الريق ] للأديب العالمي لك عليه !!
1- لماذا كتب هذا الموضوع ..؟ :- كتب هذا الموضوع أهدآءآ مني إلى روح الفقيد الغالي ( وخرلا1000عك ) الذي وافاه الأجل قايلة أمس  إثر وعكه صحيه ألمت بقذلته الرنانه التي نقل على اثرها الا المستشفى اللذي فطس فيه حين ذاك ..قلبي  يتقطع أسفآ وحرقتآ على فراقك ياوخر وعلى فراق قذلتك التي ياما هفهفت فيها في طرقات الشله وأزقة الحارة ويؤسفني أكثر بإنه لن يصلى على المفطوس إطلاقآ حيث أفتى فيه مفتي الديار الشيخ ( عبدالله بن احمد ) اثابه الله وجزاه عنا خير الجزاء حين سألناه وين ندفن الألفعي قبل أن يخيس ويروح فينا وهل يصح أن نصلي عليه ولا مالها لزمه ف أجاب الشيخ والمسواك في حلقه قائلآ " لا لاتصلون عليه ولا شي هذا احذفوه بالقراشيع على طول وريحو أعماركم منه وريحونا معكم " وأضاف شيخنا الفاضل وهو يصرف قائلآ " بالنسبه لمقرفونات جامع قسم التوعيه اخذها ( الهلاس ) الظهر يقول عندهم مؤتمر صحفي بالقسم يعني لاتحسبون اني ماودي أخليكم تصلون عليه لا لا لاتظنون هالشي فيني انا أدورالاجر لاكن نصيحتي لكم القراشيع بس.. ودوه القراشيع اريح لكم ولنا وزين بعد ان اخذوه القراشيع منكم ( يقولها وهو يغمز ) ولاكن مانقول الا..الفاااااااااتحه على روح الفقيد..!!  2- مايمنع أثناء قرائة الموضوع :- أولآ : عدم التذمر أثناء قرائة الموضوع حتى لو إن الموضوع ماعجبك عزيزي العضو يعني تنثبر وتقرا الموضوع من فم ساااااكت ..ونذكر على سبيل المثال أمثله على التذمر مثل... أووووف  ...يووووووه ..متى يخلص ذا ألعن أوم الطفششش  ..وتجلس تناظرلي الساعه كل خمس دقايق اللي يشوفك يقول وراك البيت الابيض وإلا مصير الأمه كلها متوقف على وقتك الثمين ..!! هالحركات مابيها مفهوم ..!!؟ وأبيك تفهم عزيزي العضو إنه محد درا عنك ولاجابلك خبر زين عشان كذا اقرا الموضوع وأنت ساكت ..أوكي ..؟؟!! ثانيآ : التكلم اثناء قرائة الموضوع ..؟ وشوله أصلآ تتكلم وإنت داخل عشان تقرا ..؟ اصلآ بعرف وشلون تتكلم وتقرا بنفس الوقت ..!!؟ وإنت قاعد تقرا موضوعي حبيبي العضو تطنش الدنيا كلها زيييين ..؟؟!! ثالثآ : يمنع منعآ باتآ الدخول للموضوع وبحوزتك كيس من الفصفص أو المشروبات الغازيه ايه فاضين لك حنا كل شوي نبي نمسح وراك تفصفص وتفتف على العالم اللي جالسين قدامك وإلا تتاغر علينا والسبه المشروبات الغازيه اللي بتجغمها كل دقيقه والثانيه ..واللي بيتذمر من الحين ويقول طيب يذبحنا الضما والموضوع طويل وش بنسوي ؟  ..اقوله حطينالك عزيزي الضميان ترمس ابو لون برتقالي وجنبه كوب معدني تلقاه إول ماتدخل للموضوع واشرب الين يطفح بطنك..أظن عداني العيب كيذا ..؟؟!! رآبعآ : ممنوع دخول المغاتير والحوامل ..!! 3- مايتطلبه للرد على هذا الموضوع ..؟ :- أولآ : وطبعآ ماتبغالها ذكاء عشان ترد على أي موضوع وموضوعي أنا تحديدآ يجب عليك أولآ إنك تكون قاري الموضوع جيدآ..!! اصلآ بالتأكيد منت راد على موضوع وإنت ماتدري وش مكتوب فيه إطلاقآ ..؟ وإلا بترد وش بتقول يعني ..؟؟  بعرف بس وش بتقول ..؟؟ جاي هنا اشحذك ردود أنا يعني عزيزي العضو ..؟ أرجو إنك ترفعها شوي عزيزي العضو ..!! لا افقع وجهك هينا في موضوعي ...!! ثانيآ : الرجاء كل الرجاء من العضو الذي يرد فقط ليبحث عن زيادة المشاركات فقط وهدفه في الحياه إنه بس يفتح صندوق الرسائل الخاصه هالعضو ارجو أني ما اشوفه في موضوعي هذا نهائيآ ولايزيد عدد مشاركاته على حساب تشويه جمال موضوعي..!! < ذليتنا بموضوعك يالحبيب..!! ثالثآ : الحذر كل الحذر من استخدام الفاظ الترفيع والترييش والتميلح وهز الكتوف بالرد على موضوعي ..وياحبذا أيضآ من الاعضاء الابتعاد كل الابتعاد عن النقد الهادف البناء اللي مايفيد بشي وابيهم يركزون لي على النقد الهدام التحطيمي اللي كفيل بأنه يسبب للعضو أنفصام شخصيه ..!! نفذت كل الشروط عزيزي العضو..؟؟؟ إيييييه الحين إنت بالطريقه هذي تصير حبيبي المفضل ووقتها لك مطلق الحريه بأنك تسوي اللي تبي في هالموضوع طبعآ هالنقاط موجهه للأعضاء فقط أما المشرفين أهبا اوجهلهم مثل هالنقاط ..مع تمنياتي لكم بالمتعه والفايده وإلا اقول الفايده مهو لازم وشكرآ جزيلآ لكم .. المؤلف من خثاريقي !! الطفوله ..وما ادراك ما الطفوله..الطفوله يا احبائي هي اهم مرحله عمريه يمر فيها الانسان واللي مهو انسان ..لإن هالمرحله هي اللي ترسملك خط سيدين رايح جاي إلا عمرك القادم ..يعني أنت لما تكون طفل يكون عقلك مثل الارض الخصبه اللي بس تبيلها قرض من البنك الزراعي و صعيدي بثمان مية ريال يجي يحرثها ويهتم فيها ويزرعها كوسه وخيار وقرقير أزرع اللي أنت تبي بس أهم شي أبعد عن الكيماويات والصعيدي هنا يرمز إلا العلم..؟ يعني وأنت طفل تتقبل عقليتك وقتها أي شي ويرسخ في ذهنك وقتها أي حركه وأي معلومه إلا يوم الدين.. يعني مثلآ لو تسوي حركه موب زينه قدام طفل !! وتروح أنت ناسي بكل ثقه وخيلاء ولاعندك مشكله تروح تجلس وسط اهلك وتسسووولف عاااادي وانواع الوناسه والانبساط وتلاحظ وقوف الطفل ورا الباب و مو طالع غير راسه ويده ويناظر فيك بإبتسامه خبيثه ترتسم على وجهه اضافتآ إلى ترقيص حواجبه  في حركه مفهومها إنه ( معلم معلم الله لايعوق بشر ) هنا انت تبلع ريقك وتجلس تزارط ووجهك يصوفر ويحتقن الدم كله بوجهك وتقعد تطلع له عشره ريال متعفطه بدون ماينتبه احد من اللي حولك من باب ( الرشوه ) عشان يسكت عاد وقتها انواع الابتزاز من الورع واخرتها عاد مايرضا يسكت إلا بمية ريال ملعون الوالدين < تحمس وكل هذا نتيجة استهتارك واستخفافك بكون اللي جالس جنبك مجرد طفل ....!! ناسيآ متناسيآ إن هالطفل إذا ماستخدم استخدام اليف ..