 |
 |
 |
 |
 |
 |
 |
 |
 |
14-01-2011, 03:44 AM
|
|
||||
|
معزبة المجلس
|
برضوا الحكم نسى يحتسب طرد على مورينيو وبيريز و فالدانو غريبه ماشفته !!! ان فاز الريال على فريق صغير جيت ابثرتنا بأن الفريق صغير وان فاز على فريق كبير جت ابثرتنا بالتحكيم !! ما اقول الا الله يشفيك واضح ان الريال مسببلك عقدة نفسيه    اول شى الحمدلله على الفوز والمستوى ، قلنا المباراه بتكون قويه ، الريال مشكلته مازالت بالدفاعات الي مع اي هجمه مرتده يختبصون ومايفكنا منهم الا القديس ، صحيح بوجود كارا الدفاع مطمئن شوي بس فيه مرات ننلقم اهداف من اخطاء تافهه ، كنت خايفه من اللياقه وخصوصا ان الاعبين قاعدين يلعبون مباريات كبيره ويقدمون مستويات خرافيه وهالشى يستنزف طاقتهم ، بس الحمدلله شفنا مستوى ولياقه عاليه استحواذ كبير وهجمات خطيره بس المشكله بتضييع الاهداف !! ينقصنا اللمسه الاخيره وينقصنا المهاجم الي يقتنص الفرص ، اليوم الكل هاجم حتى كارا وخضيره حسيت شوي بنشوف كاسياس يهجم ! اما البنز مستمر في مسلسل التضييع !! مع ان مستواه اشوفه في تطور بس في عك ومطرسه من هالادمي قدام الباب  اكثر شى عجبني بالاتلتيكو حارسهم !! ياهو قوي على قول الشوالي هذا حارس اسبانيا القادم وخليفه كاسياس !! المهم نبيه يا بيريز  راموس المو يشوف فيه قلب دفاع قادم وبقوه مع غياب بيبي صار يلعب بخانته ، صحيح احيانا نكبه بس اليوم بيضها وفوقها هدف وش نبي اكثر ؟ مارسيليو هالادمي خلوه بس يهاجم !! ياهو يطررررب ياهو يمتععع عليه اختراقات بطله وسرعه ومراوغه ويعرف شلون يفكك دفاعاتهم بذكاء ماشاللله عليه ، اتعب وانا اقول بطللللل ، بس لاتخلونه يدافع لانه يحوقها مررره دي ماريا الشوط الاول قدم مستوى حلو وحريقه بس الشوط الثاني طفى فجاءه !!كارفالهو وجوده في اي مباراه مطمئن بشكل كبير ، بدينا نشوف تأقلمه بالفريق وتغطيه الدفاعيه الممتازه ان شاء الله نشوف مستوى افضل من كذا بعد اوزيل كنا نقول مباراه فوق ومباراه تحت ، بس ماشاء الله عليه اخر كم مباراه كلها فوق متعه وفن هالاوزيل ضغط وهجمات وتمريرات بالملي ناقصه شوي انسجام وتفاهم مع الاعبين وباذن الله بنشوف هجوم حرييقه الدون صحيح اليوم نشبلهم وهاجم وسوا الي عليه بس كان ناقصه التركيز !عموما مبروك مدريديستا  هههههههههههههههههه تحفه هالمارسيليو
|
||||
|
|
14-01-2011, 03:44 AM
|
|
|||||||||||||||||||
|
مشرف الملعب العالمي
|
 مبدئيًّا .. الكورة مقشّرة لكريس .. لكن قبل فترة .. قريت مقال يتكلّم عن طريقة الهدف اللّي سجّله .. والوضعيّة قبل تمرير الكورة - من أوزيل - .. واللّي كان طايح فيها بتسلّل فاضح .. لكن بعد ما صار - أوزيل - بدون ضغط وتخلّص من المراقبة .. رجع - رونالدو - لخط آخر مُدافع .. وبهالحالة ما معه مراقبة من أي مدافع باعتبار انّه راجع من تسلّل .. إحساس بالمكان وتمركز مهو عند مُهاجميننا حتّى هههههههههههه .. مع إطراء لنجم المباراة أوزيل ..
