مسا الخير .

اليوم معانا ضيف .. راعي كبسه كالعاده
<- انا اقول نحول اسم المطبخ لـ " القريه النجديه " اصرف .
يحب ياكل الكوكيز مع حليبا مهوب مثل ام برادلي

عنده هوايه غريبه وهي تذبح العناكب " الله من الفراغه "

أكيد عرفتوه .. ( سوّاح ) <- ترررراااا

.
.


السلام عليكم ..
ياهلا بأخونا سوّاح .. شخبارك ؟


وعليكم السلام ورحمه الله وبركاته ..

بخير الله يسلمك


* أول حاجه وقبل أي سؤال نبي صوره لمطبخك الحين الحين
يعني الحين تقوم تصوره وعادي صوره مثل ماهو مايحتاج تشيل هم الترتيب وتتعب عمرك
ونبي كم صوره إذا ماعليك كلافه

مطبخنا مطبخ عزوبيه لا وفيه غربه بعد

يعني مافيه أمل ترتيب ولا نظافه

خروف


لا بصراحه .. اذا كانت تدرس ولا تشتغل ماعليه ..
بس اذا خامده البيت ليش ماتشتغل هي ..

بس حلو ان الرجال يطبخ بعض الاحيان ويساعد حرمته ..
خصوصا لين صارت تعبانه ولا مالها نفس ..

* إذا اعرست مستقبلا ولو أن وجيهكم موب وجيه عرس وش تحب حرمتك تطبخ لك وتبدع لك ؟
وهل بتكرفها من اول سنه ؟
احبها تنوع .. وتطبخ خفايف .. منيب راعي اكل واجد
انا من ناحيتي من اخالف .. تطبخ اي شي ..
بس تجيني متعلمه الطبخ الله لا يهينها

واهم شيء تدخن
لأن بصراحه يوم شفت البنات وهم يدخنون اعجبني الدخان عليهم
مهوب زي الاشناب اللي عندنا يسدون النفس

* تجربه في المطبخ ماتنساها ؟ إذا كان لك تجارب

اول مره اطبخ .. طبخت في البر .. والشباب ناموا جايعين
المشكله اني ماادري وش المشكله


* بما أنك مغترب بنسألك كيف غسيل المواعين ؟

عندنا غساله مواعين



اما القدور فركها ونقعها بما الين باتسر


* إذا ماعليك كلافه نبيك تصور لنا طبخه بسيطه من الطبخات اللي تسد جوعك بانصاص الليالي .. أي طبخه سواء اندومي .. صامولي جبن بيض ..الخ

عندي اصابع موزريلا ودجاج للقلي ..
الين جعت قليت لي اي شيء




* أول طبق في حياتك سويته .. وش كان وكم تعطي نسبة نجاحك فيه << حشى اختبار مو طبخ

كانت بيض ..
وماعليها كانت توكل ..

* انت من النوع اللي يحب يتشرط في نوعية الاكل سواء بالغداء او العشاء على اهله وتعطيارآئك وتتفلسف هذا مالح .. هذا حالي مررا << واضح ان صاحبة السؤال متعقده من هالنوعيه

انا مثل ماقلت منيب اخالف ،، ولا قد قلت وشفيه ولا ورا ماسويتوا ..
ياحبني لي بس


* وش هي المطاعم المفضله عندك بالطعم الحلو والنظافه قبل كل شي ؟؟ (اللي بالسعوديه طبعا)

اكيد بيت الشوايه
وعاده منيب اكل من برا

* وجباتك اليوميه تحرص ان تكون مع اصحابك او تنفرد فيها بلحالك
؟ << الله من سماجة هالسؤال .. اللي كتبته اكيد عندها حاله نفسيه

ماعرفت اجاوب على السؤال !!
فيه اختيارات ؟؟

* طبخه معينه ... ودك تتعلمها ؟

الحنيني

* نبي صوره لفطورك + سحورك لاهنت

صور فطوري حطيته ..
بس امس مفطرين في مطعم هندي .. ،عندهم جح















* طبخه معينه شفتها بالمساطيل وعجبتك .. نبي صورتها لاهنتورابط الموضوعوإذا في طبخه طبقتها من مطبخ المساطيل بعد نبي رابط موضوعها

كل خرابيط هند مبسوطه بخالقينها الجديه .. الله يذكرها بالخير

وفيه موضوع عاجبني بصراحه ..

http://msa6el.mbc.net/vb/tt89910.html






* كم عنكبوت ذبحت للحين ؟

والله انا نقلت من عند ام بردلي
كانت غرفتي مليانه عناكب ..

في بيتي الجديد مافيه عناكب ..
بس فيه ارانب في الشارع .. كل يوم واطي ارنب

والله ياأرانبهم ثقيله دم .. كنها قطاوتنا ..





* لو كنت راعي طبخ وش الطبخه اللي يحبونها ربعك / اهلك من يدك ؟

يوم كنت عند أهلي ماكنت اطبخ ..
كل مادخلت المطبخ طردتني امي
تقول بتحوس علي

بس العيال يمدحون سندوشتات التونه حقتي









* موقف بايخ / محرج صار لك بالغربه ؟

كان عندنا تقديم اعمال..
ووحده من البنات مصلحه لنا كيك بالخنزير

يوم كليت منها قضمتين قعدت تشرح شلون سوتها ..وقالت خنزير ..
يوم قالت الاستاذه ترا المسلمين ماياكلون خنزير ..

يوم استحت الضعيفه وقعدت تتعذر ..
باقي الشباب ماكلوا منها ..

بس انا قلت نشيل الخنزير من فوق الكيكه ونكملها

واشوا الشاب سوو زيي وتفادوا الموقف

بس بصراحه كان طعم الخنزير رهيييب


* آخر شي : رآيك /إنتقآداتك لمطبخ المسآطيل مشرفاته ؟ ذبوا خذوا راحتكم محللينكم

بصراحه مامثله ..
بس نبي تركيز عالطبخات الرسميه ..

كل شغلكم حلويات .. مانعرف لها

وبصراحه ماعرفت قيمته الا يوم هاجرت

يامال العافيه والله ..

هاه يكفي مدح ولا تبون زود ؟؟


واخيرا .. مرررسي اوي على الاستضافه ..

وادعوا لي تكفون بالتوفيق والنجاح والعفه ..


يعطيكم العافيه ..


الله يوفقك وينجحك ويرزقك العفه ( بس ابعد عن البنات اللي يدخنون وكلش بيصير اوكي )


لكم المايك اعضائنا
+ ان كان في خاطركم سؤال ابد اسألو