|
|
 |
 |
 |
|
 |
 |
 |
 |
 |
|
 |
 |
 |
 |
 |
 |
|||||||||
|
||||||||||||
 |
 |
 |
 |
|||||||||
 |
 |
 |
|
|
 |
| شلة الحارة منتدى الزحف والعيارة |
 |
|
|
أدوات الموضوع |
04-07-2009, 03:59 PM
|
رقم المشاركه : 1 |
|
من شيوخ الحارة
|
باب ما جاء في النفخ و التنسيم من عجايب الحريم .. ( على بلاطة )
. . الجزء الأول المكان : غرفة النوم ، الساعه خمس إلا نص . جوكره تحادث نفسها : يالله إلى متى وانا قبيحه  ، إلى متى و انا كل ما شافني قطو يمشي فوق جدار الحوش نط للبيت الثاني من الروعه ، إلى متى و أنا السبب في كوابيس ورعان الديره ..! ، حتى المعرس ماجاء من قبح وجهي .. الله ياخذ وجهي و يعطيني بداله مثل وجه منيره بنت عمتي حصّه ، ولو إن وجهها موب زين مرّه كانه وجه مريم نور أول ماتقوم من النوم بس ولو ماشي سوقها والحين أعرست وخلّفت عشرين صبي وهي توها ما وصلت سن الثلاثين <- والله لو إنها أرنب ؟  كسرة ( تفتح درج الكومدينه وتطلّع صورة الوالد ) . أنا أموت و أعرف ليه يا يمّه ليه أعرستي على هالآدمي ذا مب آدمي ذا دريل هدم حياتنا  .. مالقيتي إلا ابوي تعرسين عليه ، من وين بيجينا الملح وذا شكل أبوي .! أنا أموت و أعرف يومنتس شفتي ابوي الشوفه الشرعيه وش اعجبتس فيه وخلاتس تقولين موافدزه كل هذا عشان تعرسين ما همتس يجيونتس بنات ويقعدون بحلقتس و مايعرسن .. جكيّر تدرين وش امنيتي بالحياة .. ؟ ، أمنيتي إني اقوم من النوم و انطل بطانيتي الوردية المنقّشه بقلوب حمر ، و أطمر ع المراية و شعري يهفهف وراي بالهوا  <-- ماوكلي؟ ، همن ابدا اتمقل وجهي و جمالي .. تذكرين آخر مرة شفت وجهي بالمراية؟ اغمى علي يوم(ن) كامل ..! و صحيت من باتسر لقيتكم مغطين المراية بقصدير ! إييييه بس مالنا إلا الخطّابه ( أم حسين ) هي اللي بتحل مشكلة العنوسه ، و منين نجيب رقم هالخطابه ..! ما تدرين ذاك اليوم وأبوي يعبي السياره بنزين إلا المح الرقم ملزق بورقه على جدار المحطّه وأنا اللي أنقشه عشان اليوم الأسود عارفه إن مستقبلنا رايح فيها من طلعت على الدنيا و شفت وجه الوالد بغرفة الولاده . . - الخطّابه و الشوفه الشرعيه :  وأنا اللّي ما أصدّق على الله و آخذ الرقم وأدق على الخطابه أم حسين .. أنا : الوو ..  الخطابه أم حسين : الوو نعم من معي  أنا : معك جوكرة اللعب .. انتي الخطابه أم حسين اللي تجمعين راسين بالحلال الخطابه أم حسين : إيه أنا أجمع راسين بالحلال وبغاية السريه إن بغيتي نرسل المعرس بملف اخضر علاقي ممكن نسويها لتس عشان نحافظ على السريه التامه .. بس كل اللي عليك ترسلين لي مواصفاتتس كامله ومواصفات المعرس اللي تبينوه وصورة من بطاقة العايله وشهادة حسن سيره و سلوك . أنا : والله لو إني بقدم عندكم على وظيفه ..! الخطابه ام حسين : نعم !!اقول ابشري ابشري باتسر برسلتس صورتي وصورة اختي والمواصفات محنب متشرطين اللي يجي من الله حيّاه الله ولو تبين تاخذين المهر و المؤخر والصداق كلّه موافدزين بس اهم شي نطلع من صندقة العنوسه ونسافر ماليزيا ونصير نركب قدام بالسياره ..! سكرت التلفون .. ورحت استعد أنا وكسرة عود للتصوير .. قبل لا نروح جلسنا نحط مكياج ونبربس بوجيهنا .. ماكان عندنا كريم أساس يخفي السبع طعشر ألف عيب الموجود فينا .. جبنا دقيق ابيض وكبيناه بوجيهنا .. ما بقى لون ظل ماحطيناه بعيونّا .. أصفر واخضر واحمر وما خلق الله .. ولا بقى روج ماحطيناه في براطمنا .. كل هذا عشان نخفي ملامح وجيهنا الشينه ونصير أحلى حريم الديره صورنا بعد ما صورنا القبح والشين مازال موجود .. اللي يشوف صورتي يقول هذه زكيه زكريه مسوية ريجيم .. و كسرة طالعه كانها بنت فيفي العبده .. قلت يابنت والله مالك إلا صور منيره ناخذ صورتين وحده ملوّنه ، و