 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
02-07-2009, 11:03 PM
|
|
||||
|
تخُط النُورَ بِناحِليها
|
The finish line { happy
السلام عليكم و رحمة الله و بركاته اما بعد  ابشركم استقلت يعني تذكرين يا جوكرة الشغل ياللي مو مخليني ادخل المنتدى ولا اتعامل على اني مهندسة تطوير \ تراه خلاص راح بح مافيه الا النوم و النوم فقط .و الحمد الله مثل ماتعرفون ان الاجازة للطلاب أتت اخيراً وصار الجو العام حلو يعني تلاقي كائنات حية تتكلم معها . وبعد الحمد الله ابوي تقاعد مثلي يعني  .كل ذلك واكثر خلتني ادخل انزل موضوع هذي زبدة المقدمة : اليوم بحكي عن يوم من ايامي بالبيت وطبعا بالقسم هذا ماعليكم الا من الاكل والاكل فقط ايام الاختبارات الله لا يعيدها الا بكل خير كنت لحالي بما ان الجميع يذاكر وماعندي وسيلة تفريغ غير المطبخ الله لا يحرمني منه نبدأ بالساعة التاسعة صباحاً وقت الفطور مالك خلق تسوين شئ بس اذا جاء اخوك وجلس يترجى يبي ياكل شئ حتى يذاكر ترحمينه و تسوين له Club Sandwich Eggs  بالاول حطي شوي زيت بالمقلاه وعلى بال ما يسخن طلعي بيض بالكمية ياللي تحتاجينها اخفقيها بصحن مع بصل اخضر و ملح و فلفل اسود و كمون . اعمليها اومليت وهي عالنار حطي عليها جبن سلايس لحد مايذوب بعدها قفلي النار و رشي عليه بقدونس مفروم وبكذا انتهينا من الشغل .  بعدها حمصي أربع حبات توست لعمل ساندويش وحده بس يعني لو معك اخوك تسوين ثمانية نبدأ ترتيب الطبقات مثل ماهو واضح : * شريحة توست محمصه + مايونيز + خس مقطع شرائح طويلة . * شريحة توست محمصه + جبن سائل + نصف كمية البيض . * شريحة توست محمصة + نصف كمية البيض الباقية + جبن سلايس و تقفلينها بالتوست المحمص ايضا . دخليها المايكروف لزوم الذوبان و استمتعي بشئ مختلف +
|
||||
|
|
02-07-2009, 11:14 PM
|
|
||||
|
تخُط النُورَ بِناحِليها
|
+ الآن الساعة الواحدة ظهراً مما يعني وقت الغداء لانه لو تأخرتي دقيقة بس سبب ذلك في عصبية رب الأسرة و توارثه ابنائه من بعده ادري ان الرز شئ اساسي ولو ما اكلوا رز ما تغدوا ولا حتى شبعوا ذاك اليوم كله لكن ما يمنع اضافة اطباق اخرى بجانب الارز خاصة للي مايشتهون رز هالوقت . صينية بطاطس الودجز  طلعي بطاطس الودجز الجاهز من بدري حتى يذوب الثلج منه بعدها بامكانك تدخلينه الفرن حتى يتحمر او ممكن تقلينه لو تحبين اكل دسم اكثر .  جهزي الحشوة اللذيذة جداً :بقليل من الزيت شوحي بصل شرائح حسب الكمية ياللي تفضلينها . اضيفي عليها شيش طاووق مقطع لمكعبات كبيرة نوعاً ما . اضيفي عليها فلفل رومي مقطع لشرائح + جزر مبشور اضيفي فلفل اسود + قليل جداً جداً من الملح .  