هــلا ووغــلا وومسهــلا ومـرحبــا يـااللـه حيهــم .. قسـم بـاللـه مـدري شقـوول بهـالمنـاسبــه واللـه احـرجتـونـي .. بصـرراحــه اجمــل مفـاجـأه بحيـاتـي .. ويـاعسـى ربــي يحـط هـالمقـابلـه بمـوازيـن حسنـاتكـم يـارب ولايحـرمكـم الاجـر زي مـافـرجتـووا علـي (( يـاخـووي هـالشحـاذ مـن اي بـاب مسجـد لاقطينـه ؟! ))


اقــوول وشش هـالاسئـلــه كلهـا ... المفـروض مبلغينـي قبلهـا بـ3 سنيـن علشـان يمـدينـي اخلـص واجـاوب




----------------------------------------------------








2/ مطبخ المساطيل وده يتعرف عليك وياخذ جوله بمطبخكم ويسألك بعضالاسئله << من قدك

يتعـرف علـي ..؟! ..

شـاب وسيـم .. مفتـول العضـلات .. مطنـووخ للنعلـه .. يعنـي اشتـريكـم انتـم ومطبخكـم (( سـلامـات يـابـووي .؟! )) .. شعـري طـويـل يلمـع واسـود وجـاي علـى جنـب .. عمـري مـدري واللـه بـالظبـط كـم بـس احـس انـي مـن مبطـي وانـا عـايـش .. قسـم بـاللـه احـس لـي فتـره طـويلـه وشفـت مسلسـلات كثيـر ونمـت ايـام واجـد .. الظـاهـر إنـي اكبـر مـن ابـووي

اقـوى واحـد بـاخـوانـي انـا .. هـووايتــي احـب الـرسـم علـى السحـاب (( واحـد يسمـع بـالهـوايـات )) .. اكبـر واحـد بـاخـوانـي .. يعنـي علـى قـوولتهـم اخـر العنقـوود ههههه (( مـاودك تـاكـل تـراب بـس .؟! ))

امـا مـن نـاحيـة تـاخـذون جـولـه بمطبخنـا سـلامـات .. مـدائـن صـالـح مهـووب مطبخنـا .. عـاد مـالقيتـوا إلا مطبخنـا تسـوون فيـه جـولـه .. خلـووكـم مـن مطبخنـا وتعـالـووا أوريكـم البـلازمـا الجـديـده اللـي انـا شـاريهـا وحـاطهـا بـالملحـق .. واللـه يـاهـي شـي <- يـاخـوي ورى مـاتقـدم اللقـاء وتسـأل نفسـك بـدالهـم احسـن شـي

خـوذوا الجـوولـه والمطبـخ تحـت امـركـم .. بـس تـراي حـاسـب عـدد المـلاعـق ووالقـدور والصحـوون .. يعنـي مـايمـديكـم ... خصـووصـا انتـي يـاسـوكـره اشـووف عيـونـك مـن اليـوم علـى الفـريـزر .. تـراي حـذرتـك .. وقـد سعبـل مـن انـذر




------------------------------------------------------------





3/ اول حاجه وقبل اي سؤال نبي صوره لمطبخكم إذا الوالده ماعندها مانع
ولاتزعج الاهل وتخليهم يرتبون لاااااا .. صوره مثل ماهو بحوسته .. نبي لقطه سريعه

مـاقـدرت اصـوور .. ومـاهـان علـي تطلبـوون منـي صـوره للمطبـخ ومـاجيــب لكـم .. علشـان كـذ1 جبـت لكـم صـورة مطبـخ اشـرف الشمـري




كـان ودي اجيـب صـورة مطبـخ حكـايــه بـس قلـت لاطلبتـووا صـوره للخـرابـه اللـي ننثـر فيهـا بقـايـا الاكـل صـورتـه لكـم هههههههههه





-----------------------------------------------------------------------





4/ كيفالحآل .. ؟؟<< بدري

مـامـن جـديـد ووكـل مـاقيـل ينعــاد ،،، نفـس الكـلام اللـي نقـوولـه نعيــده




-----------------------------------------------------------------------





5/ وش آخر شي بلعته ؟؟ << الله من اللقافه

العـافيـه

اي وقسـم بـاللـه هـذ1 اخـر شـي بلعـتــه .. بلعـت العـافيـه ..

