 |
 |
 |
 |
 |
 |
 |
 |
|
||||||
| الملعب المحلي منتدى الرياضة المحليه |
 |
|
|
أدوات الموضوع |
03-07-2009, 05:01 AM
|
|
|||||||||||||||||||
|
أطلق كاتب بالمحلي
|
مد لي يدك . . .اقطعها !!!! <<<< حمود ومحيميد بالداخل
اسعد الله اوقاتكم بكل خير اعضاء المحلي ترددت كثيرا قبل انزال الموضوع . <<<< من كثرك  لكن هالموضوع بين ايدينكم , لكم اللحم ولي العظم  مد لي يدك اقطعها  هذا انت يا كرسيي العزيز , تنادي بأعلى صوتك وجهوني , انصحوني دلوني على الصح ومانلبث ان نمد لك يدنا حتى تقطعها لمذا من الاساس تنادي اذا؟ اعمل لوحدك بصمت ولا تاخذ براينا وابشر باللي يصفقلك ويغنيلك بعد  سعادة الكرسي تبي تعرف حالتنا اقرا معي هالابيات زارَ الرّئيسُ المؤتَمَنْ بعضَ ولاياتِ الوَطنْ وحينَ زارَ حَيَّنا قالَ لنا : هاتوا شكاواكم بصِدقٍ في العَلَنْ ولاتَخافوا أَحَداً.. فقَدْ مضى ذاكَ الزّمَنْ . فقالَ صاحِبي (حَسَنْ) : ياسيّدي أينَ الرّغيفُ والَلّبَنْ ؟ وأينَ تأمينُ السّكَنْ ؟ وأينَ توفيرُ المِهَنْ ؟ وأينَ مَنْ يُوفّرُ الدّواءَ للفقيرِ دونما ثَمَنْ ؟ ياسيّدي لمْ نَرَ مِن ذلكَ شيئاً أبداً . قال َالرئيسُ في حَزَنْ : أحْرَقَ ربّي جَسَدي أَكُلُّ هذا حاصِلٌ في بَلَدي؟! شُكراً على صِدْقِكَ في تنبيهِنا يا وَلَدي سوفَ ترى الخيرَ غَداً . ** وَبَعْدَ عامٍ زارَنا ومَرّةً ثانيَةً قالَ لنا : هاتوا شكاواكُمْ بِصدْقٍ في العَلَنْ ولا تَخافوا أحَداً فقد مَضى ذاكَ الزّمَنْ . لم يَشتكِ النّاسُ ! فقُمتُ مُعْلِناً : أينَ الرّغيفُ واللّبَنْ ؟ وأينَ تأمينُ السّكَنْ ؟ وأينَ توفيرُ المِهَنْ ؟ وأينَ مَنْ يوفِّر الدّواءَ للفقيرِ دونمَا ثمَنْ ؟ مَعْذِرَةً ياسيّدي .. وَأين َصاحبي(حَسَنْ)؟! . . قسما بالله ياراعي الكرسي لو ماعرف ان احمد مطر انه هو الكاتب كان قلت انها مكتوبة فيك بدون كلام بس عندي سؤال طال عمرك هل تعلم بان المنتخب السعودي لم يحقق بطولة رسمية من عم 1996 م وش ناقصكم بالله؟ دراهم والا لعيبه والا مدربين صح؟ جميع ماسبق متوفر بس تدري وش المشكله ؟ ان الواسطه مب عندنا يامسلم  لا لا من جد اهرجك انا , بالله مانقدت على نفسك يوم انك تنكر الواسطه؟ اجل بالله وش يبون هالطخوم؟     هجمة عكسية * ليس جهلك هو من يوقف نموك , انما جهلك بانك جاهل * لا عاد هالحين خل عنك الاستهبال بالله ماقريت هالمعلومه؟ اليابان تخطط من الأن انها تحقق كأس العالم 2050  تدري وشلون بتفوز بكاس العالم؟ طال عمرك حطو لهم هدف , وبعدين حطولهم وقت طويل لتحقيق الهدف , وبدو الكشافين يشتغلون ويبحثون عن المواهب ويرسلونهم لاوروبا شفت العالم يخططون لهدف بعد 40 سنه موب مثلك بمؤتمرك الصحفي عام 2001 عقب ماتاهلنا لكاس العالم باليابان ايه ايه يوم تقول اننا بنفوز بكاس العالم عام 2010  وقبل ما انتهي منك عندي لك موضوع يبرد الكبد كتبه n9wn9 دوك اقراه زين واحترني راجع لك http://msa6el.com/vb/tt60247.html  اما انت صح انك كشخه ومزركش بس قسم اننا مو ماخذين منك الا