السلام عليكم ورحمة الله وبركاته

إي بعد ماخلصنا من هالمقابلات ..
من زود حبنا لكم بنكون متوآصلين معاكم لنهاية الشهر
اليوم ضيفنا خفيف وأجوبته خفيفه مثله <<
ويعرف يطبخ مو مثل بعض الناس ماتدري وين ربي حاطها
ومو بس يعرف يطبخ كبسات مثل اي شاب سعودي ..
إلا بعد يعرف يسوي حلا

ضيفنا اليوم هو DDR

ونترككم مع المقابله


1/ ياهلا ياهلا بأخونا العزابي
هلا بيك زود
اي من حقكم ترحبون فينا بلاكم ناوينا

2/مطبخ المساطيل وده يتعرف عليك وياخذ جوله بمطبخك ويسألك بعضالاسئله << من قدك

اول مره احس العزابي كشخه وينعطى وجه ههههههههه
شفتوا هذي فايده من فوائد انك تكون عزوبي
الاضواء مسلطه عليك -->يمديكم بس على مسلطه

3/أول حاجه وقبل أي سؤال نبي صوره لمطبخك الحين الحين .. يعني الحين تقوم تصوره .. وعادي صوره مثل ماهو مايحتاج تشيل
هم الترتيب وتتعب عمرك .. ونبي كم صوره إذا ماعليك كلافه
.
.

هذي الصوره
يمديكم بس على اللقطه البانوراميه ههههههههههه --> يطق اصبع لحقين الاستديو
.
.

4/ كيف الحال .. ؟؟ وكيف حياة العزوبيه معاك ؟ << بدري
الحمدلله ماشي حالنا ندف بعض مره هي تدفيني ومره انا ادفها --> مريض

5/وش آخر شي بلعته ؟؟ << بدا عرق اللقافه يشتغل
لا ماهو لقافه بس من باب الشي بالشي يذكر --> وش تبي
أبد طال عمرك اكلت مكرونه

6/ كيف نظامك برمضان ؟ ( وجبة الفطور والسحور) .. وكيف تدبر امورك ومن اللي يطبخ؟
مابعد قررنا للحين جالسين نتهاوش وش نسوي هههههههههه
بس اكيد بيكون شي خفيف
يمكن لو رايق زينت لهم حلى مع انهم مايستاهلون --> قلب عليهم قليل خاتمه هههههه
السحور بيكون أكيد كبسه

7/ أكله مفضله عندك ( تقدرها وتحبها .. اتمنى ماتجيبون طاري الكبسه<< وشدخلك ) .. ومشروبك المفضل ؟؟

هالسؤال على الجرح --> طيب انتبه لايعورك سلكوا سماجه عزوبي هههههههههههه
أنا اقدر شي اسمه مكرونه بالباشميل
لو تقولين لي تودينا زحل وعطارد واسوي لك مكرونه بالباشميل
وديتكم هههههههههههه --> ماكنها قويه
ومشروبي الديو الله يخلي ذخر لي
.
.


8/ وش اكثر تحب الحلويات ولا الموالح ؟؟
الحلويات

9/ هل انت سعودي تقّدر الكبسه ؟؟ او ممكن تستغني عنها وتتكيف بدونها ؟
ماتفرق معي يعني على حسب
بس شي اساسي لا والله

10/ وش تعني لك الاشياء التاليه
الصامولي
الداخل فيه مفقود ههههه
الجبن السايل
شي جميل لاحياه بدونه
الاندومي
من زمان عنها شكرا انك ذكرتيني
البيض
أسهل شي يتسوى
التونه
تذكرني اني هلالي
الكبسه
غذاء للانسان --> أحلف ههههههه
المكرونه
بعد غذاء للانسان --> هذا اللي ودك ماتسألونه
الضب
عهدي فيه بالمتوسط

11/ أفضل أكله شعبيه عندك ؟؟
مافي شي محدد يعني مالي فيها

12/ بما انك عزوبي ووحيد هل سبق واخترعت طبخه من مخك ؟
وكيف كان الاختراع .. يستاهل عليه براءة الاختراع ولا تنومت بعدها بالمستشفى
الحاجه ام الاختراع
بس مابعد اخترعت شي هههههههههه
انا انسان مااحب اغامر بالاكل اكلي محدد -->توفير هههههههههههههههه
بس بعض الاحيان شكل الاكل يغري وغصب اجربه

13/ هل انت راعي طبخ ومطبخ وإلا فاست فود ؟
إذا انت راعي الطبخ والمطبخ .. متى تطبخ ..إذا طقك الجوع أو طبخ تسليه << وماظنتي انه تسليه

كلهم يعني على حسب المزاج
بس لي فتره ممبتعد عن الفاست فود
كرهت شي اسمه مطاعم 4 سنين
وحنى اكلنا كله مطاعم ملينا
انا انسان مزاجي بدرجه اولى
اذا كنت رايق طبخت واذا لا عاد ربك يحلها ههههههه

