 |
 |
 |
 |
 |
 |
 |
 |
 |
|
||||||
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
19-04-2011, 12:42 PM
|
|
||||
|
ملح المطبخ
|
(( رحلة في الامطار 13/5 ))
(((رحلة يوم الاحد 13/5))) مدخل: اجمل شئ في الكشتات انك تطلع ايام المدارس والدوامات وتقهر العالم   واقهر ابو حميد لانه دائما يسبقني ويصور المنطقه ايام الامطار وبعدها ماانزل صوري لان مالها طعم قد نزلت صور لنفس المنطقه يعني مجرد تكرار الرحله : العيينه ,حزوى ,سدوس طبعا احنا ماطلعنا الا يوم كلم علينا حيدر السوداني عامل المزرعه يعلمنا بألامطار في سدوس (المتحدث الرسمي للاحوال الجويه في المزرعه) لان الرياض ذاك اليوم مافيها ولانقطة ماء  يوم طلعنا ومسكنا طريق القصيم لين الارض فيها شئ بسيط مطر  بس عاد مهب غرقانه وتستاهل الطلعه عاد تحلفنا في حيدر ان كان المنطقه مافيها الا نقطتين مطر بنصلبه داخل المزرعه  درجة الحراره ذاك اليوم تتراوح مابين 17الى 13 لكن انا عشان اكون حياديه صورتها يوم وصلت لـ15  يوم تعدينا العيينه الين المعنويات مش ولابد لان مافيها الا نقطتين مطر ومرينا على شعيب الحيسيه لين الكشره صارت كذا     سدوس وماجاورها    الطريق مابين سدوس وحريملا   هذا الشعيب الي يصب في سد سدوس اتحداك ياابو حميد وصلت له من قبل لان مايندخل له الا عن طريق المزارع يعني دخلنا و شقينا مزرعتنا عشان نوصل له   هذي الصوره اليمه بالنسبه لي       سد سدوس    عاد قلت عيب ندخل مزرعنا ولااصور لكم شئ لاننا كنا مستعجلين محنب فاضين نصور بس لقطت لكم على السريع صورة كلب الحراسه بدي  وهذي الكلبه الغبيه غلا <<<سميتها عشان ميمو ولد بنت عمتي يحب ذا الاسم وهذي حزوى على كثر مارحت لسدوس والعيينه ماعمري مريت على حزوى شارعهم صاير وسط الشعيب وصورت بيوت الطين المهجوره (لو اني من اهلها اكشت فيها ايام الامطار واعيش جو الاولين)      |
||||
|
19-04-2011, 01:09 PM
|
|
|||||||||||||||||||
|
كاريبي الضحيه
|
يازين المطر يخلي الواحد ينبسط لو هموم الدنيا كلها على راسه
هههههههههههههه لا والاجمل انك تجزمهم يسحبون علشان يطلعون معك بدي خلصت الاسامي هههههههه لا يصير جاية رفرف بس :P كبر الحمارين وآخر شيء غلا يازين هالمكان يذكرني بايام الطفوله  لا جد تخيلت حال الاولين اذا جاهم مطر قوي وهم في بيوت الطين وش يسون وكيف يتعاونون علشان الماء ما يهد بيوتهم على روسهم يعطيك العافيه عزتي بس وراو به مدخل ومابه مخرج .!؟
آخر تعديل جيب مصندق
في 02:18 PM.
|
|||||||||||||||||||
|
21-04-2011, 03:02 PM
|
|
||||
|
من شيوخ الحاره
|
. . أهلاً وسهلاً عزتي نورتي شهاليهاتك " "ماشاء الله الجو لحاله يرد الروح وفعلاً الأيام الي طافت أيام بر بس للأسف ولا مره طلعنا للبر  بس العوض بالأمطار الجايه بإذن الله , مشتهيه بر  يا زين العصر وقهيوه شاهي فذا المكان بس عزتي يعطيك العافيه يا جميله , كوني بخير 
|
||||
|
22-04-2011, 04:11 PM
|
|
|||||||||||||||||||||||
|
ملح المطبخ
|
حياك البارئ يوووووه سويناها قبل سنتين العائله سحبت على الدوامات عشان الطلعه ولكن المشكله الي غاب عن المدرسه وعيا يطلع معنا وسحبها نومه مهب حنا الي مسمينه بدي  <<<لا يوم نشتريه كان اسمه بدي ولاعاد غيرناه اما البغله غلا محد بغاها ولااحد سماها بس انا رحمتها وسميتها غلا والا فيها شين بدعه تخوف يوووووووه دائما افكر زيك وش يسوون الاولين اذا نزلت عليهم الامطار احس بيوتهم بتطيح عليهم وسبحان الله هم راحوا تحت التراب وبيوتهم ظلت زي ماهي  كنت انويه احط مخرج بس شفت انه الوقت طار علي ولاصليت الظهر قلت مهب لازم اهم شئ الصور مرورك النير انتشر بمتصفحي,,موفق يارب
|
|||||||||||||||||||||||
|
22-04-2011, 04:20 PM
|
|
|||||||||||||||||||||||
|
ملح المطبخ
|
الله يحيك يارب الشر مايجيك يارب اسكتي تمنيت ان معنا ولو كافي((قوم مجدي)) بس عاد جت الطلعه سريع سريع حتى المكان الواحد زين نوقف فيه خمس دقايق طايرين كاننا ملحوقينيختي بيوت الاولين رغم صعوبة العيش فيها والفقر والبرد الا انهم مرتاحين البال مهب زي زمنا رغم رفاهية العيش الا الكل يعاني الهموم والغمومالله يعافيك يارب مرورك العطر انتشر بمتصفحي ,,موفقه يارب
|
|||||||||||||||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