الثانيه ملونه بابيض و اسود ونرسلها للخطّابه ولا من شاف ولا من درى .. من اليوم الثاني و بدى مفعول الخطّابه يشتغل .. إلا ويدق التلفون و قلوبنا تدق معه .. انا و كسرة مسكنا يدين بعض وجلسنا ندور ونصايح نقول مع بعض :هيه هيه المعرس وصل .. ويا منيره روحي قطعي بصل .. ام حسين الخطابه العسل .. شعارها بالخطبه اتصل نصل .. <- الدبش قاعدين يغنون ومخلين التلفون يرن ، مير أشوى جت الوالده وردت وطلعت حرمه عجوز يقالها ام خالد تبي تخطب لولدها الكبير والصغير ، وافقت الوالده موافقه مبدأيه وحددت موعد الشوفه الشرعيه بدون تردد لأن الوالد حالف عليها يمين إنها ما ترد أي حرمه تتصل تخطب حتى لو إنّها مروجة حشيش وعيالها مدمنين مخدرات ..! كسرة : شوفي إنتي لتس الكبير و انا لي الصغير أنا : على كيفتس هو .! منهي اللي مكلمة الخطابة ؟!! كسرة و منين لتس الرقم  انتي و هالفيونكة اللي فوق راستس ، ارفعي هالراس وجع من ثقل هالفيونكة راستس متدودل على قدام  ترن ترن طن طن ترن طن .. صوت الجرس يعلن عن وصول أم خالد وعيالها  ( حتى الجرس صوته شين  ) طمرت الوالده تفتح الباب .. و ليتها ما فتحته  طلعت أم خالد : ( عجوز مخضرمة ما فيها إلا ضروس .. يعني أول مرة بحياتي اشوف طقم اسنان يمشي و يحتسي بلحاله .. دخلت تسبقها ريحة البصل الظاهر شابت(ن) ع الغدا و جاية.. و راها تفخين يدربون روسهم خالد ، و الدحمي ) أم خالد تحتسي مع امي ويتناقشون وش لهم ووش عليهم ووش هي شروطنا و عيال ام خالد كل واحد قاضب( ن) بيده صورة لمنيرة  ، واحد معه الصورة الابيض و الاسود .. و الثاني معه الصورة الملونه .. و كل واحد حالفن ع الثاني ما يشوف مرته < -- جت من ربي و الا كان كفشونا من أولها و أخيراً جت اللحظة الحاسمة .. كسرة تشد الفيونكة صح و تدخل مع الباب ، امي ع السجادة تدعي .. و ابوي له يومين معتكف بالمسجد أول مره يعتكف بحياته وأنا مغمضه عيوني .. البيت في حالة استنفار ..صرخة مدوية في البيت ..  خالد عظ ثوبة و حط رجله .. فتحت عيوني و اتذكر ان التسلبة الجربا كسرة ما تسبحت لها شهر أم خالد تنغز الدحمي .. قوه يا وليدي " دي عايلة واطية ونصابه وهاتوا الفلوس اللي عليكوا " اخس يالعجوز الشمطا .. طلعوا من البيت ، وأنا الحقهم : غش غش ما جاء دوري .. ما وعيت إلا و شحاطة العجوز أم خالد ماشيه 180 و تصك بجبهتي .. ام خالد وكالة رويتر الحارة ، نشرت عننا الأتساذيب و الشائعات و اتهمتنا بالنصب و التلاعب و دخّلت الخطابة ام حسين بالسالفة و انها مشتركتن معنا بالعملية الارهابية عشان نسرق عيالها منها .. الله اكبر ياذا العيال ، لو يعطوني اياهم ببلاش ما خذتهم <-- الجملة الاخيرة مهيب من قلب ترا الخطابه أم حسين كانت عايشه على الله وعلى هالفليسات اللي تجيها من تزويج الناس .. لكن من بعد ما تعاملت معنا وسوقها طايح معاد أحد يدق عليها ولاعاد صارت تشرب ميرندا .. مر ت الأيام على هذه الحاله .. كل ماجاء أحد يشوفنا شوفه شرعيه إمّا إنّه ينحاش وإلا تجيه عقده نفسيه من العرس ويكره الحريم لأنه يحسبهن كلهن شكل واحد ( شكلنا ) ، الوالد زهق وطفش من هالحاله إلى درجه إنه راح يكتب على باب بيتنا ( خذ وحده و الاخرى مجاناً ) وبرضوا مافيه فايده ، سمعتنا صارت بالحضيض وكلن درى إننا شيون و ماننفع للعرس .. بعد مرور شهر .. قرر الوالد يسفّرنا لبنان عشان نسوي عملية تجميل ونعدّل و جيهنا و نغدي زيون كود احد يعرس علينا لو مسيار سافرنا لبنان وأخذنا على طريقنا الخطابه أم حسين رأفه بحالها .. حنّا نسوي عملية تجميل .. وهي تشتغل وتجمع فلوس عشان توكّل عيالها إذا رجعنا للديره .. أول ما وصلنا مطار لبنان ورحنا ناخذ شنطنا إلا ونشوف هيفا وهبي ..