 |
 |
 |
 |
 |
 |
 |
 |
 |
21-12-2010, 09:16 PM
|
|
||||
|
من شيوخ الحاره
|
في حال ورجع انسوا من الاعاره كوني ينقلع بحريقه عليهم الثنين بخصوص كومولي اسكت بس  ! من اول يوم تعين به روي صارت الصحافه تربطنا بأسماء اقل مايقال عنها فاشله من كارتون كول تبع ويستهام ... وغيره من العاهات لكن مع تعيين كومولي تحسنت الاخبار وهذا شي حلو .. كومولي كلب وكشّاف درجة اولى .. هو الي جاب هالمواهب لتوتنهام وراح لسانت ايتيان وجاب لهم مواهب وصاروا شي صعب بالدوري الفرنسي ... هو الي جاب قاريث بال وبنتلي وغيرهم من المواهب لتوتنهام .. شخص فاهم .. وهنري عينه عشان روي لا يتحكم بالصفقات ويجيب فاشلين مثل بولسون .. وبخصوص تصريحه الاخير لا تلقي له بال هذا اذا كان صحيح .. ما اقدر اتكلم عن الاعبين الي ارتبطنا بهم لأنهم تجاوزوا الالف خخخخخخخخخ .. ابرزهم هازارد لاعب ليل الفرنسي لاعب خالع عمره 19 سنه ..وهوندا الياباني لاعب سيسكا موسكو .. واشلي يونغ لاعب استون فيلا .. واثق ان واحد من هالثلاثه بيجي بيناير .. وعلى مستوى المهاجمين ارتبطنا بسواريز ونوري شاهين التركي مهاجم دورتموند وانزوبيا لاعب ويغان وغيرهم وكلهم ممتازين .. يناير بالنسبة لي شبه ضامن نجاحه مع شخص مايحط القرش الا بشي يستاهل وهو هنري  وشخص كشّاف مواهب مثل كومولي لكن بيكون انجح بالنسبة لياذا انقلعوا الثلاثي بولسون وكونشيسكي وروي هودجسون  !!
|
||||
|
21-12-2010, 09:19 PM
|
|
|||||||||||||||||||
|
من شيوخ الحاره
|
بالنسبة لقضية سيسك هالشيء تقدر تقول عنه صار بين أدارتين ( الأدارة السابقة والأدارة الحالية ) وكلهم خضعوا لشيء واحد وهو الفيصل هنا نتكلم عن " رغبة سيسك " .. الأدارة الأولى مااعطت الأحترام لأدارة ارسنال هالشيء محد ينكره عشان كذا طبيعي الأرسنال يطلع ببيان بأنه رفض عرض برشلونه ولازم يحترمون رغبة النادي بأستمرار سيسك , حتى العرض ماكان محفز لهم عشان يقعدون على طاولة التفاوض " المبلغ 20 مليون ورفعته الأدارة إلى 30 مليون .. يعني الأدارة الأولى كانت تبي سيسك وكانت تخفّض المبلغ وتلعب على وتر رغبه فابريغاس وهالشيء طبيعي يصير ورقة ضغط على أدارة أرسنال عشان يطلع البارسا بزرفه محترمة والبيان اللي اصدره أرسنال طبيعي انه يحرج أدارة برشلونه اللي هي رايحه رايحه بالأساس .. هنا الكلام خلص عن الأدارة الأولى .. الأدارة الثانية كانت مرنه وأكدت انها تحترم أدارة الأرسنال على الأطلاق وهالشيء قاله نائب الرئيس جوسيب ماريا " نحترم قرار الأرسنال بعدم بيع سيسك " وبآخر مؤتمر للأدارة بيّنت ان رغبه سيسك هي اللي خلتهم يدخلون المفاوضات .. يبو جبهة على الأقل انكرش ببيان رسمي .. ولايقولون عن أدارتي أنها عصابة خخخخخ  .................................................. .............. أنشدوا مضيّعه .. كان قلبي حاس ان بيصير له شيء هاليومين ..
