|
|
 |
 |
 |
|
 |
 |
 |
 |
 |
|
 |
 |
07-02-2010, 05:47 AM
|
رقم المشاركه : 1 |
|
مشرف التلفزيون
|
الرجوع إلى الفطره
تذهب بعيدا وتسافر كثيرا , منتدى زحمه , الرياض زحمه , حتى الماسنجر زحمه , من كثر اللي عندي طالع ماسنجري كنه سوق عتيقه يوم الجمعه العصر من كثر اللي فيه , واحد يدق يتحرش , وواحد يدق يتتريق , توتر , جوال في اذني والشاشه قدامي والشاشه اللي بعدها التلفزيون , مقهى زحمه والقهوه زحمه , ناس تلاحق وناس تصرف .. توتر .. توتر ثم تسحب على الدنيا كلها ... وتغير رقم جوالك وتقفل ماسنجرك .. وفي وسط المزرعه , تحت النخله والرجلين في الساقي .. هدوء وصفاء .. وراحة بال .. شمس الرياض توتر .. وشمس المزرعه ترد الروح .. بساطه .. وهدوء وراحه وروقان .. رجوع إلى الفطره .. تقرأ كتب سياسيه , ثم فكريه , ثم سياسه , ثم فلسفيه , كتب بعدها كتب .. شيء للدراسه وشيء يمدحونه وشيء عالذوق ,, كتاب مااقدر اكمله ,, وكتاب اقرأه مرتين .. شيء اقرأه في نفس اليوم .. وشيء اركنه بالمكتبه الين اهتويه .. قراءه قراءه .. ومع الوقت .. صارت الكتب ماتشبع .. ماتمتع ,, ماتفيد .. ممله .. لغه ممله ومعلومات مكرره .. وافكار بسيطه تتطول عشان تصير كتب .. ثم تركن الكتب كلها .. وتفتح القرآن .. وبعد اللف في أرجاء المكتبه .. ترجع للكتاب المواجه لك دائما .. وماتقرأه .. دائما امامنا .. ومانفتحه .. لكن رجعت اقرأه قراءه متفحصه هادئه .. مستمعه بالكتاب الرباني .. المعجز .. المفيد والممتع .. للأسف كنا نقرأه بسرعه .. لكي نختمه قبل لا ينتهي شهر رمضان .. اتمنى من الجميع الرجوع لقراءته .. بهدوء وروية واستمتاع .. رجوع الى الفطره .. رجوع إلى كلام الله .. اللذي تحدى به البشر .. !! روايات .. قصص .. روايات .. عالميه .. عربيه .. سعوديه .. قديمه وحديثه .. من ألف ليله وليله .. او نجيب محفوظ .. او حتى ابن سبيت .. مع الوقت صرت اعرف النهايه من البدايه .. وصرت اعدل للكاتب في ذهني .. لكي أكمل القصه !! قضايا مخبأه .. هجوم .. تشاؤم وحزن وقلق واكتئاب .. سمة الروايات الحديثه !! رأيتها في غرفه الألعاب .. قصص ميكي القديمه .. المجلدات الكامله .. ميكي وميني .. وبندق وسيد ذهب .. وبطوط وعيال اخوانه البثرين .. رجعت لكتبي القديمه .. قصص مطحون وشمعان .. وبعض الأعداد من مجله ماجد القديمه .. وبعد نهاية القصه ابحث عن فضولي .. تصدقون .. استمتعت بها اكثر من روايات الهم والاكتئاب !! رجوع الى الفطره .. الى قصص الفكره .. والهدوء والبساطه .. والنكته !! أول ماخرجنا مع بعض .. من الملاحق .. نروح نتكي على الدائري .. ونصلح الشاهي .. اووووه احلى متعه وساعه صدر .. وتعلمنا البلوت .. ثم أتت الشقه بعد دخولنا للجامعه واستلامنا للمكافآت .. اووه شيشه وتلفزيون وبلاستيشن .. وجمعه .. وننام فيه .. مع الوقت صارت متعتنا صعبه .. لازم نتكلف فيها .. نبحث عن المتعه عن الأماكن عن التغيير .. مافيه .. طلعوا الشباب جوازات .. صاروا يروحون للبحرين .. صارت متعتهم الشراب والبنات في شقة البحرين .. صارت متعتهم مكلفه .. وللأسف صرت انفصل عنهم كثير بسبب سفراتهم المتكرره .. تغيرت مصطلحاتهم .. تغيرت نظراتهم .. تغيرت متعتهم .. طلعنا للمزرعه بدون كمبيوترات .. وبدون تلفزيونات .. وبدون شيء .. ورجعنا لألعابنا القديمه ايام الأبتدائي .. وماقبلها .. وماقبل سيطرة الرجوله علينا .. لعبنا كوره وطائره و حبشه وواحد طش والعسكري والحرامي .. وعظيم سرا .. حتى خطه وفتحي ياورده لعبناها .. رقينا النخل ومشينا للجبل .. ضعنا في الضلع .. وتطاقينا مع بدو .. نقوم الصبح ونستمتع ألين ننوم .. رجعنا للفطره واستمتعنا .. بفطرتنا .. بطبيعتنا .. أتمنى انهم يهونون عن سفرة البحرين الأسبوع الجاي .. ونطلع للمزرعه او للبر .. اهم شيء نطلع لفطرتنا .. أيام الإجازه .. كنتاكي .. ماكدونالدز .. كنتاكي .. هرفي .. الفخار .. هرفي .. السرايا التركي .. تشيليز .. بوفية حسن .. تشيليز .. شاروما الشراع .. كنتاكي .. مطاعم مطاعم مطاعم .. صار الحرقان طبيعه فينا .. وصارت الحموظه شيء عادي .. حتى الطعم أختفى .. صار الأكل ممل .. وبدون نكهه وطعم .. صرنا ناكل وجبه وحده في اليوم .. جبنا القدور والعزبه .. وطبخنا في الاستراحه .. يوم مكرونه .. ويوم نواشف .. ويوم كبسة لحم .. ويوم نشوي عالفحم .. يوم نبربس .. ويوم نبدع .. اكلات خفيفه .. ونكهتها فيه .. صرنا نتطاق على من يطبخ .. صرنا نطبخ طبختين وثلاث وننوع .. رجعت لنا صحتنا .. راح الخمول .. وخف الحرقان .. وقلت الحموضه .. ببساطه رجعنا لأكلاتنا .. لنكهاتنا .. لفطرتنا .. !! نبعد عن حياة التعقيد والتوتر .. نبعد عن التكلف والتصنع .. ونرجع لفطرتنا لنرتاح .. ونروق .. ونتمتع .. ثم نرجع لحياتنا المعقده بقوه وبنفس طويل وبحماس .. ابحثوا عن فطرتكم .. وأرجعوا لها .. واستمتعوا بها .. 
آخر تعديل سوّاح
في 05:50 AM.
|
|
|
07-02-2010, 06:04 AM
|
رقم المشاركه : 2 |
|
محترف ماسنجريات
|
سواح شكرا لك .. بصراحه استمتعت
|
|
|
|
07-02-2010, 08:39 AM
|
رقم المشاركه : 3 |
|
مشرفة الاسرة
|
أهلاً بأستاذنا .. قبل أيام وأنا بأحد الأسواق طرا لي هالهاجس وأنا أشوف العالم رايحه جايه وكلَن عينه بجهازه ويطقطق به , تحسَهم يمشون بدون إحساس وكأنهم ريبوتات مسيَره بريموتات !  حتى فالبيوت تلاقي العائله كلها كنها طقم ريبوتات , كلن لحاله وعينه بجهازه .. وحتى لا عصبوا الأهل وجمعوهم كلن جاب جهازه على جنب ولا دق طمر له يعني مافيهم حيله ..مفيده التكنولوجيا لكن للأمانه مُرهقه .. توتَر , ضغط , صداع بالرأس وإرهاق للنظر .. إن حصل لنا طلعات بر ياسلام وإن ماحصل , الكشته بالحوش ولا نومة السطح مامثلها  بالمناسبه مدري سمعتوا عن اختراع الخيمه الآليه ؟ , يحول حتى لابغينا نرجع للفطره وندق خيامنا زاحمتنا هالتكنولوجيا ط¬ط±ظٹط¯ط© ط§ظ„ط±ظٹط§ط¶ : طط§ط¶ظ†ط© ط§ظ„ط±ظٹط§ط¶ ظ„ظ„طھظ‚ظ†ظٹط© طھط³طھظ‚ط¨ظ„ ط£ظˆظ„ ط§ظ„ظ…ط³طھط«ظ…ط±ظٹظ† ظپظٹ ط§ط®طھط±ط§ط¹ آ«ط§ظ„ط®ظٹظ…ط© ط§ظ„ط³ط¹ظˆط¯ظٹط©آ» * نسخه من الموضوع لحاملي اللاب توبات وشاشات البلازما وأجهزة البلاك بيري معهم في المخيَمات والكشتات , ليش طالعين أبفهم !
