 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
17-08-2011, 02:21 AM
|
|
||||
|
المتحدث الرسمي للمطبخ
|
|| مطاول الليل .. الضيف التاسع في فعالية عزوبي في المطبخ ||
السلام عليكم ورحمة الله وبركاته اخبآركم وشحالكم .. عسآكم طيبين  << وش عنده صاير اخلاق اليوم نكمل معاكم سلسة مقابلاتنا مع هالعزابيه اللي شكل رمضان بيخلص وهالمقابلات ماخلصت  اليوم ضيفنا مايبعد كثير بأجوبته عن طف الليت ووخر لكنه اكيد اهون ..بس هالضيف بدال مايجاوب مثل الخلق قاعدن يشرشحنا على هالاجوبه  المهم مالكم بالطويله مانبي نكسب فيه آثام واحنا برمضان ضيفنا اليوم ...... مطاول الليل 1/ حيّ الله أخونا العزابي الله يحييك ويبقيك يارب 2/مطبخ المساطيل وده يتعرف عليك وياخذ جوله بمطبخك ويسألك بعض الاسئله << من قدك طيب ميخالف موافق تفضلّوا حياّكم .. بس حلوة جولة بمطبخك والله لو إني اسامة السيد خخخخ3/أول حاجه وقبل أي سؤال نبي صوره لمطبخك الحين الحين .. يعني الحين تقوم تصوره .. وعادي صوره مثل ماهو مايحتاج تشيل هم الترتيب وتتعب عمرك .. ونبي كم صوره إذا ماعليك كلافه صراحة هاالشطحة مدري وش تبي ؟!!!! وش اللّي صوّر لنا مطبخكم ؟! لهاالدّرجة يعني ياسوكرة متشفقّة تشوفين صور مطبخ ؟! ماأعتقد تصويري لمطبخنا بيضيف شئ جديد للاعضاء !! معقولة يعني ماعمرهم شافوا صور دوالايب مطبخ ومواعين وقدور وصحون ؟!خلاص يابنت الحلال إذا مصرّة تشوفين مطبخنا تخيلّي شكل دواليب مطبخ اي ناس ثانين وإعتبريه مطبخنا وفكينّا من لقافتس ذي بس وعطينا السؤال اللّي بعده ولا يكثر تكفين 4/ كيف الحال .. ؟؟ وكيف حياة العزوبيه معاك ؟ << بدري اللهم طوّلك ياروح العزوبية مش بطاّلة كوّيسة بنقزّرها إن شاء الله لين نلقى لنا بنت الحلال اللّي تتحملّنا خخخخ5/وش آخر شي بلعته ؟؟ << بدا عرق اللقافه يشتغل ههههههههه لا والله عرق لقافتس ياسوكرة مشتغل من قبل هاالسؤال أبشرّك راجعي سؤالك يوم تطلبين صور مطبخنا ياالمليقيفة وتدرين خخخخ آخر شئ أكلتة شاورما وعصير طبقات من مطعم ماما نورة  6/ كيف نظامك برمضان ؟ ( وجبة الفطور والسحور) .. وكيف تدبر امورك ومن اللي يطبخ؟ اواصل لين الفجر ثمنّ اتسحرّ واصلي الفجر واهبدها نومة واللّي يطبخ لنا جيراننا هههههههههههههههههه لا جعنا أنا وأخواني وخواتي يروح واحد مننّا لجيراننا ويقول لهم عطونا طباخنا ترانا جعنا انتي الله يهديك بعد ياسوكرة عليك أسألة مدري وش تبي صراحة خخخخ يعني من يبي يطبخ لنا فطورنا وسحورنا باالله عليك ..!! أكيد أمي وخواتي هنّ اللّي بيطبخن لنا الله يخلّيهن لي إن شاء الله 8/ أكله مفضله عندك ( تقدرها وتحبها .. اتمنى ماتجيبون طاري الكبسه << وش دخلك ) .. ومشروبك المفضل ؟؟