 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
05-08-2011, 02:46 AM
|
|
||||
|
المتحدث الرسمي للمطبخ
|
|| أشرف الشمري : الضيف الثاني في فعالية عزوبي في المطبخ ||
يالله حيهم كلّن باسمه، ضيفنا اليوم اشتهر بـ " أبو مساويك " - وفي رواية أبو فلج -  ،راعي كبسات ومن شروط ضبط الكبسه عنده الاستماع إلى : ماجد المطرفي  - عليه جو بعد مدري وش يبي - . أكيد عرفتوه مايحتاج بعد : أشرف الشمري ، . . ياهلا والله بأشرف - يا هلا ويا مرحبا بكم 2/ مطبخ المساطيل وده يتعرف عليك وياخذ جوله بمطبخك ويسألك بعضالاسئله << من قدك - على الرحب والسعة وحاضر باللي أقدر عليه. 3/أول حاجه وقبل أي سؤال نبي صوره لمطبخك الحين الحين .. يعنيالحين تقوم تصوره .. وعادي صوره مثل ماهو مايحتاج تشيل هم الترتيب وتتعب عمرك .. ونبي كم صوره إذا ماعليك كلافه ؟والله هالسؤال هذا ما ضربت حسابه لأني لو داري كآن أخذت صور لمطبخي < - - حلوة مطبخي هههههههه .. والله أخاف عجوزي بكرى تفضحني وتقول وش هاللي ما يستحي يصوّر مطبخ أهله وينشره بالأنترنت هههههههههههههههههههه لكن مطبخي أنا قد نزلته بموضوع هنا ..  . .  . . 4/ كيف الحال .. ؟؟ وكيف الغربه معآك ؟ << بدري طيب والحمد لله أولاً وأخيراً على كل حال .. أمّا الغربة ماشيه وأنا الحين بالرياض أقضي بداية رمضان بين أهلي .. رغم أن آخر رمضان قضيته معهم هو رمضان عام 2008 .. لكن الحمد لله اللي مكني في هذا العام. 5/وش آخر شي بلعته ؟؟ << بدا عرق اللقافه يشتغل خخخ شاورما على الساعة 11 من مطعم ماما نورة أنا وصديقي وأثنين من أصحابه. 6/ كيف نظامك برمضان ؟ ( وجبة الفطور والسحور) .. وكيف تدبر امورك ومن اللي يطبخ؟ الآن ضيف شرف وأتشرّط بعد هههههههههه وليتي أقوم على أوقات الفطور والسحور ههههه .. لكن هناك في الغربة .. لدّي صديق هندي صاحب مطعم يقوم بعمل وجبة رمضانية خاصة تحتوي على الكثير من الأطباق اللي تعودنا عليها في رمضان من شوربة وسمبوسة ولقيمات وعشاء خفافي .. وأيضاً إذا كان مودي طبخ أفسّر ذرعاني وأطبخ ما عندي مانع نهائياً .. بل أستمتع بالطبخ خصوصاً السحور أمزمز عليه .. : ) 7/ أكله مفضله عندك ( تقدرها وتحبها .. اتمنى ماتجيبون طاريالكبسه << وشدخلك ) .. ومشروبك المفضل ؟؟- ما دام الكبسة محظورة أجل نقول : باستا ألفريدو مع الشرمب .. أقدرها جداً كذلك أقدر المطبخ الهندي بكل ما يقدم من أكلات صراحة. أما المشروب .. لكل وقت مشروب .. لكن أقدر شيفاز فخار ههههههههههه 8/ وش اكثر تحب الحلويات ولا الموالح ؟؟ - على حسب المزاج والجو والمعيّة  9/ هل انت سعودي تقّدر الكبسه ؟؟ او ممكن تستغني عنها هناك بالغربه وتتكيف بدونها ؟ - لا ممكن أستغني لكن ماهو لفترة طويلة لا بد تقريباً على الأقل كل ويكند كبسة مرتبه كذا مع أثنين أو ثلاثة من الزقرت اللي على الجو. 10/ وش تعني لك الاشياء التاليه الصامولي / متعوّد أفتحه كي أخفف من كميّة العجين الموجود بداخله ههههههههههه الجبن السايل / رفيق تالي الليل إلى الآن ولا يهون الكيري هههههههههه الاندومي / حاولت أستسيغة وأطيح فيه ما قدرت للأسف .. : ( البيض / أطفال ينتظرهم مستقبل زاهر .. نخطفهم من أمهاتهم ونأكلهم هههههههههههه التونه / إلى الآن وأنا محتار هل تطبخ أم توكل جاهزة .. ؟! الكبسه / أحب تناولها ليس لأجلها ولكن من أجل طعم الزقارة بعدها ههههههه المكرونه / سلمّها طبّاخ إيطالي وإزهل الباقي .. : ) الضب / ههههههههههههه كيوت ما شاء الله عليه .. : ) 11/ أفضل أكله شعبيه عندك ؟؟ كلها جميلة من عصيدة من هريسة من جريش من مرقوق كل وجبه ولها وقتها .. لكن اللي أتلذذ لها المقلوبة. 12/ بما انك مغترب ووحيد هل سبق واخترعت طبخه من مخك ؟ وكيف كان الاختراع .. يستاهل عليه براءة الاختراع ولا تنومت بعدهابالمستشفى ؟هههههههههههههههههههههههههههههههههههههههههههههههههه ههههههههههههههههههههههههههه لا والله الإختراعات ماهو الآن .. الإختراعات أوّل يوم كنت صغير .. وأغلبها ناسيها. 13/ هل انت راعي طبخ ومطبخ وإلا فاست فود ؟ تمل من الفاست فود فتلجأ للطبخ ثم تمل من الطبخ وتلجأ لمطاعم الفايف ستار ثم تمل منها وتعود للفاست فود وهكذا .. هي رحلة تتكرر وحسب الأجواء .. على سبيل المثال في الشتاء دائماً تجيني دافعية للطبخ سواء داخل مطبخ أو بالخلاء كشوي وباربكيو لذلك غالباً الشتاء أدهر فيه مدري ليه هههههههه إذا انت راعي الطبخ والمطبخ .. متى تطبخ ..إذا طقك الجوع أو طبخ تسليه << وماظنتي انه تسليه ؟قليل أطبخ بسبب الجوع الجوع ما غيره .. لأني لو كنت جيعان ما راح أصبر حتى تقضي الطبخة .. لكن أقدر أعتبرها تسليّة .. لأني أتأخر بالطبخ بشكل غير طبيعي .. أحب أطبخ على نار هادئة ولا أحب أن يتدخل بالطبخة معي أي كائن كان هههههههههههههههه .. لأنه لو تدخل فيها إنخبصت زيادة على ما هي مخبوصة أصلاً. 14/وش رايك بالزوج اللي يعاون زوجته بالمطبخ ويغسل عنهاالمواعين او يتهور و يطبخ .. وهل انت معاو ضد هالشي ؟ والله كفو إذا كانت الزوجة ترى لهذا الشئ على أنه تعاون ومساعدة لها أمّا إن كانت تعتبره تركيع له كزوج فما أنصحه صراحة  لأن ترى بعض الزوجات ما ينعطون وجه .. ويعلم الله ما أقولها لا تشدّق ولا كذب .. لكن فعلاً أرى أن معرفة الطبخ مطلب للرجل كما أنه مطلب للمرأة .. سواء قهوة وإلا شاهي وإلا كبسة وإلا تضبيط مشاوي .. الإنسان إلا ما يطلع مع أصدقاءه ويكشت لذلك يحتاج أن يكون شخص شقردي وراعي كار وليس عالة .. أحياناً حتى لو تطلع للبر مع أهلك ممكن تطبخ لهم أنت وش المشكلة ؟؟15/إذا اعرست مستقبلا ولو أن وجيهكم موب وجيه عرس.. وش تحب حرمتك تطبخ لك وتبدع لك .. وهل بتكرفها من اول سنه ؟ ما قد تخيلت نفسي شخص متأهل يوم من الأيام ولا أتوقع للأسف ههههههه لذلك غير قادر على تخيّل جواب واقعي لهذا السؤال .. لكن أعتقد والعلم عند الله أن الزوجة هي اللي ودّها زوجها يأكل أكل هي من قامت بطبخه وتحضيرة إلا إذا كان هذا عكس الواقع .. فأتمنى منك التصحيح. 16/ تجربه في المطبخ ماتنساها ؟ إذا كان لك تجارب ؟ ليست في المطبخ ولكن في المشب كنّا جالسين أنا وثلاثة من أخواني وتقريباً أربعة من عيال جيراننا أيام الطفولة وحاطين دلة وأبريق على جال النار وقاعدين نشوي فقع ونطقطق عليه في ليلة شتوية لا تنسى حتى ذهب ولد جارنا وخربها وجاب جراد عشان يشويه ويأكله .. كنت على وشك أن أستفرغ عندما شاهدت المنظر ههههههههههه زامت علي تسبدي ولا أدري وش السبب. 17/ بما أنك مغترب بنسألك كيف غسيل المواعين ؟؟لأن غسل المواعين أقرف شئ ممكن يعرض علي دائماً أستخدم المواعين ذات الإستخدام الواحد .. أما إذا كانت مناسبة وأصدقاء لا والله أستخدم مواعين وأستلم الطبخة وأوعدهم بوجبة ذات طعم مقبول إلى جميل بشرط أن يغسلوا هم المواعين بعد الأكل وينظفون المطبخ ههههههههههههههههه 18/ إذا ماعليك كلافه .. نبيك تصور لنا طبخه بسيطه من الطبخات اللي تسد جوعك بانصاص الليالي .. أي طبخه سواء اندومي .. صامولي جبن بيض .. أي طبخه ؟؟ لو أبشرح اللي منعني من وضع أكبر قدر من الصور كان ما أحد فهمني لكن والله ما عندي صور كافيه الآن .. لأني بالرياض. 19/أول طبق في حياتك سويته .. وش كان وكم تعطي نسبة نجاحك فيه << حشى اختبار مو طبخ ؟غير القهوة والشاهي طبعاً بيض ههههههههه أذكر أني زوّدت الملح ورحت وأضفت عليه سكر على بالي كذا الملح راح يخف هههههههههههههه 20/ انت من النوع اللي يحب يتشرط في نوعية الاكل سواء بالغداء او العشاء على اهله وتعطي ارآئك وتتفلسف هذا مالح .. هذا حالي مررا << واضح ان صاحبة السؤال متعقده منهالنوعيه ؟أوّل أي والله التعامل معاي مقرف لأبعد درجة .. لكن بعد الغربة والله أي شئ يجي ما أقول لا .. لأن حاسة الذوق عندي لم تعد تتشرط كالسابق. 21/ شباب كثير مايعترفون بطبخ البيت وأغلب اكلهم من المطاعم ... هل تعتبر نفسك منهم ؟ - كنت واحد منهم وبقوّة .. لكن الآن هجدت ثم أني لو فضلت المطاعم لا أفضلها إلا من أجل قضاء وقت ممتع وكسر للروتين .. حتى أحياناً نطلع مع شباب لمطعم ليس من أجل الأكل بقدر ما هو تغيير جو. 22/ وش هي المطاعم المفضله عندكبالطعم الحلو والنظافه قبل كل شي ؟؟ (( اللي بالسعوديه طبعا) - هناك مطعم هندي بنهاية شارع التحلية - ناسي أسمه الآن - وفيه عمو حمزة  وفيه مطعم العاذرية بطريق الملك عبدالله .. وفيه المطعم التراثي بحائل .. وفيه أيضاً مطعم الرومانسيّة بسلمان الفارسي وفيه أيضاً ماما نورة سواء للإفطار وإلا للعشاء وهناك العديد من مطاعم الوجبات السريعة الغير مشهورة المتفرقة في أنحاء الرياض. 23/وجباتك اليوميه تحرص ان تكون مع اصحابك او تنفرد فيها بلحالك؟؟ << الله من سماجة هالسؤال .. اللي كتبته اكيد عندها حاله نفسيه ؟لا والله أفضّل أن يكون مع أحد سواء من العائلة أو صديق .. إذا ما فيه أحد لا مانع من أن أبلع وحيداً .. ما كولوّا بوردءان ههههههههه 24/طبخه معينه ... ودك تتعلمها ؟؟المنسف الأردني ,, والطاجن المغربي أو كما ينطقونها "طاجين لحم بالمرقا " .. أحسّ فيهم متعة ويستحقون إني أتعلمهم وأمخمخ عليهم. 