احتمال كبير يكون فناء البشريه على يده بسبب كتلة الغباء المتراكمه فوق سبعه كيلو من اللحم وطالعتله رجول من تحت وكنه كيس رز أبوعشره كيلو يمشي على الارض.. والمشكله عاد يستخفون بعقولنا ويقولون برائة الاطفاال.. ياعمي برائة مييين يرحم امك..!! والأمر والادهى من هذا كله ..هو إنك تكون مدعو على مناسبه مهمه أو رسميه جدآ لإنسان يعزز عليك ..ومظطر انك تلبي هاذي الدعوه خوفآ من الشرهه..ومن قبل صلاة العصر وانت لاحد يكلمك..طايح انت والغتره هاذي انواع الشيل والحط..مره بنت البكار مره كوبرا مره لطمه..مره تنزل الشماغ وتلبس غتره نظرآ لكون الجزمات ( الله يكرمكم ) مطابقه للون الغتره وكذا ترسل الجزمات اشعاعات تحت ثوبيه سرواليه إلا ان تدغدغ شوعيراتك الإبطيه واصله إلا الغتره معلنتآ إنك الحين ( أوكي )..وبعد هذا العناء والتعب كله تلاحظ بالاخير ان مخباتك اللي فوق منقرره ( منشقه ) ..وتحاول قدر المستطاع انك تنزل الثوب بدون ماتخرب الشخصيه لإنها ( من جد متعوب عليها ) وبالاخير عاد تلاحظ استحالة حدوث ذالك .. وبعد الساعه تسع بالليل يالله المستعان وبعد ان تنتهي حظرتك من المعركه اللي حصلت معك فوق منتصرآ ..وريحة الطيب اللي فايحه منك واصلتهم بالاستراحه كنك مبخره قدام العربيه للعود.. وانت من زود الوناسه انك صاير حلو مافيه مرايه ماتوقف عندها وعند كل مرايه تشوف نفسك احلى من اللي قبل.. حتى قبل ماتركب سيارتك وااقف تظبط المرزام على انعكاس صورتك بالقزازه ..هنا وبعد ان عرفت انك انسان ماتنعطى وجه وتنعزم تندبل تسبد صورتك المنعكسه على القزازه...وتشغل السيااره وتدعس وتمشي ..!! وبعد ماتوصل للمناسبه وسواليف واخبار وعلووم وقبل لايقلطون العشا وأنت عينك على اخر المجلس تلااااااااحظ قدوم طفل صغير جاي من بعييييد لابس شماغ وعقال ولا والعقال فاتح فمه يضحك بعد .. وماسك بيده المبخره وماشي يسوق الطيب على الحظور وكلن يتطيب ويمده على اللي جنبه مع القليل من كلمات الثناء والشكر اللي ترفع الظغط ( الله يحرسه ماشاء الله عليه لارجال يعطيكم خيره ويكفيكم شره ).. إلا إن جا دورك ف السوق ويمد الطفل البخور عليك وتجي أنت بتمد رقبتك عشان تتطيب زيك زي غيرك.. وقتها تمسك مع الورع غلط إلا يزين شخصيته عندك ..مطلقآ كلتا يديه تاركآ البخور يسقط عليك بكل وحشيه والجمر يلطعك حارقآ ثوبك التفصيل تاركآ وجهك يطيح قدام الرجاجيل بدون أي أدنى شعور بالأهميه وأنت تقمز مذعورآ من اللي صار متليمين عليك كل اللي بالمجلس سلامااات سسسلاماات ..ولا وتلقى الورع بعد هالفوضى هذي كلها يجيك بكل وجه بارد وبأبتسآمه ساذجه تقهر ويقولك ( هاااه كيف العقال تمام ؟ )..!! ودك حينها تمسك البخور وتنثره فوق راس هالورع إليييين يدخن راسه وتشيله وتسوقه على الرياجيل واحد واحد..!! < قوة أجرام ولاكن مع هذا كله ومع كرهي للأطفال .. من منا ماكان طفل..؟ الكثير منا يتمنى يرجع ويعيش طفولته من جديد ومايكبر ابد ..والبعض منا وده انه انولد وشنبه سابقه بثلاث ايام..وهذا يرجع إلا أظطهاد طفولي أو تشرد أو تفكك اسري ..أو يمكن يرجع إلا إنه أنفطم بدري كما اسلفت .. عندما كنت طفلا !! البرائه كلمه جميله جدآ ودائمآ وأبدآ هذه الكلمه مرتبطه بالطفل والطفوله..مع اني مدري وش الرابط بينهم ..!! وأظن إن كلمة ( طفوله ) أقرب مالها للتطفل والطفيليات..حتى إلحين اذا صار خويك بجنبك وسوا حركه ماتعجبك ولا جازتلك إول كلمه ممكن إنك تبادره فيها إلا وهي ( والله إنك ورع )..!! لذلك وبالنسبه لمن قال ولازال يقول بإن الطفوله والورعنه ترمز للبرائه اقوله بصريح العباره تبطي عضم ..!! يمكن الكثيرمنكم يقول وش هذا اللي متعقد من الاطفال اكيد مر بطفوله بائسه ومشرده ؟؟..هينا اقولك حبيبي السائل ايه للأسف..!! يوم نجاحي " الكل يعرف عزيزي الطفل ان اهم يوم في حياتك هو يوم نجاحك وعارفين ليش اليوم هذا مهم عندك لإنه بالتأكيد راح يهل عليك وابل من القبلات والترفيع والهداايا اللي بنظرك انها قيمه وثمينه يعني لا تسويلي فيها مثالي وتقولي لا انا ادرس عشان اصير دكتور واخدم وطني وإلا اصير طيار واحارب الاعداء ياغرانديزر لا لا ترانا فاهمينك وعاجنينك زين وعارفين انك أكبر نصاب..!! قال أخدم وطني قال.. جيت من المدرسه وانا اناقز من الفرحه والوناسه والشنطه اللي اسحبها سحب من كبرها والشهاده اللي عفطتها لين قالت بس.. صارت كنها خمسه ريال لافتها عجوز بفاين ودافنتها بصدرها !! .. كنت اركض من قو الوناسه اناادي ابووي وامي بقوه من قبل حتى اخش البيت يوبببببببببببببببه يوممممممممممه .. انادي ابوي وامي وانا كانت صور الهدايا اللي اتمناها تطير وتدور حول راسي قلت بس هالحين بتحقق امنيتي خصوصا ان ابوي واعدني بمفاجأه !!  دخل ابوي البيت إلا وانا بوجهه على طول مستقبله بأبتساامه كبيررره مادن عليه الشهاده ..وكان شايل بيده كيسس كبيرررر ورا ظهره هنا انا حاولت استرق النظر خلسه بينما ابوي يقرا الشهاده لاكن ماعرفت وش اللي بالكيس ..ابتسم ابوي بإبتسامه ملئها الفخر والرضا وقال..وهديتك والمه ياولدي ..!! صراحه ولا أخفيكم بغيت اصيح وقتها من قو الوناسه ..قلت في نفسي هالحين بس يمكن اتاري ..وإلا يد بلاستيشن قلت لا لا الكيس كبير معقوله يكون دباب ..!!؟ < ان قالولي بريئ المهم جلسني ابوي بجنبه وكان حاط الكيس وراه مسوي مفاجأه وفتح الكيس وقال ترتتتااااه .. وش هذا ؟؟ طاقيه !!!؟ وين المفاجأه ؟ < انا اسأل هالطاقيه ..! < ابوي ببرود مجيب وبعد أن فقت من هول الصدمه اللي صارتلي وعرفت بعدين ان نجاحتي هي هالطاقيه و بعد ان اقنعني ابوي أني خلاص صرت رجال ولازم البس طاقيه ..!! رضخت للأمر الواقع.. ايه بس طاقيه !!؟ والمشكله كبيرررره جدآآآآآآ ..!!؟ تاخذ الجبهه مع الاذاني.. !!؟؟ اذا لبستها طلعت فيها كني كاليميرو هذاك الدجاجه ..!!؟ أكتشفت بعدين ان ابوي متعمد يشريها لي كبيره عشان مهو كل شوي اشتري غيرها..!! وأفرط دراهمي على الطواقي ..