انا كنت زمان اقدّر شئ أسمه مكرونة باالبشملا بس من تالي حسيّت ان الطبخة ذي دسمة بزود  وانا منب احب الاكلات اللي تجي دسمة بنوب بنوب .. فأتخذت قراري الابدي لااااا للبشملا لو حتى اموت من الجوع لااا ثم لاااا للبشملا ..!!9/ وش اكثر تحب الحلويات ولا الموالح ؟؟ والله كلّ وحده من هالشئين له جوّه ووقتة يعني الحلويات احبها باالايام العادية بعد المغرب مع القهوة والموالح احبها مع الشاهي لاصرت اتابع مباراة او شئ باالتلفزيون خاصة فصفص باجة حب ازلي انا وإياّه هاالفصفص 10/ هل انت سعودي تقّدر الكبسه ؟؟ او ممكن تستغني عنها وتتكيف بدونها ؟ لا أنا سيرلانكي ههههه اوّما هل انت سعودي !! لا جدّ سوكره إيه انا سعودي أبشرّك ومااقول لك مااحب الكبسة بس احب التنوّيع وبصراحة لاسافرت خارج المملكة أشتاق للكبسة كثير كثير باالعربي للكبسة خرمة مهما كان 11/ وش تعني لك الاشياء التاليه الصامولي ابو صامولي يفكّ أزمة جوع وياما فزع معي بلحظات عصيبة ياحبي لة بس الجبن السايل نفس الكلام اللي قلتة عن الصامولي اقوله عن الجبن ..ابو سايل له وقفات مشرّفة معي ولن أنساها ماحييت الاندومي لا عاد مهب لهاالدّرجة ياسوكره ويييييييييييين شغالة لاسمح الله خخخخ ماعمري أكلتة.. وأنا وياّه ماحنّا اصحاب ابشرك ..البيض احبة خاصة اذا صار فية تفننّ بطريقة طبخة .. التونه تذّكرني بمرحلة الطفولة وايام زمان قبل مايخترعون البشرية الجبن السايل والصامولي كانت ملاذنا الوحيد بس الحين راحت علية خلاص  الكبسه لها خرمة مهيب صاحية زي ماقلت لك .. بس التنوّيع زين ..وبعدين تراها تسمنّ فلا تكثرّون منها يا سعوديااا عريبااا يامال الصلاح المكرونه كانت معشوقة الجماهير لي منوّل  بس الحين اقول لها خلاص لاترجع ترى القلب ناسيك خخخخ قصدي ترى البطن ناسيك الضب وت هبن ؟! لا والله ماعمري أكلته بحياتي أبد .. بس ماأخفيك راكضت وراه باالبرّاري والقفار كثير مهب عشان آكله لا ..!! عباطة وتسلّي فقط لا غير !! هو والجربوع ياما سوّينا افلام وحنّا نطاردهنّ باالبر لكن باالاخير مانأكلهن !! فيس حزين 12/ أفضل أكله شعبيه عندك ؟؟ الفطور احب الفول خاصة لاصار المطعم اللّي يسوّية يضبطة زيّ مطعم باالمدينة المنورة حق فول الله يذكره باالخير إن كاني منب واهم فهو بحارة النصرعلية طعم لذيذ مهب صاحي لين الحين طعمه احسّ فية بدماغي <<<< بدأ يبالغ عاد ههههههباالنسبة للغداء احب اكلة عند اهل الجنوب اسمها اعتقد حنيذ يطبخونها على حطب يسمونة مرخ او حاجة زي كذا لذيذة ذيك الطبخة بس للاسف قليل اللّي يطبخونها عندنا باالرياض .. العشاء المشويات حلوة خاصة بطلعات البر خخخخخ او صح تبون اكلة شعبية انتم الجريش احبة حيل بس وين عاد اللّي يضبطه لك ؟!الجريش سبحان الله هو الأكلة الوحيدة اللّي مهب اي واحد أو وحدة تضبط طبخة !! 13/ بما انك عزوبي ووحيد هل سبق واخترعت طبخه من مخك ؟