بأوّل ربع ساعة تقريبًا .. تسديدة من رونالدو .. ترتد من دي خيّا .. وبنزيما ما كان داخل المنطقة حتّى ! مهي حالة وحدة .. شي مُلاحظ على بنزيما .. رأس الحربة بديت أشوفه حاجة مُلحّة صراحة ..  رييس ؟ خخخخ .. بلا راموس بلا هم .. مورينهو .. دبّرنا براموس سنتر مع كارفالهو .. وازهل الباك رايت لهذا ..
|
|||||||||||||||||||
|
|
|
14-01-2011, 01:42 PM
|
|
||||
|
Futbolista
|
"
"  ديربي روعة ..من زمان ما شفنا ديربي زي كذا .. لكن من قبل واضح انه مولّع خصوصاً ان الاتليتكو عنده امل كبير بـ المُنافسه عكس الدوري ..وباين من البدايه ان الاتليتكو كان ناوي نيّه .. لكن روح الريال حضرت  .. ما عطيناهم فرصة حتى ينفسون من بعد الهدف .. صح انهم هه حاولوا ، لكن القديس ما عطاهم فرصه .. نجوم المباراة ..- اوزيل ، هدف واسيست ويمسك كوره صح .. - كريس لو ما يجي منه الا لعبه بـ الشوط الاول وتمصيع دي خيا يمين ويسار  .. طبعاً راموس والقديس الله لا يخليني منهم ما قصروا ابد يشاركوهم هـ النجوميه بـ كُل تاكيد .. يلعن شكلك ..صح انك معصب وما لك خلقهم .. بس يعني ما شاء الله تبارك الله توزيع الكور اللي شفته امس شيء خُرافي ، قسم بـ الله شيء خُرافي يعني .." عقبال ما نكملها بـ الاياب .. وقبل الاياب ، نشطب على الدور الاول بـ الليقا بعد الطقطقه على اصدقائنا الميريا .. |
||||
|
|
|
18-01-2011, 11:41 PM
|
|
||||
|
مشرف العالمي
|
 ايـااب الكـوبا ديــل رررررررررري إشبيلية vs فياريال الملعب : سانشيز بيزخوان يوم الثلاثاء : الساعة 12 في منتصف الليل على قناة الجزيرة الرياضية +2 و HD-2 نتيجـة الذهاب : 3 / 3 بعـد مباراة مجنونه بالمادريغال .. اشبيليه والفيا بالاياب بملعب اشبيليه .. موعودين بمباراة حريقة .. اشبيله ان طلع بيفقد لقبه .. والفيا لو تأهل قدام انجـااز تاريخي لو وصل لنص النهائي بتكون اول مره بتااريخه !  بيتيس vs برشلونـة على ملعب بينتو فيامارين الأربعاء :الساعة 12 منتصف الليل على قناة الجزيرة الرياضية +2 و HD-2 الذهاب : 0 / 5 البرشا حسم التأهل بالذهـااب ..فرصه لـ غوارديولا يجرب لعيبة الاحتياط ويعطيهم دقايق لعب ,, وفرصه لبيتيس يفوزون على البرشا الخرافي هالموسم الديبور vs الميريا ملعب : ريازور الأربعاء : الساعة عشر مساءاً قناة الجزيرة الرياضية +2 الذهاب :0 / 1 الميريا بعد خسارته من البرشا بثمانية على ملعبه طيـروا المدرب الزلابه وجابو مدرب ثاني كويس قدر يرجع الفريق لمستوياته المعقولة .. اخرها تعادل بطعم الفوز مع ريال مدريد بعد مجهود خرافي اتمنى ماياثر على الفريق بهالمباراة خخخخ .. الديبور مستواه مدحدر خسر بالذهاب واحد لكن عنده مدرب كويس الي هو لوتينا وقادرين يقلبون الذهاب .. إتلتيكو مدريد vs ريال مدريد ملعب : فاسنتي كالديرون يوم الخميس : الساعة 12 منتصف الليل على قناة الجزيرة الرياضية +2 ايـاب دربي مـدريد .. اول مباراة هالموسم بالفيسنتي .. موعودين بـ جوو ابن 66 كلب خصوصا ضد مورينهو .. هالشي ابتدى من مباراة مايوركا الشوط الثاني كل جماهير الاتلتيكو تصيح الموت لمورينهو .. غيرو الحكم وجابوا حكم ماضيه اسود مع الريال بعد خخخخخ يعني بنشوف اكشـن ومباراة حريقة .. نتيجة الذهاب تعطي اريحيـة للريال ..لكن مااهي مطمئنه .. بيغيب اغويرو عن المباراة من اتلتيكو .. والريال الغيابات نفسها .. بيبي وهيغوين .. Hala Madrid حيـااكم !
