 |
 |
 |
 |
 |
 |
 |
 |
 |
10-01-2011, 05:23 PM
|
|
||||
|
المتحدث الرسمي
|
[حـِوارات رياضية ] المـال والرياضه في أوربا
السلام عليكم ورحمة الله وبركاته ..
. موضوع النقاش هالمره بخليه عن المال والبزنس بكرة القدم الحاليّه .. وبالفتره الآخيره صرنا نشوف إنه هو الأساس .. معك دراهم وراس مال تقدر تضبّط لك فريق خرافي .. مامعك دراهم حاول تضبّط وضعك وتقعد أطول مده بالممتاز  ... قيمة الصفقات صارت تزُود بكل موسم .. وكل سنه نشُوف أرقام خياليّه قاعده تندفع للاعبين .. لدرجة إن بعض الأنديه صارت ميزانيتها تقارب ميزانيّة دوله متوسطة العدد ! .. بموسم 2009 إنتقل كريس لريال مدريد بقيمه خياليّه لخمت العالم كلها - 94 مليون يورو ! - .. بعدها ينتقل كاكا لنفس الفريق بـ 68 مليون يورو ! .. وباتو صرنا نسمع أخبار إن قيمته وصلت الـ 70 مليون !! .. أرقام خرافيّه قاعده تنعرض للاعب واحد بس ! والسؤال هنا .. الأنديه اللي ماتقدر تدفع وش تسوّي ؟ . نجي نسولف شوي عن الطريقه اللي يقدر يجيب فيها النادي الفلوس .. بالأول لازم كل نادي ينتج كميّة أرباح كل سنه علشان يدفع رواتب اللاعبين والديون اللي عليه .. وبالفتره الآخيره ومع إرتفاع أسعار بطاقات اللاعبين ، صارت الأنديه تحقق أرباحها بشكل صعب جداً .. حتّى إن بعضها مايحقق أرباح أبداً .. بالعكس بآخر الموسم تحصل عليه خساير ! عموماً أبرز الأشياء اللي يطلع منها النادي بأرباح ، أو نقول يجيب منها الفلوس .. هي الأعلانات على التيشيرت .. تذاكر المباريات .. القروض من البنوك .. وبيع التيشيرتات .. والنقل التلفزيوني .. وغير صفقات بيع اللاعبين والزرفات اللي فيها " خشة جالياني يبتسم ههههههههه " . أبرز الأشياء لمداخيل الأنديه .. وخصوصاً بالليغا .. هي مداخيل النقل التلفزيوني .. لكن المشكله بإسبانيا إن التوزيع عندهم حواق ويظلم أنديه واجد .. المشكله هنا وين ؟ .. المشكله إن الشركات بإسبانيا تفاوض كل نادي بشكل موّحد .. وهنا تصير الفايده الأكبر هي لرّوس الكبيره بالليغا " ريال مدريد - برشلونه - وباقي الأنديه تقشر بصل .. لإن الريال والبرشا ياخذون نسبه كبيره من فلوس النقل ، ويبقى شئ بسيط يتقسم على باقي الأنديه .. وهالشئ من حق الشركات طبعاً .. لإنها تدوّر أعلى نسبة مشاهده للمباريات .. وشئ طبيعي إنها ماتقدر تحصل هالشئ بالأنديه الثانيه .. لإننا نحتسي بالدوري الأسباني ياشباب ..ريال مدريد وبرشلونه ياخذون 150 مليون - تقريباً - كل موسم ، لكل واحد منهم ! .. هالمبلغ تقريباً دبل اللي ياخذه فالنسيا اللي بالمركز الثالث .. وكل ماتنزل مركز بترتيب الجدول دبّلها 3 أربع مرات ! .. هالمشكله تقريباً هي أبرز الأسباب اللي مخليه الفارق بالترتيب كبير قوّه بين الأول والثاني وباقي الأنديه .. والسبب واضح .. وهو لإن باقي الأنديه ماعندها الفلوس اللي تخليها تقدر تجيب لاعبين ويكونون قادرين ينافسون .. بالعكس فيه أنديه موب قادر ولاتدفع رواتب لاعبينها حتّى ! .. وهنا يكون النادي مجبور إنّه يبيع اللاعبين السوبر ستار علشان يقدر يعطي باقي اللاعبين مستحقاتهم ، ويسدد بعض الديون اللي عليه .. وناخذ فالنسيا اللي كان بالمركز الثالث الموسم اللي راح كمثال .. النادي إنجبر يبيع أبرز اللاعبين اللي عنده الموسم اللي راح " فيّا - سيلفا " علشان يسدد الديون اللي عليه ، ويقدر يكمل بناء الملعب حقّه ! هالشئ مايصير بباقي الدوريات الأوربيّه بخصوص النقل التلفزيوني .. بالعكس التوزيع عادل ومتقارب تقريباً بين الأنديه . بالليغا كثير من الأنديه فيها مشاكل بهالخصوص .. وتشوف دروب بالأنديه المتوسطه .. وتفاوت كبير بين الريال والبرشا وباقي الأنديه .. بوقت الدوري تحصل الإداره موب قادره تدفع رواتب اللاعبين ! .. ووقت الميركاتو الأنديه متقدر تتنفّس من الديون اللي عليها ، ومهيب قادره تشتري لاعبين .. هذا كلّه والأنديه الأسبانيه عندهم ضرايب أقل من الأنديه الثانيه - الإيطاليه مثلاً - " ومع إني سمعت إن الضرايب إرتفعت وصارت الأنديه الأسبانيه مثل غيرها ، لكن اتكلم عن المواسم اللي راحت " .. بإسبانيا اللاعب الأجنبي يدفع 24% من راتبه .. والمحلي يدفع 44% .. وكلها بظهور الأنديه ! . .  . الدوري الأسباني - وهو توّه مخلص الدور الأول بالدوري - .. الفرق بين الأول والثالث 10 نقاط .. يعني المركز الثامن أقرب له من الصداره ..هنا السبب بطريقة التقسيم التلفزيوني .. واللي بالأساس المفروض يكون هو الدخّل الأول للأنديه المتوسطه والصغيره .. وبالفتره هذي تأزم وضع الليغا وصار أكبر من إنه تقسيم نقل تلفزيوني ! . وموب بس بأندية الليغا .. حتى الكالتشيو ماسلم من ذا الأزمه .. وآخر خمس سنوات فريق واحد هو اللي ماسك خط بالدوري .. وقبل كم شهر نادي بولونيا يخصم منه نقطه من الإتحاد الإيطالي لإنه مادفع رواتب اللاعبين ! .. ومع إن تقسيم النقل بالكالتشيو أحسن بمراحل لو نقارنه بالليغا .. الا إن فيه مشاكل غير هالمشكله .. مثل الضرايب .. وإن الأنديه الإيطاليّه عكس الدوريات الأوربيه الثانيه ماعندها مدخول قوي من التذاكر .. والسبب هو إن الملاعب بإيطاليا كلها مملوكه للدوله ومافيه دعم من البلديات علشان الأنديه تسوي لها ملعب خاص بناديها .. . نفس الكلام عن البريمير والمشاكل اللي فيه .. أغلب الأنديه هناك تحقق نسبة خساير بكل موسم .. وغير الديون اللي على كل نادي .. حتّى آرسنال اللي مستحيل تشوفهم يجيبون سوبر ستار ، بالعكس تحصلهم يبيعون السوبر اللي عندهم .. مع هذا للحين عندهم ديون للحين ماسددوها .. . على العمُوم مشاكل المال بأوربا كثيره .. وأنا حاولت إني أجيب أبرز الأشياء اللي مسببه هالمشاكل بكل دوري .. وقبل فتره كنت قاري مقال باللاقازيتا يتكلم عن هالمشاكل .. والصحيفه طرحت حل يسمونه " Salary Cap " .. وكنت سامع ذا القانون كذا مره بكذا صحيفه .. حتى أذكر جالياني كان من الناس اللي تكلمو عنُه وكان يبغاه يطبّق بالكالتشيو .. واللاجازيتا تكلمت عن القانون وتعمقت وشرحت طريقتُه .. . والسالاري موب شئ جديد مطلعتُه الصحيفه .. أو هي مكتشفتُه .. هالقانون أخذتُه من السله واللي يطبقون عندهم ذا الخاصيّه .. وهي إن كل نادي يكون عندُه رقم معيّن للمبالغ اللي يصرفها ومايقدر يتجاوزُه .. يعني كمثال كل نادي محدد لُه إنّه يدفع 70 كل موسم كرواتب للاعبين .. وممنوع إن رواتب اللاعبين بالنادي تتعدى الـ 70 مليون .. وبكذا راح يكون لكل الأنديه سقف واحد للرواتب ماتقدر تتجاوزه .. بهالطريقه كل الأنديه تقدر تشتري اللاعبين .. وأسعار اللاعبين راح تنخفض .. والأنديه الكبيره تكون مثل الأنديه المتوسطه والصغيره بكميّة المبالغ اللي تدفعها .. فالأنديه بهالطريقه لازم تحاول باللاعبين إنهم يخفضون رواتبهم أو تتخلّص منهم ، علشان مايكون فيه صرف فوق الـ 70 مليون .. والسؤال اللي ينطرح هنا هو عن اللاعبين .. هل اللاعب مستعد ينزّل من راتبه ويقعد مع النادي الكبيره ويحقق البطولات ؟ .. أو يروح لنادي أقل ويكون قادر ياخذ الراتب اللي يبيه ؟ على العموم الفايد الأكبر من هالقانون .. هو إن الأنديه المتوسطه والصغيره تكون مستوياتها متقاربه من الأنديه الكبيره - عناصرياً - .. وهنا راح تزيد المنافسه بين الأنديه .. وماراح يكون الدوري يقتصر على الأنديه الكبير أو اللي معها الكاش مثل اللي صاير الحين .. والشئ الثاني هو إن الأنديه راح تحافظ على وضعها المادي .. لإننا لو نتعمّق بأندية أوربا عامه .. راح نشوف إن كل نادي يدفع أكثر من اللي هو قادر عليه ، علشان يكون قادر ينافس مع الأنديه الثانيه .. هالشئ مخلي فيه عجز مالي بالأنديه .. وربح قليل .. وكمية خساير كبيره .. هذا غير الديون . المشكله اللي راح تصير وقت تطبيق النظام .. هو إن الأنديه الكبيره واللي تدفع ، راح تتأثر كثير ويكون عليها ديون لإنها مسويه عقود كبيره سواء مع الإعلانات أو مع اللاعبين .. ووقت تطبيق النظام راح تصير موب قادره تدفع لإن عندها سقف ممنوع تتعداه .. علشان كذا لازم إن الإتحاد الأوربي يطبق النظام تدريجياً .. وبنفس الوقت يحط قيود تلتزم فيها جميع الانديه .. ويكون فيه متابعه للوضع المالي علشان مايكون فيه خرق للنظام .. ومن اهم النقاط اللي لازم يحرص عليها الإتحاد الأوربي هي طريقة الصرف .. وإن النادي مايصرف الا من المداخيل اللي تجيه - صوره لشيوخ العرب - .. غير كذا التوزيع العادل بين الأنديه للنقل التلفزيوني . ومع تطبيق القانون راح نشوف أشياء بطله من الأنديه .. مثل إنهم يعتمدون على الأكاديميات ، ومعها راح تكسب مواهب جديده بالكوره مع كل موسم .. ويكون فيه إهتمام أكبر باللاعبين الصغار . . بالآخير أعتذر على الإطاله .. لكن الكلام عن هالموضوع طويل وكل نقطّه تتكلم فيها لازم تتفرّع علشان تتضح الصّوره .. مع هذا حاولت أختصر . Mr.13 .
آخر تعديل الملعب العالمي
في 12:13 AM.
|
||||
|
|
10-01-2011, 10:59 PM
|
|
|||||||||||||||||||
|
ناقد سينمائي
|
،
المال صار من أساسيّات الكرة ، بدون سيولة ماليّة و كاش ما رح تمشي صح و بتروح وطي ! للأسف في الفترة الأخيرة بعض الصفقات الخياليّة مثل صفقة كريس أثّرت على الصفقات العالمية بشكل عام .. صارت الأندية تغالي بأسعار لاعبينها و تضاعفها بشكل ملحوظ و بجيح .. أجل باستوري بـ 70 مليون يا زامبريني ؟ حبّيت أتكلّم عن مدخول الأندية الإيطالية من التّذاكر .. و اللي للأسف في حالة يُرثى لها بقووة .. و فيه سبب مُهم ما ذكرته إنت غير ملكية الملاعب ، الملاعب بحد ذاتها قديمة و تحتاج لإعادة بناء ! باستثناء السان سيرو و الأولومبيكو .. لكن ملاعب إيطاليا فعلاً حالتها مُزرية .. و فوق كل هذا ما يحضر المباريات .. إلا دشير إيطاليا ، العائلات صارت تخاف من الحضور و هالشي أثّر على مدخول التذاكر بشكل رهيب ..السالاري شي ممكن يساعد كثير ، خصوصاً في دوري مثل الأسباني .. يعطيك العافية يالغالي 
ههههههههههههههههههههههه
آخر تعديل Mr.Keiton
في 05:13 PM.