سلمنا عليها ووحنا فاكين الكشره ثنين في واحد متر .. وطلبنا منها تعلّمنا عن اسم دكتور حرّيف عمليات تجميل بحكم خبرتها السابقه .. واعطتنا اسم دكتور و توجهنا للمستشفى مباشرة ودخلنا عند الطبيب وارتاع من وجيهنا .. قال وجيهكم يبيلها آلات خاصه مُكلّفه نستوردها من الخارج .. أنا أول مره تمر علي وجيه بهذا القبح .. أول مره اشوف سر طالع في الوجه ..! تكلفة العمليه حوالي 15000 والوالد ما عطانا إلا خمسة آلاف ..! كسرة و جوكرة قرروا يشتغلون في لبنان عشان يجمعون فلوس العمليه .. كسرة اشتغلت جليسة اطفال عند عائلة راقيه وبس تتمقل في معاملتهم وقصرهم .. كل يوم مشلّحه لها شي تحسب محد يدري عنها ما تدري إن القصر مزود بكاميرات مراقبه فما كان مصيرها إلا أن انطردت من القصر ، جوكرة اللعب قدمت على وظيفه قرسونه عند كباريه بالغلط تحسبه مطعم على نياتها هههههههههه ، من يوم اشتغلت بالكباريه وهي كل يوم مسويه مشكله وجايبه العيد ، كل ما شافت رقّاصة ترقص ، تركت شغلها مع الزباين وراحت تلقط الفلوس من تحتها ماشافت خير ، وإذا شافت أحد موب صاحي و معبي الطاسه قامت تنصحه ، لدرجه واحد من الزباين قالها وش جاب عزتي بحجابي عندنا بالكباريه كثرة الشكاوي على الجوكره وما كان مصيرها إلا مثل مصير أختها كسرة وانطردت من الكباريه .. أما الخطابه ام حسين حبّها السيكورتي اللي يشتغل في المستشفى وسحبت علينا . . انتهى الجزء الاول والحين جيبوا معاكم توكس وببسي وتابعوا معنا الجزء الثاني
آخر تعديل جوكرة اللعب
في 04:32 PM.
|
|
|
04-07-2009, 04:00 PM
|
رقم المشاركه : 2 |
|
من شيوخ الحارة
|
بعد ما طلعنا من الكباريه و روسنا مفلّقه بكل متسان مشيت أنا وجكيّر وعلى وجيهنا ملامح البئس والضياع ..الشايب مهددنا لو رجعنا للديره وما عدلنا و جيهنا بيضحي فينا بعيد الأضحى الجاي .. حنا ماشين بالشارع لبنان و نفكّر وشلون نكمّل باقي فلوس العمليه إلا وأشوف بريدز مصدّي جنب بقالة ابو شوراب .. واخذ البريدز وأناقز وأصايح بصوت عالي " لقيتها لقيتها يا جكيّر  " وش لقيتي انتي ووجهتس !! .. ياجكيّر ماسمعتي عن ذاك البريدز اللي يدعكونه ويطلع منه واحد ضخم شين الملامح بس مهوب اشين منّا ، تعالي بس ادعكه ونشوف وش يطلع فيه .. المهم ادعكه المره الاولى ولا يطلع شي ثمن ادعكه مره ثانيه ويطلع واحد كبير ويقول شبيك لبيك المارد وائل بين يديك <- مارد لبناني ، وأنا اللي مااصدق على الله واطلب منه مليونين و ستمية أرض ابي املكها واممم ... ما أمداني اكمل إلا و يقوم المارد يتفل بوجهي ويرجع للبريدز .. ما جمعنا فلوس تكفي فقررنا نروح للدكتور ونشرح له الوضع على بلاطه كوده يراعينا بالسعر ، وافق الدكتور وقال بشرط إنه يجرب فينا حقن وآلات جديده في عالم التجميل يعني وجيهنا بتصير فيران تجارب بالمستشفى .. دربينا روسنا ووافقنا .. سألنا الدكتور : مثل مين تبون نخلّي وجيهكم ..؟ ، وقام يخيرنا بين نانسي واليسا وهيفاء وهبي .. ، لالا يادكتور والله ما عندك نظر وش ذا الاشكال اللي مطلعهن لنا  قلنا له بصوت واحد ( نبي مثل وجه منيره بنت عمتي حصة أطلق وحده بالحاره وما بقى أحد ما خطبها  ) طلعت صورة منيره للدكتور وقلت له : شف يا دكتور ابي حجم براطمي مثل حجم برطم منيره ابي اذا جيت احط روج يخلص الروج من مره وحده .جوتسره تتحلطم : ما ذبحني الا حبة الخال بنص الخد مقيوسة صح مهيب مثل ذا الحبة بطرف خشمي كنها نخرور .. دخلنا غرفة العمليات على طول واستمرت العملية مدة عشر ساعات ، عشر ساعات تحفير و ترميم وترصيص.. طلعنا من العمليه وما بقى مكان بجسمي إلا و هم لافّينه .. الغريب إننا طالبين التعديل بمنطقة الوجه بس لكن الظاهر إن هالدكتور قام يجرّب الالات بكل المناطق ، طلب منّا الدكتور ما نفك الشاش والجبس مدة اسبوع كامل .. طلعنا من المستشفى و حجزنا للسعودية على طول .. و حنا بالطيارة دقينا <-- الله من النصب على خطابة ثانية و رتبنا معها موعد بنفس اليوم اللي بنفك فيه الجبس و الشاش و المسامير .