آخر تعديل صدااع
في 11:49 PM.
|
||||
|
|
|
19-01-2011, 11:00 PM
|
|
||||
|
من شيوخ الحاره
|
عوافي صداع ..  مباراتنا ضد بيتيس ماعاد إلا خير الفريق ثبت قدم بنص النهائي .. فرصه بيب يدخل بكم أسم أحتياطي من ضمنهم ماسكي وآفيلاي وتياغو وبالأخص المملوح اللي فوق عشان يدخل بـ منظومة الفريق .. بيب استدعى كل اللاعبين ماعدا بيويول وآلفيس .. آخر مباراة رسمية انهزم فيها الفريق برى أرضه كانت ضد أشبيليه آخر مباراة لأيبرا معنا ان شاء الله تكون سهره حلوه .. مع ان الفراش يشكي ..  اشبيلية فازوا على فياريال 3-0 وبكذا يكونون أول المتأهلين للسيمي فاينال بمجموع المباراتين 6-3 .. سجل اهدافهم ريناتو وكانوتيه وآليكسيس .. ..  احسان علي سيد مليونير هندي مطخطخ ابن اللي ماني قايل يقولون مخطط يشتري نادي الرايسنغ سانتاندير والمفاوضات جارية لحد الآن .. الهندي يقولون كان بيشتري البلاكبيرن الأنقليزي الموسم اللي راح .. لكن فشل وبيع النادي لشركة دواجن هندية "الله من زين الراعي خخخخخ " يارب تمم المصدر / ..
آخر تعديل أبو سالم
في 11:09 PM.
|
||||
|
|
|
20-01-2011, 01:59 AM
|
|
||||
|
Noble Tennis Member
|
مرآحب !! فآز بيتس على برشلونة 3 - 1 وكذآ يتأهل برشلونة بنتيجة 6 - 3 !! طبعا ما تابعت المباراة ولا حرصت لأنهآ مو مدريد << ما يقصد أحد  بس قبل أنام قلت خل أشيك على كوورة !! وشكلهآ كآنت حريقة !! مولينآ سجل بالدقيقه 5 والدقيقه 7 !! وغواديولا يوم عن يوم يثبت إن عنده عقلية فذة !! << بتقولون وش درآك !! بقول لأن ميسي كآن متوآجد وهو اللي سجل هدف !! وهذا دليل إنه قرأ الخصم وما لعب بالاحتيآط !! وإلا كآن أكلهآ !! ,, بالتوفيق غدا للريآل !! وتصبحون على خـير !! ونوم العوآفي يآرب !! ,, |
||||
|
|
|
20-01-2011, 02:12 AM
|
|
|||||||||||||||||||||||
|
Noble Tennis Member
|
^ تدري الفريق ذآ بطل !! بس مدري وش اللي نزله الدرجة الثآنية !! سمآجته يمكن ؟ لا من جد قبل كم سنة الريآل والبرشآ ما يطلعون من ملعبه الا بنقطة إن كثروآ !! وكآن دآخل بالأبطآل !! بس مشكلة هالنوآدي ما تحآفظ على مستوآهآ !! والسبب الأبرز بيعهآ للآعبيهآ !! ,, |
|||||||||||||||||||||||
|
|
|
20-01-2011, 09:54 AM
|
|
||||
|
Futbolista
|