لا لين الحين مابعد أخترعت بس أوعدك باالايام الجاّية احاول اخترع خخخخ يابنت الحلال حنّا لاقين وقت عشان نأكل عشان نلقى وقت نخترع فية وكيف كان الاختراع .. يستاهل عليه براءة الاختراع ولا تنومت بعدها بالمستشفى أي إختراع ..!! ولو ياسوكرة أشوفك عايشة جوّا مع هاالسؤال وماسكة خط وانتي تسألين فية لا الحمد لله ماعمري اخترعت شئ ولاعمري تنوّمت متسمم باالمستشفى .. هآآآه عساك إرتحتي بس هاالحين ههههه 14/ هل انت راعي طبخ ومطبخ وإلا فاست فود ؟ انا اموت بشي اسمة فاست فود خاصة لاصرت خارج المملكة احتاج لة كثير تخبرين ماله داعي الواحد يتوّهق لة بلحم خنزير لاسمح الله ثمنّ يندم عقبها ويقول ياليتني وعلى فكرة تراي مادريت إن الفاست فود إنه نوع من انواع الاكل إلاّ قبل فترة بسيطة بس ... منوّل كنت لاسمعت أحد يسولف فية أحسبة برنامج مكافحة فيروسات ههههههإذا انت راعي الطبخ والمطبخ .. متى تطبخ ..إذا طقك الجوع أو طبخ تسليه << وماظنتي انه تسليه هاالسؤال ذا كنّه بيت شعر قصيدة مهب سؤال خخخخ وبعدين ياسوكرة تراي ملاحظ إن ثلاث ارباع اسئلتك ذي تجاوبين عليها ثمنّ تطرحين السؤال علي !!  إلاّ ياسوكرة تعالي جاوبي بدالي أحسن خخخخ عموما الجواب اذا طقنّي الجوع ولا لافية احد باالبيت سوّيت لي سندوتشة شكشوكة واكلتها ... وبعدين وش تسليتة أنتي بعد !! بلاستيشن هي 15/ وش رايك بالزوج اللي يعاون زوجته بالمطبخ ويتهور ويغسل عنها المواعين او يطبخ وهل انت مع او ضد هالشي ؟ مهب عيب ان الزوج يعاون زوجتة باالعكس شئ كوّيس بس الزوجة عاد مهب تقعد تستحلي مساعدتة زوجها وتقعد كل شوّي وهي مدّخلّتة للمطبخ تبية يغسل المواعين..!! لاااا معليش إمعصي  يعني اشغولانة على حسب فضاوة الزوج ونفسيتّة ..16/ إذا اعرست مستقبلا ولو أن وجيهكم موب وجيه عرس .. وش تحب حرمتك تطبخ لك وتبدع لك هههههههههههه معليش أخت سوكرة ..!! أنتي هاالحين جاّية بتسوّين معي مقابلة وإلاّ بتهزّئيني وتذّبين على ..!! أحب حرمتي تطبخ لي أمممممم  تعالي أنتي وش هاالسؤال ؟! وش اللّي وش تحب حرمتك تطبخ لك ؟! طبيعي ابيها تطبخ لي كل شئ ينوّكل ولذيذ ... صراحة سؤالك ذا غريب ياسوكرة ..!! اللّي يشوفك على هاالسؤال يقول حرمتة بتقعد معه يومين بس بعدين بتضفّ خلاقينها وبتروح لأهلها خخخخ مدري عنك أنتي وسؤالك الشاطح ذا 17/ تجربه في المطبخ ماتنساها ؟ شوفي وأنا أخوك وعشان أصير معك صادق لإبعد حدّ ..المطبخ ذا منب أدخله كثير ومهوب هو أكبر هميّ عشان كل شوّي والثانية وأنا مبلبطنّ فية .. ..