 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
24-02-2010, 07:29 PM
|
|
||||
|
charm of femininity
|
[ عروستنا باركو لها .. / كيكه لها + اطباق ثانيه ]
السلام عليكم  ,هالموضوع عباره عن تهنئه لعروستنا " كلي قطر "  بمناسبة زواجها ,+ منيو منوع , كنت ناويه اخليه لبعض الطلبات اللي جتني , بس ان شاء الله المره الجايه بحطهم , هالمره حطيت سلطه وحده للأسف عشان مطفشهم يبي طريقة سلطات , وان شاء الله الموضوع الجاي بجمع كل السلطات بملف وارفقهم لك  ,, مبروك لعروستنا " كلي قطر " والله يوفقك يارب ويرزقك بالذريه الصالحه ,وآسفه ع التأخير بالنسبه للكيكه ..  شكله جاك عيال وانا مابعد اسويها  , صوره قماعيه للمنيو ,  BrB محدش يرد , |
||||
|
|
24-02-2010, 07:34 PM
|
|
||||
|
charm of femininity
|
نبدأ بالشوربه , [ شوربة الكوسا ] للي يحبون الكوسا بس .. موب لأخواني  حومو كبدي فيها اليوم يقولون كوسا .. ؟ المقادير والطريقه مع بعض / .. نحط ع النار 3 ملاعق كبيره زيت مع ربع اصبع زبده , ونضيف عليهم بصله متوسطه مفرومه ولما يذبل البصل .. نضيف 4 حبات كوسا حجم متوسط مقطعه لشرايح ونقلبهم 5 دقايق , بعدها نضيف 3 كاسات ماء ومكعب ماجي ونخليها تطبخ لمدة ربع ساعه .. بعدها نخلطلها بالخلاط , ونرجعها ع النار ونحط عليها كاسين ماء وفلفل اسود وابيض وشوية ملح ونحط عليها فص ثوم مفروم مع مع كزبره مفرومه محموسه بزيت قبل لانضيفها , ونخليها 5 دقايق وبعدها نقدمها وبالعافيه , BrB محدش يرد , |
||||
|
|
|
24-02-2010, 07:43 PM
|
|
||||
|
charm of femininity
|
[ سلطة طبقات المكرونه ]  , الطريقه والمقادير مع بعض / .. مكرونه مسلوقه بماء وملح وشوية زيت والخضار عباره عن /  فلفل بارد جزر مبشور فطر مقطع صغار بصل اخضر مقطع شرايح دائريه ملفوف مقطلع شرايح طويله نجي للصوص / .. عباره عن , علبة زبادي ملعقتين كبيره مايونيز فص ثوم مفروم ملعقة كبيره زيت زيتون عصير ليمونه فلفل اسود وملح وتتبيلة كنور للسلطه ( بالخل والثوم ) نخلطهم مع بعض .. الحين نجي للطبقات / نجيب كاسات .. ونحط اول طبقه مكرونه بعدين الخضار بعدين الصوص بعدين مكرونه بعدين خضار بعدين الصوص ونحطها بالثلاجه تبرد لما نقدمها نزينها بالاوريقانو وبالعافيه , BrB محدش يرد ,
آخر تعديل كأنه مو عاجبك
في 08:26 PM.
|
||||
|
|
|
24-02-2010, 07:49 PM
|
|
|||||||||||||||||||
|
charm of femininity
|
[ chicken tinders ]  هذي الله يسلمكم طريقتها نفس طريقة توب شيف بالبروستد ,بس انا جبت صدور دجاج وقطعتها شرايح .. وبالنسبه للطحين بدلت الاوريقانو وبودرة البصل ببهارات مشكله والمقادير حطيت نصها تقريبا ماحطيتها كلها وهنا طريقته بالبروستد ..