وصلنا البيت .. امي شالت الجرايد اللي على المراية .. و فارشتن أسرّتنا مفرش فيه قلوب .. و أبوي مسفهل .. هالاسبوع كان أطلق اسبوع عشته بحياتي أنا و جكيّر .. كان كله حلوم و تخيلات و جاء يوم فك الشاش أنا و جكيّر متقابلات بنص الغرفة .. و قافلات الباب .. امي و ابوي على اعصابهم واقفين عند الباب ، ابوي يدعي .. و أمي تقول آمين و فجأه ... يغشى علينا من الضحك مرة وحده ..!  جكير اصبري اصبري بجيب العطور والارواج بصفهن على لحيتس اللي كنها كومدينه جوكرة : بسم الله بسم الله .. سكنهم مساكنهم .. يللللللعن بليستس وين الخشم اللي يقول عنه الدكتور بيخليه سلة جح مدري سلة سيف .. أنا ما أشوف خشم ما أشوف إلا مقفا دجاجه بنص وجهتس ، وإلا جبهتس حدّث ولا حرج أنا أتوقع ياكسرة من يوم ورايح بيجون عيال الجيران يفحطون بالسياكل بجبهتس هاللي كنها ملعب كرة قدم وإلا عظة البراطم تقل وحده فيها بواسير وإلا بتنزل ركّاب ومعيين ينزلون شوفي خشتس بالمرايه بس أنا أول مره أشوف عيون و خشم متقاطين بالمكان .. تبين الصدز انتي الظاهر لو شافتس فيثاغورس كان غير قانون المثلث و عاد الدراسة على وجهتس ... الا تعالي وش يقرب لتس مثلث برمودا ، ما فيه أزين من العزوبية .. وشوله يا جوكرة نعرس ..! حنا لازم نقطع نسلنا كله ، مفروض لو نشوف أحد يقرب لنا نثوّر فيه قبل يعرس ..! دخلوا علينا امي و الشايب و عيونهم تطلع منها شرار .. الشايب : الله يقلعكم يا بنات الذين مسفركن ودافع دم قلبي .. وماهمني حتسي الناس يوم قالوا لي وشلون تخليهن يروحن لحالهن واخرتها تطلعن شيف أكثر من أول .. الله يسامحني يومني خليتكن تغيرن خلقة ربي آآه قلبي قلبي .. ابوووي لااااا اصبر خل نتفاهم بالاول .. الله لا يسامحكن اااه ... ومات .. أمي جاها شلل نصفي وبعدين قامت بعد شوي وقالت امزح معكم يا بناتي ماودي نقلبها مسلسل كويتي .. عشنا حياة فقر بعد وفاة الوالد .. قطعوا علينا الضمان والتبرعات من بعد ماشافوا وجيهنا بالغلط وحنا طالعين نكب الزباله انطردنا من البيت ورحنا للصحراء وصرنا نلبس براقع ونرعي غنم و صاروا الحيوانات أصدقائنا (كيف الحال بثر )The End (اخس )[أدري إننا بنفوز فاللي وده يبارك من هالحين ماعندنا مشكلة] الأحداث من الخيال ولا تمت للواقع بصله ولا ثوم
آخر تعديل كسرة عود
في 04:30 PM.
|
|
|
|
04-07-2009, 04:22 PM
|
رقم المشاركه : 3 | |||||||||
|
صنديدة الشلة
|
محجوز.. يا كسرة يا بنت خالتي العزيزة************************************************** ************* باك ياهلا ومسهلا بالزيين كسرة وصقيقتها,, معليش كسرة موب عشاننا نتزاور في البيوت ونلط من ذا الحلا اللي تسوينه يعني خلاص مانتزاور بالاقسام ,, بس والله عقب ذا القطيعة يا سدحتوا لنا موضوعن متكتك ومنسقينه ومزخرفينه تقل وجه كسرة بعد العملية بلى في شكلتس انتي وياها,, اجل عملية تجميل مرتن وحدة لا وبلبنان,, ثمن الحين انتي وياها يومنكم تكتبون ذا الموضوع وش سالفة امكم ؟؟ هل انتم فاقدين ؟؟ والا صابين الكحول في الطبخ وانتم ماتدرون,, اما ماتدرون انا استبعدها ,, ان ما طلبتوا الكحول خصيصا من موطنه الاصلي اللي يجيك لو تشرب جغمة بس فقدت ولعنت والديك,, هذا انتن ابد ماغير تصبصن من ذا الكحول في اطباقكم اللي تسوونها ,, والدليل اني مرة جيت بسوي تطبيق لحدى الطبخات اللي مسونها وقسسم اني بعد ماسويتها واكلت منها لقمة بس فقدت وطلعت بالشارع مدري وين الله حاطني فيه ,, مير وتطلع كسرة من بيتهم وتجريني تذكرين يا كسرة, يوم اوريتس الموضوع اللي طبقت منه انصفق وجهتس وقلتي لا عاد تجين للمطبخ يا سيب خليتس في الشلة عند الدشير ,, بلاتس عارفة انتي وياها وش حاطين في مقادير الطبخة..اجل ذا الموضوع المحشش كاتبين باللهي وانتم مطبقين اي طبخة ؟؟اقتباس:
