 |
 |
 |
 |
 |
 |
 |
 |
 |
|
||||||
| سوالف حريم كل مايختص بالمرأة (تمنع المشاركات الرجاليّة) |
 |
|
|
أدوات الموضوع |
14-08-2011, 04:37 AM
|
|
||||
|
أقدع قصابه
|
رمضان أنواراً ، يهدي إلى الإيمان .. ( مشاركة )
السلآم عليكم ورحمة الله وبركاته .. صباح الخير .. في البداية أحب أبارك لكم بـ إنتصاف شهر رمضان إلا كم يوم  والله يجعلنا من صوامه وقوامه يارب ..  < واضح اللي ماتعرف تكتبت مقدمات خخخخخخخخخخخخخخخخ الوكاد .. في البداية أمي بـ اليوم اللي قبله عطتني خبر قاتل وإنها بتروح مع أبوي لـ مكة وبـ يجلسون يوم .. هذا خلاني أنام بدري لأنها قايلتن لي صلحي فطورهم أنتي والخدامه بـ أصلح لك الشوربة والعصيرات لأني ماعرف أصلحهن والباقي أنتي صلحي لهم أي شيء وبـ أخلي أختك تجي تساعدك .. إبتدأ يومي الساعه 10 ونص الصباح .. جلست أدور بـ البيت أدور أحد صاحي مافيه مع إن الأصوات جداً جداً تفضخ الراس غرفة أختي نايمة مطره هي وبناتها ومشغلين فلم مصري ع اللاب توب والأغاني تردح بالبيت وإم بي سي 3 تقوم بـ الباقي رحت لـ غرف أخواني اللي فيهم أخيس طبع مايعرفون ينامون إلا وشي يشوفونه أو يصدح بـ البيت لقيت واحد يشوف التلفزيون  ورحت لغرفة الثاني لقيته نايم بـ الأرض وقدامه اللآب مشغل مسلسل نزلت أنظف الدور اللي تحت لأني أحب أنظف الصباح مافيه أحد يصير وأروق بعدها بـ نصف ساعه على 11 قامت الخدامة وقلت لها خليك أنتي بـ المطبخ نظفيه على سنع وأنا نظفت المجالس والصالة وبـ أرقى أكمل اللي فوق خلك بس على المطبخ وعساك تفلحين   وسألتها أمي صلحت الشوربة والعصيرات قالت لا ؟ قلت طيب جابوا أغراض عشان فطور ..؟ قالت لا وطنقرت خخخخخخخخخ..  رقيت وغسلت الصالة اللي فوق لأن أخوي مكبكب ميراندا والأرض ماتنشاف من النمل أذن الظهر وصليت جلست تقريباً أنظف إلى الساعه 1 ونص .. بعدها دخلت المنتدى أدور لي شيء أطبخه لـ أخواني .. بعدها جلست أقرا لي شوي قرآن على 2 ونص صحت بنت أختي الكبيرة من بدا رمضان تناوب هي وأخوها عندنا  أنسدحت أرتاح وهي تشوف التلفزيون ألين أذن العصر صليت وقلت لمطره أنتبهي ترى بطلع لا جيت أفتحوا لي الباب ترى مامعي مفتاح .. هزت لي راسها وقالت دقي علي لا جيتي وأفتح .. وألبس عباتي وأمشي ع رجولي لـ العثيم لأنه قريب مره مننا ومعاي بنت أختي .. أول مادخلنا بوابة السوبر ماركت طاح الآي بود حقها وإنكسر وأنا أمني نفسي بـ يوم جداً جداً رائع  الموهم جلست أشتري الأغراض اللي أبيها وأطالع بـ الخلق لأن مافيه أظاهر حرمه إلا أنا ووحده ثانية رجعت للبيت والشمس فاضختن راسي وأدق على مطره وأنا بالطريق عشان تفتح لي ولا ترد .. وطول الطريق وأنا للبيت أدق عليها وعلى أخواني 3 وعلى خط البيت ماحد يرد .. جلست عند باب الشارع أنا وبنت أختي كننا شحاذات ساعه إلا ربع طبعاً لعنت وشتمت وجلست أصيح وخرب صيامي لـ عشرين سنه قدام هههههههههههههههههههههههههه