|
|||||||||||||||||||
|
|
|
10-01-2011, 11:22 PM
|
|
||||
|
FIFA HERO
|
الله يعافيكم والله موضوع ممتـاز تطرقتو له
  حـلاوة الـدوريِ لا شفـت الفريق تجيه نكسه مـاهي طبيعيه ويحآول يصآرع على اللقب هـ الأمور متوآجده فـ البطولة الأنجليزيه , فيه منهـا يقآوم ومنهـا لا يخضع لهـا الأمور المآليه أصبحت أمور طبيعيه ومفروغ منهـا , اذا ماعندك مال ما تمشي عـلى قولتهم الكبيـر يآكـل الصغير , وهـ الأمر متوآجد بـ الدوري الأنجليزي أقرب مثآل السيتي وثورته اللي جآلسة تصير الأن , يُنافس ع الصداره بقوه بينمـا المـان يونآيـتد اللي يغرق فـ الديون يتصدر البـطولة ويسير صح بس هُنـاك فروقآت كبيره وأهمهـا العقلـيه الأداريه الفـذه واللي يمتاز فيها السير لي عَودة بلا شك مُفصـله بأذن الله بس حبيت أبدي رائي فـ الموضوع وأهنيكم عليه والله |
||||
|
|
|
15-01-2011, 09:35 AM
|
|
||||
|
Global Footballer
|
... المال بالفعل هو عصب الحياة ,الحلم وهو الحلم تشتريه بمالك --> السفر للفضاء ابتكلم عن البوندزليغا مادري اذا هم يطبقون حقوق النقل مثل الليغا والا لا ! بس اللي اعرفه ان ضرايبهم توجع كاهل الاندية ’ في المانيا يعتبر (المشجع) هو الملك في دوريهم, وكل اللي يطلبه من النادي يُلبى له (اشوف غطى على اللعيبة ) سواء من تخفيظ لسعر التذكرة ,خدمات التوصيل للملعب, السفر مع الفريق و و ألخ .. حتى المعروف ان حضور مباراة في المانيا موب للمشاهدة فقط بل تعتبر اذا قلنا (نزهة عائلية) يتخللها الشرب والطعام والموسيقى والى آخره, وكل اللي عليه ويش ؟ انه يدفع وبس, واللي ادفعه راح يصب في خزينة النادي على طول ...لايوجد مالك لنادي الماني بمعنى مالك كاش , الا بعض محاولات تقمص خجولة كرئيس فولفسبورغ (عشان كذا شفنا مسرحيته مع دزيكو وعرضه على انه سلعة لاغير ! ), قامت مضاهرات عارمة لجماهير نادي بمجرد سماعهم ان رجل أعمال أمريكي ناوي يشتري ناديهم وفشل البيع , كل هذا يعطينا صورة ان الدوري الالماني يملك سمة رائعة وصورة جميلة بإن كورة القدم هي هواية وليست مهنة , بس اللي يقض مضجع محبي هالدوري هو قلّة استقطاب النجوم السوبر ستار لانديتها ! واعتقد سبب هالشيء هو عدم كفاية الاندية من المردود (المالي) من الحضور الجماهيرية والنقل , ولعدم وجود النجومم العالمين والمؤثرين هناك ,,تأثرت الاندية على الصعيد الاوروبي والتنافس على بطولاتها, ولو انه كانت ريادة مع بداية الالفية بوجود ناديين ألمانيين (بايرلفركوزن / بايرن ميونخ ) ووصولهم للنهائي المركز الاول و الوصيف لوجود المحترفين الاكفاء و العقل المدبر .., بس ابشركم الوضع بدأ يتغير للافضل من قبل سنتين جميع الاندية الألمانية قامت بصفقات جبّارة لاستقطاب النجوم من جميع القارات ,وحتى درجات البوندزليغا التحتية الانتقالات رايحة جاية بس نطمع بالمزيد والله <-- الله يسمع منكِ ههههههالمهم ,,المال من اساسيات الرياضة بجميع اشكالها ولايمكن بشكل من الاشكال اغفاله ,بشرط عدم اللعب على عقول المحبين ,وتشويهها بأرقام لاتمت للعقل البشري بإستوعاب <---
آخر تعديل شيتا
في 09:49 AM.
