 |
 |
 |
 |
 |
 |
 |
 |
 |
|
||||||
| سوالف حريم كل مايختص بالمرأة (تمنع المشاركات الرجاليّة) |
 |
|
|
أدوات الموضوع |
20-08-2011, 05:14 AM
|
|
||||
|
ملح المطبخ
|
هٌم كافِرون ,, بأخلاقِ مٌسلمين -قلب- مشاركه
السلام عليكم ,,
بلا مقدمه بلا هم  اختي وابوي يسولفون عن الكوريين قبل سويعات وقال ابوي اييه والله انهم كاأخلاق اخلاق مسلمين بس كفار الله يهديهم <<معه كوريين كثير بالعمل وبلشت بعنوانكم وحطيت هذا الشئ ماعلينا .. أيامنا في رمضان عاديه مافيها اي شي يذكر يجي منها الايام الي نجتمع فيها مع اخوات امي -قلب-<<قولي خالاتي وبس  واليوم الي صورته لليوميات هو أحد جمعاتنا واظنه 6 رمضان ,, مسموح ترا اصور يوم مو نفس يومي بالفعاليه لحد يستبثر علي بداء يومي بالسحور ,, ماأسوي دايت بس شبعانه ولا ودي اتحسف اني ماتسحرت <<!!  , ,  , , بعدين أذن ورحت لسجادتي الله يجعل خاتمتي عليها ,, ثم جلست اقراء -قلب-  , , للاسف ماتهنيت بقرايتي امي نادتني انوم العيال (اخوي وعيال عمتي) رحت لهم ومهاوش وياهم ومناقر وفلان انطم وفلان كل تبن واخلصوا يالله فلان انت اكبرهم اكيد احسنهم <<ترييييييش <جلست اعيد هالاسطوانه 4 ايام  ,, وانا في خضم المعركه قلت اصورهم وابين لكم معاناتي ,, خليتهم يصفون ,,  , , بعدها هددتهم وطفيت النور وصرت اشقر عليهم كل شوي <<مدري من وين جت اشقر صورة للباب في الجوله التشقيريه , ,  , , وانا في امان الله في غرفتي فجأه اسمع صراخ ومدابج ,, رحت صطرتهم وفرقت شملهم وخليت كل واحد بغرفه صوره للحظة تفريق الشمل   , , رحت لاختي ولقيتها تقراء كتابها المفضل وجلست تسولف علي وتترجم لي الكلام بحكم اني مو مره بالانقلش ,, شفتوا الصوره ؟ نفس قطوتنا بس قطوتنا مو كدش كذا ,,  , , رجعت لغرفتي وجلست تقريباً نص ساعه وبعد ماتأكدت انهم ناموا رحت لاخواتي وكعادتهم اليوميه لازم كل صبحيه ينزلون عند القطاوه ,, القطاوه امي تقريبا من 8 شهور اصدرت قرار ان القطاوه مايدخلون جوا البيت و خلاص تصير حياتهم كلها بالحوش واذا جا الليل دخلناهم بغرفة بالحوش <<طبعاً اخواتي سوو مناحه وصياح وترجي انها ماتطردهم بس ياجبل مايهزك ريح  ,, وفي ليلة من الليالي السوداء نسو اخواتي يدخلون القطاوه في مكانهم ولهذا السبب حملت وحده منهم <<هالقصه كلها عشان تفهمون الاشياء الي بتشوفونها من وين جت  نزلت لاخواتي ولقيتهم بالحوش مع القطوات ,,  , , شفتوا ليه اقول ليله سوداء ؟ ههههه قسم اول ماولدت وانا متقرفه منهم واقول مايجلسون اذا فطمتهم على طول ع الشارع بس قسم حبيت هالاسود -قلب- هذي ام الصغار في لقطه روحانيه ياعمري انا اول اسمع بالاكتئاب الي بعد الولاده وماقد شفته بس شفته معها هههههههههه  , , هنا تمشي ومره معصبه صفقت عيالها ورجعت انبطحت (احسها تجسد الام الي حايمه تسبدها وتكافح) خخخ  , , هذي تحاول تمسك النبته ,, طبعاً لعبتهم المفضله  , , ويلوموني في حبك يالاسود دايم كذا يسوي حركات عبيطه غصب يخلي الواحد يحبه -قلب-  , , هنا نشب في لسانه ورقه ومنزعج منها  -قلب- , واخواته يمارسون هوايتهم المهبل رقوا فوق النخله طالعين على امهم فيهم عرق قرود  , , وهذي دلوعتنا -قلب- (محلقينها ومبسوطه لان فروها بعد الحلق قصير فتبردت ياحياة الشقا) طبعاً ماشاءالله مستلمه دور الخاله للصغار قسم اني ماأستهبل صرنا نسميها الخاله ههههههههه دايم اذا قعدوا الصغار يناوون وامهم مو حولهم تجي وتنبطح جنبهم ثم تشيلهم ومسويه حنينه هالدبه -قلب-  . . بعدها قلت خلاص بروح ,,رحت لغرفتي وجلست ع اللاب شوي ثم نمت  قمت متأخره  اول ماقمت صليت ثم صورت لكم الساعه خخخ  , , مافيه صورة للفطور قايمه متأخر وامي معصبه لو اجيب الكام ان تكسرها فوق راسي بعد الفطور على طول دخلت المطبخ وكملت شغل أمي -قلب- والشغاله خربت البيتزا تقول لي هزا كربان قلت ايه بركتس  صورت العشاء  , , , صحني ,, شوربة الفطور ماخذه حيز كبير فماأكلت كثير  , , طبعاً خلصنا عشاء وجلست اسولف مع أمي ثم قمنا نصلي ,, التراويح دايم بالبيت الا العشر الاواخر بالمسجد -قلب- بعدها جونا خالاتي وجلست اصلح السحور لنا وهو عباره عن اطباق كوريه 100 / 100 ..