وعشان تعيش معي العمر كله !! بالنسبه ك أول نجاحه كانت قيمتها المعنويه كبيره بالنسبه لي حتى لو كانت لاتعني شي ماديآ.. كنت مستانس بهالطاقيه بشكل جنوني ..!! وزاد حبي لهالطاقيه أكثر يوم كنت انا ولوجين بنت جيرانا نلعب العصريه بالحوش تحت ظل المكيف حق غرفتي وكان بالون من الماء الهلامي متشكل على انفها حين قالت" ..القشره هاذي اللي فوق راسك ماااااره حلووووه .. ياليت امي تبيض زي الأم حقتكم ..!! ومن ذاك اليوم وانا ارقد بطاقيتي من كثر حبي لها وزاد حبي لأمي أكثر وأكثر يوم عرفت انها تبيض...!! يوم من الايام وانا لابس خوذتي البيضاء وحذاي الكبيرتين ذات المقاس الثنين والاربعين ( واللي اكتشفت بعدين ان ابوي متعمد يشريها لي كذا ) اللي يشوفني من بعيد يقول هذا بس طاقيه وثوب وطالعتله حذاااء ..واللي مايعرفني يقول ابجوره ماني ورع ..نزلت حذاي متجه لغرفتي كي ابرح الفراش !!صعدت سريري وانا افرك عيوني من شدة النعاس سحبت بطانيتي واستلقيت واضعآ رأسي بكل شويش حريصآ كل الحرص ان لا تتعفط طاقيتي الجميله وما مداني تأكدت من وضعية طاقيتي السليمه وبغمض عيوني عشان أنام .. إلا وهذا صرااااخ ابوي جاي من اقصى الصاله سلامااااات ..!! والصوت كل ماله ويقرب لييين صااارمصدر الصوت غرفتي..!! أنت ليش نايم ومولع النور انت مسفوه أنت ماتدري عن الفاتوره كم !! ؟  بس يبه ماعرف انام وانا مطفي النورلاغمضت عيوني ماشوف زيكم.. !! < مازال مسلسل البرائه مستمر..( طبعآ انا مابي ابوي يدري إني ماطفي النور خوفآ من أني أموت !! ) ابوي بعد أن ذاق ذرعآ بي " اقول طف النور وارقد لاتخليني اخليك لافتحت عيونك ماتشوف أبد وبعدين وانا ابوك انت رجال والبنت هي اللي لاغمضت عيونها ماتشوف انت بنت وإلا رجال ؟ أنا بعد أن استفز ابوي رجولتي و كبريائي بسؤاله " لا يايبه انا رجال والرجال قليلو.. ومن عقب كلام ابوي هذا وانا من ذاك اليوم فعلآ لاغمضت عيوني اشوف صدق !! عندما كنت مراهقآ !! المراهقه هي اكثر مرحله عمريه اظطرابا من مراحل عمر الانسان وهي اكثرها تشويقآ وطيشآ في نفس الوقت ونظرة المجتمع لهالفئه أو لهالمرحله نظرة تخوف وترقب وترهب دآئم ..رغم انها مرحله مهمه وحساسه ومليئه بحب الشباب والبثور والبثور اعزائي وزي منتم عارفين هي عباره عن طفيليات تملأ الوجه في مرحلة الشباب الأولى وهي جمع لكلمة بثر و( بثر ) حسب ماصنفه الاطباء أنه فطر عفن يتشكل في بشرة الوجه ويتواجد على شكل مهندس تطوير غثيييييث في أحد المنتديات التي تلقى رواجآ جماهيريآ كبيرآ ويتكاثر فيها للأسف وماله علاج أبد إلا بسلطتن من عالي سماه..!! أعزائي مرحلة الشباب لاسيما وحسب ما أنفنا ذكره من البثاره والحبوب والحساسيه والحساسيه زي ماحنا عارفين اخواني الأعزاء تتكون من شقين مهمين هما.. ( الحسا ) وهي مدينه سعوديه تشتهر بزراعة النخيل وبالتمرالخلاص ..!! ( وسيه ) وهي عكس حسنه والحسنه بعشر امثالها واللي عند الله مايضيع..!! جيت في يوم من الايام من المدرسه مالي خلق حتى اتنفس وكانت طاقيتي تشاطرني نفس هالاحساس وهالشعور..دخللللللللللللت غرفتي وانا اشيل رجولي شيل من شدة التعب مره اطيح يسار ومره يمين مثل هذولي مصاصين الدماء اللي يطلعون بالتلفزيون ..ايه صح على طاري التلفزيون ركبتلي واحد بغرفتي وهذا يمكن من الاسباب اللي خلتني اقلل من الحومه بالشوارع واصير مغرور وما اسلم على احد ويدقون علي وما أرد..حتى قمت ماطلع من غرفتي نهائيآ ..!! دخلت غرفتي وشغلت التلفزيون عشان اتاابع قنواات الاعلانات والدعايات هاذي اللي مره يعلنون عن جهاز يشد البطن ومره جهاز يقوي عضلات الردف ..وأنا انواع القلوب اللي تطلع من عيوني مع كل حركه تقوم بها إحدى هذه المناضلآت في سبيل القضاء على السمنه والشحوم المتراكمه على بعضها البعض والدهون المتكيسه في اجسادنا ..طبعآ انا مبرمج الريموت أوتوماتيكيآ إذا أحد داهمني وطب علي على حين غره على طول اظغط الزر إلا وهو مرجعك على قناة السودان مباااااشره ولاكنك سويت شي ووضعك جدآ عاااااايدي...!! وبما اني ما اقفل باب غرفتي خوفآ من إني اذا قفلته اموت !! اخلي احيانن حدا اخواني يراقب الوضع من بعيد شرط انه يتابع معي قناة السودان إذا طلع ابوي من البيت ..!! طلعت من غرفتي من قو المللل والطفششش للحوش جالسآ تحت ظلال مكيفي الذي كان يضج فوق راسي قابسآ زقاره وماسك انواع الخطوط والمشاريع والخيالات اللي تراودني وجهاز شفط الردوف يخش عرض بخيالاتي..لحظتها جت لوجين مع اومها ذهيبه مسييرين عندنا ..ومجررد ماشافتني لوجييين جالس تحت المكيف ..إلا وهي تنسرق من خلف امها وتجي لمي ..انا أول ماشفت لوجين قلت بس هاذي هي فرصتي ..سألتني لوجين عن اخباري وعن الدراسه وعن ذكريات الماضي ويوم كانت تقولي طاقيتي كنها قشرة البيضه وميته ضحك ..وانا انااظر فيهاا ساااااااارح ومفهي ومازالت صورة جهاز الشفط خاشه عرض براسي هناا مديت ورقه صغيره بحركه لا إراديه وعطيتها لوجين ..!!لوجين " وش هاذي ..؟؟ أنا " رقمي ..!! زعلت لوجين وعفطت الرقم وحذفته على الارض وقالت بنبرة صوت غاضبه " خلاااص اقطع علاقتي معك..وانا اللي امشي وراها واناديها "..هيه هيه يام الشبااب وش اللي اقطع علاقتي تراني ماشفتك الا في الفقره اللي فوق ..!! رحلت لوجين على وجههاا طامحه زعلانه..!!وأنحنيت انا كي التقط رقمي المتعرفط ايه طبعآ احتاجه في ترقيمه ثانيه فاضي كل شوي اكتبه وارفع رأسي بسسرعه تعبيرآ عن غضبي الشديد بعد أن اهيينت رجووولتي... إلا وهذا راااااسسسي ملحم بالمكيييييييييف سوااااااااا .. الطاقيه من قو الظربه سحبت على راسي وصارت متعلقه على الفلقه بسس من كبررهااااا..!! جلست اناظر بالمكيف شوي ويدي تحك راسي رغم ألم الظرربه وكبر الفلقه إلا إني ضحكت لا شعوريآ ..وكأن مكيفي يعلم ما بالنوايا !! وفي نهاية اليوم..