آخر تعديل أبو سالم
في 09:25 PM.
|
|||||||||||||||||||
|
21-12-2010, 09:25 PM
|
|
||||
|
Global Footballer
|
اخر الاخبار
 جونسون مطلوب في اليوفي  بيتنر مطلوب في لاتسيو  لليفر يبي قلب دفاع برمنقهام  وست هام يبي روبي كين إعارة ستة شهور  ادارة الفيلا تأكد بقاء يونغ حتى نهاية عقدة  المانيو ناوين على كارول ,, ويقولون السبيرز مجهز صفقة انتقال كراوتش مقابل كارول وفوقها كم مليون !!ابرز الاخبار ,,  |
||||
|
21-12-2010, 10:07 PM
|
|
|||||||||||||||||||||||
|
Global Footballer
|
موب البلف و بس للاعب نفسه على صفحة مدري بأي موقع قال إن حلمة إنه يلعب للمانيو ولايفكر أبد يطلع من المانيو الزبدة انه موب طالع  ,, ريال مدريد مابقىلاعب ماارتبط اسمه مع الريال خصوصاً بالهجوم ,, دزيكو , الخال ثاني لي يسمونة درقبا الجديد الفرنسي اظن مهاجم بلباو و الخنزير واسماء واجد ماتخلص !! ميكسس بينتهي عقدة نهاية هالموسم ويبيطلع من روما .. تشلسي يبيه مع الميلان وارسنال و لليفر ,, للاعب مايفكر بالفلوس ابد !! مصدر
آخر تعديل أحتمال دجينا
في 10:13 PM.
|
|||||||||||||||||||||||
|
22-12-2010, 12:47 AM
|
|
||||
|
معزبة المجلس
|
 ياربيه يالبلوز ترا دزيكو حنا نبيه من اول يعني وخرو بس قريت قبل اسبوع ان الريال ارسل مبعوث خاص ل المانيا عشان ينهي هالصفقه عاد مدري وش صار عليها   سمعتوا عن المثل الي يقول شين وقوي عين !! ايه هو بالضبط ينطبق على بيبي الي للحين صامل يبي 6 ملايين يقول وش زود تشابي وابو كدش عني ؟ يخرب بيتك وش قدمت انت للفريق عشان تاخذ 6 ملايين وتقارن عمرك بالونسو وابو كدش ، على لعبك المخيس وحواقك المفروض مشغلينك لاقاط كور او حارس امن بالبرنابيو وتحمد ربك مهوب عاد تلعب للملكي وتتشرط بعد تبي 6 ملايين خخخخخ !!قريت اليوم ان جاته عروض من انجلترا ، والاخ نشبه يبي يقعد بالريال و الاس تقول ان موري قاعد يقنعه بال 4 ملايين ويحمد ربه بعد  شالكه حاطين عينهم على قاراي ، مدري يعني مايكفي عليهم ميتزلدر و راؤؤل  اليوفي يبيه ، صحيح اننا نعاني منه حاليا بس ياحظكم فيه مقدما
آخر تعديل Rєємα
في 12:50 AM.
|
||||
|
22-12-2010, 01:27 AM
|
|
||||
|
مشرف الملعب العالمي
|
 ارتباط مانشستر بـ " كارول " أتوقع انها اجتهادات صحفيه لا أكثر !.. اللاعب ارتبطبـ ليفربول / تشيلسي / توتنهام !.. السير ماراح يفكر فيه .. النادي يمتلك أكثر من مهاجم .. روني ، بربا ، هيرنانديز ، ماكيدا ، ويلباك .! لو استثنينا " أوين " المصاب ..! مافيه أي نقص بـ خانة الهجوم .. السير لو فكر بـ مهاجم .. ماصمل على اوين للفتره ذي ..! النادي محتاج .. لاعب ارتكاز / لاعب وسط ..! بالانتقالات الشتويه فقط ..!!! غير ان نادي نيوكاسل حالياً يقدم مستويات حلوه ويعتمد بشكل كبير على كارول .. صعب يفرط فيه بالمرحله والسن هذه ..! وهو مهاجم انجلترا بالمستقبل ..!