 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
06-08-2011, 10:18 PM
|
|
||||
|
الجمال جمال الروح
|
وينك ياجسر المحبه ...هل اقفلوك الحبايب || مشارك || قروب " أمل + لودي "
: :  السلام عليكم بعون من الله وتوفيقه وبسبب الطفش والملل قررت اني اسوي شغله اتسلى فيها  واشارك في هالفعاليه الطيبه  صابتني الحيره من نوع الطبخه صراحه دورت ودورت وطحت في حلا حليو وخفيف وسهل ولذيذ  خصوصا ان كل اغراضه موجوده ماجبت من برا الا بسكوت شاهي  نبدأ بسم الله .. عاد انا مثل العجايز مااحب اسوي شي وانا واقف لازم اسوي بسطه واقعد اخبص خخخخخخخ نبدأ بالمقادير   بسكوت شاي حجم كبير علبه قشطه نسكافيه كاكاو وفنجالين قهوه سكر  نحط اول شي مويه عاديه في زبديه صغيره ونحط عليها ملعقتين كافي ونذوبها   نبدأ نغمس البسكوت في الكافيه ونرصه في الصينيه بهالشكل    أكتمل الجسر على فكره نسيت اسم الحلا ( حلى الجسر )  واخذت الطريقه من الاخت ام زياد " هنا " والحقيقه اشكرها لأني استفسرت منها عن كذا شغله بالخاص ولاقصرت معي  نرجع لموضوعنا بعد ماكملنا تركيب الجسر نجي للخطوه الثانيه وهي الخلطه   نحط القشطه في زبديه ثانيه  نحط على القشطه 3 ملاعق كاكاو  نحط السكر على الكاكاو ونبدأ نخلط  كثر الضرب يفك اللحام  وهذا الشكل النهائي للخلطه   نبدأ نصب الخلطه فوق البسكوت  ضربنا الجسر بويه   نحرص على أننا نليس الجوانب مضبوط عشان الشكل  الشكل النهائي لجسر المحبه  على الثلاجه هوااا ليييييين تبرد وتتماسك يتبع ...
في الرد القادم طريقة التقديم " تعلم يازعيم الكمخه "  |
||||
|
06-08-2011, 10:25 PM
|
|
||||
|
الجمال جمال الروح
|
طريقة التقديم هي اهم مافي الحلى
يعني لو ماضبطت طريقة التقديم شغلك كله بيروح فيها  لذلك ركزوا معي الله يعافيكم  طريقة التقطيع تكون بطريقة X تبدأ من فوق لين تحت يعني يمكن يطلع معك 5 اكسات تقريبا  بعد ماتقطعها على طريقة X الشغلات الزايده اللي على الجوانب تسدحها على اليمين واليسار وان شاء الله وصلت الفكره وعرفت اشرحها  وهذا صحن التقديم  استعدوا " حركات مبرزه "     هذا اللي قدرني الله عليه  كمشاركه في فعاليات مطبخكم الرمضاني حلى بسيط وخفيف وسهل وطعمه لذييييد جدا ان شاء الله انه عجبكم والقى ناس يطبقون خصوصا الشهبان تخيّل تسوي هالحلا البسيط وتجي ترضي امك عالسفره وتدعي لك قبل الفطور وااااال مستعد ادفع عمري بس اكسب مثل هالدعوه ولامانع بعد انك تفاجئ زوجتك انا خلصت الحين نخليكم مع طبق الاخت لودي مع تمنياتي لها بالتوفيق والله الله فينا |
||||
|
06-08-2011, 10:55 PM
|
|
||||
|
تسمع بالغفر
|
^^^^^^^^^^^^^^^^^^^^^^^^^^^ اكششششششششششششششخ عليهم والله انك احسن مني ..ولا مصور الخطوات ومتفنن بعد ..بصراحه انا استانست ان اللي معي ولد عشان يصير طبقي احسن منه وماتفشل بس مالت علي هههههههههههههههههههه.. ترا من اللحين اقولكم فاشله في الطبخ واموت لو ماحرقت الاكله حتى هالاحلى اللي سويته محروق هههههههههههههههههههه ..المهم هذا المقادير الحلى الاصلي<< بس انا شليت اشيا وحطيت اشياء ثانيه  المقادير : الطبقة الاولى :2- كاس حليب بودرة 2- فنجان قهوة صغير سكر 2- ملعقه دقيق 2ونصف كأس ماء 2- حبه بيض مخفوقه مع نقطتين خل وفانيليا الطبقة الثانيه : بسكويت شاي جاف الطبقة الثالثة:- 1-ظرف كريمة 1- ملعقة نسكافه علبة قشطة 2- ملعقة حليب بودرة الطريقة : - تخلط الطبقة الاولى في خلاط الجك جيداً ثم توضع على النار في قدر حتى تغلظ قوامه ثم تو ضع في صينيه بايركس مستطيلة . - تصف البسكويت فوقها بسرعه (الي هي الطبقة الثانيه ) تخلط الطبقة الثالثه في الخلاط وتوضع فوقها وتبرد الى وقت التقديم ^^^^^ واضح اني ناسخته ..النتيجه النهائيه .. . . <<< تعبت نفسي ع الصوره الصوره مكبره ..  . . ملاحظه : التصويت لكل شخص فيهم من 5 درجات
للأثنين من 10 اللي بيصوت لواحد ويترك الثاني .. ماراح نحسب تصويته اللي بيصوت ويقول امل 10 او لودي 10 ويسكت .. ماراح نحسب تصويته هم قروب يعني التصويت لهم الاثنين غير كذا مانحسب اتوقع احنا واضحين .. وياليت تقيمون بأمانه ومثل ماكتبنا
آخر تعديل سوووكره هآنم ~
في 03:44 AM.
|
||||
|
06-08-2011, 11:27 PM
|
|
||||
|
تقوطر سنع ~
|
 << لايكثر  يقلع ام الفرق والله لو اجيب بزر ان يقول الحلا اللي فوق للبنت واللي تحت للولد ماش يالودي ماوُفقتي بالتصوير ،، موب مبينه الطبقات لو انك منزله الكام شويات بس ،، بس الصدز جاز لي لون حلاك لحمي اموت فيه ذا اللون أمل مقتووول أبدااااع وحركات ماشاءالله ،، ابو سروال وفنيله يطلع منه والله !! خل عنكم يابنات والله لااشتهوا يسوون الشي ان يصير اطلق منا تسلم ايدك ياامل والله يرجع لك ام يزيد بالسلامه وتطبخ لك على كيفك وتسلم ايدك يالودي انا متأكده انه طعمه حلو بس مازينتيه ولا صورتي بزاوية تبين كل الطبقات يعطيكم العافيه جميعاً --- مدري كيف يصوتون بس ان كان لكل طبخه تصويت فأني اقيم أمل 10/10 ولودي 5/10 .. ووان كانهو تقييم واحد فعطوهم 7/10 .. وشكرا 
آخر تعديل دآعسه
في 12:38 AM.
|
||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
