 |
 |
 |
 |
 |
 |
 |
 |
 |
30-09-2010, 02:43 PM
|
|
|||||||||||||||||||
|
راعي فزعة
|
عالم التويتر شروحات - استفسارات (موضوع تفاعلي)
 تويتر .. عالم التدوين المصغر كثير منكم سمع عن موقع تويتر العالمي وخاصة بالفترة الاخيره اشتهر بشكل كبير عربياً , لكن كثير ما يدرون وش قصته واشلون يستخدمونه ! موقع تويتر هو عبارة عن موقع اجتماعي يصنف مع الفيس بوك والفورم سبرينج وتمبلر , لكنه له مميزات وخصائص ما تلاقيها بغيره .. بكل بساطه هو موقع تكتب فيه الاشياء اللي تدور ببالك , اشياء تحصل حولك وتكتبها مباشره وتشاركها مع الفريندز تبعك , لكن بالفترة الاخيره تغير محتوى الموقع صار اكبر من كذا بكثير , صار الحين فيه نقل مباشر للمؤتمرات من قلب الحدث مدعم بالصور والفيديو بعض الاحيان واغلب المؤتمرات التقينه الحديثه يضعون شاشه فيها الصفحة اللي تتحدث عن المؤتمر بموقع تويتر ويشوفون كلام الناس حول العالم مباشرة .. صارت الاخبار فيه تنتقل بسرعة البرق والحديث فيه مثل شات كبير يتكلم فيه الناس عن الاحداث اللي تهمهم بشكل واضح وبدون رقابه صار موقع يضرب له الف حساب الفرق بين تويتر والفيس بوك ! الفيس بوك للتواصل مع اصدقاءك اخبارهم صورهم والحوادث الاجتماعيه وتقدر تاخذ راحتك فيه لكن ما تقدر تتكلم فيه عن شيء عام او يشاركك الحديث ناس من كل مكان مثل تويتر وعن تجربة شخصية اشوف الفيس بوك اكثر تعقيداً وما فيه خصوصية مريحة عكس تويتر .. تويتر والمدونين .. يعتبر تويتر منصة مميزه لنشر التدوينات الخاصة بالشخص والروابط افضل بكثير من الفيس بوك لان الرابط بتويتر ممكن ينتشر بشكل سريع جداً لاكثر من خمسة الاف شخص بلحظة فلذلك كثير من المدونين نلاقيهم بتويتر .. اختر اصحابك بنفسك .. بتويتر تقدر الناس اللي لهم نفس هوياتك , مثلاً تحب التصاميم تلاقي مصممين واجد وتحصل منهم انتقادات لاعمالك او تلاقيهم يعطونك اخر اخبار برامج التصميم روابط دروس وتشوف اعمالهم اول باول , تحب الالعاب تلاقي هناك اخبار الالعاب اول باول واسرع من اي مكان ثاني روابط يوتيوب لاحدث الالعاب وتعليقات على العاب جديده .. نفس الشيء بالنسبة للرياضه والكتب والثقافة هناك حتى لو كانت معك هواية جمع الطوابع بتلاقي اللي يشاركك الاهتمام وتصير تتابع كل ما يكتبه اول باول الاخبار اول باول .. تويتر نفس حالة البي بي , تلاقي اخبار توصل قبل ما توصل بوسائل الاعلام من كل العالم وتنتشر بسرعة هناك فهو مكان مناسب لتتابع اخبار العالم بكل سهوله . هذا كلام عام عن تويتر يمكن اخطأت ببعض الاشياء والمقارنات لكن محاولة لتوضيح اهداف الموقع ! الحين ما بقى غير شرح المصطلحات وبعدها شرح التسجيل وبعض البرامج والروابط اللي ممكن تبدأ من خلالها مشوارك بتويتر .. المصطلحات .. التويته التويته هي الكلام اللي تكتبه بالموقع . اذا جيت تكتب ما تقدر تتجاوز عدد 140 حرف وبالتالي تويتر ما ينفع للكلام الطويل والنقاشات المطولة لكن مثل ما يقولون لكل مشكلة حل في مواقع توفر لك مساحة تتكلم فيها براحتك وتنعرض بتويتر بشكل رابط وبعد مدة مشكلة الاحرف تختفي ويتأقلم الشخص مع الوضع .. Following اذا قابلت يوزر وعجبك كلامه وحبيت تتابعه تضغط على زر Follow ويصير موجوده بقائمة الفلووينج عندك يعني الاشخاص اللي متابعهم انت . Followers اذا شخص قرر متابعتك راح يظهر بقائمة الفلويرز عندك. Mention