وتصريح مدرب النادي ( آلان باردو ) يؤكد كلامي " اللاعب ليس للبيع " ..! ان شاء الله الخبر صحيح ونشوفه بالفريق قريب ..! العاهه ذا جالس يريّش بمانشستر يونايتد وذكر انه أفضل نادي بالتاريخ !.. وأكبر غلطه بحياته انه ترك النادي .. وسبب مشاكل في الفترة الأخيره الي قضاها معهم ..! هههههههههه يحاول يكسب جمهور الفريق قبل مباراة الاياب في مسرح الأحلام هههه ..! |  المهايطي فاز بـ جائزة أفضل لاعب شاب في أوروبا !.. والمركز الثاني للاعب الأرسنال" جاك ولشير " !.. بعدها سألوه عن ولشير قال : ماأعرفه المره القادمه اذا لعبت ضد الأرسنال بـ أحاول اركز عليه هههه وممكن اوريه بالجائزه وأذكره اني انا الي فزت فيها هههههههه ..! وذكر انه أفضل لاعب حقق الجائزة في التاريخ .. وانه أفضل لاعب في العالم ومافيه أحد أفضل منه الا ميسي بـ قليل هههههههههههههههه !.. والباقي أقل منه ..! ملاك النادي يرفضون بيع النادي للأسرة الحاكمه القطريه  ..! |
||||
|
22-12-2010, 03:02 AM
|
|
||||||||||||||||||||||||||||||||||||||
|
Global Footballer
|
حتى شبية درقبا الفرنسي .. نفس الكلام يقولون من قوة الاخبار انه خلص مع الريال يقولون ارسلوه يتعلم للغة الاسبانية !!
من حقة الريال فتح على نفسة باب صعب يقفلة يعني ذا بتعطي هذا بيزعل الثاني ياتعطيني زيه ولا بطلع .. بيطلع اكثر من للاعب على هالمنوال !! |
||||||||||||||||||||||||||||||||||||||
|
22-12-2010, 03:30 AM
|
|
||||
|
Futbolista
|
 يرحم امك انتقل وراتبك علي ،، لاعب عجزت اهضمه ابد اللاعب اللي من اول ماتشوفه يستحي وضعيفه شخصيته لاتأمل منه شي ابد ،، بنزيما مايتحمل أي ظغط عليه بعد أي هجمه يضيعها على طول عينه لمورينيو يشوف ردة فعله ! هيقواين على دباشته وانانيته افضل منه الف مره ويمكن من الظلم يقارن فيه ،، مورينيو مل وهو يطلب من الادارة مهاجم يشيل رقم 9 بجداره ،،مادري من المهاجمين المتوفرين بالسوق بس اللي اتمناه لورينتي اسباني + قناص + صغير بس ماتوقع الصلب يفرطون فيه بالساهل ،،  6 مليون !! وش عليه ؟!! على نكباتك للفريق ! هاللاعب ماينظمن ابد كل ماقلت تطور مستواه ويستاهل التجديد فجأه ينكب بكوره سهله تضيع مجهود الفريق من قال قول انزاقي الاول ؟! يحمد ربه 4 مليون والا الله يسهله ويجي بداله ديفيد لويس ،،
|
||||
|
22-12-2010, 08:13 AM
|
|
|||||||||||||||||||
|
Global Footballer
|
إيه صح عليتس .. أنتم أوّل ناس فاوضتو اللاعب .. حتّى من قوّة أولويتكُم كنتُم تفاوضُونه وهو بزر يوم إنّه يلعب بالبوسنه بنادي زيليزنكار كيه .. ماشاء الله الزرفه عندكم ماتبي شئ .. ولا بعد من أول وأنتم تبونه خخخخخ .. على أساس إن ناديكم ماعرف اللاعب الا يوم لبس فانيلة الميلان .. ولاّ صح نسيت .. أثاري الميلان نادي زلابه وكان ما يفاوض ويتعاقد الا مع شيبان .. ومع الوقت زادة خبرتُه وغيّر من طبيعة تعاقداته .. وصار يتعاقد مع اللي متهاوشين مع أنديتهم .. الاّ صح .. إلى الحيت تبون بيل اللي يلعب " ظهير ايسر " هههههههههههههههههه .. جمهوركم تحفه   .. الا على طاري دزيكو .. ترا اللاعب كان يتشحذ الميلان من سنتين