كنـت قبـل شـووي بـاحـد الاسـوواق وومعـي واحـد .. وحنـا نمشـي قـال دقيقـه بـروح دورة الميـاه وانتم بكـرامـه .. راح وانـا مشيـت افـرفـر شـووي وقلـت بـرووح لـه بـس مشكلتـي مـاركـززت زيـن بـالمكـان اللـي دخـل فيــه اول ... وادخـل وامشـي وامشـي بـدوراة الميـاه وسـط سيـب طـوويـل بـس مـاجيـت نفـس دوراة الميـاه .. كـانـت غـرف واجـد .. وكـل شـووي داخلتـن شغـالـه ومعهـا بـززر ... استغـرربــت انـا ووش السـالفــه .. وقسـم بـاللـه كـل شـوي داخلـه شغـالـه ومعهـا بـزر .. انلحـس مخـي انـا ... شـووي الا جـايتنـي وحـده تمشـي .. داخلـه بـدورة الميـاه حقـتـنـا .. طـالعـت فينـي باستغـراب وقـالـت خيـر ..؟! .. قلـت انـتـي اللـي خيـر .؟ .. قـالـت اللـه يشفيـك لهـالحـد وصلـت فيكـم الـوقـاحـه ..؟!! .. وانـا قسـم بـاللـه تنحـت قلـت وش جـايهـا ذي .. وامشـي مـن عنـدهـا وواطلـع ووالقـى لـي بنقـالــي عـامـل نظـافـه قلـت وويـن دوورة ميــاه .. وهـو يطيـر عيـوونـه علـى طـول ويقـول من هنـاا مـن هنـاااا .. وواطلـع مـن ذ1 الـدورات ويـووم انـاظـر واثـارينـي داخلـن حمـامـات النسـاء يـاربـي لاتعمينـا .. قسـم بـاللـه صـار قلبـي يـدددق .. قلـت لـوو ان ووحـده معلمـه علـي ووالا جلسـت تصــاررخ والا حـراس الامـن شـايفينـي داخـل ... قسـم طلعـت وانـا مـاشــوف الـدرب .. عـاد المشكلـــه الهيـئــه ذاك اليــووم كـانـووا مـووجـوديـن بـالســووق ... قلـت اشـووا انهـا جـت علـى كلمـة ذي يـوم تقـوول لهـالـدرجـه وقـاحــه ومـاطحـت بيـديـن الهيئـه .. هـذ1 زيـن وجهـي سـاحبينـي وسـط السـوق قـدام العـالــم ومـودينـي المـركـزز والسبـب علشـانهـم لاقينـي بحمـامـات النســاء


مسكـت خـط ادري بـس قسـم بـاللـه الظـاهر انـي اكتـب وامسـح عـررقـي .. وهـذ1 كـان اصعـب مـووقـف بحيـاتـي <- (( بـاللـه ؟ .. وانـت مـن اللـي سـألـك اصـلا عـن اصعـب مـووقـف بحيـاتـك.؟! ))






-----------------------------------------------------------------------




6/ وش أكثرشي تحب الحلويات ولا الموالح ؟؟

احـب امـي وابـووي والحلـويـات

تكفـوون أسـالـوونـي وش اكثـر فـاكهـه تحبهـا علشـان اجـاوب واقـوول الـرمــان .. تـراي مـدمـن ررمــان يـالبيـه .. اتمنـى تسـوون معـي مقـابلـه ثـانيــه تكـوون عـن الـرمــان مخصـووص





---------------------------------------------------------------------------






7/ / أكله مفضله عندك ( تقدرها وتحبها .. اتمنى ماتجيبون طاري الكبسه << وشدخلك ) .. ومشروبك المفضل ؟؟

