 |
 |
 |
 |
 |
 |
 |
 |
 |
|
||||||
| سوالف حريم كل مايختص بالمرأة (تمنع المشاركات الرجاليّة) |
 |
|
|
أدوات الموضوع |
13-08-2011, 01:36 AM
|
|
||||
|
تقوطر سنع ~
|
رَمضان رَمضان مَ أحلى رَمضان ق1 [مشاركه]
 السلام عليكم يامساطيل ويامسطولات  بما ان المقدمات دايم تخونني فخلونا ندخل على طول باليوم الرمضاني  صورت لكم يوم الخميس اللي هو امس تاريخ 11/9 .. وياسرع الايام مامدانا نبارك بالرمضان الا هو شاخط وماباقي له شي على النصف  .. الله يتقبل منا الصيام والقيام بدى يومي الساعه ثلاث عندما كانت أًختي تزهب السحور وماان حان وقت الإنتسابالا انا ادرعم عندها واقول اصبري اصبري انا بـ -انتسبه - فقالت اختي مندهشه : ووش عنندي بالعاده منرقعه بالمقلط وماعندتس الا - هذا موب يومي انا مالي دخل - ( السحور يوم عليها ويوم علي ) قلت لا ماعليتس خلاص روحي اقعدي انا اسنعه واجيبه ويوم انتسبته الا اني انط وكِشخت لكم هالصورة  مندي طعمه بالراس  يوم اني خلصت مصوره وانسحب من المطبخ واقولهم جيبوه ههههههههههههههههه ،، لا الصدق اني انطلقت به وأكلووه بالهنا والعافيه  ويوم خلصنا متسحرين وشاربين كاس اللبيِن ويوم انه اذن وامسكنا عن الاتسل والشرب وانا اللي اطلع لغرفتي واتوضى وافررش سجادتي  واكبر واصلي خلصت من الصلاة وامسك مسواكي واتسوك واستغفر واسبح واهلل وانا اللي اشوف المصحف قلت مابي حيل اقعد على الارض - عجيز حشا قفلتهواخذ جوالي واروح انسدح بفراشي وقعدت اقرى جزئي وماتيسر معي طبعاً محمله برنامج القران ، وانصحكم فيه صراحه ، مريح جداً ومتى مابغيت ووين ماكنت تفتح وتقرى  اهم شي المخشين اللي على الشاشه <-- بلا والله من كثر الطيحات والله ياطيحاتن تجيه هالجوال اني قبل لاارفعه اقول خلاص شكله انتهى بس صابرن على طفاقتي ياحبيله خلصت قآريه فتحت النت وع الحارة سيدا نشوف اخر الاخبار ووش الجديدعاد هالحزه انواع الخرشه بالمنتدى ، كلن راكد ببيته ولاعنده شي  قلبت المواقع وشيكت على كلش ،، خلصت نزلت تحت لقيت اختي تتابع العريفي بدبي برنامج فتاوي يدقون عليه ناس يشيبون الراس بأسئلتهم الله يعينه بس  تابعته معها سولفنا شوي وقلت لها تقومني للظهر وكالعاده اوصيها بعدين اسحبها نومه الله يهديييييييين بس =( طلعت ونمت ولا انتبهت الا الساعه اربع العصر ، على طول صليت ونزلت <-- تلاحظون كل سوالفي نزلت وطلعت وطلعت ونزلت سيدا على المطبخ ، وشفت خواتي يدهرون اللي تصلح سمبوسة واللي تصلح بيتزا واللي تصب على المحشي مويته طلبوا مني اصلح - الفته - وصلحتها  اللي مايعرفون الفته ، هي تقريبا سلطة عبارة عن طبقات الاولى بطاطس وباذنجان مقلي مع بليلة الطبقه الثانيه كشنة طماط وبصل الثالثه الصوص عبارة عن زبادي وطيحنه الفول فوقها خبز مقلي والبقدونس كما ترون لذيذه وسهله وتعتبر وجبه بلحالها خلصت مصلحتها ودخلتها الثلاجه ، ثم قعدنا شوي واذن وافطرنا على التمر والقهوه مع الموية والعصيرات ، ماصورتها للأسف  صلينا وفرشنا السماط وحطينا عليه كل مالذ وطاب  هذا جانب من السفره ، الباقي اسحبوا عليه اهم شي فتتي هههه <- صدق عاد الحافظه اللي هنااك فوق فيها محشي وبعده فيه توريتلا ومطبق وبيتزاوسمبوسه ونوعين سلطة غير اللي تشوفون وشوربة و الفيمتو والتانج تخيلوا تكملة السفره انتم الصدق انها طويلة ماشاءالله وصاير حوسة ، لقطت ارتب زاوية بالسفره < -- يقالها ارتب الحين اكلنا وشبعنا يارب لك الحمد ،، قعدنا نسولف شوي لين بدى يحددث الامام ، ثم تفرقعنا كلن يدور عباته ، انا طلعت فوق < يالليل الطلعات ، تروشت ونطلت عباتي وشنطتي ودعسست للمسجد بغيت اتهور واصور بس قلت سلامات عاد انتم تخيلوا اربع صفوف كلها عبايات سود انا بالصف الاخير لاني مالحقت الا على اخر ركعتين العشاء صلينا والله يتقبل ، رجعنا من المسجد وتجمعت العائله الكريمه من شيبان و بزران وبنات و حريم قمنا المطبخ وشبينا على القهوه والشاهي ، وطلعت الحلا  صنع أختي طبعاً قطعناه وصلحنا القهوه وذهبنا حيث