في حال ان شخص كتب تويته معينه وحبيت تعلق عليها وتوجه له الكلام ممكن تضغط زر ال replay وبالتالي تلاحظ انه يوزره مسبوق بعلامة @ بتظهر ببداية التويته . الحين هو عنده مكان يسمونه ال Mention اذا ضغط عليه بيطلع له اي كلام موجه له ويعرف انك رديت عليه. Retweets اذا قابلت تويته عجبتك وحبيت الاشخاص اللي متابعين لك يشوفونها تقدر تضغط على هذا الخيار وراح تنتشر بصفحتك باسم الشخص اللي كتبها وهذي من ابرز طرق انتشار الروابط. Lists بعض الاحيان يصير بحسابك عدد كبير من الاشخاص اللي تتابعهم , بالتالي صار في خاصية القائمة , مثل التصنيف مثلاً تسوي لسته لليوزرات اللي تهتم بالالعاب ووقت ما تبي تعرف وش كتبوا تروح للسته وتشوف كلامهم وبالتالي تسهل عليك متابعة الاحداث بحسابك تقدر تحمي اللسته تبعك ما يقدر احد يشوفها وممكن انك تخليها منشورة ويجي شخص ما تعرفه ويتابع اللستة اللي مسويها يعني بدل ما تجمع اشخاص يهتمون بالتصاميم وتسوي لهم متابعه بحسابك ممكن تلاقي لسته للمصممين وتتابعها وتريح نفسك. Direct Message اذا حبيت ترسل لاحد رساله خاصة هناك لابد يكون مسوي لك فلوينج عشان ما تنتشر الرسائل الدعائية وغيرها وطبعاً الرسائل لها نفس العدد من الحروف المحدده .. الهاش تاق # بعض الاحيان يصير في حدث معين يتكلم عنه الاشخاص بتويتر , فاخترع لهم الموقع ما يسمى بالهاش تاق واي شخص يقدر يعمل هاش تاق حسب الحدث اللي يبيه والهاش تاق يكون عبارة عن كلمة او اختصار توضح الحدث مسبوقة بالعلامة # فمثلاً برمضان كان في هاش تاق باسم 6ash ويتكلم فيه الاشخاص عن طاش باعطيكم مثال على تويته يكون فيها هاش تاق
والهاش تاق ممكن تشوفها بصفحة منفصله وهذا مثال على صفحة هاش تاق لمسلسل ديكستر http://twitter.com/#search?q=%23Dexter تقريباً هذي هي ابرز الاشياء اللي ممكن يحتاجها الشخص ببدايته بتويتر وما بقى غير شرح التسجيل ..  |
|||||||||||||||||||
|
|
30-09-2010, 02:44 PM
|
|
||||
|
من أبطال الكتيبة
|
- شرح التسجيل
اول شيء نبدأ برابط الموقع | www.twitter.com | تدخل عليه وتختار Sign Up  وبعدها نكتب البيانات المطلوبة مثل الصورة ..  اسم المستخدم هو اللي بيصير برابط صفحتك واسمك الكامل بيطلع ضمن بياناتك .. بعدها تكتب الكلام الموجود بالصوره في حال كانت الحروف غير واضحة اضغط على Get two new words وبعدها نضغط Finish  بيطلع لنا الحين 3 خطوات لاضافة بعض اليوزرات لحسابك كبداية .. الخطوة الاولى:- حسب الاهتمام تضغط من القائمة باليسار على الاشياء اللي تهتم لها وبتلاقي يوزرات بنفس التصنيف اللي اخترته وبأمكانك تضغط على next step لتجاوز هالمرحله ..  مثلاً لو اخترنا sport بنلاقي يوزرات تهتم بالرياضة ويوزرات لقنوات ومواقع رياضية ويوزرات رياضيين مثل هنا بتلاقون يوزر كريستيانو رونالدو ومكتوب عنده Verified يعني تم التحقق من ان هذا اليوزر لكريستيانو نفسه ..  بعد ما تخلص من هنا نضغط على next step الخطوة الثانية:- بتكون لمعرفة اصدقائك من جهات الاتصال المسجلين بتويتر تكتب الايميل والباس وتخليه يدور لك بين جهات الاتصال عندك ويعطيك اليوزرات المشاركة بالموقع..  الخطوة الثالثة:- بتكون بحث اكتب جمله او اسم شخص بعينه وهو يطلعه لك وانت تختار اليوزر اللي تبيه..  مثلاً لو كتبت سلمان العودة بخانة البحث راح يطلع لك اليوزر الخاص بالشيخ سلمان العودة  وبالاخير نضغط على next step You're done وبكذا نكون خلصنا التسجيل بالموقع ونذهب مباشرة للايميل عشان يتم التحقق من صحة الايميل مثل اي موقع ثاني .. |