طاح فيني ابوي وانا اتفرج على احدى هالقنوات بعد أن وشا بي احد اخواني الصغار عند ابوي قائلآ .." يبه ليش كل السودانيين اللي نشوفهم بالشارع عندنا لونهم اسود وشعرهم متفلفل ووعيييين مو مثل السوداانين اللي بتلفزيون ( لك عليه ) شعرهم اشقر طويل ولونهم ابيض ويلبسون قصير ..!! دخل ابوي علي الغرفه وهو بيتفجر من الغضب وفتحات التهويه اللي بخشمه مع كل جرعة شهيق وزفير انواع الدخاان اللي ينبث منها ..وكنها شكمان خاطوف من خواطيف عيال التحليه.. انا فقعت ضحك ماقدرت امسك نفسي بوجه ابوي..والسبه منظر خشمه وقتها ..قلتله وانا منسدح على السرير ومنصرع ضحك ..يبه يبه بالله ماودك تسلفني خشمك شوي نستعرضبه انا وعوض والعياال و < هنا انقطع الارسال لحظتها ومدري وش اللي صار معي ..وبعد ان افقت ورجعت الصوره لراسي..لاحظت وجود فلقه كبيره مقابله للفلقه الأولى و كل وحده تقول للثانيه انا أطول ..وما ان حاولت ان استعيد وعيي وتركيزي ووش اللي صار ..؟!! إلا وابوي واقف قدامي مشيرآ بأصبعه السبابه علي مزمجرآ يقول " ياللي منت رجال يابو طاقيه كنها طاقية جحا أنت وهالغرشه اللي على راسك.. واستمر في السب والشتم في حق محاكيكم ..( المشكله سب بتجريح..ورغم هذا كله أحب طاقيتي وطاقيتي تحبني ) .. اللي لفت انتباهي بالموضوع ..هو ان ابوي وهو شغال هواش وسب رجع راسه شوي ورا وشخص عيونه نحو الأفق وحط اصبعه السبابه على خده ثانيآ اصابعه المتبقيه تحت ذقنه ...سارحآ متمتمآ يقول ..( يعني يوم احايلتس اول ليله لازم توافقين !! ) ..وبعدهاا طلع غاضب من الغرفه بعد ان صفق البااب بالجدااربقوه ..وبعد أن أنتهك حرمة حريتي الشخصيه...!!وانا اللي الحق ابوي و انادي وراه واصارخ ..بكل جرأه ..تعال تعال لو فيك خيررررر اوقف بس شوي ..( طبعآ هذي مجرد خيالات أثر الفلقتين بس وظربتين بالراس توجع ) عندما صرت شايبآ !! الشيب حكمه .. كنت اسمع كثير هالكلمه وانا في سن المراهقه ..وماكنت أعي جيدآ معناها بل كنت اكذبها خير شر وكنت أقيس معنى هالكلمه على تصرفات ابوي معي !!..لدرجة إني كنت أحاول قدر المستطاع أن أتجنب جلسة الشيبان وسوالفهم اللي تمرض ..زمان أول ويازين زمان أول..وكل واحد فيهم يعطيك من هالكيماويات اللي تخليك تشك انهم كانو عايشين مع قوم عاد ..ويقولك ايام قبل يوم ماكان عندنا كهرب نرقد من بعد المغرب..حتى صلاة العشا نفهقها مع الفجر ..!! ولا وهالحين ويوم جا الكهرب الله يعز الدوله تلقى اخر من يرقد بالبيت هو ..كنت مراهق اخذ موقف من أي شخص اشك انه بيصادر حريتي..بس الحين بعد أن اناظر نفسي بالمرايه والاحظ التجاعيد اللي عفطت وجهي وطردت منه الوسامه والشعر الابيض الذي تخلل الا لحيتي السوداء وبعد أن واشك الشعر الاسود على الزوال اخذت اردد..( والشيب إذا طرد السواد بياضه..كالصبح احدث للظلام أفوالا ) .. اصبحت تصحبني عصاتي المنعكفة الرأس أين ماوجهت.بعد أن تغير قوامي الممشوق..وبعد أن انحنى ظهري واصبحت كني عصا ماوكلي من بعيد ..حتى اصبحو يطلقون علي احفادي لقب ( المسيح الدجال ) ..هذا الدجال جا هذا الدجال راح..وكل ماسمعت هالكلام اخذت ثم اردد ومثلي يردد ..( فصرت الان منحنيآ كأني ...أفتش في التراب عن شبابي ..) !! وبعد أن اقعدني المرض عن حيلي وقلت حركتي وصرت لا أروح ولا أجي ..بس من غرفتي للحوش ومن الحوش لغرفتي ..جالسُ قبال مكيفي..العتيق..اللذي لم يعد يضخ سوا الذكريات الجميله التي يمحيها الغبار اللذي يخرج من جوفه..وانا اللي جالس اناظر فيه بنظرة المشتاق لكل موقف جميل مع هذا المكيف ..واقف استرجع بعض الذكريات والدروس التي تعلمتها منه..وترتسم على وجهي ابتساامة يملأها الحزن..آآآآه يامكيفي..لقد شخت مثلي..وبدأت تتخذ منك الطيور وكرآ لها لممارسة الرذيله ..وحبل الغسيل اللذي شد بك يعلقون عليك البستهم المتسخه ذات الروائح اليعععع..مابك يامكيفي ألا تلاحظ ..؟ أنني لا أنشر ملابسي وسراويلي عليك ..؟ أنني لا انشرها الا على السطوح ..وإن نشر مره سروال من سراويلي عليك بالغلط فهذه غلطة الشغاله ..والعذر والسموحه منك يعني لاتسويلي فيها تكييف مركزي وتسوي نفسك حساس وتزعل..!! حتى الا تلاحظ بأنني لم اعد أجلس تحت ظلالك التي زالت كما زالت ملامحك التي اكلها الصدأ اجل تبيني اجلس تحتك وتطيح علي وأموت ..!! ليش مهبول أنا..!!؟ وأنا في أثناء جدالي الحاد مع مكيفي الهرم الذي أوهنه الصدأ..وإذا بأحد أحفادي وااقفُ هناك على مقربة منا يتجسس على حوارنا وقد بدت على وجهه علامات التحمد لله على نعمة العقل..يقبل قفا يده ويضعها على جبهته بحركه متكرره.. وعلامات الاستفهام المتعجبه التي تدور على رأسه..!! ثم فر مسرعآ فجأه يصيح بأعلى صوته ينادي أمه " يوممماااااه يومممااااااه جدي الله يخلف عليه..عرفت حينها أن الشيب بدايته حكمه ونهايته تخريف..!! الحياه !! لم أحتر من شيء في حياتي كلها أكثر من حيرتي في الحياة كلها..!! للحياة جوانب ووجوهٌ كثيره..السيء منها والجيد..وإن عشت الحياه على جانب واحد ..ف أنت بالطبع ستعيشها جاهلآ..؟ لأنك لا تعلم عن الجانب الاخر منها شيئآ..؟ ولاتعلم إن كان الجانب الذي أنت تعيشه..هو الجانب اللذي هو فعلآ ماتريد وماتستحق أن تعيشه ..؟ لانستيطع العيش على ضفة واحده وأن نحكم على أن هذه الضفه هي الضفة الصحيحه بالرغم من أننا لم نتكبد حتى عناء التفكير في الوصول إلى الضفة الاخرى وأستكشافها..؟ نحن لا نعلم السيء ..؟ إن لم نعثر على الجيد..!! وأيضآ لن نستطيع أن نعلم الجيد إن لم نجرب السيء..؟ وإن أخترنا لحياتنا كل هذه الاتجاهات..؟ ف نحن دائما سنبقى في حيرة من أمرنا..؟ وسنبقى في حياتنا دائمآ متخبطين..!! لذالك إحترت أنا في حياتي..وأحترت على أي شكل أعيشها..ولاكني أيقنت أخيرآ بأن الحياة لا تستحق مني أن أعيشها أو حتى أن أكترث بها..!! لذالك ضممت يدّي على صدري..وأخذت أتفرج عليها..!! * * * لك عليه !!