ماهم جالسين قعدنا نتقهوى   وهذا حلا التلحيط وحنا نتقهوى فاتحين الحرم ونسمع المعيقلي والسديس وهم يقرون  ام وابو الازعاج ناس تسولف وبزران تستعبط وابوي على جنب فاتح الحرم من الرادو مادري وش يحس ابوي يعني مفتوح بالتلفزيون خلاص مهب لازم مع الرادو صدااع المهم خلصنا متقهوين ومسولفين وسرى الليل الى ان تذكرت ان اليوم دوري بالسحور وبدئت اتغلق لين لاحظت اختي الكبرى تغلقي ، وقالت بما اننا اليوم عندكم ف استريحي انا بصلح السحور ، - انا  - اخفيت فرحتي وقلبي يتراقص وناستاً، وقلت لها لا وخزياه انا انا بصلحه وش دعوى قالت انثبري بس المهم قامت وضبطت لنا مقلوبة تحبها قلوبكم  الله مير يسلمها ويعافيها وبكذا خلص يومي السامج الكثير البربره على قل سنع تلاحظون كل الدعوه اكل وتلفزيون ؟ ههههههههههههههه والله جد احتار وش اصور بس هذا برنامج الرمضان عاد وش اسوي لكم  النصيحة اوجهها لي ولكم ، خلونا نحاول نختم القران اذا موب مرتين مرة ولاتفوتون صلاة التراويح ترا كلها كم اسبوع ويخلص الرمضان ثم نندم على ماراح ،، واتركوا المسلسلات اذا حريصين لهدرجة تراها تعاد بعد الرمضان اسسستغلوا رمضان بالعربي وصلى الله وسلم على نبينا محمد الله الله بالعشرات << لكل من يدرعم من هنا * زهره هيله مدري اذا الوقت يناسب بس اتوقع خلاص بدينا بيوم 13 ولا؟
آخر تعديل دآعسه
في 01:48 AM.
|
||||
|
|
13-08-2011, 02:40 AM
|
|
|||||||||||||||||||
|
مشرفة المسنجريات
|
زيين الي ذكرتيني بحمله على جوالي ، بعد كم يوم بنروح عمره وقلت بالطريق أقرا من الجوال  شكلها لززززززيززززه  تسلم يدينك يابت - مآشاء الله دعوس يومك حللو وكله بلع مير أني بصير بنتكم بأذن الله ودي أبلع زي الأوادم
سلمت يدينك على هالنصيحه ، هووآ ذا لازم نستغل رمضآن تسستآهلين العشره
|
|||||||||||||||||||
|
|
|
13-08-2011, 02:46 AM
|
|
|||||||||||||||||||
|
أجنحة الدهشه
|
هههههههههههههههههههههههههههههههه وش هاليوم الله يكفينا شرك ترى ببلغ عليك بعدين وش هاليوم طالعه نازله طالعه نازله طالعه نازله ولا جالسه وتاكلين حلا ....! بس عشان شايبك الي لـ الحين نظام قديم رادو خذي العشره
|
|||||||||||||||||||
|
|
|
13-08-2011, 02:53 AM
|
|
||||
|
مشرفة الشاليهات
|
زي المخرج الي بالقناة الاولى جاب مصلي معه ايباد والامام يقرا مدري منهو يصلي والايباد على يده طبعا يتابع القران وين وصل الشيخ دعوس الحين خذتي الخميس انتي انا الخميس شدخلس بيومي هههههههههههههههههههههه الله يتقبل صيامنا يارب العالمين ويومس حلوو والله واحلى مافيه الصجه هههههههههههههههههههههههههه الله يعظم اجرنا لتس عشره من عشره ياقلبي تستاهلين الله يذكرس الشهاده بس
آخر تعديل حصيصة ام قصيصة
في 02:55 AM.
|
||||
|
|
|
13-08-2011, 02:58 AM
|
|
||||||||||||||||||||||||||||||||||||||
|
مشرفة سوالف حريم
|
يا هلا يا هلا حي الله دعوس السنعه اجل تترداين انتي واختس على الطبخ اقول تعالوا اطبخوا عندنا بس
سحوركم منتسب ليلي والا الصبح <-- سماجه تايم بعد علينا مصطلحات ننتسب والا ننكب ذاك اليوم اكلم مصريه بالتلفون قلت لها استوى الرز بروح انكبه على اساس لو قلت بأنتسبه مهيب فاهمه, قالت يا خراشي انتي بتعملي الروز وتنكبيه ليه !! فهمتها بأكبه الظاهر
أنا مثلتس سماء  دعوس يعطيتس العافيه على هاليوم الجميل لو يصلح اقيمتس اكيد بأعطيتس العشره (قلب ) ومثبت ببروش زهير |
||||||||||||||||||||||||||||||||||||||
|
|
|
13-08-2011, 07:14 AM
|
|
||||
|
توه ساكن
|
يابخت اهل مكه بالحرم اليوم ان شاء الله رايحه اعتمر ..النصيحة اوجهها لي ولكم ، خلونا نحاول نختم القران اذا موب مرتين مرة ولاتفوتون صلاة التراويح ترا كلها كم اسبوع ويخلص الرمضان ثم نندم على ماراح ،، واتركوا المسلسلات اذا حريصين لهدرجة تراها تعاد بعد الرمضان اسسستغلوا رمضان بالعربي جزاك الله خير... تستاهلين ع النصيحه 10/10 |
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
