 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
16-08-2011, 09:06 AM
|
|
||||
|
تقوطر سنع~
|
مقلوبة الشاورما - أفاطم × نو كنترول - مشاركين
بسم الله الرحمن الرحيم ورمضان كريم بعد الزحمة  ..للأمانه ماخطر ببالي من سنة تسجيلي اني بتسنع وبنزل موضوع بالمطبخ كان حلم وصار حقيقه  ..اخترت الطبخه تكون "ساندويتشات شاورما الهنوف" الي حسنت صورتي عند أهلي وطلع فيني رجا و تطلب مني واجد بعد ماكنت اطبخ وما ياكله إلا انا  ..- ميزتها الخبز لين والحشوة لزيزة أوي ... الخبز : 3 كاس طحين 1 ونص ملعقة كبيرة سكر رشة ملح نص بيالة زيت وبيضه وملعقة كبيرة خميرة تذوب في كوب موية دافيه ونعجن بقوة وخلال العجن راح يطلع مؤشر , دليل على أن الخبز تمام وهو :بروز العضلات +منهدن حيلتس +تتغير المشية إلى مشية الغوريلا" تسحبين يدينتس بالأرض"  < ؟! ونضيف موية لين تتماسك ونتركها تخمر 10-15دقيقه .. ولين الخبز يضبط نسنع تتبيلة الجاج: - صحن صدور دجاج مقطع شرايح رفيعه - علبة زبادي - فلفل اسود - عصير ليمونة -شوي كمون مطحون + كزبرة مطحونه نغطيه وندخله الثلاجه عـ بال مانخلص الخبز..  ونرجع للخبز : نكور العجينه 12كورة=12 ساندويتشه , وهاذي انا خلال التكوير منيب يمكم, الصورة كانت عفوية  .. بعد التكوير نفردها ونخليها رقيقه مره ولاننسى الاطراف عشان ماتعجن , نجيب صاج التيفال"حق المراصيع" وندهنه بمسحة زيت ونحميه على نار عاليه الخبزة قبل مانحطها على الصاج ننفخ الطحين الي عليها عشان مايحرق ونوطي النار, واذا طلعت نفيخات نفقعها ..هالصورة نفسها الي تكور بس بعد الفرد كبرت ومرت السنين <اللهم اني صائم !.. * صورالحريم مب ملطوشة -من تصويري - ونحط الخبز في حافظة ونسكرها زين عشان ماتيبس وتشبص ونكمل الباقي ..  , نرجع لتتبيلة الجاج : نحمس البصل مع 2 ثوم ونضيف الدجاج ونص ماجي نخليه على نار هاديه لين ماتنشف مويته , نعدل الملح لو احتاج ,ونتركه يبرد ,نضيف ملعقتين طحينه ونقلبه زين..  للتقديم : ندهن الخبزة بـ مايونيز بعدين شرايح جبن خس مفروم الدجاج بطاطس مقلي مخلل خيار ونلفها بهالشكل , وتقدرين تقصينها من النص ..  وصحتين وعافية  ..برايفت حكاية : "حكم ضميرك قبل ماتحكم علينا "مانبي خمسه  والمايك لفطوم الي ماقصرت +المقلوبة
آخر تعديل No Control
في 02:17 PM.
|
||||
|
16-08-2011, 09:09 AM
|
|
||||
|
تقوطر سنع~
|
تسلم الأيادي يابعدي , مابغى ينزل هالموضوع , متعوقل من أول مابدينا فيه إلى لحظة نشرة. السلام عليكم حيّاكم الله , وياهلا ومسهلا بالجميع , والله يبارك بنوكنترول اللي خلتني أتلحلح وأنزل لو مشاركة وحدة في المطبخ. الطبق أختارته راعية الشاورما اللي فوق , أخذت الطبق اللي من اختيارها وخلت لي التطبيق  , وتشهوت على المقلوبة وحاست ولا لاقت غير مقلوبة C L I C K, ويمكن هذي أول مرة أحد يطبق لولد < الله يسامحك يانو كنترول عاد الصراحة المقلوبة كانت سهلة وتواجه والطعم خيااال. || المقادير || 2 صدور دجاج مقطع مكعبات بيذجان وبطاطس مقطع مكعبات ومقلي كاسين ونصف رز باب الهند منقوع بصل – ثوم – فلفل – حبحر - طماطم كركم – فلفل أسود – كمون – بزار - ملح - صلصة عودين قرفة ووكم حبة هيل وإكليل الجبل || الطريقة || نسلق الرز ومعاه الهيل والقرفة والحبحر , ثم نحمس البصل والثوم والفلفل بشوية زيت  بعدين نحط عليهم الدجاج ونقلب شوي.  نضيف البهارات والملح وأكليل الجبل (الروزماري) , لاتكثرون منه عشان مايبين طعمه حاد.  نضيف حوالي ملعقتين كبارصلصة ونصب حوالي كاسين ماء مغلي ونتركه يتسبك على نار متوسطة لمدة ربع ساعة.  أول مايقرب الرز يستوي نصفيه بمشخاله ونخليه على جنب.   نحط البطاطس والباذنجان على الدجاج ونقلبهم ونتركهم خمس دقايق على النار. ممكن نكمل في نفس القدر بس أنا أستخدمت صحون التيفال المستطيلة , نجيب الصحن ونصف فيه الطماطم.  بعدين نغرف فوقه من خلطة الدجاج والخضار.  بعدين نغرف الرز , ونضغطه بالملعقه ضغط خفيف ونقصدره وندخله الفرن في الرف السفلي لمدة ربع ساعة.  نطلعه من الفرن ونقلبه في الصحن عشان تكون مقلوبة قول وفعل.   أخيراً , نزين الطبق بالصنوبر واللوز الصنوبري والبصل المقلي (ترى أحسن طريقة أنكم تقلونه على نار هااادية في زيت غمير لمدة طويلة شوي, عشان تنشف المويه اللي فيه من دون مايحترق).   وبالهناء والعافية لكم
آخر تعديل أفاطـمُ !