وكل المقادير شريتها من البقاله الكوريه -قلب- تقريباً بديت تصليح السحور 11 وخلصت منه الساعه 12 وشوي ,, وطبعاً ساعدوني البنات الله لايخليني منهم مع ان فيه وحده مطفوقه كبت البصل الاخضر ع الارض -قلب- وهذي صورة جويه ,, واضح اني حاطه الخضار حقت العشاء خخخ  , , هذا ملك المائده الكوريه (الكيمتشي) شريناه جاهز ,, بس مو حلو أبد الي صلحناه كان احلا بكثير أصلاً لعبوا علي انا واختي معطينا كيمتشي الفجل  , , وهذا دوكبوكي (كعك الارز المتبل) ,, أعجبهم مررررره   , , لقطه بالاعواد عاد خبره سنين وصرنا ناكل بها الرز <<يقولون كيف عرفت انها كذبه ؟ قال من كبرها  , , وهذا كعك السمك ,, الظاهر ماأعجب أحد خخخ  , , وهذا الي انجن عليه الكل -قلوووب الى بكره- الرامن الكوري ,, الي يشوفه بالقدر راح يحسبه اندومي بس ابدا مافيه مقااارنه  , , هذا شكله قبل مانصلحه الحبة بخمسة مو مثل الاندومي بريال <<واضح عرق الحضارم  , , واكلنا وشبعنا وضربت مخوخنا من الحراره كل شي حاااااار  جلسنا بعدها نسولف وبعدها بسويعه جبنا آيسكريم  , , يوم جت الساعه 4 الا شويات فضى البيت ورحت امشي بالحوش تسبدي فيها مر <<بعد هالاكل شويه مرّ  وتم إلتقاط صورة هذه الوريده وهو يأذن الفجر ويعلن عن بداء يوم جديد -قلب-  , , بالاخير الي بقوله ماأعتبره نصيحه ماهو الا حرص وتذكير بهالايام الكريمه يجي بعدها العيد والناس تفرح واستراحات وطلعات وكشتات وسعة صدر ,, فيه ناس غالين ,, تحت الارض الله يجعلهم من اهل الفردوس زوروهم وسلموا ,, أكيد كلكم عارفين انهم يحسون بالي يزورهم ويستأنسون بالزائر فلاتحرمونهم ,, مو شرط العيد حتى برمضان اليوم طويل يعني لحد يفهم اني اخصص يوم لزيارتهم قال رسول الله صلى الله عليه وسلم (ما من أحد مر بقبر أخيه المؤمن وكان يعرفه في الدنيا فسلم عليه إلاّعرفه ورد عليه).. , , أما احنا يابنات حواء ,, فدعوه طاهره من القلب ودام العيد قريب فعيديات مٌفرحه للاطفال الايتام وغيرهم من الاطفال الي بالمستشفى ولايحسون بطعم العيد بنيه عن أحبابكم المتوفين بيوصلهم العمل الصالح بإذن الرحمن , , للجميع  دمتم في حفظ الله , , |
||||
|
|
20-08-2011, 05:59 AM
|
|
||||
|
ملح المطبخ
|
,
, زهرة ,, الله يسلمك -قلب- ,, لاتسوينها قسم يوم سويت كذا قاموا يستهبلون وكل واحد يقول صوريني لحالي هههههه  ,, اذا بتسوينها لهم خليهم يرفعون رجل <<قديييمه امسكي -قلب-, , مراد ,, انا والقطوه يومنا واحد من اهل البيت هم <<لو تسمعني امي تنطلني بالشارع ايه زبادي وبرتقال ياأني اجرمت ببطني يوم جمعتهم تسلم ع العشره , , البدر ,, يعافيك ربي ,, التصوير بعض الصور كان ودي احطها بالاستوديو بس قلت مو من مقامهم صور بسيطه الشطه فيها بس ربع ,, تدقيقك ماأصاب وأكيد اقدر افرقهم وشكراً ع العشره |
||||
|
|
|
20-08-2011, 05:59 AM
|
|
||||
|
مجاهد إلكتروني
|
الا وش الاداه المستخدمه للتصوير ،،،،<<< الناس بجهه وانا بجهه ،،،  الا بالله رتيل،،، وشلون القطاوه عندكم بصراحه شي مقرف ،،  وحنا بالشارع اذ سمعنا صوتها ،،ماعد طلعنا ،،اجل لو بالبيت ،،كان صار علووم،، ،،، لا من جد لازم تقنعيني وشلون تتاقلمون عليها ،،،  طيب ماعرفتوا من ابو اللي حامل فيه ،، ،،، فالك العشره علي الفيلم الوثائقي....