آخر تعديل لك عليه !!
في 08:47 PM.
|
||||
|
|
02-07-2009, 06:51 PM
|
|
||||
|
وشهو الغفر ؟
|
ههههههههههههههههههههههههههههههههههههههههههههه ههههههههههههههههههههههههههههههههههههههههههههه اقول سجلوا عندكم يتهمني اني ميت ويتفاول علي هالضفدع البرتقالي < .. لحد يقول مافيه ضفدع لونه كذ1 كيفي انا اللي اذب واحط الذبه اللي تعجبني .. لاعمرك تزعجني رح شف موضوعي رح شف موضوعي .. انت ماتدري ان الشفشفه عيب إلا اذ1 كانت زوجتك هههههه .. تصدق لوانك ماجبت اسمي بالموضوع كان مارديت ياحقير هههههههههههههههههه .. جوال وغيرت رقمي علشان ماتزعجني .. إيميل وأرسلت لك 123456789هكرز يهكرون جهازك ويفكوني منك .. بس توصل لدرجة انك تطلعها خبر عاجل بالعربيه وتقول ياوخرلا1000عك رح أقرى موضوعي هذي ماقبلها منك .. لأني حفاظا على سمعتي اللي متشوهه من الاسساس ههههه ماودي ان احد يعرف اني اعرفك وتعرفني ونعرف بعض .. نسخه للمتحف وعلى ضمانتي اقولها لكم من هالحين لهالموضوع .. ترى هالكلب اللي مخه ( لك عليه ) يكتب كتابات تخششك جو وتحس ان ودك تواعد الشغاله فوق السطح .. لي عوده ان شالله قررريبه .. وعلى فكره ترى خالي يوسف جا يعني اترك المواضيع عنك ورح سلم عليه ياقاطع الرحم لاتخليني أقطع اللي انت خابر وتصير غير صالح للزواج .. سسلالام ياعين ابوي ولي رجعه ..
آخر تعديل وخر لا 1000 عك
في 07:23 PM.
|
||||
|
|
|
02-07-2009, 08:18 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
نآر على علم
|
والله انك خااالع لابعد حد ياخي مادري وش اقول بس هيا إلى الاقتباسات احتمال اقتبس موضوعك كامل لانه اعجبن وبشده<<<ماقريت البند الثالث من قانون "مايتطلبه الرد على الموضوع"
اعذرن يومني صرت دبشه
اجل من زمان وحنا ندرس صعيدي ماندرس كتب<<<برااا
ههههههههههههههههههههههههههههههههههههههههههههههه ماتصير ولا بأفلام بروسلي
ذكرتن بواحد من الشباب يقول دخل علي ابوي يقول جبت لك مفاجأه رح شف الي بالسياره يقول يوم طلعت اناظر وش الي بالسياره الوالد حفضه الله جايب لي عنز <<<يلعن اوم المفاجأه الخايسه
تصدق اني ماعرف كاليرمو هذا بس اني قد شفته بقناة بالمجد عند عيال اختي جا ببالي على طول يوم تخيلت الطاقيه هههههههههههههههههههههههههههههههههههههههههههههههههه ه
ههههههههههههههههههههههههههههههههههههههههههه صاير كنك فطر مشروم لا وبعد زود على الطاقيه لابس دقله<<<ياكثر ماشوف هالاشكال بالعيد وتلقاه فرح معه 10 وجاي للبقاله عندك دخان<<<لعن الله ابو الي انتم سراده
هههههههههههههههههههههههه تتوقع تدوم عضويتك بالمنتدى؟
هههههههههههه قد صارت لي هههههههههههههههههههههههههههههههههههههههههههههههههه ههه
موب شيبان ذولا الظاهر انهم جالسين طرب
ذولا احفاد ولا قلة حيا قسم بالله لو انا مكانك لعنت ابو خامسهم وش الي ينادوني المسيح هذا هبال والله موضوع خالع لابعد درجه <<<ماراعيت البند الثالث وش الموضوع الي مثل وجهك باقي لوه شوي ويصير عن الجنادريه قسم بالله موضوع سخيف من سخافته ودي اقتبسه كله بالرد واقول ياعني على الموضوع |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
02-07-2009, 09:20 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
|
حقنه ومتنّح
|
موضوع تووب !
. . هههههههههههههههههههههههههههههههههههههههههههههههههه ههههههههههههههههههههه هههههههههههههههههههههههههههههههههههههههههههههههههه ههههههههههههههههههههه هههههههههههههههههههههههههههههههههههههههههههههههههه هههههههههههههههههههههه هههههههههههههههههههههههههههههههههههههههههههههههههه هههههههههههههههههههههه قصه ملعونه خيّر تنآولت فيها حياتك العمريه من يوم انك ورع وطعس الى ان شيبت ووسوست .. هذي هي الحياة يالك عليه نعم هذي هي لن تعلم وشهو الزين حتى تتعلم الشين .. اما البزارين ففيهم ملاعين وفيهم ناسن حبيبه وعلى نياتها .. اذكر مره من المرات وحنا جالسين في استراحه واحدن من عمااني الله يخليه .. جانا ولده الصغير وقعدنا ناخذ ونعطي معه شوي .. المهم يوم سمعنا شي يخرفش في مقفاه قلنا تلبس حفاظه قال لا وهو معفطن خشته .. قلنا كذاب قال : لا والله لأ بعد هاه (انصدمنا ) ابو الشباب فصخ صرواله باسرع من الصاروخقدام الرجاجيل طيب حنا مهووب فقعنا عليه ضحك هذا اذا قالوا لك على نياته .. امااا فيه واحدن بثر اعرفه من بعيد اقسمم بالله انواع البثاره فيه هو ووجهه الي ثلاث ارباعه جبهه كنت ماسكن واحدن من عيال عماني وكانت جلسه مصارجه بيني وبينه (هالكلام من زمااان ) .. كنا في سن المراهقه وكان قاعدن يقولي اسم حبيبته وكيف حبها الخ فانا استرسلت بالكلام واقعد اتكلم وابو الشباب يسمعنا المهم قلت في نفسي والله مهوب داري وش السالفه ذالتنح يوم درينا لينه عارفن وش الي قاعدن اقوله ووش اقصد به الخ قلت ايييه رحنا ملوخيه في يدين عمي المهم وكل ماقعدنا مع عمي في يوم الجمعه لينه مسنتر ويناظرني الوصخ كانه يقول اعللم المهم ماعطيته وجهه وكاني اقوله علم ولاعلي من اطلق شنب .. المهم توه بيقول .. قال : عمي ترا ارسطو امس يتكلم هو وياسر ويقول .. في ذاللحظه حطيت يدي على فممه ودسيت 50 ريال في جيبه ولا عاد فتح فمه والا كان انا دعاسه في مجلس عمي اما الشيااااب تعال هنا عاد وقققف وققف اقسم بالله ان عندنا فالحارة شايب موسوس .. اجل قد شفت شايب يمشي وهو ينخم .. حتى وهو جوا المسجد مايوقف لا يكمل ( اخخخخخخخخخخخ تفو ) ماتشوف الا شي اخضر رابص فالزوليه الله يقرفه .. وكل يوم مهاوش عياله قدام العالم فالمسجد المشكله على اتفه الاسباب .. اجل ذاك اليوم يشوف ولده ثوبه رابص ماء .. وجات في راسه ان ولده مزغل على صروااله .. المه قام يقوله قدام العالم : انت مزغل !! .. الولد : لا والله يبه هذي مويه .. الشايب : لا ياشيخ .. حنا وشوله دافعين فلوس وحاطين حمام لك انت واخوانك فالبيت .. لو اننا دارين انكم مانتوب كفو حمامات كان حطينا قوارير مويه بدال هالكرسي الي حاطينه عالفاضي المهم ان الشايب خربها .. الاقتباسات . .
