 |
 |
 |
 |
 |
 |
 |
 |
 |
05-05-2011, 07:02 PM
|
|
||||
|
قائد مسطولي عظيم
|
اتصالك خايس ؟ النت كل شوي يقطع ؟ الحل هنا .. كل ماتود معرفته حول الdsl
قال رسول الله صلى الله عليه وسلم مثل علم لا ينتفع به كمثل كنز لا ينفق منه في سبيل الله . في هذا الموضوع أتكلم فقط عن مستخدمين adsl من الاتصالات السعوديه .. وبعض النقاط اللي اشرحها تنطبق ايضاً على adsl سعودي نت وغيرها من الشركات .. لحد يجيني مطفي نوره يستخدم كونكت  .في الآونه الأخيره وصلني على الخاص رسائل بالهبل وكلها تشكي بطئ اتصال الانترنت لديهم وكثير منهم يشكون وشوشه على الاتصال حيث يشتغل 15 دقيقه ويقطع ساعه والبعض الآخر يشتكي بأن السرعه ما توصله كامله ابد كما طلبها .. ماقدرت اسوي لهم شي لكن بحثت حول الموضوع قريت مواضيع لا تعد ولا تحصى فتمكنت من جمع معلومات كافيه في هذا الموضوع . ولديكم ما قدرني الله على جمعه :قبل ما نطلب من الاتصالات السعوديه خدمة إكس باند جود أو قبل ما نخليهم يزيدون سرعة اتصالنا يجب علينا معرفة كم السرعه اللي يدعم البوكسيه عندك ؟ وكم المسافه المناسبه بين بوكسية بيتك ومقسم الحاره . و و و الخ من هذي الأمور اللي بتطرق في شرحها وان شاء الله اقدر اوصل المعلومه لكم بكل يسر وسهوله . أولاً : اتصالك كم أقصى سرعه يتحملها ؟ وما مسافة البوكسيه عن بيتكم ؟ وشبكل عام كيف تقرأ بيانات المودم ؟ تجربتي هذي كلها على مودم آفاق شامل 007 .. فياليت اللي عنده مودم سبيد تتش او دي لينك أو تمسون أو إينكور ...الخ ينزل لنا بيانات مودمه ويشرح لنا كيف قرايتها اضغط على الرابط التالي للدخول على مودم الاتصالات السعوديه : http://192.168.1.1/ اليوزر نيم : Afaq_Shamel << لاحظ بداية كل حرف مخليه كابيتل . الباسوورد : Stccpe_2009 << شوفو بعد حرف S كبتل . اتبع الخطوات التاليه حتى توصل لبيانات مودمك : من يسار الصفحه : يندرج تحت Status ثلاث خيارات اختار منهم WAN . ثم من وسط الصفحه فوق اختار DSL . وبتطلع البيانات كما التالي :  البيانات المهمه حددت عليها باللون الزهري  .. الحين نترجم المهم :أولاً لازم نعرف أن : downstream معناه ( التحميل ) و Upstream معناه ( الرفع ) أولاً/ Upstream line rate (kbit/s) and Downstream line rate : هذي معناها سرعة التحميل والرفع .. وزي ماتشوفون سرعة اتصالي هي 15 ميقا بايت والرفع عندي 80 كيلو بايت . تقريباً . ثانياً/ Downstream noise safety coefficient db : معناه التشوووويش ( هذا مهم ) هنا لازم تعرف التشويش عندك ومعنى التشويش هو التشويش على اتصالك بحيث انه يخليه يقطع كثير ومايوصل لك السرعه الكامله . ولازم يكون المقدار فوق العشره ( ترا عندي تشويش ) والخيار اللي قبله ايضاً لازم يكون فوق العشره اعتقد .ثالثاً : Line standard : اذا كان adsl2+ يعني انه سرعة اتصالك يتراوح بين 8 ميقا وقد يصل الى 45 ميقا . اما adsl يعني سرعته تتراوح بين 56kb الى 8 ميقا بايت تقريباً . يعني اذا اتصالك فوق 8 ميقا لازم تغير هذي الخانه وتخليها adsl2+ واذا اقل تغيره الى adsl << عشان ما يحدث اي مشاكل وتشويش في اتصالك . وبشكل عام الاتصالات السعوديه دايماً تستعمل ADSL2+ رابعاً : downstream line attenuation : هذي المسافه بين كيبل او مقسم الحاره الرئيسي والبكسيه في بيتك . فكلما كانت المسافه