ألين رد أخوي علي وأسبق كلامي بـ عشرين مسبه وثلاث لعنات وأقول أنزل أفتح لي لا أقلب هاليوم عليكم جد دخلت البيت وقلت لبنت أختي ترى لو تبين تفطرين أفطري عادي لأن البنيّه وجهها غادي طماطه وناظرت أخوي وقلت له يروح للوطنية ويجيب لي دجاج قالي لا قلت موهوب على كيفك وبتروح لا قسم بالله أسوي عاد فيكم مصيبة الموهم تهاوشنا وراح طبعاً كلمتني أختي الكبيرة وقالت تعالوا عندي للفطور قلت لا أمي قايله لي أفطر أخواني .. قالت ماعلي منكم وتعالوا بس مانيب أشاورك وش بتصلحين بس عشان ماصلح مثله قلت لها بصلح حلى وصينية شاورما وكرات بطاطس .. قالت أوكي خلاص ولاتنسين بوكك بنطلع السوق وجيبي سمبوسه دحوم < ماحد بالعايلة ياكل سمبوسة إلا هو ومسبب لنا أزمه مع هالسمبوسة جتني الخدامه وقالت من اللي يرن الجرس ؟ قلت أنا قالت أنا جالسة أتروش وأسمع جرس بس مافيه إفتح .. ناظرتها بنص عين وقلت ياحظي فيك بس .. الموهم جلست أطبخ إلين جت الساعه 6 وينزل أخوي ويقول عجلي بسرعه ماعاد إلا خير .. ومير أطنقر زود على طنقرتي وأخلص شغلي سريع سريع وباقي بس تحمير الصياني لأني مصلحه صينية لنا وصينية أرسلتها للجيران وحنا بـ الطريق ومير يوقف أخوي على جنب ويقول لأخوي الثاني أنزل طبعاً أخوي اللي بالثانوي للحين مايسوق وللأسف ما أثق فيه لو ساق لأنه دلخ  وقاله أمسك كمل باقي الطريق ألين ناصل وأنا طول الطريق أتشهد  دخلنا بيت أختي وحطينا أغراض الفطور وأفطرنا ولله الحمد ومصلحتن أختي فيمتو بـ عمري وحياتي ماذقت مثله من قوة براده اللي بـ الدماغ  خلصنا فطور وصلينا وجلسنا نضف السفره ونحط الباقي ونصلح السمبوسة لأن أخوي راعي السمبوسة ما أفطر معنا ..  جلست أناظر أم خماس ونسولف وأتهاوش أنا وعيال أختي وخصوصا ولد أختي اللي زعل علي وبالنهاية صرت أنا وياه حلف ضد الباقين هههههههههههههههه  ألين جت الساعه 9 ونص وجابت أختي القهوه والباقي من الحلى لأننا حطيناه لرجاجيل أغلبه الحلى جداً مايع شكله لا تدققون هههههههه تقهوينا وقالت أختي ترى على عشر ونص بنطلع السوق طلعنا للقرعاوي وشريت فلاتات للجامعه  شريتها من بوديوم كانت بـ 800 وشوي أخذتها بـ 600 وشوي  لايفوتكم التخفيض   على وحده ونص رجعنا ماطولنا بالسوق .. قالنا رجل أختي تبون عشاء وتم الرفض الجماعي لـ الأمر ويطلع وجاب لنا معاه داري إننا ماحناب وجه مشوره هههههههههههههه جلسوا ياكلون البزران لأنه جايب رز وجريش والأشياء ذي وحنا جلسنا ناكل الباقي من صينية الشاورما وساندوتشات الفطور .. تسدحنا عقبها لأني جداً جداً جداً تعبانه بشكل لا يصدق وكل شوي أدق على أخوي ويقول أصبري أصبري .. ألين جت ثلاث ويدق علي ويقول يالله أطلعوا أنا عند الباب ورجعنا للبيت وأنتهى يومي وبس ياكثر قرقي خاتمة : قال رسول الله صلى الله عليه وسلم :
إن العبد إذا قام يصلي أتي بـ ذنوبه كلها فـ وضعت على رأسه وعاتقيه , فكلما ركع أو سجد تساقطت عنه .. 