 وبالعافيه وشكرا شيفنا ع الطريقه , BrB محدش يرد , |
|||||||||||||||||||
|
|
|
24-02-2010, 08:18 PM
|
|
||||
|
charm of femininity
|
[ رز بالشعيريه + دجاج بالفرن ] طف الليت .. والله اني اعرف اسوي رز   الطريقه والمقادير مع بعض / .. بالنسبه للرز نغسله وننقعه بالماء لمدة ربع ساعه او ثلث ساعه بعدها نجيب قدر ونحط فيه شوي زيت ونحط فيه بهارات صحيحه ( يعني مو مطحونه ) مثل كذا /  ورقتين غار 4 حبات قرنفل ( مسمار ) 6 حبات فلفل اسود اصبع قرفه ( كسرته بالنص ) وملعقه صغيره بهارات مطحونه ونقلبهم مع بعض بعدها نضيف الرز ( بدون الماء طبعا ) ونقلبه تقريبا 5 دقايق  بعدها نضيف ماء السلق حق الدجاج ( اللي بنكتب طريقته بعد شوي ) ,ونملح الرز .. ( طبعا نحط في بالنا ان موية السلق حقت الدجاج في نسبة ملح ) بالنسبه لكمية الماء نضيف لما يتغطى الرز .. يعني اول مايتغطى الرز بس مو نعبيه مويه ونبلش يعني لو حطيتي الماء ورفعتي الملاس يبين الرز مثل الصوره   ونخليه على نار متوسطه لما تنشف مويته نحط على نار هاديه ونخليه من نص ساعه الى 40 دقيقه نجي الحين للدجاج نقطع الدجاج لأربع قطع ونسلقها مع ورقة غار و 3 فصوص ثوم وملح وفلفل اسود عشان ريحة الدجاج وبعدها نحطها بصينية للفرن ونسوي هالخلطه ملعقتين كبيره معجون طماط ملعقه كبيره صوص صويا عصير ليمونه فص ثوم مفروم فلفل اسود وملح وشوية بهارات مشكله وملعقتين زيت زيتون ونخلطهم مع ببعض وندهن الدجاج فيها من كل جهه  ونغطيه بقصدير وندخله الفرن لما يتسوي وماننسى نقلبه الحين نجي للشعيريه ناخذ الشعيريه اللي تكون مدوره ونكسرها ( مو كثير عاد ) ونحطها مع شوية زيت ع النار ونقلبها لما تتشقر  بعدها نضيف تقريبا 5 ملاعق كبيره ماء ( ممكن اكثر / يعتمد على كمية الشعيريه ) ونقلب شوي ونخليها لما ينشف الماء بعدها نجيب قدر ونحط فيه شوية زيت وحط بصل مقطع طوال (جوانح ) لما يذبل .. نحط عليه جزر مبشور وربع مكعب ماجي ونقلب شوي ونضيف الشعيريه ونقلب ونحط بهارات وفلفل اسود , ونرفعه من النار ونخليه على جنب لما نجي نقدم نحط الرز وفوقه الشعيريه وفوق الدجاج ( بالله ) الدجاج تحمر حبتين زياده وبالعافيه , BrB محدش يرد ,
آخر تعديل كأنه مو عاجبك
في 12:49 PM.
|
||||
|
|
|
24-02-2010, 08:23 PM
|
|
||||
|
charm of femininity
|
الحين نبدا نحلي [ قوالب الشوكولاته ]     المقادير والطريقه مع بعض / .. بالنسبه للقوالب , نجيب شوكولا خام ( النوع اللي دايم احطه في مواضيعي ) ونذوبه بحمام مائي او بالمايكروييف انا عن نفسي ذوبته بالمايكروييف , ( لأن لازم كل شوي اسخنه .. فمو كل شوي بسوي حمام مائي ) الحين بعد ماذوبناه .. نجيب ورق بيلسيه ونجيب قوالب الكب كيك , ونحط الورق داخل القوالب عشان ياخذ الشكل وبعدها نجيب فرشه للطبخ .. اللي ندهن فيها الفطاير وندهن فيها الورق , مثل كذا /  وبعدين ندخلهم الفريز تجمد , الحين نروح نذوب الشوكولاته مره ثانيه .. نبيها ذايبه مره لأن لا طلعنا القوالب من الفريز وجينا بنعيد عليهم بطبقة ثانيه بيجمد معانا الشوكولاته اللي مذوبينها , فعشان ماتحسونا نسنخنها من جديد ونطلع القوالب من الفريز وندهنها مره ثانيه بطيقه ثانيه بتقولون ليه ندهنها مره ثانيه بطبقة جديده ؟عشان تصير طبقة الشوكولاته سميكه ولما نجي نفصلها عن الورق ماتتكسر معانا طبعا لما نجي نفصله الأفضل نستخدم السكين اسهل وماتحوس مثل كذا /  وبعدين لاجيتي بتحطينهم بالثلاجه .. حطي قصدير تحتهم عشان مايلصقون بالصحن  وبعدها نجي نسوي الحشوه نجيب كيك شوكولاته ونفتته ونحطه في قاع القوالب ونضغط عليه  وبعدها نسوي الطبقه البيضا عباره عن بالخلاط 5 حبات جبن كيري 5 ملاعق كبيره حليب نستله ( محلى ) علبة صغيره قشطة قيمر ( اصغر علبه ) ظرف دريم ويب ونحطهم فوق الكيك كطبقه ثانيه  ونزينهم اما بكرز او الكيك اللي فتتناه انا سويتهم هنا بحجم كبير وصغير ,  وبالعافيه , BrB محدش يرد |