اقل كلما كانت اتصالك اسرع وكيبلك يدعم اتصال افضل . وهناك موقع تعطيه المسافه بينك وبين مقسم الحاره الرئيسي ويعطيك المسافه بالكيلو وكم يدعم اتصالك بشرحه بما انه بسيط ومهم : ادخل على هالرابط ::. Kitz - Max speed calculator .:: واتبع كما في الصوره التاليه :  دخل المسافه في فراغ أمام كلمة downstream attenuation ثم اضغط على calculate بيعطيك السمافه بين بوكيستك وكيبل مقسم الحاره وهو زي ماتشوفون عندي 1.1 كيلو متر امام كلمة approx Line Length . اما الباقي هي سرعة اتصالك كم يدعم .. الصراحه شوي فيها لخبطه ويبيلها حسابات بس تقريباً تقدر تعتمد على adsl2+ لأنه هي السرعة التي يدعمها اتصالي تقريباً وهو 22 ميقا بايت .. بس انا مخفضه الى 16 ميقا لأسباب بذكرها لكم في النقاط التاليه .. طبعاً الموقع ما يعطيك كم يدعم اتصالك بالضبط وبالتمام لكن يعطيك تقريباً كم يدعم . وبإمكانك تتصل أيضاً على الاتصالات السعوديه 906 وتسألهم كم يدعم إتصالك . وهم يقيسونه ويعطونك الأكيد < لكن بعض الناس شكاكين فيلجؤون الى هذي الحركه .يتبع ... |
||||
|
|
05-05-2011, 07:04 PM
|
|
||||
|
قائد مسطولي عظيم
|
أولاً : سرعة اتصالك اذا كانت مثل اتصالي على سبيل المثال وتدعم 22 ميقا .. فالحل انك ما تطلب من الاتصالات سرعه 20 ميقا لازم تخليها اقل مثلاً 16 ميقا اتوقع مناسبه . لأن في البدايه انا خليت اتصالي 20 ميقا وكان عندي تشويش مو طبيعي وتقطيع في النت ومشاكل ما يعلم فيها الا الله .. لكن سويت فحوصات واكتشفت ان النت عندي اذا كان يدعم السرعه القصوى له 20 ميقا فلازم اخفضه وما اعطيه اقصى سرعه . لأنه يوم يعطيني 10 ميقا ويوم 20 ويوم 1 ميقا وصار البوكسيه عليه ضغط وما يقدر يستعمل السرعه القصوى له < مفهوم والا باقي ؟ مثال بسيط في جسم الانسان : شخص يسوي تمرين بطن 50 متواصله في هالحاله المدرب العاقل ما يخليه يسوي تمرين بطن 50 مره .. بل يخليه يسوي التمرين 25 مره كل 6 ساعات . ليه طيب ؟ لأنه عضلات بطنه ما تستحمل الا 50 ولو كل شوي يسوي 50 كان تمزقت عضلات بطنه وصابه آلام في العضلات . < وش رايكم في المثال .هذا هو البوكسيه نفس الشي يعطيك اقصى سرعه 20 ميقا .. فيجب عليك انك تخفضه الى 16 او 14 لكي يكون سرعتك مناسبه ومافيه اي ضغط على البوكسيه أو الBD . ثانياً : سويت الخطوه الأولى ولكن مازالت المشكله والتشويش في الاتصال موجود . في هالحاله تتصل على الاتصالات السعوديه يشووفوون لك التسليك الداخلي للبيت هل هو مناسب او لا .. وتشتري ( أو تآخذ من الاتصالات ) سبليتور وهذا السبليتر يعمل فلتره للاتصال حيث يقسم اتصالك الى قسمين قسم خاص بالنت وقسم خاص بالتلفون حتى ما يحدث تعارض بينهم . (( من رأيي تتصل على الاتصالات وتقول النت عندي خربان وتخليهم يرسلون فني ومن هذا الفني خذ السبليتور تراه عادي يآخذه أي واحد )) صورة السبليتور :  هذا سبيلتر الاتصالات السعوديه زي ماتشوفون مقسمه الى ثلاث اقسام وهي : phone و modem و line . الline : هذا اللي تشبك فيه سلك التلفون وتشبكه في فيش الجدار على طول . وبما انك تستخدم التلفون والنت على نفس الخط فيلزمك 2 سبليتر واحد للتلفون والثاني للمودم . modem : هذا اللي تشبك سلك التلفون فيه وتوصله على المودم . phone : هذا اللي تشبك سلك التلفون فيه وتوصله الى الهاتف . طبعاً فتحاتها مثل فتحة التلفون يكون على جنمب السبليتور ( ماهي باينه في الصوره ولكن بتبين في الصور التاليه ) . بعد ما تركب السبليتور في التلفون وسبليتور في المودم .. شوف اتصالك هل يوجد فيه تقطيع ..؟؟ اذا مازال التقطيع موجود وجاء فني الاتصالات السعوديه واكتشف ان التسليك الداخلي فيه مشكله .. في هالحاله تحتاج تسليك خارجي ( سلك توصله من البوكسيه داخل البيت ) . متطلبات التسليك الخارجي : 1- سلك كات6 للتسليك الخارجي .( أو سلك المسلح تلقاه في الاتصالات السعوديه اذا عندك واسطه هناك تقدر تجيبه لأنه الأفضل وبقووه ) 2- سبليتور . اللي حطيت صورته فوق . طريقة التركيب : أولاً : سلك كات6 من وين تجيبه ؟ تلقاه في محل الحاسب .. وانا من رأيي لأهل الرياض تروحون لمحل في حراج الكمبيوتر في العليا اسمه الشبكه السلكية واللاسلكيه تقول ابي سلك كات6 للتسليك الخارجي وهو بيعطيك المتر ب3 ريال .. صراحه مالقيت افضل من هالمحل لأني والله فريت حراج العليا كله ومالقيت والبديعه ومالقيت حتى البطحه رحت له ومالقيت .. الا في هذا المحل بعد ما دلني عليه شخص في أحد المواقع اسمه بندر الله يجزاه الف خير . طبعاً المحل ماله اي فرع في أي مكان في السعوديه يعني حقين الغربيه والشرقيه والشماليه والجنوبيه يدبرون لهم سلك كات6 . السلك ممتاز جداً جداً ويحتوي على اكثر من عازل مثل : < ويجب ان يكون ممتاز ويوجد فيه عوازل كثيره : مغطى بتغطيه قوويه جداً مثل الكيس ثم قصدير ثم بلستيك ثم عازلين داخلي لونه اسود وخارجي لونه ارصاصي < والصوره التاليه طالعه منها بعض العوازل . ( وهذا لحفاظ السلك من اضطرابات الجو والحراره والبروده ويدوم معك لفتره طويله ) . شكل السلك :  زي ما تشوفون في الصوره فيه 4 اسلاك مزدوجه .. بني وابيض ، أحمر وابيض ، أزرق وابيض ، أخضر وابيض . الآن خذ طرف من السلك وروح فيه للبوكسيه : وهذا شكل البوكسيه عندي  اللي محدد بالأحمر هو خط التلفون الموصل لبيتنا ( وترا مكانه يختلف من بيت لبيت ) . لما نآخذ طرف السلك ونجي للبوكسيه نفصل السلك اللي في البوكسيه ونركب بداله أي سلك مزدوج من سلك كات 6 .. مثلاً انا اخترت الأحمر والأبيض فتقوم في هذي الحاله تفصل الأخضر والبني الموصول بالبوكسيه ,.. وتركب من سلك كات 6 الأحمر والأبيض . وتآخذ الطرف الثاني من سلك كات6 وتروح لأي غرفه في البيت ( ويفضل الغرفه اللي فيها المودم ) . وتشبك نفس السلكين اللي شبكتهم بالبوكسيه اللي هو الأحمر والأبيض في : تذكرون صورة السبليتور فوق .. كان فيه على يسار فتحات باللون الرمادي ويرمز لكل فتحتين T و R .. فالline جنبه فتحتين مرموزنه لهم .. تآخذ السلك الاحمر والابيض وتشبك في الT و R التابعه لـ Line كما في الصوره التاليه :  ثم توصل سلك التلفون في الLine وتشبكه في الفيش على الجدار < زي ما انا مسوي في الصوره السابقه وبكذا يتم توزيع الخط على جميع غرف بيتكم الموجود فيه فيش تلفون . وصار هذا السبليتور هو الموزع الرئيسي للغرف . وان ما ضبط فبدل السلكين اللي شبكتهم في السبليتور يعني حط الأحمر مكان الT والأبيض مكان الR < او العكس .. عشان يضبط الاتصال . وبكذا روح افتح التلفون وشوف وصل حراره او لا . وتشبك سلك التلفون في السبليتور زي ما انا مسوي في السلك الثاني من يمين .. وتشبكه في المودم .. وفيه فتحه ثانيه على يسار من تحت تشبك فيه سلك التلفون وتشبكه في الهاتف . اللي عنده سبليتور مثل التالي : ( الصوره التاليه اخذتها من النت )  أنصحه لما يآخذ سلك كات 6 يكبس أحد أطرافه بوصلة تلفوون لأن هالنوع من السبليتور مافيه فتحة Tو R .. فالحل انك تشبك السلك فيه دايركت .. والأفضل هو سبليتور الاتصالات انصح فيه وبقوووه اتصل عليهم وخل الفني يجيبه لك غصب . يتبع ... |