الاكلـه المفضلـه عنـدي .. بصـراحـه مـاحـب اذكـر اسمـاء اخـاف اقـوول اسـم اكلـه وتـزعـل علـي أكلـه ثـانيـه .. لكـن الاكلـه المفضلـه عنـدي هـي عـارفـه نفسهـا زيـن ومهـوب لازم اقـوول اسمهـا لأن الستـر زيـن <- ياخوي تراه سؤال جاوب


لا بصـراحـه مـافيــه اكلــه معينــه .. امـا مشـرووبـي المفضــل يعنـي بمـا إنـي احـب الـرمــان فـ انـا احـب عصيـر الـررمـان اكثـر عـن بـاقـي العصـايـر .. بـس طبعـا الـرمـان الطـاززج الطبيعـي اللـي تـووهـم عـاصـرينــه اللـه يعصـر تسبـد العــدوو .. امـا اللـي بـالبقـالات ووالعلـب مـايمشـي معـي هـالكـلام .. انـا رجـالـن اخـاف اللــه (( لـو بحلـف انـك رجـالـن سكـران ميـر كمـل بـس ))





------------------------------------------------------------------------





8/ هل انت سعودي تقدّر الكبسه ؟؟ يعني مثلا لازم يوميا تاكل كبسه وتخلي الوالده تسويها لكم يوميا مع الغداء ؟

اول شـي وش دراك انـي سعـودي .؟ <- ياررجال كل تبن وجاوب

لا واللـه وميـر حتـى مـا حـب الكبســه .. جـد مـانـي مثـل بـاقـي الشعــب يعنـي عـادي مـاتفـررق معــي كبسـه او غيـره .. انـا مـايهمنـي اطلـق شنــب <- ..؟!


لـذلـك اعلنهـا مـن خـلال مطبخكـم بصـرريــح العبــاره : انـا مـا احـب الكبســه





-------------------------------------------------------------------------




9/ اكله شعبيه تحبها ؟

مـايبيلهـا كـلام الكـبـسســه اكــيــد <- وشش هـالضيـف السكـرران





------------------------------------------------------------------------





10/ / وش تعني لك الاشياء التاليه





الصامولي


مـن انـواع الخبـز <- باللـه ؟ .. يقـالك جبـت معلـومـه جـديـده انت ووجهـك ؟





الجبن السايل


مـن انـوواع الجبـن طبعـا <- والـزبيـريـه مـاتـدري مـن انـواع وش ؟





الاندومي


مـن انـوواع الجبــن ... لا امـززح واللـه مهـوب مـن انـواع الجبـن استغفـر اللـه لحـد يصـدق (( اشـوا انـك حلفـت وعلمتهـم انـك تمـزح والا ترى كـانوا مصـدقيـن ))





البيض


دهـاليـز الحـب <- ماسك مجلة فواصل ويغش من لقاء لبدر بن عبدالمحسن





التونه


رائحـة مطفشهـم ..


صـدق تـرى مطفشهـم اذ1 تـروش تطلـع منـه ريحـه مثـل ريحـة التـوونــه .. قسـم بـاللـه مـا أواطنهـا استغفـر اللـه اللـه يعـز النعمــه





الكبسه


يـاليـل هـالكبسـه تـرى دبلتـوا تسبـدي فيهـا .. مـاتعنيلـي شـي خـلاص ارتحتـووا .؟!





المكرونه


اممم المكـررونــه 6 رريـال (( يقـولـوون لك ووش تعنـي لـك .. مـاقـالوا كـم سعـرها اللـه يصلحـك ))





الضب


بصـراحـه مـاعـررفـه ... اسـألـوونـي عـن الكنـارري والا الهـامستـر اقـدر اجـاووب .... امـا عـاد الضـب ووش يعنيلـي ..؟! ... واحـد مـن العيـال

الضـب ذكـريـات الطفـوولــه .. كـل مـاشفـت ضـب تذكـرت طفـوولتـي يـوم كنـت تقـل صلبـي .. سـرووال سنـه وتيشـررت الهـلال رقـم 15 ورقـم الواحـد منمسـح وبـاقـي الخمسـه بـس .. ووحـاافـي 24 سـاعــه





-----------------------------------------------------------------------------





11/ بحكم انك عزوبي هل سبق واخترعت طبخه من مخك؟

وكيف كان الاختراع .. يستاهل عليه براءة الاختراع ولا تنومت بعدهابالمستشفى
هـاه ..؟!!