آخر تعديل اخت اخو اخته
في 07:57 PM.
|
||||
|
|
14-08-2011, 04:58 AM
|
|
||||
|
مخرج تلفزيوني
|
 تصدقين وانا اقرا حسيتك تنافخين علي <--امششششش يالحساسه بعدين الكمخه اختس مالها بيت؟ وش مجلسها عندكم وراء ماتقضبينها الباب؟ <-ابليس  المهم قولي لامتس مبروووك العمره والله يتقبل منا ومنكم صالح الاعمال دوتس الـ 10 / 10
آخر تعديل مُخمَليـة
في 05:08 AM.
|
||||
|
|
|
14-08-2011, 05:17 AM
|
|
||||
|
تقوطر سنع ~
|
ياسنعه ياانتي انا ابدري وش تحسين لاقمتي الصبح بالرمضان ! صدق صدق والله وش تحسينالناس الحين تنام تبي النهار يمشي ، وانتي قايمه بهالقوايل تكرفين وبعدين وين مطره وش تحس يومها تهز رويسها تقول بفتح ثم تسحب عليتس والله لو اني منتس لااشيل البيت عليها دييييييني ودين لطعة الباب ،، الحين خمس دقايق مافتحوا اعلق لين يخرب الجرس شلون عاد لو هي ساعه الا ربع وبرمضان وتحت الشموس وااوك  يالله اهم شي مشى اليوم على خير ،، والله يرجع مامتك وباباتك بالسلامه هاتس الـ 10
|
||||
|
|
|
14-08-2011, 06:24 AM
|
|
||||||||||||||||||||||||||||||||||||||
|
أجنحة الدهشه
|
مثل نظامي دحوم ههههههههههههههههههههههههههههههههههه بعدين وين تشتغلين وانتي على صفه الاسك مي 24 ساعه
عليه الصلاة والسلام من افضل النصايح الي مرت في المواضيع 10-10 عشان دحوم والنصيحه |
||||||||||||||||||||||||||||||||||||||
|
|
|
14-08-2011, 07:14 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
أقدع قصابه
|
غيروا العنوان وحطوا أنواراً ههههههههههههههههههه مخ مخ ..
تدرين وش اللي رافع ضغطي وفاقع مرارتي ومسبب لي شيء مدري وشو إن أمي جايبتها عشان تقوم فيني أنا وأخواني والنهاية أنا اللي قمت فيها اللهم آمين يآرب .. ولاتقطعين ياجميلة < كانت كاتبه ياعنز وقالت مايصلح أسب وأنا صايمة سووكرة .. الله يسلمك يارب ويجزاك الجنه على العشره داعسه ..
موهوب كل يوم ذا ترى لا تنبسيطن هههههههههههههههههههههه بس إني حاستن بـ المسؤولية يوم راحت أمي وتحمست بـ زود.. + أنا وحدتن أزمل وكلش بالدنيا عشان كذا صاحيه من بدري عشان أدبر لـ اللي عندي شي يعضونه على الفطور تسني حاستن ماورآي وحدتن تبرد التسبد من أختي للخدامه كل وحدتن تقول أنا ألعن غفوة ..
ياحظ رجلك ياختي تستهبلين بعدين أنتي .. أنا وحدتن لا ضاق صدري أكثر شيء يوسع صدري صرف الفلوس خخخخخخخخخخ يعني ترى السوق عندي متعة لأني أجلس أصرف لو ما أشري لعمري وأشري لناس أهم شي أصرف زهره .. ورى ماثبتيه بـ شباصتس لازم أسجل ..