 هذا المكسب الوحيد بالمباراه الفريق ضاع بسبب الدفاع مليتو كانه اول مره يلعب كوره وانا كنت اطالب برحيله واعطاء فرصه للشباب بارترا وفونتاس لانهم افضل منه بمراحل الفريق ككل سيئ ماعدا ابو خليل الي اعطانا مؤشر انه لاعب كبير رغم انه خجول نوعا ما وما اندمج الا ان تسديداته وانطلاقاته على الجناح جيده هذا درس جيد للفريق بعدم التساهل واشوا ان هالخساره في مباراه منتهيه قبل لاتبداء لان الليقا والشامبيونز الخساره فيها يعني الخروج والابتعاد عن المنافسه مبروك للكتلان التأهل ومروك لبتيس الفوز 
|
||||
|
|
|
21-01-2011, 04:38 AM
|
|
||||
|
الجمال جمال الروح
![الصورة الرمزية [ رائــد ]](http://msa6el.mbc.net/vb/avatars/43780.gif?dateline=1326751010)
|
 والله لولا الله ثم انيستا والكنق .. وربي مايسوي شي هالبصوة والدليل مباراة بيتيس  يتعلم من كريس شويات  ويتعلم كيف يسجل 32 هدف بهالموسم بكل المسابقات ماعلينا مبروك للريال الفوز وسجلوا واحد معكم متابع بعد ماكان متابع على الصامت
|
||||
|
|
|
21-01-2011, 05:01 AM
|
|
|||||||||||||||||||
|
معزبة المجلس
|
اشوا ان بيتيس طقطق عليكم باب واحد 90 د ميسي هههههههههههههههه اللهم لاشماته فوق خياسك مضيع بلنتي الله من الحول سبحان الله ما مر يومين على شماتتكم فينا الا ويجي فريق من الدرجه الثانيه يرقعكم هههههههههههه مير حنا اهون متعادلين مع الميريا وباسوء احوالنا ترا ماقلنا فريقنا من كوكب اخر وما قلنا حنا اقوى ناس خخخخ يالله مبروك التأهل بطعم الخساره ههههههههه واكيد مارح تواجهون مشاكل مع الميريا اخوياكم  مبروك التأهل ملكييين مباراه دون المستوى ، شى طبيعي الدون قتلهم بالهدف وقتل حماسهم وأملهم بالتأهل .. سلامات على خضيره عسى مهيب قويه كاسياس وش ذا الخطأ التافه بغى يخربها ههههههه اشوا عدت بسلام نسيت اقول اقلعوا فالدانو الحقير .. مورينيو وبس يعطيكم العافيه
هي جت على بيتيس انت شف وضعه مع الارجنتين واغسل يدك ههههههههه
|
|||||||||||||||||||
|
|
|
21-01-2011, 09:46 AM
|
|
|||||||||||||||||||
|
مشرف العالمي
|
 مباراة غبيه .. مافيها فرص ومن الهدف انتهت ! كل الي استفادوه الفريقين منها الاصاابات .. اصابة لـ رييس واصابة لـ خضيره مورينهو مدري وش يبي .. ليه مايلعب بن زيما ! الادارة وتدور له على مهاجم وبينهون هالموضوع نهاية الاسبوع ؟ انت وش تبي مجلس المهاجم الوحيد الي عندك احتياط ؟ مباراة مثل ذي وجوده مهم .. اوكيه كاكا جاي من اصابة ولعب المباراة الماضيه اساسي وصعب يبداء هالمباراة ! لكن فيه كم لاعب بديل المفروض داخلين ياخذون دقايق صعب تمشي الفريق بنفس اللاعبين وانت معرض للاصابت .. ليته مطعم كل خط بلاعب احتياطي .. قاقو ولاجرانيرو بالوسط .. وليون بمكان دي ماريا الي له مباراتين مابه فايده غير الركض خخخخ كاناليس , بيدرو ليون ,وش فيه مورينهو عليهم .. خصوصا الاول لاهو الي يعطيه دقايق يلعبها ولاهو الي خلاه يكمل تطوره بناديه .. موهبه ماهي صاحيه ماراح تتطور بالتدريبات بس ! مع اشبيليه الاسبوع الجاي .. مباراة منتظره .. شكل اشبيليه يجيبون العيد بالريال