14/ وش رايك بالزوج اللي يعاون زوجته بالمطبخ ويغسل عنها المواعين اويتهور و يطبخ
وهل انت معاو ضد هالشي ؟
بالعكس معاه بس لايفلها واجد ثم ياكل تبن ههههههههههه
يعني مره مرتين ثلاث بالكثير بالشهر ولا بالسنه
ولاتدرون ياشباب اعرسوا على وحده تحب تطبخ
تنام وتصحى وهي بالمطبخ هههههههههههههههه
--> فيس يناظر كأنه موعاجبك

15/ إذا اعرست مستقبلا ولو أن وجيهكم موب وجيه عرس .. وش تحب حرمتك تطبخ لك وتبدع لك .. وهل بتكرفها من اول سنه
من اول ليله بكرفها متزوجها عشان نلعب مثلا ههههههههههههههه --> صرفوه ياجماعه هههههههههه
شوفي احب انها تعرف تسوي مكرونه بالباشميل وحلى
شفتي وش زيني مااكرفها وطلباتي بسيطه
واهم شي الحلى يكون كذا شي حلو
يجي كذا الشكولاته سايحه يوم تشوفينه من بعيد تجيك هستيريا هههههههههههههه --> هذا كله عشان يشرح وشلون يبي الحلى


16/ تجربه في المطبخ ماتنساها ؟ إذا لك تجارب

ماذكر شي والله

17/إذا ماعليك كلافه .. نبيك تصور لنا طبخه بسيطه من الطبخات اللي تسد جوعك بانصاص الليالي .. أي طبخه سواء اندومي .. صامولي جبن بيض .. أي طبخه ؟؟
مافي اكله معينه بس اغلب شي
لوزين كروسان ساده بريال و تسد الجوع



18/ بما أنك عزوبي بنسألك كيف غسيل المواعين ؟؟
مقسمينها بينا يعني كل يوم على احد
يعني مغلسنها مغسلينها



19/ أول طبق في حياتك سويته .. وش كان وكم تعطي نسبة نجاحك فيه << حشى اختبار مو طبخ

فيه اختيارات طيب
أول شي سويته الكبسه ههههههههههه
مدري والله كان منذو زمن بعيد
بس اكيد انها زينه



19/ نبي صوره لفطورك + سحورك لاهنت

طبعا فطورنا برمضان على حسب يختلف كل يوم
يوم وش زينة ويوم ماشي حاله ويوم بدون فطور
.
.


.
.

هذا كان فطورنا هذا اليوم طبعا كل شي من يدنا مسوينه
ماعاد السمبوسه جاهزه
.
.


.
.

هذا كان سحورنا طبعا سحورنا حنى نزينه
كل يوم ع واحد وصورتكم يوم انا مسويه
وعلى حسب بعض الأحيان كبسة بعض الأحيان مكرونه


20/ انت من النوع اللي يحب يتشرط في نوعية الاكل سواء بالغداء او العشاء على اهله وتعطيا رآئك وتتفلسف هذا مالح .. هذا حالي مررا << واضح ان صاحبة السؤال متعقده من هالنوعيه
ولا عادي اللي يجي من الله حيّاه الله ؟؟

كل الشعب بيحب كذا
والله بعض الاحيان اتشرط بس لازم واحد يبدي وجهة نظره بالاكل --> وش عنده الشيف ههههههههه

21/ شباااب كثير مايعترفون بطبخ البيت وأغلب اكلهم من المطاعم ... هل تعتبر نفسك منهم ؟؟
بالعكس يازين اكل البيت
اكل المطاعم مرض قسم بالله
اللي جرب العزوبيه يعرف كذا
فاللي عند امه يحاول يستغلها --> لاعاد تنصح تكفى

22/ وش هي المطاعم المفضله عندكبالطعم الحلو والنظافه قبل كل شي ؟؟
مافي مطعم محدد
بس اغلب المطاعم اللي نروح لها
حقت مشويات ولا مطاعم ابو هنود هههههههههه

23/وجباتك اليوميه تحرص ان تكون مع اصحابك او تنفرد فيها بلحالك؟؟ << الله من سماجة هالسؤال .. اللي كتبته اكيد عندها حاله نفسيه

والله على حسب المزاج بعض الاحيان الواحد ماله خلق فيجلس مع نفسه
وتلقينه يكيف معاها ويدخل جو --> من جد نفسيه هههههههههه

24/طبخه معينه ... ودك تتعلمها ؟؟

مكرونه بالباشميل

25/ طبخه معينه شفتها بالمساطيل وعجبتك .. نبي صورتها لاهنت ورابط الموضوع
وإذا في طبخه طبقتها من مطبخ المساطيل بعد نبي رابط موضوعها