24/ نبي صوره لفطورك + سحورك لاهنت للأسف الشديد نادراً ما أفطر مع الناس في رمضان .. والسبب النوم .. يعني يقوموني للفطور وأقوم أتبع اللي قومني مجرد ما يغيب عن عيني رجعت وسدحت النومة مرّة أخرى وسحبت على الشعب هههههههههههههههه وهالعادة فيني من مبطي سبحان الله .. راعي نوم بشكل غير طبيعي للأسف وصاحب برنامج معفوس ومتعب .. لدرجة أني ما قدرت أصيد الفطور عشان أصوّر شئ يسوى أخرتها قلت خل أصوّر فطوري لحالي بعد ما قمت ههههه  عقبها رحت للملحق وجوني أثنين من الزقرت وقمنا نتفنجل من خمر البادية " قهوة " ههههههههه لين ما جاء السحور وأكلنا لكن للأسف ما قدرت أخذ راحتي بالتصوير هههههه فضيحة زين شكلي أصور قدامهم وربي لا يفضحوني .. أول ما قاموا يغسلون لقطته سريع سريع .. مضغوط لحم بس ما أدري اللحم غنم وإلا حمير للحين وأنا شاك صراحة ههههه  25/ طبخه معينه شفتها بالمساطيل وعجبتك .. نبي صورتها لاهنت ورابط الموضوع ؟ واجد لا تعدّ ولا تحصى والله .. لكن أذكر هنزادة كانت فعلاً مميزة بكثير من طبخاتها وأطباقها بجانب هند مسرورة بفستانها وكأنه مو عاجبك .. الثلاث أسماء هذه ولو أني مقل بدخول المطبخ لكن دائم لا حصلت لهم شئ أحصل شئ رائع .. وفيه كذلك مندي سمك ل sul6an .. أذكر سعبلت قدام الشاشة يوم شفت الطبق هههههههههههه وإذا في طبخه طبقتها من مطبخ المساطيل بعد نبي رابط موضوعها .. ؟ - ما قد جرّبت للأسف لكن أكيد في المستقبل. 26/ / آخر شي .. رآيك .. إنتقآداتك لمطبخ المسآطيل والمشرفات؟؟ وهل تشوف ناقصه شي ؟؟ طيّب ما فيه كلمة أخيرة لي .. اللقاء كذا أحسه مبتور هههههههههههه لا الصحيح أن المطبخ .. يسير على أحسن ما يرام بالأخوات والأخوان اللي يتحفوننا دائما بأجمل الأطباق ومشرفيه سواء السابقين أو الحاليين اللي كلهم معلّمين ما شاء الله. . . يعطيك العافيه أشرف على سعة صدرك  مع تحيات :<- يمديكم ؟شموخ المعالي / سوكره هانم / كأنه مو عاجبك . . المايك لكم اعضائنا |
||||
|
|
05-08-2011, 03:31 AM
|
|
||||||||||||||||||||||||||||||||||||||
|
مجاهد إلكتروني
|
ههههههههههههههه تسجل بالتاريخ بيض مالح حلو،، 10
تسجل بقاموس العرب ،،،، وكل عام وانتي بخير اشرف ،،،وتقبل الله منا ومنكم،،، والشكر موصول للحلوات مشرفات المساطيل،، |
||||||||||||||||||||||||||||||||||||||
|
|
|
05-08-2011, 03:42 AM
|
|
||||
|
ماتقبله البقالة
|
اشرف انت تقول : ابي اقضي بداية رمضان مع اهلي ..!! افهم من كلامك إن رحلتك يوم 15 من هالشهر ..؟! إن كان إيه .. علمني لأن ولد اختي رحلته نفس رحلتك وإن كان لا .. اهم شي علمتكم إن عندي ولد اخت يدرس في امريكا عافي يالشيّف
|
||||
|
|
|
05-08-2011, 07:24 AM
|
|
|||||||||||||||||||
|
عطر الحجاز
|
ههههههههههههههههههههههههههههههههههههههه عندما يشتغل عنصر الذكاء خلاص بعدين اذا سويت شاهي وسكره زايد بأحط شويا ملح عشان يخف حسبي الله على بليسك يا اشرف , وان شاء الله يتعدل نظامك وتفطر في وقت الفطور والجمعه لان جو رمضان بسفرة الافطار والسحور مع الاهل شي ثاااني ومن اسعد الاوقات في اعتقادي + النوم اذا كثرته بيزيد اكثر ويتعبك حاول تقلل منه او تجد حل مقابله جميله , وفكره اجمل منكم ياقسم المطبخ يعطيكم العافيه جميعاً |