 * نسخه لبنت خالتي وخويتي وأخوي مدمني الأجهزة  * نسخه لمن لا نسخة له . . |
|
|
|
07-02-2010, 10:30 AM
|
رقم المشاركه : 4 |
|
طلاته عليها القيمَة
|
السلام عليكم .. الحياه اجمل عندما تكون بسيطه .. يالله ياسواح ذكرتني بأيام الكفاءه ..تذكرون زمان يوم كانوا عمال النظافه يدفون عربيه وعليها برميل .. المهم انها مريحه لحمل اي شي هالعربيه تم سرقتها من قبل سعوده احد اباطرة حارتنا ذيك الايام تعرفون عمال النظافه كانوا يركنونها في مكان ويروحون يغسلون سيارات  المهم كنّا نتجمع كل عيال الحاره في يوم الربوع العصريه ونخطط لكشته وكلن ياخذ له مهمه .. ومع بكرية يوم الخميس نحمل العربيه وعلى الوادي.. مسافه طويله شوي بس كانت متعه ايامها وفله .. وتعال شف الوناسه وايامها لاجوالات ولاغيره .. اللي كان عندهم دش ذيك الايام نشوفهم عيال نعمه ومضت بنا الايام وكبرنا واغلبنا نقل من الحاره وانا منهم وصرنا نتجمع باالاستراحه .. لكن .. اصبحنا ساااااامجين \\ / \ (من بعد ماكانت سوالفنا عن ( الحمام : السياكل : كيف تطير ريحة الدخان واشياء كثثير كانت تافهه وبسيطه لكن كانت تشكل ملامحنا ) صارت سوالفنا عن: ( قروض البنوك : قيمة السيارات : ايجارات الشققوأشياء كثيره كبيره وصعبه بس انها للأسف شوهت ملامحنا ) |
|
|
|
08-02-2010, 06:00 AM
|
رقم المشاركه : 5 | |
|
توه ساكن
|
اقتباس:
.. اتذكر اول لمن يكون فيه جمعه .. تلقى الكل متلهف عليها .. ليس لها .. ولكن لمن فيها والسوالف والضحك والوناسه كلها كانت من قلب ! ولكن مجالسنا الان .. اصبحت مجاملات والضحك تصنع .. وكلن مشغول بجواله ومكالماته ونستنى بس متى ينتهي العشا او الغدا عشان نرجع لاشغالنا فحتى نفوسنا .. ابتعدت عن الفطره والبساطه ! والرجوع للفطره تخلص الواحد من الضغوط النفسيه ومن نمط الحياه السريع والممل .. اللي افقدنا متعة هالحياه .. سوّاح .. تسلم يمناك و موضوعك بحد ذاته رجوع للفطره |
|
|
|
|
08-02-2010, 07:30 AM
|
رقم المشاركه : 6 |
|
نبض الأسره
|
طرت علي اول ماقريت موضوعك ياحلوالبساطة وعدم التكلف تحس كلن عايش بطبيعته مهوب كلش رسميه ولاتسون كذا ينقدون عليك ولاتجين بدري يقولون ماصدقت احد يعزمها ..الخ والتكنولوجيا لها سالفه طويله معنا الحين صرنا نكره التجمعات اللي بنطول فيها لان بعض الناس صاروا مايصبرون عن لابتوتهم 3 ساعات كلن يكون ماسك لابتوبه وقاعدين يطقطقون عليه وحتى السواليف صارت كثير تتكلم في نطاق عالم النت ياحلو الفطر وياليت كلن يرجع لها سواح بطل موضوعك اسمتعت فيه
|
|
|
|
08-02-2010, 07:40 AM
|
رقم المشاركه : 7 |
|
مساهمه في شهار
|
