 |
 |
 |
 |
 |
 |
 |
 |
 |
10-08-2010, 06:53 AM
|
|
||||
|
Cinema Member
|
صباح / مساء الخير  ..من زماااان وأنا ودّي أنزّل لي موضُوع بهالقسم  .. بس أصعب شئ مُوب الموضُوع والصّفصفه والزّبرقِه !!لالا !! ، أصعب شئ إنّك تحصّل فلم يرضي الجميع وتحس إنّه يستاهل تتعب عليه .. وبنفس الوقت تكُون متأكد إن أي واحد يبي يدخل ويشوف موضوعك إن كان ما حمّل الفلم يبي يحملُه ويشوفُه بدون ما يتحسّف ، ونفس الشئ اللّي شايفن الفلم أوّل تبي تجيه طااقه مهيب صاحيه علشان يفضفض  .. إيه والله الفلم بطل وفيه كميّة أحداث وأشياءتخليك بس تبي تسولف ، فلم كلمة بطل شويّة عليه ، علشان كذا منيب قاعد أمدح فيه وأتعب نفسي !! لأن المثل اللي قبل شوي قاريه يقول " السكوت في حرم الجمال جمال " <- يحلفون إنّها نسخ لصق هههههههههههههههه وقبل ما ندخل بالفلم ، خلّوني أعطيكم نصيحه علشان لا خلّص الفلم تحسّون باللي أنا أحس فيه .. وليش أنا طاير بالفلم وجاي على وجههي  .. الفلم سلّمكم الله أحسن شئ إنّك تشوفُه جرعه وحده !هو مُوب خربان عليك الفلم إذا ماشفته مره وحده ، بس الأحسن إنّك تشوفه كذا وبدُون تقطيع ومكالمات جوّال وسواليف بالمسن .. و أصلاً الفلم يبي يخليك تتحمّس معُه من أوّل دقيقةومنتب قادر تررمش من الحماس ، بس يعني وجب التنبية ! ..لأن الفلم فيه أحداثُه كثيييره وإذا شفت الفلم مقطّع أحس إنّه يبي ينحاااس عليك ..!! وهالحين عاد خلّونا من كثر الكلام والسواليف والهذره والبربره <- كلّها نفس المعنى ..المهم ندخل بالفلم ونقدمه لكم يابعد تسبدي كلكم يالميلانيه <- سحب على العالم ..أمزح كلكم أحبكم والله  ..نبدأ بقصّة الفلم .. علشان تدرُون وش أنتّم عليه وماتمشُون على عماكُم ..//[ .. بحاول بقدر الإمكان إنّي ما أحرق شئ عليكم !! .. يعني مهيب زينه تقعد تشوف الفلم وأنت تدري وش يبي يصير ؟ ، وشوله تشوفه أجل ؟!! <- .. ]قصة الفلم تتكلم عن " سام " وزوجته " ليزلي " ، زوجين عايشين على قد حالهم ويشتغلُون علشان يعيشُون ويدفعُون آجار بيتهم والقروض اللّي عليهُم .. وبيوم من الأيام إستيقضو صباحاً ، وركبو سيارتهم الكِسره وراح " سام " ونزّل " ليزلي " عند شغلهاومشى هو يبي يروح لشغلُه وفجأه وهو يمشي بالشارع وفاتح الدريشه ويهفهف عليه الهواء .. مرّت الشرطه من عندُه وكانت تلحق مُجرمين سارقين فلوس وهاجِين فيها ، والمجرمين ذولاء حاولو يتخلّصون من شنطة الفلوس اللّي معهُم ورمُوها مع الدّريشه وطاحة على سيارة " سام " ..!! و " سام " يوم شاف الشّنطه واللّي داخلها ما صدّق خبر ! ، وراح وسدّد القُروض والدّيُون اللي عليه وراح لم " إيكيا " وقعد يتسوّق وأخذ أطلق الأغراض اللي عندهُم .. ومرّت الأيام وراح " بايك " ..لخويّنا المجرم اللي سارق الفلُوس وزاره بالسّجن ، والمجرم قص القصه " لبايك " وقاله إنّي رميت الشّنطه على سياره شكلها كذا وكذا وكذا ، عاد " بايك " ذا ذيييب وقدر يحصّلها وحصّل خوينا " سام " مزبرق بيتُه وشاري سياره جديده ، وراح " بايك " ودخل على بيت " سام " وكان يقدر ياخذ الفلُوس وخلاص يروح ويفكّهم من شرّه !! لكن هيهات هيهات <- حتّى ذي نسخ لصق .. خويّنا ذا قعد فوق تسبودهم وقال أبيكُمترجعون كللللللل الفلُوس !! .. ومن هنا تبدأ قصّة الفلم والحماس .. الفلم بطل واحداثه خطيييره ، وكل اللي تكلمت عنه مجرد البدايه !! .. هالحين نجي نعرّفكم على أبطال الفلم لبّا قلوبهم كلهُم على هالأبداااع ..