|
||||
|
|
|
15-01-2011, 03:02 PM
|
|
||||
|
مشرف الملعب العالمي
|
^ بالنسبة للبونديس ليغا أذكر قريت معلومة عن طريقة ملكيّة الأندية .. وهي نظام يسمّونه "50+1%" .. بحيث ان 49% فقط من النادي تكون مطروحة كأسهم للمُستثمرين .. بكذا انت خلّيت النادي ما يكون مُسيّر من شخص واحد يلعب فيه .. عشان كذا ما نلقى فريق دفّيع بألمانيا الاّ البايرن .. واللّي مدخوله يعتمد على عقود الرعاية والتذاكر وبيع القمصان والنقل - ولو ان بيكينباور ورومينيغيه صجّوا امّنا .. ولو يجينا دخل من النقل مثل الريال كان تشوفون - .. لكن برضو ما تلقى فريق بالبونديس ليغا يعاني إقتصاديًّا من الديون ومشاكل المُلاّك خصوصًا .."فولفسبورغ - بايرن ليفركوزن أو هامبورغ" إستثناء .. لأن هالناديين مُستقرّين على مُلاّك من أكثر من عشرين سنة وقبل إستحداث هالقانون .. الإتّحاد الأوروبي .. وبنظام الفاير بلاي اللّي ناوين يطبقونه .. يضربون بالدوري الألماني مثال حيوي لكيفيّة التسيير الإقتصادي .. خصوصًا انّ الأندية متجاوبين مع النظام .. بالليغا فيه خطّة لتوزيع الحقوق بدءًا من موسم 2014/2015 .. لكن يبقى فيه إجحاف لبقيّة الأندية .. مردود ريال مدريد وبرشلونة يبي يقل - بتنازل من الناديين - .. ويبي يرتفع دخل بقيّة الأندية .. بس تبقى النسبة الأكبر للناديين <-- وهذا من حقّهم .. لأن الخطأ يتحمّله الإتّحاد الأسباني من البداية .. ديل نيدو - رئيس اشبيليّة - ورئيس فياريال رفضوا التوقيع على الإتّفاقية .. بالتالي ما يدخلون ضمن التوزيع الجديد ويلقون لهم شركة تنقل لهم مبارياتهم بشكل مُنفرد مثل حالهم ألحين .. ديل نيدو يقول : "بهالطريقة انتم بعتوا الدوري لفريقين لمُدّة 10 سنوات !" .. رئيس الفياريال : "فريقي طموح .. أنا أبي آصل مواصيل الريال وبرشلونة .. وبكذا انتم تحدّون من طموح الفريق" .. زي ما قلت .. حق مشروع للريال وبرشلونة انّهم يرفضون يقلّلون مدخولهم من حقوق النقل بإعتبار انّ الباقين بحريقة .. وأيضًا الأندية الثانية تكون مظلومة مقارنةً مع الحال بدوريّات ثانية .. فالخطأ هنا من مسيّري الليغا لأنّهم خلّوا النقل فردي من البداية .. ولا فكّروا بعيد .. وألحين يوم صار الفارق شاااااااااااااااااااااااااااااسع بين مدريد وبرشلونة وباقي الأندية .. حاولوا يتماكنون الوضع بتوزيع مهو عادل إنّما أقل ظلم .." " شي يقهر لا شفت موضوع حسّاس مثل هذا وما فيه تفاعل خخخخخخخخخخ .. عوافي يا مستر نيستا ..لنا عودة إن لزم الأمر ..