ممكــن انسحــب وواكتفـي بـالمبلــغ اللـي معــاي ..؟


اختـرعـت مـره وانـا صغيـر مشـرووب كـان عبـاره عـن عصيـر سنتـووب وكـاتشـب وملـح ووببسـي خلطتهـم مـع بعــض ووشـربتـه واحـد يشتغـل عنـدنـا .. حتـى جـاه مـررض غـريـب مهـوو معـروف .. يعنـي انـا اختـرعـت مشـرووب جـديـد وومـرض جـديــد


هـالحيـن بعـد مـاختـرعــت هـالمشـروب افكـر اتطـور بـاختـراعـاتــي واتـرك الطبـخ واختـرع طـيـــارات




----------------------------------------------------------------------------------





12/وش رايك بالزوج اللي يعاون زوجته بالمطبخ ويغسل عنهاالمواعين او يتهور و يطبخ
وهل انت مع او ضد هالشي ؟



امـا عـاد وش رايـك بـالـزوج ..؟! .. حسستـونـي انكـم مستضيفيـن فـوزيـه الـدريــع


الصـدق ووبـدوون أي صـراحــه وبكـل وضـووح وبـدون اي شفـافيـه رايـي احـب احتفـظ فيـه لنفســي <- هذ1 وشوله مسوي المقابله ؟


مـابقـى تقـوليــن الا وش رايـك فيـه وهـوو يـرضـع الـورعـان عنـهــا .. لا بصـراحـه يعنـي عـادي اذ1 سـاعـدهـا وعـاونهـا مـافـي مشكلــه .. بـس مـره مـرتيـن مهـووب قبـل مسنتـر بـالمطبـخ ويقطـع وويصلـح .. حـلاتهــا كـذ1 يعنـي مره كـل 9 سنـووات



مثـلا الـزوج اللـي تكـوون زوجتــه مثـل نـورمـان أسعــد هـذ1 المفــرووض يغســل حتـى مـواعيـن مطبـخ اهلهــا عــااادي ... امـا الـزوج اللـي يتـزوج وحــده مثـل ريمـا اخـت مسـاعــد ووجههــا كنـه بعيــر حســران هـذ1 المفـرووض يجيـب المـوواعيـن ويفـرركهــا بـووجههــا ليـن تختفـي مـلامحــه ويفتـك منـه .. والا يجــي واحــد مثـل مـرعـب المـواشـي وجهـه تقـل شنطـة سبـاك وويتـزوج وحـده ملكـة جمـال مثــل منـى امـارششــا ... بـاللـه مهـو قهـر انهـا تغسـل المـوواعيـن عنــه ووتطبـخ لـه ..؟!! .. المفــرووض مـاتطبـخ لـه .. اذ1 يبـي اكـل تجيـب لـه جـريـده وتلفهـا وتحـط فيهـا صمـغ فيـران وويخــب




والا بـاللـه واحـد يتـزوج وحـده مثـل أختنـا بـاللـه هـدوء الليـل وويلقـاهـا علـى الفطـور حـاطتـلــه رأس ... هـذ1 وش يسـووي بـاللــه .. راس مـره وحـده ..؟!! .. تفطـرون بغـابـه انتـم ..؟! .. احـس بعـد مـاتخلصـون مـن فطـووركـم تجـي نسـوور وضبـاع وتقعـد تـاكـل اللـي يبقـى مـن الفطـور ... مـادام الـدعـووه فيهـا راس .. شكـل يـاهـدوء اللـيـل لك مخـالــب




---------------------------------------------------------------------------------






13/ إذا اعرست مستقبلا ولو أن وجيهكم موب وجيه عرس.. وش تحب حرمتك تطبخ لك وتبدع لك .. وهل بتكرفها من اول سنه



ابيهـا تسـوويلـي شـاوررمــا <- الاكلـه الوحيده اللي يعرفها غير المرقوق




--------------------------------------------------------------------------------





14/ بما انك عزوبي وساكن مع اهلك إذا طبخت .. المواعين من يغسلها أنت ولاخواتك وامك ؟؟


اشـووفكـم مـن بـدا اللقـاء وانتـم مستلمينـي بمـا انـك عـزوبـي ووعلشـانـك عـزوبـي ووش تحـس فيـه وانـت عـزوبـي .. خيـرر ان شـاء اللـه .. مـاتستحــون ..؟! .. مـاتخـافـوون اللـه ..؟!! ... مـاعنـدكـم اخــووان شبــاب ..؟!!