|||||||||||||||||||
|
|
|
05-08-2011, 12:13 PM
|
|
||||||||||||||||||||||||||||||||||||||
|
مشرفة الصندقة
|
خل عنك بس ليه ما قلت سالفتك يوم انك احرقت البرجر الين طلعوا كل اللي بالشقق و دقت صفارات الانذار من ريحة الدخان هههههههههههههههههههههههههههههههههههههههههههههههههه ههههههههههه والله يوم قريتها بزاويتك يا انا تمزعت من الضحك اجل طالع كأنك مستر بن و انت تطلع الدخان برا هههههههههههههههههههههههههههههههههههههههههههليه يا اشرف ما كتبتها والا ما تبي تتذكر ماضيك الأليم و فعلتك المشينه يا انت غرفت قلوب اللي بالشقق عشان هالبرجر لا عاده الله
صدقت التونه ذي امرها محير فعلا بس يا لبى هي اذا جات مكشنه اسال مجرب الف شكر يا اشرف استمتعنا معك خصوصا يوم تذكرت سالفة البرجر و ترويعك للآمنين بالشقق شكرا يالمطبخ
|
||||||||||||||||||||||||||||||||||||||
|
|
|
06-08-2011, 12:17 AM
|
|
||||||||||||||||||||||||||||||||||||||
|
عيـّار
|
تصدّق عاد يااشرف لو ماشفت هالقدر بهاالصورة كان قلت وش فية الادمي مصوّرن لنا غمارة جمسهم قسم باالله ناقص بس دركسون وتقول غمارة يوكن ماشاء الله ماشاء الله .. شكل فرنكم من النوع المتطور مرة ..تراي قلت ماشاء الله ياأشرف مهب بكرا يقلب فرنكم لدافور تقول بس مطاول صفقني عين !! ترى ياويلك
هههههههههههههههههههههههههههههههههههههههههههههههههه ههه ههههههههههههههههههههههههههههههههههههههههههههههههه الله يغربلك يااشرف هاالحين حامت تسبدك من الجراد ولا حامت تسبدك من فقعكم هاللّي تطقطقون علية يعنبو إبليسك أحد بكامل قواه العقلية يطقطق على فقع
ولك وجه تتشرّط بعد !! لكن ماأقول إلاّ الله يذكر فقعكم اللّي كنتوا تطقطقون علية ولا يهوننّ جراد ولد جيرانكم ههههههههههههههههههههههه لقاء حلو وجميل مع إنسان رااااائع الله يسعدك ياأشرف على هااللقاء اللذيذ واالممتع ..وملايين الشكر لا تكفي لمشرفات المطبخ كانه وسوكرة وشموخ على هاالفعالية الجميلة |
||||||||||||||||||||||||||||||||||||||
|
|
|
06-08-2011, 07:14 AM
|
|
||||||||||||||||||||||||||||||||||||||||||||||||||||||||||||||||||||||||||||
|
مآمثلها أحد
|
حيّ الله أشرف ..
ههههههههههههههههههه عجبني تعبيرك هنا
ذكرتني بأخوي الله يصلحه قبل مايتزوج يوم نطبخ .. يآأنه يكرهنا بالطبخ من كثثر تعليقاته حطو هذا لاتحطون ذا .. طيب وش دخلك اهم شي تأكل شي زين ويوم يجي يطبخ ياووويل اللي يدخل المطبخ معآه نفضي له المطبخ .. لكن صراحه طبخه مسكت
ههههههههههههههه أهم شي انك تضمن ماتغسل هالمواعين شكلي من بكره بسوي هالشرط مع امي واختي
ههههههههههههههههههههه بالله وش طلع الطعم أشرف الشمري شآكرين لك قبول هالاستضافه وسعة بآلك والله يوفقك يآرب بالدآرين |
||||||||||||||||||||||||||||||||||||||||||||||||||||||||||||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
<........قاتل الله الطفاقه والا احد يشرب فينتوا بالسحور 
" 
