 |
 |
 |
 |
 |
 |
 |
 |
 |
|
||||||
| مطبخ المساطيل طبخ ونفخ وطقطقة قدور ... ( فيذا مكان للعوايل والعزّاب ) |
 |
|
|
أدوات الموضوع |
26-08-2011, 01:35 AM
|
|
||||
|
ذوق فني راقي ( امحق )
|
نكهة & دعلج مطاريس لاتنتهي (مشاركين )
ادري والله العظيم اني صاير اكثر من الفريان في هالرمضان  بس وش اسوي حرورة البطن خلتني ادق خيمتي هنا وما اتعدى ابد قبل اسبوعين قررت انا ونكهة نطلع نغير جو ونفطر ونسوي عشانا وحلانا بنفسنا وش زودنا عن شووق ورتيل ولسعة وكأنه وروح وغفوة و هدوء و و و الخ المهم اني قمت ودقيت على حارس الاستراحة " ابو صالح " وقلت هج الباب وشغل المكيف جايينك الوكاد ان ذاك اليوم صادفت اني انا ونكهة ماتسحرنا وفينا جوعن يروع ومن الظهر واحنا نرسل لبعض رسايل جوال ونتخيل الاكلات ونقهر بعض ويوم ذكرني بمكرونته الاليمة اللي يضبطها الحمار غير شكل وانا اللي استسلم فوراً واضطريت ارد عليه القذيفة بقنبله ذرية واستعنت بصور من موضوع السماط وارسلتها MMS ومارحمته وقنبله ورى قنبله الين جاني مسج منه يمشي الف ويقول فيه اتوووب فكني الله يرحم والديك خذنا فطورنا جاهز وتوجهنا للاستراحة وكنت حاط السمبوسة في شجي اسوق واسولف معها كني مهبول ووصل فيني الجوع اني قلت لو احطها في باغة وادخلها في اثمي واعلكها وهي جوات الباغة ما اعتقد انه شيء يفطر لاني ماحسيت بطعم السمبوسه ومابلعت شيء << فيه اكثر من هالجوع تكفون !! هنا نشوف ولدي الصغير يستقبلنا بحفاوة ولسان حاله يقول تفضلوا وزي ماتشوفون لقيمات اميمتي المرصعة بالحبة السودا تتوسط المكان وتتسيده  وطبعاً بدون توصيلات كهرب وانوار لان التقليط بالحوش وماحولنا افياش عشان نولعهن ويمكن اغلبكم يستغرب وجود هالسراج الاحمر !! ووش دخله على السماط ! الحكاية اننا نبي نكثر من الالوان على السماط عشان يصير كيوت  حتى دعلج الكذبي حار بطن مثلي للمعلومية اللي على السمبوسة الشجر الاخضر مقطعينه من الارضية تحتنا عشان نجمل شكله ويتناسق مع الوان السماط  لقطه من قوقل ايرث الوكاد اننا بلعنا كل هاللي تشوفونه قدامكم بلع ومعد بقي الا صحون تلق فاضية وتمددنا كل واحد منسدح على جنبه من الشبعه وطالع شكلنا كننا اسدين توهم لاعبين في حمار وحشي ومصمصين ضلوعة وماكلين المخ بعد  هنا انجطل الاسدين اللي قلت لكم عنهم ونشوف رجل واحد من الاسود " نكهة " مركزة وتتابع بذمة طاش ماطاش لحالها والا انا ونكهة مغتثين ويالله ننفس ويوم انفتح مجرى التنفس شوي وخف زراق الكتمه اللي بوجيهنا صلح لنا ابو ديزل بريّق هالشويهي اللي طعمه في اثمي لحد الحين  المهم خمرنا عند التلفزيون وبرامجة الين صلينا العشاء وعقبها رجعت