هالكشخه والهرج والتميلح والا رايح ياسعادة الكرسي تمذرح ماخليت دولة بالعالم وراجع مزعجنا بكلمتين فضخت روسنا ( ابشروا مستقبلنا يبشر بخير ... ابشروا مستقبلنا بخير ) ودي اعرف وشلون مستقبلنا يبشر بخير وماعندنا قاعده صح ولا عندنا اكاديميات ( اسباير في قلوبنا ) ولا عندنا كشافين مثل اوروبا ينشد بهم الظهر بس تدري انت صح وعشرين مليون سعودي غلط , يادبش افهموا ( مستقبلنا بخير , مستقبلنا بخير )  والدليل على ان مستقبلنا بخير دوك هالخبر
ماقلت لكم؟ انتم ماتفهمون خلو الناس تشتغل وابشروا بالخير اسئلة نقاشية - هل تتوقع باننا سنتاهل كاس العالم 2010؟ - ماهي الطريقة المثلى للمنافسه والتمثيل المشرف في حال تاهلنا؟ - من ترشح ان يكون مكان هالكرسيين اللي فوق؟ - وش رايك فيني؟ 
آخر تعديل Z i Y a D
في 05:41 AM.
|
|||||||||||||||||||
|
|
03-07-2009, 05:13 AM
|
|
||||
|
Football Fanatic
|
مشتاقين لمواضيعك اهنئك بصراحه على الموضوع الاليم نجي للموضوع انا معك بكل شي قلته خاصه هالكرسيين اللي وش حليلهم .. اما شغلت الواسطات فهذي يمكن ولى زمانها لان اي مدرب بيجيك في هالفتره اول شروطه عدم التدخل بشغله !!نتكلم من اخر نقطه ثم نرجع لحمود ومحيميد اتفق معك بنقطة الشلهوب وياسر .. للاسف منتخبنا والهلال للاسف هم سبب تدهور الشلهوب المسكين بعد وفاة امه وابوه طلب التوقف عن اللعب لفتره عشان يرجع مثل ماكان اول لكن بسبب المصلحه الشخصيه ضغطوا على اللعب وخلوه يستمر وصارت الجمهور الهلاليه خاصه والسعوديه عامه تطلب من الشلهوب يرجع مثل ماكان والولد ظروفه وحالته ماتساعد لذلك من الطبيعي تشوف مستواه في انحدار كبير !! ياسر بالموسم الماضي ماعاد يهتم بنفسه كلاعب ولا يؤدي التمرين بشكل صح مدري وش السبب لكن اعتقد من ضمن الاسباب انه ضامن الخانه سواءً بالمنتخب او الهلال .. فتشوفه بالهلال اساسي بسبب وجود العنبر والصويلح احتياط له فمن الطبيعي وهو بأقل عطاه بيطقها اساسي نفس الحال فالمنتخب لذلك ماراح يجهتد عشان يلعب اساسي لانه عارف ان فيه مدربين سبايك معتمدين عليه اكثر من اللازم ولا يجازفون ويعطون الفرصه لغيره او حتى يعاقبونه بدكة الاحتياط !! اما حبايبنا .. فوالله ان تسبدي اندبلت منذو مبطي لكم عشرين سنه وانتم نايمين وبعد ماشفتوا العالم قامت تشتغل وتفتح اكاديميات زرتوا اكاديمية زيكو وازعجتونا فيها اي مؤتمر او مقابله ذكرتوا هالشي .. ياحبايبنا نقدر لكم جهدكم خلال السنوات الماضيه وسعيكم لتطوير الرياضه السعوديه لكن ماعاد عندكم اي اضافه لكرتنا .. لذلك من الاولى اعطاء الفرصه لغيركم لعلى وعسى نكتشف مواهب قادره على تطوير رياضتنا ! ادري لو اتكلم من هنا لين بكره بخصوص هالثنين عارف اني ماني لاقي حل لذلك اكتفي بهالسطرين <- لازالت تسبده مندبله مثبت زياد لاهنت يانصراوي
آخر تعديل عـوااكيـس
في 06:03 AM.
|
||||
|
|
|
03-07-2009, 05:51 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
شَاعِر إِجتَاز القمَر
|
كان واثق الرجال بزياده  ..
