 |
 |
 |
 |
 |
 |
 |
 |
 |
02-08-2011, 04:55 AM
|
|
||||
|
فدائي
|
يومي الرمضاني .. مشارك .. !
صبحكم الله بالخير .. بالنسبه للخاله أخت أخو أخته اللي ردت في الموضوع الأساسي وتحسبي بحط موضوعي أمس أحب أقولها تبين تعلمينا إن الساعه لا تعدت 12 بالليل نخش بيوم جديد أحب أشكرك على هالمعلومه القيمه يا خاله والله يكتب لتس الأجر فدتيني بهالشهر الكريم ههههههههه أشكر حرصتس طال عمرتس .. ( صورة ورده ) ___________________________ اللي راح كله مدخل .. المهم .. يالربع تقبلوا موضوعي بصدر رحب بعفشه بوقته بلخطبته باللي فيه متابعه يارب ممتعه مثل ما استمتعت من جد وأنا أشارك وأصور نبدأ 1 2 3 قوووووووو قوووو <--- تحمست بدا يومي بعد السحور حق أمس ههههههههه واضح يا خاله أخت أخو أخته تسحرت وبعدها نقزت أقرا لي كم صفحه .. كما هو موضح بالشكل رقم ( صفر ) ودايما هذي حزت قراءة القران عندي .. ومتعود من سنوات طويله ما قرا إلا قبل صلاة الفجر .. !  وبعدها صليت الفجر ورجعت ووأحلىىىى نومه .. .. !! صحيت بيوم 1 / 9 الساعه 2 الظهر أبشركم ما خذ اجازه من خمس أيام ومكملها برمضان وشابكها مع 25 رمضان ووعدنا سادس العيد المهم صليت الظهر اللي فاتتني للأسف  وطلعت عند الباب وأخذت جريدة الجزيرة من الصندوق ورجعت أقراها  وقتها وضعي كان نشيط يارب لك الحمد ودي أتحرك وأناقز بالبيت فرحان برمضان هههههههههه قمت ألف بالبيت ومريت المطبخ وهزني الشوق لأيام مضت ههههههه وكعادتي السنوية حفظني الله ورعاني ولاهيب نصبه يارب لك الحمد ولا مهايطه إلا وربي صدز ساعدت مميتي بلف السمبوسه ولا نيب أعرف ألف إلا بالجبن وتقدمت واثق الخطوه يمشي ملكا كمل ستلاحظون بالشكل ( 1 ) وقد سويت مثلها السنه اللي فاتت أو اللي قبل ونزلتها بالمساطيل ما أذكر بالضبط .. اللي أذكره إن المساطيل للمره الثانية تشوف سمبوسة احساس خبل ..      كالعاده أخمبق معهم بأول يوم وعقبها الوجه من الوجه أبيض وبعدها أذن العصر نقزت غسلت يديني جددت وظوئي ونقزت للمسجد جمب البيت ودخلت المقلط ولقيت هالمملوح متكي على اللاب تووب ولقطته بصوره أنظر للشكل ( 2 )  وعقبها جلست أقلب بالتلفزيون وطحت على مسلسل بقناة قطر أعجبني صراحه ولا أدري وش اسمه بيني وبينكم للحين .. أنظر شكل ( 3 )  جلست إلين وقت الفطور بالمقلط مابين نت وتلفزيون ونت وتلفزيون إلين جات السفره وجاء وراها الفطور انظر شكل ( 4 )  وبعدها طول الله أعماركم رجعت وكملت الفطور وإليكم السفره بعد الدبغ هههههه انظر شكل ( 5 )  وبعدها قربنا القهوه والشاي وعلى التلفزيون من قناة لقناة وأي شيء يعجبني أوقف عنده وأكثر شيء أعبجني مسلسل فايز المالكي ههههههه هو وجدته والله يا إني ضحكت من قلب وربي من زماااان ما ضحكت مثل كذا بيني وبينكم ... وبعدها أذن العشاء أخذت الوالده و نقزت للمسجد اللي جمبنا اللي هو جامع الخراشي أنا وهي وكان بصراحه مكتظ بالمصلين وأنا داخل لقطت هالصوره بحركة سريعه وسلسله لا أحد يشوفني ويشره علي هههههه انظر شكل ( 6 )  صلينا العشاء والتراويح ورجعت البيت لقيت الاهل متواجدين بالصاله وحاطين على لقناة الأولى ويتابعون الصلاة ويتقهون وجايبين شوي من فطورنا  جلست معهم ودردشه على خفيف وعقبها رحت ألبس بدله ووتوجهت للاستراحه .. تقريبا على الساعه 10 دخلت الاستراحه ولقيت هالمملوح جالس وقلت بلقطك بصورة وافق بكل براءه صورته وتهاوشنا امس لا تمسح قلت بنزلها بالموقع تحداني وهدا أنا منزلها بس غطيت وجهه لا يقضي على هالدب والله لتوطاني .. المهم كان فيه ثلاثة فقط من الشباب ما جات الساعه 11 إلا كثرت المجموعة وجو الشباب وجلسنا نسولف كما هو موضح بالشكل ( 7 ) هذي الاستراحه اللي بتشوفنها دايم نجتمع فيها نستاجرها من فتره لفتره متى ما طفشنا وبرمضان كملناها وأخذناها بالشهر كله ..     