 |
 |
 |
 |
 |
 |
 |
 |
 |
|
||||||
| متحف الحارة منتدى المواضيع المميزة |
|
|
أدوات الموضوع |
09-02-2011, 01:51 AM
|
|
|||||||||||||||||||
|
نآر على علم
|
إنه ..... <------ يسمع بالتشويق والإثارة (كانوا ومازالوا
بسم الله الرحمن الرحيم أحب الساخرين ولست منهم @@@ لعلي أن أنال بهم لكاعة وأكره من كتابته المصالة @@@ وإن كنا سواءً في البضاعة سألوني الناس عنك فقلت لهم :هو ضخم الجسم صغير الرأس كبير العجز ,وماذاك إلا أن والدته إبان رضاعته كانت تضع ( البكنق بودر) على مؤخرته أثناء التغيير له ظناً منها أنها بودرة, عجز أهله من منعه من الإفراط في تناول الوجبات الحق والحق يقال أنه (أم عابس تاكل الرطب واليابس) كثيراً مايحرج أهله في المناسبات وخاصة إذا ماجلس أمام التباسي والصحون يفقد شعوره ولايحس بمن هم حوله فمن يراه يجزم أنه (لم يذق الحسنة قط) ضاقت به الأرض ذرعاً,عجز الخياطون من تفصيل ثوباً له,لم يجد أهله بداً إلااللجوء إلى (الغرابي) وتفصيل له خيمة عمودين باكستانية ويقولون بعد لو أنهم موسعين له شوي من حدر الجنوب لكان أفضل ما إن جاءته البعثه إلى الخارج إلى وتكبدت المطاعم والبوفيهات بأكبر الخسائر , ازعجنا وأزعج ممن حوله ببعثته إلى كندا .. في كندا يعملون كذا وكذا.. في كندا يباع كذا وكذا.. النظام في كندا كذا وكذا ,كأن لم يسافر أو يبتعث في هذه الدنيا إلا هو ,أكاد أجزم أنكم لن تصدقونني إن قلت لكم إن والدته المصون ترق له المرقوق وتطبخ له الجريش وتضعهن في حافظات وترسلهن له يومياً عبر الطائرة القادمة من الرياض , تقول : وليدي جنيني مهوب يشتهي أكل الخواجات ,ماعلمت أن مطاعم الكنديين عن بكرة أبيهن ماتلحق من طلباته,حتى أطلقوا عليه مقولتهم الشهيرة:الناس جاية بعثة لأجل تتعلم وهذا الحمدلله جاي بعثة لأجل الأكل والشرب عرفته في هذا الموقف كان يسرد قصة :كيف سرقت سيارته,مستهلا بكان الجو حاراً رغم أن الوقت كان ليلاً وكماهي العادة كان جائعاً وعصافير ..بل (غربانُ بطنه تنعق)ركن سيارته بمحاذات بوابة المطعم ,نزل مترجلاً دون أن يطفيء المحرك كل ذلك لأجل أن تبقى سيارته باردة من هواء التكييف ,هو يتضجر من ركوب السيارة قبل تشغيل المكيف , في الجو الحار يذوب كما تذوب زبدة لور باك .. رغم أن لساعة تقترب من الثانية عشر صباحاً إلا أن هذا هو العشاء الثالث له ,لم يخرج من البيت إلا بعد أن مسح صينية مسقعة وأخرى مكرونةً بالبشمل ,بعد ذلك توجه إلى أحد قصور الأفراح خارجاً منه منقباً أسنانه بعد أن عاث في المفطح بيده فجعله قاعاً صفصفا . دخل المطعم , طلب بروستد واثنين همبرقر ,عندما عرف أن طلبه لن يجهز قبل ربع ساعة أمر بأن يرمى عليه بصاروخ شاورما يتسلى به ريث مايصل طلبه , وأثناء ماهو (يعرم) شاورمته إذ بالنادل يصيح بأعلى صوته : السيارة ,, السيارة ,, الحق عليها.. الحق يقال أنه عندها فز قائماً؛يدٌ مطوقة بالببسي والأخرى قابضة ببقية الشاورما لكنه مفزوعا (طايرة بوهته) ينزنر الماينيز من خشته متساقطا على مجرى شاربه لايدري كيف ولا ماذا يفعل , هاتف المرور والشرطة بل وذهب إلى قسم الشرطة مقدماً بلاغاً يثبت فيه سرقت سيارته ومع ذلك كانت تلك الحادثة هي آخر عهده بتلك السيارة خلاصة القول أحب أقول له : ياخوي ترى البعثات (كبٍ في الزبيل ) ياخوي ترى كلٍ جته بعثه حتى بثر جته بعثه يعني لاتشف رويحتك علينا نرانا نحبك وتغليك ونتمنى شوفتك إأنسوا كل ماسبق واعلموا أنني فقدت الكثير