اييييييييييييييييييه يا سواح .. يازين البساطه ويا زين راحة البال , ويازين الهدوء ويازين البر زيناااه .. العصر والتكنولوجيا ماسوت فينا خير ,, ذبحت الناس جابت لهم الكسل وزادت اوزانهم ,, هي صح انها مفيده لكن ادماننا عليها خربنا ياحلو ايام زمان يوم اللعب البسيط وفيه حلاوته ومتعته ,, لاتكلف ولا يحزنون ,, نلعب بحجار نلعب بالعصّي ,, نجيب عصى وثنين يمسكون طرفها كل واحد من جهه ,, وحنا نجي نركض وننقز العصا وكل مرحله يرفعون العصا اللي يطيح ويتعكرش في العصا وما يتعدااها يطلع من اللعبه .. كنا نلعب مع الغنم وناذي الصغار عشان امهاتها تطادرنا وتنطح اللي مايقدر ينحاش بسرعه < الانوثه تقوطر منها , كان التواصل مع الاقارب والجيران على طول مستمر والقلوب صافيه ,, ألحين ما احد يدري عن جاره ولا عن اهله ,, كل شي تغير,, الناس بعدت عن بعض ,, صارت حياتهم شغل في شغل جمع فلوس سفر ,, ذكرتني ,, بجمعاتنا انا وقريباتي كيف كنا وكيف صرنا ألحين .. كنا جمعات ووناسه على طول.. ضحك استهبال طبخ اختراع اكلات من روسنا فلله لا اخر حد ,, لاتجمعنا ما نبي احد يكلمنا ويخرب علينا الجلسه .. ونزعل اذا بنرجع بيوتنا .. ألحين نجتمع مره مرتين في الشهر لاوناسه ولا شي كل وحده ماسكه جهازها يا جوال يا انترنت ,, تقول في نفسك وش جابني انا ياليتني جلست في البيت احسن ,, واذا طلعنا في البر كلن ماسك جهازه يدور شبكه اللي يبي يكلم واللي يبي يفتح النت ,, يعني وش استفدنا من طلعة البر ,, الحال مزري وانا اختك ,, مثل ماقالت مومنت صرنا مثل الريبوت ,, الله المستعان بس ,, ويازين البر وايامه والوناسه فيه .. ويازين البساطه ,, تسلم سواح ويعطيك العافيه ,,
|
|
|
|
08-02-2010, 11:43 PM
|
رقم المشاركه : 8 |
|
توه ساكن
|
حياتنا عبارة عن قضايا وقصص ومسلسلات وأفلام هندية آه يا سواح ع قد ما انزعجت من كلامك الطليق ع قد ما رجعت فينا أجمل الليالي والأوقات , *آه < ( مجرد مشاعر ) سوّاح الله يديمك عزيزي الفاضل
|
|
|
|
08-02-2010, 11:56 PM
|
رقم المشاركه : 9 |
|
مسطول يمون
|
 وين ذيك الايام بساطه ولعب وفله حجاج ولعب بالشارع ........قمه الوناسه...............اشتغلت طرما عجزت اتكلم من القهر دوك شمهن ورجعن لاقضيت
|
|
|
|
09-02-2010, 12:00 AM
|
رقم المشاركه : 10 |
|
مميز التلفزيون
|
تعليق بسيط على رد 7 دله الحين حنا ننظر للناس انها تغيرة طيب الناس تنظرلنا كذا يعني انت تنظر للاخرى والاخرى ينظرلك كااخرى يعني انا اقول مثلا الناس تغيرت طيب من الناس الناس همالي برضه يقولون لي ناس ادري انها لخبطه بس احس فيه حلقه مفقوده
|
|
|
|
09-02-2010, 12:35 AM
|
رقم المشاركه : 11 |
|
مسطول يمون
|
8
كلام صحيح الواحد إذا بغى يغير اللي حوله لازم يبدأ بتغيير نفسه وتتب عليها ترتيب اللي حوله التقدم التكنولوجي الحاصل له آثر كبير على اللي جالس يصير غير طبعاً إنشغال الواحد ورى أمور الدنيا اللي تنسيه نفسه سواح |
|
|
|
09-02-2010, 01:04 AM
|
رقم المشاركه : 12 |
|
فكر واعي
|
. يآآه كم أحن للماضي عندما أسمع حديث الجدة مشكلتنا مع التكنولوجيا لانحقق الفائدة المرجوه منها بدون أفراط أو ياليت الفائدة على الأقل بدون الضرر.!! لماذا لاتكون البساطة بنفس الامكانيات المتاحة وعدم نسيان ماعتدنا عليه !! سواح سلاسة الطرح ممتعه . . |
|
|
|
09-02-2010, 02:28 AM
|
رقم المشاركه : 13 |
|
مُحاورة مرنة
|