احـس انـكــم مستـانسيـن انـي عـزوبــي .. كـل سـؤال لازم بمـا انك عـزوبـي وبمـا انـك عـزوبـي ... مـدري مـن اللـي قـايلكـم ومعلمكـم انـي عـزوبـي


مـانيـب مجـاوب علـى هـالسـؤال كيفـي .. عـزوبـي وافتخـر واللـي مو عـاجبـه ينتحـر وويكتـب علـى قبـره منقهـر





-------------------------------------------------------------------------





15/انت من النوع اللي يحب يتشرط في نوعية الاكل سواء بالغداء اوالعشاء على اهله وتعطي ارآئك وتتفلسف هذا مالح .. هذا حالي مررا << واضح ان صاحبة السؤال متعقده من هالنوعيه
ولا عادي اللي يجي من الله حيّاه الله ؟؟


ايـه اعقـدهــم لان ذوقـي صعـب .. الاكـل اللـي أكلــه كلـه مـاركـات عـالميــه (( والتبـن الـي تـاكلـه وش مـاركتـه ..؟!! ))


تحسبـوونــي مثــل احمـد سعيـد اللـي يـاكــل حتـى التسـريحــه اللـي بغـرفتــه




---------------------------------------------------------------------------------




16/أول طبق في حياتك سويته .. وش كان وكم تعطي نسبة نجاحك فيه << حشى اختبار مو طبخ


امحـق طبــق .. كـل الأطبــاق اللـي سـوويتهـا بحيـاتــي سانـدوتشـات



ونسبـة النجــاح صفــر




----------------------------------------------------------------------------------





17/شباااب كثير مايعترفون بطبخ البيت وأغلب اكلهم من المطاعم ... هل تعتبرنفسك منهم ؟؟


لاوقسـم بـاللــه حتـى مـاعـررفهــم


إلا الصـدق اغلـب اكلـي مـن المطـاعــم للأســف .. واحيـان يكـوون أكلـي مـن الحـلاقيــن .. ومـرات مـن الصيـدليـات .




---------------------------------------------------------------------------------






18/وش هي المطاعم المفضله عندك بالطعم الحلو والنظافه قبل كل شي؟؟


مطعـم شـامـي اللـي بجـده كـرهتهـم بـالمطعـم مـن كثـر مـاجيهـم .. كـل مـاجيـت جـده رحـت لهـم .. ووالبيـك بصـراحـه بـالنظـافـه مـايحـاج ... بـس انـا وودي اشـوف مطعـم الارنب الجـايـع اللـي تكلـم عنـه طـف الليـت هههههههههههههههههههههههههه





-----------------------------------------------------------------------------------





19/صور لنا فطورك + سحورك لاهنت


مـاصـورت بصـراحـه افطـررت قبـل اصــور مـادريـت .. لكـن عـادي اذ1 ملـزميـن تبـون الصـوره ابشـرووا هـالحيـن ادخـل اصبعـي بفمـي واستفـرغ واصـورلكـم <- يعع مقـرف يـاوخـر

لكـن واللـه مـاهـان علـي ارد علـى السـؤال بـدون مـاحـط صـووره وانتــم طـالبيـن منـي

علشـان كـذ1 جبـت لكـم صـورة سحـور طـف الليــت




امـا هالببسـي اللـي بـالصـوره ..!! .. شكـل هـذ1 سحـور طـف الليـت عـام 1400 يـووم جهيمــان






-----------------------------------------------------------------------------------