|
||||
|
|
|
16-01-2011, 01:37 AM
|
|
|||||||||||||||||||||||
|
Global Footballer
|
لانه في العام 90 او مابعده جراء الانفصال بين الالمانييتين ,ضرب الكرة هناك نزول حاد لكل الاندية والرياضة بشكل عام,بس يبان هينا العقل الذكي المتمثل في (هونيس) وكيف أستطاع إستغلال الوضع لمصلحة ناديه والاستمرار على استراتيجيته لحد الآن ,وإلا الاندية أصلاً قبل الازمة كانت كلها متساوية لامن حيث الموارد المالية أو البطولات بعد ... |
|||||||||||||||||||||||
|
|
|
16-01-2011, 12:55 PM
|
|
||||
|
Visca El Culés
|
ما اذكر الخبر نصًا وبالضبط .. بس واضح ان بلاتيني بدأ يحاول يعدل الاوضاع .. بالنسبة للبارسا .. صحيح هو من اكبر المستفيدين بقيمة النقل وبالعوائد الماديه من الاعلانات وكذا .. وفادته برواتب اللاعبين وبالمنشئات وبالكادر والخ .. بس اشوفه مارح يتاثر كثير لو ساووه بالفرق الثانيه من حيث انهم يخصصون رقم معين 70 مليون مثلا .. للتعاقدات لاحظوا الفريق 80% منه من ابناء النادي وحتى على ايام ريكارد ما كنت اشوف فيه ذيك المبالغه بالتعاقد مع اللاعبين ما اشوف الفريق رح يتاثر من هالناحية لان غالبا البارسا يكتفي بثلاثه - اربعه في السوق .. اغلبهم احتياط .. فاتوقع مهما كان المبلغ اللي بيحدده الاتحاد الاوربي مارح يكون مشكله كبيره مثل مارح تكون بالريال لان سر قوة البارسا بخريجين نفس المدرسه فهذا من صالحنا .. بالنسبة للرواتب ... اشوف لو طبق هالشئ فاكبر المستفيدين هي الاندية المتوسطه و اللي تحتها .. همممم انا فكرت فيها كذا لو مثلا رواتب اللاعبين ما تتعدا 60 مليون في السنه .. مثلا  وفيه كثير لاعبين قلت رواتبهم .. بس لو جتهم عروض من اندية " كبيره " ثانيه مارح تكون ذاك الفارق الكبير مع راتبهم الحالي  .. لان حتى الاندية الثانيه مقيده بمبلغ وقدره ..بس اذا كان العرض من نادي متوسط و اقل من المتوسط و لاعبينه رواتبهم مو كثيره وبيجيب سوبر ستار .. هنا ممكن يفرق كثير الراتب .. كونك تلعب مع ميسي تشافي و فيا و بويول طبيعي مع تقييد النادي بمبلغ معين رح يكون راتبك قليل .. غير لما تلعب مع نونيز و مارتي و فيكتور من مايوركا !! فرح يكون فيه شوية توازن في الانديه من حيث اللاعبين السوبر ستارز و بالتالي رح يزداد التنافس .. ما عندي فكره عن الاتحاد الاوروبي كيف بيحدد هالشئ اذا هو بيقيدهم بمبلغ للصفقات او مبلغ للرواتب .. او الاثنين .. بس اشوف ان كرة القدم وصلت مرحله تحتاج فيها مثل هالقرار .. شيتا عجبني ردك .. وهنا يوضح الفرق بين الكره الالمانيه والايطاليه كلهم مجانيين كورة.. بس شوفي كيف المقاعد الفاضيه في الملاعب الايطاليه حتى لو كانت مباراه مهمه .. يعطيك العافيه Mr.13 
آخر تعديل مضيعة الدنيا
في 12:58 PM.