|
||||
|
|
|
20-08-2011, 06:37 AM
|
|
||||
|
راعي محل
|
 بس الصدق انا وخالاتي اللي في البيت مانحبها ومعادينها لكن هالصغار الله يصلحهم مربينها في الحوش ويحامون عليها ولا حد يقدر يجيها والا يسوي بها شي <<ماكنك طولتيها ماشاء الله يومك حلو وخفيف وتستاهلين العشره عشانك طبختي السحور
|
||||
|
|
|
20-08-2011, 06:55 AM
|
|
|||||||||||||||||||
|
تقوطر سنع ~
|
+1  لين شفت اسمتس جنب العنوان اتأكد انه موضوع عليه الكلام ماشاءالله ، استمتع بقرايتها بدون مجامله ، من سحورك للعيال اللي فرقعتي شملهم ويوم نزلتي للقطاوه وفطوركم وسحوركم الثاني حق الكوريين ونصيحتك يعطيك الف عافيه ، وهاتس الـ 10 تستاهليها
|
|||||||||||||||||||
|
|
|
20-08-2011, 07:11 AM
|
|
||||
|
ملح المطبخ
|
رغم ان مروري قليل هنا ولكن استوقفتني تذكريك بالاموات رحمهم الله تعالى واسكنهم فسيح جناته
اللهم ابدلهم دارا خير من دارهم واهلا خير من اهلهم وجارا خير من جارهم وزوجا خير من زوجهم اللهم انس وحشتهم ووسع مدخلهم وانر عليهم في قبورهم وقهم من عذاب القبر وعذاب النار واجعل قبورهم روضة من رياض الجنه رحمك الله ياجدتي كانك البارحه فارقتي الدنيا يومك لطيف جدا وخاصة مافيه لارحت للسوق ولاتقضيت كأن العيد مانعرف متى الا اذا دخل رمضان رغم انه الحريص يتقضى قبل رمضان اما القطاوه مدري وشلون تحملونهم انا من كرهي لهم وسوستي بالنظافه كانت معنا بالكليه بنت عندها قطوه اذا سلمت عليها وانا مجبره اروح اقطع يديني بالصابون وبعدها المعقم من كرهي لهم الا بالله وين البقاله الكوريه فيه اختي خاطرها تاكل مثل اكلهم واشتهيت النودلز حقتهم كانها اندومي والا ذا كعك الارز بلمت عنده حسيته لذيذ وبقوه  >>>مطرح مايسري ييمري ولو انه تخرط ابو ابوه بس عاد من باب ماصكيناكم بعينتستاهلين 10 كامله |
||||
|
|
|
20-08-2011, 08:03 AM
|
|
||||
|
حضوره مُختلف
|
أما حركة الجدار يمدي اللي عندي يوقفوني ولا أوقفهم شياطين أعوذ بالله أما السفرة الكورية فشيء ربي يسلم يديك وإلا تعليق أبوك عن الكوارية فأنا معه في ذا الراي القطاوة كان عندنا بالحارة قطاوة شوارع ماغير مخليات بيتنا مزار لليوم اللي ذبح فيه أخوي واحد منهم ولا عاد شفناهن >> أبركها ساعة نصيحتك جت في محلها ربي يذكرك الشهادة التقييم 10 |
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