فال الله ولافالك
اللعب بعشره مدافعين 
الكراسي تتغير بس حمود ومحيميد مكانهم 
اطخم .. فالك الجنه ..
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
03-07-2009, 05:58 AM
|
|
||||||||||||||||||||||||||||||||||||||||||||||||||||||||||||||||||||||||||||
|
راعي بطره
|
موضوعك من أبطل مايكون يازياد .. لكن هل اسمعت لو ناديت حياً ولكن لاحياة لمن تنادي ..يعني من جد شئ يمرض .. والمشكله انك تتحدث عن سياسه وطن !! نجي للأسئله دغري ..
ايه اتوقع وودي اننا مانتاهل .. لعل الله انه يقلب حال صاحب الكرسي ومساعده .. ويلتفتون للب اكثر من القشور اللي يحاول انهم يشغلون انفسهم فيها ,
هه ! منافسة وتمثيل مشرف بهالأسامي ؟ مستحيل والله .. خصوصا أن مامعنا سامي , لكن الحل والطريقة المثلى للمنافسة على كاس العالم 2026 ..هو التأسيس الصحيح للأشبال وتطبيق الإحتراف بحذافيرة , لا الظهور على القنوات ومحاولة التصدي لفلان وعلان !أو ترك الحبل على الغارب للأنديه بشكل عام , كي تسرح وتمرح وتفعل ماتشاء , ويجب ضبط الأنديه ببعض الضوابط حيث تجبرها على الإعتماد على الناشئه وبهذا يخرج لنا جيل ناشئ سعودي كما حصل في عهد " فيصل بن فهد " رحمه الله حيث حصلنا على كأس العالم للناشئين وتأهلنا لدور ال 16 بكأس العالم وشرفوا بلدهم خير تشريف في اول تأهل لكأس عالم .
اممممممممم .. خبرتي قليله في أصحاب السمو وغيرهم .. لكن يبدو لي انه لايوجد احد مثل فيصل بن فهد الله يرحمه ..
أنت أبطل واحد  بس هو انت زياد ( الهلالي ) اللي بمنتديات *** اللي كان مشرف القسم الرياضي
 ؟
آخر تعديل C.F.C
في 06:02 AM.
|
||||||||||||||||||||||||||||||||||||||||||||||||||||||||||||||||||||||||||||
|
|
|
03-07-2009, 11:48 AM
|
|
||||
|
راعي محل
|
كرسيين .. ردح من الزمن وهالكرسيين هم نفسهم الكرسيين ماقول الا الله يحولهم الى مقعديين  << آمييين  اسئلة نقاشية - هل تتوقع باننا سنتاهل كاس العالم 2010؟ الله لا يقووووله وعساهاا تكون فاتحة خير على الاتحاد السعودي - ماهي الطريقة المثلى للمنافسه والتمثيل المشرف في حال تاهلنا؟ - ان قاله الله وتاهلناا مافيه الا يجيبون كووزمن باي ثمن علشان يظبطهم وماننرقع باهدااف كثيره - من ترشح ان يكون مكان هالكرسيين اللي فوق؟ يعني مايبيلها كلاام ندوور من لاعبين الخبره الكبار وياحبذاا لو كانو صالح النعيمه على ماجد عبدالله على محيسن الجمعان على سامي الجابر ولاننسى خليل الزياني طبعاا هذولاا يكونون من الهيكله اللي لازم ينبني عليها اعضااء الاتحاد اما الرئيس شبيه الريح - وش رايك فيني؟ مااعرفك لكن الهقوه فيك انك رجالن سنافي وبطل وموضووعك اكه 
|
||||
|
|
|
03-07-2009, 12:54 PM
|
|
||||
|
من شيوخ الحارة
|
