 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
28-08-2011, 06:28 AM
|
|
||||
|
charm of femininity
|
تم  . . تفضل : اول شي خذ حشوة ساندوتشات زينه : جب صدور دجاج وقطعها وبعدين انقعها بهالخلطه نسوي التتبيله حقت الدجاج وهي عباره عن : [ علبة زبادي / 3 ملاعق كبيره صوص الـ Hp العادي / عصير ليمونه / فص ثوم صغير مفروم / ملعقه كبيره خل / شوية فلفل اسود / شوي ملح / شوي بهارات ] .. وعشان اختصر عليك السؤال عن صوص الـ Hp هذي صورته :  انتبه في منه ألوان غير الازرق لا تتفسلف وتاخذها عقب ماتتبل الدجاج ساعتين كذا . الحين جب قدر وحط فيه الدجاج .. وخليه لين ينشف من الماي حقه . المهم عقب ماينشف صب عليه شوي زيت وقلبه ثم حط عليه بصل مقطع شرايح طويله . لما يذبل البصل حط عليه مكعب ماجي .. وشوي بهارات وفلفل اسود - لا تكثر لأن حاطين من قبل بالتتبيله - وملعقتين معجون طماط . وقلبه لما يتسبك وخلاص الحين جب ساندوتش وادهنه بمايونيز وحط معه خس وجبن شرايح وبالعافيه . تراها سهله مافيها الا : تبل + احمس + احشي + ابلع لو مره مره مالك خلق .. حط البصل مع التتبيله ومعجون الطماط ثم حطها بالفرن لما تنشف وتستوي .. ماقد سويت كذا في هالحشوه بس جربت غيرها بهالطريقه ويطلع تمام . . . جبت لك شغلات ثانيه سهله قد نزلتها وماتحوسك .. . | دجاج بالجبن والصلصه |   | الطريقة والمقادير مع بعض | : أول شي تقطع صدور دجاج لمكعبات متوسطه وبصل مقطع لقطع صغيره . وفصين ثوم مفروم وتخليهم على جنب . الحين نحط زيت في قدر , ونحط بهارات صحيحه - يعني مو مطحونه - وهي : 3 حبات هيل 4 حبات مسمار فلفل اسود حب - مو مطحون - نص حبة قرفه ثوم مفروم - نص الكميه اللي قصيناها بالبدايه - نحمسهم شوي وبعدين نحط البصل عليها ونرش رشه خفيفه ملح عشان يذبل . اذا ذبل نحط الدجاج ونقلبه ونحط الثوم الباقي والبهارات مطحونه وكزبره مطحونه - الجافه - وفلفل اسود . وفلفل حار مقطع شرايح دائريه - لو تحبونها حاره - ونحمس الدجاج ونخليها على نار هاديه لين تنشف مويتها . الحين بالخلاط نحط : 6 جبن كيري + علبة معجون طماط + كاس ماي + ومكعبين ماجي . ونضيفهم ع الدجاج . ونقلبهم شوي لما يبدى يصير حار ويتسبك ونقدمه .  [ صينية الدجاج بالفرن ]  المقادير والطريقه مع بعض : دجاجه كامله نقطعها لأربعة اجزاء او ممكن جزئين ونبهرها ببهارات مشكله ونحط عليها ثوم مفروم ( انا حطيت فصين ) وملعقتين كبيره صوص صويا وعصير ليمونه وملح ونخليها تتبل 3 ساعات اقل شي , بعدين نقطع الخضار ( بطاطس / جزر / كوسا ) لشرايح دائريه والبصل ( بصله متوسطه ) لشرايح طويله ونص حبة فليفله مقطعه لمكعبات متوسطه بعد مانقطع الخضار نجيب صينيه للفرن ونحط اول شي البصل .. بعدها باقي الخضار وبعدها نحط الدجاج بعد مايتبل ونحط عليه شوي كزبره وبقدونس مفروم وبعدها نذوب علبة كامله من صلصلة طماطم " معجون طماطم " في 3/4 كاس ماء ونص مكعب ماجي وشوية ملح ونصبه فوق الدجاج والخضار وبعدها نجيب تقريبا ملعقة زيت ونصبه فوق الدجاج ونغطيه بقصدير وندخلها الفرن لمدة ساعة ونص تقريبا , بعدين نحمر الدجاج ( نحمر جهه ونقلبها ونحمر الجهه الثانيه ) ونقدمها .. وبالعافيه |