انتي وياها مامنكن فايدة,, قسسم اني اذكر مرة جتنا بطاقات دعوة انا وكسرة معزومين لم اطلق عرس,, وبغينا انا وياها نصير ازين ثنتين.. مير انا مشت معي بعد ماهجدت ذا الكشة ب5740 بنسة بس هي ماااش اذكر اني وقفت عند الغرفةالي بها كسرة تتمكيج اسمع صراخها داخل مدري وش تسوي بعمرها مير واجي اطل عليها لقيتها تمصع كل شي بوجهها كوده يزين,, الخشم ياهي سحبت ابوه تبيه يصير سلة سيف بسس مااش صار سلة فواكه ههههههههههههههههههههههههههههههى اما العيون فانا اذكر انها خذت الكحل تبي تخط على العين ,, بس ياليت الكحل ما جى بيدها , لانها خطت خط اذكر انها طلعت من الوجه وهي تخط يقال تبي تكبر العين بس للاسف عجزت اقتباس:
تقومن تحجزن انا الاكبر وانا الاصغر,, ياااليل الشقى اقتباس:
قسم الوضع دماار يعني الحين جت على الفيونكة تشدينها ياكسرة ,, انا اتوقع لو تاخذين الفيونكة بس تسدين فتحات خشم الجوكرة مير اصرف لتس انتي وياها ,,اقتباس:
؟ من اللي مرسل صورة منيرة بنت العمة حصة ههههههههههههههههههههههههههههههههههههههههههه ههههههههههههههههههههههههه بالابيض والملون ,, يعني حتى الغش ماعرفتو له ,, ماقدرتوا تغيرون الصورة جيبوا ثنتين طيب,,عشان الواحد يصدق يعني ان ذولا اختين,, بس مشت على الدحمي واخوه,, والظاهر والله العالم انهم ما شافوا الصورة بلاهم يتدربون طول الوقت اقتباس:
اموت انا ياكسرة تعجبني القوة موب ام الركبههههههههههههههههههههههههه ههههههههههههههههههههههههههههههه هههههههههههههههههههههههههههههه اقتباس:
ههههههههههههههههههههههههههه ههههههههههههههههههههههههههههههه احمدي ربتس يختي انه ما ضحى فيكم ذيك الليلة,, قسم لو اني ما مسكته ذاك اليوم وربطته كان صرتوا الحين خبر في خبر كان, تريحون لا وجيه تغث وتجيب الطواعين,, ولا غيرة ومماعط شعور بينكم ويين بنت عمتكم ,,اقتباس:
اقتباس:
ياذا المنيرة اللي كنها مريم نور وخاقين انتي وياها عليها,, حتى الخققان ماتعرفون تخقون ياشينكم بلى في اشكالكم اقتباس:
,,الجوكرة, ورا العيون والخشم مسنترات اعلى الخشة,, معليش يعني ماقد شفت مساحة فاضية بذا الشكل , باللهي شلون رقبتس قوت تشيل ذا الراس كله, زين مانكسرت ,كسرة ههههههههههههههههههههههههههههههههههه هذا الحين صورة وجه والا صورة فم.. قسم مااشوف الا سنون تقل سنون ارنب ,, لحظة لحظة وش ذا اللحية ,, من وين طلعت ياحوول هذي الظاهر انها منسية تنشال من الوجه , ثمن الحين جبهتس اللي بادية من السر لاقصى الظهر كنها جبهة عايش ورا ماشتغلت الالات بها والا الظاهر انها عجزت تكسر من ذا الجبهة الف الف مبرووك الفوز<< انتم قايلين عادي نبارك  قسسم موضوع رهيييييب ونتسيق جمييل وقصة محششة وتسلسل احداث فاقدة وش اقووووول وش اخلي,, انتم ابطيتوا علينا بس ماقصرتوا بذا الموضوع وانا اشجعكم خلاص ,, موضوعكم هو الفايز
آخر تعديل سيب الاختلاط
في 12:27 PM.
|
|||||||||
|
|
|
04-07-2009, 04:52 PM
|
رقم المشاركه : 4 |
|
مشرف الشلة
|
راجع لكم إن شاء الله والموضوع مثبّت بصحن كبده هههههه |
|
|
|
04-07-2009, 05:45 PM
|
رقم المشاركه : 5 |
|
دبوس الإدارة
|
^ ^ ^ ^ يلله بنتتظرك وبنشوف ردك ،،، بس لاتجي تقتبس الموضوع وترد بكلمتين ولا سطرين مثل ردودك بلملعب المحلي ،،، نبي منك رد يليق بلموضوع وكاتبينه ،،، ويقدر تعبهم ومجهودهم الي يشكرون عليه ،،، الله يرحم والديك يابو ثبت ردود النقص فكنا منها انا انتظر ابداعك برد اكثر من الكاتب للموضوع
آخر تعديل مخاوى الترنج
في 12:45 AM.