موضوع كنا في حاجة له ثانيا / يوم تقول اليابان تسوي خطط مدروسة عشان ياخذون كاس العالم ،، يارجال اليابان باذات المفروض مانقارن نفسنا فيها دولة صنعتلك سيارات والجهاز اللي جالس عليه ماهي بعاجزة انها تجيب كاس العالم ،، لكن ربعنا اذا يبون كاس العالم لازم تتغير العقلية الخربانة اللي عندهم أجل في واحد كل هرجه خطط مدروسة وآخرتها منتخبنا ماكل تبن بقوةبالنسبة للأسئلة : - هل تتوقع باننا سنتاهل كاس العالم 2010؟ ياشيخ أن تأهلوا شجعت الهلال ، ولاسحب على النصر ومن جابوه . - ماهي الطريقة المثلى للمنافسه والتمثيل المشرف في حال تاهلنا؟ مافي طريقة مثلى لأننا خير شر منا بمتأهلين - من ترشح ان يكون مكان هالكرسيين اللي فوق؟ لو هي على الترشيحات في ناس أحق منهم ،، مثلا علي حمدان ، البطي ، الأثنين ذولي تعجبني نظرتهم البعيدة لكن يكونون تحت رئاسة خليل الزياني ،والنائب فهد الهريفي - وش رايك فيني؟ كل شخص يتكلم عنه قلمه ويبدو أن قلمك لاينطق عنك الا بكل خير يالطيب
|
||||
|
|
|
03-07-2009, 02:11 PM
|
|
||||
|
Futbolista
|
بأختصرها لك .. تأهل مافي امل نتأهل .. لانك لو عديت البحرين بمستوى المنتخب هاللي مدري وش يبي .. فثق تمام الثقه ماراح تفوز على نيوزلندا .. وبالنسبه للكرسي .. فمعرووف راعيه .. ومن اللي بيجي بعده .. رييييح أعصابك .. وبالنسبه لك .. شكلك شقردي يابطل ..
|
||||
|
|
|
03-07-2009, 02:33 PM
|
|
||||||||||||||||||||||||||||||||||||||||||||||||||||||||||||||||||||||||||||
|
مُنتج محترف
|
انا بختصر لك واقول ان لكل زمان دولةً ورجال اما سالفة الواسطه في كل شي بحياتنا حتى المدارس الابتدائيه طالتها اتمنى تجديد الدماء فالشباب والطموح والتطلعات هي من ستعجل بنا لمجاراتنا غيرنا بعد توفيق الله عز وجل ولابد ان يكون صاحب الكرسيين من نفس العائله لان لا يمكن ان يأتي شخص بدون حصانه لوجود اصحاب النفوذ بالانديه فقد رأينا بكاس العالم للقارات تطور هائل للمنتخبات فقد ذابت المنتخبات الكبيره فلم تسعفها سوا خبرتها
ودي وماودي ماودي نتاهل كود يحسون شوي فجميع المقومات موجوده لدينا مال ولاعبين ودوري ولكن نفقتد للفكر ودي عشان هالاعيبه المساكين فا لكل انسان هدف كلنا شفنا هوساوي ونايف وشهيل ووليد عبدالله كيف روحهم في المباراه الاخير فهذا حلمهم وماودي نقسى عليهم
الطريقه المثلى ان يطيرون هالمدرب اللي خططه من ايام اسود وابيض  ويرجعون انجوس اللي ماعمري شفت منتخبنا بالصوره اللي طلع فيها معه ويتركونه على راحته كلنا شفنا منتخبا 2007 شي يفرح القلب اما يوم جت التصفيات وبدا شغل الواسطات وطقها بوجيهم انهم بذا الاعيبه ماراح يتأهلون طيروه كل ماذكرت مبارياتنا في اسيا2007 يحترق قلبي على المدرب كان فيه تصاعد رهيب بالمستوى
ارشح من يملك الفكر والخبره ارشح من يملك روح الشباب والغيره ارشح انسان متعصب لرياضة وطنه ولا يقبل القليل
من اي ناحيه
آخر تعديل نتفه
في 02:37 PM.