يعافيك يآرب
صوره مع التحية لـ أمي اللي مازالت تعتبرني أرفل كائن مر على وجه الكرة الأرضية وشخصية لا يعتمد عليها بـ أي شيء مراد ..
تقوله صادز ؟؟ إلا الله يتقبل صيامهم على اللي سووه فيني .. قسم بالله للحين في قلبي الحركة اللي سووها أجل سااااااااعه إلا ربع بـ قوايل الرياض مخليني عند الباب تسني شحاذة .. يارجال لو أحلف أستغفر الله إن أطلق يوم من دخل رمضان أجر لي هاليوم من قوة التعب والمشقة اللي صارت لي
الله يعين حريمكم مدري شلون تحبون هـ السمبوسة وبعدين بلآ هلس لي كم يوم مارديت بـ الأسك + العصر ذا مانيب أدخل نت بـ الأيام العاديه خامدة واليوم ذا قمت أطبخ لـ الخلق اللي عندي بئا تسذا ..
لا والله من بدأ الشهر ماتهاوشت ولا سبيت ولا صحت إلا هـ اليوم لأني جد حسيتني إني كائن مضطهد يعني تخيلي مخلينك ساعه إلا ربع بـ الشارع وعقبها يجيك واحد يتميصل يقول مانيب جايب أغراض روحي أنتي ماتعصبين ؟ قسسسسم حسيت إني أحب أمي مررررررره وإن أي أم إمرأة حديدية على صبرها
اللهم آمين وأؤمن إن ربي سميع بصير وشايفن وش مسوين فيني أجل كل واحد في جواله فوق عشر مكالمات وأنا اللي أخذ الذنوب
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
14-08-2011, 03:22 PM
|
|
||||
|
عيـّاره
|
.. بادي من قبل رمضان وسوو تخفيض اضافي يوم بدا رمضانعشان تجي الدفعه الجديده  وبعدين وش ذا اليوم جتني الغلقه كله صياح ونياح جرحتي صيامك إلين قال ياحيلاه هههههههههههههههههههههه بس الله يجزاك خير .. قمتي بالواجب عن اميمتك الله لايخلينا ولا ياك وفطرتي صيام جعلها تشهد لك عند الله ولكن .. الصيام تهذيب للنفس والصبر على شتى انواع حومه الكبد ،، ولاطبقتي هالنظام يومتس تلاعنين  لذلك 8-10
|
||||
|
|
|
14-08-2011, 08:10 PM
|
|
|||||||||||||||||||||||||||||||||||||||||||||||||||||||||
|
مشرفة سوالف حريم
|
هههههههههههههههههههههههههههههههههههههههههه سماء هذا حنا نصوم نصوم همن نحوق آخر اليوم بهواش الله يتوب علينا ويتقبل منا بس تهقين الجو الحار لاعبن فينا <-- لو انكم عمال نظافه بالشوارع
ومطره وش مهنتها بالحياة ذاك اليوم اسولف معها تقول بروح أقعد عند سماء امي بتروح مكه باعاونها بالفطور هالتسذوب أثرها نايمه ؟!
بالله ما ذاب دماغتس وأنتي تحترين مطره جعلها المنيب قايله 
مثل الفيمتو حقي <-- اللي خبرتس متلطمه ههههههههههههههه توني شاربه فيمتو مدري من مصلحه ماش ما جاز لي حار وخفيف شهيتيني الله يصلحتس ماشاء الله يومتس زين هديه رضيه لولا الصياح اللي صار عقب ما جيتي من العثيم والهواش والا كان يومتس وش زينه نظفتي وطبختي وقريتي قرآن ورحتي للسوق .. وترى جازت لي الفلات آخر وحده ناعمه ماشاء الله تهرينهم بالعافيه يارب وتستاهلين 1000 بس مهب محسوب تصويتي ويعطيتس ألف عافيه سماء -قلب-
|
|||||||||||||||||||||||||||||||||||||||||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