فيه بثور تطلع عالجبهه وبالتحديد عند منابت الشعر وهذا دليل على ان الولد مخربها وفيه حبوب طبيعيه من الله .. بس المشكله لو تطلع حبه بالغلط في جبهتك وشافها واحدن بثر من ربعك ومسكها عليك الله من البثااره .. ما اقووول الا الشرهه عالي حط قنوات الرشاقه والتخفيف وام بي سي تو (مسنتر قدامها ) الي ما اناظر الفلم كامل الا عشان لقطتين او 3 منه ( قايل لكم داشر ) اهدرت الوقت ولا فادتنا هالمقاطع شي
يالبييييييييه ايام يوم كنا ندق عليهم ونخسر الوالد حتى فاتورة التلفون تطق ال 6000 عشان وجيه هالحمير .. اقول تعرف ذيك الي دايم تلبس اصفر الي اذا خلص الاعلان تقول لاتترددوا فالاتصال هذيك كنت خاق معها .. ورحت ادور رقم خطابه من تلفوون الوالده كودني القى من تخطبها لي والا تدل مكانها بس للاسف دقيت على كل الارقام لكن لاجواب
هههههههههههههههههههههههههههههههههههههههههههههههههه هه شكلك لاعبن عليه وفاقش عليه فقشه اليمه .. اجل قناه السودان هاه والله ياهو قفطك عند ابووك هو المشكله يشوف السودانيين يلبسون عمامه عالراس ذولي يلبسونهم على مكان ثاني .. تلقاه يففكر يقول في نفسه شكل هذي من قبيله وذيك الثانيه من قبيله عشان كذا ماايلبسونها على روسهم اجل الي فالقناة شقر حمر والي عندنا متافيخ وعبيد والا فتحه الخشم علشان من كبرها جو بيقيسونا موسوعه غينيس مالقوا شي يقيسونها به حتى الفرجار خررب وماكفى فقرروا انهم يربطون ماصورتين كهرب مع بعض ويقيسون وكفت الحمدلله وهذي هي الحين في كتاب موسوعه غيني تلقى اسمها خديجه عصمان حميد
الله الله ايش الكلام الكبير هذا اول مره اشوف موضوع فيه فايده صدقيه مهوب يقعد يحوق عشان يطلع فايده من الموضوع . . اخوي لك عليه .. بعد ماقريت موضوعك صرت اعدك من ضمن الكاتبين الكبار .. يعني موضوع متسلسل ومترتب << الله من النصب وفيه كميه عياره .. تبقى كاتب كبيير اخوي لك عليه .. تقبل مروري الي مثل وجهي .. مثبت على ذمتي ( من انت عشان تصنف يابجيح ) . . صعيدي الحارة .. ارسطو !
آخر تعديل ,, متقهوي ديزل ,,
في 02:51 AM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
03-07-2009, 02:47 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
تعال يالك لك ..لك الله راسك خل نقتبس انت وموضوعك اللي كنه مطراش على كرنك ::
والله يالكلك قايلتن لك ماخرب موضوعك الا ابو قذيله اجل وش ترجي من موضوع فيه طاري ابو قذيله لا والمقدمه بعد الله يسامحك بس وش تبينا نرد عليك وش نقول ويعطيك العافيه اللي ذكرت رحمة وخر خلاص فطس والتسلب بداله تسلب هههههههههههههه ونصيحه مني وانا اخوك لايا بغيت شي ينجح بحياتك تعوذ من بليس ومن وخر وربي بيرزقك بالصحه والعافيه وبالعلوم الطيبه مير انت وش تبي بالعاهات تجمعها وترثيها بعد هههههههههههههه وهذا حتى الهجاء يخب عليه هههههههههههههه ياعميري انت.
هههههههههههههههههههههههههههههههههههههههههههههههههه هه الله ياخذ نص وجهك مع اني ماحس اني مغاتيره ولا عمره جاني هالاحساس الا كل فتره وهالفتره زمنيه محدوده بس عاد مكتوبه بكرت العائله انثى لذلك انا من صنف عوجات الاضلاع ولو مارديت على موضوعك بيفشل ومنت ماخذ جائزة الاوسكار اللي تكلمنا عنها قبل شوي لذلك حرر الموضوع وقل من المهم دخول المغاتير بس وش عرفكم انتم ماتسمعون ب(ليدز فيرست ) ماقول الا زمّام يزمكم يارجال المع وياحيف على رجالن تطرد الحريم من مجالسها <- جرحتو احساسها ياعرب
هههههههههههههههههههههههههههههههههههههههههههههههههه ههههه اقوووول دحدر الله يصلحك ليتهم كشتوا هاك النهار ياحبيب البي مو على كيفك تتششرط خل الدعوه عامه وتوزيع المرطبات مجاناً خلك مثل الخطوط السعوديه ولاتصير مثل خطوط ناس اللي يبيعون علينا التموين حق الرحله واحمد ربك ان العرب يجون لموضوعك ياوجه بن فهره
ههههههههههههههههه ياعمي احمد ربك طااقيه ع الاقل هذا دليل ان ابوك يهتم بالمظهر والهندام ويمكن لو انه بالوقت الحالي صار اطلق من ايلي صعب بتصميم الازياء وش دخل تصميم الازياء بالسالفه له دخل هماه يهتم باناقتك وجايب لك طاقيه ههههههههه احمد ربك طاقيه احسن من ملاس كبر قريح وقومي عاوني امتس بالمطبخ ههههههههههه هديتك احسن من هدايا بعض الناس اللي لو انهم بالوقت الحالي تسان صاروا من اكبر اصحاب سلسلة مطاعم ووينك ياكنتاكي غطينا عليك هههههههه
ههههههههههههههههههههههههههه وربي عجيبه ذا الحركه ودك اللي عنده قنوات شو تايم يركبها عشان يتفادى الطبات التفتيشيه بس انت تقول ايام المراهقه وانت شويب الحين يعني اعتبر انها راحت علي مع انها اصلا رايحة علي من البدايه ههههههههه ولا وش مجلسني على موضوعك السامي وارد غير انها رايحة علي وقايلتن لي ودعتك الله يانظر عيني بس حركه والله بندورها بارشيف التلفزيون السعودي اغدينا نلقاها ونطبقها هههههههههه يامجرم
ههههههههههههههههههههههههههه ماتنلام وربي ولو اني مكانها الحقت عفطت الرقم تفلة كبر طاقيتك ماتخلون حركات الترقيم اعنبوكم حتى لو انها بنت مسيرة عليكم ..إلا مالحقتها عقب ماطلعت عشان تعرف وينه فيه بيتهم مع انك عارف بيتها وين لانها بنت جيرانكم بس حاله نفسيه لازم تسوون الحركه ذي هههههههه يابعدي يالوجين ازديتي فيه يامال العافيه والله
إلا ملاحظ وملاحظ انك صاير ما تشغله واجد ومرسلي صورته وسائط يبيني اتشفع عندك عشان تصلّحه ولا ترسله للشركه الام يقول ان الضمان موجود للحين وان اللي خربان بس الكنمبريسر يعني منت بدافع شي من جيبك بس اهم شي لاتبطي لانها يمكن تروح عليك هالمكيف دم فاسد وترجع للاربعينات وتشتري لك مهفه من ابو ريالين ههههههههههه