ماشاء الله أكلكم كله يفتح النفس
بعض الاحيان أتجنب ادخل مطبخكم خوف اروح انتحر ههههههههههه
بس اغلب شي أكل كأنه مو عاجبك --> لا والله انه عاجبني هههههههههه
وأكل لسعه والحين اشوف أكل أوش بدت تدخل بالمنافسه --> مسابقه هي

26/ آخر شي .. رآيك .. إنتقآداتك لمطبخ المسآطيل والمشرفات؟؟ وهل تشوف ناقصه شي ؟؟


اي بعد هالتعب بناخذ راحتنا
أبد مافي الا انتقاد واحد اكتبوا براء لايدخل العزوبي الا اذا كان شبعان هههههههههه --> واضح متعقد من الوضع
ماشاء الله الله لايضركم ماخليتوا شي ننقده
كاملين والكامل الله
والله يوفقكم
وشكرا على الاستضافه وانكم عطيتونا وجه



^^^
وأخييراً طلع واحد منكم مقدر ان احنا معطينكم وجه

DDR .. شآكرين لك قبول هالاستضافه
وأجوبتك الخفيفه عالقلب <<


المايك لكم .. لتعليقاتكم وكل شي

وحيّ الله ددر

اقتباس: اول مره احس العزابي كشخه وينعطى وجه ههههههههه شفتوا هذي فايده من فوائد انك تكون عزوبي الاضواء مسلطه عليك -->يمديكم بس على مسلطه

ههههههههههههههههههههههه
ماادري ليه ولماذا انتم ماخذين مقلب بأنفسكم يالعزابيه

اقتباس: الحمدلله ماشي حالنا ندف بعض مره هي تدفيني ومره انا ادفها --> مريض

أهم شي ماتطيح لما تدفك هي >>

اقتباس: مابعد قررنا للحين جالسين نتهاوش وش نسوي هههههههههه بس اكيد بيكون شي خفيف يمكن لو رايق زينت لهم حلى مع انهم مايستاهلون --> قلب عليهم قليل خاتمه هههههه السحور بيكون أكيد كبسه

وانتم غير الكبسه تعرفون تصلحوون !!
احكي عن جد .. يعني مثلا تعرفون تصلحون اللازانيا أو المسقعه او التراميسيو

اقتباس: لو تقولين لي تودينا زحل وعطارد واسوي لك مكرونه بالباشميل وديتكم هههههههههههه --> ماكنها قويه

ههههههههههههههههههههههههه
لهالدرجه .. ياسااااااااااتر

اقتباس: 8/ وش اكثر تحب الحلويات ولا الموالح ؟؟ الحلويات

اقتباس: 9/ هل انت سعودي تقّدر الكبسه ؟؟ او ممكن تستغني عنها وتتكيف بدونها ؟ ماتفرق معي يعني على حسب بس شي اساسي لا والله

هههههههههههههههههههههههههههههههههههههههههههههه
هنا بصراحه تثبت لنا انك يوم تحل هالجواب بالذات كنت محشش

اقتباس: كلهم يعني على حسب المزاج بس لي فتره ممبتعد عن الفاست فود كرهت شي اسمه مطاعم 4 سنين وحنى اكلنا كله مطاعم ملينا انا انسان مزاجي بدرجه اولى اذا كنت رايق طبخت واذا لا عاد ربك يحلها ههههههه

كيف ربي يحلها ؟؟
هذي اللي بتكرهه بشي اسمه اسئله

اقتباس: 14/ وش رايك بالزوج اللي يعاون زوجته بالمطبخ ويغسل عنها المواعين اويتهور و يطبخ وهل انت معاو ضد هالشي ؟ بالعكس معاه بس لايفلها واجد ثم ياكل تبن ههههههههههه

في هذي بصراحه معك حق
وأول مره تقول شي صح وتمام << وش فيها ذي عليه

اقتباس: 18/ بما أنك عزوبي بنسألك كيف غسيل المواعين ؟؟ مقسمينها بينا يعني كل يوم على احد يعني مغلسنها مغسلينها

حلووو حلووو ماشاءالله
متعاونين

اقتباس: 21/ شباااب كثير مايعترفون بطبخ البيت وأغلب اكلهم من المطاعم ... هل تعتبر نفسك منهم ؟؟ بالعكس يازين اكل البيت اكل المطاعم مرض قسم بالله اللي جرب العزوبيه يعرف كذا فاللي عند امه يحاول يستغلها --> لاعاد تنصح تكفى

وانت الصادق وقسسم اكل المطاعم مرض وقرف
يكفي ان اللي يطبخ الاكل رجال





DDR

شآكرين لك قبول هالاستضافه واجوبتك اللي امتعتني بصراحه
يعطيك العآفيه ويوفقك ربي بالدآرين

إلا صح شو يعني اسمك ؟؟
.
.