من الأعضاء العيارين الذي أتمنى من الله أن أراهم يجوبون في طرقات حارة المساطيل بأقلامهم,على كثر إشتياقي لهم إلا أنه هو من جاء في بالي فأحبت أن اكتب عنه وأكتب له إني وأعضاء الحارة نحبك ومشتاقين إليك ,أشتقنا إلى رؤية يوزرك ,أشتقنا إلى ردودك,إلى ذباتك وعيارتك , بل وأنا أشكر من دلَّني عليك فأنا أقدر وأجل أهل العيارة وأنت أحدهم وأنتَ من البقية الباقية ولو لا أنك عيار قدير ما استفتحت موضوعي بك (عضو) أرجع لأهلك وأحبابك وكانك نسيتنا فحنا مانسيناك وهذا جزء يسير مما في قلوبنا تجاهك وهذا أحد ردوده يتكلم عن الإمتحانات
|
|||||||||||||||||||
|
09-02-2011, 02:09 AM
|
|
||||
|
يبي له ساعه خراش
|
 حتى في أخر سطر وانت راز ملفه الشخصي وكاتب قبله كلمة عضو , قلت يالليل لازم ندخل ملفه الشخصي عشان نعرف اسمه وش عند ابو وفاء ماسكه معه تشويق اليوم , واثر العضو ذا اسمه عضو خخخخخخخخخخخخخ  الجميل في الامر إن رفيقك عضو ما إنقطع عن الحارة واخر تسجيل دخول له في هالسنة شهر واحد ,  ختاما نحب نشيد بفكرة الفعالية ونتمى إن عضو يشاهد ذا الموضوع ونشوفه راد عليه ..لاهنت ابو وفاء 
|
||||
|
09-02-2011, 02:30 AM
|
|
||||
|
توه ساكن
|
حنا ندورك باللي هي به يوم تجينا تصير كنك ملحوق ! اما عضو الله يذكره بالخير معروف والمعروف لايعرف ، من عمالقة العياره بالشبكه العنكبوتيه ، فترت اشرافه بالشله كانت من احلى الفترات ايام حاذف ترم والشله ، موضوعه مع حاذف ترم يومه الظاهر يعنني مره كان خطير نتمنى انه يرجع لانه من الناس القله اللي يكتبون على سجيتهم لاتكلف ولا استعراض مفردات ومعلومات ماقصرت يابو وفا وان شالله نشوف عضو يرجع مثل قبل ويمتعنا بكتاباته ، خلنا من عضو اصلا انت بكبرك تبي اللي يكتب عنك بهالفعاليه ههههههههههههههههههههههههههههههه يا اخي معد تنشاف وراه بس ؟ عوافي يالمقلط وياطفلة الورد على ذا الفعاليه ان جينا للجد من افضل الفعاليات اطلاقا لما تحمله من معاني اكثر من رائعه وساميه نتذكر من خلالها الناس اللي ابسطونا وواعطونا من وقتهم علشان يسعدونا من خلال هالموقع
|
||||
|
09-02-2011, 02:36 AM
|
|
|||||||||||||||||||
|
توه ساكن
|
هين هذا ماينفع ، حنا مانبي كل 3 او 4 شهور يدخل ياخذ فره ثم يطلع ، نبي الاعضاء اللي فقدناهم يرجعون زي قبل يشاركون ويتفاعلون لان اللي زي عضو وجوده بالحاره وبالشله خصوصا شي مهم واضافه كبيره والا كثير فاقدينهم بس احيان نشوفهم موجودين بالحاره لكن شوي وطالعين بدون مشاركات بالمواضيع ولاشي حارمينا من ابداعاتهم للاسف  لكن يالله كلن وظروفه |
|||||||||||||||||||
|
09-02-2011, 09:09 AM
|
|
||||
|
مهندس تطوير الشله
|
أخبر اللي يبتعثون يسنترون ع النت من الطفش وعضو ياانه ذابحته الدفاره ولا زالق له مع فرنجه ههههههههههه الله يوفقه وين مايكون ,وعسى بس ينورنا من جديد أبووفا الله لايهينك على ذي البادرة بس ودنا لو نشوف لك موضوع قريب في الشله , نبي ذاك أبووفا اللي عنه ماخفى المجررررم قل أبشر ياهرش 
|
||||
|
09-02-2011, 09:18 AM
|
|
||||
|
تقوطر سنع ~
|
 اسلوبه فضييع وضحك ، + كل ماقريت موضوع قديم اندممم اني ماعرفت الحارة الا قريب الله يرجعه سالم غانم من الفرجنه ويفكه شر الفرنجيات --- يعطيك العافيه ابو وفاء ماعنه خفاء ولاهنتِ طفله على ذا الفعاليه شي جميل انك تقلب ملف شخص له بصمه بالمنتدى
|
||||
|
09-02-2011, 09:57 AM
|
|
||||
|
تقوطر سنع ~
|
.