اضيفي الحشوة على البطاطس واخلطيهم مع بعضهم بصينية بايركس . بعدها اعملي الصوص الخاص فيهم وهنا السر ياللي يخليها تفرق عن كل شئ 8 ملاعق كبيرة صلصة فرنسية 4 ملاعق صلصة تتبيلة اجنحة الدجاج 4 ملاعق مايونيز 4 ملاعق كاتشب نخلطها كلها و نحطها على البطاطس بعدها ندخلها الفرن على درجة 160 لمدة 15 دقيقة بعدها افتحي عليها النار من فوق حتى يتغير لونها قدميها و لك حرية الاختيار بالاكل اما مع خبز او بدون و استمتعي بطعم لذيذ  : Potato cheese مهما قلت لذيذ ما اوفيه حقه مرة شئ مختلف  بالاول قطعي بطاطس حلقات مو عريضة ولا نحيفة مرة يعني متوسطة بدون ازالة القشر الخارجي بس لا اوصيك بالتنظيف بعدها اسلقيها بالمويه لمدة 15 دقيقة او لحتى ماتصير طريه شوي معك طلعها من المويه حتى تنشف .  بصحن مسطح حتى يسهل عليك الشغل اخفقي بيض . و بصحن ثاني مسطح ايضا جهزي اغراض التغليف الخارجي وياللي هي : كأس توست مطحون ناعم نصف كأس جبن بارميزان مبشور ملعقة و نصف صغيرة فلفل حار مطحون تشيلي شوي ملح بعدها غمسي الحلقات بالبيض بعدين بالخلطة و بعدها اقليها بزيت غزير و حار و قدميها لحالها بس تنفع غداء  : سلطة الزهرة  بالاول قطعي خس لشرائح + ملفوف ابيض شرائح و لمحبي البصل ممكن اضافة بصل ابيض شرائح  قطعي كمية من البطاطس لمكعبات صغيرة + كمية من الباذنجان + كمية من الزهرة اقليها بالزيت و نشفيها منه و اضيفيها للمجموعة الاولى  اعملي الصوص الابيض المكون من : ملعقة كبيرة زبادي ملعقة كبيرة مايونيز ليمون ملح و طبعاً اكيد راح تزيد الكمية لزيادة السلطة اضيفيها على الخضار بالاخير اضيفي قطع الخبز العربي المقلي مع رشة من السماق الاحمر على الوجه و استمتعي  : مقبلات مدري ايش اسميها بالضبط بس انها جداً لذيذة وتفك ازمة وهذا اهم شئ وقتها ما احد اكلها لانهم شبعوا لكن صرنا نحطها بالساندويش مع مايونيز كل ماجعنا يعني تنفع تصير كل شئ تحبينه  بالاول نحط شوي زيت مع الدجاج المفروم على النار لحد ما ينشف مويتها و تنضج نضيف عليه بصل مقطع مكعبات صغيرة + ثوم نضيف البهارات ( ملح + فلفل اسود + بهارات الدجاج + الكركم ) نقطع بطاطس مكعبات صغيرة ونقليها بزيت لحالها ولما نطلعها وتنشف نضيفها على الدجاج . نقطع طماطم لمكعبات صغيرة ونضيفها على الدجاج نفرم شوي كزبرة طازجة ونضيفها بعد عليهم نخليها على النار لحد ما تحسينها اندمجت مع بعضها بالطعم فقط نضيف عليها عصير نصف ليمونة ونقفل النار ونقدمها وطعمها خيالي وتجلس بالثلاجة تسوين منها ياللي تبين لو رجعتي من الدوام مثلا يا حرام : كريم كراميل اذا ما اكلتي هالكريم كراميل يعني انك ما اكلتي شئ ابداً ابداً ابداً هذي كريم الكراميل الاصلية بس عيبها تسوينها قبل بيوم لانه لازم يوم كامل بالثلاجة والا ماتنجح نبدأ فيها مع مراعاة تنفيذها بالدقة لو سمحتوا  اول شئ اعملي الكراميل في انك تذوبي فنجان قهوة سكر بدون ما يحترق طبعا و تحطينه بالصينية ياللي انتي بتسوين فيها لحد ما يجمد بعدها اخلطي بالمضرب اليدوي وبشكل ناعم جداً و رقيق كل من المقادير التالية :بيضتين كأسين حليب باودر كأسين ونصف حليب فاتر نصف كأس سكر ملعقة صغيرة فانيلا ولما تحسينهم تجانسوا مع بعض اسكبي الخليط بالصينية بس لازم تمررينها عن طريق الصفاية . نغلفها بالقصدير ونحطها وسط صينية اكبر فيها كمية من الماء يعني بالفصيح حمام مائي دخليها بالفرن ياللي لازم تكون فاتحته قبل عشر دقائق على درجة 160 نخليها بالفرن لمدة ساعة كاملة بعد ماتطلع نفك القصدير منها ونخليها بدرجة حرارة الغرفة ساعة كاملة بعدين دخليها الثلاجة يوم كامل اقلبيها وقت التقديم وقدميها لجدك اذا يحبها خليه يستمتع  +