||||
|
|
|
05-05-2011, 07:05 PM
|
|
||||
|
قائد مسطولي عظيم
|
: البنق : هو الفتره مابين اعطاءك للكمبيوتر أمر وبين تنفيذ الكمبيوتر لهذا الأمر ويقاس بجزء من الثانيه MS . اذا عطيت امر حرف التاء كم الفتره اللي يستغرقها الكمبيوتر عشان يكتب هذا الحرف ؟ وهل الفتره هذي مناسبه او غير مناسبه . طبعاً للي يتصفحون على النت فقط ويحملون ويرفعون على النت ما يحتاج يلتفتون لهذي النقطه لأنه مهم للي يلعبون البلايستيشن أون لاين .. فمثلاً: لما تلعب كووره ( PES 2011 ) تضغط اكس ما يستوعب انك ضغطت اكس الا بعد ثانيه تقريباً . وهنا طبعاً فيه مشكله وهو اني بنهزم لأن البنق عندي فاشل وما يستوعب الأمر على طول يعني بشكل عام يصير فيه ( لاق ) نوضح أكثر: شخص عنده البنق 45 , وانا عندي البنق 150 انا في الساعه 4 و 30 دقيقه و 10 ثواني و 600 جزء من الثانيه أعطيت أمر بالضغط على إكس عشان اناول لأحد اللاعبين . واللاعب لآخر اللي بنقه بسيط في نفس الوقت تماماً ضغط دائره لكي يقطع مني الكوره . اكيد وبكل سهوله راح يقطع الكوره مني قبل ما يستوعب لاعبي اني ضغطت اكس . والسبب هو البنق : فأنا اعطيت الأمر في الوقت المذكور سابقاً ووصل الأمر للبلايستيشن في : الساعه 4 و 30 دقيقه و 10 ثواني و 750 جزء من الثانيه . أما الشخص الثاني وصل الأمر للبلايستيشن في نفس الوقت ولكن في 645 جزء من الثانيه < يعني قبلي بـ 105 جزء من الثانيه . شفتوا كيف الفرق يعني بيقطع الكوره ويروح لنص الملعب ولاعبي توه يستوعب اني ضغطت اكس . هذا هو سبب اللاق يا ناس . كيف تقيس البنق : عن طريق موقع speedtest وهذا رابطه Speedtest.net - The Global Broadband Speed Test . طبعاً يختلف البنق من دوله لأخرى .. يعني اذا لعبت مع شخص في الرياض وانت من الرياض يكون البنق أقل من لعبك من شخص برا الرياض . وحاول تجرب تسوي اختبار للبنق مثلاً اذا انت في الرياض سو اختبار وانت بالرياض واختبار في كندا < شوف البنق شلون يصير راح يرتفع في كندا كثير . طيب كيف تقيس البنق يدوياً : من الكيبورد اضغط علامة الويندوز وحرف R .. ثم اكتب CMD ثم إنتر . بتطلع لك شاشة سوداء اكتب فيها الأمر التالي : ping msa6el.mbc.net ثم اضغط انتر .. بيجري لك أربع اختبارات ويعطيك متوسط البنق عندك .. وهو عندي تقريباً : Average = 263 ms . وهذي صوره للإختبار عندي :  في النهاية : البنق ماله اي حل أبداً فالحل الوحيد انك تلعب مع شخص من نفس ديرتك اللي انت فيها عشان ما يحصل اي مشاكل .. ولو تلعب مع سعوديين يكون احسن . |
||||
|
|
|
05-05-2011, 07:30 PM
|
|
||||
|
Professional chess
|
الكثير والاغلب يشتكي من تشويش الاتصال وفصل النت المتكرر من شركة الاتصالات ولايعرف ان المشكلة لديه بنفسه جهد واضح يااخو فريال وشرح مبسط وينفهم بسرعه والله منتظر من اول شرح لقياس سرعتي ودعمها للكبينة مثبت بالمسمار   يعطيك الف عافيه
آخر تعديل AL Motmaiz
في 07:35 PM.