|
||||
|
|
|
16-01-2011, 01:24 PM
|
|
|||||||||||||||||||||||
|
Football Fanatic
|
+1 // وأذكر أن الإتحاد الأوربي بيدّرس عن الديون المتراكمة لـ الأندية المشاركة بـ الأبطال , بحيث أن النادي المديون موب مشارك بالكأس . و ع سالفة الدراهم في الأندية // يعني من يعرف من أول مان سيتي وش هو ...؟ جاه منصور بن زايد وكب الدراهم عليهم .. ووصلت للموسم الواحد يوصل 250 مليون , عندة دراهم 100% والادارة 0 % .. الحين عندهم ديون وفوقهم يجيبون لاعبين وبالنسبة لـ الإستثمار وأكبر مثال ريال مدريد 2009 جاه تعاقدات بحدود 250 مليون .. بس جاهم أرباح بحدود 400 مليون .. عكس الكمخ بالسيتي يامال العافية , ننبسط بمثل هالمواضيع
|
|||||||||||||||||||||||
|
|
|
18-01-2011, 06:23 AM
|
|
|||||||||||||||||||
|
Global Footballer
|
. حيّهم .. مطفشهم .. هي المشكله بالدوري الإسباني إن هالناديين عندهم مدخول وقادرين إنهم كل مايفتح السوق يلقطون لاعبين عليهم القيمه .. حتى أحياناً ياخذون سوبر ستار الأنديه الثانيه بالليغا .. والأنديه ماتقدر تقول شئ .. لإنها لو ما باعت اللاعب مهيب قادره تسدد بعض الديون ورواتب اللاعبين .. عاد غير إنها من الأساس مبتلشه برواتب اللاعبين الكبار ! بعدين من قالك إنّه مافيه متعه بالدوري الإسباني ؟ .. هذاه أخذ أطلق دوري ههههههههههههههههههههههه " " أبو كيتون ..فيه نقطه مهمه قلتها .. هو إن الدوري الإيطالي مايجيه الا الدشير .. كانت هالنقطه على بالي وبتكلم عنها .. لكن أنت ذكرتها وفيك الخير والبركه .. وبالنسبه للملاعب .. معك حق عاد من حقكم ياجمهور اليوفي .. يبي يصير عندكم ملعب خاص والمزز يبي ياخذن راحتهن خخخخ .. عاد على إن فريقكم صاير ملطشه وماله هيبه بملعبه هههه .. الا إن المردود اللي يبي يجيكم يكفي " " شيتا .. أبو أتاك مالي تعليق على ردودكم .. كنت أبتكلم عن الدوري الألماني .. بس ماتوقعت إن فيه أحد يبي يهتم .. لكن ماشاء الله عليكم أثريتونا الله يعطيكم العافيه" " مضيعه ..
بالعكس على المصايب اللي بمدرجات الدوري الإيطالي .. يعتبر الحضور فوق الممتاز .. بإيطاليا الجماهير تتلاقط بأتفه الأسباب .. خصوصاً بالمباريات الكبيره والمهمه زي ماتقولين .. فهنا شئ طبيعي ماتشوفين فيه حضور ، لإن كلّن خايف على رويحته .. خصوصاً العوائل .. عكس الدوري الإنجليزي والإسباني والألماني إلخ .. اللي إذا حط المخرج الكاميره على الجماهير شفتي أنواع وأشكال العوائل ، حتى بعضهُم ماخذها رحله وجيب بزارينُه .. عاد غير اللي فالها وتحسُه مغصوب على المباراة وساحب عليها وقاعد يلف من ذا الأكل .. حتّى من زود الإتكيت بناتهم يطبن الملعب ويرجعن والحرّاس مامسكوها !هههههه .. وتحصلينهُم إذا إنهبلو وطق فيهم عرق بدو يحلتون روس خنازير ههههههههههههههههههه .. على العموم شوفي هالصور بديربي روما يمكن تخليتس تقتنعين ..    وتبينهم يحضرُون هههههههههههههههههههههه  " " أبو ريدز .. وأنا بعد أنبسط لاشفت جمهور الليفر .. لإني مولود بهالديره منور يابطل .. " " البقيّه ننتظر رجعتكم .. مع إني ماهقيت خخخ لا مهوب نفس كلامتس .. أنتي قلتي المعلومه ومشيتي بدون توضيح الأسباب ..لكن الخطى علي لإني مافهمت مقصدك الأساسي .. واللي هو تأييد كلام شيتا بس بمفهومك أنتي .. لإني فهمت إنك مأيده كلام شيتا بنقطة إن المشجع مدلّع هناك ويسوون له أشياء رهيبه وهو ماعليه الا إنه يدفع بس ، عكس إيطاليا .. وردي عليك جاء كتوضيح إن سبب عدم حضور الجمهور الإيطالي بسبب الشّغب والمشاحنات ، موب لإنهم موب محصلين الرافهيه 7
7
آخر تعديل Mr.13
في 01:31 PM.
|
|||||||||||||||||||
|
|
|
18-01-2011, 01:11 PM
|
|
|||||||||||||||||||
|
Visca El Culés
|
طيب وين المشكله ! نفس كلامي .. قلت اننا نشوف مقاعد فاضيه في مباريات مهمه في الدوري الايطالي .. مع ان المشجع الايطالي مجنون كوره بس لان في ملاعب ايطاليا ما يوفرون الراحه لكل المشجعين عكس المانيا مثل ما وضحت شيتا .. |
|||||||||||||||||||
|
|
 |
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
|
|
|
|