||||
|
28-08-2011, 06:31 AM
|
|
||||
|
العدوان الغاشم
|
الله يهديتس بس .. الحين قد شفتي اسد ياكل سلطه يونانيه ؟؟ او تمساح فارش سماط وماسكه برجله لا يطير به الهوا ويفكك قواطي نواشف على جال نهر؟؟ كل حيوان له اكل يناسبه ههههههههههههههههه ودعلج بكره يمشي عليه هالمثال  ما تعرفينه لا جاع .. كنه مدمن بيفرك في خشمه بكمومه وتحمر عيونه ويطلع تحتها لون اسود ويصبصب عرق ويرتبك ويتحرك بسرعه وكلامه ما ينفهم بكره وانا واقف قدام الفرن اطبخ حطي في بالك انه بيكون واقف وراي وش تحسبين انتي ؟؟ وفاتح ازاريره وطالع شعر صدره وحاط يدينه على خصره واحس بأنفاسه على رقبتي من ورى يدور الشر الله يصلحه هههههههههههههههههه ما تسوى علي بكره ما يجوز له شي او ما يشبع ويبلاني في عمري .. شفتي موضوعه الاخير ؟ بالتحديد شفتي الفرن اللي يسوي فيه مندي ؟ هذا خوفي أنا انه يدخلني وسطه ويصك علي واقعد اطقطق الباب وأقول افتااااااااااح كنه مصكوك علي في مصعد
آخر تعديل نكهة الديزل
في 06:33 AM.
|
||||
|
28-08-2011, 06:32 AM
|
|
||||
|
عدسة مبدعه
|
انصحك تسوي هذا الشيء المقادير / دجاجه كامله مقطعه ومسلوقة + فطر + بطاطس مقلي حلقات .. الصوص / 4 ملاعق صويا سوس + نصف كوب مرقة الدجاج الي تو سلقنا فيها الدجاج + نصف كوب مايونيز تقريباً + نصف كوب كريمة خفق + نصف علبة زبادي ( ممكن تستغنون عنه ) + ملعقه صغيره ملح وبهارات مشكله وفلفل + فص ثوم مهروس .. بس انتبه للملح انا سويتها اول مره مالحه ورقعتها بمويه ! الطريقه / تاخذ صنيه الي ممكن تتدخل الفرن وتصف فوقها البطاطس المقلي بعدين الماشروم بعدين الدجاج المسلوق بعدين الصوص لا خلطانه مع بعض .. وتدخلها الفرن لمده نصف ساعه ومن فوق شوي عشان تتحمر وتتقدم مع رز أو خبز .. بس الأفضل رز وعشان تشبعه أكثر  واستمتعوا .. وصدقني ماراح ياكلك  هذا الشكل النهائي بس التصوير سريع سريع للاسف ^^ |
||||
|
28-08-2011, 06:37 AM
|
|
||||
|
charm of femininity
|
وعليكم السلام .. سمّي هذا موضوع كبسته ، كبتسي احلى من كبستها ض1 ( تحدي كانه موب عاجبك ) |
||||
|
28-08-2011, 06:37 AM
|
|
||||
|
ملح المطبخ
|
روح الفانيلا ,, أذكر انتي طلبتي صينية الخضار صح؟ اذا ايه اعذريني ع التاخر سافرت ويوم رجعت انشغلت حبتين بعدين صكتني انفلونزا  الطريقه والمقادير مع بعض ,, مع اني استغربت انك ماتعرفين هالصينيه جداً معروفه خخخ قطعي اي خضار تحبينها ,, احنا حطينا باذنجان بطاطس جزر وزهره -قلب- احيانا نحط كوسه إقلي كل نوع على حده <<  لما تقلينهم خلاص حطيها بالصينيه وحطي بالخلاط 4 ملاعق جبن 4 ملاعق مايونيز فص ثوم علبة قشطه ورشة فلفل اسود واخلطيه وحطيه ع الصينيه ودخليه الفرن بس من فوق فيه طريقة ثانيه يسوونها بنات خالتي مقاربه لطريقتنا بس اكثر شغل ,, نفس كل شي ماعاد انهم يقطعون بصل وطماط شرايح ويحطونهم بمقلاة وشوي بهارات وملح وصلصه طماط ملعقه كبيره ويقلب حتى يذبل الطماط والبصل ,, <<هالطريقه اول شي تحطينه