20/اكله ماتحب انها تغيب عن سفرة رمضان ؟؟ صوره إذا في امكانيه


مـافيــه ولا اكلـه عـادي يغيـب اللـي يغيـب .. سفـرة رمضـان بمـن حظـر <- علشـان مـايصـوور






-----------------------------------------------------------------------------------





21/ في رمضان بما انك ساكن مع الاهل تحب تساعد اهل البيت في تجهيز اطباق السفره ولا تحطها نوووومه إلى آذآن المغرب ؟



ايـه حنـا مـوزعيـن المهمـات انـا واخـووانـي علشـان نخفـف التعـب عـن اهلــي .. اللـي يـرتـب السفـره وواللـي يصـب العصيـرات واللـي يـوزع المـلاعـق والصحـون وكـذ1


انـا مهمتـي اوقـف عنـد الشبـاك واعلمهـم إذ1 أذن



علـى طـاري الأذانـي ووالسمــع .. يـاحـظ احمـد سعيـد .. يقـوولـوون مـن كبـر اذانيــه وهـوو بـالأسكنـدريــه يسمــع المسـاجــد بـالقـاهـره اذ1 اذنـت .. يقـولـوون مـره جـالسيـن هـو واهلـه ينتظـروون اذآن المغـررب يـأذن علشـان يفطـروون ... وهـم ينتظـروون فجـأه لقـووا احمـد سعيـد قـاعـدن يفطـر .. استغـرربـووا منــه شلـوون يفطـر وهـوو مـا اذن عنـدهـم .. مـادرووا ان الـرجـال سـامعـن الاذان بتـونـس وقعـد يفطـر يحسبـه مـأذن عنـدهـم بـالاسكنـدريـه





--------------------------------------------------------------------------






22/ شباااب كثير مايعترفون بطبخ البيت وأغلب اكلهم من المطاعم ... هل تعتبر نفسك منهم ؟؟


حـلا هــو ..؟!! .. خـلاص جـاووبنـا علـى هـالسـؤال حمـدللـه .. تعيـدونـه ليـه ..؟ .. علشـان اغيـر رايـي وتكشفـوونــي هـل انـا انصـب عليكـم والا لا ..؟!!





-----------------------------------------------------------------------------------





23 / وجباتك اليوميه تحرص ان تكون مع اصحابك واهلك او تنفرد فيها بلحالك ؟؟ << الله من سماجة هالسؤال .. اللي كتبته اكيد عندها حاله نفسيه

عـن اذنكـم الـوالـد يبيـنــي


وش الاسئلــه ذي


وش ذ1 المقـابلــه .؟! .. ليـش مـاتسـألـونــي وش اسمـك وكـم عمـرك وومـاهــي هـوايـاتـك ..؟!! .. يعنـي المفـرووض تسـألـونـي تقـولـون هـل سبـق وان مـريـت بتجـربـه عـاطفيــه ..؟! .. وتقـولـون وش لـونـك المفضــل ... مهـوب اسـألــه صعبــه كذ1



بعـديـن وش اللـي تنفـرد فيهـا لحـالـك .؟! .. مـابقـى الا تقـوول هـل قمـت بمحـاولـة التحـرش والإغتصـاب .... واللـه لـو انـي خبـل اجلـس اكـل لحـاالــي




---------------------------------------------------------------------------------






24 / إذا ماعليك كلافه .. نبيك تصور لنا طبخه بسيطه من الطبخات اللي تسد جوعك بانصاص الليالي .. أي طبخه سواء اندومي .. صامولي جبن بيض .. أي طبخه ؟؟

انتـم كـل شـي عنـدكـم صـور ووصـور ..؟!! .. طيـب وش تبـي تستفيـدون اذ1 عـرفتـووا الاكلــه اللـي تسـد جـوعــي ..؟! .. اسـألـوونـي يـاللـه : هـل سبـق وان مـريـت بتجـربـه عـاطفيـه أو لا .. (( صورة سوكره هانم وكأنه مو عاجبك وهم يقدمون استقالتهم من الاشراف عقب ذ1 المقابله ))





---------------------------------------------------------------------------------