// .. Sean Beannn.. يقوم بدور " بايك " بطل الفلم وأطلق واحد فيهم ..تبي أداء تبي ملامح تبي أسست تبي أوفرات <- مسك خط ههههههههههههههههههههههههو أخو خويّنا اللي بالسّجن واللّي يبي يرجّع الفلُوس كلّها !! .. أتقن الدّور حقُه وبشكل مُوب صاااحي ، والصّراحه ما أكذّب عليكُم إنّي يوم أحمّل الفلم كان ما ودّي أشوفه علشان ذا الوجه !! ، ما أدري لييش عجزت أبلَع ذا الآدمي أبد !! لكن بعد هالفلم وبعد اللّي شفتُه منُه ، قسم بالله ماعندي أي مشكله أشُوف له أي فلم ينزل !!..صراحه أبهرني بأدائُه وأسلُوبه بالتّمثيل داخلن مزااجي بقوّه .. وفيه مقطع بالفلم هو اللّي خلآني أحبُه صراحه ، يعني موقف صار بالفلم خلآني أتمعقط فيه  .. Chris Hemsworth.. يقوم بدور " سام " ، وهو زوج " ليزلي " ، وهو الشّخص اللّي طاحت عليه شنطة الفلُوس على سيارته وما صدّق خبر وبدأ يصرفها منّا ومنّا ، وأدائه ألييييييم بذا الفلم وش أقول بس ؟ قسم بالله أبهرني بإتقانه للأداء ، وبعد الدّور اللّي أخذُه بالفلم راكب عليه وهالشئ ساعدُه .. صراحه قمّة الروعه ذا الآدمي ، وفيه كم لقطه بالفلم أبدع فيها أبدااااع .. سجلوني واحد من المتابعين له ولأفلامه .. " أجل تقولي يا راغب ثريّا طخما هههههههههههههههههههههههههههههههههههههههههههه " .. Victoria Profeta .. أدري إنّها طخما وبتعئد وكل شئ ، بس فيه مقطع بالفلم خلآني أكرهّا بنت الكلب  وهو نفس المقطع اللّي حبيت فيه " بايك " .. ياحبّي له كرشها كرشه ملعوونة جدف ههههههههههههه .. أنا إستحيت وش عاد هي ..المهم هذي هي " ليزلي " ، زوجة الأطخم أعلآه ، أدائها تقدر تقول حليو يعني ما ياصل لإبداع الأثنين اللّي قبلها .. ما أدري بس أحس مشكلتها بإبتسامتها !! يعني فيه لقطات المفرُوض تكون فيها حزينه أو على الأقل يكون وجهها بدون تعابير بس بالعكس تحصلها شاقه الإبتاسمه ، وبعد تبي تكرهها بالفلم لأنها دايم تنافِخ على " سام "وإذا شافت زول " بايك " طلّعت الإبتسامه بوجهها .. ودايم تقلب على " سام " وتخليه يحس إنّه هو سبب المشاكل كلّها .. هذولاء أبرز شخصيّات الفلم ..البقيّه تكملت عدد وعلشان يمشي مسار الفلم فقط ..أحداث ومقاطع بالذّاكره ..//[ عاد هنا مالي دخل لو حرقت عليكم الأحداث ! لأني أبفضفض على راحتي .. ]  هذي لقطه بعد مامسكوهم الشرطه .. وجاء أخو " بايك " وقال لصديقه اللي معه بالسياره " إنزل إنزل " .. ويوم نزل من السياره إنتفوووه الشرطه ..هنا يتبيّن إن اللّعانه مهيب بس مع " بايك " .. لا حتّى إخوه .. هنا بداية الحماااس ..  هنا بعد ما أخذو الفلوس ، وكانت " ليزلي " تنتظر " سام " يجي علشان يتفاهمون مع حق البنك علشان فلوس البيت .. وكان حق البنك يماطل معهم ويستهبل عليهم وذالهم !! .. لاكن " سام " جاء وطلّع الفلوس ! ، وكان ينقصه 4 دولار وقال " للزلي " معك !!وقبل يطلعون ذبّة " لزلي " ذبّه على حق البنك ، وعطته نظره أليييييمه ههههههههههههههههههههههه يااااوك ياوجه حق البنك بذاك المشهد هههههههههههههههههههههه ..  