|
|
|
|
04-07-2009, 06:11 PM
|
رقم المشاركه : 6 | |||||||||||||||
|
أقوى وحدة
|
. صح النوم ياعماتي والله مابعد قريت شي بس متاكده ان فيه شي فوق الخيال  ... عاد منيب قاريته الحين فيني غثّة برب اشرب أسيد كود يزيح المر اللي في تسبدي ..بااااااااااااااك يابعد من قاام وقعد من عيال ابو سعد .. تصدقون عاد اني تحسفت يوم قلت برب .. احس اني جريرت الجريرة اللي تحتي كلهم .. فيهم غيرتن قاطعتن قلوبهم .. قلت برب قالوا وراي برب .. وشذااا بطلت بطلت << مخمّس تكروني تكفون جوكرة + كسرة .... وما جمّع الا وفق .. قريته موضوعكم تالي الليل .. واشين شي تقرين شي يفقّع ضحك على قولة الاردنيين وانتي عندك احد نايم .. وقسم قمة القهر .. وبنفس الوقت عجزانة تطلعين من الغرفة ..يعني ماخلصت الموضوع الا وانا احس لوزي طايحتن بحلقي تدودل تسنها ذيك وشسمها حقت عنز  .. عاد لايكثر يا انا وانزلي للموضوع  اقتباس:
حسيتس النمنم اللي يروعونا فيها واحنا صغار .. دامتس مخرعتن عيال الديرة وحتى القطو ماسلم من شيفتس .. ياقربتس منهااا  .. اما الله ياخذ وجهتس ويعطيتس بداله هههههههههههههههههههههههههههههه ياحبيّبتي قايلتها من قلب .. بس تراا الله لاخذاه خذا عمرتس معه .. والا لاخذاه وخلا عمرتس انسي يرجع لتس وجهتس لييييييه هو لعب عيال استغفر الله العظيم .. ومنيرة بنت عمتس ذي وش دراتس انها مبسوطتن مع رجلها .. والله العالم دامك بنات عمها انهاا خادعتن رجلها ايام الخطوبة ولايطتن جبهتها بهذا الوشسمه المكياج وخافي العيوب .. وذرذرتها لهالبزران موب منها ولاهوب حبن في رجلها والا حب رجلها لها كل قصدها تبي توهقه بهم .. حتى يحلفون انها كل ماشرا لها رجلها حبوب منع الحمل زرعتها جنب نخلتهم عشان ما تثمراقتباس:
.. وامتس يركب عليها المقولة اللي تقول مجبرن اخاك لابطل ههههههههههههههههههههههههههههههههههههههه .. هو انتي تدرين انها مغصوبتن كانت والا لا .. يمكن ماعمره احد تقدم لها وابوتس يوم طق الباب ماصدقت على الله و وافقت .. والله دامكم بناتهااا اجل مهيب بعيدتن عنتس انتي واياهااا الحين ذي ام حسين .. مع ذا الفانتاااا بالله وذا البرطم اللي كنه رفرف جمس .. مع وين وثقتوااا فيهااا .. ذي والله لو اجكر خلق الله << نسبتن الى جيكرة .. والله ما اسلم عمري لها وان شاء الله حياتي كلها عنوسة .. وش يظمني ماتسلمني لواحدن من ربايعها .. وتغشني بصورة جواد العلي والا ماجد المهندس اقتباس:
تشوفين اذا مارحت اشكيتس بالديوان عند نايف  واقول شوف وين وصلت الميانة عن جوكرة وانا ماعطيتها الضوء الاخضر << لعنبوو من ولاتس كيبورد وقال ردي على ذا الموضوع يالسامجة اقتباس:
اقتباس:
اقتباس:
اقتباس:
ليه دي !!! من وين هم << همها الوحيد اقتباس:
اقتباس:
اقتباس:
<< ماتلاحظين انها اثبتت شيء مهم واللي هو انها هي ام حسين اقتباس:
ويالومه يوم يتفل بوجهتس اقتباس:
ورجله تزوج عليها شغالتها السيلانية اللي يحلفون ان سيقانها محاريك جمر من سوادها ويباستها .. وكله من عينتس انتي وجوكرة اقتباس:
.. بس ابي عرف صدز وش علاقة القلوب في مفارشكم كلها اقتباس:
هههههههههههههههههههههههههههههههههههههههههههههه جوكرة .. وش عندي احلااااام متنكرة والله كنتس خيال احلام انتي وهالدقن اللي تسنه منطاد بالمقلوب ههههههههههههههههههوانتي ياكسرة مع هالضرسين اللي تسنها بوابة قبور وخشمتس اللي تسنه زرار كبس حق بالطوو .. ساااااااد مقدن فيكم ذا الدكتور اللي لعب عليكم .. هذا حيل اللي يبي يغير خلق الله والله لو انكم جالسين بشيفكم الاولة انه اطلق منذا البراطم والضروس .. يرحم امكم لاتعرسون ابد والله ماتخلفون الا مصاصين دماء على هالاشباه ههههههههههههههه .. يولووم ابوكم يوم يطب ساكت بالله والله من فضخة القلب اللي سببتوه له وامكم ياحليلهاااا تعرف تمزح بعد اقتباس:
ترااااه شي شوفو انا برقعي حديدي يكفي عن واقي الشمس وذا الخرابيط تبون اجيب لكم مثله كسرة + جوكرة كفيتوو و وفيتووو وفالكم المتحف وشوله اقول فالكم الا اكيد ع المتحف على طول .. عاد بصراحة وخل عني المجاملة اسمعي انتي واياها لاتبطون موب بضتو لنا هالبيضة معاد تعتبون هنااا البلاطة خلوها على جنب ولاتعتبرونها شي .. نبي شي جديد .. موب العيال اللي بس مستفحلين في ذا القسم << علمي عمرتس .. لا صدز .. تراي اقرااا وانا منشكحة من سعة الصدر .. اسلوب وسلاسة وتلقائية رووووووعة .. هذا كله غير الخيال المجنون روحي انتي واياها جعلكم ماتموتون
آخر تعديل طايرتن بالعجّة..!