|
||||||||||||||||||||||||||||||||||||||||||||||||||||||||||||||||||||||||||||
|
|
|
03-07-2009, 03:03 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Global Footballer
|
هذي خطط مدروسه
أتوقع ولا إتمناها
عدم المجاامله في اي لاعب كان
في أفضل من صاحبين الخطط المدروسه 
 لاهنت |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
03-07-2009, 06:40 PM
|
|
||||
|
توه ساكن
|
روايه هي احد اهم الكراسي لارتباطها بالشباب والمجتمع ارتباط قوي والكراسي هذي بصراحه فيها من التخبط وفيها ومن الجهل مالله به عليم واخرها (دوري زين ) <-- اجل عقود استثماريه للانديه سحبت عليها وجبت راعي لدوري وكله عشان الفلوسهذي هي الشركات صاحبة الاستثمار تهدد بالانسحاب اي جهل هذا ان تأتي براعي لدوري وبنوده وميزاته سحبها من تحت رعاه اخرين لهم حقوق وعقود شي مؤسفاضف الى ذلك اطلاع هالكرسيين بالفساد الحاصل في اورقة مبانيهم ومكاتبهم من لجان وغيرها ولا تظلم الواسطه فالواسطه اتت برجلها لهذه الكراسي وليسوا هم من بحث عنها <-- طيب . المنتخب وإن تأهل ماذا بعد لن تختلف المعادله ابداً 8 المانيا هي نفسها 4 فرنسا واكورانيا وغيرها الكثير بس الي يبط التسبد ان يعتبر وصولنا إنجاز وعودتنا بالارقام القياسيه في مرماك ماذا يعتبرونه اذا لم تكن جاهزا لتقدم ماهو مأمول منك فلا تذهب وكفايه فضايح وربي كفايه منتخب بداية من ياسر والشلهوب والنجعي وغيرهم الكثيرتأمل فيه خير اذا هالاسماء انضمت كذا ماتدري ليه هل انضمامهم للاستجمام ولا لأيش ماتدري المهم انهم الاسوء وانضموا بالله هل تتوقع ان بننبسط في جنوب افريقيا ياخي الوضع اختلف واختلف كثير بسبب هالكراسي الاثنين اصبح حتى اللاعب الي تأمل منه شي ولائه لناديه اكثر من منتخبه والسبب هالكراسي الي حارببته في ناديه ولما انزنقت قالت هاتوه وحطيت الحمل فوق عاتقه ياخي لو كنت لاعب وارى ما اره من فساد اداري وفساد في لجان الاتحاد الملكي الاردني <-- لزوم تمويه ياشيخ اني لاخذ المنتخب نزهه لكن وين اللي يسمع كاس عالم مانبيه بالطريقه هذي اول شي اصلح بيتك من الداخل وبعدها لكل حادث حديث . نجي للاتحاد الاردني على قولتنا <--- لجان الاسماء هي الاسماء منذ ولادتي والان اشتعل الرأس شيبا وبلغت من العمر عتيا ولازالوا في هذه اللجان ماتدري الوضع احتكار لحد الانتحار ولا وش السالفه لجنه ماهي قادره تجهز لك جدول دوري وكل سنه ولها مشاكل في هالموضوع والخبر نفس الخبر ماطرى علما جديد <-- . لجنة انضباط نفس الاسماء ونفس الواسطات ونفس الخوفيعني شايف الي حاصل فيها نادي جماهيري وراه ظهر من اصحاب سمو غض الطرف عنهم نادي جماهيري وملعون ام لكن ماوراه ظهر مثل هذاك دوس ابوه والخبر نفس الخبر ......., لجنة استثمار في الايام القليله الماضيه سوت لنا سالفه مع شركات رعايه للانديه قاعده تدفع ملايين وفي الاخير هالشركات تهدد بالانسحاب من الوسط الرياضي والسبب ان هاللجنه فيها ناس حبوا يفيدوك ياكرسي بمبلغ مالي لكنهم بلشوا في الاخير وفضحوك ماعلينا الخبر نفس الخبر . نجي لغير الكوره الالعاب المختلفه الاخرى سؤال عمرك شفتوا لاعب في الاعب الومبيه نايم عن موعد مباراته وفي محفل الومبي عالمي <--- هذي حصلت عندنا ( باختصار خربتها هالكراسي وقعدت على تلها ) شكرا انت اكوس واحد فينا
|
||||
|
|
|
03-07-2009, 08:45 PM
|
|
|||||||||||||||||||||||||||||||||||||||||||||||||||||||||
|
الجمال جمال الروح
![الصورة الرمزية [ رائــد ]](http://msa6el.mbc.net/vb/avatars/43780.gif?dateline=1326751010)
|
في البداية أنا لست معك في قولك الواسطات .. فقد ولى زمنها منذ واسطة ماجد والتأهل لعام 94 .. : أما انضمام ياسر .. فلا أدري من تريدهم أن يضموا بدلا عن ياسر ؟؟ وقلت بدلا وليس بالإضافة .. لأننا نرى هزازي مستقبل الهجوم السعودي فقط .. أما غيره فلا يوجد أحد سوى ياسر حتى وهو بأفشل مستوياته
الله لا ييسر لهم التأهل .. لأننا لو تأهلنا نسوا أخطائهم وسحبوا على أم الدنيا إلى التصفيات القادمة
الروح ولا غيرها .. ولنا دليل بمنتخب مصر
الرئيس أتمناه وبكل قوة أن يكون الأمير خالد بن عبدالله والله أن يصير عندنا تطور رهيب وكلنا نشوف ماذا يفعل في الأهلي من أفكار جديدة وأولها الأكاديمية أما الثاني ياليت يكون عبدالله بن مساعد غيرها على رياضتنا السلام شكرا زياد
آخر تعديل [ رائــد ]
في 08:53 PM.