يبطي مورينهو يقشع خورخي .. فالدانو هو رقم 1 بمشروع الريال الي مع بيريز .. مستحيل يتغير او يستقيل ! اقالته يعني فشل شغل سنتين مع بيريز .. لو بقت الاوضاع كذا مورينهو هو الي ينقشع
|
|||||||||||||||||||
|
|
|
21-01-2011, 02:25 PM
|
|
||||
|
Futbolista
|
 الواضح ان الامور وصلت بينهم لاعلى درجه ،، فالدانو ماحطه بيريز الاحلقة وصل بينه وبين مورينيو هالحين صار العكس بيريز يحاول يوافق بينهم واجتمعوا كم مره عشان يحل هالمشكله بينهم . فالدانو من قبل المشروع وهو بينه وبين مورينيو كراهيه ومعلنه من طرف فالدانو وهاجمه من قبل هالحين وضحت الامور بينهم وصارت معلنه مستحيل ينجح مشروع بيريز بوجود فالدانو ومورينيو ومصلحة الفريق تقول لازم التضحيه بفالدانو ،، واكثر من واحد يقدر يقوم بمكانه بارديزا - زيدان وافضل الثاني لان مورينيو صرح اكثر من مره انه يبيه معه ،، الزبده ان طلع مورينيو باخر الموسم كل شغل بيريز ضاع
آخر تعديل كمنجي
في 02:34 PM.
|
||||
|
|
|
21-01-2011, 05:33 PM
|
|
|||||||||||||||||||||||||||||||||||||||||||||||||||||||||||||
|
الجمال جمال الروح
|
+1000 والله إن انقشع مورينيو .. فالريال من جرف لدحديرة وربي
غاسلها من زمان d11 |
|||||||||||||||||||||||||||||||||||||||||||||||||||||||||||||
|
|
|
21-01-2011, 05:50 PM
|
|
|||||||||||||||||||
|
من شيوخ الحاره
|
. . يكفي بالمُباراه شفنا ولدنا , إبراهيم مُباراه كاملة الولد ماشاء الله باين أنه عنده شي ومستواه بطل بس شوي يتأقلم ويندمج أكثر وأن شاء الله يكون لاعب بطل وله أسمه , بالمُباراه شكيت الأرضية فيها شي ولاش بس يالله خيره فرص كثيره جت وتروح , لكن الجد بيتيس فريق توقف تصفق لك فريق يلعب صح لمده 90 دقيقه مافيه تساهل حتى وهم فايزين أهنيهم على لعبهم وروحهم , أن شاء الله دائماً كذا هم
ريما يالكلبة ترا هالكلام لك مهوب علينا يعني , شفتي الفريق ألي رقعنا 3 - 1 شفتي هذا الفريق المهزم فاز عليكم بـ 5 لاحول ولا قوة إلا بالله , بس تبي الجد خسارتنا هي شماتتنا فيهم هههههههههه صداع قواكم الله يا بطل وَ كن بخير |
|||||||||||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