||||
|
|
|
24-02-2010, 08:24 PM
|
|
||||
|
charm of femininity
|
[ كرات البسكويت ]  سهل ومايبيله يعني حق وهقات , المقادير والطريقه مع بعض / .. نطحن علبة كامله من بسكوت الشاي , ونضيف عليه 3 ملاعق كبيره كاكاو بودره ونحركهم لما ينخلطون بعدها نضيف علبة قشطة قيمر ( اصغر حجم ) و4 ملاعق كبيره حليب نستله ,  ونعجن لما يتماسك الخليط ونبدى نكوره ..  وبعدها ندخله الثلاجه على مايجمد شوي , نسوي الصوص الأبيض اللي هو نستله وجبن كيري .. ونكثر من النستله عشان نبيه سائل شوي , ونصبه في قوالب التقديم , ونحط الكور عليه ونحط اعواد اسنان عشان نقدر نطلعه وناكله ونصب فوقه شوية هيرشي , وبالعافيه ,BrB محدش يرد , |
||||
|
|
|
24-02-2010, 08:27 PM
|
|
||||
|
charm of femininity
|
الحين نجي لكيكتنا كيكة اهداء لعضوتنا ( كلي قطر ) ,  الطريقه والمقادير مع بعض / .. الكيكه .. كيكة بيتي كروكر شوكولاته نسويها وبعد ماتستوي نقطعها من فوق عشان نساويها من فوق , ونسوي الكريمه / عباره عن ظرفين دريم ويب مع كاس حليب سائل بارد نخفقهم بعدها نضيف عليها مثل الخلطه البيضا اللي سويناها بقوالب الشوكولاته ونخفقها , ونعزل جزء ونحط عليه ملون طعام احمر .. لين نوصل للدرجه اللي نبيها وندهر بالتزيين الخطوات بالصور /     زوم ع المعاريس  وبالعافيه علينا ( وريتها لأبوي قام صفقني على راسي هههههههه .. قال وش السالفه .. يعني بتزوج من وراك يا يبه ؟ ), BrB محدش يرد |
||||
|
|
|
24-02-2010, 08:32 PM
|
|
||||
|
charm of femininity
|
وأخيرا خلص الموضوع !كنت بحط اكثر من شي بعد .. بس والله مافي وقت مره .. من العصر وانا احوس فيه لين قدرت انزله اليوم أتمنى يعجبكم ,ويارب تعجبك الكيكه ياكلي قطر كل واحد يرد يجيب معه فكس لو سمحتوا عشان امرخ ظهري ,نشوفكم على خير ,
|
||||
|
|
|
24-02-2010, 08:33 PM
|
|
||||
|
مشرفة سوالف حريم
|
باك ..كأنّوه ترى تعبت من كثر ما أمدحتس روحي انتحري !يختي والله انّي اتحطم كذا تحسّسيني بالنقص لاشفت السنع ،وه وه بس ..الحين كلّي قطر ياللي ماتستحين هذا وانا خويتس من اول ماسجلتي بالحاره وتتزوجين ولا تعلميني !مبرووووك ياقلبي والله فرحت لتس ،كوكو من الحين كيكة عرسي عليتس ..وتراتس وحشتيني يامعفنه ،
آخر تعديل زهرة القمر
في 08:52 PM.
|
||||
|
|
|
24-02-2010, 09:53 PM
|
|
|||||||||||||||||||
|
charm of femininity
|
زهرة القمر , ولكم ياستّي .. اصبري كم يوم واروح انتحر .. تخاوين ؟ ولا يهمك .. كيكة عرسك 3 ادوار بعد حتى المعاريس مايتشوفينهم من طولها , وشسمه .. انتي اكثر , نقيض ,
وياك يارب , هههههههههههههه اجل شغل العجز والله ياهي حلوه دعواتهم ,تسلم ع المرور والدعوات نقيض .. , بدر , غيرك ينرفزون .. مايعجبهم العجب ولا الصيام برجب .. تصير اخوي بس ؟صدق شخبار الجوال بس !تسلم ع المرور , , مومنت , من اشوفك احس الدنيا بخير !والله اني ابتسم لاشعوريا لا شفتك  وماعليك .. كلها 3 شهور بس وتتفرغين له تسلمين ع المرور , طف الليت , سلامات ؟تسلم ع المرور والدعوه الحلوه ههههههههههههه الله يغربلك يالطعس استغفر ربك بس , |
|||||||||||||||||||
|
|
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
|
|
|
|