||||
|
|
|
30-09-2010, 02:45 PM
|
|
||||
|
راعي فزعة
|
هذي هي واجهة الموقع الرئيسية بعد ما تسجيل دخول وهذي هي الصورة  1- Home وهذي يوصلك للصفحة اللي حنا فيها الحين الصفحة الرئيسية 2- profile هذا يفتح لك صفحتك الشخصية مثل ما يشوفها الناس وتلاقي فيها التويتات اللي كتبتها 3- settings الاعدادات فيها اشياء واجد لكن اهم شيء فيها هو الخصوصيه اذا فتحت الاعدادات باول شيء بتقابل هالصفحة  2- يقول لك اذا تبي تويتر يحط علامة وين المكان اللي انت فيه بالضبط يعني ممكن تكون بمطعم مشهور او بمنطقه معروفة وتلاقي تويته تعلم العالم بمكانك , كثير يفضلون ان هالاختيار يكون معطل 3- هذا يظهر لك روابط الصور و اليوتيوب بدال ما تكون مجرد رابط تطلع لك صورة أو فيديو .. 4- هنا لو فعلت هالخيار بيصير حسابك مقفل ولا احد يقدر يشوف تويتاتك لين يرسل لك طلب وانت تسمح له او لا براحتك , ينفع للي ما يحبون اي احد يعرف وش قاعدين يسوون ! 5- تحفظ الاعدادات , احتمال انزل باقي الخيارات بالاعدادات بموضوع ثاني ان شاء الله نقرتين لعرض الصورة في صفحة مستقلة 4- Sign Out تسجيل الخروج من الموقع 5- What’s happening المكان اللي تكتب فيه التويته , فوق عاليمين موجود 140 وهو عدد الاحرف المتبقية لك وبعد ما تكتب تضغط على زر tweet وتحت نافذة الكتابة بتلاقي اخر تويته نشرتها .. 6- following هنا بتلاقي اليوزرات اللي انت مسوي لها متابعة وممكن تحذف يوزر تتابعه او اذا تبي ترسل له رسالة خاصة الخ 7- followers هنا اليوزرات اللي تتابعك تقدر تشوفهم او تصير تتابعهم وتقدر تسوي بلوك اذا ما تبي شخص يتابع الكلام اللي تكتبه 8- Listed تلاقي هنا اي لسته انت مسويها او مسوي لها فلوينج او هي مسويه لك فلوينج .. 9- الـ Mentions الخاص بك تلاقي فيه اي تويته كتب فيها احد يوزرك او كان يوجه لك كلام 10- Direct Messages الرسائل الخاصة بك وبتلاقي على يمينه الرسائل الغير مفتوحة .. 11- Favorites اذا في تويته جازت لك ممكن تعلم عليها كفيفورت وتقدر ترجع لها من هنا وقت ما تبي 12- Retweets اذا ضغطت على الريتويت راج تطلع لك هالصفحة  وفيها 1- هنا التويتات اللي تمت اعادة ارسالها من قبل الاشخاص اللي مسوي لهم انت فلووينج .. 2- هنا بتلاقي التويتات اللي انت قمت باعادة ارسالها 3- هنا بتلاقي التويتات الخاصة فيك اللي قام ناس ثانين باعادة ارسالها 5- تحت كل ريتويت بتلاقي مكتوب عدد الاشخاص اللي قاموا باعادة ارسالها وبعض من يوزراتهم .. 13- Lists هنا تلاقي اختصار روابط لل lists تكون اقرب .. 14- Trending هنا تلاقي اعلى عدد من التويتات لهاش تاق معين , يعني اكثر شيء بتويتر يتكلمون عنه بهاللحظة , مثلاً ايام كاس العالم والنهائي تلاقون هاش تاق النهائي هو اكثر شيء يتكلمون عنه , طبعاً نادر يكون موجود شيء عربي لقلة عدد المستخدمين العرب مقارنه بالاجانب .. 