في 05:59 PM.
|
|||||||||||||||
|
|
|
04-07-2009, 06:13 PM
|
رقم المشاركه : 7 |
|
توه ساكن
|
وانا متأكد ان الدكتور بعد العمليه رجع الفلوس وزياده قبل مايحط الشاش ^ ^ ^ ^ ^ الله يرحم والديكم فكونا من الردود من ها النوعيه ،،،، استحو على وجيهكم الرجال كاتب موضوع وتاعب عليه ويخش ويشوف ها الردود الى مثل النقص ،،، بلله عليكم اسئلكم بلله هذا رد واحد عضو ينتمى لحارة المساطيل ،،،، مو هذي الردود حقت منتديات الاضافر الذهبيه والتقبيصه الحنونه ،،، ومنتديات قمر الزمان وطقتها ،،، عيب يالي ماتستحي ،، محسوب علينا عضو وهذا ردك ،،، ياخي استح على وجهك وانت تشوف رد عضوه مميز وانت جاي بردود منتديات كشكشني بشوكه والملاس والتاوة على راسه يا جوكره وكسره ملح
آخر تعديل مخاوى الترنج
في 12:48 AM.
|
|
|
|
04-07-2009, 06:22 PM
|
رقم المشاركه : 8 | |||
|
حقنه ومتنّح
|
. . هههههههههههههههههههههههههههههههههههههههههههههههههه ه هههههههههههههههههههههههههههههههههههههههههههههههههه هه هههههههههههههههههههههههههههههههههههههههههههههههههه هه . . منوره الشله يالشيفه .. يحلفون ان القطو يوم شاف وجهس مانط بيت الجيران .. انجلط وهو عالجدار حتى دحمي يووم جا يخطب منكم يقولون بعد ماطلع من عندكم على طول لشهآر .. واخوه جاه شلل نصفي يعني لهادرجه وجيهكم تروع .. ياجعلي ما اشوفكم يقولون الجيران وعيال حارتكم ان ابوكم معلق لوحه عالجدار مككتوب عليها (( محميه قرود .. لاتقترب )) .. حتى المويه قاطعينها عنكم مايشغلونها الا من عيد لعيد اجل رحتو لبنان .. شكلكم رايحين لها رجليه .. رجلكم مشققه لين قالت ربي الله يابنت الحلال انتي وياها لو تسوون 20 عمليه تجميل والله تبقون شيف .. انتم يبيلكم مفاعل نووي تدعكونه في وجيهكم وعسى تطلعون زيون ترا المفاعل مهوب للتجميل .. عشان ينظفكم من القذاره الي في وجيهكم مكب نفايات ذا والله مهوب وجه الاقتباسات . . اقتباس:
شكله طل مع فتحه البريق وصرف امكم من الروعه اقتباس:
ذولي لو تجيب شيول يسوي العمليه في وجيههم والله مايقربون نانسي وهيفاء يابن الحلال قل رباب .. عتاب شي مثل كذا ويمكن يجون مثلهن اقتباس:
آخرتها طلعتو كانكم ظوآطير في هجره لبن . . دويتو توووب تتشكرون عليه احيتوا الشله بهالموضوع .. العذر والسموحه على هالرد  صعيدي الحاره .. ارسطو ! |
|||
|
|
|
04-07-2009, 06:28 PM
|
رقم المشاركه : 9 | |||||
|
من جنب القدّه
|
اقتباس:
الله لا يلومني لا قلت لاهلي ابيه زين عشان ذريتي موضوعكم لازم يورا لأخواني واهلي اقتباس:
هههههههههههههههههههههههههههههههههههههههههههههههههه ههههههههههههههلا لا لا لا لا مستحيل ابي افهم وش سر ماليزيا وليش كل من اعرس لقط حرمته وراح لها وين فينا وجنيف والدول الثانيه وين راحت ؟؟اقتباس:
الله يقبح االعدو سر سبحان الله عاد هذا العضو الوحيد اللي مااتميلحه ابد وياليت من يطمسه (استغفر الله) هذا وهو مغطى تحت الثياب وشلون لاجاك بالوجه اقتباس:
ياشين الثقه الزاااايده  الا ان كان بتجون في المرتبه اللي بعدي فمايخالف اقتباس:
لا ماعليش ماعليش وشو عقبه يوم تخيلت خششكم لا تحاولون تغيرون الصورة ركبت خلاااص موضوع بطل وفالكم البلاطه .. جوكره ... كسره ....