في 09:38 AM.
|
||||
|
16-08-2011, 10:54 AM
|
|
||||
|
ملح المطبخ
|
ماشاء الله تبارك الرحمن بس من جدكم منزلين الموضوع ها الوقت  ليه طيب الموووضووع كله صووب وها الصوووره شي ثااااني .. ان شاء الله اني بصلح شورما لفطورنا الييوم عاد اربها تجي مثل حقتس  ذووووووووق مقلووووبه كشخه من جد تفتح النفس موضووعكم يهبل بس وقته شرير  انا اشووف الشعب يزايد يقول 5 و 6 فا انا بقول 10 مع الناااس هههههههههه كان فهمت غلط لا تذبوون سلكووو .. |
||||
|
16-08-2011, 11:42 AM
|
|
||||
|
مآمثلها أحد
|
الله الله وش ذا الزين كله
ماشاءالله تبآرك الله كمية سنع مو طبيعيه بهالموضوع كل طبق احلى من الثاني بالنسبه لشاورما الهنوف .. هي اللي معتمدتها ودايم اصلحها لأهلي بس ماعمري جربت خبزها .. اسويهابخبز التورتييلا وان شاءالله اجرب طريقة خبزها .. اشتهيتها زياده لما شفت صورك ابدعتي ياجميله وأفاطم . يالله كم اشتييييت هالمقلووووبه اول مره اشتهي مقلوبه من بعد صورتك الصوره تبكي من جد الله يحفظك يارب طريقة تقديم لايعلى عليها ومن الحين اضمن لكم الفوز دام في الموضوع ريحة رز كل الشعب اللي هنا يقدسون حاجه اسمها رز وابدعتوا ومثبت اكيد |
||||
|
16-08-2011, 03:12 PM
|
|
||||
|
خبرة iphone
|
شاورما ولا اطعم .. واضح الجهد المبذول والإخلاص في العمل هههه الخلاصة لك وتستاهلين 5 من 5 ولو فيه زود كان زدنا أفاطم مقلوبة قلبت الدنيا .. يعطيك العافية على الجهد المبذول والتصوير ممتاز 5 من 5 <<< الكبسة لها تأثير كبير ههههه فالكم التوفيق والفوز |
||||
|
16-08-2011, 03:29 PM
|
|
||||||||||||||||||||||||||||||||||||||
|
ذوق فني راقي
|
يجب تحديد فترة إنزال المواضيع، حيثُ تكون بعد الإفطار في شهر رمضان .. حتى السحور وبعد ذلك يتم إقفال القسم والله حسيت رآسي داخ من الطبقين كلها 
هههههههههههههههههههههههههههههههههههههههههههههههههه هههههههههههههههه
لازم يعني باذنجان <---- عدوي اللدود الله يعطيكم ألف عافية .. شغل جميل جداً ومرتب .. وشرح ولا أوضح .. لكم الـ 10 كاملة مكملة
|
||||||||||||||||||||||||||||||||||||||
|
16-08-2011, 05:21 PM
|
|
|||||||||||||||||||
|
عيـّاره
|
5/5 بس جربي تشلين الطحينة من الخلطة حطي مايونيز مع ثوم ورشة خردل في الأخيرلما تشلينها من على النار وماتنسين المخلل وشوفي كيف تطق أصبع لأكبر مطعم
أفاطم وأنا بعطيك 5/ 5عشان الباذنجان ليتك حطيتيه أكثر من الرز لأنه ملك الخضار والسفرة بعد
|
|||||||||||||||||||
|
16-08-2011, 06:25 PM
|
|
||||
|
تقوطر سنع ~
|
وش هالزيين ماشاءالله من الشاورما للمقلوبة كلهن خيال تبارك الرحمن نو كنترول ياحبيلتس تعجنين هههههههههههههههه ، يختي كلشن اسويه الا العجن مااقواه  تستاهلوووون الـ 10 وبجداره ، صراحه هالفعاليه طلعت لنا مبدعيين من قلب .. يعطيكم العافيه بنات - ورده - |
||||
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
|
|
|
|