|
||||
|
|
|
02-07-2009, 11:17 PM
|
|
||||
|
تخُط النُورَ بِناحِليها
|
+ الساعة الان تشير الى الرابعة والنصف عصراً وقت احتساء الشاي بالنعناع مع امك و ابوك وجدك طبعا هذا في حالة ماتغديتي الغداء ياللي فوق يعني لايجي في بالكم اني تغديت ياللي فوق واكلت العصر بعد لا والله بس انا في حال ما تغديت اضطر اسوي شئ يُعد دسم ناكله العصر سويتز الجبنه  بالاول نعمل الحشوة المكونه من جبن شيدر مبشور + فلفل رومي مقطع لقطع ناعمة جداً خليط عجيب راح يذوب و يكون لك طعم خرافه هاتي رقائق السويتز و قطعي الواحده ثلاث قطع حطي الحشوة و غطي الاجزاء المفتوحة بخليط الدقيق + الماء القليل يعني يصير اقرب للعجين حتى تتماسك واضغطي عليها بقوة  بعد كذا هاتي صحنك المسطح واخفقي فيه بيض و الصحن المسطح الثاني حطي فيه خليط كنور لتغليف البروستد مرة لذيذ و غمسي الرقائق بالبيض و الخليط و اقليها بالزيت وقدميها مرة لذيذة و الجبن سايح طبعا طالع شئ يجنن استمتعي فيه  +
|
||||
|
|
|
02-07-2009, 11:20 PM
|
|
||||
|
تخُط النُورَ بِناحِليها
|
+ الساعة تشير الان الى السابعة و النصف مساءً حيث وقت تناول القهوة ومثلها مثل الغداء بنت ابوك لو تأخرتي فيها خاصة انه وقت فتح باب الشارع على مصراعيه حيث يأتي الزوار من الرجال لرؤية جدك عاد دوري شئ ينفع للشيبان Coffee Sweet  جهزي بسكويت اولكر سادة ايضا جهزي للتغميس صحن فيه ماء + نسكافية و صحن ثاني فيه كريمة خفق .  بالخلاط اخلطي : قشطة نصف كأس سكر ملعقتين كبار شوكولاه باودر ودخليها بالثلاجة لحد ما نحتاجها الحين هاتي صينيتك وصفي بالاول بسكويت تغمسينه بالنسكافية لحد ما تغطي الصينية فوقها بسكويت تغمسينه بكريمة الخفق بعدها حطي نصف كمية الشوكولاه ياللي بالثلاجة ارجعي كرري نفس الشئ بالنسبة للبكسويت اولها نسكافية و الثانية بسكويت مغموس بالكريمة وعلى الوجه باقي الشوكولاه ياللي بالثلاجة اخر شئ رشي على الوجه شوكولاه باودر و دخليه الثلاجة لوقت التقديم شكله لما تقطعينه متماسك و يجنن و استمتعي بالطعم الجميل  +
|
||||
|
|
|
02-07-2009, 11:30 PM
|
|
||||
|
تخُط النُورَ بِناحِليها
|
+ الساعة الان تشير الى العاشرة والنصف مساءً يعني اكيد بناكل عشاء احب اسوي عشاء دائماً اكثر من اي شئ ثاني نبدأ دجاج كريسبي  جيبي صدور دجاج حسب عدد عائلتك و قطعيها بشكل طولي بعدها و انتي حرة بالنقطة هذي انه ممكن تسلقينها بالماء لمدة ربع ساعة انا من جهتي لازم اسلق الدجاج عندي وسواس قهري من ناحية النضج بعد ماسلقتها حطيتها بوعاء محكم الاغلاق و تبلتها بالاتي : عصير ليمونه معلقة كبيرة خل ملح + فلفل اسود + كمون + بابريكا + ثوم باودر فنجان قهوة زيت و طبعا بالثلاجة لمدة ما تقل عن الثلاث ساعات  بصحن مسطح