تقريباً .. وكل ميركاتو صيفي يسحبون عليه الإداره ويقولون الصيف الجاي إن شاء الله .. وبالصيف اللي راح سحبو عليه الميلان بعد ، وراح ووقع مع الفولسفورغ إلين 2013 .. ومن البنود اللي بالعقد إنه يقدر يطلع بالصيف الجاي إذا يبي .. لكن الموسم ذا يبونه يقعد معهم .. إلا إذا كان فيه نادي مستعد ينق 40 مليون يورو للاعب المهم واللي أبغا أوصل له .. إن اللي قعد سنتين يتمخطر للميلان ويصرح إنه يحترق علشان يلعب للميلان .. مهوب عايقه معُه يصبر إلى الصيف الجاي .. وقت مانكرش إبرا إن شاء الله ونجيب ذا يعيد لنا اللي سواه شيفا بصيغة HD ههههههههههههههههههه .. " " بالنسبه لميركاتو الميلان .. مع إن ودّي بظهير بدال أنتويني .. وصانع ألعاب بدال دينهو اللي بينكرش ، وعبدتنا اللي ماتضمنها بكل مباراة .. زياده على كاسانو اللي ماباقي الا إنهم يلقون القلم ويعطُونه يوقّع .. الا إنّي منيب متفائل واجد بالإداره إنها تجيب لنا اللي مأملين فيهم .. اللي يعرف إدارة الميلان زين ، يدري إنهم مستحيل يضربون ضربتين ورا بعض بالسوق .. جابو إبرا وروبينهو بالصيف وسوو شئ خرافي بآخر السوق .. وبهالميركاتو ناوين على كاسانو .. ومع إنّهم محتاجين تدعيم أكثر للفريق كانهم ناوين يدزّون بالأبطال .. إلا إني أتوقع الإداره حاطه عينها هالموسم على الدوري ، وتسانهم تفلتو يبي ياخذون الكأس خخخخخخ ..يعني هم يبي يخلُون المسأله تدريجياً .. جابو مدرب له نظره - ويمكن مستقبل - بأول الصيف .. بعدها جابو لاعبين سوبر ستار ، والثالث بالطريق .. ويبي يختمون هالموسم بدوري بأقل الأحوال ..ومع الموسم الجاي .. راح يكون عندك مدرب فاهم الفريق .. لاعبين كبار ومنسجمين .. ثقة اللاعبين بأنفسهم تكون أقوى .. مع تدعيم بسيط للهجوم - دزيكو ههههههه - علشان كذا أشوف إننا مانضغط على الفريق ونطلب ونتمنى أشياء صعب ناصلها بهالسرعه .. خصوصاً الأبطال ما أتوقع ناصل بعيد هالموسم ، ودور الـ 8 أشوفه شئ طيب لو ما نطلع بمهزله ..
الاّ على طاري دوري الأبطال .. ودّي إن توتنهام يبدعون معنا بالأبطال علشان تلتفت الإداره للجواهر اللي معهم .. كل اللاعبين اللي ينقصون الميلان تحصلهم هناك .. مفصّل لعاهاتنا ذا الفريق .. أجنحتهم " بيل - لينون " كلهم خرافيين .. ولاّ " مودريتش " اللي تحس إنّه ظالة الميلان بهالفتره .. يالبّى أناقتُه بس
آخر تعديل Mr.13
في 08:20 AM.
|
|||||||||||||||||||
|
22-12-2010, 01:05 PM
|
|
||||
|
Global Footballer
|
 ايفا قرريب من تجديد عقدة مع البلوز  بكذا نقفل سوالف طلب الانتر للاملح  برضو الادارة ناوي على تعزيز لـخط الدفاع فيه كلام من موقع ابوريالين إنه ناوين على مدافع لاتسيو رادو صغير بالعمر 24 باقي سنة ونص على نهاية عقدة إن شالله يجي وكيل اعمالة اكد وجود عرض من اندية الدوري الانجليزي " فيس يناظر بوالعربي " !!
آخر تعديل أحتمال دجينا
في 01:10 PM.
|
||||
 |
| الذين يشاهدون محتوى الموضوع الآن : 5 ( الأعضاء 0 والزوار 5) | |
| أدوات الموضوع | |
|
|
|
|