25/ طبخه معينه ... ودك تتعلمها ؟؟


البـليــاردووو .. انـا مـن زمــاان ودي اتعلـم بليـاردوو <- يابن الحلال قالولك طبخه مهوب لعبه

فيــه طبخـه وودي اتعلمهـا بصـراحــه .. اسمهـا محشـي بـالخيــاس

مكـونـاتهــا : اكيـاس اسمنت .. فحــم .. ثـوم .. لستـك كفـرات جمـس .. شعـر إبط فـار .. وشعـر صـدر كلـب .. ووأصبـع رجـل فيـل .. ورمـوش وحيـد قـرن

هـذ1 شكلهـا النهـائــي



[ °·.¸.•°مطفشهم°·.¸.•° ]



هـالأكلــه إذ1 جيـت تـاكلهـا لازم تكـون مـاسـك كيـس علشـان تستفـرغ فيـه .. لانهـا خـايسـه جـدا .. اصـلا يقـولـون انهـم يسـوونهـا علشـان يـوكلـونهـا السلــق





----------------------------------------------------------------------------------





26/ طبخه معينه شفتها بالمساطيل وعجبتك .. نبي صورتها لاهنت ورابط الموضوع
وإذا في طبخه طبقتها من مطبخ المساطيل بعد نبي رابط موضوعها ..


بصـراحـه كـل اكــلات المشـرفه السـابقـه القـديـره الاخـت : هنـد مسـروره بفستـانهـا الجـديـد بعـد ان اشتـراه اخـووهـا بـ 5 ريـالات هـديـة نجـاحهـا مـن المـدرســه بتقـديـر ممتـاز .. فقـام الاب بـأستجـار يخـت للعـائلــه حتـى يستمتعـوا بالاجـازه وبمنظـر البحـر .. وبعـد ان ركـب الجميـع اليخــت قـالـت هنـد لمـاذ1 لانـذهـب لتلـك الجـزيـره ؟ .. رفـض الاب الـفـكـره إلا ان الام تـدخلـت وقـالـت لـه : يـاكـافـي بـس انت وش بـك .؟ خـل البنـت تستـانـس .... فسكـت الاب ووافـق بعـد ان قمـط خـوفـا مـن الام ... ومـا ان وصلـووا للجـزيـرره حتـى نـزل الجميـع وانبهـروا بمنظـر الجـزيـرره الخـلاب ووكثـرة الاشجـار والازهـار والابقــار .. فـرشـت الاسـره فـرشتهـا وقـامـووا واشعلـوا النـار كعـادة ربعنـا دائمـا .. ثـم بـدئـوا بـتجهيـز طعـام العشـاء .. رغـم ان السـاعـه كـانـت 5 ونص المغـرب .. وذهبـت هنـد واخـوانهـا واخـواتهـا ليقـومـوا بـاللعـ ..... (( بكـره اكمـل اليـوزر مـانيـب فـاضـي واللـه هـالحيـن مستعجـل ))


اللـه يـذكـرهـا بـالخيـر وويستـر عليهـا .. مـاشـاء اللـه عليهـا قمـة الابـداع





-----------------------------------------------------------------------------------







27/ آخر شي .. رآيك .. إنتقآداتك لمطبخ المسآطيل والمشرفات؟؟ وهل تشوف ناقصه شي ؟؟




وش انتقـد ووش اخلـي بـس (( واللـه مـن البجـاحـه .. ونـاوي تنتقـد بعـد ..؟ .. مستضيفينـك وبقسمـهـم ومـاهـم مـاليـن عينـك ..؟! )) ..!!



لاواللــه يعطيكــم العـافيــه .. مشـرفــات مـاشـاء اللـه تبـارك اللـه .. واللـه بـدون مجـاملـه مـن خيـرة الاعضـاء ووبـالمكـان المنـاســب .. وقسـم المطبـخ مـايحتـاج مـن اكثـر الاقسـام نشـاط وحيـويـه بـالمنتـدى ... وان شـاء اللـه مـوفقيـن خيـر دايـم وعسـاكـم عـالقـوه يـارب




سـلالالام يـاعيـن ابــوي