نخفق البيض و بصحن ثاني نحط كأس دقيق ابيض مع نصف كأس كورن فليكس مطحون بشكل خشن مع شوي من الملح و البابريكا نطلع الدجاج من الثلاجة ونغمسها بالبيض و الخليط و نقليها بالزيت و استمتعي  : بطاطس الودجز طبعا قليل اسويه لكن في حالة دخلت المطبخ وسويت دجاج بالمرة اسوي معه بطاطس ودجز  قطعي بطاطس حسب الكمية ياللي تبين على شكل اصابع ودجز و اسلقيها لمدة 15 دقيقة او لحتى ما تكون طريه معك بعدها حطيها بوعاء محكم الغلق عشان التتبيله ياللي تتكون من : ملح + فلفل اسود + كمون + بابريكا + ثوم باودر + ورق ريحان مجفف + زعتر بري 3 ملاعق كبيرة دقيق 3 ملاعق زيت زيتون خليها المدة ياللي تحبينها او ممكن على طول تصلحينها ممكن تقلينها بالزيت و ممكن لو تحبين تحطينها بصينية ممسوحه بالزيت و تغطينها بالقصدير و تدخلينها بالفرن مدة 15 دقيقة بعدين تحمرينها من فوق و قدميها استمتعي بالبطاطس اللذيذ جداً  : صلصة الثوم تجنن لما تصفينها جنب الى جنب مع الاطباق السابقة الذكر  بالخلاط اخلطي جميع الاشياء التالية : بياض بيضتين فصين ثوم ملح عصير ليمونه ملعقة خل ابيض ولما تخلطينها اضيفي عليها بالتدريج نصف كأس زيت ممكن تقدمينها و ممكن لو تحبينها اثقل تخلينها على النار مع تحريك شوي بس و قدميها استمتعي فيها مرة لذيذة : ساندويش الدجاج بالملفوف  نجهز سلطة الكول سلو : ملفوف ابيض مقطع بشكل طولي جزر مبشور ملعقة مايونيز ملح + فلفل اسود + ثوم باودر عصير ليمون مقدار ملعقتين تقريبا تكوني مقطعه دجاج فيليه بدون عظم لمكعبات و تحطينها بالتتبيله التالية : ملعقة كاتشب ملعقة خردل ملعقة صغيرة ثوم باودر ملعقة شطه ملعقة صويا صوص ملح + فلفل اسود بعد ماتخلينها بالتتبيله مدة نصف ساعة طلعيها من الثلاجة شوحي فلفل رومي مقطع لشرائح طويلة مع شوي زيت و حطي عليها الدجاج لحد ما ينضج  نجهز خبز التورتيلا و نمسحه بملعقة مايونيز بعدين سلطة كول سلو بعدين كمية من الدجاج لفيها وقدميها و استمتعي  : مقليات الخضار لسعة شقاوة ام السنع كله سبقتني و عرضتها بموضوع لها بس كانت حقتهم مرة دسمه يعني حقتنا فيها شوي شوي اختلاف بس هي نفسها تقريبا  نخلط كأس دقيق مع ماء في وعاء مدري كم كمية الماء بس لحد ما يصير عندكم خليط نوعاً ما مابين السائل و الثقيل نضيف عليه ملح + فلفل اسود + ماجي ابيض و نضيف عليه بيضه نحركها مع بعضها لحد ماتتجانس بالاخير نضيف عليها الخضار التالية : شرائح ملفوف طوليه جزر مبشور بقدونس مفروم حلقات بصل اخضر و ممكن اضافة ذرة بعدين حركيها و انتي عند الزيت الحار خذي بالملعقة بشكل عشوائي وحطيها بالزيت لحد ما تكون متماسكة ولونها حلو قدميها حاره تجنن و استمتعي  : تيراميسو هذا الحلى مو اصلي لان الاصلي ما ينفع للرجال كبار السن لذلك خففته بشكل فظيع يعني تقدرون تقولون تيراميسو بنكهة عربية  بالخلاط نحط المقادير التالية : كأسين ماء بيضتين 2 فنجان سكر ملعقة صغيرة باكينج باودر 16 ملعقة كبيرة حليب باودر نصف كأس ماء مخلوط فيه نصف ملعقة صغيرة هيل طبعا لما نجي نحطها