^

أجل ماتتفق معه مع إنك ماشفته ؟ .. أشوى إني أعرفك وأقدرك ولا كان شطبتك وحطيتك بقائمة التجاهل ههههههههه .. وش أنت يالمكتب ! .. شخصياً ماجاز لي ، او خل نقول ماعطيته فرصه

اقتباس: Mr.Keiton

يابعدي ليه تحوير السالفه وتحويل النقاش ؟ .. واضحه فكرتي إن الدراما غصب تدخل بالمسلسلات .. معك أنا إنها تحوس جو المسلسل وتنكد عليك ، معك أنا بهالشئ .. بس شرحت لك إن هالنقطه تكون مطلب جمهوري أكثر من إنها رغبة إخراجيه
خذ أقررب مثال Big Bang Theory أكثر المسلسلات الكوميديه شعبيه حالياً .. من أول حلقه للمسلسل تخق عليه ، ثلاث مواسم على نفس الموال والمسلسل مازال دااعس .. وبالموسم الرابع على ما أعتقد دخلو عليه دراما بين ليونارد وبيني ، المسلسل نزل مستواه بالنسبه لي ولك والعيال بالاستراحه .. لاكن عندهم هناك المسلسل حقق أكثر نسبة مشاهده مع هالخنبقه ! .. وصلت الفكره ؟!

بالنسبه لجزئيتك الآخيره .. تكفون إفهمو إني منيب أقول إن سانفيلد كِخّا .. المسلسل بطل وجبار وإلى يومك وأنا بين فتره وفتره أرجع له واضحك عليه .. لكن لو تقارنه بفريندز ، معليييييش .. فريندز مافيهم شي قوي ، بساطتهم هي اللي رافعه أسهمهم .. ما أنكر إن بعض أجزائه سامجه ، لكن عندك أجزاء لحالها تعتبر شي ثاني ، مابعد أخترعنا له كلمة توصفه!

سبويلر؟ ايه ايه !



معليش أتكلم عن ماد مين أفضل مسلسل درامي حالياً و اللي استحق كل الجوائز اللي حصلها على مدى أربع مواسم ؟ التغطية ما نزلت بس أنا مشتهي كاس و زقارة و مزة عندها آلة تصوير خخخخ.. اعتقد إن الموسم الخامس من ماد مين بيصير أفضل موسم قدمه المسلسل، البوستر لحاله حكاية، واضح جداً إن دون دريبر خمبقته زايدة عن اللزوم، من عرفتنا للدون و هو يخمبق، يكفينا إن ثاني مشاهده في المسلسل قاعد يخون زوجته ، لكن في الموسم الرابع اتضح إن دون دريبر بدا ينهار.. بدايةً من استلامه للجائزة حقت الإعلانات و صار يشرب بدون أدنى اهتمام، مروراً بالحلقة العظيمة The Suitcase اللي اكتشف فيها موت أحد أعز الناس له، و خوفه من اكتشاف الناس لهويته الحقيقية في الحلقة العاشرة، و انتهاءً بالفينالي الرائع و زواجه الغريب جداً جداً بسكرتيرته في المكتب، على فكرة حتى في الفينالي ماثيو واينر أعطانا تلميح إن دون و بيتي لسه بينهم كلام و احتمال يرجعون لبعض !




بيغي أولسن، من سكرتيرة الكل يتمصخر عليها، إلى الكاتبة اللي انقذت الشركة، بيغي قدمت واحد من أفضل مشاهدها في المسلسل في فينالي الموسم الرابع، حوارها مع جوان عن دون دريبر و كلمة That’s Bullshit اللي ما أشبع منها خلتني أتنبّأ إن بيغي بيكون لها شأن كبير هالموسم.. فكرت بأكثر من سيناريو للي بيصير لها، لكني متأكد من شي واحد.. ماثيو واينر أكيد رح يفاجئني بموسم جبّار ..

--

العنيد 12
تابع جستفايد و ما جاك علي

اقتباس: حبيت اسأل بالنسبة للمسلسلات التحقيق والجرائم , تابعت مينتاليست وبعده وايت كولار كمسلسلات تحقيق لكن ما شفت مسلسل مثل Lie to me المسلسل ممتع كل حلقة تجذبك بشكل عجيب واحداثها مفاجئة , هل في احد يعرف مسلسل يوازيه او افضل منه في نفس المجال تحقيق وجرائم ؟

لا جستفايد ولا وايت كلر .. كلهم تابعتهم وما هضمتهم اذكر اننا سبق وتناقشنا
يالعنيد وانا اقولك مسلسل " Sherlock " رآح يعجبك .. هو نفسه " شارلوك هولمز "
نفس الشخصية اللي في الفلم لاكن الأحداث والأجواء مختلفة .. افضل مسلسل شاهدته
حتى الآن .. وش اقولك وانا اللي قررت اني ما احكي عنه واحتفظ فيه من اجلي من شده حبي له ؟
راقي عبقري فخم جداً .. فكرت بجد اسوي له تقرير لاكن الموسم الثالث
منه مو نازل حتى عام " 2013 " .. المسلسل من انتآج قناه " BBC " وتقيمه
" 9.1 / 10 " << بالله عاد وش تبي اكثر من كذآ علشآن تحمل ؟!
تبغى مسلسل تحقيق وجرائم ؟ شارلوك هو اللي تبحث عنه ~



" Maybe I in Side of the angels ، But do not think "
for one second that i one of them ! "
Just Fucken Awesome