بالصينيه هو الي في المقلاة وبعدها الخضار ثم الصلصة البيضاء وهنا وعافيه -قلب-  , , مناي -قلب- صينية البطاطس جداً سهله ,  , <<جالسه تتمقل بالصوره  اشتهيتها قسم  5 حبات بطاطس كبار ,, قشري البطاطس وقطعيه شرايح متوسطة المتن حطيها بالصينيه وحطي عليها نص كاس زيت زيتون ,, كاس ليمون ,, كاس وربع مويه مذوب فيه حبة ماجي وثوم مفروم(انا ماحطيت ماجي بس مويه) شوفي الليمون والثوم مقدارها ع حسب الي انتي تبينه ,, حطيت كاس كامل وصارت مررره حامضه بس عاجبتنا لو ماتحبين الحامض قللي ليمون والثوم حطيت فصين فيك تكثرين او تقللين غطيها بقصدير ودخليها الفرن من تحت لحد ماتستوي انتي بعد 40 دقيقه افتحي الصينيه واقطعي بطاطسه اذا انقطعت بسهوله يعني خلاص شيلي القصدير وطفي النار الي تحت وولعي الي فوق للتحمير -قلب- وهنا وعاافيه
آخر تعديل رتيــــل
في 06:53 AM.
|
||||
|
28-08-2011, 06:40 AM
|
|
||||||||||||||||||||||||||||||||||||||
|
charm of femininity
|
شدعوه ماتقربين له لأن ماتضبطينه .! اكتب كل شي بالتفصيل جربي تسوين وبيضبط ان شاء الله :/ واذا ع التزيين قصدك . الطعم أهم شي ترى . |
||||||||||||||||||||||||||||||||||||||
|
28-08-2011, 06:41 AM
|
|
|||||||||||||||||||||||
|
راعي محل
|
أول شي انا شنب ثاني شي انا شفت موضوعه اججل وش دراني عنه  لا بس هو موب كاتب المقادير والطريقة كاملة لذلك الى يعرفها ياليت يتكرم ويقولي اياها |
|||||||||||||||||||||||
|
28-08-2011, 06:51 AM
|
|
||||
|
العدوان الغاشم
|
شكراً على فزعتكم .. عز الله انكم بنات رجال .. بس معليش هل زل لساني تو وقلت اني بطبخ في فندق الهوليدي إن مثلاً ؟ مطبخ مزرعه ابن سته وستين كحيان .. تدخله كنك طاب وسط قبر كله على بعضه متر في 63 سنتي وفيه دولاب محطوط في نص المطبخ مدري شلون تجي الله لا يضيق علينا تفكرون ان كل مطابخ الناس مثلكم ؟؟ ما عنده مغارف ولاا صحون ولا صواني ولا اي وسائل مساعده تحسسك انك داخل مطبخ .. لولا اني أشوف الفرن كان حسبت انها غرفة العامل حتى بعد عامل قديم كان عندهم وماتت امه وسافر وقال برجع وسحب عليهم لانها مغبره بقوه .. بصورها بكره وتشوفون وتصدقوني .. وحده تقول صوص hp والله لو اني بشتري له لاب توب .. واللي تقول فطر وصويا .. معليش يعني معليش يعني بالعقل الحين الساعه 7 الا شوي والرجال بيمرني الظهر ونطلع .. ما معي وقت ومقاديركم ذي يبي لها ثلاث ايام ولو ابدا اطبخ بتستوي طبختنا ثاني العيد عقب المغرب
|
||||
|
28-08-2011, 07:01 AM
|
|
|||||||||||||||||||
|
charm of femininity
|
اسفين . اي شي ماعرفته اكتبه له في الموضوع وان شاء الله انه بيجاوبك . كبسته وهو ابخص فيها . . نكهه الحين انت ماخذت من ردي كله الا صوص الاتش بي ؟ ترى حطيت لك اكثر من طبخه اتوقع اخر وحده فيهم تصلح لك مايبيلها الا فرن بعد قول ماعندك وصوص الصويا تقدر تستغني عنه . وحتى صوص الاتش بي لاتحطه بالمتعنفق d11 |
|||||||||||||||||||
|
| الذين يشاهدون محتوى الموضوع الآن : 4 ( الأعضاء 0 والزوار 4) | |
| أدوات الموضوع | |
|
|
|
|