" آبو فاء ههههههههههه الله يصلحك آنت الحين تذكر الرجال بالخير و إلاّ تهجيه آي والله له فقدهـ ( عضو ) ، كان آحد إلل جو على بالي آوّل ماطرت هالفعاليه .. كان مثل ماقلت عيّار ثقيل لكنه خفيف ع القلب و تتقبله حتى لو مسّح بك الآراضي السبع المواقف إلل جمعتني به قليله ، لكنه يخليك تقدّرهـ حتى لو ماكنت تعرفه عن قرب .. آذكر مرهـ الله يذكره بالخير يذب علي يقول شكل كلمة مرورك ( ُ ً ِ ٌ ٍ ْ َ ْ ٍ ُ ٍ ٌ ) الله يوفقه بدراسته و يرجع لنا مثل آول بنشاطه و بحضورهـ الثقيل مثل وزنه <- من كلامك و براي لله آبو وفاء .. كفّيت وَ وفّيت الله يجزاك خير .. مليار شكر .. . |
||||
|
11-02-2011, 11:09 PM
|
|
||||
|
نآر على علم
|
لو دريت انك بترد على الموضوع كان وقفت توقيفك ,, وحطيتها في طيب الذكر ,, بس أبشرك اشوفه مكلبش ومثل ماقال لك سواق سطحة طالما إنه مادخل الشلة ولا كتب فيها شيء فهو يعد غايب  لا هنت يا يونس على هالطلة سواق السطحه مافيه الشك يعتبر عضو من عمالقة العيارين ولا يهون حاذف ترم فكل واحد منهم قدم الشي اللي عجزنا نقدمه مع بذلنا مافي وسعنا من مجهود فالله يجزاهم عنا كل خير والله يردهم ويرد كل غياب عن الشلة وجعلك ياسواق ماتفقد غالي والله لايهينك على هالرد يابعدي حكاية شكراً الف على هالطلة عزتي بحجابي أهلا بك أيتها الفاضلة أما عضو يطامر ! يقولون خذ من حكي العاقل نصفه عاد فمابالك بحكي عضو ما اتهمه بالكذب لكن أبا أحسن الظن فيه وأقول إنه (يُورَّاله) إنه يطامر وإلا هو كني اشوفه قاعد على حيله ومتربع ويقول :اعهه ,, أعهه وماتحرك فيه إلا كرشته وكتوفه <---- جازم إنه مهوب شايف هالموضوع فقلت آخذ راحتي شوي مشكورة ياعزتي والله يشفي أمك ويجعل ما أصابها تكفير ذنوب والله يجمع لها بين الأجر والعافية والله يرزقك برها يارب هرش ياخي أنت ماتدري إني كل ماقريت يوزرك أوجعتني (سنوني) يجي في بالي لحمة الهرش واقول اللي ماتقدر عليه السنون ماهيب قويته المعدة ماعليش لازم أفضفض لك تعرف اكثر مايفكر فيه الواحد بطنه عضو أما دافور فمانيب أظنه وأما زالق فمانيب حاط في ذمتي شي لكن الفرنجه مهمب مقطوعين يوم أنهم بينزلقون مع من هب ودب هرش لاتمدحني تراي اصدق وما انعطى وجه ثم عاد احوس الشلة اللي ماصدقت انها تزين مع مشرفيها بعدين انت والاعضاء فيكم الخير والبركة جربوا ,, اكتبوا ,, مرة ,, مرتين ,, وان شاء الله أن الله يوفقكم وتمتعوننا قل تم لأني قلت لك تم هرش اشكرك يابعدي وياجعلي خير مما تظن داعسة ليش ماتقولين ياداعسة : الله يفك الفرنجات من شره على إنه أن جيتي للصدق مافي عضو شر  داعسة الله لايهينك على هالرد ,, والله يقبل دعاك |
||||
|
11-02-2011, 11:26 PM
|
|
||||
|
ذوق فني راقي
|
والله على بالي تسوي دعاية لمطعم جديد في كندا أسمه " مطعم عضو " بعدين ليه هالمبتعثين من يوم يسافرون ماعاد أحد يشوفهم أبد ؟ مع أنهم ماعندهم إلا التسدح والتبطح .. وعلى قولتك رايحين يجربون مطاعم الديار ذيك الله يذكرك بالخير ياعضو وشكل واسطتك قوية دام أنك باقي مشرف للحين  << بيسوي انقلاب لاهنت يابو وفاء .. فعالية جميلة ياطفلة .. |
||||
| الكلمات الدلالية (Tags) |
| انا لا احب هذه الفعاليه, انا احبها ياللي ماتحبها ! |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