هذي اللّقطه بالسّجن مع أخوه اللّي سارق الشّنطه .. المهم هنا " بايك " بعد ما رجّع أغلب الفلوس اللي كانو محتفظين فيها " سام " و " ليزلي " ، يعني اللي حاطينها بالبيت أو اللّي حاطينها بالبنك أو مع أم " ليزلي " اللي نكبتهم ههههههههههههه .. بهاللّقطه ذي بشّر أخوه وقالوه إنّه قِدر يجيب الفلُوس الباقيه معهم ! بس إنّه يبي يخليهم يرجعون الفلوس اللّي صرفوها ولعبو فيها وجابو " رينج " ..لقطه خطير وصراحه أعجبتني قوّه ، ما أدري وش السبب أعجبت فيها !!يعني مافيها شئ خطيير أو أداء مميز ! ، لاكن أعجبتني هاللقطه ونشبت بذاكرتي .. يمكن لأنها هي سبب قصّة الفلم واللّي صار فيه ؟!  أدري العالم بدت تقوطر سعابيلها وتحسبني بتكلم عن أكله ههههههههههههه بس موب ذا المقصد من الصّوره !!.. هذي بمشهد بالفلم .. " بايك " قال " لسام " يطبخ غصبن عليه !! ، يعني قدّام زوجتُه وأنواع الطقطقه ويقوله سولي بيض مع لحم وبسرعه الله لايهينك <- من عندي عاد ذي ..صراحه موقف أليييييم وبقوّه !! ، تخيّلت شكلي وأنا بمكان " سام " !! ، يااااوك يالإحرااج بعد .. لا واللّي يقهرك أكثر إن " سام " مُهوب يحب ياكل اللحم ومير " بايك " الملعون قاله سولي أنا و " ليزلي "  هذا المشهد بعد ماخلاه يطبخ لهم ، راح وقال " للزلي " تعالي إقعدي جنبي !! ومير تجي هالنظره من " سام " !! هالمشهد يعلمك كميّة اللاعنه الموجوده بالكلب " بايك " !! خلو عنكم بس ، والله من الإحرااااااااج !!موقف معبّر صراحه ، وبدع فيه " سام " .. وكل ماشفت وجهه تذكرت هالمشهد .. هذا المشهد بأول سرقه لهم علشان يرجعون الفلوس اللّي إستخدموها قبل و " بايك " معطي " سام " مسدس فاضي ، وكلّم عليه من جوال ثاني وقاله لاتسكر السّماعه علشان أبي أسمع كل الكلام اللّي يدور بينكم بالمحل وقت ماتسرقه .. وأي إستهبال أو حركه تسويها موب مضبوطه أبقتل خويتك !! أعجبني أداء " سام " بذا اللّقطه ، ملامح وجهه والأداء كله مضبوووط  هذا المشهد بعد ماسرق " سام " البقاله ، وكان " بايك " يضحك ويقول " فلّه صح ؟ " عاد " سام " من قو الغلقه قعد يضحك ضحكة إستفزاز !! أكثر موقف ضحكة عليه ههههههههههههههههههههههههه .. ما أدري وراه تمصّعت ضحك من ذا المشهد ؟يعني المشهد كان يحزّن ويوجع شوي ، بس أوّل ماضحك " سام " قمت أكركر ضحك ..موقف ما أنساه أبد ..  هذا مشهد بعد كم عمليّة سرقه ، وهم كانو إذا خلّصو من العمليات يقعدُون باللّيل عند التلفزيون ويقعدُون يشوفُون الأخبار ، وصارت بينهم مشكله وزعل " سام " وقعد يهاوش على " بايك " و " بايك " حب يثبت نفسه وإنّك ماتقدر ترفع صُوتك علي وتقعد تصارخ ! فقام ولفّعُه وبعد التلفيع اللّي جاء " سام " راح نام علطُول ، ومير تروح " ليزلي " وتتسنّع وتزبط نفسها .. وراحت عرضة نفسها على " بايك " !! ، بس هو عطاها كم بوسه ثمّن قالها إقلبي وجهكياللي ما تستحين ، وطاح وجهها .. وبهالمشهد حبيت " بايك " .. هنا مشهد يوم يسرقون البنك ، وكان " سام " هو اللي مخطط على هالسرقه ! ، وكله علشان ياخذ " فشق " بما إن " بايك " يعطيهم المسدس فااضي !!والله يا " سام " لخمني بهالفكره ههههههههه !! ، أوّل ما قال نبي نسرق البنك طارت عيوني وقلت خرب الولد !! بس بالآخير طلع ذيب ، والذيب مايهرول عبث  لقطة الختام والإختتام ..المشهد اللي طلع فيه أخو " بايك " من السّجن .. المشهد مافيه شئ ، بس تخيّلت شكل خويّنا بعد ما يدري بالسّالفه !! يعني بعد ما كان معكُم فلوُس وتبي تفلّونها .. راحت عليكم وكلّها علشان كم ألف !! .