15- هنا بيكون موجود الكلام اللي يكتبه الناس اللي مسوي لهم فلووينج اي احد يكتب شيء يطلع لك مباشرة بدون تحديث وعلى كثرة الفلووينج اللي عندك تكون التويتات تتغير بشكل سريع , يعني اول كان يومياً اقدر اتابع كل شيء ينكتب على مدى يوم يومين , لكن بعد فترة ما عاد تقدر تلحق تقرأ التويتات وتحتاج تتعامل مع الـ list بكثرة عشان تكون متابع بشكل جيد وهذي ابرز الاشياء بصفحة الهوم الحين لو جيت تبي تشوف بروفايل شخص وتسوي له فلووينج , تضغط على رابط صفحته مثال هذا رابط صفحتي هناك www.twitter.com/3NEED_12 وهذي الصورة من البروفايل  نبدأ الشرح 1- هنا اذا تبي تسوي لليوزر following او تبي تلغيه unfolowing 2- هنا اذا تبي تكتب شيء للشخص ذا يعني ياخذ يوزره ويحطه لك بالتويته اللي بتكتبها 3- اذا تبي ترسل له رسالة , ولابد يكون مسوي لك فلووينج عشان توصله 4- اذا تبي تسوي فلووينج لليوزر برضو 5- بلوك لليوزر ما يقدر يتابعك .. ما تقدر تتابعه .. يقدر يعرف إنك بلكته .. و يقدر يدخل صفحتك عادي و تقدر تدخل صفحته عادي .. طبعا بمجرد ما تبلك احد بعد دقيقة ينحذف إذا كان متابعك ..يعني ممكن تتراجع قبل دقيقه أو 30 ثانيه ماني متأكد .. و إذا كتبت تويتات كثيرة في الدقيقة راح يعطيك تويتر بلوك تلقائي مدة خمس ولا عشر دقايق .. 6- السبام , هذي هي اليوزرات الاليه اللي تضيف ناس من اجل نشر دعائيات معينه اذا قابلت واحد منها اضغط على هالزر لين يعرفونه تويتر ويحذفون اليوزر 7- التويتز , هنا تلاقي التويتات اللي كتبها هذا اليوزر 8- الفيفورت , هنا تلاقي التويتات اللي علم عليها اليوزر بانها بالمفضلة 9- list , القوائم الخاصة بصاحب اليوزر او القوائم اللي يتبعها .. 10- هنا يعطيك اليوزرات اللي انت وهذا اليوزر مسوين لها فلويينج 11- الفلوينج , هنا تلاقي اليوزرات اللي مسوي لها صاحب هالصفحة فلوينج 12- هنا بتلاقي تويتات صاحب الصفحة بكذا خلصنا اهم الاشياء بتويتر تقريباً في واجهة جديده تنتشر بين المسجلين لكن للحين ما وصلتني فما اقدر اشرح عليها شيء واذا وصلتني باحدث الشرح ان شاء الله , وبرضو في اعدادات خاصة بالاستايل العام للصفحة ممكن اشرحه بوقت ثاني .. بالاخير احب اشكر العضو M على مجهوده اللي بذله وماشاء الله عليه بكل موضوع بطل الاحظ انه لابد يكون له لمسة فيه الف شكر ما توفيك حقك  .. وشكر للاخ هرامس اضاف لي بعض المعلومات وحدثت الموضوع ملونه باللون الاخضر 3NEED  M  .
آخر تعديل العنيد12
في 03:30 PM.
|
||||
|
|
|
30-09-2010, 02:51 PM
|
|
||||
|
قائد مسطولي عظيم
|
شرررح بططل من جد احس انكم مطلعينها من كل قلبكم  .عاد دوروا العنيد والريم عند تويتر << 24 ساعه مسنترين هناك .اتمنى تقبلون بصمتي في هالموضوع والله انه طلقه وشرررح ابدااااع من جميع الجهات  .اشكرررركم وماقصررررتم والله |
||||
|
|
|
30-09-2010, 03:27 PM
|
|
||||
|
Fluent E Speaker
|
شكله بطل الفيس بوك ادمان مع اني مدري يعني ليه مدمن عليه على فكره بالفيس بوك ودي اقترح من زمان ليه مانسسوي مجموعه بأسم حارة المساطيل هناك لاازم يعني احس ابنكششخ تويتر ابجرب هالموقع وشووف العنيد + m الله يعطيكم الف عافيه ع هالششرح المتعوب عليه وفالكم المتحف |
||||
|
|
|
30-09-2010, 03:58 PM
|
|
||||
|
مشرفة المسنجريات
|
 لي حساب بالفيس بوك فتحته مره وحده ولفيت بالفيس بوك وماعجبني حدي المسن ويخب علي بعد  بجرب اكشخ واشوف التويتر عساني ما اطيح فيه طيحه شنعاء يعطيكم الف عافيه العنيد+ m شرح روووعه وواضح لاعدمناكم  |
||||
|
|
 |
| الذين يشاهدون محتوى الموضوع الآن : 18 ( الأعضاء 0 والزوار 18) | |
| أدوات الموضوع | |
|
|
|
|