مبلبطن فية يعني جالس فية أو متكي فية باالنسبة لتجاربي مع المطبخ كلّها أليمة وحزاينية أذكر مرة زمان يوم كنت بزر كنت برمضان معيشّ أهلي جوّ إني صرت رجاّل كبير وأني بصوم رمضان هاالسنة وكانوا وقتها مسلّكين لي ومعطيني جوّي خخخخ ياحبي لهم مايبون يحطموّني ويقولون لا لا تصوم وتوّك صغير وكذا المهم ثاني يوم برمضان ذيك السنة اللّي قلت لاهلي تراي بصوم قمت الظهر من النوم طفشان وبنفس الوقت عطشان مرة وقعدت ادور باالبيت ادور ابي احد اسولف واتسلّي معة عشان أنسى العطش ذا اللّي من قمت من النوم وهو يشيلني فوق ويمسط بي باالارض لكن للاسف الشديد كل اهلي كانوا نايمين ولا احد حولي !! وقتها مااااش زهقت .. رحت للثلاجة على اساس بشوف وش فيها بس وبطلع خخخخ يوم فتحت الثلاجة والقى الفيمتو محطوط بجيك يوم لمستة واثره بااااارد وشكله لذيذ !!هههههه والله واتذّكر اني صايم واتعوّذ من ابليس واصك الثلاجة واطلع من المطبخ .. يوم طلعت من المطبخ ويجيني ابليس لعنة الله علية <<< الله عرفتة فيما بعد إن إبليس برمضان مفروض يكون مرّبط !! بس وش جابه لي بهااللحظة مدري صراحة !! وقال لي ابليس مهبول أنت !! أحد بقمة عطشه يشوف فيمتو لذيذ ولا يشربة !! المهم مع كثر وسوسة ابليس لي ذيك اللحظة قلت بروح ارتشف لي شرفة مآآآآرة صغيرة مآآآرة مآآآآرة .. واروح للمطبخ وامسك لك جيك الفيمتو ذاك واجغف والدي والدينة كل ابوه  وأنا طالع من المطبخ إلاّ هذي أمي الله يحفظها يارب توّها قايمة من النوم وداخلة المطبخ يوم شافتني قالت وهي متعجبة خويلدددد !! وش قاعد تسوّي باالمطبخ ؟! منتب صايم أنت ؟! قلت لها وانا اتنافض إلاّ صايم . .قالت أجل وش مطببّك بالمطبخ بهاالظهرّيات ؟! قلت لها وانا انواع الإرتباك هآآآآآه هآآآآآآآآآه إية إيه انا دخلت المطبخ بشوف وش بناكل باالليل لا جينا نفطر ..!! <<< واضح إن التصرّيفة ذي مهيب يمّ سالفة ولا تنبلّع اذكر إن أمي تبوست الله يحفظها وكنّها تقول بنفسها .. آهآآآآ تبي تشوف وش بناكل بالليل ..!! المشكلة من كماختي ومن زود الارتباك الفيمتو طابعنّ على براطمي تقل متبودر ههههههه مكشوف مكشوف يعني حتى الاعمى يدري إن مخرّبها بنهار رمضان وشارب فيمتو 18/ بما أنك عزوبي بنسألك كيف غسيل المواعين ؟؟ هههههههههههههههههههههههههههه والله ياعليك أسألة بعد سوكرة !! غسيل مواعين يعني !! زيّ مواعين الناس الثانين .. يعني وش تبين أقول لتس مثلاً ؟! إن أهلي يغسلون مواعينهم باالبانيو !! خخخخخ غسيل مواعين بصابون وماء بمغسلة المطبخ وبس ولا تقعدين تلّمحين إن أهلي يكرفوني بغسيل مواعين او هيك شئ تراي خابرتس إنجيّسة 19/ أول طبق في حياتك سويته .. وش كان وكم تعطي نسبة نجاحك فيه << حشى اختبار مو طبخاول طبق في حياتي سوّيتة بيض بعدين عاد توالت الطبخات الثانية باالكوم 20/ نبي صوره لفطورك +سحورك لاهنت  هذا فطورنا تاوه ولقيمات وسمبوسة ...الخ اللّي يشوفنا على هاالفطور يقول صايمين غصب أستغفر الله العظيم والله يديمها نعمة  وهذا صورة بانورامية لسحوري مع واحد من أخوياي بمطعم الرومانسية ملاحظين الصحن ..!! صايرّن عقب أكلنا تقل حادث هههههههههههه 21/ انت من النوع اللي يحب يتشرط في نوعية الاكل سواء بالغداء او العشاء على اهله وتعطي ارآئك وتتفلسف هذا مالح .. هذا حالي مررا << واضح ان صاحبة السؤال متعقده من هالنوعيه ولا عادي اللي يجي من الله حيّاه الله ؟؟ أكيد ابتشرّط ..أجل بآكل أي شئ تقل بقرة مسرّحينها بمرعى !! وبعدين وش فيها إذا أبديت ملاحظاتي على الطبخة ..؟!! باالعكس انا أشوف إن ابداء الراي باالطبخة شئ كويس لتفادي الاخطاء اللّتي وقعت باالطبخة باالمرات القادمة وبعدين ياسوكرة الله يرّجتس عبارة اللي يجي من الله حياه الله تنقال غالباً للي مرتة حامل مهب لواحد يحتري شئ يأكلة ركزّ بإختيار العبارات اللي يرضى لي عليتس ركزّي تراي ماني كل شوّي والثانية بقعد أعلّمك وش مفروض تقولين ووش مفروض ماتقولين 22/ شباااب كثير مايعترفون بطبخ البيت وأغلب اكلهم من المطاعم ... هل تعتبر نفسك منهم ؟؟ انا منهم للاسف الشديد بس باالنسبة لاكل المطاعم ماآكل من اي مطعم ..اختار مطعم علية زحمة كثير وأطبحّ عنده اية وانا أخوك منب ناقص تسمماّت وملعنة جدف بعد ..23/ وش هي المطاعم المفضله عندك بالطعم الحلو والنظافه قبل كل شي ؟؟ اكيد باالنظافة مايبيلها 1 + 1 ..وش الفائدة لاصار طعم الاكل لذيذ وباالاخير معلّقيني على مغذّي باالمستشفى وضاربيني ثلاث ابر عن التسممّ ..!! طبعاً كل هاالشئيين مطلوبة باالاكل النظافة والطعم الحلو وكل واحد منهما مكملّ للآخر ومن المطاعم الحلوة باالرياض ماما نورة شاورما وعصير طبعاً والرومانسية إذا إشتهيت كبسة وباالمنطقة الغربية البيك وباالشرقية القرية النجدية والسنبوك 24/وجباتك اليوميه تحرص ان تكون مع اصحابك او تنفرد فيها بلحالك ؟؟ << الله من سماجة هالسؤال .. اللي كتبته اكيد عندها حاله نفسيه خخخخخخ وش اللّي أنفرّد بها لحالي ..!! قطو لاسمح الله لا أكيد أني منب منفرد بها لحالي وبشوف لي مجموعة من أخوياي ينفردون معي هههههههههههههههه الله يرّجتس ياسوكرة تذّكرّت قصيدة المتسلقي بلهفة يوم يقول بإحد ابيات قصائدة يومك تزوجتي أبقفي لحالي 25/ طبخه معينه شفتها بالمساطيل وعجبتك .. نبي صورتها لاهنت ورابط الموضوع وإذا في طبخه طبقتها من مطبخ المساطيل بعد نبي رابط موضوعها هي مهب طبخة طبخة .. هي ان لم تخنّي الذاكر حلى كانت مسوّيته مشرفة الزوايا كون الله يذكرها باالخير يارب  بصراحة أعجبني ذاك الحلى بقوة لدرجة إنه من كثر ماجاز لي طوّلت باالرّد وأنا أوصف ذاك الحلى وماخلّيت شئ زين بهاالدنيا ماشبهتّه فية .. وأذكر يومها إني طالبت كون باالاشراف على المطبخ وتترك قسم الخواطر والشعر وباالنسبة لرابط الطبخة هذا هو ... http://msa6el.mbc.net/vb/tt84376.html وهذي صورة لكيكة كون الله يذكرها باالخير يارب . .  أسألكم باالله ياجماعة الربع والربعات عمركم شفتوا كيكة لذيذة زيّ كذا ؟! عشان ماتلومونني بس وتقولون مطاول يبالغ أو هيك شي 26/ آخر شي .. رآيك .. إنتقآداتك لمطبخ المسآطيل والمشرفات؟؟ بصراحة وبدون مجاملة والله بقولها لك اختي سوكره قسم المطبخ من اروع الاقسام باالحارة واحنا بصراحة محظوظين بالمشرفات فية من اول من تأسس هاالقسم لحدّ هااللحظة الله يذكر باالخير الأخت المميزة هند مسرورة بفستانها والمبدعة لسعة شقاوة وكسرة عود والجوكرة واخيراً المشرفتين الرائعتين كانه مب عاجبك و سوكرة هانم وباالاخير أتمنى أني كنت ضيف خفيف عليكم جميعاً يارب وباالتوفيق لحارة المساطيل والف شكر لكم ياقسم المطبخ ولكِ أنتي شخصياً ياسوكره وللاخت كانة مب عاجبك على هذه المقابلة الخفيفة اللطيفة وأبارك لكم جميعاً شهر رمضان المبارك والله يجعلنا من صوّامة وقوّامة يارب أخوكم / مطاول الليل شآكرين لك قبول هالاستضافه يامطاول وسعة صدرك << اي هين المايك لكم يالاعضاء
ذبوا وخذاو اكثر من راحتكم
آخر تعديل سوووكره هآنم ~
في 04:20 AM.
|
||||
|
|
17-08-2011, 06:38 AM
|
|
|||||||||||||||||||||||||||||||||||||||||||||||||||||||||
|
ملح المطبخ
|
الا بالله مطاول وش رايك تجيب الخيزرانه وجلد في سوكره الين تعض الارض خخخخخخخخخخخخخخ ولاسؤال ماتحلطمت عليه وانتقدته اعوذ بالله بدال ماترد تطفس سوكره اسمع هواشك وانا بالتوعيه جيت اشوف وش السالفه قلت يمكن سوكره كابة عليك قهوة والا ماء حار مادرت وهي في المطبخ
خخخخخخ اصبتني في مقتل شاورما ماما نوره في الراس مع كاس كوكتيل تدوخ  وبعدين شاورماهم اذا اكلها الواحد مايحس بتلبك معوي او ثقيله على المعده بالعكس مره خفيفه وهذي ميزتها
سعودي تهمه النظافه شئ يفوق التصور العقلي  الي اعرفه اهم شئ عندهم الطعم ولاشئ غيره<<<ولايهنون اخواني ويستثنى منهم الصغير شكله طالع على مطاول الليل
خالتي الكبيره اذا حضر جريشها كل الاطباق تستحي تصف جنبها والله يامطاول بزوجك شغالة خالتي المغربيه وبتصير خالتي تصلحه لك بحكم انك نسيبهم لان الشغالات الحين دخلوا بالنسب والله يامطاول استمتعت بردودك كلها تلقائيه واحسها نابعه من القلب مافيها مبالغه |
|||||||||||||||||||||||||||||||||||||||||||||||||||||||||
|
|
|
17-08-2011, 11:10 AM
|
|
||||
|
مشرفة الشاليهات
|
مايبي يورينا طوابير بيتهم ههههههههههههههههههههه صيام مقبول وذنب مغفور ان شاء الله الرومانسيه طالبين مندي ولا بشاوري اذا كان بشاوري ادلي برايك ههههههههههههههههههههه |
||||
|
|
|
17-08-2011, 03:58 PM
|
|
|||||||||||||||||||
|
من شيوخ الحارة
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه الله يغربل عدوينك يا أبو ليل غش يا مشرفين المطبخ قاعد يسرق إجاباتي ويجاوب هنا .. أجل آخر وجبة ماما نورة شاورما .. ورايح للرومانسيّة وتصوّر سحورك فيه .. يا أخوك تحاول تحتك أنت وإلا وش تبي بالضبط ..؟  ههههههههههههسبحان الله صحيح لا قيل القلوب عند بعضها يا أبو ليل .. .. لكن لا أستغرب هذا التقارب ما دام دمك أصفر يا لبى أنت والنصر وماما نورة والرومانسيّة وكل أبو شئ.أحوبك وربي يا أقدع شب بهالكون .. وألف شكر لك على هذه المتعة.تحيّاتي وتقديري |