آخر تعديل C L I C K
في 01:19 PM.
|
||||
|
|
10-08-2010, 06:54 AM
|
|
||||
|
Cinema Member
|
نقول خلصنا ؟ .. إيه خلصنا .. ياااوك يالتّعب والله يالموضوع يبي جُهد مهوب صاحي !!وتفكير وإنتقاء كلمات <- إيه هيّن .. يالله هذا أوّل موضوع لي كتقديم فلم وإن شاء الله إن الموضوع حاز على رضاكم وما تمصّعت يديني على غير سنع ..وقبل ما أختم وأعطيكم المايك وتريشون فيني وكذا ..بغيت أشكر الأخ " عاشق بحلآها " ياناس هالآدمي غيييييييييير ..يستااهل من يشكرُه ويعطيه بوسه على خدُه الأحمر .. زبط لنا الصور وتكتكها ، وخلا الهذره والباقي لنا .. تشكرات ياصديقي التورنت + الترجمه .. بالمرفقات ...
آخر تعديل C L I C K
في 01:04 PM.
|
||||
|
|
|
10-08-2010, 11:02 AM
|
|
|||||||||||||||||||
|
أقدع قصاب
|
مثبت ونسخة للمتحف بعد إكتمال الردود ع هالمجهود البطل ..القصه تحمّس  مبطي ماشفت افلام انتقام وكذايجري التحميل ومااالووو .. بس في شغله
هههههههههههههههههههههههههههههههههههههههههههههههههه هههه تسسسسسستهبل انت ؟؟؟؟؟ انزل انزل اجل مرررره ماتصلح مترجم انت بتحوووس ام ام الفلم يعطيك العافية ياذيبان , والشكر موصل لعاشق حلاها حظها بس <--  ؟
|
|||||||||||||||||||
|
|
|
10-08-2010, 12:16 PM
|
|
|||||||||||||||||||
|
توه ساكن
|
انزل انزل ههههههههههههههههههههههههههههههههههههههههههه هههههه هههههههههههه من جد انت اعطبت ام ام الترجمه لآ تترجم يرحم وآلديك اللآ مآ قلتلي فيه ترجمه للمفلم ..؟ <-- خآيف من ترجمتك للفلم الفلم ابشرك جآري التحميل . . . <~ امآ ابشرك كم لي مآ تفرجت لفلم زي كذآ وووذآ شسمه رفعت فوق لقيتك كآتب فيه ترجمه يعني يعني خلآص ثنكيو من قلب بس سردك للقصه الييييم خلك كذآ دآيم وش بقيت للشرهآن -=====- بس انزل انزل كلآم كبييييير عآشق حلآهآ { }{والله دورت ورده ومآ لقيت مشوآر اروح وضع مطور عشآن ورده خذ القلب شكرآ يعني }
|
|||||||||||||||||||
|
|
|
10-08-2010, 12:50 PM
|
|
||||
|
مشرفة سوالف حريم
|
تحمممست للفلم بقوه !أوّل مرّه أتحمس لفلم من هالنوع ، بس شكله ذا شي والتقرير حمّسني زود .. يعطيك العافيه على هالتقرير اللي أحسن شي وبحمل الفلم الحين ان شاء الله ، باك بعد ماشفته شسمه ، فيه شوية نصب وأحداث ماتتصدّق لكن بشكل عام بطل + ماتوقعت نهايته كذا ،حبّيت سام أما البقره زوجته  وع جعلها المرض يعطيك العافيه ياكليك مرّه ثانيه وكل عام وانت بخير ومبارك عليك الشهر
آخر تعديل زهرة القمر
في 10:20 AM.
|
||||
|
|
|
10-08-2010, 01:27 PM
|
|
||||
|
FIFA Player
|
بس ابي اقولك : ياخي ذوقك بالافلام عندي 100% احسك تقراء مزاجي بالافلام انت .. داايم اتابع ردودك واسرق كل شئ تحط له تورنت وترجمه . لاني داري ذوووووووووووقك فوق فوق  . ولا تكتب رد او موضوع عن فلم الا وهو يستاهل المتابعه الزبده : ما راح اتكلم عن الفلم ... دام ( كليك ) هو الكاتب خلالاص لا تناقنشي محمله محمله الله لا يعوق بشر
|
||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
![الصورة الرمزية عوضوك بغيابي[ونعم]](http://msa6el.mbc.net/vb/avatars/94439.gif?dateline=1304299248)
نعين ونعآون ، وتستاهل يا 