|
||||
|
|
|
05-05-2011, 09:07 PM
|
|
||||
|
فتى عمّان
|
حبيت اعلق على شيء واحد هنا وهو الموقع اللي يقولك كم يدعم النت عندك اعتقد انه كذاب لاني انا سويته وطلعلي نفس صورتك والمسافة تختلف بيني وبينك اعتقد انهم حاطينه تسليك هذي صورة :  بالنهاية دخلت الموضوع وقرأته كامل تقريباً مو عشان النت يفصل انا النت عندي الحمد لله ما يفصل وحبيت اسجل اعجاب بالموضوع التحفة و آخر نقطة حاب اعلق عليها وهي ADSL2+ انا اتصالي 4 ميقا و حاطين ADSL2+ يمكن مثل ما انت قلت عادةً في السعودية يستخدموا ADSL2+ الصورة :  يعطيك الف عافية
آخر تعديل Ahmad_1
في 09:09 PM.
|
||||
|
|
|
05-05-2011, 09:43 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
|
قائد مسطولي عظيم
|
ايه هالشي انا مواجهه من اول ما نزل خدمة اكس باند جود .. والحين الحمدلله بدأ يضبط اتصالي .. صحيح عندي تشويش بس لو انزل السرعه الى 10 ميقا صدقني ما عاد احس بالتقطيع ابداً . ومشكووور حبيبي على التثبيت
الله يعافيك ترا الموضوع للهلاليين بس لا تقلقني بسألتك << لا صرت هلالي ابشر بعزك ههههههههههه
لا يا احمد تعليقك اعتقد والله العالم انه مو بمكانه مافيه فرق بين بين مسافتي ومسافتك عن الكيبل .. شوف انت 18 وانا 15 < تقريباً متقاربه الى حد ما . المشكله في البعد ابو 20 و 25 << خلنا نشوف هالناس هل فيه تغيير او لا وبرضو اللي قريبين ابو 10 و 5 << ذولي بعد يفرق عندهم السرعه . ملاحظه ممتازه وانا بشيك على الموقع واحط كذا رقم من راسي واشوف هل هو يهك علينا او لا .. مع انه جاب عندي دعم الكيبل عندي صحييح تقريباً .وصحيح آخر نقطه ان adsl2+ هذي من نفس الاتصالات السعوديه تخلي الكل نفس الخيار . والله يعافيك
دق على الفني وخله يتأكد من التسليك الداخلي عندك .. اذا فيه مشكله سو تسليك خارجي وريح بالك والله يعافيك ويخليك وانا اخوك
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
05-05-2011, 10:12 PM
|
|
||||
|
رئيس الأقسام التقنية
|
هذه بيانات مودمي موديل المودم Thomson TG585 v7  1-سرعة الخط عندي 20 ميقا بالتمام . 2- واضح اني قريب من المقسم قولو ماشاء الله 3- العدو اللدود التشويش لكن ان شاء الله مع التسليك يزين  هذه سرعة التحميل عندي المفروض تكون 2200 لكن التشويش لاعب في حسبة الخط الـ ADSL راح ينتهي قريب ويحل مكانه خدمة الألياف الضوئية والاتصالات السعودية قاعده تفعل الخدمة في بعض مناطق المملكة وان شاء الله السنة الجايه راح نشوف الخدمة منتشرة بشكل كبير ونقول وداعا لكيابل الاتصالات النحاسية وداعا للتسليك وداعا للتقطيع
|
||||
|
|
|
05-05-2011, 10:17 PM
|
|
||||
|
قائد مسطولي عظيم
|
هذا سيرفر سريع للي يبي يعرف سرعة التحميل عنده وتعطيك سرعة التحميل كااااااااااااااامله بإذن الله : http://download.thinkbroadband.com/1GB.zip الملف سرعته 1 قيقا بايت << يعني كبير .. شوفي في كم دقيقه تقدر تحمله . |
||||
|
|
|
05-05-2011, 11:11 PM
|
|
||||
|
من شيوخ الحارة
|
موضوعك هذا يفكنا كثير من استفسارات ( النت بطئ وعندي تشويش ووش سالفه البنق والتهنيق ) اشكرك على جهدك يا عسل ولو اني الحين عندي دي اس ال كان صورت لك لكن انا حاليا على كونكت وفعلا ترى السبليتر حق الاتصالات خطير في سالفه التشويش انا مجربه وماشي معي زي الحلاوة |
||||
|
|
 |
| الذين يشاهدون محتوى الموضوع الآن : 13 ( الأعضاء 0 والزوار 13) | |
| أدوات الموضوع | |
|
|
|
|