آخر تعديل سريلاك بالعسل
في 07:48 PM.
|
|||||
|
|
|
05-07-2009, 10:32 AM
|
رقم المشاركه : 10 |
|
توه ساكن
|
يا حياتي الله يكثر عبطكم ما لقيتو إلا لبنان من قريب كاه دبي دار الحي
عالأقل إن ظاقت فيكم الدنيا طقيتو أي باب وتربعتو بالحوش ودمعتين كسرتوا بخاطر مزايين دبي وتسهلتوا من قريب |
|
|
|
05-07-2009, 11:16 AM
|
رقم المشاركه : 11 |
|
فكر راقي
|
هههههههههههههههههههههههههههههههههههههههههههههههههه ههههههههههههههههههه الحين اذا هذي الخطابة ..! وش تنتظرون من وراها ؟ اتوقع ان العيال من يوم شافو وجهها قالولها هذا مو منك ولا من ذوقك هذا من وجهك وبراطمك البنية لاه وتشرب ميرندا ينقال تتشبب صراحة هذي الصورة مفروض تكون دعاية ميرندا وع ال mbc جوكرة اللعب ..كسرة العود .
جميلة جدا وممتعة الى حٍد كبيراستمتع كثيراً  الزبدة ...\ كثرو منها لكم \ |
|
|
|
05-07-2009, 04:25 PM
|
رقم المشاركه : 12 | ||||||
|
مشرفة الاسرة
|
آخر تعديل Moment
في 12:10 PM.
|
||||||
|
|
|
05-07-2009, 05:14 PM
|
رقم المشاركه : 13 |
|
من ربع المطبخ
|
الله يقطع بليسكن من بنات اثركم ظريفات وانا مدري << برااابالله بس مين ألف بيت الشعر وربي موضوع تحفه فقعت ضحك على حالتكم عورني قلبي قسم أجل جايبين خطابه تسد النفس وراجيين منها شي ههههههههههههه والا الطيور على أشكالها تقع  معليه عاد اعذروني عالرد الماصل تراه يمكن أول رد لي بالشله وفالكم المركز الأول
|
|
|
|
05-07-2009, 08:03 PM
|
رقم المشاركه : 14 |
|
مسـيّر
|
اما عليكم مخ ياجوكره انتي وكسره مادري من وين تفكرون الظاهر راسكم منسم اقول جوكره لسا راسك فيه ذيك الفتحه ماسكرتيها ..  ماعلينا من مخكم اللي الظاهر فيه جزم اما عليكم قصه خراااااااااااااااااااافه الظاهر انها تحكي واقعكم << اهم شي واقعكم مثقفه الاخت انا ماكسر خاطري في القصه كلها الا الخطابه ههههههههه حالتها صعبه ليتهم سووى لها عمليه كود تغير رجالها وتاخذ لها واحدن لبناني اقول جوكره تدرين وين يمشي سوقكم بكينيا <<< جنوب افريقيا ولا صح الحين بكينيا مايبون الا العبدات المزايين تطورت منفوحه ههههههههههههههههه بصراحه القصه خرافه من خرافات الحياه لازم يرزونها جنب ساندريلا <<< ههههههههههههه انا من عندي اقيم القصه 10/10 ممتاااااااااازه مع مرتبة الشرف بالتوفيق ياشينات قصدي ياحلوووات
|
|
|
|
05-07-2009, 09:20 PM
|
رقم المشاركه : 15 | ||
|
مشرفة مطبخ المساطيل
|
كنت اول اشك انتس تحششين .. بس الحين خلاص تأكدت هههههههههههههههههههههههههه ولا عاد اشوفتس بالمسن لاتجيبين لي شبهه.. اقتباس:
قوووووووووووووويه هههههههههههههههههههههههه صدق ذا المطربات جربو كل عمليات التجميل و يالله طلعو بذا الشكل .. الحمد لله الي رزقني الجمال الرباني <- الله من وحده أستفرغت بعد ردي ذا اقتباس:
هههههههههههههههههههههههههههههههههه ههههههههههههههههههههههههههههههه هههههههههههههههههههههههههههههههههه استغفر الله العظيم <- وش عقبه؟ اتخيل ذا واحد من الأعضاء واقرب ماله بهجت هذي نهاية العمليات .. وحده تشبه احلام والثانيه هيفاء وهبي .. مثل بناتنا الحين كلهم يشبهون الهام فضاله أستنساخ مهوب تجميل موضوع تحفه .. تسلم روسكم المصديه على هالأفكار هذا اول رد لي بالشله مع اني من زوارها اقرا بس لان مااقدر احوق المواضيع بردودي الماصله برايفت \ مخاوي الترنج .. تحمل السماجه في ردي اول واخر مره |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