وبعدها توزعنا تمهيدا للعب .. لعبنا طائره اللي لها من جد طعم برمضان موب صاحي قسم بالله تقول سنه مؤكده برمضان استغفر الله هههههههههه لعبنا وتهزءت وتمزعت ولعنوا حظي وبعدها جلسنا شوي إلين جات الساعه كما هو موضح بالشكل رقم ( 8 )  صباحاً .. وصلت البيت لقيت السحور جاهز ولقيت الوالده مسوية هالأكله ههههههههه أعجبني شكلها هذا غير طبعاً عن طعمها مقلوبه مدري وش اسمها الوكاد انظر شكل ( 9 )  وبعدها قربت اللاب توب وأخذت كوب شاهي وجلست أكتب لكم يومي الأول من شهر رمضان الكريم وأستمتعت بكل لحظات هاليوم الجميل وأتمنى أنتم كذلك .. !! وبهالصوره  ينتهي يومي <--- شرايكم فيني وأنا مسوي أكشن ( أبد ما قروش أخوه الصغير وهو يرد الباب ويفتح الباب ههههههههههه من اليوم ) أدري الموضوع ناقصها فيسات وحركات عشان يطلع حلو بس والله متكاسل وما صدقت أخلص .. أعذروني ع القصور .. !
آخر تعديل إحساس خبل
في 05:08 AM.
|
||||
|
|
02-08-2011, 05:26 AM
|
|
|||||||||||||||||||||||
|
حده بسابيس بلدي
|
هل الاشياء ربه يحاسبه علينا حنا ناس نبي نصايح |
|||||||||||||||||||||||
|
|
|
02-08-2011, 05:32 AM
|
|
|||||||||||||||||||
|
فدائي
|
هذي الشروط والضوابط ما لقيت فيها نصيحه <-----  لكن أنتم كبار وفاهمين ما تحتاجون لنصايحي أنا ووجهي خخخخخخ |
|||||||||||||||||||
|
|
|
02-08-2011, 05:53 AM
|
|
||||
|
حضور سخي
|
10 أكيد .. لو مايجي منك الا احساسك بالرغبة في المناقز والمطامر عشان فرحتك برمضان ههههههههههههههههههههه والله يا اني اتخيلك واضحك ض1 هذا وانا ماعرف شكلك بس يطري ببالي تناقز كنك كنغر هههههههههههههه تبارك الله يومك حلووو ومممتع ؟، ويكفينا قلطتك بالمطبخ والفزعة بسمبوسة الجبن ولو اني يوم شفت كمية الجبن قلت بيني وبين نفسي جعلي ما أطرّه على هالكميّة ض1 <"-- معاد صارت بيني وبين نفسي قلتها خلاص  المهم اسفه هاللي اسمه مرعب واصفق بكريزي عرض الحائط وانت كذا ( صورة يد ضامة اصابعها و رافعه الإبهام وتقول اوك ) <-- ! - |
||||
|
|
|
02-08-2011, 06:14 AM
|
|
|||||||||||||||||||
|
عيدهم سنع
|
بكل جداره ماشاء الله عليك، تبارك الرحمن يومك فيه حياااااااه، مابين الاهل والاصحاب حسيت ان روحك مرحة ومتفائل - -> قامت تحلل الشخصية
آمين، ورزقها الله برك ورزقك الله بر ابنائك ذكرتني باخوي القعده الله يرجعه بالسلامه، فيه كثير من نهارك الرمضاني وكان احيانا وعند الروقان يغسل المواعين عني، ومتخصص في فرد العجين
|
|||||||||||||||||||
|
|
|
02-08-2011, 06:19 AM
|
|
||||
|
توه ساكن
|
لأ موب صدق انك قاعد تلف سمبوسه مع امّك اخواني اذا كنت جالسه وقلت عطني ملعقة من الدرج يقول احلفي  !!!!ولو انه بس اول يوم على قولتك خخخخخخ 9 من 10 ابفهم الصوره الاخيره وشو يعني ههههههههههههههه وش الحكمه يعني , عطني رابط يربطها بالموضوع ؟   وكل عام وانت بخير وسفره دايمه .. |
||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