وفي واقعنا الحالي نفتقد البساطه مع كل أسف .. من زماااان .. يعني من يومني بسيطة رغماً عنّي قبل التطور الموجود حالياً كان حلم حياتي أعيش بمزرعه .. مو زيارة لااااا حياة كااااملة والحين دائماً أقولها لزوجي أتمنى يكون لنا مزرعة وفيها بيت بسييييط جداً تطامر في بنتي بدون ماأقول لها انتبهي تخربين ولا تكسرين ولا لاتدخلين هالغرفة !!! ماعندنا تلفزيون بس طبعاً لازم كهرب علشان النور والسخان والمكيف >>> هههه مابقى شي بس النت والجوال أتردد في رفض وجوده أخاف أموت من غيره الحياة بتكون أحلى .. أكلنا من مزرعتنا وشغلنا فيها البال بيكون فاضي لا أسواق ولامشاغل ولا ملاهي ومطاعم وزواجات وفساتين ووووووو هذا أكبر هم الحريم ههههههه يعني نصحى من النجمه .. نصلي وندعي الله بإخلاااااص وتوكل نفتقد حبتين مع كل أسف !! نفطر أكل صحي بسييييط .. ونروح ع الغيط >>> خشيت جو مزبوووووط الجسم يصير رشيق والصحه ممتازة والنفسية ياسلااااااااااااااام وأرتاح من شوفة ناس تغثثثث وإزعاج شوارع الرياض وزحمتها وقرفها !! يكون المكان اللي احنا فيه أقارب محدودي العدد .. كني طولتها .. بس فعلاً الرجوع للفطره أمر جميل جداً ماعشناه مع الأسف ولاظنتي بنعيشه .. أغبط الآباء لأنهم عاشوا وعرفوا جمالاً لم نعرفه وفطنوا لأشياء لن نفطن لها أبداً وأسعدونا بقصص وحكايا .. تجعلني أشعر بالحرج .. ماذا سأحكي لأبنائي مستقبلاً .. مشكور سوّاح على هذه المساحه الناصعة البياااض |
|
|
|
09-02-2010, 05:53 AM
|
رقم المشاركه : 14 |
|
مسطول يمون
|
شكراً على موضوعك أنا اذا سويت الشغلة ومشيت فيها وفي نصها شفت انها تأثر على نفسيتي او ماهي مردودةً لي بشيء .. شتّها .. وبكذا أرتاح ماله داعي التعقيد في الحياة , يعني مثلاً الطلاق .. يابعض العقليات كبّرته و جعلت منه هموم و مصايب " بتّأثرين , بينظرون لكِ الناس أنكِ الفاشلة , بينسد الباب في وجهكِ خلاص " , وهذا الكلام عارُ تماماً عن الصحة , يعني عندكِ أمهات المؤمنين والصحابيات غالبيتهن مطلقات و تعددت زيجاتهن -رضي الله عنهن- والحال مع جداتنا ايضاً .ترى الحياة حلوة . عندك انا .. فالبر ماأحب أمارس فيه المدنيّه ابد , الكرسي والخيمة وطق طنبها وحتى الفرشة اللي ينجلس فوقها هذه ماأفكر فيها , حتى النومة أقرب طعس وخلصنا . "تقول عربجية"  والله من قوة مشاغل الحياة ودك تصير أبو وجهين |
|
|
|
13-02-2010, 10:29 PM
|
رقم المشاركه : 15 |
|
السينما وع
|
اسلوب جميل في الطرح وعبارات تناسب اي متلقي ....عموما الرجوع الى الفطره بحد ذاتها تعتبر اجازة لازم الانسان يأخذها لو مره في السنه ضغوط العمل ضغوط الأسرة ضغوط الحياة بشكل عام ما يستطيع الانسان تحملها يعني لازم تصفي ذهنك من كل شي وتريحه فتره والا سيتلف والراحه هذي اكيد لازم يبتعد الانسان عن كل شي ممكن يشغل ذهنه والسبيل الوحيد لذلك هو زي ما قلت الرجوع للفطره .... انا بصراحه الرجوع للفطره شي اسويه ماعدا اني احط رجلي بالساقي هذي صعبه صراحه يلدغك عقرب والله ماتسوى من فطره كل الشكر لك اخوي سواح ولاتحرمنا من ابداعك
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