اصوات القطاوة لبطونا وبديت اجهز للعشاء  حبيت اوضح لكم شغله !! احنا ولله الحمد بالاستراحة عندنا اكتفاء ذاتي للخضروات والفواكة ونزرعها وننتجها بجميع انواعها وحتى الفواكة الشرقية مثل المانقيز والرامبوتان والاشياء اللي تبطون تعرفونها تنبت عندنا وزي ماتشوفون بالصورة وياليت الكل يذكر الله نشوف هالشجرة اللي انتاجها كوكتيل خضروات وتم قطف هالاصناف لتجهيز العشاء عشان يكون كل شيء فرررش والسنة الجاية ان شاء الله المتوقع تزود الانواع ويدخل من ضمن الانتاج الجزر والقرع والموز ونقول يا كريم  ونسيت لا اعلمكم ان هالشجرة تنتج الزيتون ومعلب بعد ولحد يجي بيسوي يحجر لي ويقول شف سعر البقالة على القوطي !! لاني ردي بيكون ان حقين البقالات يجون كل شهر ويسعرون بضاعتهم وهي توها ماقطفت عشان اسرع لهم للبيع << ياليت من يبيعك بعد انت  تم تقطيع الخضار وهي عبارة عن : بصل - طماط - فلفل بارد - كوسه - بطاطس - بادنجان  عقبها تم غسل الرز بالماء والصابون << الله من الوسواس بعد  عقبها تم تتبيل الدجاجة بخلطة ابو صالح السحرية حسب زعمة والمشكلة اني متابعة وش قاعد يحط وماشفت شيء زيادة عن بهارات مهران مع موية وشوي ملح مدري وين السحر بالموضوع بس الاهم عطيناه جوه الين تشقق وبغاء يتبل عمره بعد هو  وهذا فرن المندي وانطلق ابو صالح كنه سلوقي متروك على ارنب يوم قلنا له رح شبه و في الاخير اكتشفنا انه جوعان اكثر منا طبعاً هالفرن مو طبيعي وله ساعة تعلمك كم درجة الحرارة جوا واللي المفروض انك تطفي عنه اذا وصلت الحرارة 200 وياما نسينا نطفيه ووصل حول 300 وفكنا الله وبيجي يوم وتشوفون خبر بالمقلط وبالاخبار السعودية عن انفجار فرن في استراحة بالثمامة وقولوا ماقاله دعلج  حطينا قديرنا ودجيجتنا جوا ودخل وبوبز نكهة جوى معهن يقول بحرسهن صكوا علي عاد هالادمي ماتعرفون وشلون صار حار بطن في الفترة اللي راحت هالادمي استغلث ياجماعة والفك حقه مايوقف من المضغ لدرجة وهو نايم لازم يحط في اثمه علك عشان لاتتصافق ضروسة في بعض اجل فيه ادمي اذا مسك خط ياخذ معه كيس رز بخاري ويحطه جنب القير وياكل منه مثل الفصفص وعذرة انه يطير النوم  عقب مانزلنا نكهة من الفرن وصكيناه قلت اسوي مريقة خضار سريع سريع لان حسوفه انتاج الاستراحة ينكب في القمامة بعدها قطعت بصل وطماط وحمسته ثم اضفت معجون طماط وفلفل بارد وقلبتهم على النار الين صاروا بالشكل اللي تشوفونه الحين وبنفس الوقت كنت شاب على الخضار بقدر ثاني وسلقتهم الين صاروا نص استواء  عقب ما انسلقت الخضار قمت وكبيتهم على الكشنة وقلبتهم شوي ثم غطيتها وخليتها على النار ثلث ساعة ورحت اطلع رزنا  جهز عشانا ابشركم ومابي