اعجبتني سطورك هنا فاي حرف ذُبح لاجل الحكمة اعشقه .. فالحياة مُره ومرارتها اكثر من حلاوتها لانها مولودة من الشقاء فالفرح اصله حُزن / فرحاً مولود من حزن ياعجبي على الحياة كم تطلب الكثير كي تمنح هذه الحياة المُنتنة لحظات السعادة !!.... لك عليه قليل لو قلت لك مبدع فالك الدرجة الاولى فوق لان مستوى الطرح مو بسياحي ابد وفالك المتحف ولاتحرمنا من تواجدك ومن ابداعك وسلمت لنا كيبوردك اللي متسلفها من وخر وسوا لك قلق يبي يشارك بشات الظهريه عشان يحاول يذب علي بس على مين ياوخر .. سلام سلّم يامعلم
آخر تعديل الأخت مطنوخه
في 03:16 AM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
03-07-2009, 04:22 AM
|
|
||||
|
موتره ديزل
|
 اقسم بالله انك دخلتني جو جو جو مالقيته اولا وانا بين مالذ وطاب من خراب..الله الله عليك الله الله عليك مدري وش اقول يخونني القول فيك اقسم بالله يلعن ابليسك وش هالموضوع الي خلاني اتمنى اني ورع تكرش في الدنيا وش هالموضوع الي معه بغيت اتفل الشنب وافقد الاحساس بالمرجله لالا صراحة انت خطير انت عدو الشباب انت اسرائيل يا نكبة المجتمع الله ينكب عفشك مير اسمع يالطفل البائس يالطفل الشقي استناني وعلي الحرام ان زرقت هنا ولا هنا لالعن خيرك خابرك ورع وتسويها <<وش هالعضو الي داخل الصبح يلاعن بخلق الله
|
||||
|
|
|
03-07-2009, 05:29 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
الجنتل
|
تعقيب سريع سريع على بعض الردود على الموضوع اللي بصراحه ماتوقعت يرد عليه الا الخبل اللي بالرد الأول قسم بالله مشوار اسمه صراحه هذا اسمه تحس أنه أنواع الفلقات والرضوض والاصابات الموضعيه اللي فيه تحس اسمه عقل طايره وانواع العجاري اللي بتجيك طايررره هذا اللي لاقلت اسمه مدري ليش تلقائيآ بعدها اقول ( والله ماسويت شي ) . .
^ ^ ويبوني عاد اشره عليك ..؟؟ مشكلتك ياوخر إنك إنسان هاب ريح وتجي مدرعم على الريحه مجرد ماينذكر اسمك ..ياخي وش نسوي بس عشان ماتجي ..؟ نعلق معوذات بالموضوع ..؟ نحط نقطة تفتيش ..؟ وإلا نحط الدخول للموضوع بفلوس عشان مانشوف رقعة وجهك أبد يالحظرمي ..؟ يعني لائحه كبيره هذا وش طولها ووش عرضها ومبين لك إنه ممنوع دخولك في البند الرابع ..؟؟ وأول من يرد إنت ..؟ مهي مشكله المره هاذي بطوفها لك ياوخر بحكم إنه مرفوع عنك القلم..!!
وهذا يثبت ويقطع الشك العلاقه باليقين ويسحب عليه سيفون بعد بأن الكلام اللي قلته قبل الأقتباس اعلاه لا غبار عليه ..وبعدين ياخي انا جبت اسمك بالموضوع وحاطك بالمقدمه أنعيك يعني أتمنالك الموت فديتك ههههههههههههههههههههههههههههههههه ياخي أطلع من حياتي تراها ضيقه ياشيخ انت مايقربلك إلا أنا ههههههههههههههههههههههه
وش اللي لك عوده من جدك أنت ..؟! حبيبي ياوخر والله ردك هذا يكفي يعني لاتعب عمرك وترجع تكتب رد أطول من الموضوع فاضيلك اجلس اعقب وراك ..؟ والكلام اللي بتقوله بالرد ارسله برساله على أحد تلفونات العيال زييييين ..؟ لاتقول ماعلمتك ..؟!!
امانه ..؟؟؟؟؟؟؟؟؟؟؟؟؟؟
هههههههههههههههههههههههههههههههههههه يعني مسوي انك لاقطعت اللي خبري خبرك ماراح أتزوج ..؟؟ والله لتزوج ولتزوج سيد سيدك بعد ههههههههههههههه وإن ماحصل صرت مأذون شرعي ههههههههههههههههههههه وخر يعطيك العافيه بهالرد |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
03-07-2009, 05:50 PM
|
|
|||||||||||||||||||||||||||||||||||||||||||||||||||||||||
|
الجنتل
|
^ ^ وش رايك اعرف اقولها ..؟ ياخي اسمك يبيله قائمة لائحة شروط لحاله والله لو تشوف لساني وانا قاعد اقول اسمك من اليوم كنه اصبع واحد يتشهد بالصلاه طالع نازل ..
بما إنك أخليت بشرط من الشروط المهمه للرد على الموضوع ف أسمحلي وأعتذر منك كل الاعتذار ليتك ماتكلفت على عمرك ورديت لاكن أنا أتأسف أني ماراح ارد عليك ..!! < أمززح تعال تعال ههههههههههههههههههه
ههههههههههههههههه هي عشانها ماتصير الحين صرت ما ألبس الغتره الا قبل الثوب ( لاتقول ماتصيرر ) هههههههههه
من جدك..؟؟!! ياخي وش هالعالم اللي حنا عايشين وسطهم ..؟ عنزز ..؟ ياخي قسم بالله لو يجيبلي ابوي عنز والله لسكر دونه باب البيت واخليه يرقد برا ..عنز ..؟؟ ضف عندك سبب اخر من الاسباب اللي تخليني اتعلق بطاقيتي وأموت فيهاا .. المتسلقي يعطيك العافيه على هالرد اللي اثلج صدري وصار صدري كنه ثلاجات المراعي من ردك..تحيه كاريوكا لك حبيبي بلهفه البقيه لي باااااااااااك إن شاء الله |
|||||||||||||||||||||||||||||||||||||||||||||||||||||||||
|
|
|
03-07-2009, 07:53 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
الجنتل
|
وتناولت فيها بعد غير مراحل حياتي العمريه حبتين مضاد حيوي من اللي خبري خبرك
طيب ووش اللي كان يتخرفش داخل ..؟!! أرجو توضيح الأمر مع الأدله ويآليت بعد تجيب عمك بعد يدلي بدلوه هنا بهالموضوع لإنه إلتبس علي الموضوع ..!!
اسمع ياشيخ الغفر انت ياعلي المدفع حق الصعيد إنت غلط صراحه تتابع أم بي سي تو وإلا حتى برنامج مكسرات اللي يجي على القناه الأولى إنت اصلآ المفروض ماتشوف أو تسمع أي شي يثير الفتنه المفروض يحذفونك بشبك ومايخلونك تشوف إلا الأحوال الجويه ..بس أخاف يتهور حسن كراني ويقول الحراره مرتفعه جدآ على راس تنوره ..!! وتكثر الحبوب بجبهتك ونبلش فيك يا أرسطو أبن فرغلي ..!!