|||||||||||||||||||
|
|
|
17-08-2011, 04:13 PM
|
|
||||
|
حده بسابيس بلدي
|
هههههههههههههههههههههههههههههههههههههههههه ياخي انت غاصبينك على الاستضافه احمد ربك في احد متذكرك للحين في الحاره ياخي انت المفروض تترجاهم ينزلون الاستضافه حقك كل 3 شهور مره عشان الاعضاء يتذكرونك يعني بالله في ادمي يجدعوونه مشرف في قسم الصندقه ياخي كانهم ناقلين مدرسمن الرياض ومعينينه مدير مدرسه في خرخير بس بصراحه من اطيب الاوادم في الحارهابو الليل واحد طيب وقلبه وسيع الله يحفظه وحبيب قلبي
|
||||
|
|
|
17-08-2011, 04:20 PM
|
|
|||||||||||||||||||
|
عيـّاره
|
وهي الاكله الوحيدة اللي تدخل في جوفك بكل انسيابيه وبدون مضغ قبل فترة اكلت جريش كنه جريش الاولييييين .. ريحته وطعمه وحمضوته ابد ابد هو هو قام شريط الذكريات يمر يوم اني بالقنازع اطامر وامي تجي تقول كلي والعبي هاااتوها جيبوووا لي هالسيلانيه وانا انحاش إلين تزقطني وتحجرني بين رجولها تزططنياه غصب جزا الوالدين الجنه ياربيه هالفعاليه تجيب التكه ياسوكره .. واحدن يقول اكلتي المفضله مراصيع وواحدن يقول جريش وش هالشيبان اللي حاطينهم لنا ههههههههههههه
آخر تعديل بخيته
في 04:23 PM.
|
|||||||||||||||||||
|
|
|
17-08-2011, 11:40 PM
|
|
|||||||||||||||||||
|
عيـّار
|
لا لا ترجعين فكيّنا من شرّتس بس  يعنبو إبليسك تسأليني السؤال وتجاوبين علية قبلي هههههههههههههه لا جدّ عاد والله إستمتعت بهاالحوار اللطيف ياسوكروووه وخلاص سامحتك إرجعي ردّي ميخالف إيه على فكرة والشكر موصول لرئيسة الاقسام شموخ المعالي ..نسيت أذكر إسمها وأخاف تزعل وتخرطم علينا هاالحين
آخر تعديل مطاول الليل
في 11:55 PM.
|
|||||||||||||||||||
|
|
|
18-08-2011, 12:02 AM
|
|
|||||||||||||||||||
|
عيـّار
|
بنفو
هههههههههههه لا مهب لهاالدّرجة عاد والله لاتقولينة يمكن لو مطوّلة سوكرة باالاسئلة شوّي بس كان قام البقس بيني وبينها بس أشوى إنتهى اللقاء قبل ماأجيب العيد وباالنسبة للكيكة أكيد كانت أليمة وأنصح البنات باالحارة ياخذون مقاديرها وماراح يندمون إن شاء الله |
|||||||||||||||||||
|
|
|
18-08-2011, 03:48 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
هههههههههههههههههههههههههههههههههاي كنت حطيت الاسئله بنفسك ضيف خفيف ظل سلمتم |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
| الكلمات الدلالية (Tags) |
| الفدزه يعني سقها،, وش يعني الفدزه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