امدح شغلي بترك نكهة يعبر عن الطعم << شكلة بيطيح وجهي الكلب الزبدة ابي الطملات يشوفون قاع القدر وشلون نظيف ولا فية قرارة ولا خرابيط  وزي ماتشوفون الرز كيف نثري ولذيذ مررره << يمديكم على الترييش بالنفس الوكاد ان نكهة موقف وراي واشغلني كل شوي يقول نسمي نسمي اول لقمة خذها قبل احطه على السماط وجعله بالعافية على كريشته  بالله يمديكم ؟؟؟ قد شفتوا شيء زي كذا على الطبيعة ؟؟؟ بالله هالصورة ما استاهل افوز بها بشاعر المليون وسباق المشاهدين ومن سيربح المليون لله دري من طباخ طالعه الدجاجة كنها عجيز توها مكبرة للصلاة  اعتذر عن اللقطه الغير واضحة للشكل النهائي وبالهناء والعافية على قلوبنا ولاتفوتكم الجرة تحسون اننا عازمين ابو جهل على العشاء ويارب يكون الشغل اعجبكم واترككم مع طبق الحلى حق نكهة الديزل 7 7 7  الحلى : كيكه بالشوكلاته المقادير : قدامكم مالي خلق اكتب  الشكل النهائي وفي الاخير اشكر قسم المطبخ على كل مايقدمة لنا في هالشهر الفضيل من طبخات توجع قلوبنا وتجرح صيامنا ويارب يكون الموضوع خفيف وجميل مثل حلى نكهة فمان الله |
||||
|
|
26-08-2011, 01:42 AM
|
|
|||||||||||||||||||||||||||||||||||||||||||||||||||||||||
|
تقوطر سنع~
|
أبو صالح وش جنسيته يوم أنه يفهم قولة "هج الباب"؟ الله يذكر شغالة جدتي بالخير , يوم قالتلها جدتي "هجي الباب ودني لي يد النجر" راحت وردت ومعها طاسة ثلج حاكته من الفريزر !!
هههههههههههههههه أتوقع أغلب البنات فهموا شعورك هنا ووصلت لهم الصورة وهي تقدر تقول عنها معاناة تتكرر كل سنة قرب الإجازة الصيفية.
هههههههههههههههههه لا وبعد لونه أحمر الصدق جلستكم فعلاً كيوت .. طاولة حديقة وعليها مفرش زهور وكل شيء عليها مرتب. الظاهر من كثر ماتقدر النعمة يادعلج تلعب فيها قبل ماتاكلها , مثل القطو بالضبط المرق شكله أليييييم عشان الكشنة أكثر من الخضار. 10 لك يادعلج لأنك صورت الخطوات وشرحت لنا بذمة. وصفر لنكهة لأنه ماجاء يشرح لنا حلا المكرونة بالدجاج بنفسه. يعطيك العافية , موضوع يوسع الصدر ويصحي عصافير البطن لدرجة أني قريت الموضوع ورحت أكل بعدين رجعت أكتب ردي.
آخر تعديل أفاطـمُ !
في 09:22 PM.
|
|||||||||||||||||||||||||||||||||||||||||||||||||||||||||
|
|
|
26-08-2011, 02:32 AM
|
|
||||
|
ذوق فني راقي
|
الله يررررجك يادعلج .. خلك من الفطور والنصبة الأخيرة حقت الحلى .. تعال لهالصورة/ نعم نعم، إنها نخلة من بلاد الواق واق، تنتج كل شئ حتى الزيتون والعنب والفيمتو الله لايهينك يادعلج، ومكان جلستكم يرد الروح بصراحة خذ لك 10 عشان النصبة الأخيرة حقت الكيكة
آخر تعديل البدر
في 03:32 AM.