أعرفها كيف ماعرفها ..؟؟ أجل أنت يوم كنت تدق عليها ماكانت الخطوط مشغوله ..؟؟ أنا اللي كنت مشغل الخطوط رايح جاي قصدي بأتصالاتي هههههههههههه انواع الازعاج ادق واسكر عليهم إلين تابو اللي بالقناه كل ابوها هههههههههههههههه
إلحين إنت وخشمك موضوع هذا وش طوله ووش عرضه ومعطيك المجال بإنك تقتبس وتعلق وتاخذ كامل جوك وراحتك بالموضوع وتذب على كيفك وتستانس أخر شي جايني ومقتبس هالفقره اللي احلف انك مافهمت منها شي ههههههههههههههههههههههههههههه اصلآ يا شيخ الغفر الفقره هاذي نزلتها هنا بالغلط والا كنت حافظها للمقهى بس وش اسوي سقطت سهوآ هنا المفروض ياهريدي إنك بعد هالفقره الاخيره اللي انا كاتبها إن شفتني راد في أي موضوع لاترد وراي على طول انتظر لين يصير بيني وبين ردك ثلاث صفحات ثم رد زييين ..؟ وإلا إن شفتني من المتواجدين تقعد بالقراشيع لين أطلع ..أوكي ..؟؟ عشان بس محد يدري اني اعرفك ههههههههههه..عاد أرسطو ومن جد وبيني وبينك ( هالكلام اللي انت مقتبسه إنت فاهم منه شي وإلأ عشان فيه ورد تحسبه حلو ويوكل يعني ..؟ ) < والله يانت طايح من عينه هههههههه
أدري أدري أرسطو والله أدري يعني مسوي منزل شي جديد ارسطو اذا بتنزل شي أرجوك نزل شي جديد فاهم .. وبعدين تعال بسألك إنا من ذاك اليوم وإنت تقول ان خشمك كنه قزازة كولا والله من قريتها وانا اسوي تسجيل خروج واقفل الصفحه وأجلس بيني وبين نفسي وأقلبها وأجلس اتخيل ..وطار فيني فكري الخبيث إلا افاق بعيده عاد فكري على طول مايصدق على الله بس ادق له سلف..وبدت تدور براسي اسأله كثيره ..؟؟ يعني إنت الحين اذا بتنغف خشمك تظطر إنك تروح لأقرب بقاله عشان ينغفونه لك بمفك صلصه ..؟ وإلا إن أظطر الأمر أقرب زراديه حولك وتجلس تنغف فيها ..؟!! وصرت اتخيل بعد إنه من كبر خشمك أهلك أحيانن ياخذون من شعيراته ويحطونها ليفه للدله عشان تمسك الهيل ؟؟!! ياجماعة الربع ( يرفع يده ) أنا أقولكم أسحبو الزوليه من تحت دعلج ف أرسطو قادم .. لالالا مو بالعياره بخشمه مشكور قلبي أرسطو ويعطيك العافيه على هالررد التحفه اللي صراحه بديت اشك إنهم بيشيلون ردك للمتحف ويسحبون على موضوعي ..!! أرسطو بن عوضين ابن محمدين إبن حسنين إبن شكمانين إبن هريدي وهريدي وهريدي يبقى تلات هريديات شيخ الغفر من مقاطعة طبرجل من بني سويف شاكر لك جزيل الشكر على هذا العطاء < يجدد البيعه الاخو هههههههههههه أرسطو اعدك أن القادم أفضل وأخلع إن ماخليتك تاخذ مواضيعي وتلف فيها حشيش ماني لك إبن عليه تحيه كاريوكا لك ايضآ..
آخر تعديل لك عليه !!
في 08:37 PM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
05-07-2009, 01:49 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عيـّاره
|
 والله جلست اكثر من ساعه ابي ارد واقتبس ماعرفت <-- عليميه طول عمرتس عاجبني الموضوع بشكل ..!! طرحك للموضوع والافكار رهيب الموضوع طويل صح بس ماتحس به يمشي معك ماتدري إلا وانت قاضي  خلصته مابين جغمتين شاهي
هههههههههههههههههههههههههههههههههههههههههههههههههه هههههههه ماذكرت إلا هالطفيليات اللي عندي تطفل صدز
هههههههههههههههههههههههههههههههههه جت على هالخمس تريل مافيه شيّن ما يدس فيه مهيب تعوق معهم لاإله إلا الله بازي كلّلّش
ههههههههههههههههههههههههههههههههههههههه خببببل وسيه أجل حلالاه من يلعب بضروسك عشان تنطقها صح
لذلك نقول .. وعلى الله فليتوكل المتوكلون ولن يصيبنا إلا ماكتب الله لنا لك عليه ..!! مشكلتي منيب اعرف احتسي احوق اوم الدنيا ولانيب احب اردرد على احد وذا وخصوصاً بالشله حلو الواحد يطلع سليم من الذبات بس موضوعك قسم بالله من كثر ماهو معجبني حلفت حلفن إن طلعت ومارديت إني انزل وارقى الدرج <-- الله لايحدني ..!!
هههههههههههههههههههههههههههههههههههههههههه تنبض بالحكم اهم شي إنك ذكرت قناه السودان  .. أول مره اشوف واحد يريش بها <--- ياكبرها
آخر تعديل بخيته
في 01:54 AM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
11-07-2009, 08:18 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
فيها عرق حبوش
|
هاذي يحطها واحد ابوه وهو يعاشر امه كان مغصوب عليها وجا بالغلط ،، يحطها واحد ابوه كان مطلق امه وباقيه على ذمته ويوم رجعها كان هو ضريبة هالرجعه هاذي يحطها واحد امه كانت تتمنى تسقط به سهون وهي حامل الا بسالك كيف كان جو امك وابوك لليلتك ؟ اشك انهم تحت اضواء حمراء بجانب كاس شمبانيه صنع محلي خثرقتك جائت من كل ما هب ودب من كل قطرة ماء اسقيتها فالطفوله والبرائه كلمتان في وقتنا الحالي مترادفتان لاني اشوف البرائه خلق لايملكها كل انسان باتفاق انه خلق فطري وليس مكتسب فكم تلاقي ناس يبلغ من العمري عتيا ولكن يحمل من البرائه الشي الكثير حتى تقدر تقول عنه والله انه برئ لاتقول في هالزمن وذاك الزمن لان ماودي اغدق في الفلسفه ودعني استمتع بخثاريقك ..
كنك متاثر باسلوب ذاك الولد الي رسب بالتعبير
وانا اقول ماكثر الله هالقنوات الا كثرت متابعينها اوووووووه اذا جاتك وحده من العرب وتجلس تطالع في ذي القنوات وتهلك بعلها ولا اهلها الا والا انهم يجبون الجهاز الي تختاره العن ابليسك مصدقه انتي شوفي الجسم لا صار جسمك زيها اطلبي المكينه الي تبيها اما انك تنشبي لهم وتجيبينها وتتكسر وان ماتكسرت خسرتيهم فلوس علىالفاضي ..
الحذر واجب
الحين ماتسحتون يوم ترقمون قريبه لكم قلنا ترقم وحده بعيده وان قروشتك ما يتسود وجهك اما قريتك ولا جارتك فالوالله صعبه وعيبه في حقك لواهانتك فضلن ان ماشرهتبك
ايه صح لا تموت الله يسعدك وحاول جاهدن لا تموت حتى لوانك تصارعه ماعلينا اهم شي لا تموت وان جاك عزرائيل لالا لا مو لالا للمخدارات لا قوله لا لا لا لا لا لا لا تاخذ عمري مو علشاني ياعزرائيل علشان اقلها ذولي الي يقرون لي فضلن احبابي ومعجبيني واهلي وكل من ينتظرون لك عليهكم اسعدني وانااقراء لك حتى وان قربت من النهايه تمنيت انك لم تغلق مابديته من خثرقه ولكنك سرعان ماختمتها بكلامك الكبير كبير كبير كبير حق من بروزها لك عليه الله ..
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