على المقادير ياللي بالخلاط نحط الصفايه اول حتى ماينزل الهيل للخليط . بعد مانخلطها نحطها بقدر عالنار ونحركها لحد ماتغلظ بس لا تتكتل معك ارفعيها من على النار و حطي مقدار النصف بس في طبق التقديم  حطي طبقة بسكويت فوقها اي نوع انتي تفضلينه انا هنا حطيت اولكر سادة تغمسينه بالحليب طبعاً . بعدها اكمل مقدار من الخليط الابيض الحين نسوي الكريمة ياللي فوق وياللي تتكون من : 2 باكيت دريم ويب قشطة ملعقة صغيرة نسكافية ملعقة صغير كاكاو باودر بالخلاط و يضاف منها مقدار ملعقة تقريبا اضيفي لمستك ودخليها الثلاجة واستمتعي مرة مرة مرة لذيذ  + بكذا يكون انتهى يومنا الجميل في بيتنا الجميل احيانا نحب نشرب عصيرات و اشياء باردة بس ما انزلها هنا كلها احطها بموضوع المقهى . اتمنى يكون الموضوع مُكفّر عن غيابي الطويل نتيجة ظروفي ياللي راحت الحين الحمد الله نستقبل التهاني لمدة اسبوع قبل ما يكتشف ابوي موضوع استقالتي لنا لقاء ان كتب الله لي عمر جديد آل المساطيل الكرام
 |
||||
|
|
|
02-07-2009, 11:30 PM
|
|
||||
|
Fluido de la lengua
|
 وعليكم السلام ورحمة الله وبركاته وإن شاء الله خيره لكِ الإستقالة وتلقين الأحسن منها يابعدي ماشاء الله تبارك الرحمن أطباق رائعة وتفتح النفس   نجي للأسئلة: 1/بطاطس الودجز وين ألقاه،وأقدر استبدله بتقطيع البطاطس العادي؟ 2/صلصة فرنسية <<نفس السؤال الاول  وهل اقدر استبدلها بشيء آخر أو أسويها بالبيت  3/جبن بارميزان مبشور لازم هذة الجبنة ولا أقدر أستبدلها مثل موزاريلا؟ 4/ خليط كنور لتغليف البروستد هو اللي من منتجات كنور اللي تجي بالأكياس الصغيرة صح ولا؟،وكمان هل أستطيع بدل مااقليها اشويها؟ 5/شكراً مقدما ولك
آخر تعديل عزّ القصيد
في 11:50 PM.
|
||||
|
|
|
02-07-2009, 11:32 PM
|
|
||||
|
ملح المطبخ
|
ماشاء الله تبارك الرحمن انتي مبدعه انتي طباخه انتي داهيه الله يحفظك يا رب تغيبين فتره وترجعين لنا بموضوع ينسينا غيبتك وعتبنا عليك اعلق على ايش والا ايش بذن الله صنيه الدجاج وبطاطس الودجز والبطاطس المقلي و حلى العصريه بو نسكافيه مسويتهم هالاسبوع على فكره موضوعك الاخير طبقت صنيه الشيش طاووق وحلى السكر من زماااااان بس كل مره اتعيجز اصغرهم واحطهم بموضوع التطبيقات ان كان عندتس طبخات سعراتها الحراريه قليله , تنفع للي يسوون دايت مثلي ياليت تفيدينا سمي
آخر تعديل حلـم ~
في 11:43 PM.
|
||||
|
|
|
03-07-2009, 12:57 AM
|
|
||||
|
من شيوخ الحارة
|
آخر تعديل وامق ,
في 05:52 AM.
|
||||
|
|
|
03-07-2009, 02:28 AM
|
|
||||
|
توه ساكن
|
لا تقولين صدق استقلتي ياسلالام عليك والله العظيم انتي رهيبه كل الاشياء اللي تنزلينها من الاشياء المفضله عندي بس عندي سوعال : الى الحين متردده اجرب جبنه البارميزان لاني مااعرف طعمها وين الاقيها في الماركت وشبهيلي طعمها زي ايش ؟؟ ودي اجربها من كثر مااشوفها في فتافيت والله يعطيكم العافيه انتي والعائله الكريمه |
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
