 |
 |
 |
 |
 |
 |
 |
 |
 |
|
||||||
| International TV أخبار النجوم ومسلسلات وأفلام و برامج وآنمي " غربي " ... |
 |
|
|
أدوات الموضوع |
23-09-2010, 02:38 AM
|
|
||||
|
Noble Tennis Member
|
المسلسل الأكثر ظلم عربياً
 ماحد يعرف شيء عن أوفيس الشهير بالغرب , واللي يعد تقربياً أحد أفضل المسلسلات على تاريخ أمريكا صدقوني ما أبالغ وهذي الحقيقة   the Office مسلسل " كوميدي , درامي , رومنسي " تدور أحداثه في أحد فروع شركة " دندر ميفلن " في " سكرانتن - بنسلفينا " يعتمد على لقاءات مع الموظفين وتحدثهم إلى الكاميرا وجه لوجه ويعتمد على كوميديا الموقف وتصوير ما يحدث فيه من مواقف مضحكة ومقالب بين الموظفين ,التصوير اللي الكل يسبه اللي هو المنزلي بس مع التعود والله ما تلاحظ فرق, طبعاً انا اعتبر الانطلاقة الحقيقة للمسلسل كانت في الموسم الثاني ؛ يعتبر في أمريكا أحد أكثر المسلسلات متابعة !!  مايكل سكوت .. وش أقول وش أخلي ,طبعا هو المدير حق الفرع . شخص يحسب روحه منسم وفله وكل المكتب يبون قربه , لكنه عكس ذلك كلياً , شخص أناني شوي ويتدخل في حياة الموظفين الخاصة , أنا كنت أكره بعض الحلقات إلى نصف الجزء الخامس , بعدين كل مشاعر اللي الكره اللي تكنّها له تقلب عكس يصبح منسم خبل .. لكن لو شفنا الواقع من أصعب الأدوار اللي تمر على تاريخ الـ TV . وكذلك مايكل شخص محب للحفلات حتى أنه سوى لجنة خاصة لتنظيم الحفلات , رُشح لعدة جوائز إيميي لكن لم يحالفه الحظ .!   هذا هو الوحيد اللي معطي مايكل جوه , هو الوحيد اللي يضحك على نكت مايكل ويعزز له دايم ويعتبر مايكل أعز أصدقائه , طبعاً هو موظف مبيعات مجتهد للغاية , دوايت من عائلة مزارعين وعليه عادات غريبة بس شخص طيب للغاية وأحيانا تجيه نذاله غريبة , المشكلة العويصة أن مايكل مو معطي وجه دوايت ويحب رايان .. , رُشح لعدة جوائز إيميي لكن لم يحالفه الحظ .! موظف مبيعات عبقري , بأقل مجهود يحقق أرقام مبيعات عالية ؛ وبينه منافسة مع دوايت من هو الموظف اللي يحقق مبيعات أعلى , رغم أن كل وقته قاعد يسوي مقالب لدوايت . أشياء ما تدخل بالعقل سواها جيم على دوايت و دوايت مصدق " لدرجة أنه مرة جيم دفع لكل اللي بالمكتب 5 دولار علشان ينادون دواين بدل دوايت " . مايكل يحب جيم بس جيم مايعطيه وجه إلا إذا فيه مصلحة من وراء هالسالفة .  هادية , مرحة , تحب تساعد جيم في مقالب دوايت , هي اليد اليمنى لمايكل في المكتب لأنها هي تقريباً هي السكرتيرة بس بالحقيقة هي " الاستقبال " حق المكتب , بالحقيقة هي مخطوبة لأحد موظفين المستودع لكنها تنفصل عنه في نهايةالموسم الثاني وتبدأ قصة حب مع جيم , من هوايتها الرسم .  شخص ظهر في بداية المسلسل على أنه موظف مؤقت لكنه بعدين صار رسمي , يحبه مايكل بشدة لسبب غير معروف ويعتبر رايان أعز أصدقائه .