|
|||||||||||||||||||||||||||||||||||||||||||||||||||||||||
|
|
|
03-07-2009, 10:43 PM
|
|
|||||||||||||||||||
|
من شيوخ الحاره
|
هلا زياد نورت المحلي ياراقل ذكرت في مقالك أعلاه ان للواسطه دور كبير في مستوى المنتخب وانا مانيب معك لا جملةً ولا تفصيلاً والسبب أن إذا كان العيب في لاعب او لاعبين ممكن تشوف الخلل في خاناتهم وباقي الفريق شغال صح ولكن المشكله هنا أن المنتخب ككل يعاني وخلني اسرد لك آخر إنجازات قامو يتغنون فيها المطبلين لأصحاب الكراسي ووش هي بنظرة واحد محايد * تأهلنا لنهائي آسيا ولو بحثنا في مستوى المنتخب الي اسماه المراهق المرهف بمنتخب الأحلام آنذاك انه منتخب ركيك وضعيف جداً ولكن سبحانه الي مهد لهم الطريق للنهائي .. تأهلنا من المجموعه بكتم الأنفاس وبفوز بشق الأنفس على اندنوسيا في آخر الدقايق والبحرين كانت الطعم السهل .. واوزبكستان والله إلى الآن اقول في نفسي وشلون فزنا عليهم الظاهر إذا كاني عديت صح اربع عوارض وغير الهجمات المحققه لهم ولكن ربك حامي شباكنا .. مالعبنا صح إلا ضد اليابان والعراق كشف مستوانا الحقيقي !! * إنجاز إيران .. وهو في الحقيقه اسميه دعاء الوالدين للاعبين المنتخب والفوز جاء من ربك .. الإمارات وفي ارضنا فزنا عليها بحب الخشوم وبتشغيل اغاني عشان تحمس اللاعبين داخل الملعب !! مشكلة المنتخب اعتبرها مشكلة لاعبين مع إن هالوقت عندنا لاعبين مهارياً ممكن يتفوقون على بعض الأجيال القديمه ولكن المشكله هنا في اللياقه البدنيه والذهنيه للاعب وفوقها بنيته الجسمانيه .. الآن اللاعب السعودي الي هو في الأصل يعتبر فرد من مجتمعنا الي كل مال افراده يصغرون حجمياً وعما قريب بنغطي على حقين شرق آسيا بمسألة الأجسام .. فالغذاء عندنا مضروب خنقول بدايةً من التسعينات .. ثقافة اللاعب من يوم هو صغير سهر إلين مايطلع الصبح ثمن اصفقها نومه لنص العصريه وقم وكل لك أكله اي كلام ثمن تعشى لك في بوفيه !! وهالشيء تشوفه بالتحديد في اهم مراحل الشخص عندنا بين ال 15 وال 22 وهي مرحلة النمو لهالشخص والجسم يبي له اكل صحي وفوقها نوم زي الآوادم .. ارجع لمباريات زمان وشف بنية اللاعب السعودي أقل شيء تشوفه جبر ويحرث لك الملعب ياترى ليه لأن شكل المجتمع في ذاك الوقت كان يختلف فماكان فيه دشوش يسهرون عليها لآخر الليالي وماتجيك الساعه 12 إلا الشوارع فاضيه ..الآن اللاعبين عندنا عظمتين تتحرك في الملعب والمجهود مضروب فماعاد فيه حرث للملعب وكل واحد يتحرك في خانته ويالله !! طبعاً الي ذكرته فوق مهوب سبب رئيسي اللهم إنه سبب من عدة اسباب تزاوجت وفرّخت لنا هالمنتخب الي تشوفه حالياً او عشان اكون اكثر دقه فرخت لنا شكل اللاعب السعودي حالياً !! والأسباب الآخرى يطول فيها الحديث ومنها الأكاديميات الي تطرقت لها في مقالك ومنها وجود ناس لا يمتون للرياضه بصله يقودون دفتها ومنها التخطيط القصير او المستعجل وأهم شيء فيها كلها ثقافتنا الحاليه الي ماتعرف الإنظباطيه ولا استغلال الوقت ولا اتقان العمل .. الخ نجي الآن لأسئلتك النقاشيه يبو نقاش أنت -هل تتوقع باننا سنتاهل كاس العالم 2010؟ عطفاً على انها اربع مباريات فكل شيء جائز ممكن تسلك مثل ماسلكت معنا في اوقات كثيره ونتأهل ولكن عن جداره مااتوقع .. فالقدر ابعدك عن استراليا واليابان ويقولك تكفى تأهل ومع ذلك خيبت أمله .. كأمنيه شخصيه لا أتمنى تأهل المنتخب لأنه بالعربي مايستاهل !! - ماهي الطريقة المثلى للمنافسه والتمثيل المشرف في حال تاهلنا؟ حالياً مافيه أي طريقه تخليك تشرف قدام منتخبات عالميه كوريا الشماليه وماكل تبن قدامها تبي تشرف قدام اسبانيا او الأرجنتين !! - من ترشح ان يكون مكان هالكرسيين اللي فوق؟ هو مفروض يكون بالأساس كرسيين بس كثرو الله لا يكثرهم وصارو يستحدثون مناصب لهم .. ارشح واحد قد عض العشب الأخضر ونام مع خالد مسعد في غرفه وحده اثناء المعسكر وفاهم الكفت كله بشرط إن المخ يكون مخ اداري مهوب يصير واحد مايعرف يقول غير آآآ < مهوب يقصد ماجد - وش رايك فيني؟ بطل يابطل في الأخير خني ألص لك اقتباس من مقالة اليوم فيها تزبيد مبطن وهذا الآن يعتبر انه صحفي انتحاري !!
بيض الله وجهك يامان
آخر تعديل n9wn9
في 10:46 PM.
|
|||||||||||||||||||
|
|
|
03-07-2009, 11:46 PM
|
|
||||||||||||||||||||||||||||||||||||||||||||||||||||||||||||||||||||||||||||
|
عـرّاب المحـلي
|
يجب علينا الاهتمام بالفئات السنية وتكوين بنية تحتية من ملاعب ومدربين متخصصين ومعسكرات وحاضنات مواهب في جميع اركان المملكة .. وترسيخ ثقافة الاحتراف لدى النشء من نوم مبكر وغذاء صحي .. كذلك تعليمهم المهارات الأساسية .. والتدرب على التحرك بكرة وبدون كرة والتصويب بكلتا القدمين .. واستيعاب جميع الخطط التدريبية .. لو تطلب الأمر إرسالهم لأكاديميات عالمية ..!!
أتوقع راح نتأهل ولكن يجب على الكرسي أن يلاحظ أن مستوى المنتخب في انحدار غريب ونزول قوي وأذا كتب وتأهلنا فهو تأهل بالملحق ويحدث لأول مره ولو استمر على النزول لن نتأهل لكأس العالم 2014
- لا يصلح المدرب ما أفسده الكرسي .. يجب علينا أن ننسى جنوب افريقيا .. التخطيط لكاس العالم 2014 حتى نتجاوز مرحلة المشاركة !!
أي شخص سيحل مكانهما سيعمل أكثر منهما .. ولكن أتمنى الأمير خالد بن عبدالله رجل حكيم وتفكيره بعيد وتخطيطه سليم ويكفي ما نشاهده في أكاديمية الأهلي !!
ما أعرفك بس الكتاب باين من عنوانه 
|
||||||||||||||||||||||||||||||||||||||||||||||||||||||||||||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