|
||||
|
|
|
26-08-2011, 02:46 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مسـيّر
|
ههههههههههه أحترم اللي يعزون ويقدرون السمبوسة 
حاطين على السمبوسة ثيّل  مين المجنون اللي طرت عليه هالفكرة تزرعون خضار في النخلة 
هذا أحسن شيء
ياعيني على النظافة تحتكون بهدوء ؟ 
ههههههههههههههههههههههههههه الله من العيارة في هالراس
عند هذي الكلمة إسمح لي أن أرفع لك قبعتي إحتراما بصراحة ما يتجرأ يقول مثل هالكلمة إلا شيف كبير 
منك لله من له خلق ياكل هالدجاجة بعد تشبيهك هذا 
ههههههههههههههههههههههههههه لا خلاص ماتحمل خبال أكثر من كذا
الحين وش دخل مقادير المكرونة في الحلى  وش أنتم متقهوين الله يصلحكم ؟؟  صورة الحلى مؤلمة حتى النخاع  مالي شغل ابي طريقته دبروني مشكورين على الموضوع الجميل وتستاهل يادعلج 5 من 5 على المندي الجميل كنت بأعطيك 6 من 5 لكن نقصتك واحد لأن رزكم حسيت إنه نص إستواء خخخخخخ منيب أحتك بأحد أبد ( أيقونة تتسذب ) نكهة يستاهل مليون من 5 تكفينا بس هالصورة نتأملها علشان نحس إن الدونيا لسا بخير وفي حلى يستاهل الواحد يسويه
آخر تعديل بنت عبدالوهاب
في 02:55 AM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
26-08-2011, 03:06 AM
|
|
||||
|
مصمم خطير
|
ههههههههههههههههههههههههههه يانصاب ياحرامي .. حطيت خضروات ومشيناها .. لكن زيتون ومعلب بعد هههههههههه .. وش هالنخل اللي ينتج معدن اثبتت الصورة بما لايجعل محلا ودكانا للشك وللشطرنج بأنها دليل سليم وصحي وحقيقي على نظرية الزيتون المعلب .. وقد قام مندل من قبره محتراً كثيراً من نكهة ودعلج نظراً لإكتشافهم جينات وراثية تمكنهم من انتاج الحديد والمعدن بطرق بيئية سليمة غير مضرة وذات قيمة اقتصادية رهيبة , وتفيد مصادر خاصة بأن هذا الخبر دليل على انفتاح في عالم جديد من التقنية بعد التتش والالواح والبلكاش والمسامير والآيابادات .. وقد يتوسع مجالهم في انتاج قطع غيار السيارات والفولاذ النباتي .وصوما مقبولا وافطارا شهيا وهنيئا .. عشان المعدن 9,99 من عشره وردتين ودجاجة معدنية
آخر تعديل دركسون
في 11:47 AM.
|
||||
|
|
|
26-08-2011, 03:49 AM
|
|
||||
|
charm of femininity
|
. متأكد ان ذا دعلج الكذبي مب نكهه الصدقي  خخخخخخخخاطالعها واقول : أحس فيه شي ناقص . أثره النعناع والبقدونس ياااااااوك .. خضار ورز ودجاج .. عز الطلب . ناقص بصل ابيض وتكمل والله العالم ان سحورنا الليله او بكرا بيكون كذا من زود الشهوه عاد عساها ماهيب شهوة جوع وتروح بس الحين انتو يوم طلعتوا الدجاج كان بالليل .. وهالصوره فيه شمس شلون :/ ؟ الحين ليه حاطين هالصوره تشهون اعضائنا واخرتها مافيه طريقه مثل الناس  ؟ماعليكم يا اعضائي يوم يومين واسويها لكم واحطها بالطريقه <- اجل الاعضاء اللي مشتهينها ؟. . دعلج وسعت صدرونا الله يوسع صدرك وتسلم يدك ع الشغل اللي يشهوي ، وهالومين بسوي مثل شغلكم وبتكي بحوشنا لأن ماعندنا استراحه ولا اخليها بنفسي قواك الله .
آخر تعديل كأنه مو عاجبك
في 04:34 AM.
|
||||
|
|
|
26-08-2011, 04:24 AM
|
|
||||
|
حسناء الغفر
|
فعلا الترييش مفعوله قوي للي من امثالي انا ونكهه وآخرون: ابد بس يبي لك تحجر له وتقوله وتعطيه من ذا الحكي لين ينتفش ويرز صدره ويرفع خشمه وبسسس لاصار شبيه الطاووس على آخر حده يعني اذا زدته انفجر خلاص إعرف انه صار خاتم فإصبعك لوتقوله اركب موترك حرر لنا فلسطين وانا بنتبه للمندي لين تجي دق سلف ومششا ومايرده الا غزه على فگره:: فرن المندي هذا ذكرني بطفولتي كان عندنا مثله في بيتنا وابوي يحب يطبخ ويبدع لنا فيه <<--رائحة عبق الماضي دعلج & نكهه يعطيكم العافيه ولانحرمنا منگم |
||||
|
|
|
| الذين يشاهدون محتوى الموضوع الآن : 3 ( الأعضاء 0 والزوار 3) | |
| أدوات الموضوع | |
|
|
|
|