بس رايان بالحقيقة شخص أناني ما يهتم إلا بنفسه ولا يطيق مايكل , كل المواسم كان دوره مكمل عدد , لكن الموسم السادس صار يطلع بالحلقة أكثر وعليه شطحات كثيرة . last Season الموسم الماضي كانت فيه أحداث كثيرة أبي أحاول أختصرها , بعد مدة قصيرة من خطبة جيم لبام قرروا أنه يتزوجون , وكان حفل زواج خطيييير الشركة اللي هم فيها " دندر ميفلن " فلست وصارت الشركة معروضة للبيع , وصارت فيه أنباء تفيد ان الفروع الغير نشطة تبي تقفل , واللي أثار كل الخوف في فرع مايكل , لكن هالأزمة مرت على خير وبعدين اللي شرى الشركة شركة آخرى أسمه " سايبرا " كانت تبيع طابعة بس وسعة نطاقها علشان تبيع طوابع و أوراق .. وبس :: What I think about this series :: مسلسل يعتبر الأقرب لقلبي صح ماهو الأول اللي خلاني أعشق المسلسلات لكن يظل في قلبي علشانه ما فيه أحد دلني عليه ودخل قلبي بدون إستئذان العصب الحقيقي للمسلسل هو السيناريو ؛ تخيل معي ؟! كيف تقدر تخلق جو حلو ولطيف داخل مكان العمل , داخل مكان الإدوات المتعة مفقودة لكن الكاتب العبقري عوضها بشخصيات ممتعة للغاية وسيناريو عظيم .. المتعة غير مفقوده مع " اوفيس " لدرجة أني إذا كنت طفشان او حاجة رحت شغلت أحد حلقاته ..البعض ينتقد التصوير المُمل والمتعب للأعين وهي الكاميرا المنزلية لكن هذي تبي تتعود عليها من أول 3 حلقات .. المشكلة في كثير من الأعضاء يجي يشوف حلقتين ويجي يقبس بي ويخانق !! أنا أول حمله وخله عندك وكل ما طفشت شف حلقة إذا خلصت الموسم الثاني تعال عطنا رأيك  صدقني أنا كنت أول أشد المستهزين بالمسلسل و هالحين شفوا شلون أنقلبت الآية بكذا أكون خلصت موضوعي أحب أشكر المصمم البطل " الطائر الأحمر " عذبته معي ! الموضوع مامن شغل وآجد تخبرون الأجواء كلها شؤم وإكتئاب بإقتراب الدراسة فأبيكم تعذروننا على التقديم البسيط  هالموسم يمكن يكون الفانيل ! علشان ستيف كارول قرر ترك المسلسل ! يقال أن المنتجين قالوا خلاص مافي مسلسل السنة الجاية ويمكن يخلصون السنة هذي ! صور متحركة علشان تضحككم ولو قليلاً ::     بالمرفقات فيه كل المواسم الست الماضية من أوفيس مع الترجمة |
||||
|
23-09-2010, 08:00 PM
|
|
||||
|
English Speaker
|
المسلسل جميل وحلو .......... صح انه الموسم الاول ما كا ن اد المئاااام ... لكن المواسم الي بعده حلوه ........... وفقت في اختياره يا اخ بقعه....... وانتظر الموسم السابع .....  بفارغ الصبرررروين التعب يا حبوب ....... تحيااااتي |
||||
|
23-09-2010, 10:44 PM
|
|
|||||||||||||||||||
|
مصمم مميز
|
انا اول ماشفت الحلقة الاولى وانا ماهضمته / بس كملته ولا وقفني الا الموسم الخامس هههههههههههه وان شاءالله نكمل ونوصل الموسم الـ 7 وصراحه المسلسل روعه ... <<< بس انت ( بقعه ) مزودهاشوي هههههه تسلم ع الجهد وبنتظار البداية.. تقبل ودي واحترامي. |
|||||||||||||||||||
|
24-09-2010, 05:58 PM
|
|
||||
|
الجمال جمال الروح
|
^^
واحشني ياخي :: The officeياخي مسلسل غريب .. حلقة في السما وحلقة تلعن فيها ابو اللي اخترع المسلسل وكتب الحلقة .. بس يكفي منه تواجد رجل الكوميديا الاول حاليا ستيف الخبل .. ملح المسلسل  .. عليه طلعات بنت 66 كلب في حلقات تكون غبية لكن تشفعلك فيها طلعة لها الخبل وفلم من افلامه يسلمو بقعة والطائر الاحمر على التقرير الفنطاسطيك  ومتابعين ان شاء الله |
||||
|
| الكلمات الدلالية (Tags) |
| مايكل سكوت, أفضل مسلسل كوميدي, أوفيس 2010, أطلق مكتب, بقعة ضوء عاهه هههه, the office, عربجي ازلب مشرف ق١ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
.. 
